رواية حته مني
الحلقة 11 و 12 والثالث عشر الاخير
بقلم سهيله سعيد
الحلقة الحادية عشر
( يتصل كريم بجنى بعد اما جاب اخره مع التفكير )
جنى ... هااااي روحت لعمر ؟
كريم ... اه .. رحت لعمر
جنى ... كان عاوزك ليه ؟
( يسكت كريم .. عاوز يقول كلام كتير اوى بس خايف .. عنيه عماله تدمع )
جنى ... كريم .. فينك ؟؟
كريم ... معاكى 😫
جنى ... اومال مش بترد ليه ؟!!!
( كريم عمال يعيط ويكتم في صوته .. يقفل الموبايل فى وش جنى وينهار من العياط .. يرجع كريم لورا ينام ع الرمل ويحط ايده ع وشه ويعيط )
كريم ... يارررررب 😩
( تليفون كريم يرن .. جنى عمالة تتصل بيه مبيردش .. ماسك الموبايل وباصص لصورتها وهى بترن .. يقفل الموبايل ويفضل نايم باصص للسما )
جنى ... ليه بس قفلته ليه .. دايما غاوى يقلقنى
( جنى تلبس هدومها وتنزل )
جنى ... رضا ؟
رضا ... نعم ؟
جنى ... تعالى وصلنى
رضا ... حاضر
( رضا يبقا السواق بتاع جنى )
رضا ... هانروح فين حضرتك ؟
جنى ... اطلع بس وهاقولك
رضا ... حاضر
جنى في سرها ... ايه الغباء بتاعى دة هاروح فين دلوقتى .. اقف ع جنب يا رضا
رضا ... حاضر
( تتصل جنى بام كريم )
جنى ... طنط هو كريم في البيت ؟
ام كريم ... لا يا حبيبتى دة مع عمر برة
جنى ... اه يا طنط افتكرت شكرا .. باي
ام كريم ... باي
( جنى تتصل بعمر )
عمر ... جنى !!!
جنى ... ايوة يا عمر .. هو كريم معاك ؟
عمر ... لا كريم مشي من بدري .. في حاجة ولا ايه ؟
جنى ... هو انت قلتله حاجة ضيقته يا عمر ؟
عمر ... تقريبا لا .. بتسالى ليه ؟
جنى ... لا ولا حاجة .. يلا سلام
عمر ... استنى عاوز اكلمك
جنى ... معلش يا عمر بعدين .. باي
عمر ... اوك باي
جنى ... هاروح فين بس 😑
( تتصل جنى بكريم تليفونه لسة مقفول )
جنى ... ارجع يا رضا .. ارجع
رضا ... حاضر
( يرجع رضا جنى البيت .. يقوم كريم يمشي .. يبعت رسالة ل جنى ويقفل بعدها تليفونه تانى )
الرسالة ... انا في البيت .. هنام عشان تعبان شوية .. تصبحي ع خير
( تتصل جنى ب كريم تلاقي التليفون مقفول )
جنى ... يوه بقا
( تنام جنى .. يطلع الصبح .. تروح جنى المدرسة .. كريم لسة مجاش وموبايله لسة مقفول )
جنى ... حمو مشفتش كريم ؟
حمو ... لا لسة مجاش
جنى ... طيب
حمو ... في حاجة ولا ايه ؟
جنى ... مش عارفة من امبارح قافل موبايله معرفش في ايه
حمر ... خييير 😒
عمر ... جنى عايزك .. ممكن دقيقة ؟
جنى ... اوك
( يمسك عمر ايد جنى وياخدها ع جنب )
جنى ... ايه يا عمر ؟
عمر ... جنى انااا .. بحترمك وانتى غالية عندى و احنا .......
جنى ... عمر بليز لخص انا مش رايقة خالص 😞
عمر ... لا يبقى لما تروقي الاول
( يدخل كريم المدرسة .. يشوف جنى واقفة مع عمر .. يقف كريم مكانه .. ضربات قلبه عمالة تذيد .. واقف مبلم عارف عمر هايقول ايه وخايف من رد فعل جنى )
جنى ... قول في ايه انت بردوا امبارح كنت عاوز تقول حاجة فى ايه ؟
عمر ... طيب .. جنى انا بحبك
جنى ... ايه ؟!!!!
( تتصدم جنى مش عارفة تقول ايه )
عمر ... بحبك
جنى ... عمر .. اناا ..............
عمر ... مش مطرة تردي عليا دلوقتى خدى وقتك
جنى ... بس يا عمر ....
عمر ... فكري الاول انا مستعد استنى لانى عاوز ارتبط بيكى يا جنى مش كلام وبس .. انا بجد بحبك
جنى ... انت بتتكلم جد ولا دة مقلب ؟؟
عمر ... لا طبعا بتكلم جد
جنى ... انت فاجاتنى يا عمر 😒
عمر ... عارف وعشان كدة بقولك مترديش عليا دلوقتى خدى وقتك وفكرى
جنى ... اه
( تبص جنى تشوف كريم واقف باصصلها .. وشوا تعبان وباين عليه الزعل والهم )
جنى ... طب عن اذنك يا عمر
( تروح جنى لكريم )
جنى ... ايه الى حصل امبارح يا كريم ؟؟
( كريم ساكت وباصصلها )
جنى ... كريم ؟
كريم ... نعم ؟
جنى ... رد عليا انا بكلمك
كريم ... اقول ايه ؟
جنى ... قولي مالك ؟
كريم ... مالي ؟
جنى ... ايوة من امبارح وانت مش متظبط .. انت تعبان ؟
( يرد كريم وفي عينه لمعة الدموع )
كريم ... اوى
جنى ... طب عندك ايه ؟
كريم ... قلبي واجعنى 😟
جنى ... من ايه .. تعالى نروح العيادة !!!
كريم ... علاجى مش فيها
جنى ... طب تعالى نروح مستشفى ؟؟
كريم ... لا .. مش عايز .. كنتى واقفة مع عمر ليه ؟
جنى ... سيبك منوا عمال يهبل بالكلام
كريم ... قالك ايه ؟
جنى ... خلينا فيك دلوقتى
كريم ... قالك ايه ؟؟
جنى ... بيقول انوا بيحبنى وعايز يرطبط بيا .. وادانى فرصة افكر كمان
كريم ... وفكرتى ؟
جنى ... لا دة اكيد بيهزر
كريم ... لا عمر مش بيهزر
جنى ... طب انت ايه رايك ؟؟
كريم ... مينفعش تاخدي راي حد في حاجة زى كدة .. امشي ورا قلبك
جنى ... انت شايف كدة ؟
كريم ... اه
( جنى هتعيط .. كريم مش مبين اى اهتمام )
جنى ... اوك
( تفضل جنى وكريم باصين لبعض .. عينهم في عين بعض .. كل واحد شايف نفسه في عين التانى صعبان عليه .. يرن جرس المدرسة .. الكل يطلع ع حصصه )
عمر ... فكرتى ؟
جنى ... هو انا لحقت يا عمر
عمر ... اوك متتاخريش عليا 😉
( جنى مش مركزة مع عمر باصة ع كريم بس هو عاطيها دهره ولما هو يبصلها تكون هى ضيرت وشها )
المدرسة ... كريم ؟
( كريم باصص في كتاب وسرحان )
المدرسة ... كرررريم ؟!!!!
كريم ... ايوة .. نعم ؟!!!
المدرسة ... سرحان في ايه ؟
كريم ... لا كنت مركز في الكتاب بس
المدرسة ... اي حتة كنت مركز فيها ؟؟
( يبص كريم للكتاب وبعدين يبص لجنى .. جنى بصالة )
المدرسة ... يابنى ؟!!!
كريم ... ايوة ؟
المدرسة ... لا اقعد يا كريم .. انت مش مركز خالص .. انت تعبان ؟
كريم ... لا انا كويس
المدرسة ... مش باين عليك .. اقعد
( يقعد كريم .. جنى عمالة تبصله مستغرباه )
عمر ... بسسس
جنى ... ايه يا عمر ؟؟
عمر ... فكرتى ؟
جنى ... بتهزر .. ارحمنى !!!
( كريم شايف عمر عمال يكلم جنى وهى بتكلمه .. يقوم يقف )
المدرسة ... في حاجة ؟
كريم ... ممكن انزل ؟
المدرسة ... تنزل فين ؟
كريم ... تحت 😰
المدرسة ... تحت فين ؟
( كريم عنيه بدئت تدمع ووشه احمر من كتر مكاتم دموعه )
جنى ... كريم مالك ؟
( يبص كريم لجنى ويسكت )
المدرسة ... انت شكلك تعبان .. تعالى معايا .. محدش يتحرك من مكانه
( يمشي كريم مع المدرسة .. جنى قاعدة قلقانة )
غادة ... هو ماله كريم ؟
جنى ... مش عارفة !!!
( تقف المدرسة مع كريم برة الفصل )
المدرسة ... مالك بقا ؟
كريم ... مافيش بس .. مخنوق شوية
المدرسة ... طب انزل تحت اغسل وشك وتعالى
كريم ... ماشي
المدرسة ... من تحت مش من هنا عشان تفك شوية
كريم ... اوك
( ينزل كريم يغسل وشه ويطلع )
المدرسة ... بقيت احسن
كريم ... اه
( يرن جرس نهاية اليوم كريم ينزل ع تحت متلحقهوش جنى )
جنى ... اومال فين كريم ؟
عمر ... مشي تقريبا
جنى ... مقالش يعنى !!!
عمر ... تعالى اوصلك
جنى ... لا مافيش داعى .. هتصل بالسواق
عمر ... ياستى اركبي مانتى ع سكتى يلا
جنى ... طيب 😒
( تركب جنى مع عمر .. ساكتة طول الطريق )
عمر ... جنى ؟
جنى ... نعم ؟
عمر ... ساكتة ليه .. شكلك بتفكري في حاجة ؟
جنى ... اة في كريم
عمر ... كريم .. اه
( عمر يضايق كان مفكرها بتفكر في كلامه .. يوصل عمر جنى عند بيتها )
عمر ... متنسيش الى قلتلك عليه
جنى ... حاضر
( تقتح جنى الباب عشان تنزل .. عمر يحاول يبوسها من خدها تزقه )
جنى ... ايه يا عمر !!! .. انا مبحبش كدة 😡
( تخرج جنى من العربية )
عمر ... طب استنى .. انا اسف .. يا جنى
( تدخل جنى البيت .. ييجى الليل ويطلع الصبح .. كل دة كريم قافل تليفونه ومش بيروح المدرسة .. ييجى الليل ويطلع الصبح .. يوم ورا يوم يعدى مافيش اخبار عن كريم .. عمر يتصل بجنى )
جنى ... الو
عمر ... ايوة يا جنى .. بقالي كتير بكلمك مش بتردي عليا ؟
جنى ... وانت عاوزنى ارد عليك بعد الى انت عملته ؟!!!
عمر ... والله اسف مقصدتش اضايق .. انا بس .....
جنى ... عمر لازم تعرف انى في حاجة اسمها حدود وانا مبحبش حد يتعدى حدوده معايا
عمر ... جنى اسف اوعدك مش هتتكرر تانى .. والله معرف انك هتضايقي كدة !!
جنى ... اديك عرفت يا عمر
عمر ... اوك .. سماح المرة دى ؟
جنى ... خلاص يا عمر مافيش حاجة 😒
عمر ... يعنى مش زعلانة ؟
جنى ... لا .. بس لو اتكررت هتزعل انت منى
عمر ... لا اوعدك مش هتتكرر
جنى ... اوك
( تقفل جنى مع عمر وتتصل ب ام كريم )
الام ... لا يا حبيبتى كريم عند عمه بقاله يومين
جنى ... اه .. ماشي يا طنط شكرا
( يخبط باب بيت جنى )
الجدة ... اهلا اهلا يا عمر .. تعالى يا حبيبي
( يدخل عمر يبوس ايد جدة جنى .. جنى تسمع صوته تستغرب .. مترداش تطلع .. سمعاه بيكلم جدتها فى نفس الموضوع )
جنى ... كانت نقصاك انت كمان
الجدة ... يا حبيبي هو هنلاقي احسن منك لجنى .. بس انتوا مش لسة بتدرسوا يا عمر ؟
عمر ... ايوة هانعمل خطوبة بس وبعدين الوقت الى انتوا تحددوه للجواز انا مستعد فيه
الجدة ... بس انت لازم تاخد راي جنى اهم من رايي
عمر ... مهو ياريت لو جنى ترد عليا دلوقتى .. انا بقالي فترة مكلمها وملقتش منها رد 😐
الجدة ... يا جنى ؟؟؟
( جنى تتخض مش عارفة لسة رايها هايبقا ايه .. تطلع جنى )
جنى ... ايوة يا تيتة ؟
الجدة ... انتى اكيد سمعانا .. وعمر بيقول انوا كلمك في الموضوع دة قبل كدة صح ؟
جنى ... ايوة صح
الجدة ... احنا دلوقتى قاعدين مع بعضينا اهو .. ايه رايك ؟
جنى ... رايي .. انا ......
عمر ... جنى انتى مش عوزانى ؟
جنى ... لا يا عمر مش قصدي بس .......
( عمر يتكلم بطريقة مؤثرة )
عمر ... لو مش عيزانى قولى .. انا مش هازعل .. هافضل احبك بردوا 😟
( جنى عارفة وحاطة في دماغها انوا عمر كريم مهيفكر فيها بنفس طريقة تفكيرها فيه .. تستسلم لكلام عمر )
جنى ... موافقة يا عمر 😔
عمر ... بجد يا جنى .. مش قادر اوصفلك فرحان قد ايه 😃
الجدة ... مبروك يا حبايبي
عمر وجنى ... الله يبارك فيكى
( عمر يجيب اهله ويتقدم ل جنى ويقروا الفاتحة و يحددوا الخطوبة بعد اسبوع .. تروح جنى المدرسة هى وعمر ويبلغوا صحابهم بميعاد الخطوبة .. كريم مازل مبيجيش .. يخلص اليوم الدراسي )
عمر ... يلا عشان اوصلك
جنى ... لا انا ورايا مشوار .. روح انت
عمر ... طب قوليلي فين وانا اوديكى
جنى ... لا عشان متعبكش دة مش ع سكتك .. السواق زمانه جاى
عمر ... قلتلك هوديكى اركبي
جنى ... ماشي
جنى فى سرها ... اوووف 😤
عمر ... هتروحي فين ؟
جنى ... بص روحنى انا مش هاقدر اروح في حتة
عمر ... طيب اوك
( عمر يوصل جنى بيتها .. جنى تدخل .. اول عمر ميمشي جنى تخرج )
جنى ... يا رضا
رضا ... نعم ؟
جنى ... تعالى وصلنى
رضا ... حاضر
( يركبوا العربية )
رضا ... هانروح فين حضرتك ؟
جنى ... اطلع ع بيت كريم .. انا متاكدة انوا هناك
رضا ... حاضر
( رضا يوصل جنى قدام باب فيلا كريم )
جنى ... استنانى هنا
رضا ... حاضر
( تدخل جنى بكل حرص وخايفة وقلقانة تمشي بهدوء عشان الكلب بتاع كريم ميصحاش
وهى بتخاف من الكلاب .. فاجاه يقوم الكلب يجري وراها .. هى تجري وهو وراها يلففها الفيلا كلها عمالة تصوت )
جنى ... يا كررررررررريم 😱
الحلقة الثانية عشر
( يطلع كريم البلكونة يشوفها عمالة تجري وتصرخ والكلب وراها .. ينزل يجري ع تحت .. تقع جنى في البيسين .. الكلب واقفلها عمال يهوهو عليها .. يمسك كريم الكلب ويربطه .. يمد ايده لجنى ويطلعها .. جنى واقفة ماسكة فيه )
كريم ... انتى كويسة ؟
( جنى واقفة بتترعش )
جنى ... متلم حيوانتك دى .. انا بحرم اجى هنا بسببه 😰
كريم ... انتى الوحيدة الى بيطلع يجري وراها
جنى ... مسلطه عليا ولا ايه ؟
كريم ... لا عشان عارف انك بتخافي منوا
جنى ... طب انت ربطه كويس ؟
كريم ... ايوة عدي متخافيش
جنى ... متاكد .. انت كل مرة تقول كدة ويطلع يجري ورايا تانى 😨
كريم ... والله ربطه
جنى ... طب عدى انت الاول
كريم ... ماشي
( يعدى كريم من قدام الكلب .. الكلب قاعد مربوط )
كريم ... يلا عدي
جنى ... خايفة
كريم ... وربنا مربوط اخره يهوهو عليكي .. عدي بقا
جنى ... طيب .. كلب دة ولا خروف .. انت بتلاقي الانواع دى فين ؟
كريم ... نفس المكان الى لقيتك فيه بالظبط 😏
جنى ... يا جزمة
( تعدى جنى الكلب يقوم يهوهو عليها لكن مربوط .. تجري جنى تمسك في كريم )
كريم ... يا بت الجبانة
جنى ... اعمل ايه في هدومى دى بقيت شوربة ؟
كريم ... خلاص اعملى صنية بطاطس يبقا شوربة وبطاطس
جنى ... مش بهزر
كريم ... طب تعالى
( كريم ياخد جنى ويطلع اوضته )
كريم ... خليكى هنا هاشوفلك حاجة عند امى
جنى ... بسرعة والنبي .. واقفل التكييف دة قبل ماتمشي
كريم ... لا خليكي كدة لما تتجمدي 😜
جنى ... يا كريم حرام عليك
( يطفي كريم التكييف ويروح يجيب هدوم ل جنى من هدوم مامته ويرجع )
كريم ... جربي دول كدة
جنى ... اوك
( كريم واقف )
جنى ... متمشي !!!
كريم ... اه اوك
( يخرج كريم .. جنى تلبس الهدوم )
جنى ... كريم خلصت
( يدخل كريم )
كريم ... نفعوا معاكى .. ههههههههه
جنى ... واسعين شويتين 😕
كريم ... تصدقي فيكى شبه منها
جنى ... هي مين ؟
كريم ... امي
جنى ... وحيات امك
كريم ... والله وانت لابسة هدومها كدة فيكى كتير شبه منها
جنى ... اها
كريم ... هاتى هدومك اخليهم ينشفوهالك
جنى ... ياريت
( تقوم جنى عشان تدى كريم هدومها .. بنطلونها يقع .. تتحرج وتلبسه تانى .. كريم ميت ع نفسه من الضحك )
كريم ... هههههعععععههههههعهعهعععععهههههه 😂
جنى ... مش قادر تجيب حاجة اوسع من كدة .. بطل ضحك متستفزنيش بقا
( كريم مش مبطل ضحك ع منظر جنى )
جنى ... والله هازعل منك 😠
كريم ... ههههه .. لا خلاص خلاص
( ياخد كريم هدوم جنى وينزل تحت ينشفوها ويطلعهلها عشان تلبسها .. تلبس جنى هدومها .. تقعد ماسكة البوم فيه صور ليها هى وكريم وبتتفرج .
. كريم يقعد جنبها .. يلمح فى ايدها خاتم .. يحط ايده عليه .. جنى تبصله .. يتقلب وش كريم من الضحك والهزار للصدمة )
جنى ... كنت .. جيالك عشان كدة
كريم ... دة من عمر ؟
جنى ... اه .. انا كنت هاقولك من ساعتها بس .. انت قافل موبايلك دايما .. ومامتك قلت انك عند عمك .. فمعرفتش ابلغك
كريم ... مبروك
جنى ... الله يبارك فيك .. هو انت ليه مكنتش بتيجى المدرسة ؟
كريم ... ماليش مزاج 😒
جنى ... طب ليه وبردوا قافل تليفونك .. بحس ساعات انك مش عاوز تكلمنى
كريم ... لا مش دي الحكاية
جنى ... اومال ايه يا كريم .. انت مخبي عليا حاجة ؟
كريم ... لا
جنى ... بس انت متغير اوى اليومين دول .. مش كريم الى نعرفه
كريم ... هو انا لازم افضل اضحك واهزر طول الوقت عشان ابقا الى انتوا تعرفوه
جنى ... مش قصدى بس .. لما تتقلب كدة فجاه يبقى فيه حاجة
( كريم يتكلم بنبرة نرفزة وعصبية ع جنى )
كريم ... مقلتلك مافيش حاجة 😠
جنى ... بس انا حاسة انى في شئ مضايقك
كريم ... حاسة !!! .. فجاه بقيتى بتحسي
جنى ... كريم انت بتتكلم بعصبية ليه ؟
كريم ... هو دة اسلوبي مش عاجبك براحتك 😑
( يقوم كريم من جنب جنى يقف جنب السرير وعاطيها ضهره )
جنى ... لا يا كريم عاجبنى .. خطوبتى كمان يومين .. هتيجى ؟؟
( كريم عنيه تبدا تدمع )
كريم ... ربنا يسهل
جنى ... اوعى متجيش
كريم ... قلتلك ربنا يسهل
جنى ... اوك .. انا ماشية .. باي 😥
( تنزل جنى من بيت كريم زعلانة من طريقة كلامه معاها .. تركب العربية وتروح ..
كريم يبص عليها من الشباك .. كريم ع اخره مش طايق نفسه عمال يكسر في اوضته .. يرن تليفون كريم )
كريم ... الو
ايمى ... كريم والنبي ماتقفل السكة في وشي انا اسفة ع الى حصل والله غصب عنى انا بحبك ومقدرش استغنى عنك يا كريم انا .........
كريم ... بس بس .. اهدى اتكلمي بالراحة
ايمى ... انا اسفة والله يا كريم .. اوعدك الى حصل مش هايتكرر تانى .. ولو عايزنى اتاسف ل جنى هتاسفلها معنديش مشكلة
كريم ... خلاص حصل خير .. ومش عايزك تتاسفي لحد
ايمى ... يعنى مسامحنى هترجعلى ؟
( يسكت كريم لثانيتين )
كريم ... اه .. هرجعلك
( قبل الخطوبة بيوم .. جنى قاعدة مع غادة ورودى في كافيه )
غادة ... يا بختك يا برنسيسة خطوبتك بكرة
رودى ... اه مين قدك يا عم 😉
جنى ... هو انا ينفع ارجع في كلامى ؟
غادة ... نعم ؟!!!!!
رودى ... ليه يا جنى !!!!!
جنى ... انا مش حاسة انى بحب عمر .. ازاى هرتبط بيه وانا مش بحبه ؟؟
غادة ... ازاى يا حنى .. دة عمر صاحبنا بقاله سنين .. دة انا قلت طالاما وافقتى يبقا كنت بتحبيه وبينكم حالة عشق
جنى ... لا مافيش اى حاجة من دى .. زيوا زى حمو ورامى .. دة يمكن كمان هو اتقبلهم عن عمر
غادة ... كمان !!!!!
رودى ... طب وافقتى ليه يا جنى .. انتى بتعزبي نفسك
جنى ... مش عارفة انا .. حسيت انوا انسان كويس فقلت اجرب .. معرفش بقا
غادة ... يخربيتك تجربي انتى لسة هاتجربي .. انا رايحة التواليت وجعتى بطنى 😨
( تقوم غادة )
رودى ... جنى .. كريم رجع لخطيبته
جنى ... ايه .. ازاى ؟!!!
رودى ... والله .. لسة راجعلها من يومين تقريبا
جنى ... غريبة قالى عمره مهيرجعلها بعد الى حصل
رودى ... اهو رجعلها .. فكري في نفسك بقا شوية .. عمر انسان كويس وبيحبك وبيحترمك .. بلاش تخسريه يا جنى
جنى ... انا مبقتش عارفة انا
عايزة ايه بالظبط .. احياناا ابقى مشتاقة اكلمه وساعات كتير ابقي بكلمه واقول يارب ميرد
ولو رد اقول امتى يقفل .. خايفة اظلمه معايا .. وخايفة اظلم نفسي معاه .. مش عارفة اعمل ايه 😔
رودى ... افتحيله قلبك يا جنى
جنى ... هحاول
( يوم الخطوبة .. تدخل جنى القاعة فى ايد عمر .. صحابهم حواليهم .. تقعد جنى هى وعمر .. جنى عماله تبص يمين وشمال عنيها بتدور ع كريم ..
تشوفه داخل وفي ايده ايمى .. جايين عليهم .. تسلم ايمى ع عمر وجنى )
ايمى ... مبروك يا جنى
جنى ... الله يبارك فيكى
( كريم يبارك ل عمر وجنى .. وياخد ايمى ويروحوا يقعدوا .. جنى لابسة فستان احمر .
. كريم مش شايل عينه من عليها .. اول رقصة slow .. الدي جي يطلب من صحاب وصحبات العروسة والعريس
يرقصوا slow معاهم .. يقوم كريم يرقص مع ايمى وغادة مع حمو ورودى
مع رامي وناس تانية وطبعا جنى مع عمر .. تخلص الاغنية وفجاه تدخل فيها اغنية تانية .. الاغنية الى كريم رقص
مع جنى عليها .. الاغنية الى بيحبها .. تفتكر جنى كريم وهى بين ايده وهو عمال يغنى مع الاغنية .. ويفتكر كريم جنى وهو
ماسك ايدها وبيلففها وهى عمالة تضحك مبسوطة .. تسيب جنى عمر وتطلع برة وتجري ع الحمام عشان عمر ميجيش وراها تتفتح جنى فى العياط )