#قلب_فاضي
الحلقه { 48 }
بقلم هند محمد
ام هدى: ما تهدو شويه اقولكم خودو الفيس على التاب اتسلو شويه انا لسه شحنه الباقه او اشغلكم فيلم على اليوت يوب
ام حمزه : رايقه ياختى رايقه
ام هدى : منك لله عدتهم يا فانبير انته
( وفجئه خرج حد على النقاله من اوضة العمليات )
ام فارس : هى لحقت ولدت
فارس : وهى لو ولدت هيطلعوها كدا
حمزه : دى نجوى اول ما الدكتور عز تقى لقتها وقعت لقيت جنبى سرير حطتها عليه وقولت اجبهالك تفوقها يا فارس
ام فارس : طب انته رايح فين ؟
حمزه : الحق اتصور سلفى الولاده بس وجاى تانى ( وداخل تانى )
فارس : نجوى فوقى يا نجوى حد معاه ريحه ؟
ام هدى : اسمو رفيم يا فانبير اتفضل
فارس : نجوى حبيبتى اصحى نجوى
ام افارس : مالها يا فارس ؟
فارس : متخفيش يا ماما تلقيها خافت بس
اها فتحت عنيها
قومى عملالى فيها جمده ومتغوزهاش غير لما ادخول وعامله فيها ال7رجاله وانتى جبانه
نجوى : انا اول مره ادوخ كدا اول ما الدكتور مسك المشرط واول ما شفت الدم خارج من بطنها مقدرتش حسيت الدنيا بتلف بيه
ام حمزه : طب وحموزه كان بيعمل ايه ؟
نجوى: حموزه ماسك موبيلين موبيل بيصور بيه فيديو والتانى عمال يتصور سيلفى
اوعو نزلونى من السرير الرخم ده
فارس : انزلى ياختى عامله فيها راجل اومال بتدبحى ازاى
نجوى : لا مش بخاف كدا ولا بيحصلى كدا
انا دايخه يا فارس
فارس : طب حد معاه عصير
ام حمزه : اه انا جايبه
ام فارس : اه وانا كمان خودى
نجوى : انا عاوزه عصير اناناس
فارس : انتى هتتشرطى اطفحى وأنتى سكته
( شويه وخرج حمزه )
حمزه : ولدت ولدت الحمد لله
بوصو الصور
ام حمزه : ورينى يا حبيبى
ام فارس : الله اكبر اللهم صلى على النبى
ام هدى : شبهك يا حموزه وانته صغير
نجوى : شبهو ايه دا شبه الصرصار
فارس : مبروك يا حمزه مبروك يا طنط مبروك يا ماما
ام حمزه : الله يبارك فيك يا فارس
نجوى : تقى اخبرها ايه ؟
حمزه : الحمد لله الدكتور بيقولى كويسه
فارس اروح اسجلو فين انا عاوز اروح بنفسى
فارس : فى الصحه
حمزه : طيب انا هروح دلوقتى بس مش هاين عليا اسيب تقى
فارس : تروح فين لسه لما تجيب الورق الاول والاثبات انك خلفت
حمزه : يعنى ايه ؟
فارس : وهو انته فاكر انك بتروح الصحه تقولهم ياجماعه انا خلفت فا يطلعولك شهادة الميلاد
حمزه : اه اثبات ايه اذا كان انا رايح بنفسى بقولهم ان ده ابنى
فارس : وايه يثبة ان ده ابنك
حمزه : ايه ؟
حمزه : بكرا انا اكون خلصت ورق المستشفى وانته حضر قسيمة الجواز وشهادت ميلادك وشهادت ميلاد تقى وصورة البطاقه وصورة البطاقه بتاعة تقى ونروح نسجلو
ام حمزه : كل دا ورق ؟
فارس : اه اومال انتو فكرين ايه ؟
صابرين : ايه رجعت بدرى ليه ؟
منير : خلاصة الشغل والطريق الحمد لله فاضى
قولت اجى اقعد مع محمد شويه
بقى بيوحشنى اوى
صابرين : ربنا يخلوهنا ونجبلو اخ او اخت تانى
منير : ان شاء الله
انا هدخل انام فى الاوضه دى وهاخد الواد حضرى الغدا وانداهيلى
صابرين : حاضر
بس كنت عاوزه اقولك حاجه انا الاجازه خلصة ولازم انزل الشغل
منير : ومين هيقعد بمحمد ؟
صابرين : مش عارفه ايه رئيك مامتك تيجى تعيش معانا ؟
منير: لو امى جات تعيش معانا اعملى حسابك انك مش هتكملى شهر وهتطلقى
صابرين : يا ساتر يا رب طب اعمل ايه ؟
منير : مفيش حل غير تاخدى اجازه بدون مرتب
صابرين : بس خساره المرتب انا باخد مرتب اكتر منك
منير: تمام انا اخد اجازه اقعد بالواد وانتى اشتغلى ايه رئيك ؟
صابرين : بطل هزار
منير: هو دا الحل اللى عندى روحى خودى اجازه وخلاص ولو على المرتب انا مرتبى 4 الف جنيه اكيد هنقدر نعيش كويس
صابرين : طيب ماشى حاضر
منير: انا داخل بقى حضرى الغدا
واعملى حسابك صح يوم الخميس هنسافر البلد
صابرين : حاضر
نجوى : يا حبيب خالتو انته يا عسل بصى يا ماما قمر ازاى ؟
حمزه : طبعا مش ابنى
تقى : بس هو مالو مكرمش كدا ؟
ام حمزه : مش لسه مولود لازم يبقى مكرمش
( البيبى عيط )
حمزه : ايه العياط ده هههههه
نجوى: دا رانة النوكيا الجديده ههههههههههه
ام فارس : يا خرابى عليكى
تقى : نجوى انا عندى مغص
نجوى : هو الدكتور فين طيب دى بتقول عندها مغص
ام فارس : تدخلى الحمام ؟
تقى : اه
نجوى : طب قومى معايا
( ابو حمزه جه )
ابو حمزه : حفيدي فين ؟
ام حمزه : اهو يا نبيل شوف كان بيعيط دلوقتى صوتو حلو اوى
ابو حمزه : الله اكبر حد كبرلو فى ودنو ؟
فارس : لا تصدق نسيت
ابو حمزه : انتو ميعتمدش عليكم هاتى يا كنزى اكبرلو فى ودنو
ام فارس : لا كبرلو وانا شيلاه لحسن يقع منك
ابو حمزه : متخفيش مش هيقع
حمزه : متتعبش نفسك هو من ساعت ما الدكتور اداهولنا وهى شيلاه
ام حمزه : محدش هيخدو منى
حبيب تيته حبيبى
ابو حمزه :طب مانا جدو
ام حمزه :انته ايه جابك دلوقتى وبعدين تشيلو ازاى اديك كلها ميكروبات
( نجوى وتقى خراجت من الحمام )
ابو حمزه : ( قرب من تقى ) مبروك يا تقى
تقى : الله يبارك فيك يا عمى
ام فارس : هاتى الواد عشان يرضع لبن السرسوب ده مفيد للولد
ام حمزه : ترضعو وانا شيلاه انا همسكهولها
نجوى : وتلوحى نفسك ليه ؟ هى هتشيلو وتبقى تاخديه تانى
ام حمزه : لا مش مشكله اتلوح
تقى : طب انا اتكسف ارضعو كدا
فارس : خلاص خارج يا ستى معلش يا عمى مكسوفه ترضعو قدمنا
ابو حمزه : طب ابوس الواد طيب واكبرلو فى ودنو
ام حمزه : بوس ايدو بس ومتحطش ايدك عليه وكبرلومن غير ما تلمسو
ابو حمزه : حاضر انته يابنى هتشوف ايام سوده
( وبعد يومين خارجت تقى وراحت بيتها وفى السبوع اتلمت العيله وفضلت نجوى معاها )
نجوى : ( قاعده فى نص الرسيبشن وحوليها عيال الهام وهيثم الصغير وماسكه الهون )
اسمع كام امك متسمعش كلام ابوك
تاك تاك تاك
اسمع كلام خالتك نجوى اوعى تسمع كلام خالتك الهام
الهام : ماشى يا نجوى
اسمع كلامى يا مصطفى اوعى تسمع كلام نجوى هتروح فى داهيه
نجوى : اسمع كلام خالك فارس هيثم خال هدى لا
هيثم : اوك نجوى زعلان
نجوى: هههههههه
اسمع كلام تيته كنزى وتيته نجات وجدو نبيل
تاك تاك تاك
اسمع كلام تامر ووائل ومحمد وبلاش هيثم برضو
تاك تاك تاك
اسمع كلام طنط بوسى وطنط هدى واوعى تسمع كلام هيثم الصغير
حلاقاتك برجلاتك حلقه داهب فى وداناتك يا رب يا ربنا تكبر وتبقى زينا
( فضلو يحتفلو ويتصورو مع البابى وفى الاخر الكل روح عند فارس بس نجوى فضلت مع تقى )
تقى : هتيه شويه طيب حضرتك طول النهار شيلاه
نجوى : هترضعو بس وترجعهولك
ام حمزه : هو كل شويه يرضع طول ما هو ساكت خلاص
تقى : طب اشيلو دا ابنى
ام حمزه : انتى مش شيلتيه 9 شهور حمل سبيه ليه بقى
نجوى : { دانتى لو حماتى كنت غزيتك فى نضرتك }
طب ارتاحى انتى شويه ادخلى الحمام
ام حمزه : طب تصدقو انا بقالى ساعتين عاوزه ادخل الحمام ومش هاين عليا اسيبو
تقى : { يا رب صبرنى }
نجوى : تقى انا تعبت انا بقالى اسبوع على الوضع ده انا هخرج اشم هوا ( وسابت تقى وام حمزه فى اوضت نومها وخارجة )
تقى : هتيه شويه ؟
ام حمزه : لا
( وقفه نجوى فى البلكونه ومسكه الموبيل بتشوف الفيس وبترفع صور السبوع )
حمزه : بتعملى ايه ؟
نجوى : برفع صورى على الفيس عشان متضعش من الموبيل لو حصالو حاجه
حمزه : بس كدا الناس هيشوف الصور ؟
نجوى : لا انا عامله البوم خاص محدش بيشوفها بخزن فيه الصور متقلقش
حمزه : اوك ناويه تبدئى شغل امتى ؟
نجوى : اول ما تقى تقدر بس تقوم لوحدها الجرح لسه واجعها
حمزه : اه ربنا يشفيها والله انا حاسس ان الجرح ده فى جسمى انا
نجوى : للدرجادى بتحبها ؟
حمزه : اوى اوى دى حياتى
نجوى : ربنا يخليكم لبعض
حمزه : بابا بينده هروح اشوفو
نجوى : اوك روح
دى سلمى بتتصل هرد عليها
حمزه : اوك
نجوى : الو سلمى ازيك
سلمى : متلطم من غيرك يا ريس
نجوى : ههههههههه ليه بس
سلمى : معايا بضاعه ومش عارفه اعمل بيها ايه ؟
نجوى : ادينى اسبوع بس اختى تشد حيلها وهرجع تانى
سلمى : اسبوع بحالو
نجوى : اه يا دوب
سلمى : ماشى امرى لله هستنى
نجوى : ماشى طب فى ويتنج يا سلمى معلش
سلمى : اوك سلام
نجوى : رقم مين دا
الو
منير : وحشتينى اوى اوى اوى
نجوى : منير ؟
بتكلمنى ليه ؟
منير : ولاد الهام رفعو الصور على الفيس وانتى بتدقى الهون لابن تقى وحمزه كان نفسى يبقى ابننا
نجوى : انته بتكلمنى ليه دلوقتى
منير: اول ما شوفت صورتك مقدرتش امنع نفسى انى اكلمك
نجوى : وانته لسه معاك رقمى ليه ؟
منير: ليه هو انتى مسحتيه
نجوى : طبعا ولعلمك فى حد قريب اوى هيتقدملى
انته خلاص صفحه من حياتى وانتهت
منير: برحتك بس لازم تعرفى انى بحبك
نجوى : سلام يا منير ( وقفلت فى وشو )
( تاني يوم )
( ام حمزه ماسكه الواد لتقى وهى بترضعو ونجوى بتغسل المواعين فى المطبخ وجرس الباب رن )
نجوى : ايوه ايوه جايه نعم
ماهر : خالتو فين ؟
نجوى : خالتو مين ؟
ماهر : خالتو كنزى
نجوى : جوا هو انته قربهم ؟
ماهر : وانتى مين الشغاله ؟
نجوى : لا انا اخت تقى طب ثوانى ( وقفلت الباب فى وشو )
طنط طنط
ام حمزه : ايه فى ايه ؟
نجوى : فى حد جه بيقول خالتو كنزى هنا
ام حمزه : وانتى قولتيلو انى برضع الواد ؟
نجوى : لا مقولتش
ام حمزه : طب خودى يا تقى الولد ومحدش يدخل الاوضه او يطلع منها
نجوى : طب انا سيباه على السلم وقفلت الباب فى وشو
ام حمزه : احسن انا خرجالو ومحدش يخرج بالولد ولو خرجتى وحد سئل على تقى تقى مش هنا خلاص ؟
نجوى : خلاص
( خارجت ام حمزه وفتحت الباب )
اهلا يا ماهر اتفضل جيجي فين ؟
ماهر : بتجيب حاجات وقالتلى اسبقها على هنا
هى مين فتحتلى دى يا خالتو
ام حمزه : دى اخت تقى
ماهر : اه اصلى بحسبها الشغاله كانت بتفتح وبلبس المطبخ
الجرس بيرن اكيد ماما
ام حمزه :ماشى هقوم افتحلها
اهلا يا جيجي
جيجي : مالك وشك مخطوف كدا ليه
ام حمزه : مش بنام كويس
جنى : ايه الصوت دا يا طنط ؟
ام حمزه : صوت ايه ؟
جيجي : زى ما يكون صوت بابى
ام حمزه : دا اكيد الجيران
انتو جيتو مع بعض يعنى غريبه
ماهر : كنتى وحشانى يا خالتو وكمان جايب ورق لحمزه
ام حمزه : اه ( صوت الولد مخلى ام حمزه مش على بعضها ) طب تشربو ايه ؟
جنى : اى حاجه هو البابى ده على طول بيعيط كدا على طول ؟
جيجي: دا شكلو وقع او حاجه
ام حمزه : ايه وقع طب خليكم هنا
( قامت ام حمزه داخلت الاوضه لتقى )
ام حمزه : ايه بيعيط ليه ؟
نجوى : مش عارفه مش راضى يسكت
ام حمزه : هاتى ( اول ما شالتو وهزتو هزتين سكت )
نجوى : من كتر مانتى شايله افتكرك انتى امو
ام حمزه : انا نيمتو هوس بقى محدش يعمل صوت
( خارجت ام حمزه للى فى الصالون )
جيجي : ايه دا يا كنزى ؟
ام حمزه :ايه دا انتو جبتو الحاجات دى منين ؟
ماهر : انا خراجت اشرب سجاره فى البلكونه لقيت هدوم الاطفال دى
جيجي : وكمان غربال وملبس سبوع مصطفى حمزه نبيل
هو حمزه خلف وانتى مخبيه ولا ايه ؟
جنى : كدا برضو يا خالتو طب ليه تعملى كدا
ام حمزه : اااااا ااااا
جيجي : انتى اتعاديتى من الخرسه مرات ابنك اااااا اااااا
انا ماشيه شكرا يا اختى بتخبى عليا انا بجد زعلانه انا ماشيه
ام حمزه : طب افهمى طيب
جيجي : ليه حق ازعل ولا لا ؟