الحلقه ٢٦ و٢٧
من رواية💔 جراح القلب💔
بقلم شيمو الخطيب
احمد اتصل على ناديه عشان يطمنهم وقالهم ان مؤمن كويس وان مالوش لازمه يروحو المستشفى
احمد... خالتي، صدقيني مؤمن كويس والله، هو في العنايه ومفيش زياره، يعني مجيتكو ملهاش لازمه خالص
ناديه بعياط... بس مش قادرين نقعد من غير منشوفه يا احمد، والله لولا ام احمد كنت جيت جري، ده ابني يا احمد، ابني
احمد.. خالتي خليكي مع ماما، انا كلمت دكتور ايمن وطمني عليها وقالي انه أداها منوم عشان تهدي اعصابها، عشان خاطري يا خالتي خلي بالك منها ومتسيبيهاش، اقعدي معاها انتي وخالتي عايده
ناديه... اخص عليك يا احمد، انت بتوصيني على اختي، دي حته من قلبي، ربنا يطمنا عليك يا مؤمن يا حبيبي وتقوم بالف سلامه
احمد... تسلمي يا خالتي هبقي اكلمك اطمن على امي
وقفلوا مع بعض
***************
تاني يوم فارس طلع من المستشفى على الشركه بعد مطمن على أحمد ومؤمن ووقف جنب صاحب عمره
حسن... استاذ فارس، انت متأخر ليه
فارس... وانت بصفتك ايه بتسأل
حسن... بصفتي كبير المحاسبين هنا
فارس... هههههه حلوه دي، بصراحه اول مره اسمعها، بقولك ايه خليك في حالك، وابعد عني الوقتي، انا مش فايقلك
حسن... انت ازاي تكلمني كده
فارس... المفروض اني اكلمك ازاي مش فاهم يعني، هبقي اركب في بٌقى فلتر يفلترلك الكلام عشان يعجبك بعد كده
حسن... ماشي يا فارس، انا هعرفك ازاي تتكلم معايا ،
فارس... ياريت تبقى تعرفني، عشان متزعلش مني بعد كده
اشرف محاسب جديد... استاذ فارس، انت ازاي فعلا تكلمه كده، انت احرجته جدا قدامنا
فارس... هو اللي أحرج نفسه من الاول، وبعدين طريقته مبتعجبنيش في الكلام
يعني هو لو كان كلمني كويس، كنت انا رديت عليه الرد ده، بص يا اشرف، لكل فعل رد فعل، وهو زيه زيي هنا، ميتنططش بقه ويعمل فيها مهم
اشرف.... تعجبني ياباشا والله
فارس.. هههه تسلم يا كبير ههههه
اشرف... هو استاذ احمد فين مجاش النهارده
دخل حسن في اللحظه دي قبل مفارس يرد
حسن... فاااارس،، اتفضل معايا عند رئيس مجلس الاداره
فارس.... ايه ياعم، انت بتنادي عليا من بلد تانيه، وبعدين براحه على أعصابك لتتعب، وقام معاه
وهما ماشيين في ممر الشركه
فارس... استاذ حسن،، عارف انت محسسني بايه
حسن............
فارس.... امممم مردتش، بس انا هقولك،، انت محسسني اننا في مدرسه وانا معملتش الواجب وانت واخدني للمدير ههههههههههه بس عموما انا ابويا متوفي، عشان متعملوش استدعاء ولي امر هههههههه
حسن بصله بغيظ... انت مش همك
فارس... وانا ايه اللي عملته، عشان اهتم بحركات العيال دي
حسن نفخ بضيق وفتح باب المكتب وقاله اتفضل يا استاذ
حازم.... ايه يا فارس اللي انت عملته مع حسن ده، ممكن افهم
فارس... أنا معملتش حاجه يافندم، هو اتكلم معايا بأسلوب مش كويس وانا رديت عليه بنفس اسلوبه
حازم... هو المفروض كبيرك في الشغل يعني ليه احترامه
فارس... اسف ليك يافندم اسمها مديري، كبيرك دي معدتش عليا قبل كده
وانا مديري استاذ احمد، هو بس اللي من حقه يسألني، لكن حسن زيي زيه في الشركه
حسن بص بضيق وحازم كمان
حازم... والأستاذ احمد فين، بما انك صاحبه، اظن دي شركه محترمه ولازم يكون اول موظفينه
فارس.... وانا كمان اظن ان استاذ احمد عمره متأخر في اي يوم وكان دايما اول موظفينه واكيد اللي خلاه مجاش عذر قهري،
حازم بتريقه.. وايه بقه ان شاء الله العذر القهري ده
فارس... العذر القهري ان اخوه في المستشفى ومضروب بالرصاص، اكيد يعني مش هيسيبه ويجي
حسن اتفاجئ وقال... يعني هو مش جاي النهارده
فارس... انت شايف ايه، اكيد طبعا مش هيجي
حازم... امممممم وبص لحسن اللي فهم نظرته
حازم... ماشي يا فارس اتفضل انت شوف شغلك (وبص لحسن) واعتبره يا حسن سوء تفاهم ومتزعلش فارس تاني
حسن... حاضر يافندم،، اتمنى يا فارس متزعلش مني
فارس... لا مفيش زعل ولا حاجه، بعد اذنكو
حسن.. فارس استنى،، ياريت نعرف استاذ احمد في اي مستشفى، واجب برده نروح نزوره ونطمن على اخوه
فارس... امممممم واجب برده،، عموما هي مستشفى النور، اظن معروفه
حسن... اه طبعا عارفها، ربنا يشفيه يارب
فارس... في اسئله تانيه ولا امشي
حازم... لا اتفضل انت يافارس
وبعد ممشى فارس
حسن... ها يافندم ايه رأيك، اظن دي فرصتنا
حازم... اكيد، عدم وجود احمد ومصطفى مكسب كبير لينا، همتك معانا بقه وخطط براحتك
حسن... هي الشحنات اللي جايه امتى
حازم..... كلها كام يوم، ولازم نظبط ورق الحسابات بحيث محدش يكتشف حاجه
ده غير أن لازم ختم احمد يكون على كل الأوراق، دي فرصتنا لازم تكبر المبلغ عشان نقدر نطلع بنسبه كويسه
حسن... حاضر يا فندم، هدرس الملفات كويس واظبطها واعرضها على حضرتك،
بس لو اتكشفنا
حازم... احمد اللي هيلبسها، مش احنا، هو اللي الختم بتاعه على الأوراق يعني احنا في التمام
حسن...ابتسم.. تمام ياباشا وهو ده المطلوب وضحكوا الاتنين
******************
في المستشفى
هنا.... احمد ياحبيبي قعدتنا مش هتفيد تعالي نروح نغير وانت ترتاح شويه وبعدين نرجع، وبرده نطمن على خالتي
احمد.... هنا انا عمري مهرتاح من غير مؤمن، انا مش هطلع من هنا الا وهو في أيدي زي مطول عمرنا بنعمل، مؤمن مش هيسيبني ياهنا، انا عارف اني مش ههون عليه
هنا... اهدي يا احمد، صدقني مؤمن كويس وهيقوم بالسلامه، وبعدين الدكتور طمنا وقالنا انه كويس، هي مسألة وقت، احمد عشان خاطري انا مش عايزه اشوفك كده،
احمد... هنا عشان خاطري انا سيبيني براحتي، انا بجد مليش نفس لأي حاجه في الدنيا ولا بفكر في اي حاجه غير مؤمن، انا حاسس اني غايب عن الوعي، انا بجد مش عايش، مش عايش من غيره ياهنا،
هنا.. بقلة حيله لان احمد عمره فعلا مهيسيب مؤمن، خلاص يا احمد طب تعالي ريح رجلك واقعد وكٌل اي حاجه، فارس كتر خيره جاب اكل قبل مايمشي وساب معايا فلوس لانه عارف انك هترفض
احمد... امممم، ماشي ياهنا، انا هقعد بس، لكن مليش نفس اكل، وقبل متضغطي عليا، انا بجد مش قادر وياريت ياهنا لو بتحبيني تسيبيني براحتي،
هنا... حاضر يا احمد اقعد بس وريح هِنا
مي طبعا في دنيا تانيه وتقريبا مبتكلمش حد ولا بترد على حد هنا حاولت معاها كتير لكن برده مفيش فايده، مي حاسه بالذنب وده تاعبها جدا،
الدكتور جه وقام احمد سأله
احمد... ها يادكتور طمني بالله عليك
محمد... ايه يا احمد، اهدي كده ان شاءالله خير، وبعدين دي رصاصه مش حاجه سهله يعني محتاجين صبر وان شاء الله لوفاق وبقه احسن هنزله النهارده او بكره بالكتير اوضه عاديه، بس هيفضل تحت الملاحظه، ياريت بلاش القلق ده، صدقوني هو كويس، وبعدين قعدتكو كده بصراحه ملهاش لازمه، تقدروا تمشو وتيجو بالليل
احمد... لا يا دكتور انا مش هقدر امشي واسيبه، انا كده مرتاح، والف شكر لحضرتك جدا
محمد ماشي لقى مي مش طبيعيه ومن كتر الإرهاق والتعب وقلة النوم والاكل بدأت تحس بدوخه
محمد... انتي كويسه يا انسه
مي قامت وبدأت الرؤيه عندها تروح وبدأت تغيب عن الوعي
وفعلا لحقها دكتور محمد وجري احمد وهنا، وشالها احمد دخلها اوضه وكشف عليها الدكتور
محمد... هي محتاجه محلول بس لانها اكيد ماكلتش غير طبعا قلة النوم والإرهاق، هتخلص المحلول وتقوم على طول متقلقوش
احمد... والله يادكتور انا مش عارف اعمل ايه، الحمدلله على كل حال، ربنا بس يعديها على خير
محمد... احمد انا في مواقف اكتر من كده عدت عليا وكانت أغلى ناس ليا، انا تقريبا كل يوم كانت تجيلي حاله ومن عيلتي، وربنا قدرنا وعدينا من كل محنه، انت كمان لازم يكون عندك يقين وثقه في ربنا، وأن شاء الله كله هيعدي
احمد... ونعم بالله يادكتور، ربنا يعديها على خير
مي خلصت المحلول وبدأت تفوق، وحاولت هنا واحمد يقنعوها انها تروح لكن هي رفضت وصممت تقعد في المستشفي
****************
فارس خرج من الشغل عدي على أحمد واطمن عليهم، واستأذن احمد انه ياخد هنا يوصلها البيت تطمن الجماعه هناك وتجيب اللي تحتاجه ويرجع يجيبها بالليل(وطبعا احمد اتردد لانه عارف ان فارس كان معجب بهنا، لكن وقفة فارس جنبه في الموقف ده طمنته نوعا ما، وهو فعلا محتاج فارس معاه، فاضطر انه يوافق.
فارس حس بتفكير صاحبه، حط ايده على كتفه وقال،
فارس.... متقلقش يا احمد هنا زي اختي وفي عنيا
احمد.... تسلم يافارس وانا عمري مهنسي وقفتك دي معايا،
فارس... عيب عليك ياصاحبي، انت ياما وقفت معايا، وبعدين احنا لينا قعدة عتاب مع بعض لكن مش وقته، نطمن على مؤمن الأول وبعدين هزهقك مني
احم. ابتسم وقاله.. إن شاء الله يافارس
وفعلا فارس اخد هنا، يروحها تطمن على اللي في البيت ويرجع هو كمان على بيته يرتاح و يعدي عليها بالليل ويروحوا المستشفى
فارس... اطمني ياهنا ان شاء الله هيبقى كويس
هنا... يارب يافارس، يارب، فارس انا بجد مش عارفه اشكرك ازاي على اللي انت عملته معانا،
فارس... احمد اخويا ياهنا.،ومؤمن غالي عندي قوي ربنا يقومه بالسلامه
سلمي كلمت فارس وقالها على اللي حصل وانه رايح يوصل هنا، وهي كلمت هنا، وكانت زعلانه جدا على مؤمن وقلتلها هتجيلها بالليل تطمن عليه
فارس وصلها ومشي
عم عبده(.اول ماشاف هنا.) . طمنينا ياهنا يابنتي، البشمهندس عامل ايه
هنا... الحمدلله ياعم عبده، ادعولو ربنا يقومه بالسلامه،
عم عبده.... والله يابنتي انا مبعملش حاجه غير اني بدعيلو، ربنا يشفيك ياغالي يارب، ده الحي كله مالوش حس من غيره
هنا... معلش ياعم عبده انا هطلع اطمن على الجماعه فوق
عم عبده... اتفضلي يابنتي، ربنا يطمنا جميعا
طلعت هنا وفتحتها ناديه
ناديه... ايه ياهنا طمنيني يابنتي
هنا... كله تمام ياماما وان شاء الله هيقوم بالسلامه، انا جايه بس اخد شوية حاجات لمى واحمد وهمشي بالليل
ناديه.... يعني الحاله ايه فهميني، ياهنا
هنا... ياماما قولتلك كويس والله، هو في العنايه واحتمال يخرج بالليل، غير كده صدقيني معرفش، بس هي خالتي عايده فين
ناديه... كانت قاعده جنب ام احمد، غلبها النوم ونامت،
هنا.. ماشي ياماما انا هرتاح شويه بس وبعدين همشي،
ناديه... بس كلنا هنيجي معاكي، انا لا يمكن أفضل قاعده كده
هنا... ماشي ياماما حاضر
فارس عدي عليهم بالليل، وكلهم راحو لمؤمن،
ام احمد...(شافت احمد جريت عليه) احمد اخوك فين، طمني يابني
احمد.. اطمني يا أمي، مؤمن لسه في العنايه بس الدكتور قال هيبقى كويس ان شاء الله
ام احمد.. يارب يابني يارب، طب حالته ايه، كلمك، شوفته طيب، وبعياط،، انا عايزه اشوفه يا احمد
احمد... لا يا أمي أنا مش عايز كده، مش عايز عياط ولا عايز قلق، عايز كلنا ندعي ربنا يقومه بالسلامه، وأن شاء الله ربنا هيستجاب
كله فعلا سكت ودعوا لمؤمن كتيير
محمد... احمد ممكن تيجي معايا
احمد... فين يا دكتور
محمد... العنايه تشوف مؤمن، ولا انت مش عايز
احمد... لا طبعا عايز وقام بسرعه
مي... دكتور عشان خاطري انا عايزه اشوفه
محمد... خلاص تعالي، بس معلش هما بس اللي هيجو
ام احمد... أنا عايزه اشوف ابني يا دكتور، انا امه
محمد... عنيا حاضر هيخرجوا وهدخلك
طبعا دخلوا بعد متعقموا كويس
محمد... كلموه وهو ان شاء الله هيستجيب،
احمد..(بص لمؤمن بدموع) . مؤمن، رد عليا ياقلب اخوك، مؤمن اوعي تسيبني، انا مش عارف اتنفس وانت مش معايا، قوم يا مؤمن عشان خاطري
محمد شاور لأحمد يسكت ويسيب مي تتكلم
مي....(قربت منه بعياط) ، مؤمن،،، عمري كله، انا اسفه، انا عارفه اني انا السبب، بس والله مكنتش اعرف ان الامور هتوصل لكده، مؤمن، قوم عشان خاطري انا، انا بحبك قوي، انت حياتي وقلبي يا مؤمن، انت الهوا اللي انا بتنفسه، انت عيلتي كلها يامؤمن، انت وعدتني متسيبنيش، اوعي تخلف وعدك معايا، انا عارفه انك هتقوم، عشان انت طول عمرك راجل وجدع ومبتزعلش حد ابدا، طول عمرك بترسم البسمه على وشوش الناس، اكيد عمرك مهتزعلهم، ومسكت ايده وباستها، مؤمن قوم بقه ياحب عمري كله، وحطت راسها جنب ايده وبتعيط
محمد متابع الاجهزه، وعرف ان مؤمن بدأ يفوق، وانه بيتحسن،
احمد... دكتور هو ليه مش بيفوق
محمد... متقلقش هو من الواضح انه تقريبا فايق، وده هيبان دلوقتي
مي بتعيط لكن لقيت ايد مؤمن بتضغط على ايدها
قامت بفرحه... أحمد مؤمن فاق يا احمد، فاق
احمد جري عليه وبص للدكتور،،
محمد... مش قولتلك، هو محتاج دفعه بس وانتو كنتو الدافع ده
احمد... مؤمن ياحبيبي، طمني عليك، كلمني يا مؤمن
مؤمن... احمد.،،،،،
___________________الحلقه ٢٧
من رواية 💔جراح القلب💔
مي بتعيط جنب مؤمن وحاسه بالذنب انها السبب لكن فجأه لقيت مؤمن بيضغط على ايديها
مي...... مؤمن فاق يا احمد،، مؤمن فاق
احمد... جري عليه،، مؤمن يا حبيبي انت سامعني، رد عليا يا مؤمن، ابوس ايدك ترد
مؤمن... ا، ااا، احمد
احمد بدموع وضحك وفرحه،.... قلب أحمد حمدلله على سلامتك يا حبيبي
وسند راسه علي راس مؤمن ولأول مره يعيط، بس من فرحته ان مؤمن بدأ يفوق
د محمد.... احمد قول الحمد لله صدقني هو حالته بتتحسن، ومتقلقش، يشد حيله بس وهيخرج وهيبقي زي الفل اهدي كده وتعالي نخرج عشان انا وعدت والدتك ادخلها
احمد... (بص لمى وقال) ، يلا يامي تعالي، هو إن شاء الله هيبقى كويس
مي... ممكن استنى شويه يادكتور
محمد.. عشان الحب اللي انا شايفه في عينيكي هسيبك، بس ياريت بلاش كلام كتير حاليا..(وخرجوا هما الاتنين)
مي.... مؤمن،، انا اسفه ياحبيبي، اوعي تزعل مني عشان خاطري، (بدموع) انا بموت عشانك يامؤمن، انت كل حاجه ليا
مؤمن... مي،،،، ب، ب، بحبك يا، بن، بنت
عايده (وابتسم)
مي.... بفرحه و دموع،، وانا بموت فيك، انا بعشقك ياقلب مي، انت حياتي كلها ، بس مكنتش اعرف ان لسانك طويل حتى ف تعبك ههه، بحبك قوي يا مؤمن، حمدلله على سلامتك ياحبيبي
دخلت ام احمد عليه واطمنت وكلمها بس قليل جدا لانه بيقطع في الكلام ومش قادر يتكلم خالص، والدكتور طلب منهم انه يرتاح والكل خرج من عنده
**********************
في الشركه
حسن.... ها ياباشا نروح دلوقتي لأحمد ولا نأجلها
حازم.. لا دلوقتي، عشان نطمن على الحاله ونعرف هنعمل ايه بالضبط
حسن... تمام يلا بينا. واتحركوا على المستشفى
**********،
فارس سلمي كلمته وصممت انها لازم تروح تطمن على مؤمن، وبلغت ولاء باللي حصل وولاء زعلت جدا وقالتلها هبقي ازوره انا ونادر لما يجي
فارس اخد سلمي فعلا وطلعوا على المستشفى دخلوا لمصطفى بيه الأول
واطمنوا على حالته وبعدين اطمنوا على مؤمن
فارس.... احمد، مؤمن هيطلع من العنايه امتى، وحالته عامله ايه دلوقتي
احمد... الحمد لله يافارس فاق والدكتور قال احتمال يطلع شويه كده اوضه عاديه بس يتأكد ان كل شيئ ماشي تمام
فارس... يارب يا حبيبي، بس صحيح نسيت اقولك اللي حصل في الشركه النهارده
احمد.... خير يا فارس ايه اللي حصل
فارس... حسن.... ولسه هيكمل بص لقى حسن وحازم جايين عليه
اديني جيبت سيرته جه ينط، بصراحه مببلعوش
احمد.. ايه ده!!! ده حازم بيه
فارس... حازم بيه، والله الاتنين ارخم من بعض
حسن.... استاذ احمد، الف سلامه على اخو حضرتك، والله زعلت جدا اول معرفت من فارس
حازم.... الف سلامه يا احمد، طمنا ايه الاخبار،
احمد..... الله يسلمكو يا جماعه والف شكر على زيارتكو دي، مؤمن الحمدلله احسن وهيخرج من العنايه احتمال النهارده بإذن الله
حسن بدهشه.... ايه ده يعني هيروح النهارده
احمد باستغراب من رد فعله.. .. لا طبعا لسه شويه يومين كمان كده ان شاء الله ويروح
حازم... ربنا يشفيه يارب ويطمنك عليه
احمد... يارب يا حازم بيه
حازم... طب نستأذن احنا، ونبقى نكلمك نطمن عليه
احمد... شكرا يافندم واسفين على تعبكو معانا
حسن.... متقولش كده، حضرتك غالي عندنا قوي
وخرجوا من المستشفى وهما بيفكروا انهم لازم ينتهزوا اليومين دول وينفذوا خططتهم
فارس.... كتر خيرهم والله، هما رخمين اه، لكن صحاب واجب، هههه
احمد سرحااااان ومردش
فارس.... ايه يا احمد سرحان في ايه كده
احمد.. لا ولا حاجه متشغلش بالك
فارس... احمد انت لسه زعلان مني، انا عارف انه مش وقته، بس صدقني انا تعبان نفسيا من آخر مره اتكلمنا في المكتب، احمد انا بجد مش عايز اخسرك، وبجد عرفت قيمتك لما بعدت عني
احمد..... فارس انت صاحبي الوحيد، يعني تعتبر اخويا، وانا مبزعلش من اخويا ابدا، وعموما انا كفايه عليا وقفتك جنبي في محنتي، انسى اي حاجه حصلت وكأنها محصلتش
فارس... حبيبي يا احمد، وحضنوا بعض
*********
وبعد كام يوم خرج مؤمن من المستشفى وراح على بيته
مؤمن.... يااااه انا دلوقتي حاسس اني بتنفس، بجد المستشفيات دي حاجه صعبه، ربنا يبعدنا عنها يارب،( وبص لمى وهنا) وعن السبب في دخولنا فيها يارب ههههههه
هنا...... ههههه وحشني لسانك الطويل، الف حمدلله على سلامتك يا مؤمن، نورت بيتك ياحبيبي
مي.... حمدلله على السلامه يا مؤمن
مؤمن.... اهو مي دي، تقتل القتيل وتمشي في جنازته، بس هقول ايه، كله فداها، ويارب تتعلم وتسمع كلامي،
مي... اخص عليك يا مؤمن، بقه انا كده، الله يسامحك
كله ضحك... جات عايده وجايبه اكل لمؤمن واكلته بايديها،والكل فرحان برجوعه والضحكه بدأت ترن في البيت من تاني وده طبعا لوجود مؤمن،، وبعدين خرجوا كلهم وسابوه يرتاح شويه
احمد.... أنا هستأذن انا وهروح الشركه ابص بصه وارجع على طول
هنا.... ليه يا احمد ريح النهارده وبعدين روح بكره
احمد.... معلش ياهنا انا بقالي كام يوم مروحتش ولازم اشوف الدنيا ماشيه ازاي وبعدين هما المفروض يكونوا استلموا شحنه جديده امبارح ولازم اشوف ورقها كله
هنا... ربنا معاك يا احمد يارب
احمد.... هتوحشيني على مارجع، مع انك اصلا وحشاني من دلوقتي، بس اعمل ايه في الواد مؤمن ده هو اللي قلقنا كلنا
هنا.... الحمد لله انه طلع بالسلامه
احمد... بقولك هتوحشيني
هنا اتكسفت و وشها احمر.... ماما بتناديني هروح اشوفها عايزه ايه وانت الحق شغلك وسابته ومشيت
احمد... ههههههه بحبك يامجنونه
ومشي على الشركه
*********
في الشركه
رشا.... حمدلله على السلامه يافندم
احمد... الله يسلمك، ياريت تناديلي حسن وفارس بسرعه
رشا... حاضر يافندم،، وخرجت بسرعه تناديهم
حسن... حمد لله على السلامة يافندم، اتمنى يكون مؤمن اخو حضرتك بخير
احمد... الحمدلله بخير. فارس فين
فارس... أنا جيت اهو، خير يا استاذ احمد فيه حاجه
احمد... أنا عايز أوراق الشحنه الجديده كلها، وعايز انزل انا وانت يافارس المخزن ونطابق الأوراق باللي موجود
وانت يا حسن يٌفضل تكون معانا
حسن... وليه كل ده يا فندم، هو حضرتك مش واثق فينا ولا ايه
احمد... لا طبعا،،، (وبصله) واثق، بس انت عارفني لازم كل حاجه اظبطها بنفسي
حسن تحت امرك يافندم اللي تشوفه، بس استنى عليا شويه وكل حاجه هتكون تمام
في اللحظه دي دخلت ندى
ندى.... هاي، ازيكو ياجماعه
احمد... ندى!!!!!
فارس وحسن استأذنوا ومشيو
ندى... ايوه يا احمد ندى ايه نسيتني
احمد... لا طبعا بس مستغرب
ندى... وحشتني قولت اجي اشوفك،
احمد... نعم!!!! وحشتك، مش غريبه دي
ندى.... لا مش غريبه يا احمد، انت كنت بتوحشني على طول بس انت اللي مش واخد بالك، وبعدين انت بخيل ولا ايه، مش هتشربني حاجه
احمد... اه طبعا، تشربي ايه
ندى.... هاتلى عصير، بس مش هشربه غير لما انت تطلب وتشرب معايا،
احمد باستغراب... هه ماشي ياستي مع اني مش عايز بس عشان متقوليش عليا بخيل،، وطلب من رشا تجيب العصير، وكمل
ندى، انتي جايه ليه
ندى..... منا قولتلك وحشتني
احمد... وده اللي هو ازاي يعني،
ندى... احمد، هو انت فعلا مبقتش تحبني، نسيتني خلاص
احمد... اللي اتضح ليا يا ندى، اني محبتكيش اصلا عشان تقولي نسيتك، فوفري كل كلامك ودلعك ده لحد غيري
ندى بغيظ... يعني ايه محبتنيش، وكل اللي كان بينا ده ايه
احمد... اعجاب،،،، مجرد إعجاب مش اكتر
ندى... وانت عرفت منين، انه مجرد إعجاب مش اكتر
احمد... لاني عرفت معنى الحب اللي بجد،،وده خلاني اتأكد ان اللي بينا عمره مكان حب
ندى...بغيظ،،، ودي هنا طبعا
احمد... شيئ ميخصكيش، بس انا هجاوبك، اه ياستي هنا، هنا عرفتني معنى الحب اللي بجد ، هنا دوقتني السعاده والهنا كله، هنا هي مفتاح السعاده بالنسبالي، ها كده ارتحتي يا ندى ولا تحبي تسمعي اكتر
ندى.... ما،، ماشي يا احمد، بس صدقني انت مغيب وبكره هتفوق بس بعد فوات الأوان
احمد.... يارب مفوقش ابدا يا ندى، انا حابب اني ابقى مغيب
رشا جابت العصير وندى قدمت العصير لأحمد، وقالت
ندى.... اوك يا احمد، ربنا يسعدك، عموما، انا خسرتك كحبيب، ممكن مخسركش كصديق
احمد... اكيد، ولو احتاجتي اي حاجه، انا موجود
وقعدوا واتكلمو شويه، واحمد حس بعدم تركيز
ندى اتصلت على حسن وجه بسرعه
حسن... استاذ احمد محتاج من حضرتك تمضي على الورق ده
احمد.... اااا انا مش عارف مالي كده، بس ورق ايه ده يا حسن
حسن.... ورق مهم خاص بالشحنه الجديده اللي حضرتك قولتلي اجيبه
احمد... اااااه، انا مش مركز خالص، هاته كده اراجعه
حسن.... اتفضل، يافندم، بس حضرتك تعبان والمفروض نروح نصرف الشيكات من البنك قبل ميقفل، فياريت، تمضي بسرعه
احمد.... ماشي ماشي وجعتلي دماغي، هات امضي وانا هبقي اراجعها بعد مفوق
حسن،... اتفضل،، ياريت تختم بختم مصطفى بيه، لأن حازم بيه رافض يمضي وعايز يروح لمصطفى بيه المستشفى، يمضيه على الأوراق، وبصراحه مفيش وقت ولازم الشيك يتصرف من البنك النهارده ونسدد الفلوس للناس اللي وثقت فينا وقدّرت تعب مصطفى بيه
احمد... ندى هاتي الختم من الخزنه، حسن بجد انت صداع، وانا حاسس ان دماغي هتنفجر وبجد مش شايف حاجه ولا مركز في حاجه
حسن.... امضي بس يا استاذ احمد، وأبقى راجع بعدين
وطبعا حسن خلي أحمد يمضي ويختم بختم الشركه على شيكات بمبلغ ١٥٠٠٠٠٠،،
تمن الشحنه مليون،،، ، و٥٠٠٠٠٠ ليه هو وحازم بيه
حسن.... استاذ احمد، حضرتك تعبان، اكيد من قلة النوم، والسهر والتعب مع اخوك، ممكن حضرتك تروح ومتقلقش انا هظبط كل حاجه
ندى.... تعالي يا احمد وانا اوصلك، انا معايا عربية واحده صاحبتي، هوصلك لحد البيت
احمد... اوك سندني بس يا حسن للحمام وهخرج امشي لاني فعلا تعبان
حسن... تحت امرك يا فندم
حسن رجع لندى قبل ما احمد يخرج
حسن.... ها انتي ناويه على ايه
ندى.... أنا ناويه اطربقها على دماغه ودماغ ست الحسن بتاعته
حسن.... هتوصليه فعلا
ندى... طبعا بس هاخد عربيتك، واوعى ترفض دي فرصتي
حسن... وحياة امك، وانا هروح البنك ازاي دلوقتي
ندى.... مش مشكلتي، دي فرصتي، وبعدين ممكن تاخد عربية حازم بيه، تروح البنك وترجع على طول
حسن... طب بس، بس، جه اهو
احمد.... انت لسه مروحتش ليه،
حسن... اعتبرني رحت يافندم، والف سلامه عليك
ندى... يلا بينا يا احمد
احمد فعلا من كتر الدوخه والصداع اللي عنده، وده بسبب القرص اللي رشا حطته في العصير بالاتفاق مع حسن وندى سببله عدم تركيز وصداع شديد
ندى وصلته للبيت وطلعت معاه
هنا فتحت الباب واتفاجئت بندي مسنده احمد وداخلين
هنا.... ايه ده!!!!! ندى!!!!!