رواية. 💔جراح القلب.. 💔
الحلقة الاولى والثانية
بقلم شيمو الخطيب
مبدأيا كده يابنات كنت عايزه اكتبلكو نبذه مختصره عن أبطال الروايه.. بسم الله نبدأ...
احمد... شاب وسيم وجاد جدا في حياته طموح وبيحب مجاله قوي (الا وهو المحاسبه) ممكن يهزر وويقلش شويه وده طبعا لان اخوه هو اللي طبع عليه
هنا... بنت متدينه مؤدبه حياتها كلها بتتلخص في والدتها اللي تعتبر عندها العالم باللي فيه
ناديه.. ست مكافحه ربت بنتها بعد وفاة جوزها وعايشه عشان تحقق حلم جوزها انه يشوف بنته ناجحه وعروسه تملي العين
مؤمن..... واه من مؤمن هو بنبوناية الروايه شاب وسيم جدا وطموح وناجح ف دراسته لأبعد حد ده غير طبعا انه دمه زي العسل
الست ام احمد... ست برده مكافحه جدا عاشت حياتها كلها لولادها رفضت الجواز بعد وفاة جوزها لان كل حياتها وهبتها لاولادها وبس
ندى.... بنت بتحب الفاشون واللبس جدا شايفه نفسها جميله وبنحاول تظهر جمالها ده باي طريقه
فايزه... ربت بنتها على الحريه نوعا ما مفيش ضوابط جامده ونفسها تبقى من الطبقه الارستقراطيه
مراد والد ندى..... راجل مش عاجبه حياة مراته وبيحاول كتير يعدلها ومنعرفش هيقدر ولا لا
فارس.... صديق احمد ومن وجهة نظر احمد هو راجل وجدع وصاحب صاحبه نبتدي الحلقه ونقول بسم الله
........................
في بيت بسيط ومتواضع ف حي شعبي
صحيت هنا من نومها وخرجت بره اوضتها تصبح على والدتها كالعاده وتدخل الحمام تتوضي وتصلي الضحى لكن هنا استغربت لان مفيش اي صوت لوالدتها دخلت اتوضت وطلعت صلت الضحى وخارجه من الاوضه لقت باب الشقه مفتوح
هنا... استغربت وندهت ماما.. ماما
ناديه والدة هنا... نعم ياهنا تعالي انا ف المطبخ ياحبيبتي
هنا.. كنتي فين ياماما وسايبه الباب مفتوح ليه
ناديه.. صباح الخير على عيونك ياقلبي انا كنت عند خالتك ام احمد عقبال عندك ابنها هيخطب
هنا.. قلبها دق بخوف ابنها مين ياماما...؟
ناديه.. هيكون مين يعني ياهنا احمد طبعا مهو مش معقول مؤمن هيخطب قبل اخوه الكبير
هنا بصدمه.. بتقولي احمد لا مش ممكن
ناديه.. هو اي ده اللي مش ممكن ياهنا، راجل وهيخطب اي المشكله وبعدين مالك يابنتي واي الدموع اللي ف عينك دي
هنا.. لا ياماما مفيش انا بس زعلانه لاني قابلته امبارح مفكرش حتى يجبلي سيره عن الموضوع وانا كنت بعتبره اخويا
ناديه.. يعني هو ده السبب بس ياهنا ولا في حاجه تانيه
هنا.. اه طبعا هو ده السبب بس هيكون في اي تاني ياماما
ناديه.. ماشي يابنتي ربنا يصلح حالك ويفرحني بيكي قريب ياقلب ماما وبعدين انتي عارفه احمد كلامه قليل وممكن تكون مجتش فرصه يقولك، متزعليش منه ده انتو اخوات ومتربيين مع بعض
هنا بتهكم.. هه فرصه اه ممكن مجتش فرصه عموما ربنا يسعده ودخلت اوضتها واترمت على سريرها وعيطت كتير قوي على حبها الصامت اللي ملحقش يطلع للنور (وده كان أول خنجر ف قلب هنا من أحمد) 🤫🤫
ناديه.. ياهنا.. هنا راحت فين البت دي. ياهنا
هنا.. ايوه ياماما عايزه حاجه
ناديه.. البسي أسدالك ياهنا وتعالي ياحبيبتي هاتي الأطباق والكوبيات دي وحصليني على بيت خالتك اصل جايلها ناس قريبهم عشان الخطوبه واهو بالمره تساعدينا نلحق نخلص الاكل قبل ما ييجو
هنا.. بصوت مخنوق من العياط حاضر ياماما
ناديه.. تسلمي ياقلب ماما، هنا انا عارفه انك زعلانه لكن مينفعش نتكلم دلوقتي ادخلي يا حبيبتي اغسلي وشك وحطي شوية كحل ف عينك اهو يداري حزنك شويه ولما نرجع ليا كلام معاكي ماشي ياقلبي
هنا... هزت راسها وسابتها ودخلت الحمام غسلت وشها وخرجت لبست اسدالها وراحت مع مامتها
دخلت هنا وناديه وقابلتهم ام احمد بالترحاب وسلمت على هنا وقلتلها عقبالك ياحبيبتي
هنا.. تسلمي ياطنط ربنا يخليكي
ام احمد.. انتي بنتي اللي مخلفتهاش وربنا يعلم ياحبيبتي حبك ف قلبي، ربنا يفرحك ويسعد قلبك ويرزقك بابن الحلال قادر ياكريم
ناديه.. منتحرمش منك ياحبيبتي ويفرحك بمؤمن ويكمل لأحمد على خير يارب
مؤمن خارج من اوضته.. الله الله اي الدعاوى الجميله اللي على الصبح دي هو انا مليش نصيب ف الدعاوى دي ولا اي
ناديه.. حبيبي ربنا يفرح قلبك ونفرح بيك قريب
مؤمن.. لا فال الله ولا فالك يا دودي اوعي تقولي كده تاني طب انا لو اتجوزت مين يقرفكو ا ويرخم عليكوا ها قولي مين
ناديه.. ياواد اهو نرتاح من رخامتك شويه
ام احمد.. هي رخامه بس دي رخامه وبرود كمان
مؤمن.. الله يسامحك يا ام احمد انا مش هرخم النهارده عشان فرح ابنك البكري غير كده كان هيبقى ليا كلام تاني
ام احمد.. امشي ياواد مش فاضينلك عايزين نلحق نخلص اللي ورانا انت لو فتحت ف الكلام والهزار مش هتتسد
مؤمن.. ماشي يا ام احمد ياعسل همشي اهو بس بكره تقولي ولا يوم من أيام رخامتك يا مؤمن ضحكوا كلهم ودخلو على المطبخ
ناديه... هنا حبيبتي رتبي انتي الشقه على قد متقدري وانا وخالتك علينا المطبخ وبصتلها بحب كبير عقبال مفرح بيكي ياقلبي
هنا.. حاضر يا ماما من عنيا وبدأت هنا ترتب الشقه
خرج مؤمن من الحمام
مؤمن.. بت ياهنون عامله اي وحشاني والله بقالي يومين مشوفتكيش
هنا بضحك مصطنع.. تصدق يومين كتير برده عموما انا تمام الحمد لله انت عامل اي ف دراستك (معلومه هنا اكبر من مؤمن بسنه وهنا كلية آداب ومؤمن هندسه اما احمد فخلص دراسه ف كليه تجاره بتقدير امتياز وهو اكبر من هنا بسنتين) مؤمن.. أنا زي الفل والحمدلله، بس انتي مالك كده وشك متغير وعنيكي حمرا انتي معيطه ياهنا
هنا بخوف.. أنا لا ابدا عياط اي انا بس منمتش طول الليل وكنت تعبانه شويه
مؤمن.. لا الف سلامه عليكي خلاص انا هساعدك ف التنضيف عشان منتعبكيش اكتر
هنا.. لا تسلم يا مؤمن متتعبش نفسك انا الحمد لله بقيت احسن هعمل شوية قهوه عشان افوق بس هما يخلصوا شغل ف المطبخ وانا ادخل اعمل على طول
مؤمن.. تمام ابقى اعمليلي معاكي بقه هينوبك ثواب ف اخوكي وغمز بعنيه 😉.
هنا.. من عنيا الاتنين
مؤمن.. تسلم عيونك يا احلى هنون
دخل احمد من الباب وكانت هنا ضهرها ليه
احمد.. السلام عليكم يا أهل الدار
مؤمن اهلا بعريسنا وعليكم السلام يا مغلبنا
هنا.. بصتله بحب ممزوج بحزن وعليكم السلام يا احمد
احمد.. مغلبكوا ف اي ياواد انت ده انت مفيش منك مصلحه نهائي يانايم يا ف الجامعه يا بره مع صحابك فين الغلب ده، وبعدين عقبال متغلبنا يا اخويا ونخلص منك
مؤمن.. ليه هو انا مجنون اعمل زيك واخطب واتجوز يا عم انا عايز اعيش حياتي براحتي
احمد.. بس دي سنة الحياه وبعدين مسيرك هتقع على بوزك يا حلو
مؤمن ربنا يديك ويدينا طولة العمر ياحبيبي وضحكوا كلهم
احمد بص لهنا.. عقبالك ياهنون
هنا.. شكرا
احمد.. اي يابت شكرا دي مالك كده قالبه وشك علينا ليه ده حتى النهارده يوم مختلف فكيها كده
مؤمن.. اه يا هنا فكيها الناس لبعضيها هههههه
احمد.. اتهد يلا واسكت ده انت صداع
مالك ياهنا انتي زعلانه من حاجه
هنا.. بلهفه زعلانه انا لا هزعل ليه يعني
احمد.. طب براحه مالك اتخضيتي ليه، اصل مش طبيعتك الهدوء والسكون ده
هنا.. لا بس تعبانه شويه، عن اذنك وسابته ومشيت
احمد استغرب رد فعلها ودخل المطبخ.. حبايب قلبي عاملين اي معلش انا عارف اني تعبكو معايا بس انا ليا مين غيركو
ناديه.. تعيش وتتعبنا ياحبيبي الف مبروك وربنا يكملك على خير يارب
احمد.. تسلمي ياست الكل ربنا ميحرمني منك ابدا
ام احمد.. جبت اللي قولتلك عليه يا احمد
احمد.. طبعا ياحبيبتي انتي تؤمريني امر يا ام احمد ياغاليه
ام احمد.. تسلم من كل شر يا حبيبي
احمد.. دودي(ناديه) هي هنا مالها مش طبيعيه ليه
ناديه... مفيش ياسيدي زعلانه منك
احمد بلهفه.. مني انا ليه
ناديه.. عشان كانت واقفه معاك امبارح ومفكرتش تقولها على الخطوبه
احمد.. والله مجاش ف بالي خالص لكن عندها حق انا هخرج اراضيها حالا
ناديه.. ربنا يسعدك ياحبيبي
احمد.. هنا... يا هنا...
هنا.. نعم في حاجه
احمد.. اي الرد الرخم ده يابت بلاش الوش الخشب اللي انتي مركباه ده انا بس كنت عايزك ف حاجه
هنا.. خيير
احمد.. انا عارف انك زعلانه مني عشان مقولتش ليكي على الخطوبه لكن والله غصب عني هي جت بسرعه وبعدين دماغي مشغوله بمليون حاجه وبصراحه ندى مش مخلياني عارف ابص ورايا سامحيني بجد يابت انتي اختي مقدرش اخبي عنك حاجه اوعي تزعلي مني باهنون
هنا.. بدموع هي اسمها ندى
احمد.. باستغراب يعني انتي سيبتي كلامي كله وسألتي على اسمها، اه ياستي اسمها ندي
هنا.. بتحبها من زمان
احمد.. دي حب عمري كله من وانا ف الجامعه بس مكنتش قولتلها اني بحبها لكن لما عرفت لقيتها هي كمان بتحبني وقررت اني لازم اخطبها قبل متضيع مني انتي متعرفيش هي جميله قد اي يعني ممكن تتخطف خطف كده😍
هنا...... اممممم وبدموع ربنا يسعدك يا احمد
احمد.. أنا مش فاهم ياهنا دموعك دي ليه فرحه ولا زعل فهميني ياهنا
هنا... الاتنين يااحمد فرحه لأنك هتخطب الانسانه اللي بتحبها وقلبك اختارها وزعل لأنك خبيت عليا وعرفت زيي زي اي واحده غريبه مش اختك زي ما انت بتقول لكن ربنا يسعدك يارب وهو ده اللي يهمني
احمد.. حقك عليا ياهنون اوعي تزعلي مني ابدا واعذريني اصل الحب عماني بقه هههه عقبالك لما تحسي الاحساس ده بجد هتبقى سعيده قوي
هنا.. إن شاء الله ومشيت من قدامه قبل ميغمي عليها من كلامه اللي بيقطع ف قلبها
هنا كملت ترتيب الشقه بحزن شديد وبعد مخلصت استأذنت من مامتها وأم أحمد عشان تروح تريح شويه وتغير هدومها وتجهز للحفله
وطبعا اغلب الضيوف وصلوا وأم أحمد رحبت بيهم وخدتهم عشان يتغدوا
هنا اول مادخلت شقتها جريت على اوضتها وقعدت على السرير وعيطت بصوتها كله لدرجة انه اللي يسمعها قلبه يتقطع عشانها
ناديه قلقت عليها لأنها اتأخرت وهي مش قادره تسيب ام احمد وتمشي وقررت تقول لمؤمن يروح يطمن عليها ويطمنها
ناديه.. مؤمن.. يا مؤمن تعالي عايزاك
مؤمن عيون مؤمن عايزه اي ياقلبي ااؤمري
ناديه.. الأمر لله وحده ياحبيبي معلش يامؤمن عايزاك تروح الشقه وتستعجل هنا انت عارف مش هينفع اسيب والدتك واروح انا
مؤمن.. عيوني يا دودي
ناديه.. تسلم ياقلب دودي
مؤمن راح خبط على الباب محدش رد كان في مفتاح ف الباب مؤمن فتح الباب وقعد ينادي
مؤمن.. هناا.. ياهنااا... بت ياهنا هي راحت فين البت دي. هناااااااااا
سمع صوت هبده جامده جايه من أوضة هنا جري على الاوضه واتفاجئ بهنا وهي.......
______
الحلقه ٢
جراح القلب
مؤمن راح يطمن على هنا ويستعجلها خبط على الباب كتير محدش رد استغرب خبط
ونده على هنا برده محدش رد اتردد كتير انه يفتح الباب لكن قرر ف الاخر انه يفتحه وينادي وهو واقف بره. فتح مؤمن الباب
مؤمن.. هنا... هناااااا.... بت ياهنا انتي رحتي فين.... ماتت دي ولا اي ياهناااااااااا
فجأه مؤمن سمع هبده من أوضة هنا وجرى ناحية الاوضه وخبط على بابها لكن مفيش اي رد خبط كتير وخايف يدخل تكون هنا مش بحجابها قرر يروح يقول لمامتها بس خايف يعمل قلق هناك خصوصا في وجود ناس كتير عشان الفرح دعا ربنا تكون يحجابها وفتح الباب براحه وبص بطرف عينه عليها لقاها مرميه ف الارض باسدالها زي مهي حتى الطرحه مفكتهاش
مؤمن.. الحمد لله بحاجبها جري عليها وشالها نايمها ف السرير حاول يفوق فيها مفيش اي استجابه هناااا ردي عليا يهناااا لو تفهميني مالك بس.. هنااا فوقي ياهناااا بص فالاوضه يدور على اي حاجه تفوقها لحد ملقي برفيوم على التسريحه قام جري خده ورش على ايده رشه وحاول يفوقها وبالفعل فاقت
مؤمن.. حرام عليكي ياشيخه وقعتي قلبي اي اللي حصل يابنتي
هنا... مؤمن!!!! انت اي اللي جابك هنا واي اللي حصل
مؤمن... لا انتي مجنونه انتي بتسأليني ايه اللي حصل؟ انا اللي المفروض اسأل على فكره مش انتي
هنا....انا اخر حاجه فاكراها اني كنت نايمه على السرير وسمعت خبط على الباب قومت عشان افتح محستش بحاجه بعد كده
مؤمن... اهو انا بقه ياستي الرخم اللي كنت بخبط على الباب ممكن تفهميني مالك بقالك ساعتين راجعه الشقه وحتى مغيرتيش هدومك مالك ياهنا انتي بتحبي جديد يابت ولا اي صارحي اخوكي متخافيش سرك في بييييير
هنا.... بسرحان حب! لا طبعا انا عمري ماحب ابدا، الحب عذاب يامؤمن وانا مش عايزه اتعذب اكتر من كده
مؤمن... عذاب!! واكتر من كده.. ده انتي شكلك مجرباه ومتعذبه فيه كمان
هنا.. لا طبعا بس بشوف تجارب اصحابي مع الحب ومش عايزه اكررها
مؤمن.. مش كل التجارب زي بعضها ياهنا وزي مافيه عذاب ف الحب فيه برده فرح وسعاده زي أحمد مثلا حب ندى وأهم النهارده بيتوجوا الحب ده
هنا.. بدمووووع ربنا يسعده
مؤمن.. بدأ يفهم هنا مالها او هو كان فاهم ومكدب نفسه لكن دلوقتي اتأكد أن هنا بتحب احمد وبصلها وقال
.. ربنا يسعدك ياهنا ويرزقك بواحد يقدرك ويحافظ عليكي انتي تستاهلي كل خير ياهنون
هنا.. تسلم يامؤمن ربنا يخليك
مؤمن.. طيب يلا بسرعه بقه خدي دش يفوقك كده وغيري هدومك عايزك ملكه النهارده و، وحصليني على شقتنا لان ناديه قلقانه عليكي
هنا بضحك... هو مفيش القاب عندك خالص يامؤمن ناديه كده بس
مؤمن.. يعني هي جديده عليكو منا طول عمري بقولها وبعدين انا لسه هقول خالتي ولا غيره انا بكسل يا اختي وحياتك كفايه عليها ناديه وتحمد ربنا على كده 😂😂
هنا... لا فعلا عندك حق تحمد ربنا على كده وضحكوا
مؤمن يلا انا همشي عشان ناديه متقلقش اكتر وانتي تعالي ورايا ومتتأخريش ممكن
هنا.. ممكن طبعا وهنا فعلا دخلت خدت شاور وخرجت عشان تجهز الحفله
مؤمن راح علي شقته واول مدخل ناديه جريت عليه
ناديه.. اي يا مؤمن اتاخرت ليه قلقتيني هنا حصلها حاجه
مؤمن.. سلامتك من القلق يا دودي يا حبيبتي. ندى بخير متقلقيش
ناديه طب اتأخرت ليه كده انا كنت لسه هاجي وراك
مؤمن.. بنتك كانت نايمه ياستي سيباني اهبد على الباب لما ايدي وجعتني وهي ولا هي هنا
ناديه بضحك.. معلش أصلها منامتش بالليل كويس المهم انك صحتها عشان تلحق تجهز
مؤمن صحتها ياحبيبتي مهو انا المنبه بتاعكو هنا
ناديه.. بضحك ياواد انت مفيش فايده فيك كل حاجه عندك هزار
مؤمن.. يعني بذمتك يا دودي احنا عايشين ليه؟ ها عايشين عشان ننكد على بعض ولا عشان نروق على بعض
ناديه.. لا ياخفيف عشان نروق على بعض
مؤمن.. طب متروقي على ابنك حبيبك كده بكوباية قهوه تعدل دماغه من ايديكي الحلوين
ناديه.. من عنيا ياحبيبي
مؤمن.. تسلم اديكي وعنيكي يا احلى دودي
................
عند هنا ف شقتها
هنا خرجت من الحمام لبست فستان رقيق جدا لونه نبيتي وحطت ميكب اب خفيف ولفت حجابها بطريقه رقيقه وكانت فعلا ملكه هي مش جميله قوي لكن ملامحها بريئه جدا وروحها حلوه تشد اي حد ليها بسهوله
دخلت هنا شقة ام احمد وسلمت على كل الموجودين اللي انبهروا برقتها وجمالها وكان احمد ومؤمن بيجهزوا ف اوضهم ناديه خارجه من المطبخ شافت هنا وجمالها
ناديه... بسم الله ماشاء الله قمر ياحبيبتي ربنا يحميكي ويفرحني بيكي يارب
هنا... ربنا ميحرمني منك يا أمي
ام احمد... ما شاء الله تبارك الله عروسه زي القمر ربنا يسعدك ياحبيبتي
هنا... تسلمي ياخالتي ربنا يخليكي
احمد لبس بدلته وكان قمه ف الوسامه والشياكه وخرج يدور على هنا
احمد... هنا يهناااا
ناديه.. كلمي أحمد يا هناتقريبا بينادي عليكي
هنا.. راحت لأحمد عند الاوضه.. خير يا احمد محتاج حاجه
احمد بانبهار.. اي يابت القمر ده انتي مخبيه الجمال ده كله فين
هنا.. أنا زي ما انا طول عمري جميله انت بس اللي مبتشوفش
احمد ضحك بصوته كله وده دوب قلب هنا وقالها... عندك حق انا اللي كنت أعمى المهم ادخلي عايز اخد رايك ف حاجه
دخلت هنا أوضة احمد وطبعا الباب مفتوح عليهم
احمد طلع علبه قطيفه من درج المكتب وفتحها وقالها اي رايك
هنا انبهرت جدا بيها وهي كانت عباره عن كوليه رقيق ودبله وخاتم ودبلة احمد طبعا
هنا.. حلوه قوي يا احمد مبروك عليك
احمد.. انتي اول واحده تشوفها عشان تعرفي غلاوتك عندي ومتزعليش مني
هنا.. مفيش زعل ولا حاجه يا احمد انت اخويا.. (قلب هنا بيتقطع) .. ببس شكلها غالي قوي
احمد.. بصي هي خلصت على تحويشة عمري بس كله فداها انا لو أطول اجيبلها حته من السما هعملها
هنا.. للدرجادي بتحبها
احمد.. ندى دي كانت حلم حياتي ياهنا كنت بشوفها ف الجامعه بنسى الدنيا كلها وبدخل ف عالم تاني عالم بيجمعني انا وهي وبس لحد م واحد صاحبي قالي شكلك معجب بيها قولتله جدا قالي طيب واللي يعرفك عليها قلتله هبقي مدين ليه طول عمري قالي ماشي ياعم تعالي وانا اعرفك عليها وبالفعل عرفني عليها ومن يومها وهي عشقها ف قلبي بيزيد يوم عن يوم
هنا.... بخنقه ودموع محبوسه وصوت مخنوق.. ربنا يسعدك ويكملك على خير يا احمد
.احمد.. . عقبالك يارب يا هنون
هنا... تسلم يارب
احمد.. المهم يابت نسيتني كنت عايز اقولك اي
هنا... خير في حاجه تاني
احمد... أنا عايزك تركبي معايا العربيه وانا رايح اجيب ندى ممكن ولا لا
هنا... ليه!! مش ممكن ندى تدايق
احمد.. ملكيش دعوه بندي. ندى معندهاش اخوات بنات
وعايزك تتعرفي عليها وتبقى اخت ليها انا هآمن عليها معاكي
هنا... حاضر يا احمد من عنيا اللي انت عايزه انا هعمله
احمد.. تسلملي احلى عيون ف الكون
هنا... ابتسمت بحزن شديد واستأذن ومشيت تستعجل مامتها
الكل جهز وبدأوا يتحركوا عشان يروحوا يجيبوا العروسه
مؤمن... هنون تعالي اركبي معايا انا اخدت عربية واحد صاحبي وهاخد ماما وناديه وعمتي ونروح
هنا.. لا يا مؤمن مش هينفع اصل احمد عايزني معاه ف العربيه
مؤمن.. اشمعني يعني
هنا... قالي ندى ملهاش اخوات وعايزيني ابقى معاها وابقى اخت ليها
مؤمن.. وانتي وافقتي!!
هنا... وهرفض ليه يا مؤمن وبعدين مش معقول اول طلب يطلبه مني يوم خطوبته وارفض ولا انت شايف اي
مؤمن.. لا عندك حق.. المهم انتي عايزه تروحي؟ لو مش عايزه انا ممكن اقول لأحمد واخدك معايا
هنا... لا ملوش لزوم يا مؤمن عشان أحمد ميزعلش
مؤمن.. ماشي ياهنا براحتك ربنا يفرحنا بيكي قريب يا هنون
هنا.. قول ان شاء الله وابتسمت
احمد ركب هنا العربيه ف الكرسي اللي قدام وكان قاعد فارس صاحبه هو اللي بيسوق اول هنا مدخلت
فاارس.... اي ده ماشاء الله انتي بقه هنا
هنا باستغراب.. ايوه انا بقه هنا هو حضرتك تعرفني
فارس.. احمد كلمني عنك النهارده وقالي انه بيعتبرك زي اخته وهتركبي معانا النهارده
هنا بتهكم.. هه اه انا زي اخته
فارس استغرب رد فعلها وقالها مكنتش متخيلك بالجمال ده
هنا.. وانت تتخيلني ليه اصلا بالجمال ده ولا بغيره اتفضل حضرتك بص قدامك وخلي الليله تعدي على خير
فارس.. حاضر حاضر براحه عليا مالك كده داخله شمال فيا اهدي بس شويه
هنا بغل.. هو انت شايفني بشد ف شعري عشان تقولي اهدي
احمد سمع صوت هنا راح ناحية العربيه
احمد.. مالك ياهنا في اي حد دايقك
هنا.. لا مفيش ممكن نتحرك بقه ولا هنقف كتير
احمد حاضر هنمشي اهو
فارس نزل من العربيه ولف ناحية احمد وقال
فارس.. اي يا عم انت جايب دراكولا معانا دي شويه وهتنزل تاكلني
احمد.. انت هببت اي
فارس.. هو انا لحقت اهبب دي داخلة فيا زي القطر دي دمها حامي قوي يا جدع
احمد ضحك... معلش حقك عليا انا وعدي الليله
هنا.. احنا هنقف نتكلم كتير ولا ايه مش يلا بقه
فارس واحمد بلبخه جريوا الاتنين وركبوا واتحركو ا ف صمت تام خوفا من المجنونه اللي ف العربيه
وصلوا البيوتي سنتر ومؤمن كان وراهم على طول ونزل احمد عشان يستقبل معشوقته الجميله نزلت هنا وحاطه ايدها على قلبها من انها تشوف احمد مع حبيبته لأول مره مؤمن راح لهنا ووقف جنبها وقالها عقبالك ياهنا
هنا.. عقبالك انت الاول يا مؤمن وابتسمو ا الاتنين
احمد دخل البيوتي سنتر وكانت ندى ف انتظاره
احمد.. بانبهار شديد اي يابنتي الجمال ده انا مش عارف هحبك اي اكتر من كده
ندى بكسوف.. ربنا ميحرمني منك ابدا ياحبيبي
احمد.. مسك وشها وباس جبينها وقالها مبروك عليا انتي
ندى.. مبروك عليا انت يا احمد
خرج احمد بيها بره وكل الشباب صفرت وهما خارجين والبنات بتزغرط وكانت الفرحه ماليه المكان الا قلب هنا اللي كان بيزف دم من الجرح اللي فيه
احمد اخد ندى وراح ناحيه هنا وقال
احمد.. دي هنا يا ندى جارتي واختي وتقدري تعتبرها من دلوقتي اخت ليكي بجد هتحبيها قوي
ندى... بصت على هنا من فوق لتحت وقالت.. غريبه بس انت عمرك محكتلي عنها قبل كده ولا جبت حتى سيرتها (وندى طبعا تقصد تغيظ هنا)
احمد اتحرج جدا من ردها وبصلها باستغراب بس هنا لحقته
هنا... معلش أصله دايما ناسي كده وبعدين هو اللي يشوف جمالك يفتكر حاجه اصلا
ندى.. بابتسامه.. شكرا ليكي وشكلنا هنبقى صحاب
هنا.. إن شاء الله والف مبروك ليكو
ندى.. الله يبارك فيكي عقبالك
احمد بص لهنا نظرة فيها اعتذار وشكر لردها وزوقها مع ندى وهنا بادلته بنظرة لوم وعتاب لكن طبعا هو مغيب ومفهمش نظرتها خالص. (حمار بقه هنعمل اي)
اتحركو ا على بيت العروسه لانه فيه الحفله وهو كان بيت في حي شبه راقي وله جنينه صغيره ومجهزه لاستقبال العروسين
نزلوا طبعا وكان ف استقبالهم والدة ووالد العروسه
فايزه والدة العروسه... مبروك ياحبايبي الف مبروك ربنا يتمم بخير يارب ويسعد قلوبكو
مراد والد العروسه.. مبروك ياحبايبي ربنا يسعدكوا يارب
ندى... حبيبي يابابا ربنا يخليك ليا انت وماما يارب
رحبوا طبعا بأهل العريس كلهم ودخلوا وبدأوا حفلتهم البسيطه
مؤمن طبعا مراقب هنا لانه شك ف حبها لأحمد وصعبت عليه جدا وقرر انه يقف جنبها ويساعدها تخرج من محنتها
مؤمن... واقف لوحدك ليه يا جميل
هنا.. معرفش حد هنا فقولت اتفرج من بعيد.
مؤمن.. طيب مش بتقعدي ليه مع ناديه والست ام احمد
هنا.. عادي يا مؤمن فضلت اقعد بعيد براحتي
مؤمن بحزن... انسيه ياهنا وحاولي تعيشي حياتك عادي
هنا بصدمه.. إ.. إ.. أنت بتتكلم عن مين يا مؤمن
مؤمن.. انتي فاهماني كويس وعارفه انا اقصد مين
هنا... لا طبعا معرفش انت تقصد اي اصلا
مؤمن... ماشي ياهنا عموما ده لا وقته ولا مكانه واكيد هيجي وقت مناسب نتكلم فيه وبصراحه ها بصرااااااحه
هنا بصت بدموع.. وسكتت لكن قلبها اللي كان بيتكلم ومؤمن حس بيها لكن مش عارف يعملها اي
الدي جي اشتغل وكانت اول رقصه سلو على اغنية خليك معايا عمرو دياب
ولا اي كلمة حب اتقالت في يوم مابين اتنين
تسوي حلاوة كلمه منك قولتهالي
عيد قولت اي كده تاني وتالت انا قلبي كله حنين
ولا يطفي ناره حبيب غير ولو عدتهالو
عارف بتعمل فيا اي كلمة حبيبي. زي اللي اول مره بيحس بأماااااان
خليك معايا خليك معايا يا حبيبي مهما كان
خليك معايا يا حلم عمري اللي في خيالي من زمان
عارف انت اجمل حاجه تفرح الواحد هيا اي
ان اللي يا ما حلمت بيه تلاقيه حبيبك
وانا عشت بحلم باللحظه دي ده اللي بدور عليه
انا اسيب حياتي ودنيتي ولا يوم اسيبك
عارف بتعمل فيا اي كلمة حبيبي زي اللي اول مره بيحس بأماااااان
خليك معايا خليك معايا يا حبيبي مهما كان
خليك معايا يا حلم عمري اللي ف خيالي من زمااااان
احمد عاش كل كلمه مع حبيبته وكأنه هو اللي بيقولها وندى بادلته نفس الاحساس واحساسه كان واصل لكل اللي قاعدين حتى هنا اللي مش قادره تستحمل اكتر من كده وقربت على الانهيار فعلا، لكن فجأه سمعت هنا صوت بيناديها وبصت لقته.............
رواية جراح الحب
الحلقه الثالثة
بقلم شيمو الخطيب
........................ .........................
هنا كانت واقفه بتابع احمد وحبه لندى وقلبها هيتقطع على حالها واللي وصلت ليه بس فجأه سمعت صوت بيناديها وبصت لقيته
فارس.... هنا... ياهنا واقفه بعيد ليه كده
هنا.... اهلا استاذ فارس.. أنا بس مبحبش الزحمه فقولت أقف اتابع من بعيد
فارس.. اسف ياهنا لو كنت دايقتك ف العربيه بجد مكنش قصدي
هنا... لا مفيش حاجه ولا يهمك انا برده كنت رخمه معاك شويه
فارس.. انتي عارفه وانتي متنرفزه بتبقى حلوه قوي
هنا... استاذ فارس مالوش لازمه الكلام ده عشان مترجعش تزعل مني
فارس.. أنا مزعلتش منك قبل كده عشان ارجع ازعل تاني
هنا... استاذ فارس عن اذنك مضطره امشي
فارس.... مسك دراع هنا وشال ايده بسرعه وهنا بصتله بصه كفيله تحرقه وهو واقف
فارس... أنا آسف ياهنا والله مقصد بس انتي دمك حامي قوي ومش مدياني فرصه اتكلم معاكي
هنا... وحضرتك تتكلم معايا ليه اصلا مفيش بينا سابق معرفه يسمحلك بالكلام معايا
فارس.. عندك حق،، ممكن بقه نتعرف على بعض اكتر عشان اعرف بعد كده اتكلم معاكي
هنا.. اسفه لا مش ممكن وعن اذنك بقه
وسابته ومشيت قعدت جنب والدتها
ناديه.... كنتي فين يا هنا
هنا... واقفه بعيد ياماما انتي عارفه اني مش بحب الزحمه وبتخنق منها
ناديه.. عارفه ياحبيبتي بس معلش استحملي دول كلها ساعتين، على كده في فرحك هتعملي اي يا هنا
هنا... ربنا يسهل بقه يا ماما لسه بدري
ناديه.. ربنا يسعدك ياحبيبتي يارب
مؤمن ولع الفرح برقصه مع اخوه وكان مهيبر على الآخر وده خلي للفرح طعم تاني والكل كان بيتفرج وفرحان جدا الا هنا اللي قلبها بيتقطع كل ماتشوف احمد بيرقص وفرحان بندي
جه وقت تلبيس الشبكه واحمد بيلبس الكوليه لندى ونظراته ليها كلها حب وده طبعا مولع ف قلب هنا والعررسين لبسوا الدبل وقام احمد لف بندي والكل بيصقف وفرحان بيهم جدا بس طبعا مش قد فرحة احمد بندي
خلص الفرح والكل راح يسلم على العروسين ويبارك ليهم وأولهم هنا لأنها عايزه تخلص وتخرج من المكان ده لأنها حاسه ان الأكسجين فيه بقه قليل جدا ومش قادره تاخد نفسها من الخنقه اللي هي فيها
هنا.... الف مبروك يا احمد ربنا يسعدك يارب
الف مبروك ياندي
احمد.... الله يبارك فيكي يا هنا وعقبالك ياحبيبتي
ندى.... الله يبارك فيكي عقبالك وبصت لأحمد بضيق لما قال لهنا يا حبيبتي
هنا لاحظت نظرة ندى وانسحبت من قدامهم بسرعه واحمد لاحظها لكن معلقش
مؤمن سلم على اخوه وباركله وهزر معاه هو وندى كتيير
مؤمن.... ها يا برنس جاي معانا ولا مبلط هنا
احمد... يابني ادم احترمني شويه قدامها مينفعش كده انت معندكش دم يلا
ندى.... سيبه يا احمد، مؤمن ده عسل ودمه زي الشربات دي كفايه ضحكته
مؤمن... ربنا يجبر بخاطرك يا ندى، والله انتي الوحيده اللي نصفتيني
ام احمد.. مين ده اللي دمه عسل وشربات اوعي يكون مؤمن
كله بضحك اكيييد هو فيه غيره
سلمت ام احمد علي أحمد وحضنته وباركتله ودعتله كتير وهي بتعيط ان ربنا يسعده ويكمله علي خير
ناديه... خلاص بقه يا ام احمد سيبهولي شويه انتي هتكوشي عليه ولا اي
احمد ضحك وخرج مامته من حضنه وسلم على ناديه اللي مقدرتش تمسك نفسها وعيطت هي كمان وحضنته (مهي تعتبر هي اللي مربياه برده) ودعتله كتير من قلبها ان ربنا يسعده وسلمت على ندى وخرجت
احمد قال هيقعد يتعشى مع ندى وبعدين هيروح وطلب من فارس انه ساعه كده ويجيله ياخده بالعربيه
فارس... حاضر ياسيدي مهو انا السواق الخصوصي بتاعك
احمد... معلش ياعم عقبال منتعبلك يوم فرحك انا عارفك هتمرمطني ههههه
فارس... قول يارب عن قريب وبالنسبه للمرمطه فده اكيييد هتتمرمط وضحكوا كلهم
مشي فارس قعد على قهوه قريبه مع جماعه صحابه مستني احمد يحن عليه ويكلمه
احمد.... مبروك ياحبيبتي انا بجد مش مصدق نفسي انك بقيتي ملكي وبس
ندى.... بضحك.. دي خطوبه يا احمد مش جواز
احمد بضبق من كلامها... اي يا ندى ردك ده ده بدل متأكدي على كلامي وتحمدي ربنا اننا مع بعض وبعدين يا ندى بخطوبه او من غيرها فأنتي ملكي وبس ومش هسمح لحد ياخدك مني ابدا عندك اعتراض ولا حاجه
ندى... لا طبعا معنديش اعتراض خالص انت حبيبي وكل حياتي يا احمد
ندى... ايوه كده فكيها شويه انتي منشفه ريقي يا شيخه من الصبح وضحكوا الاتنين
ندى.... احمد،،، هي مين هنا دي وايه حكايتها معاك
احمدباستغراب... حكايتها معايا؛!!!!!!!!!!! مفيش اي حكايه خالص الموضوع كله انها جارتي ومتربيين مع بعض
ندى.... لا معلش انا عايزه حكايتها كامله
احمدبضيق... هو في ايه ياندي هو ده وقته اقعد اكلمك عن هنا أو غيرها النهارده يوم خطوبتنا يا حبيبتي يعني اليوم اللي كنا بنحلم بيه من زمان
ندى... عارفه يا احمد وفرحانه جدا بس هنا دي محيراني ونظاراتها ليك مديقاني وبصراحه بقه مش مرتاحه ليها
احمد... سيبك من هنا دلوقتي وخلينا في ليلتنا الحلوه دي انتي بجد بتوحشيني وانتي معايا
ندى... وانت كمان يا حبيبي بتوحشني قوي
فايزه.... اي يا عرسان هتفضلوا قاعدين بره كتير الناس كلها مشيت مش هتدخلو ا بقه
احمد... لا يا ست الكل انا مضطر امشي لاني سايب فارس مستني ومش عايز اتأخر عليه
ندى بصدمه... تمشششي،، انت مش قايل هتقعد تتعشى معايا
فايزه بضحك.... سيبيه جايز زهق منك
احمد بسرعه... ازهق لا طبعا عمري مزهق منها ابدا وبعدين شكلك كده جايه تهدي النفوس وعامله دور حما من اولها
فايزه... ولا حما ولا حاجه انا بس قلت اشوف غلاوتها عندك
احمد... ندى عارفه هي غاليه عندي قد اي بس فعلا مش عايز فارس يدايق هو معايا من الصبح وكتر خيره بصراحه
فايزه... خلاص يا ندى سيبيه يروح لصاحبه عشان ميتأخرش
احمد... ندى اوعدك يا حبيبتي هاجي بكره اخدك ونتعشي مع بعض عشا رومانسي يعبر عن اللي جوانا بس اوعي تزعلي.. ممكن؟
ندى... حاضر يا احمد مش هزعل لما توصل البيت كلمني
احمد.... حاضر يا حبيبتي يلا بقه.... ومشي احمد
فارس.... اي ده انت ايه اللي جابك دلوقتي
احمد... الحق عليا اني مش عايز اسيبك ملطوع هنا كتيييير
فارس... ده انا قولت قدامك يجي ساعتين
احمد... لا يا عم متهونش عليا اسيبك كل ده جيتلك بسرعه اصلك وحشتني
فارس.... ياراجل بطل كدب ده انت هتروح النار بصاروخ. ضحكوا الاتنين ومشيوا مع بعض
فارس ف العربيه.... احمد هي هنا جارتك فعلا
احمد... يااااد ي هنا النهارده اه ياسيدي جارتي وزي اختي ومتربيين مع بعض ايه هي مدايقاك في حاجه انت كمان
فارس... لا طبعا ليه بتقول كده هي دايقت حد ولا ايه
احمد.. اه ياسيدي ندى بتقول عايزه تعرف حكايتها معايا ايه... قال يعني في حكايه اصلا..
فارس... وليه ندى تقول كده
احمد... غيرة بنات ياسيدي عموما ربنا يهديها
فارس... لا بس هنا دي بنت مؤدبه َمحترمه وتحس كده انها بريئه قوي
احمد.... يابني هنا دي حتة الماظ ف الزمن ده متربيه معايا انا ومؤمن وعارفين أخلاقها كويس.. ربنا يرزقها بابن حلال يحافظ عليها
فارس ابتسم بحب وسرح في البريئه اللي لخبطط كيانه كله اول ماشافها
وصلوا البيت عند احمد ونزل فارس سلم على أحمد وباركله واحمد شكر فارس علي تعبه معاه وطلع على البيت لانه هيمووووت من التعب
بعد ما مؤمن خد هنا وناديه ووالدته ف العربيه ورجع بيهم على البيت ده طبعا بعد مالعيله كلها مشيت من بعد الحفله على طول. وصل مؤمن البيت واستأذنهم يرجع العربيه لصاحبه ويرجع على طول
ام احمد... متتاخرش يا مؤمن ومتقلقنيش عليك
مؤمن... حاضر يا ست الحبايب،، دودي ممكن اطلب منك طلب
ناديه... خير يا حبيبي انت تؤمر
مؤمن... أنا هاخد هنا معايا واهو بالمره نونس بعض ف الطريق
ناديه.. بصت لهنا اللي متفاجئه من طلب مؤمن وخايفه تروح لأنها عارفه ان مؤمن اكيد هيتكلم معاها ف موضوع احمد
ناديه... ها ياهنا هتروحي مع مؤمن ولا ايه
مؤمن.. انتي لسه هتاخدي رأيها يلا يا هنا الواد علاء هيولع فيا عشان العربيه،، وركب ونادي على هنا اللي مش عارفه تقولوا اي واضطرت انها تروح معاه عشان متحرجوش
مؤمن... اي بقه مش هتقولي مالك حزينه كده ليه
هنا... انت ليه مصمم ان في حاجه يا مؤمن
مؤمن.. لان دي مش طبيعتك ياهنا،، فين ضحكتك اللي كانت منوره الدنيا ليه عملتي ف نفسك كده وعشان مين ياهنا
هنا.بعياط... . لا يا مؤمن دي طبيعتي انت بس اللي ناسي زي اخوك مبينسي على طول
مؤمن... ممكن تهدي وتبطلي عياط وتفهميني انتي ليه زعلانه من أحمد قوي كده
هنا بضيق شديد....مؤمن انا مش زعلانه من حد ومن فضلك اقفل على الموضوع نهائي
مؤمن... هنا انتي ليه مش عايزه تفضفضي مش يمكن لما تتكلمي هترتاحي
هنا... بصوت عالي وانا مش عايزه اتكلم لان مفيش حاجه اتكلم فيها اصلا
مؤمن.... لا يا هنا فيه وانتي متأكده انه فيه وفرمل فجأه بالعربيه.. لدرجةان هنا اتخضت... وقالها انتي لازم تتكلمي معايا بصراحه، هنا انا بجد عايز ابقى مطمن عليكي
هنا.... انت مجنون ومتخيل حاجات غلط ف دماغك ويلا يا مؤمن نمشي لو سمحت عشان منتاخرش
مؤمن.. حاضر يا هنا براحتك بس يوم متحبي تتكلمي هتلاقيني موجود
هنا.... إن شاء الله ممكن نمشي بقه
مؤمن اتحرك بالعربيه لحد موصل لعلاء صاحبه اللي اول مشافه
علاء.. اي يا عم التأخير ده كله
مؤمن... تأخير اي ياراجل انت هتزلني ولا اي انا يدوب خلصت وجيتلك علي طول
علاء... ولا ذل ولا حاجه ياعم عقبالك يارب ونفرح فيك
مؤمن.... لا يا حبيبي هنفرح فيك انت الاول ان شاء الله
علاء... بص لقى هنا نازله من العربيه قال
اووبااااا اي يا واد ده دي جامده قوي
مؤمن... احترم نفسك احسن مطبقلك وشك
علاء.. لا بجد مين دي
مؤمن..... دي اختي وجارتي ولم نفسك بقه عشان متزعلش مني
علاء... ماشي ياعم ماشيه معاك يا باشا
مؤمن....بنرفزه... علاء قولتلك دي اختي يعني تتكلم عليها بأدب اظن عربيتك عندك اهي وشكرا ياسيدي عليها بعد اذنك
علاء... استنى يا مؤمن رايح فين،، خلاص ياعم انا اسف،، وبعدين مينفعش تروح بيها كده بالليل مواصلات انا هعمل باصلي معاك وارجع اوصلك ا... ها لسه زعلان
مؤمن.. ومن امتى الكرم ده كله
علاء.. يابني انا طول عمري كريم بس انت اللي مش واخد بالك
مؤمن... ماشي ياعم الكريم ،، وبص لهنا وقالها تركب تاني لان علاء تعطف وتكرم وهيوصلنا للبيت
هنا ركبت وكل شويه علاء يبصلها ف المرايه وهنا مخنوقه منه جدا وماسكه نفسها عليه بالعافيه
مؤمن بعد موصلو شكر علاء وسلم عليه لكن علاء عينه على هنا اللي نزلت من العربيه وطلعت على البيت على طول من غير اي كلام
احمد كان لسه واصل وبيدخل من باب شقتهم شاف هنا طالعه
احمد... اي ده يا هنا انتي جايه منين كده
هنا... كنت مع مؤمن بنرجع العربيه لصاحبه
احمد... ومؤمن اخدك معاه ليه الوقت متأخر وبعدين رجوعكوا في المواصلات في وقت زي ده غلط طبعا هو مؤمن ده غبي ولا اي ازاي يعرضك لحاجه زي دي
هنا... فرحت جدا لخوف احمد عليها وقالتله متقلقش يا احمد صاحب مؤمن وصلنا تاني ده حتى مؤمن واقف معاه تحت
احمد... عموما كتر خيره وعقبالك ياهنا
هنا... ربنا يخليك يا احمد،، عن اذنك
احمد... اتفضلي
دخلت هنا شقتها وكانت ناديه مستنياها
ناديه.... كويس انكوا متأخرتوش انا قلقانه عليكو جدا
هنا... لا الحمد لله صاحب مؤمن وصلنا لهنا تاني
ناديه... كتر خيره والله
هنا... الحمد لله بعد اذنك يا ماما هدخل اغير هدومي واصلي
ناديه.. اتفضلي يا حبيبتي
هنا دخلت اوضتها وكانت فرحانه من كلام أحمد ليها وخوفه عليها لكنها افتكرت ندى ورقصهم مع بعض وحبه ليها الكبير حست ان الاوضه بضيق بيها وانها مخنوقه وفتحت البلكونه تشم شوية هوا
هنا اتفاجئت بأحمد ومؤمن واقفين في بلكونة شقتهم ومش واخدين بالهم منها وسمعت احمد وهو بيغلط مؤمن عشان اخدها معاه
احمد... انت غلطان يا مؤمن افرض حد دايقها ولا حاجه مكنش لازم تاخدها معاك في وقت زي ده
مؤمن.... عديها بقه يا عم احمد وصدقني مش هتتكرر تاني
المهم قولي ياعريس انت مخطط لحياتك ازاي بعد كده
احمد... والله منا عارف يا مؤمن انا سايبها لله وهو قادر يدبرها لكن انا أمنية حياتي اني الاقي فرصه ف شركه كبيره وتنقلني ناقله تانيه خالص
مؤمن... يابني احنا قعدنا نقنعك تتعين معيد ف الجامعه بس انت اللي رفضت
احمد... لا يا مؤمن انا بحب مجالي وعايز أحقق ذاتي فيه ومش عايز اقعد اشرح لطلبه طموحي مش كده ابدا يا مؤمن
مؤمن.... ربنا يحققلك اللي بتتمناه يا احمد يلا بقه كفايه عليك كده انت اخدت من وقتي كتير وانا بصراحه فصلت ونفسي انام
احمد... تصدق يا واد يا مؤمن انك بتبقي حلو قوي لما تكون عاقل ورزين كده
مؤمن... أنا طول عمري عاقل ورزين😂😂 وبعدين العقل والرزانه مش مطلوبه ف كل الأوقات في اوقات بتطلب منك تكون مجنون ومتخلف عشان تقدر تعيش وضحك
احمد... لاسف يا مؤمن انت اغلب الأوقات مجنون ومتخلف وضحكوا الاتنين ودخل مؤمن عشان ينام
دخلت هنا بسرعه قبل احمد مايحس بوجودها وسندت ضهرها على باب البلكونه ودعت من قلبها ان ربنا يحقق حلم احمد يارب
باب الاوضه خبط وكانت ناديه
هنا.... اتفضلي يا ماما
ناديه فتحت ودخلت واتفاجئت ان هنا لسه مغيرتش
ناديه... اي يا هنا اانتي لسه مغيرتيش هدومك
هنا.... كان نفسي مخنوق شويه يا ماما قولت أقف في البلكونه اشم هوا
ناديه... هنا يا حبيبتي ممكن أسألك سؤال وتجاوبي عليا بصراحه
هنا قلبها دق بخوف.. اتفضلي يا ماما
ناديه... هنا هو انتي..... انتي بتحبي احمد؟