رواية جراح الحب
الخامسة عشر والسادسة عشر
بقلم شيمو الحطيب
طبعا عم عثمان استغرب جدا رد مؤمن وقال
عثمان... انت!!! انت ازاي يا بشمهندس
مؤمن.... ايه هو اللي انت ازاي،، انت مستقل بيا ولا ايه يا عم عثمان
عثمان... لا طبعا بس انا بستغرب بس، هو انت عايز تتجوز فيها ولا ايه وبعدين انت لسه بتدرس،، متريحني يا بشمهندس بدل منا عمال اضرب اخماس في اسداس كده
مؤمن... هههههههه والله انت راجل عسل يا عم عثمان،، بص ياسيدي في ناس قريبنا هكلمهم على الشقه بتاعتك وانا متأكد انهم هيوافقو ان شاء الله، اديني انت بس فرصه يومين وهرد عليك بس في خلال اليومين دول لو بتعزني بجد ياريت متتفقش مع أي شخص لحد مرد عليك
عثمان... عنيا ليك يا بشمهندس دي جمايلك انت والأستاذ احمد مغرقاني هستني ردك وان شاء الله تبقى من نصبيهم
مؤمن... إن شاء الله يا راجل يا طيب
عثمان... طب استأذن انا بقه عشان متأخرش على عم فخري
مؤمن.. اتفضل،، وعلى اتفاقنا بقه
عثمان... ماشي يا بشمهندس، سلامو عليكو
ومشي عم عثمان،، ومؤمن قعد وفكر واتمنى ان اللي ف دماغه يتحقق وقرر ينام شويه لان الألم بدأ يرجع تاني وهو عايز يروح المستشفى بالليل
وبعد ساعتين...
مي رنت على مؤمن
مي.... مؤمن عامل ايه دلوقتي طمني عليك
مؤمن... أنا تمام الحمد لله اخبارك انتي ايه، وهنا عامله ايه
مي... هنا تعبانه قوي يا مؤمن ومتأثره من كلام أحمد قوي وانا مش عارفه اعملها ايه
مؤمن... هي هنا حكتلك
مي... اه حكتلي كل حاجه بس للاسف كانت منهاره، ده غير أن خالتي ناديه حست ان في حاجه بين هنا واحمد لكن انا محبتش اقلقها اكتر وقلتلها سيبيها على راحتها و هي هتقول بنفسها
مؤمن.... برافو عليكي يا حبيبتي بت يا مي
مي..... اممممممممممم
مؤمن.... مكنتش اعرف انك جدعه كده هههههه
مي.... والله،!!! انت بتهزر حضرتك،، انا طول عمري جدعه على فكره
مؤمن.... طبعا جدعه وجدا كمان امال انا حبيتك ليه
مي.... بتقول ايه!!! سمعني كده تاني
مؤمن... لا هي الكلمه بتتقال مره واحده بس، انا راجل عامل حادثه ومتكسر ومش قادر اتكلم هههههههه
مي بنرفزه.... ماشي يا مؤمن براحتك بس متلومش الا نفسك سلام يا عم المتكسر
مؤمن.. بت يا مي، استنى بس سلام ايه متبقيش حمقيه كده ده انا بحبك والله
مي.... اممممم
مؤمن.... هو ايه اللي اممممممم هو البعيده مبتحسش ولا ايه بقولك مكسور وتعبان وكمان بقولك بحبك تقوليلي اممممم
مي.... حست ان وشها بيطلع نار وقلبها من كتر دقاته هيقف وصوت نفسها بقه عالي قوي ومؤمن سمعه فعلا ورد وقالها
مؤمن... مي،، انا ردك وصلني لان صوت دقات قلبك انا سامعها ودي كفيله عن أي كلمه ممكن تقوليها وبجد هحترم كسوفك ومش هحرجك اكتر من كده بس كلمه اخيره هقولها لك
مي انا بجد.. بحببببببك...
مي سمعت الكلمه دي وقفلت السكه ف وشه واتنهدت بارتياح شديد جدا لكن سمعت صوت هنا بتعيط زعلت عشانها قوي ودعت من قلبها ان ربنا يجمع قلب هنا واحمد ف الحلال يارب
مؤمن اتفاجئ بقفلة السكه في وشه وبص للموبايل وقال
وربنا بحب مجنونه، واتنهد بارتياح وبالم في نفس الوقت نتيجه لكل الكدمات اللي مشلفطاه يا قلبي 😂😂😂😂
احمد في اوضته قاعد هيتهبل من اللي هو عمله ف نفسه لكن قرر يسيب الايام هي اللي تداوي وتحدد مشاعره وقرر انه يركز في شغله لانه من الاخر مش مرتاح لحسن نهائي
ام احمد دخلت على أحمد
ام احمد.... احمد يا حبيبي خالتك ناديه بتقول اننا هنروح نزور ام مي في المستشفى هتيجي معانا ولا هتفضل حابس نفسك كده
احمد.... لا يا أمي روحو انتو انا مش هقدر اجي معلش
ام احمد... يعني هتسيبنا نروح لوحدنا
احمد خبط بايده على جبهته وقال... ااااه، اسف يا أمي أنا ف دماغي ان مؤمن هيجي معاكو ونسيت خالص انه متجبس وتعبان (واتكلم بألم) خلاص يا أمي هاجي معاكو، عنيا حاضر
ام احمد.... ربنا يسعدك يا حبيبي ويدلك للصح يارب
احمد بص لوالدته باستغراب من الدعوه وهي بادلته كأنها بتقوله انا حاسه بيك يا قلب امك
خرجت ام احمد وكانت ناديه بتخبط على الباب وبتستعجلها
مؤمن خرج بس بتعب شديد
مؤمن.. خالتي انتو هتروحو الوقتي
ناديه.. اه يا حبيبي محتاج حاجه نعملها لك
مؤمن... لا يا حبيبتي تسلمي انا هلبس وهاجي معاكو
ام احمد بلهفه.... تيجي فين يابني انت مش شايف نفسك ولا ايه، انت مش قادر تمشي
مؤمن.... معلش يا أمي محتاج اطمن على خالتي عايده واكلمها ف موضوع مهم
ناديه وأم أحمد بصو لبعض باستغراب
ناديه.... موضوع ايه يا مؤمن
مؤمن... هتعرفو ا لما نروح ان شاء الله
سكتوا وفعلا كلهم راحو زاروها واطمنوا عليها ومؤمن كلم عايده انه هيخلص مع صاحب البيت ويأجر ليهم الشقه اللي فوقهم هي اترددت ف الاول لكن وافقت بعد ماشافت الكل مرحب جدا وخصوصا مي اللي كانت طايره من الفرحه ده غير كمان ان مؤمن اقنع عايده انها هناك هتبقى في امان في وسطهم وأنهم هيفضلو ا دايما حواليها خصوصا ناديه وأم أحمد وهي ارتاحت جدا ليهم ووافقت على الفكره
مؤمن قرر انه هيروح لبيت مي القديم ويخلص مع صاحبه وينقل العفش في أسرع وقت لان والدة مي كلها يومين وتخرج من المستشفى ان شاء الله
هنا طبعا اعتذرت لمى عن انها تروح معاهم ومي قدرت ده جدا واحمد برده اعتذر خصوصا ان مؤمن راح معاهم ففضل انه يقعد في البيت
هنا كانت بتنضف في الشقه وبتشغل وقتها عشان متقعدش تفكر كتير لان دماغها قرب ينفجر من التفكير والعياط
هنا بتخرج أكياس الزباله بره قدام الباب، احمد سمع صوت حركه بره فتح الباب ولقى هنا واقفه وفجأه دخلت وقفلت الباب
احمد اتجرأ وخبط على بابها وفعلا فتحت
هنا... خير فيه حاجه يا استاذ احمد اظن انا قاعده لوحدي َمش هقدر اقولك اتفضل
احمد مذهول من طريقة هنا وجمودها قدامه.... هنا انتي بتقولي لي انا كده،، هنا مهما حصل بينا احنا حافظين بعض وانتي عارفه كويس اني مقصدش ازعلك لكن تقدري تقولي انه شيطان،، هنا انا من ساعة الموقف ده وانا هموت من التفكير مش قادر أصدق اني خسرتك بجد مقدرش، مقدرش (كل كلمه كانت خارجه من قلب أحمد فعلا لكن هنا قلبها كان اتقفل تماما)
هنا.... كل كلامك ده ميخصنيش في حاجه انت بالنسبالي انتهيت حتى علاقة الاخوه انت دمرتها
احمد... ليه كل ده يا هنا ليه
هنا.... لسه بتسأل ليه كل اللي انت عملته فيا وجرحك ليا وبتسأل ليه، كل كلامك ليا عن ندى معناه انك رافض حبي ليك وانا بصراحه بحييك على طريقتك لأنك فعلا فوقتني، وعلى قد مكنت بحبك على قد دلوقتي منا ب...
قاطعها احمد.... لا،، متكمليش وحياة احمد عندك متقوليها تاني ، انا مش عارف ليه لما بسمعك بتقوليها بحس ان حياتي وقفت،، هنا انا كل اللي يهمني انك متظلمنيش اقسم بالله انا عملت كل ده...
قاطعته هنا.... أنا ميهمنيش انت عملت كده ليه،، المهم انت وصلتنا لايه،، وللأسف انت وصلتنا لطريق مسدود وكل واحد فينا اضطر يمشي في اتجاه مختلف عن التاني، يعني عمرنا مهنتقابل يا احمد،، بس بجد مش فاهمه انت زعلان ليه دلوقتي ، خطيبتك وانت بتحبها وبتثق فيها، وهي برده بتحبك، والحمد لله انت مدتنيش فرصه أوقع بينكو،زي ما انت فاكر طبعا، ممكن افهم انت جاي تبررلي ايه دلوقتي
احمد وقف باصص ليها وساكت، وبعدين قال.. هنا انا جتلك عشان مش عايزك تظلميني وتقولي اني جرحتك انا عمري مقدر اجرحك انتي بالذات يا هنا،، بس اكيد هتعرفي وتتأكدي من ده بعدين، وعلاقتي بيكي انتي الوحيده اللي تقدري تحددي طبيعتها
هنا.... بعياط شديد للأسف يا احمد مبقاش ينفع يبقى بينا اي علاقه وياريت لو شوفتني ف مكان تعتبرني واحده متعرفهاش لاني انا هعتبرك كده، عن اذنك مضطره اقفل ، قفلت الباب وسندت ضهرها عليه وقعدت على الأرض تعيط عياط هستيري واحمد سمعها ونزلت دموعه لأول مره في حياته على حد ولسه بيلف وشه عشان يدخل الشقه
بص وشاف...... ........... .......
الحلقه ١٦
من جراح القلب
مؤمن طبعا رجع بيهم من المستشفى بعد مأقنع عايده بأنها تقعد في الشقه اللي فوقهم ومي كانت اسعد واحده بالفكره دي وكانت مرحبه بيها جدا
مي..... مؤمن بجد انا مش عارفه اشكرك ازاي على اللي انت عملته معايا ووقفتك جنبي، كفايه انك رجعتلي انا وماما روح العيله من تاني بتجمعكم حوالينا واهتمامكم بينا، لأول مره احس ان اخيرا بقه ليا اخوات احبهم ويحبوني، لأول مره احس اني ممكن اخرج وانا مطمنه على امي ان في حد معاها هيونسها ويراعيها، مؤمن انا بحبك قوي، انت اغلى حد عندي في الدنيا كلها
مؤمن.... يااااه هو انا عملت كل ده،، بس معلش يعني في كلمه كده انتي قولتيها في الاخر انا مسمعتهاش،، معلش هي كانت ايه
مي..... هههههه، بجد،، لا أنسى الكلمه دي بالذات بتتقال مره واحده بس ومبتتعدتش تاني، احمد ربنا انها اتقالت اساسا
مؤمن... ماشي يابنت عايده،، حسابنا بعدين
مي... بنت عايده!! يابني انت مفيش عندك القاب خالص، ملغيه من القاموس بتاعك ههههههه
مؤمن.... أنا كده ومفيش غير كده عندي وغمز بعينيه، ها، عجبك ولا مش عجبك،
مي.... لا عجبني طبعا وضحكوا الاتنين وطلعو يطمنوا على هنا
*************
احمد دموعه نزلت على بكى هنا والحال اللي وصل ليه معاها بيلف وشه بص لقى فارس واقف ومذهول من اللي سمعه
احمد..... فارس، انت هنا من أمته
فارس..... أنا جيت وهنا بتقفل الباب بس شكلك مزعلها قوي دي بتعيط يا احمد
احمد.... فارس ده موضوع خاص واتمنى منتكلمش فيه
فارس.... بلهفه،، ياسيدي ماشي منتكلمش لكن هنا بتعيط وانا لازم اطمن عليها
احمد.... وانت تطمن عليها ليه، بصفتك ايه يا فارس
فارس استوعب الموقف، وقال،، لا بس من باب الاخوه يعني
احمد... لا ياسيدي شكرا وبعدين هنا دلوقتي تهدي،، تعالي ندخل نتكلم جوه لاني عايزك في موضوع
دخلوا الاتنين واحمد انتهز فرصة انهم لوحدهم وفتح موضوع ندى
احمد.... فارس، انت كنت في الجامعه انهارده
فارس.. ايوه كنت هناك وقابلت ندى وقعدت معاها شويه ومشيت،، وبخبث،، هي ندى قالتلك
احمد... لا مش ندى، دي هنا اللي قالتلي وقالتلي انك كتير بتروح هناك مش اول مره يعني
فارس.... وايه المشكله يا احمد وبعدين هو انا ليه حاسس انك بتحاسبني اني رحت الجامعه، هو الموضوع مدايقك ولا حاجه
احمد... لا مش مدايقني انا بس بستغرب
فارس.... وايه اللي مخليك مستغرب، انا ليا اصحاب كتير هناك وانت عارف،، ولما بقابل ندى بسلم عليها واتكلم معاها شويه وامشي،، هي هنا قلتلك حاجه تانيه ولا ايه
احمد.... لا طبعا هي قالت إنها شافتكو وبس، وبعدين صحيح يافارس انت لما رحت تقدم ف شركة مصطفى بيه ليه معرفتنيش
فارس بارتباك.... بصراحه انا كنت عايز اقولك لكن مش فاكر ايه اللي حصل ونسيت اكلمك، وبعدين انت رحت وماشاء الله بقيت مدير حسابات الشركه،وانا جيت النهارده عشان اباركلك لاني عرفت من ندى، ياريت بقه تفتكر صاحبك وتعينه معاك
احمد.... فارس انت اكيد واثق انك اقرب صاحب ليا مش كده ولا ايه
فارس... اكيد يا احمد ليه بتقول كده
احمد.... أنا بفكرك يا فارس انك بجد اكتر حد كنت بثق فيه
فارس بخوف.... كنت بتثق فيه،،، وليه كنت يا احمد
احمد..... مش مقصوده، بس انا زي مقولتلك اني بفكرك وبس يعني اكيد عمر محد فينا هيضر التاني
فارس.... نزل وشه في الأرض،،، اكيد يا احمد، المهم هتعين اخوك ولا ايه
احمد.... تعالي يا فارس الشركه بكره وان شاء الله يبقى ليك مكان معايا
فارس فرح.... بجد،، تسلم يا أعز صاحب ليا، تصدق يا واد يا احمد انت جدع بجد
احمد.... على فكره انا لسه مقبلتش طلبك اتعود متحكمش بسرعه وتغلط غلطتي
فارس... وانت غلطت في ايه يا احمد
احمد.... مفيش ياعم، المهم تشرب ايه بقالك ساعه قاعد معايا ومقدمتش ليك حاجه،
فارس... هو انا غريب احنا اخوات يا احمد
احمد... ياريت نكون كده بجد يا فارس
ام احمد دخلت وسلمت على فارس واحمد سألها على والدة مي وهي طمنته وكانت فرحانه انهم وافقوا يسكنوا فوق واحمد رحب بالفكره جدا وقال إن مؤمن بيخططلها صح جدا
مؤمن بعدها دخل وطبعا قعد يهزر مع فارس واحمد،، احمد قاله انه ان شاء الله هيصبر وهينول ومؤمن قاله ادعي انت بس ومتقاطعش
ناديه دخلت لقيت هنا مرتبه البيت ونايمه،، أو بمعنى اصح عامله انها نايمه،، سابتها ودخلت تتوضي وتصلي فرضها
لكن مي كانت واثقه ان هنا صاحيه
مي.... هنا،، هنا،، انا عارفه انك صاحيه،، ممكن تقومي وتطمنيني عليكي
هنا.... أنا كويسه يامي، بس عشان خاطري سيبيني محتاجه انام
مي بزعل... . كده ياهنا، انتي حتى مسألتنيش ماما عامله ايه
هنا.... قامت من على السرير،، اسفه يامي متزعليش مني، والله غصب عني ودموعها نزلت
مي.... حبيبتي اوعي تعيطي، انا مقدرش ازعل منك ابدا، انا بقولك كده عشان اقومك تتكلمي معايا شويه،، هنا انتي لازم تفوقي لنفسك، وضعك كده غلط، حرام عليكي نفسك بجد
هنا.... اكيد هفوق يا مي، بجد انا بحبك قوي ومش عارفه لما والدتك تخرج بالسلامه وتسيبيني هعمل من غيرك ايه
مي... لا اطمني مش هسيبك قاعده على قلبك،، اصلي رخمه زي مؤمن بالظبط، مهي الطيور على أشكالها تقع ههههههه
هنا.... أنا مش فاهمه حاجه يعني ايه قاعده على قلبي
مي... يعني ياستي البشمهندس مؤمن قرر انه يقعدنا في الشقه اللي فوق عشان نبقى معاكو ونبقى كلنا عيله واحده
هنا بفرحه... انتي بتتكلمي بجد، يعني انتو هتسكنوا فوقنا
مي... ظاهريا هنسكن فوقكوا. لكن حقيقيا هنسكن على قلبك هنا في الشقه ايه رايك بقه
هنا حضنت مي جامد... بجد احلى خبر سمعته بت يامي،، بجد انا لو ليا اخت مكنتش حبتها كده، انا بحبك قوي
مي.... عنيها دمعت لما شافت الفرحه على وش هنا وقالت.... هنا انا كمان بحبك قوي، بس وحياة اختك اللي بتحبيها فوقي لنفسك،، ومتوجعيش قلبي عليكي اكتر من كده
هنا.... حاضر يا حبيبتي صدقيني اكيد لازم هفوق واكيد انتي هتساعدوني، مش كده
مي... اكيد ياقلب اختك وحضنتها جامد.. وقالتلها، بصي بقه انا هنزل اجيب لب وسوداني ونسهر انا وانتي وخالتي احلى سهره،، ولو أمكن ننادي على مؤمن ههههه
هنا.... اممممممم مؤمن،، لا لو على مؤمن يبقى اوك ننادي عليه هههههه
مي... حبيبتي انتي وفاهمه اختك وضحكوا الاتنين ونزلت مي تشتري اللب والسوداني
مؤمن شافها من البلكونه واتغاظ جدا من نزولها
دخل جوه وفضل رايح جاي رايح جاي لحد مسمع صوتها على السلم
فتح الباب
مؤمن.... مي انتي ايه اللي منزلك دلوقتي ممكن افهم
مي... في ايه يا مؤمن كنت بشتري شوية حاجات وكنت لسه هقولك تعالي نسهر مع بعض
مؤمن... والله، يعني انتي عارفه انه وقت متأخر، نازله تهببي ايه تحت دلوقتي، وبعدين كنتي قوليلي وانا كنت هنزل اجيبلك اللي انتي عايزاه
مي.... مؤمن انت بتتكلم بجد،، يابني انت جيت معانا بالعافيه ازاي هنزلك تاني وبعدين انت لازم ترتاح والدكتور قالك كده وبلاش تاخد مسكن كتير
مؤمن بنرفزه..... انتي مالك انتي ارتاح ولا اتزفت، كلمه اخيره هقولهالك،، نزول في وقت متأخر ممنوع، مفهوم ولا لأ
مي..... فيه ايه يا مؤمن انت متنرفز عليا ليه كده انا نزلت يادوب تحت البيت على طول يعني الموضوع مش مستاهل
مؤمن.... امممممم ماشي يامي،، للأسف بالنسبالك الموضوع عادي، يعني مهما افهمك انه غلط انتي مقتنعه انه عادي، ماشي يامي انزلي براحتك،، وسابها ودخل شقته
مي وقفت على السلم مش عارفه تعمل ايه تدخل تصالحه ولا تدخل لهنا
قررت انها تدخل لهنا لأنها اتكسفت تدخل وراه الشقه
هنا،،،، ايه مالك كده نزلتي بحاله ورجعتي بحاله تانيه خالص
مي..... اسكتي يا هنا،، مؤمن قابلني على السلم وزعق وكانت حكايه
هنا..... هههههههههه حكايه ليه بس، اكيد شافك وانتي نازله
مي.... ولما انتي عارفه انه هيدايق بتنزليني ليه يا ندله
هنا..... والله مش ف دماغي خالص وبعدين متزعليش الوقتي نروح نصالحه،، هو مؤمن كده غيووور جدا زي أحم....
مي.... متكملي سكتي ليه
هنا.... مي مش موضوعنا عايزه تصالحي مؤمن ولا اقلبه عليكي
مي.... لا وعلى ايه الطيب احسن، خليكي جدعه وصالحينا على بعض،، وبعدين انتي السبب اصلا، انا نزلت عشانك
هنا... تصدقي فعلا الطيور على أشكالها تقع والله انتو نسخه رخامه زي بعض،، وضحكوا ومشيوا
مؤمن قاعد هيموت من الغيظ شويه والباب خبط وراح يفتح
هنا.... مؤمن حبيبي عامل ايه دلوقتي (بس طبعا قلبها دقاته بتزيد لمجرد احساسها بوجود احمد في البيت)
مؤمن..... الحمدلله يا هنا تعالو اتفضلوا
مي دخلت وشها في الأرض عامله دور البريئه
وهنا بتضحك عليهم الاتنين
هنا..... ايه يا عم مش متعوده عليك كده وشك دايما بيضحك،، فكها الله يباركلك
مؤمن.... هنا انتي ازاي تسمحيلها تنزل في وقت زي ده
مي.... اه يا مؤمن هي اللي غلطانه انها مقالتليش انك بتدايق، المفروض تزعل منها هيا مش انا
هنا بصدمه.... تصدقي انتي واطيه فعلا بتدبسيها فيا انا،، الله يسامحك ياشيخه، عموما انا راضيه، اهم حاجه مؤمن ميزعلش منك، حقك عليا يا مؤمن والله البت دي غلبانه قوي (مي مثلت انها غلبانه فعلا) هنا كملت... شفت بص ف وشها والله ملاك ماشي على الأرض
مؤمن بصلها وابتسم وقال... وربنا مجنونه انتي جايه تضحكي عليا، لكن بصي الموضوع ده ميتكررش تاني نزول لوحدك ممنوع وياريت تنفذي كلامي.. مي انا زعلي وحش جدا ياريت متخلنيش ازعل منك تاني
مي بلهفه.... لا والله مش هزعلك تاني وبعدين منا قولتلك هنا هي السبب
هنا..... هههههههههه لا حول ولا قوة الا بالله، يابنتي كفايه وطينه بقه حر ام عليكي
وضحكوا كلهم
هنا..... هي خالتي فين يا مؤمن
مؤمن فهم قصدها..... خالتك نايمه ياستي واحمد خرج مع فارس
هنا..... امممممم ماشي يا مؤمن تعالي بقه نسهر مع بعض عندنا وناكل اللب والسوداني اللي انا نزلت مي تجيبه ههههههههههه
ضحكوا كلهم ومي حمدت ربنا انها مدخلتش ورا مؤمن الشقه لان طبعا هيكون لو حدهم واي حد لو شافهم اكيد هيكون وضعهم مش كويس
وراحو وسهروا مع بعض واحمد طبعا رجع وسمع كلامهم وضحكهم وصوت هنا وضحكتها اخترق قلبه
و زعل قوي علي الحال اللى وصل بيه مع هنا لكن قرر انه لازم يفوق لشغله ويسيب الايام هي اللي تحدد مصيره
مؤمن قضي السهره معاهم وكانت ناديه قاعده، وفرحت بتجمعهم جدا وكان وقت ممتع ليهم كلهم
صحي احمد الصبح وراح علي شغله وهنا ومي راحو المستشفى وهيطلعوا علي الجامعه يخلصوا ويرجعوا مع بعض وميتأخروش و ده طبعا كان تنبيه من مؤمن ..وقد اعذر من انذر..،😂😂
احمد داخل مكتبه
احمد ...... عم سيد من فضلك ابعتلي الاستاذ حسن علي مكتبي هنا
عم سيد .....حاضر يا فندم تحت امرك
بعد شويه...
حسن .... السلام عليكم
احمد ...وعليكم السلام ..اتفضل يا استاذ حسن ..ها يا سيدي عملت اللي قولتلك عليه ولا لسه
حسن ....اديني ساعه بس يا فندم وكله هيكون جاهز عن حضرتك
احمد ....تمام لو علي ساعه نستنى ..طيب التقديمات للوظيفه اخبارها ايه
حسن ... لا متقلقش اتقدم لينا طلبات كتيره وانا جهزتها لحضرتك، اتفضل، كلها موجوده في الملف ده وطبعا انا حددت معاهم مواعيد لمقابلة حضرتك وفي جزء منهم بره لو تحب ادخلهم
احمد بص في الملف وقال تمام خليهم يدخلو واحد واحد وانت اعمل اللي قولتلك عليه
حسن... حاضر هبلغ رشا (سكرتيرة احمد) واقولها تدخلهم لحضرتك
احمد.... لا متتعبيش نفسك انا هبلغها هي اتعينت جديد مش كده
حسن... لا يا فندم دي كانت معانا من زمان بس حصلها ظروف وخدت اجازه بدون مرتب ولما رجعت مصطفى بيه سلمها الشغل على طول
احمد.... هو انت تعرفها يا حسن
حسن... ايوه يا فندم دي معرفه قديمه وبنت محترمه جدا
احمد.... اممممممم ماشي يا حسن هنشوف ان شاء الله
حسن... بعد اذنك يافندم
خرج وكلم رشا قالها بقولك ايه عايزك تفوقي معايا عشان نطيره زي اللي قبله وميبقاش قدام مصطفى بيه غيري اناللمنصب ده واكيد هيبقى ليكي نسبتك
رشا.... حاضر يا استاذ حسن ربنا يسهل
حسن.... بقولك،، من خبرتي كده احمد ده شكله مش سهل يعني سكة الدلع مش هتمشي معاه، انتي اعملي فيها دور المحترمه وانا متأكد انه هيثق فيكي
رشا.... حاضر ان شاء الله وبعدين مإنت عارف اني طول عمري محترمه هههههه
حسن.... اه طبعا بإمارة استاذ شريف اللي قبله صح ههههههه
رشا.... خلاص بقه وبعدين انا كنت بنفذ كل اوامرك واهو طار والحمد لله وقدم استقالته
احمد خرج لقاهم واقفين مع بعض.... ايه ده انت لسه متحركتش يا حسن
حسن بارتباك... حاضر يافندم،، انا كنت بفهمها شغلها بس
احمد... اظن انها فاهمه شغلها كويس مش محتاجه انك تفهمها حاجه اتفضل انت
وانتي يا.... يا..... معلش اسمك ايه
رشا بضيق.... رشا يا فندم.. رشا
احمد... اه رشا صح،، ياريت تشوفي شغلك وتدخليلي الناس على مكتبي
رشا.... اوامرك يا فندم
ودخل احمد مكتبه ومش مرتاح ليهم خالص
(ونشوف بعدين ايه سبب عدم الارتياح ده)