#قلب_فاضي
الحلقه { 57 و 58 }
بقلم هند محمد
حمزه : مش راضيه انا من ساعت اللى حصل وانا بتحايل وبعتزر وهى دمغها مفيش فايده
منير: طب انا هقولك شوف بقى نصيحت اخوك فى الحالات دى تبقى ازاى ؟
حمزه : ازاى بقى اعمل ايه ؟
منير : اطلبها فى بيت الطاعه
حمزه : بيت ايه ؟ دا بتاع ايه ده ؟
صابرين : منير انته بتقولو ايه
منير : استنى بس دى ست مدالعه لازم تتشكم روح ارفع عليها قضية طاعه وربيها
حمزه : انا اول مره اسمع بيت الطاعه دا طب دا حلو يعنى ؟
منير : اه طبعا دا يجبلك مراتك لحد باب البيت
حمزه : طب خلاص اروح فين طيب ؟
ولا اقولك انا هكلم المحامى
منير : خلاص كلم المحامى قولى صحيح نجوى مدة اديها عليك تانى ؟
حمزه : لا انا شديت معاها اكتر من مره وهى مشيت راحت البلد عند عمها
منير : غريبه معملتش فيك حاجه ولا امك ولاحد ؟
لا اصل نجوى دى مابتسبش حقها ولا حق تقى نجوى دى شرانيه خلى بالك من نفسك ومن طنط وعمى
حمزه : هتعمل ايه يعنى ولا تقدر تعمل حاجه
منير: بيتهيئلك طب انا هحكيلك على حاجه مره واحد جارتنا زعلت تقى نجوى راحت دلقت زيت على السلم وحطت لها علبه على السلم الست جات توطى تشوفها راحت يا عينى رجلها اتكسرت وبنت الايه ولا سابت وراها اى داليل
ولا هدى مرات اخواها يوم فرحنا مارضيتش تجيب فستان فرحها راحت حطلها راس فرخه مدبوحه فى الشنطه بتاعتها ياعينى خلت هدى ولدت قبل معادها هههههههههه
حمزه : يعنى نجوى ممكن تأزى حد ؟
منير: اه دى دماغها سم خلى بالك على نفسك وخليك فاكر نجوى مش بتسيب حقها ولا حق اختها انا بحذرك عاوز حاجه تانيه منى يا صاحبى ؟
حمزه : لا شكرا
منير : طب تمام سلام
صابرين : بيت طاعه ايه وايه اللى قولتو على نجوى دا فى حد عاقل يقول كدا ؟
منير : هو انا قولت حاجه
صابرين : لا مقولتش دانته وديت نجوى فى داهيه دا ممكن يهددها لو تقى مرجعتلوش هيروح يبلغ ان نجوى هى اللى كسرت رجل الست
منير : لا ما اصل الموضوع دا بقالو كتير وبعدين الست مابلغتش البوليس اصلا
صابرين : حرام عليك دا كدا لو حصلهم اى حاجه هيتهمو نجوى
منير : افلمى بقى الافلام اللى بتاعة روتانا كلاسك بتعتك دى
بقولك ايه قومى اعمليلى فشار
صابرين : فشار انا هقوم اغسل المواعين لما اخلص
( روح حمزه لقى ابوه موجود فى البيت وقاعد فى المكتب )
ابو حمزه : امك فين ؟
حمزه : لسه هناك مرضيتش تسيب مصطفى
ابو حمزه : عاوز تقول ايه وساكت
حمزه : منير لسه كلمنى وقالى اطلب تقى فى بيت الطاعه هو ايه بيت الطاعه ده ؟
ابو حمزه : هو منير ده اتجنن فى عقلو طاعة ايه انته تحمد ربنا ان فارس مبلغش عنك انته عامل جنايه ضرب وجروح وكسور مدة علاجها اكتر من 21 يوم يعنى جنايه
حمزه : معرفش انا اول مره اسمع عن بيت الطاعه دا فا قولت اخد رئيك
ابو حمزه : تقى مسيرها هترجع بس هى زعلانه منك
حمزه : غصب عنى
ابو حمزه : هى نجوى فين ؟
حمزه : نجوى فى البلد
ابوحمزه : انا شاكك ان نجوى هى اللى عملت كدا فى جنى
حمزه : انا كمان بعد كلام منير ليه شاكك فيها
ابو حمزه : ليه هو قالك ايه ؟
نجوى : نهار اسود منير قالو كدا ؟
صابرين : اه فا خلى بالك بقى يا نجوى اوعى تعملى حاجه دا شكلهم ناس طايله وواصله اوى انا خايفه عليكى
نجوى : طب المتخلف دا قالو كدا ليه ؟
صابرين : متخلف مين ؟
نجوى : منير الزفت دا ليه قالو كدا
صابرين : بينصحو عشان تقى زعلانه منه
نجوى: ينصحو هو فى اهبل بينصح عبيط
صابرين : ههههههه انتى عليكى كلام ههههههه
لا وكمان قالو يطلب تقى فى بيت الطاعه
نجوى : بيت الطاعه منك لله يا منير يابن رزقه
طب تصدقى انا احسن حاجه انتى اطلقت منه عشان ماخلفش عيال متخلفه زى ابوهم
نصيحه يا صابرين متخليش الواد معاه كتير هيهبل زى ابوه
ام هدى : انته مسافر ؟
هيثم : اها رايح لنجوى
ام هدى : لسه مصمم على الجواز من نجوى
هيثم : اها انا شايفها منسبه اوى
ام هدى : بس دى جامده وعصبيه وكمان مجنونه ولسنها طويل
هيثم : كل الموصفات اللى بحبها بجد فيها
ام هدى : بقى هيثم اللى لف تركيا وفرنسا وروما يتجوز نجوى
هيثم : مالها بقى نجوى دى بنوته جدعه اوى
ام هدى : بس مش ركبين على بعض
هيثم : لعلمك بقى كل الكابل اللى بيتجوزو ومش بيبقو ركبين على بعض هو الكابل اللى بيبقى ناجح بجد
انا حضرت الشنطه هنام بقى عشان القطار بكرا اساعه 8 تصبحى على خير
ام هدى : وانته من اهل الخير
فارس : عمله ايه ؟
تقى : كويسه
فارس : حولى اتكلمى كدا حولى قولى كويسه
تقى : كووووويهه
مممممممم
فارس : هايل متقلقيش اخصائى تخاطب كام حصه هتبقى هيله
تقى : وهقدر اتكلم زيكم ؟
فارس : طبعا ايه رئيك اقول لحمزه ؟
تقى : لا بلاش
فارس : طب لما تروحى لاخصائى التخاطب هتقولى راحه فين ؟
تقى : نجوى قالتلى ابقى اقول راحه اعمل علاج طبيعى على ايدى
فارس : اممممم فكره برضو بس هتفضلى مخبيه عليه لامتى ؟
تقى : لحد ما أتاكد انو بجد بيحبنى مش لعبها شاريها وبيتحكم فيها
صحيح هو بيجبلى كل اللى بطلبو بس بيشخط وبيتحكم فيها
فارس: مش جوزك لازم يتحكم فيكى
بصى هو كويس وبيحبك وطيب ومحترم
تقى : بس وجاعنى وعايرنى بالاعاقه
فارس : معلش هو ندمان بصى احنا نعمل العمليه وفى المستشفى اتصلحو متخربيش بيتك يا تقى بجد حمزه كويس
تقى : انا لو هرجعلو بس عشان مصطفى
فارس : بالظبط كدا ابنكم ذنبو ايه ربنا يهديكى يا تقى
انا هروح انام بقى عشان هصحى اركب الهام الاتوبيس الصبح تصبحى على خير
تقى : وانته من اهل الخير
هدى : مالك نايم ليه كدا ؟
فارس : من التفكير يا هدى
زمان وابويا عايش مكنتش بفكر غير فى نفسى وفيكى
دلوقتى انا حاسس انى مسئول عن تقى ونجوى والهام المسئوليه دى وحشه اوى
هدى : وماما كمان
فارس : وماما وامك كمان ربنا يقدرنى ويصبرنى ولا خالك هيثم
هدى : ههههههه دا عاوز يتجوز نجوى
فارس : اه شفتى عمرك شفتى مرات الاسد تتجوز كلب لولووووو ههههههههه
هدى : ههههههه احترم نفسك خالو مش كلب
فارس : تنكرى انو لولوووو
هدى : خالو دا كان المفروض يتجوز حد زى تقى كدا
فارس : اه ماشى بس مش نجوى
هدى : يلا اللى بيشيل قربه مخرومه
نجوى : انته ايه اخرك كدا ؟
ناجى : روحت شوفت امى وجيت على طول
نجوى : حد شافك ياناجى ؟
ناجى : لا والله يا ابله بس انا صعبان اوى عليا البنت دى كانت حلوه اوى
نجوى : الجنس من نفس العمل وانا اللى يقرب لاختى يبقى هو الجانى على نفسو
يلا ادخل نام مع الولاد مش اكلت
ناجى : اه
نجوى : ادخل نام طيب عشان بكرا الخميس هنروح تشتغل معنا بضاعه هنروح نبيعها
ناجى : فين مصر ؟
نجوى : لا فى المدينه هنا احنا هنا فى قريه فى نجع حمادى بس فى مدن قريبه هنجرب كدا نروح نبيع فيها
ناجى : ماشى يا ابله تصبحى على خير ( وداخل ينام )
نجوى : دا بيكلمنى ليه دا ربنا يستر وميكنش شك فيه
الو
حمزه : انتى فين ؟
نجوى : مانته عارف انى عند عمى عربى
حمزه : ليه عملتى كدا فى جنى ؟
نجوى : عملت فى جنى عملت ايه ؟
حمزه : مش عارفه ؟
نجوى : انته هتفضل تقول فوزير كتير فى ايه يا حمزه انا من يوم الاتنين سيباكم وعند عمى اهو انا عملت ايه وبعدين انا مالى ومال جنى
حمزه : لو تقى مرجعتش البيت انا هبلغ عنك واقول انك انتى اللى رشيتى عليها ماية نار
نجوى : بقولك ايه انا معرفش انته بتقول ايه وانا ماليش داعوه بحد وشوف اكبر حيطه فى بيتكم ايه وروح اخبط دماغك فيها ومن غير سلام كمان ( وقفلت )
منك لله يا منير يابن رزقه متخلف
هيثم : نجوى انا دلوقتى فى القطار ووصلت اعمل ايه ؟
نجوى : خليك مكانك هبعتلك عمى
هيثم : اوك هو عمك عارفنى صح
نجوى : اه هو هيجيلك خليك واقف بقى وهو زمانو جاى
هيثم : اوك انا مستنى على باب المحطه
( هيثم فضل مستنى شويه لحد ما عربى راح اخدو بتوكتوك وكان سايق التكتك واحد من الولاد اللى نجوى جابتهم )
هيثم : اوووو اول مره اركب توكتوك بس بجد وحش اوى
عربى : معلش بقى حمدالله على السلامه اتفضل بيتك ومترحك
( بعد ما نزلو من التوكتوك وهما داخلين البيت )
؟1: مين ده يا عربى ؟
عربى : دا قربنا من مصر
؟1: تبع ست نجوى ؟
هيثم : اها انا جاى عشان نجوى
؟1 : لازم انته شريكها بتاع مصر صح ؟
هيثم : يا رب ادعلنا نبقى شركه
؟1 : ربنا معكم وتنورو البلد كلها
هيثم : ليه هو انتو هنا مفيش نور
عربى : ادخل بس ادخل
( داخلو البيت )
عربى : يا شوقيه شوقيه
خليك هنا عقبال ما اشوف شوقيه راحت فين ؟
هيثم : اوك انا هفضل هنا
( خرج عربى وشويه ربع ساعه كدا داخلت شوقيه البيت )
شوقيه : ايه دا انته مين ؟
هيثم : انتى لازم شوقيه ؟
شوقيه : ايوه انا انته مين بقى
هيثم : انا هيثم اللى جاى لنجوى هى نجوى فين ؟
شوقيه : كان فى شويت بضاعه كدا راحت تبيعهم زمانها جايه
{ ايه الجدع دا شكلو حلو اوى زى اللى بيطلعو فى التلفزيون } قولى انتى بتشتغل ايه ؟
هيثم : عندى شركة سياحه بودى افوج من تركيا لمصر ومن مصر لتركيا وانتى بتشتغلى ايه ؟
شوقيه : مع نجوى
هيثم : انتى متجوزه ؟
شوقيه : لا مفيش نصيب
وانته ؟
هيثم : لا برضو لسه بس شكلى هتجوز قريب انا جاى عشان اخطب على فكره
شوقيه : بجد انته نورتنا تشرب ايه ؟
هيثم : نسكافيه
شوقيه : لا معندناش تشرب شاى
هيثم : لا مش بحبو خلاص ممكن بس مايه ؟
شوقيه : اه اتفضل ( وجابتلو الاوله )
هيثم : فين الكبايه ؟
شوقيه : لا دى بيتشر منها على طول
هيثم : لا اقرف
شوقيه : طيب هروح اجبلك كبايه
( راحت جابتلو كبايا ورجعة )
اتفضل
هيثم : شكرا هى نجوى هتتأخر ؟
شوقيه : لا دى زمانها جايه هى ماشيه من بدرى
( شويه وجات نجوى ومعاها ربيع وسراج )
هيثم : ايه اتاخرتى ليه ؟
نجوى : لا ابدا دانا كدا جيت بدرى الحمد لله البضاعه اتباعت يا شوقيه
شوقيه : مش قولتلك احنا حولينا ناس كتير ومدن كتير مش مصر بس
نجوى : اه كان عندك حق
ربيع : كنت عاوز نجوى فى ايه ؟
هيثم : حاجه خاصه ممكن نتكلم لوحدنا يا نوجى
سراج : اتخبط فى عقلك ولا ايه لوحدكم ايه
هيثم : وفيها ايه ؟
سراج : شكلى هطخك
نجوى : يا جماعه دا هيثم مفيش من مشكله
عربى : ( داخل ) نجوى نجوى تعالى
نجوى : نعم يا عمى ؟
عربى : فى حكومه باره بتسئل عليكى ؟
نجوى : حكومه ؟
"
"
طب انا جايه معاك
( خارجة نجوى تشوف فى ايه )
امين الشرطه : انتى نجوى مصطفى عبد الرحيم ؟
نجوى : ايوه انا فى حاجه ؟
امين الشرطه : انتى مطلوبه للتحقيق
نجوى : ليه انا عملت ايه ؟
امين الشرطه : معرفش
يلا قدامى ( واخدها ومشى )
#قلب_فاضي
الحلقه { 58 }
امين الشرطه : انتى نجوى مصطفى عبد الرحيم ؟
نجوى : ايوه انا فى حاجه ؟
امين الشرطه : انتى مطلوبه للتحقيق
نجوى : ليه انا عملت ايه ؟
امين الشرطه : معرفش
يلا قدامى ( واخدها ومشى )
( وبعد حوالى ساعه نجوى قاعده فى المكتب ومش عارفه فى ايه داخل عليها الظابط ومعه العمده )
الظابط : اتفضل يا حضرت العمده
نجوى : { عمده هو فى ايه يخرب بيتك يا منير انته هببت ايه }
هو فى ايه انتو جيبنى ليه هنا انا معملتش حاجه
الظابط مدحت : انتى عامله بتاع 4 مصايب وتقولى مش عامله حاجه ؟
نجوى : انا ليه بقى عملت ايه ؟
الظابط : 1 بتشغلى اطفال فى سن غير قانونى والله واعلم جيباهم منين العمده بيقول انهم مش من اهل البلد
2 تربية طيور فى المنازل مما يهدد الحاله الصحيه لاهل البلد
3 السوق اللى انتى هتعمليه بكرا على ارض زراعيه وكمان بدون ترخيص من البلد
4 وده الاهم انتى بتبيعى وبتشترى فراخ ومنتجات البان من غير تصريح دبح او بيع من وزارة الصحه
نجوى : انتوجايبنى هنا عشان كدا بس ؟
العمده : اومال انتى تعملى كل المصايب دى ومنجبكيش هنا ؟
نجوى : ممكن طيب كباية مايه ؟
الظابط : لا وممكن اعرف ايه حكايتك
وايه كمان حكاية مجلس الشعب وكمان بتقولى فى شريك جايلك لا انا افهم انتى مين وراكى وتبع مين
نجوى : { الحمد لله يا رب الحمد لله }
بص يا فندم بخصوص الاطفال دول اطفال غلابه ومحتاجين شغل انا بساعدهم بدل ما يترمو فى الشارع لا انا جبتهم وبيشتغلو وكمان بديهم مرتب وعمى وولاد عمى هما بيتابعوهم
العمده : اه يعنى دول مين ؟
نجوى : دول ولاد ناس غلابه وعوزين يشتغلو فانا جيباهم يشتغلو فى الزراعه وفى المشروع بتاعى اللى بعملو
وبخصوص تربية الطيور ايه المشكله لما اربى حصل ايه ؟
الظابط : انتى مش عارفه ان ممنوع ؟
نجوى : كان ممنوع ايام ما كان فى انفلونزا الطيور لاكن دلوقتى لا عادى والحمد لله كل الستات اللى بتشتغل معايا محصلهمش حاجه
الظابط : والسوق اللى هيتعمل على ارض زراعيه دا غير المجزر والمزارعه و و و اللى كل البلد بتتكلم عنه
نجوى : بص يا فندم انا جايبه مشروع ومش بشتغل فيه لوحدى لا اهل البلد كمان بيشتغلو معايا انا فى موضوع الطيور ده اكتر من 30 ست مطلقه وارمله دا غير الستات الكبيره بيشتغلو معايا وبطلعلهم مبلغ حلو
والارض الزراعيه بقى عمى بقالو 3 سنين مش عارف يزرع اى حاجه لا قطن ولا قمح ولا ارز ولا قصب وكلو بسبب ان مفيش مايه والارض كدا كدا هتبور
وانا اهو زراعة امبارح 10 فدادين برسيم عشان المايه غلط انا كدا يا عمده ؟
العمده : طب والمجلس اللى هتدخلويه وكل شويه تلمى الناس حواليكى واسمك اللى على كل لسان فى البلد
نجوى : اهاااااااا انا كدا فهمت ؟
الظابط : فهمتى ايه ؟
نجوى : فهمت انو مش موضوع اطفال ولا ارض زراعيه انتو جايبنى عشان تعرفو انا ازاى عملت شعبيه والناس بتحبنى
الظابط : انا بحقق معاكى
نجوى : فين التحقيق ده انا لاشيفه حد بيكتب ولا شايفه اى تحقيق وبعدين هو فى تحقيق من غير ازن نيابه دانتو جايبنى من البيت
بقولكم ايه ماتيجو نتكلم بصراحه اكتر وبلاش لف ودوران
الظابط : ( استغرب اوى من جرئتها وانها كشفت ان مفيش تحقيق ) ماشى هنتكلم بصرحه انتى بتعملى كدا ليه بتشغلى ليه الستات وتبيعى وتشترى مالك انتى بالزراعه والحاجات دى ؟
نجوى : يا فندم انا خريجة كلية زراعه وده شغلى ابويا لما تعب الله يرحمو عملت مشروع صغير كدا على قدى ولما ربنا كرمنى والحمد لله ربنا وسع عليه قولت ما اجرب اجى البلد واجرب واشغل اهل بلدى معايا
وانا هنا من يوم الحد بليل عشان ابدء واهو ربنا يكرم
العمده : وموضوع مجلس الشعب
نجوى : مش فى دماغى وكمان عشان تطمنى انا 23 سنه يعنى لسه بدرى اوى
الظابط : طب انتى هتجمعى بكرا الناس ليه بعد الصلاة ؟
نجوى : عشان اشغل الناس تصدقو انا ارتحتلكم انا هشرحلكم الموضوع انتو فاضيين ؟
العمده : اه يعنى ورانا ايه ؟
نجوى : ورقه وقلم بقى وتعالو وانا هشرحلكم انا عاوزه اعمل ايه وبكرا هقول للناس ايه ؟
( فضلت نجوى تشرح لهم هى عاوزه ايه ومشروعها ازاى واحده واحده هيتعمل )
الظابط : يعنى انتى معاكى ورق بأنك تقدرى تعملى الشركه دى ؟
نجوى : اه والشركه بأسم كوكو واوا
الظابط : بس انتى كدا محتاجه تصريح من وزارة الصحه وكمان وزارة التجاره عشان الضرايب
نجوى : تمام بس برضو انا اسمع ان اى شركه جديد بتبقى معفيه من الضرايب كام سنه كدا عقبال ما تقف على رجلها
وبعدين انا مش فاتحه فاتوحه دانا بخرج ب 200 فارخه على 100 بطه على 50 وزه مش حاجه يعنى والحمد لله لحد دلوقتى لا حد اشتكى ولا حد جرالو حاجه
دا غير انى بشيل من على الحكومه حمل الشباب اللى عاوز يشتغل والستات بدل ما تروح تعمل معاش وفى الاخر يطلع لها 150 جنيه لا بلاش انا هتكفل بيهم بس سبونى اشتغل وبعلم حضرتك
والعمده اهو شاهد عليا انا عملت مشكله او حد جه اشتكالك منى يا عمده ؟
العمده : لا بالعكس دا بيشكرو فيكى ومش عارف ليه ؟
الظابط : طيب انا هسيبك تشتغلى بس خلى بالك مش عاوز مشاكل فى البلد انا على وش ترقيه ومش عاوز قلق
نجوى : سبونى اشتغل ووالله ما هعمل مشاكل ولو حضرتك قلقان من انى هاخد فلوس من الناس ولا القاعده بتاعت بكرا
ايه رئيك تحضر حضرتك والعمده كمان
ولا اقولكم احنا نعمل القعده فى السوق عشان تطمنو اكتر
الظابط : موافق
العمده : خلاص موافق
نجوى : طب امشى بقى ولا عاوزنى فى حاجه تانيه ؟
الظابط : لا امشى وبكرا نتقابل فى السوق
جيجي : جنى حبيبتى سمعانى
جنى : انا تعبانه اوى يا ماما
جيجي : معلش بكرا تخفى وتبقى احسن من الاول
جنى : معرفتوش مين عمل فيه كدا ؟
جيجي : لا معرفناش الله اعلم
جنى : ماما انا بقى شكلى ايه هاتيلى مرايا اشوف
جيجي : لا مش دلوقتى وبعدين شكلك ده دلوقتى مش مهم هتعملى عمليات تجميل لسه وهتبقى احلى من الاول
جنى : انا خايفه يا اماما اموت
جيجي : لا يا قلبى بعد الشر عليكى متقوليش كدا الدكتور قالى الحمد لله عدينا مرحلت الخطر وبكرا تخفى وتدخلى مسابقة مس ايجبت وتطلعى انتى الاولى ان شاء الله
جنى : يا رب
ماما تفتكرى ربنا بيعاقبنى عشان اللى عمالنه فى تقى وحمزه
جيجي : بس اسكوتى احنا معملناش حاجه
جنى : كنت بتريق على تقى وبقول لابسه نقاب
انا دلوقتى انا كمان هلبسو
بس الفرق ان تقى مش عاوزه حد يشوف انها حلوه ، انا بقى عشان محدش يشوف انى محروقه
جيجي : بس بقى يا جنى حرام عليكى بكرا تخفى وترجعى تانى زى القمر
جنى : هو ماهر فين ؟
جيجي : طالبوه فى النيابه
زمانو جاى ارتاحى انتى بقى وحولى تنامى
جنى : هى خالتو كنزى ماجاتش ؟
جيجي : جات الصبح ومشيت من شويه قبل ما تفوقى
جنى : منه لله اللى عمل فيه كدا
جيجي : انتى شوفتيه ؟
جنى : لا كان مغطى وشو مشوفتش حاجه هو اول ما قرب راح راشش عليا المايه انا غمضة عينى وبس مشفتش حاجه بعد كدا
جيجي : متقلقيش بكرا البوليس يجيبو ان شاء الله
( حمزه وام حمزه وصل عند بيت فارس )
ام فارس : ايه اتاخرتو ليه كدا ؟
ام حمزه : هاتى مصطفى بس الاول حبيبى وحشتنى وحشتنى
حمزه : اصل كنا عند جنى فى المستشفى
ام فارس : وهى عمله ايه ؟
ام حمزه : الدكتور بيقول الحمد لله عدة مرحلت الخطر بس وشها باظ خالص ربنا يشفيها يا رب
حمزه : هى تقى فين ؟
ام فارس : فى الوضه جوا انا خلتها ترضع وقولتلها ارتاحى بقى واخت مصطفى وهيثم وسبتها تنام شويه
حمزه : طب ممكن ادخولها
ام فارس : ادخول بس متزعلهاش عشان هى من شويه كنت بتعيط منك
حمزه : انا مش هصحيها لو لقتها نايمه هفضل حنبها
ام فارس : خلاص ادخول
( داخل حمزه عند تقى )
ام حمزه : هى بوسى فين ؟
ام فارس : عندها تمرين زمانها جايه
ام حمزه : هى كركر فين ؟
ام فارس : لا مشيت هى والهام اصل فكرى جاى بكرا
ام حمزه : بجد طب الحمد لله
حمزه : تقى انتى نايمه ؟
تقى : ( كانت صاحيه بس عامله نفسها نايمه )
( قعد جنبها على السرير وهى كانت نايمه ومغمضه عنيها )
حمزه : ليه مش عاوزه تسمحينى على غلطه لو انتى كنتى مكانى كنتى هتعملى زى مانا عملت ، كنتى هتغيرى وهتتخنقى معايا صحيح مكنتيش هتضربنى ولا كنتى هتوجعينى زى مانا عملت بس مكنتيش هتسكتى تقى انا بحبك اوى والله بحبك
انا هفضل اكلم نفسى كدا كتير يا رب
( حط ايدو على شعرها يصحيها زى ما هى متعوده على كدا )
تقى : ( فتحت عنيها )
حمزه : اصحى عاوز اتكلم معاكى
تقى : ( حاولت تقوم لوحده بس معرفتش )
حمزه : اسعدك قومى براحه
تقى : ( بعد ما قومها وحطلها مخده ورا ظهرها باصتلو )
حمزه : انتى بتحبينى ؟
خودى الموبيل اهو قولى بتحبينى ؟
تقى : لو قولتلك اه او لا هيفرق معاك ايه ؟
حمزه : لو قولتى اه ولسه بتحبينى هفضل وراكى لحد ما تسمحينى ومش هبعد عنك ابدا وهعمل المستحيل عشان ترجعيلى ونرجع تانى حمزه وتقى اللى حبو بعض من اول مره شافو بعض فيها
تقى انا حبيتك وانا مشوفتكيش حتى مكنتش اعرف اسمك بس حبيتك
بس لو قولتى لا مش بحبك هحترم مشعرك ومش هدايقك تانى وهمشى ومش هتشوفينى تانى
تقى : طب ومصطفى مش عاوز تشوفو ؟
حمزه : اكيد هكون عاوز اشوفو بس انا مش عاوز ادايقك ممكن ابقى اطلب من فارس يجبهولى او وبعد ازنك اجى اشوفو هنا
تقى : يعنى انته عاوز تطلقنى ؟
حمزه : لا طبعا بس انتى اللى مش عوزانى
تقى : انا مقولتش مش عوزاك بس انا صعبان عليا منك
حمزه : وانا قولت انا اسف
تقى : طب انته قولتلى انك مستحملنى وانا خرسه وطرشه
حمزه : مكنتش عارف بقول ايه والله انا ما فارق معايا
تقى : انالو سامحتك هتفضل تعايرنى لو حصلت اى مشكله
حمزه : لا والله عمرى عمرى والله
تقى : طب سبنى افكر
حمزه : تفكرى فى ايه يا تقى احنا ما بنا طفل وحب دا خلاص فاضل على عيد جوزنا الاول 31 يوم
تقى : عيد جوزنا وانا متجبسه كدا
حمزه : ان شاء الله هتفكى الجبس قبل 31 يوم وهعملك حفله كبيره زى فرحنا انتى ناسيا ان يوم فرحنا عمالنا دعوات للمعازيم يحضرو عيد جوزانا الاول
تقى : تعرف يا حمزه انا كل ما افتكر انك ضربتنى
حمزه : انسى بقى والله ما هعمل كدا تانى والله
تقى : طب وطارى من جنى وخالتك
حمزه : نجوى اخدت طارك ورمت عليها ماية نار شوهتها
تقى : انته بتقول ايه لا طبعا نجوى متعملش كدا
حمزه : بصى الله اعلم هى عملت كدا ولا لا بس لو على جنى فا هى متشوها فى المستشفى
تقى انا بحبك ومقدرش اعيش من غيرك
تقى : انا هعمل عمليه يوم الحد بعد العمليه نتكلم
حمزه : انتى ليه مش عاوزه تسمحينى طيب
تقى : حتى لو سامحتك هيحصل ايه طب نفرض انى انا مسمحاك ها وبعدين ؟
حمزه : نرجع بيتنا ونعيش مبسوطين زى ما كنا عايشين الاول
تقى : ومين قالك انى كنت مبسوطه وانا عايشه فى بيتكم
حمزه : بيتنا هو بيتك
تقى : لا انا عاوزه بيت لوحدى احس فيه انو دا بتاعى مش بتاع مامتك
حمزه : انا مقدرش اسيب ماما وبابا
تقى : حمزه انا بجد متلخبطه ومش مركذه انا عاوزه ارجعلك بس خايفه
منك بقى او من ايه انا بجد مش عارفه
حمزه : انا همشى يا تقى ولما تركذى نبقى نتكلم
تقى : حمزه انا تعبانه حسه انى بين طريقين
ومش عارفه امشى واختار مين فيهم
خايفه ارجعلك ترجع تشخط وتتحكم فيه وتحبسنى فى البيت ومامتك تفضل تتحكم فيه وترفض انى اعمل اى حاجه انا عوزاها بحجة انها بتريحنى
ويوم ما اغلط تمسكنى تضربنى تانى
والطريق التانى انى ابعد عنك واحرم ابنى من انو يكون جنبك
والله انا بحبك وانته بجد واحشنى ونفسى افضل جنبك وكمان بحب مامتك جدا بس خايفه ومحتاره اختار ايه
حمزه : ارجعيلى والله ما هعمل فيكى حاجه تانى
وكمان لو على ماما هخليها تسيبك برحتك
تقى : ولو عوزت اخرج مع ماما او مع نجوى
حمزه : لا
تقى : لا يبقى انتى مش بتثق فيه
حمزه : انا بخاف عليكى
تقى : لا انته عاوز تتحكم فيه
حمزه : خلاص عاوزه تخرجى ماشى بس لازم يكون مع حد مش لوحدك وكمان تقوليلى
تقى : ماشى
حمزه : ماشى يعنى كدا خلاص ترجعى معايا بقى دلوقتى ؟
تقى : لا بعد العمليه عشان انا هنا ماما بتأكلنى وبتسرحلى شعرى وبتعملى كل حاجه
حمزه : انا هعملك كل حاجه
تقى : لا خلينى هنا انا كدا كدا يوم السبت هروح المستشفى
حمزه : طيب بس وعد بعد العمليه ترجعى بيتك ؟
تقى : لو فضلت حنين عليا زى زمان وتحبنى هرجع
حمزه : اخيرا طب عشان اطمن بقى قولى سامحتك
تقى : خلاص سامحتك
هيثم : اخيرا بقينا لوحدنا
نجوى : فى ايه يا هيثم انا مصدعه موضوع ايه اللى انته عاوزو
هيثم : انا ااااااا انا
نجوى : انا مش خرونج لا لا لا انا كينج كونك
ما تقصر يا هيثم مالك ؟
هيثم : انا بحبك وعاوز اخطوبك ونتجوز ايه رئيك