#قلب_فاضي
الحلقه { 33 }
ابو فارس: مش هتفرشو الاكل بقى انا مفطرتش
منير: حاضر يا عمى
خودى يا بت افرشى معايا
نجوى : هات
منير: شوف يا حمزه جايبلك اكل ايه ؟
حمزه : هااااااااااااا الله
ام حمزه : لا يع اوعى تاكل منو ده
حمزه : لا هاكل انا بحب الفسيخ الله طعمو حلو
ام حمزه : طب كفايا لقمه وحده
حمزه : لا سبينى اكل بقى
ام حمزه : منك لله يا منير انته اللى بتجبلو الاكل الوحش ده
منير: وحش ايه بس ماحنا كلنا بناكل اهو
ام فارس : سمى الله وكلى يا ام حمزه نعمه من ربنا
ام حمزه : دا ممكن يجيب تسمم
ابوفارس : لا بدل معاه ليمون وخل خلاص السم بتاعو بيموت كل يا حمزه بالهنا والشفا
حمزه : مانا باكل دا حلو اوى اوى
منير : خود كمان اللى بطارخ اللى بتحبها
حمزه : اه دى اللى بتفرقع فى البق دى جميله
الهام : وانته جبت الحاجات دى منين يا منير ؟
منير: اصل انا اعرف صاحب المحل اللى بيبع الحاجات دى كلمتو بليل وقولتلو يحضرلى فسيخ ورنجه وسردين والصبح عديت عليه واختهم
وانا ونجوى عملناهم الصبح وجهزنا يعنى
فارس : انا بقالى كتير ما أكلتش كده
تقى : حمزه دا 3 رغيف كده هتتعب
حمزه : حلو اوى اوى
نجوى : خليه ياكل بالهنا والشفه اضرب اضرب
هدى : هههههه انا لو خالى هيثم هنا كان زمانو مات من الصدمه
نجوى : هههههه انتى هتقوليلى دانا بس جبتلو سيرت المومبار قام رجع هههههههه
ام حمزه : عندو حق انا مش باكل كدا برضو
هدى : بصى انا اول ما اتجوزت فارس ماكنتش باكل الحاجات دى برضو من ساعة ما تقى جات عندنا وهى اللى كانت بتعمل الاكل وانا باقيت اكل كل حاجه
نجوى : ايه تقى كانت بتعمل الاكل ؟
هدى : اه والله اكلها سكر خلانى احب الاكل كلو
تقى : كنت بساعدها مش اكتر
نجوى : ( باصت لها بغيظ ) ومالو عادى
ام فارس : طب انتى مش هتاكلى يا ام حمزه ؟
ام حمزه : انا اخاف اكل ده
ابو فارس: متخفيش دا اكل بيتاكل من ايام الفراعنه وبعدين دكتور فارس معانا وكمان هدى متقلقيش
طب اقولك كلى رنجه بلاش فسيخ
ام حمزه : طيب اجرب
نجوى : خودى رغيف حلو ومحمص
ام حمزه : تعرفو اول مره اكل رنجه
حمزه : دى حلوه اوى انا بموت فيها
نجوى : طب انته بتحبها ازاى اذا كان طنط ماكنتش بتاكلها ؟
حمزه : منير كان بيجيب سنداوتشات فى الجامعه فسيخ ورنجه كنت انا اديلو سنداوتشات الناجتس والسوسيس واخد من الفسخ
نجوى : بتقلب اصحابك يا نصاب
ام حمزه : عشان كده كنت بترجع بطنك وجعاك ماش يا حمزه ماما زعلانه
حمزه : متزعليش ايام زمان بقى
تامر : ههههههه
حمزه : بتضحك ليه ؟
تامر : لا يا عمو مفيش ماما زعلانه ههههه
انا اكلت مين هيلعب كوره
منير: انا قوم يا حمزه نلعب
وائل : وانا
محمد : خالو العب معانا
فارس : ماشى نلعب
نجوى : وانا عاوزه العب معاكم قومى يا تقى
حمزه : تقى لا انا ماحبش تجرى كدا تلعب
منير : الله ما تسبها تلعب ما نوجى هتلعب
حمزه : لا انتى شجاعينى وانا بالعب
نجوى : تصدق انك جوز رخم ما تخليك مودرن زى مونى كده
حمزه : مش انا يا نوجى
نجوى : يا رب تخسر
انا هفضل جنب تقى روحو العبو عقبال ما نصب الشاى
ام حمزه : انتى كمان عامله شاى ؟
نجوى : اه وجايبه ترمس كمان تاخدى تتسالى ؟ ومعايا نسكافيه وكمان تانج
ام حمزه : لما اخلص الرنجه طعمها حلو اوى
ابو فارس : مش قولتلك خودى كمان بصل هيعجبك
الهام : هو ابو حمزه ماجاش ليه ؟
ام حمزه : هو مش بيحب الخروج بيحب البيت يفتح التلفزيون وفى ايدو الجرنال وجنبو الشاى
الهام : موبيل مين بيرن ده
نجوى : دا منير ( مسكت الموبيل رقم متسجل بئسم الحكومه ) دى مين دى لتكون امو لما اكلمها احرق دمها ( قامت من جنبهم ومشيت بعيد شويه ) الو
صابرين : مش ده تليفون منير ؟
نجوى : ايوه مين حضرتك ؟
صابرين : انا مراتو انتى اللى مين ؟
نجوى : اه انا نوجى فى حاجه كنت عاوزه حاجه ؟
صابرين : نوجى وهو انتو رجعتو لبعض ؟
نجوى : اه رجعنى امبارح
صابرين : طيب هو انا ممكن اكلمو
نجوى : لا هو مش فاضى دلوقتى
صابرين : بيعمل ايه ؟
نجوى : وانتى مالك سلام بقى عشان احنا بنتفسح ومش عاوزين نكد متتصليش تانى وهو لو افتكرك هيكلمك سلام
ام فارس : مين اللى كان بيتكلم رزقه ؟
نجوى : لا دا رقم غلط
الشاى يا منير يا حبيبى
منير: طيب جاى
( وبعد ما اليوم عدى والخروجه كان كل واحد مبسوط جدا وكل واحد روح على بيتو )
ابو حمزه : حمدالله على السلامه اتأخرتو كده ليه ؟
حمزه : الجو حلو اوى وكمان لعبنا واتكلمنا
ام حمزه : اكلت ولا لسه ؟
ابو حمزه : اه اكلت الحمد لله انتو اكلتو ايه
حمزه : رنجه وفسيخ
ابو حمزه : يا بختك كنت جبتلى حته
حمزه : تقى فى يوم كده تبقى تعملنا اكله فسيخ ورنجه مش تعرفى يا تقى ؟
تقى : اه اعرف طبعا
ابو حمزه : انا نفسى فى اكله كده امى الله يرحمها كانت بتعملها
تقى : قولى وانا اعملها لحضرتك
ابو حمزه : بصره تعرفى تعملها ؟
تقى : اه طبعا دى سهله اوى
ام حمزه :انا مش بعرف كل مره تطلع معايا يا نشفه اوى او عامله زى الشوربه
تقى : لا انا بعرف اعملها حلو حضرتك قولى عاوز تاكلها امته وانا اعملهالك
ابو حمزه : اى وقت و يا ريت بكرا
تقى : هتاكل فى العيد بصاره ؟
ابو حمزه :اه ومالو هتقول لا
تقى : طيب انا محتاجه حاجات عشان اعملها
حمزه : اكتبى الحاجات اللى عوزاها نخلى البواب يجبها
تقى : حاضر طب هتتعشو ؟
ام حمزه : لا مش قادره دانا على اخرى هعمل كبايت اعشاب وانام
ابو حمزه : اه وانا كمان
تقى : طب ارتاحى انتى انا هعملك
حمزه : بابا انته باقيت تفهم تقى واشارتها ؟
ابو حمزه : وانته شايفنى ايه يابنى انا بفهمها وهى طايره
ام منير: كنت فين من امبارح يا مخفى
منير: فى ايه يا ماما ؟
ام منير : جاوب على ام السؤال كنت فين ؟
منير: الحمد لله رجعت لنجوى والصبح نزلنا نخرج شويه
ام منير: وخرجتو مين بقى ؟
منير: كلنا انا ونجوى وامها وابوها واخوها ومراتو والهام وعيالها وتقى وجوزها وامو
ام منير: طب خود امك معاك ولا بلاش انا خود اختك معاك فسحها بدل قعدتها كدا
منير: اختى وهى طالبت ؟ وبعدين هى ليها عين تخرج بعد اللى معلتو ؟
ام منير: بقولك ايه متجبش سيرة الله حصل خلاص ولا هما مشفهومش وهما بيسرقو شافوهم وهما بيتحسبو
خليك فى وكستك انته
منير: بقولك ايه انا جاى لابويا اصلا هو فين ؟
ام منير : نزل يقعد فى الجامع فى دارس
منير: طب انا ماشى
ام منير: استنى وانته روحت ازاى مع الجيش ده كلو ركبتو ايه ؟
منير: عربية نجوى
ام منير : ازاى ركبتو كل دول دى مافيش غير الكنبه اللى بتاعت السواق
منير : ما انا وام نجوى وابوها ركبنا قدام فى الكبينه ونجوى واختها الهام والعيال ورا وحمزه جالنا على الجنينه بعربيتو
سومه : ورا فين فى التلاجه ؟
منير: اه !
ام منير : التلاجه ؟
منير : اه فيها ايه ؟
سومه : لا مفيهاش حاجه ربنا يشفى كويس انى ماجتش معاكم بس دى ضالمه اوى وكمان الباب مقفول هيتنفسو ازاى وفضلو قاعدين على ارض العربيه كدا ؟
منير: لا مكانوش قفلين الباب اوى ردينوكدا فا كان فى نور وهوا وكانو قاعدين على الكراسى البلاستك
طيب انا نازل وبكرا مسافر القاهره بليل عشان الشغل
ام منير: ماشى بس مقولتش نجوى رجعتلك كده ولا قعدت تتشرط عليك ؟
منير: لا الحمد لله متشرطتش عادى يعنى
سلام بقى ( وسابها ومشى )
ام منير: انا اهو وانتى اهو اخوكى ده اخرتو سودا وبكرا تقولى امى قالت
سومه : معلش هو حر بقى
ماما عاوزه الموبيل شويه زى امبارح
ام منير : ساعه واحده
سومه : حاضر
ام منير: هقوم اجبهولك
نجوى : كان يوم حلو
منير: اه الحمد لله كل ايامنا اللى جايا كلها هتبقى حلوه
نجوى : يا رب
انا بكرا هرروح مع بابا يغسل انته هتعمل ايه ؟
منير: بصى هو الاجازه هتخلص بكرا فا لازم بكرا بليل اكون فى القاهره
نجوى : ماشى هروح مع بابا وارجع الم شنطتى واجى معاك
ولاونى كنت عاوزه اسافر البلد
منير : انتى هتعرفى تسلكى مع عمك ده ؟
نجوى : اه طبعا يابنى انا بعون الله اسلك مع القرد نفسو دانا نجوى
منير: هههه يا جامد انته يا شديد
نجوى : انا بفكر بكرا بعد ما ارجع من عند بابا اروح لسلمى اخد من عندها الحاجه واروح القاهره اديها لسليمان ويوم الحد اسافر على البلد ايه رئيك
منير: ماشى بس هتسفرى نجع حمادى لوحدك بعيده اوى
نجوى : لا دى 4 ساعات بالعربيه دى المسافه بينها وبين القاهره 516 كيلو
منير: بس انا كنت فاكر اكتر من كدا
نجوى : لا بس
بتحبنى ؟
منير: لسه بتسألى دانا بموت فيكى
نجوى : انا كمان بحبك اوى بس
منير: بس ايه ؟
نجوى : احتمال يوم الحد اتأخر او ابات هناك انته هتمعمل ايه ؟
منير: هعمل ايه يعنى ولا حاجه تقصدى ايه ؟
نجوى : خلاص مش عاوزه افكر يلا ننام انا تعبت
منير: تنامى وانتى بعيد كده تعالى فى حضن حبيبك
نجوى : حاضر يا حبيبى
( وتانى يوم )
ابو منير : ماسافرتش يعنى الساعه 6 مش تمشى فى النور يابنى السكه بليل وحشه ؟
منير: مستنى نجوى عشان نسافر سوى
ام منير : وهى فين بسلامتها
منير: راحت تجيب الحاجه من سلمى وهتيجى نروح القاهره سوى
ام منير: انته مش ربنا كرمك والحمد لله مرتبك حلو قعدها من الشغل ده
منير: ليه ما تسبيها تشتغل
ام منير: طول ما هى بتشتغل مش هتعرف تكسر عينها
ابو منير : ليه بس كده لا هى تكسر عينو ولا هو يكسر عينها ما يمشو كويسين بما يرضى الله
منير : ماما هى مش هتقبل تسيب شغلها وبعدين احسن خليها تنشغل عنى
ابو منير : منير انته دلوقتى متجوز اتنين حاول ترضى الاتنين يابنى انته اللى ربنا هيحسبك عليهم
منير : حاضر يا بابا ربنا يسهل
اهو نجوى بتتصل
الو ايوه يا نوجى ؟
نجوى : انا جيت هنروح القاهره ولا هنستنى شويه ؟
منير: لا انا هجيلك
نجوى : طيب انا عندم ماما بلم حاجاتى تعالى بقى
منير: حاضر نازل
السلام عليكم سلمولى على احمد بقى لما يجى
ام منير: ماشى خلى بالك من نفسك
ابو منير: سوق براحه
منير: حاضر يا بابا ( ونزل )
ابو منير : مالك يا سومه قاعده مش سمعين حسك يعنى ؟
سومه : مفيش يا بابا
انا هدخل اذاكر
ام منير : مالك يا سومه بجد زعلانه ليه ؟
سومه : خايفه اقول تهزقونى
ابو منير : لاقولى فى ايه ؟
سومه : كنت عاوزه اخرج زهقت من البيت
ابو منير : عاوزه تروحى فين ؟
سومه : اى مكان يا بابا انا بجد زهقانه اوى حتى الموبيل ماما مش بتردى تدهونى غير ساعه واحده
بابا انا عارفه انى غلط بس والله اتعلمت وعمرى ما هعمل كدا تانى
ابو منير: خلاص هخلى اخوكى احمد يخرجك
سومه : احمد راجع الجيش بكرا
ابو منير: طيب عاوزه ايه دلوقتى ؟
سومه : عاوزه اروح اقعد مع صحبتى شويه
ابو منير : لا مفيش مرواح وادخلى ذاكرى كفايا اجازه كدا
سومه : طيب حاضر ( داخلت اوضتها تذاكر وهى مقموصه )
ام منير : هنفضل عملين فيها كده كتير ؟
ابومنير: طب عوزانى اعمل ايه اسبها تدور على حل شعرها
ام منير: طب ما تنزل انته مشيها شويه روحو اى حته اشربو حاجه سقعى ولا حاجه دى من البيت للمدرسه ومن المدرسه للبيت
ابو منير: طيب قومى قوليلها هروح اشربها اى حاجه
ام منير : ماشى هقوم اقولها
تقى : حلو الاكل يا بابا
ابو حمزه : حلو اوى
ام حمزه : انا مكنتش اعرف انك شطره كده يا تقى
تقى : الحمد لله ان الاكل عجبكم اى اكل تحبوه قولولى بس وانا اعملو
حمزه : انا اول مره اكلها دى بس حلوه اوى
تقى : احنا كنا بتعملها بس برضو كل فتره
( وبعد ما خلصو الاكل عملو شاى وبيشربوه قدام التلفزيون )
حمزه : بابا الشركه اخبرها ايه ؟
ابو حمزه : تمام كويسه جالنا شويت عروض كده ولسه بدرس فيها
حمزه : من اول بكرا هاجى معاك نبدء بقى
ابو حمزه : يا ريت شيل من عليا شويه
تقى : حمزه هى الاوضه اللى هناك دى بتاعت ايه ؟
حمزه : ايه دى لا ولا حاجه
ام حمزه : ههههههه متقولها بتاعت ايه ؟
حمزه : ماما بقى خلاص
تقى : لا بجد بتاعت ايه ؟
ابو حمزه : دى بقى الملعب
تقى : مش فهمه
ام حمزه : قومى افتحيها وشوفى
( قامت تقى فتحت الاوضه )
تقى : { الله ايه ده كل دى لعب }
حمزه : عجبتك ؟
تقى : حلوه اوى الله لعب كتير
حمزه : كل دى اللعب بتعتى وانا صغير كنت طول النهار العب هنا
تقى : ان شاء الله ولادنا كمان يلعبو هنا
حمزه : ان شاء الله يا قلبى
نجوى : اه اخيرا روحت كان يوم طويل ورخم
منير: نورتى بيتك يا قمرى
نجوى : نفسى يكون عندى بيت انا اللى افرشو واجهزو ويكون بتاعى انا
منير: ربنا يكرمنى واجبلك شقه ونفرشها سوى
نجوى : يا رب هقوم احط الحاجه فى الدولاب واشوف هاخد معايا ايه بكرا البلد
منير: مش كان ابوكى راح معاكى
نجوى: تعبان يا منير دا يا حبيبى بيبقى بينام فى العربيه وهو رايح جاى معايا
منير: انا خايف عليكى المشوار طويل
وكمان مش عاوز تخطلتى مع سراج وربيع دول ولاد عمك
نجوى : دى غيره ؟
منير: اه طبعا مش كانو عينهم منك انتى وتقى
نجوى : لا متقلقش انا مش شايفه غيرك يا حياتى
مش كفايا دول ؟
منير: خودى حاجات واسعه بلاش بناطيل
نجوى : عشان العربيه بس وكمان انا عاوزه الف بكرا على البيوت واتفق مع الستات هناك
منير: والله ما له لزمه تعب على الفاضى
نجوى : تعب ايه بص شويت الحاجات اللى ودتهم لسليمان انهاردا اخدت منو 3000 جنيه مكسبى صافى انا وسلمى 1500 جنيه يعنى كل واحده فينا 750 جنيه وحشين
منير: اممم بس برضو تعبك عندى اغلى من كده بكتير
نجوى : يا حبيبى يا مونى
منبر: مش جاعانه ؟
نجوى: اه هموت
منير: تاكلى ايه ؟
نجوى : اى حاجه بس مش هدخل المطبخ اعمل حاجه انا مهدوده
منير: انزل اجيب بيتزا
نجوى : لسه هتنزل
منير: اه دا الراجل جنبنا اهو
نجوى : ماشى روح بس متجبهاش مشطشطه بلاش يحط فلفل حراق
منير: ماشى هروح واجى بسرعه
( نزل منير يجيب الاكل وجاب 3 بتزات وقبل ما يدخل عند نجوى طلع يشوف صابرين ويديها البيتزا بتاعتها )
منير: السلام عليكم
صابرين : ( بكل برود ) عليكم السلام
منير : اتعشتى ؟
صابرين : لا
منير : كنتى بتعملى ايه ؟
صابرين : زى مانته شايف قدام التلفزيون
منير : دا فيلم ايه ده ؟ مين دى ؟
صابرين : فيلم دنانير دا فيلم حلو اوى دى ام كلثوم انته مش عارف ام كلثوم ؟
منير : اممممم ام كلثوم لا ما خودش بالى
المهم راحه الشغل بكرا
صابرين : لا المدرين اللى زاى هيروحو اول الاسبوع
الموظفين اللى زيك المفروض يروحو بكرا
منير: اه ما عشان كده جيت
طب خودى جبتلك عشا
صابرين : لا شكرا خودها معاك
منير: بتكلمينى كده ليه انا غلطان يعنى ان مهانش عليا اجيب اكل لوحدى وجبتلك معايا
صابرين : من اول امبارح مكلمتنيش ليه
منير : مكنتش فاضى
صابرين : طيب خلاص
منير : و الله برحتك ( وساب البيتزا على التربيظه ونزل لنجوى )
منير: انا جيت يا نوجى
نجوى : أتأخرت ليه دانا كنت هتصل بيك
منير: زحمه موت خودى جايبهالك بالجنبرى يا قمر
نجوى : طب روح حات طبقان عشان الفيلم ده انا بحبو
منير: فيلم ايه ده ؟
عش البلبل جميل
منير: { ايه يا ربى ده واحده دنانير والتانيه عش البلبل } هههههههه
نجوى : انا بحب اوى سعد الصغير ودينا بتحب دينا ؟
منير: اه بس صافينار احلى
نجوى : اه فعلا رقصها احلى
البيتزا تجنن
( وتانى يوم راحت نجوى عند عمها فى البلد )
نجوى : السلام عليكم
سراج : اهلا يا بنت عمى انتى فين ؟
نجوى : اهو فى الدنيا اخباركم ايه
ربيع : الحمد لله ايه روحتى وقولتى عدولى
نجوى : لا ان شاء الله هبقى اجى واروح عليكم كتير اصل انا الحمد لله رجعت لجوزى
عربى : طيب كويس مبروك
لسه برضو مصممه تشتغلى هنا
نجوى : اه طبعا بس يعنى عمى انا هغير الخطه يعنى مش هبدء زراعه او بمعنى اصح انا عاوز اشتغل فى الفراخ والبيض والارانب وكده فاهمنى
عربى : وبعدين هتعملى بيهم ايه ؟
نجوى : هاخودهم ابيعهم فى مصر
عربى : اه بس كده محتاجه مزرعه بقى
نجوى : لا ولا مزرعه ولا حاجه بص انا هشرحلك بس الاول هو انتو عندكم ستات بتربى الحاجات دى فى البيوت ؟
ربيع : اه طبعا كل الستات بتربى بس مش بتبيع
نجوى : انا بقى هاخد الانتاج منها وهبعها اعتبرونى واسيط
ربيع : والله كلام حلو اوى وموزون طب ماتاخدينى اشتغل معاكى
نجوى : ليه هو انته مش بتشتغل ؟
وربيع : لا انا واخويا جبنا توكتوكين وبنشتغل عليهم
نجوى : ايه ده يعنى انتو بتوع تكاتك ؟
سبتو الارض والزراعه وبتشتغلو على تكاتك ؟
سيراج : انا متخرج من حقوق هشتغل فى الارض ازرع واقلع
ربيع : وانا خريك تجاره اشتغل فى الارض اخرتها
نجوى : لا اشتغلو على تكاتك عجبتو لك يا زمن
ما عشان كده الارض بتبور
المهم انا عاوزه اروح الف على الستات واخد منها انتاج
عربى : ماشى بس اكيد محتاجه ست تلف معاكى
نجوى : اه الفروض
عربى : طب استنى شوقيه تيجى من السوق تروح معاكى
نجوى : شوقيه مين ؟
عربى : بنتى
نجوى : عمى هو انته مش متجوز ؟
عربى : لا الله يرحمها
نجوى : الله يرحمها
وهى شوقيه مش متجوزه ؟
عربى : ( باصو لبعد رابيع وعيالو وعربى قال ) لا لسه ربنا مكارمش
نجوى : طيب
وانتو ما تجوزتوش صح ؟
ربيع : لا لسه معندكيش عرايس
نجوى : ادورلكم
بس ترفعو راسى بقى ههههههههه
سراج : وانتى شيفانا مش رجاله ولاايه ؟
نجوى : لا انا مقصدش والله انا اقصد يعنى مهر وشبكه وكده
{ هو فى ايه الناس دى وراها سر }
عربى : اهو شوقيه جات
شوقيه : السلام عليكم مين دى يابا ؟
عربى : دى نجوى بنت عمك مصطفى
شويقه : اهلا يا حبيبتى كان نفسى اشوفك من زمان فى حضن اختك ياختى ( وفضلت تبوس وتحضن فيها )
نجوى : وانا كمان
شوقيه :انا اخر مره شوفتك وانتى عيله كنتى 3 سنين
نجوى : اه عشان كده ماكنتش فكراكى
بس عمى غلطان انو مش بيجبك عندنا
عربى : ادخلى انتى وبنت عمك اعملو الغدا وبعد الغدا خودى نجوى وشوفى هى عاوزه ايه
شوقيه : حاضر تعالى معايا
( داخلت نجوى المطبخ مع شوقيه مطبخ عادى ومكوناتو عاديه بس كانت حسه ان فى حاجه غلط )
نجوى : انتى كام سنه يا شوقيه ؟
شوقيه : انا 35 سنه
نجوى : ومتجززتيش خالص ؟
شوقيه : لا محصلش نصيب انا بقالى بتاع 10 سنين محدش دق الباب
نجوى : امممم ربنا يكرمك ان شاء الله
طب وسراج وربيع متجوزوش ليه ؟
شوقيه : مانا السبب
متقلبيش عليا المواجع يا بنت عمى انا قلبى مش مستحمل
نجوى : قدينا بندردش
شوقيه : اخاف تخافى منى وتبعدى عنى انتى كمان
نجوى : اخاف منك ليه هههههههه
شوقيه : "