#قلب_فاضي
الحلقه { 34 }
شوقيه : مانا السبب
متقلبيش عليا المواجع يا بنت عمى انا قلبى مش مستحمل
نجوى : ادينا بندردش
شوقيه : اخاف تخافى منى وتبعدى عنى انتى كمان
نجوى : اخاف منك ليه هههههههه
شوقيه : ما الناس هنا فى البلد كلهم بيخافو منى
نجوى : هههه ليه ملبوسه هههههههههههه
شوقيه : ايوه
نجوى : نعم ياختى ؟ انا بقولك كده تريقه
شوقيه : لا انا بجد عليا بسم الله الرحمن الرحيم
نجوى : لا يا شيخه مقوليش كده
شوقيه : طب تفسرى بقيه اللى بيحصل كل ما اجى اتجوز تحصل كارثه
نجوى : بصى احكى وانا افسر
شوقيه : منا خايفه انك تخافى منى ولا الكلام اللى هقولو ده اللى عليا يلبسك انتى كمان
نجوى : يلبس مين يا شوقيه قصرى عشان انا بتخنق بسرعه احكى
شوقيه: اول عاريس كنا خلاص محضرين كل حاجه وقبل الفرح بيومين طخوه
نجوى : مين اللى طخوه ؟
شوقيه : عيلت ابو مطاوع كان عليه طار مات 25 فبراير 1997
نجوى : الله يرحمو
شويه : تانى واحد بقى الله يرحمو باردك مات
نجوى : وده مات ازاى ؟
شوقيه : كان بيوضب الشقه وبنفرشها وهو بيركب النجفه الكهربه مسكت فى مات 14 فبراير 2000
نجوى : يا لهوى مات فى الفلانتين
شوقيه : تالت عاريس جالى كان شغال فى مصر وكنا هنكتب كتبنا ونتجوز خلاص وهو جايلنا فى القطار ولع بيه
نجوى : يا ساتر يا رب ومات
شويقه : اتفحم يا عينى فى القطار انتى مسمعتيش عن الحادثه فى سنة 20 فبراير 2002
نجوى : هو كان راكل القطار ده ؟
شوقيه : اه
المهم فضلت كده لحد 2005 وجالى عريس الحمد لله كان شغال فى السعوديه مقاول وفاتح شركه هناك
نجوى : اه تمام حلو اوى
شوقيه : اتخطبنا وهو جاى فى العباره غرقت بيه 2 فبراير 2006
نجوى : هار اسود هو كان راكب العباره ؟
شوقيه : اه السلام 98
نجوى : معلش موتتهم بقى ربنا كاتبلهم كده
شوقيه : الله يرحمهم
نجوى : اه الله يرحمهم طب انتى علاقة اللى الله يرحمهم ايه باللى انتى قولتيه انك ملبوسه ؟
شوقيه : ما اللى عليها كل ما يعرف انى هتجوز بيروح مموت اللى متقدملى
نجوى : لا يا شيخه دا قضاء ربنا
شوقيه : طب تفسرى ايه بأنهم كلهم يموتو فى شهر فبرابر ؟
نجوى : ايه يعنى صدفه
شوقيه : لا مش صدفه اصل الجن اللى عليا مواليد فبراير فا عشان كده بيحتفل بعيد ميلادو وبيموتهم
نجوى : مين قالك الكلام ده ؟
شوقيه : سيتى الله يرحمها
نجوى : ههههههههه كلهم فى شهر واحد دا فبراير الاسود ده ولا ايه
شوقيه : بتتمجلسى عليا يا بنت عمى الله يسمحك
نجوى : لا والله مااقصد بس صدفه
خلينا فى المهم انا جايه اشتغل هنا ركذى معايا بقى وشوفى هقولك ايه
شوقيه : ماشى قولى
ام حمزه : مالك يا تقى زعلانه ليه ؟
تقى : نجوى مش اون لين وكمان الموبيل بتعاها تقريبا مفقول ممكن تاخدى تسمعى كده بيقول ايه لما تتصلى
ام حمزه : اه دا مغلق او خارج نطاق الخدمه
تقى : انا هتصل بمنير وحضرتك كلميه وشوفيها فين
ام حمزه : انتى قلقانه عليها ليه ؟
تقى : هى متعوده تبقى اون لين على طول ودلوقتى الساعه 5 ومن الصبح متكلمتش
ام حمزه : طيب اتصلى بمنير نشوفها
تقى : دا رقمو كلميه
ام حمزه : الو ايوه يا منير ازيك
صابرين : انتى مين انتى كمان ؟
ام حمزه : هو مش ده تليفون منير ؟
صابرين : اه بس هو نايم انتى مين ؟
ام حمزه : انا كنزى طب خلاص السلام عليكم ( وقفلت )
تقى : ايه ؟ ماردش ؟
ام حمزه : اظاهر مراتو التانيه اللى ردت عليا بس ايه يا تقى كانت هتعضنى فى التليفون والله خفت منها
تقى : منه لله منير ده انوعمل كده واتجوز
ام حمزه : اهو وقع فى شر اعمالو شكلو اتجوز واحده قويه خليها تديلو على دماغو
سيبك بقى حموزه زمانو جاى ادخلى غيرى كده وظبطى شعرك وحطى مكياج عشان لما يجى تكونى حلوه
تقى : طب اساعدك فى الاكل
ام حمزه : لا انا خلاصت ادخلى انتى
تقى : اوك حاضر ( داخلت تقى تغير زى ما ام حمزه قالت لها )
ام حمزه : الحمد لله داخلتها لما يجى حموزه انا استقبلو واحضنو لوحدى
صابرين : اصحى قوم
منير: ايه فى ايه ايه ؟مالك ؟
صابرين : مين كنزى ؟
منير: كنزى مش عارف كنزى مين ؟
صابرين : انته هتستعبط ردقول مين كنزى اللى بتتصل بيك
منير : فهمينى انا كنت نايم ومش مركذ فى ايه ؟
صابرين : واحده اتصلت دلوقتى وبتقولى فين منير ولما قولتلها انتى مين قلتلى انها اسمها كنزى مين كنزى دى
منير : ( قام وفكر شويه كده ) كنزى فين الرقم طيب ؟
صابرين : ( رامت الموبيل فى وشو ) اهو شوف بص انا مستحمله نجوى عشان انا اللى اخدتك منها لاكن واحده تاخدك منى والله هرفدك من الشركه وهخلعك وهرميك انته والزفته بتعتك فى الشارع
منير : عيب اوى اللى انتى بتقوليه ده
وبعدين دا رقم تقى ومكتوب اهو اسم تقى
صابرين : هو كمان فى تقى انته تعرفق كام واحده قولى
منير: دى تقى اخت نجوى تلاقى نجوى مكلمتش تقى فا بتتصل تطمن
صابرين : لا اللى كلمتنى اسمها كنزى انا متأكده
منير : ما كنزى دى ام حمزه حمات تقى
صابرين : عبيطه انا فى واحده كبيره ومخلفه تبقى اسمها كنزى ؟
منير: والله هو دا الكلام اللى عندى مش عجبك انا ممكن اسبلك البيت والشركه واخبطى راسك فى اكبر حيطه
ولو على الشركه انا خلاص مش محتاج الشغل فيها انا اروح اشتغل مع حمزه فى شركتو وخليكى لوحدك بقى
صابرين : انته بتعمل ايه ورايح فين
منير: بالم حاجاتى اللى هنا وهنزل الم حاجاتى وحاجات نجوى وهروح بيت ابوها اعيش فيه بكرمتى بدل الذل ده خليكى بقى فى شقتك وفى شركتك ( وسابها ونزل )
( اقل من 5 دقايق ونزلت وراه )
صابرين : منير انا اسفه انا بغير عليك خفت تكون بتعرف ستات غيرى
منير : خلاص يا صابرين هى كدا انتهت كل واحد يروح لحالو احسن والحمد لله انتى دلوقتى هتبقى مطلقه يعنى حره اعملى كل اللى انتى عوزاه
صابرين : طب انا اسفه مش هعمل كده تانى اخر مره منير انا بحبك وبغير عليك
منير : كل حاجه ليها حدود وانا خلاص جبت اخرى
صابرين : كل ست بتغير حس بيها
منير : ست وهو انتى ست ولا بتحسى اصلا مش كفايا انى قبلت اتجوز واحده قد امى وساكت وعوزانى احس بيكى هو انتى بتحسى اصلا يا شيخه دا الكرسى ده بيحس اكتر منك دانتى ابرد من الثلج
صابرين : ( دموعها نزلت وسابتو وخرجت فى الصاله وجرس الباب رن قامت صابرين تفتح )
ايه دا انتو الثلاثه جايين خير
( اخوات صابرين ريهام وصبرى وشريف )
منير : ( سمع ان اخواتهم جم وفضل يسمع من ورا الباب بيققولو ايه )
صبرى: جايين نشوفك انتى ماجتيش ليه العيد ده تشوفينا
صابرين : ما انتو كمان محدش حتى اتصل بيه يقولى كل سنه انتى طيبه
ريهام : مانتى عارفه العيال ومشاغلهم وبعدين انا حماتى لازم نروح نقضى العيد عندها
صابرين : فى اختراع اسمو الموبيل سمعتى عنو ؟
ريهام : مكنش معايا رصيد
صابرين : طب والارضى ؟ ايه مدفعتوش الفتوره
صبرى : طب متكلمتيش انتى ليه ؟
صابرين : اتكلم ازاى ولا اجلكم ازاى بعد اللى شريف عملو فيه جه وزعقلى وعاوز حقو فى شقتى اللى فوق
شريف : لا يا صابرين دى مش شاقتك دى بتاعتنا
صابرين : اتكلم انته يا صبرى طيب
ريهام : بصى الشقه تقريبا تجيب 300 الف جنيه انتى ناصيبك 50 الف يعنى احنا عاوزين 250 الف لو المبلغ معاكى ادفاعلنا ولو مش معاكى تعالى نبيع الشقه وكل واحد ياخد حقو
صبرى : ولو على العفش خوديه احنا مش عوزينو
صابرين : 250 و300 انا مش فهمه؟
شريف : ايه اللى مش فهمه الشرع بيقول الراجل ياخد قد 2 ستات والشقه تقريبا ب 300 الف
انا 100 وصبرى 100 وانتى 50 وريهام 50 فهمتى ؟
صابرين : امممم طب بس دى شقتى انا بابا اشترى شقه لكل واحد فيكم
ريهام : بس انا ماجبليش
صابرين : الله مش بابا جهزك وجابلك فرش واجهزه دا مكان دا
ريهام : لا بس جهازى مش ب تمن الشقه
صابرين : انا مش معايا المبلغ ده
صبرى : خلاص نبيعها وكل واحد ياخد حقو وانتى اهو اتجوزتى ومش محتاجه الشقه كفايا شقتك دى
صابرين : لا ما انا قاعده فوق مش هنا
صبرى : ازاى يعنى مانتى هنا اهو ولا انتى قاعده فى الاتنين ؟
صابرين : انتو عاوزين فلوس تعملو بيها ايه ؟
شريف : الله احنا حرين نعمل اللى احنا عوزينو وبعدين هو جوزك فين مش المفروض هو هنا ؟
صابرين : ايه اه هو هنا بس نايم
صبرى : طب قومى صحيه ونشوفو صحيح هو اصغر منك بكتير ؟
صابرين : بلاش الكلام ده وبعدين هو انا لقيت حد من سنى وقولت لا
ريهام : طب خليه يجى نشوفو ونتعرف عليه انتى برضو اختنا الكبيره لازم نشوفو ونطمن عليكى معاها
صابرين : طيب بس شويه
صبرى : ليه هو فى حاجه ؟
شريف : شكلكو متخنقين ؟
صابرين : لا طبعا وهنتخانق ليه انا هقوم اصحيه
( قامت صابرين تفتح الباب وداخلت لقتو لابس قميص وبنطلون والشنطه على السرير ومفقوله )
صابرين : انا اخواتى باره ممكن متحرجنيش قدمهم ؟
منير : ماشى حاضر بس بعد ما يمشو انا كمان همشى
صابرين : انا اعتزرتلك
منير : انتى ماشترتنيش ولا اتجوزتينى غصب انتى اهنتيتنى
صابرين : وانته كمان قولت الكرسى بيحس اكتر منى وانتى مش ست
منير : تعالى نشوف اخواتك الاول وبعد كده نبقى نقرر هنعمل ايه ؟
صابرين : خلى بالك انا مش قيلالهم انك متجوز
منير: طيب
صبري : اهلى اهلا بابو النسب
منير: اهلا ازيى حضرتك
صبرى : الحمد لله
صابرين : دا اخويا صبرى
ودى ريهام
وده شريف اخويا الصغير
منير : اه مانا اتشرفت بيه قبل كده
شريف : اه فاكر انا
منير: انتى مقدمتيش حاجه ولا ايه كده هيقولو عليكى بخيله
صبرى : لا احنا كنا مشيين اصلا
منير: لا والله مش قبل ما تاخدو واجبكم قومى اعملى حاجه
صبرين : تشربو ايه ؟
ريهام : اى حاجه
صبرى : اعملى قهوه
شريف : وانا كمان
منير: خلاص يبقى 5 قهوه عشان عاوز اصحصح شويه
ريهام : هاجى معاكى نعمل القهوه
صابرين : طب تعالى
( داخلت صابرين وريهام المطبخ )
صبرى : مش عارف اقولك ايه بس اشمعنى صابرين ؟
منير : مش فاهم
شريف : يعنى ايه مش فاهم صبرى يقصد ان صابرين كبيره عليك اوى انته تقريبا فى سنى ليه تتجوز واحده اكبر منك ب 12 سنه
منير : عشان حبينا بعض
صبرى : ولا طمعان فيها
منير : طمعان فى ايه بقى
صبري : شقتين وعربيه وفلوس ومديره فى شركه كبيره
منير : والله لو انتو بتفكرو كده انا بقى مش بفكر كده انا اتجوزت صابرين عشان هى انسانه محترمه ومؤدبه ومتدينه
وبعدين متقولش ليه ان احنا ناصيب بعض هى متجوزتش السنين دى كلها عشان انا اتجوزها
شريف : لا يا راجل
منير: يمكن
ريهام : ايه العيل اللى انتى متجوزاه ده ؟
صابرين : وانتى مالك اصلا انا حره
ريهام : حره افرضى جوزى عرف يقول ايه عليا انتى مش عارفه ان كد انتى بتحرجينا كلنا
صابرين : ولما كنت ليل نهار لوحدى محدش حاسس بيه ولا بيعبرنى كده مكنتوش محراجين ؟
ريهام : دا صغير اوى دا قد شريف
صابرين : لا هو 27 سنه يعنى شريف اصغر منو منو ب3 سنين
ريهام : حتى لو اتجوازك على ايه انا عاوزه افهم
دا طمعان فيكى
صابرين : لا هو بيحبنى وبعدين ملكمش داعوه طمعان او مش طمعان انا حره
ريهام : لا مش حره افرضى اخد اللى وراكى واللى قدامك هتعملى ايه انتى
صابرين : والله انا ليه اخوات رجاله يجبولى حقى ولا انتو مش اخواتى
ريهام : هو انتى تنيلى الدنيا وفى الاخر تقولى اخوات رجاله
صابرين : انتو جايين ليه اصلا عشان تقولولى كل سنه وانا طيبه ولا تحرقو دمى
ريهام : صابرين دا اصغر منك
صابرين : بصو انتو عاوزين منى كام ؟
ريهام : احنا خايفين عليكى
( خارجت صابرين من المطبخ )
صابرين : منير لو سامحت ممكن تجبلى من فوق البراد الكبير عشان هنا مفيش واحد هيكفى القهوه ل 5
منير: حاضر المفتاح فين ؟
صابرين : اهو اتفضل
( منير طلع يجيب البراد )
صابرين : انتوعاوزين ايه الفلوس انا هديكم حقكم
امشو دلوقتى وانا هديكم الفلوس بس كفايا حرقت دم حرام عليكم انا تعبانه وفيها اللى مكفينى
صبرى : طب فيكى ايه ؟
صابرين : ملكش داعوه مش انتو عاوزين الفلوس هديكم الفلوس بس امشو بقى
شريف : انتى بتطردينا عشان العيل اللى انتى متجوزاه ده
صبرى : شريف خلاص
يلا نمشى
شريف: طب والشقه ؟
صابرين : هديكم حقكم فى الشقه حاضر بس امشو دلوقتى
ريهام : انا ماشيه
صبرى : طيب يلا بينا ( نزلو هما التلاته ونزل وراهم منير لقى صابرين قاعده تعيط )
منير : بطلى عياط مفيش حاجه تستاهل دموعك دى
صابرين : متسبنيش
منير : حاضر بس بلاش الغيره اللى ممكن تهد البيت دى
صابرين : حاضر خدنى فى حضنك شويه انا تعبانه اوى
منير : ( اخدها فى حضنو وطبطب عليها ) خلاص بقى بلاش نكد
تيجى نخرج ؟ تيجى نروح سينما
صابرين : بجد هتخرنى ؟
منير: اه لا قومى البسى وكمان نتعشا باره انا عزمك بس مش عاوز اشوف الدموع دى تانى فى عيونك
صابرين : انا والله بحبك
منير: طيب يلا قومى عشان نلحق حفلت 6 انتى بتنامى بدرى لو داخلنا حفلت 9 هتامى فى الفيلم
صابرين : طيب هطلع البس على طول
ابو فارس : الو ايوه يا نجوى عملتى ايه ؟
نجوى : الحمد لله يابابا تمام انا وشوقيه بنلف على كام ست اهو واتفقت معاهم وفى ستات اخدت منهم شويت حاجات الحامد لله
ابو فارس : طب الحمد لله وكان معاكى فلوس ؟
نجوى : اه طبعا الحمد لله كلو تمام
ابو فارس: وعمك عامل معاكى ايه زعلك ولا حاجه ؟
نجوى : لا داطلع كويس اوى دا حتى خلى شوقيه تروح معايا للستات فى بيوتهم وهى اللى هتابع الشغل وانا فى القاهره
وكمان سراج وربيع هيشتغلو معايا
ابو فارس : بجد طب كويس
نجوى : شكلك انته وماما عمالين تدعولى
ابو فارس : اه والله يا نجوى يا بنتى فى كل صلاه بصليها بدعيلك
نجوى : ربنا يخليك ليا يا بابا
بقولك كلم تقى وطمنها عليا عشان النت هنا ضعيف اوى ومش عارفه افتح خالص والشبكه وحشه برضو
ابو فارس : ماشى هكلمها فى البيت واخلى حماتها تقولها
نجوى : ماشى يا بابا انا ان شاء الله هاجى بكرا على 2 الظهر كده هكون فى البيت ان شاء الله
ابو فارس : ماشى لما توصلى كلمينى
نجوى : حاضر
ابو فارس : فى رعايت الله يا نجوى
ام فارس : ها اخوك عمل ايه فيها ؟
ابو فارس : لا الحمد لله اطمنى
ام حمزه : حمزه حبيبى حمدلله على السلامه
ابو حمزه : كلو حموزه ابو حموزه دا ايه مش شايفاه ؟
ام حمزه :الله ابنى حبيبى وبيوحشنى
حمزه : ربنا يخليكى ليه يا ست الكل كلهم هى تقى فين ؟
ام حمزه : فى الاوضه جوا
حمزه : طب جهزلنا الغدا بقى عقبال ما اغير ( وسابها ودخل اوضتو )
ام حمزه : شايف بيعمل ايه ؟
ابو حمزه : احسن عشان انا اللى مظلوم فى البيت ده
ام حمزه : والله انته مفترى
تقى : ( قاعده على الكنبه بتتفرج على فيلم اجنبى على الموبيل من اليوت ييوب )
حمزه : ( جه من وراها وخضها)بخخخ
تقى : هااااااااا ( سابت الموبيل وحضنتو ) وحشتنى
حمزه : زعلان منك ؟
تقى : ليه انا عملت ايه ؟
حمزه : مش احنا متفقين لما ارجع من الشغل تجرى عليا وتخدينى بالحضن فين بقى مشوفتش حاجه انا
تقى : ههههههه ما انا اعمل ايه كنت مستنياك باره مامتك قالتلى ادخلى غيرى واحط مكياج
حمزه : طب وايه يعنى تغيرى وتستنينى باره
تقى : افهم يا حمزه امك كانت بتسربنى عشان هى تاخدك بالحضن مكانى
انا بقى عملت فيها عبيطه وسمعت كلامها
حمزه : ههههه يا سوسه انتى وانتى مين قالك كده ؟
تقى : هو انا عبيطه انا فهمه كل حاجه هى بتغير عليك منى بس طبعا انا هعمل ايه يعنى لازم طول مااحنا قدمها نسمع كلامها
ولما نكون لوحدنا بقى نعمل اللى احنا عوزينو
حمزه : يا جميل يا عاقل انته بحبك اوى يا تقى فهمه كده وهديها بس ناقصك حاجه واحده
تقى : ايه هى ؟