بسم الله والصلاه والسلام على اشرف الانبياء والمرسلين سيدنا محمد صلى الله عليه وسلم
رواية#لاجل حبك
Part 20
بقلم رحمة جمال
موده بصدمه : رحمه
رحمه بغرور وهي تتدلف الي الداخل : اها رحمه مستغربه ليه
موده : اها الصراحه مستغربه
بعد كل اللي حصل ده اكيد هبقي مستغربه
رحمه : هو انتي فاكره انك لما ترجعي مصر هتعرفي تسافري تاني
موده : وايه اللي هيمنعني من السفر
رحمه : عشان خلاص مالكيش سفر تذكرتك اتلغت واسمك بقي قايمه الممنوعين من السفر
وجه الوقت اللي تردي فيه الجميل يا موده هانم
فهمت موده ع الفور أن رحمه تريدها بجانبها ولاتريد أن تبتعد عنها مره اخري ولكنها مازالت
غاضبه منها وقالت ذلك الكلام لكي تكون بجانبها وتعاقبها علي فعلتها بمسمي رد الجميل
موده بثبات: وايه المطلوب مني يا مدام رحمه
رحمه : بكره الساعه ٧ الصبح تكوني علي مكتبي كلامي واضح
موده والفرحه تملأ قلبها أن حلم حياتهم سيتحقق وتذكرت كم كانت موده ورحمه ومغفرة
يخططون ليكونوا هم الاعمده الثلاثه الامبراطوريه ولكن الآن أصبحت المهمه اصعب
لفتره مؤقته لكي تسامحها رحمه
موده : حاضر الساعه ٧ بالدقيقه هكون قدام حضرتك اي أوامر تانيه
رحمه وهي تعطي لموده ظهرها لكي تخرج : لحد دلوقتي لأ
ذهبت رحمه متوجه لقصرها بينما موده اتصلت بمغفره لكي تخبرها عما حدث
مغفره : كنت حاسه والله أن رحمه هتعمل كده بجد يا موده رحمه فعلا محتاجنا بس عايزه تعاقبنا الاول
موده : وانا مستعده اعمل حاجه بس ترجع تاني زي الاول انا بس كل اللي مزعلني محمود مالوش ذنب في اي حاجه وهو بيحب رحمه
مغفره :طب اقولك بقي رحمه مش هتبعد عن محمود لأنها بجد بتحبه يابنتي انتي مشوفتيش
لما بيغيب عنها كام ساعه بتبقي عامله ازاي هتسيبه يبعد عنها لا طبعا مستحيل ده يحصل صدقيني
موده : يارب يا مغفره بس استني انا لسه معرفتش رحمه ومحمود عرفو بعض ازاي
مغفره : عرفو بعض عن طريق منقذ رحمه
موده باستغراب : عم علي طب ازاي
مغفره : لا بصي ده موضوع طويل هخلص كام ملف معايا كده وابقي اعدي عليكي
موده : اشطا مستنياكي
مغفره : اشطا انتي متاكده انك دكتور ف الجامعه
موده : بيقولو
مغفره : اوكي هخلص واجيلك
موده : اوكي
وبينما كانت مغفره تنهي بعض الملفات جاءها اتصال من كريم
كريم : الو يا مغفره ازيك
مغفره : الحمد لله بخير ايه الاخبار عندك
كريم : مش هتصدقي ايه اللي حصل النهارده
مغفره بانتباه : ايه اللي حصل رحمه جت عندكو انتو كمان
كريم باستغراب :احنا كمان هي راحت لمين تاني
مغفره : لموده
كريم بصدمه : بتهزري
مغفره : هو ده فيه هزار
كريم : طب حصل ايه
مغفره : ابدا منعتها من السفر وطلبت لا مش طلبت دي امرت موده انها تروح الشركه
كريم : نفس اللي عملتو مع محمود
مغفره : طب كويس اهو الحال بدا يتصلح انا كنت رايحه لموده خليك انت جمب محمود
كريم بتذكر : اها محمود ده من وقت ما رحمه جت وهو قاعد يغني وياكل بس المهم أنه بقي بيضحك وفرحان
مغفره : الحمدلله ربنا يعديها ع خير
كريم : اوكي هقفل عشان تلحقي مشوارك خدي بالك من نفسك
مغفره بابتسامه : حاضر وانت كمان خد بالك من نفسك ، باي
كريم : باي
أغلقت مغفره الخط مع كريم وظلت تنظر لهاتفها قليلا
مغفره : لا مش وقت اللي بيحصلي ده
استعدت مغفره لكي تذهب الي موده
بينما رحمه مر عليها ساعتين وهي ف سيارتها أمام القصر لا تريد الدخول الي القصر
بدون زوجها ظلت تفكر وكيف ستدخل الجناح وهي
ليست معه كيف وكيف ولكن حسمت أمرها وأخرجت المفاتيح ودلفت للداخل كان القصر مظلم وهادئ جدا صعدت الي الاعلي
ووقفت قليلا أمام جناحها تتذكر زوجها وبعد بضع ثواني أدارت المقبض ودلفت
للداخل ظلت تنظر لجناحها بعد ما ت
م اعاده ترتيبه وجلست ع الفراش تتذكر اخر حديث دار بينهم ف ذلك المكان ومن ثم انتفضت من مكانها عندما رأت محمود
خارج من المرحاض وهو يلف حول خصره منشفه ويمسك منشفه اخري يجفف بها شعره
رحمه بفزع : محمود ، انت بتعمل ايه هنا.......