رواية مجنون بحبي الفصل الرابع والخامس بقلم امل اسماعيل

 بقلم /امل اسماعيل

الفصل الرابع والخامس

_ دي اوضتك اتفضلي ارتاحى زمانك تعبانه، ثم حمل حقيبته ودخل الي غرفة أخرى

دخلت حياة الي غرفتها، وقامت بالأستحمام وابدال ثيابها، ثم استلقت على فراشها تفكر فيما حدث، كيف ضاع حلمها واجبرت على الزواج من شخص لا تعرفه، ولكن هل تغير كل شئ الأن؟ هل هوا صادق في ما قاله؟ هل سيساعدها على تحقيق حلمها؟

ظلت تفكر وتفكر حتى غفت

في غرفه ادم

كان مستلقي على فراشه ينظر للأعلى بشرود، فلقد خسر الأن كل شئ، خسر حبيبته وخسر قلبه، وتحطم حلمه في بناء اسره سعيد، واصبح كل ما يفكر به الأن هوا شئ واحد، هل يستطيع نسيانها او العيش بدونها؟

لا لن يستطيع فعل ذلك، ولكن ليس لديه خيار اخر فهوا يستطيع تحمل كل شئ الا شئ واحد؛ ان يكون سبباً في حزن حبيبته

في اليوم التالي

استيقظ ادم واعد طعام الفطور، ثم ذهب ودق على باب غرفه حياة 

كانت حياة نائمه في غرفتها، واستيقظت عندما سمعت دق الباب، نسيت ما حدث في الأمس وظنت انها في منزل والدها، وأن والدتها هي من تيقظها 

حياة بنعاس : نعم 

ادم : الفطار جاهز تعالي افطري انتي مكلتيش حاجه انبارح 

نهضت بفزع من على فراشها، ونظرت حولها وبدائت تتذكر ما حدث امس 

حياة بحزن : نسيت اني اتجوزت انبارح، واني معتش فى بيت اهلى 

ادم بقلق : حياة انتي كويسه 

حياة بحزن وتوتر : ايوه كويسه جايه اهو 

نهضت حياة وغسلت وجهها، ثم خرجت 

كان ادم يجلس على طاوله الطعام عندما وجد حياة تخرج من غرفتها، تعلقت عيناه بها ودق قلبه بقوه معلن عن ازدياد عشقه لها، فلقد كانت جميله للغايه بتلك البجامه الزهريه، وشعرها الأسود الطويل كان رائعاً و زادها جمالاً 

تعجبت حياة من نظرات ادم وقالت لنفسها 

_ هوا بيبصلي كده ليه هوا انا فيا حاجه غلط

ثم نظرت لجسدها، صدمت كثيراً واحمر وجهها من شده الخجل، وقالت بتوتر : انا ازاي خرجت كده 

ثم ركضت الي غرفتها بسرعه، بعد أن دخلت اغلقت الباب خلفها، ووضعت يدها على قلبها الذي يدق بسرعه وقالت 

_ اهدي خلاص محصلش حاجه

ثم اكملت بخجل شديد وهى تضع يدها على وجهها : انا ازاي خرجت كده، زمانه بيقول ايه عليا دلوقتى، انا لازم اخرج وافهمه كل حاجه علشان ميفهمش غلط، هغير هدومي واروح افهمه

في خارج الغرفه 

كان ادم يجلس بشرود وعلى وجهه ابتسامه كبيره، ويفكر في حياة  كانت جميله للغاية، تلك العينان وتلك البشره البيضاء، وذلك الشعر الأسود الطويل، اوقعوه في حبها اكثر، كيف ينساها الأن ويخرجها من قلبه، يبدوا انه لن يستطيع فعل ذلك 

ايقظه من شروده، صوت حياة الخجل والمتوتر وهي تقول 

_ انا متعوده لما اصحى من النوم اغسل وشي وأخرج من اوضتي بالبجامه وبشعري، علشان كده انا مخدتش بالي وخرجت كده 

كان ادم ينظر إليها بهيام، كانت جميله بتلك العبائه البيضاء وذلك الحجاب الأبيض زادها جمالاً، وتلك الخدود الحمراء من شده الخجل، كم تمنى لو انه ينهض ويقبلهما 

حياة بخجل اكبر : انتا مبتردش ليه، انا بقولك علشان متفهمنيش غلط 

ضحك ادم على خجلها وطريقة كلامها وقال 

_ متخافيش مش هفهمك غلط 

كانت حياة تنظر اليه بدهشه، كيف لم ترا ذلك من قبل انه وسيم حقاً، وتلك الغمازتان ما اجملهما، وتلك العينان العسليتان لهما بريق رائع

ايقظها من شرودها صوت ادم وهوا يقول 

_ مش هتاكلي 

حياة بتوتر وخجل : هاكل، ثم جلست وبدائت في تناول الطعام 

بعد القليل من الوقت انتهوا من تناول الطعام 

ادم : تحبي تشربي ايه 

حياة بخجل : شكراً مش عايزه 

ادم بأبتسامه : يبقى هعملك شاى معايا 

اعد ادم الشاي وجلسوا يتناولوه 

حياة بتوتر وقلق : انتا قولتلي انبارح انك هتخليني اكمل تعليمي 

ادم بأبتسامه : ايوه قولتلك وانا عند كلامي وهخليكي تكملي تعليم 

حياة بسعادة : بجد شكراً ليك، اختفت تلك الأبتسامه بسرعه 

ادم بقلق : مالك زعلانه ليه 

حياة بحزن : انا كل أوراقي وحجاتي في البيت عند بابا 

ادم : متخافيش انا هكلم بابا واقوله يروح يجبهم

حياة بصدمه : هما هياجوا 

ادم بعجب : ايوه هياجوا، مالك مستغربه ليه

حياة بخوف وتوتر : وانتا هتقول لهم على ال حصل بينا

تنهد ادم بتعب وقال بحزن : متخافيش محدش هيعرف حاجه، احنا هانتصرف قدامهم زي اي زوجين ومش هنحسسهم بحاجه

حياة بسعادة وامتنان : شكراً ليك بجد

في مكان اخر

كان يركض خلف تلك الجنيه البيضاء، التي تركض أمامه وشعرها الأسود الطويل يتطاير من حولها؛ وثوبها الأبيض جعلها مثل ملاك، تلتفت وتنظر له بلؤلؤتيها السوداء وتسحره اكثر، وصوت ضحكتها يملئ المكان

كان يركض خلفها ولكن لم يستطع ان يلحق بها، يمد يده ويحاول امساكها ويقول : استنى متمشيش، انتي مين طيب

لم تجبه بل استمرت بالضحك، تلك الضحكه التي تجعل قلبه يدق بقوه، وتقيده بسلاسل عشقها وتجعله أسير لها، وتنادي عليه بصوتها العذب وتقول 

_ إياد، ثم تبتسم برقه وتنادي عليه مره اخرى 

تحول صوتها العذب إلى صوت ذكوري وقال 

_ إياد بيه، اصحى من النوم، هتتأخر على الشغل

استيقظ من نومه، وقال بسعاده وهيام وعلى وجهه ابتسامة 

_ ليه كده يا شوقى، ياريتك ما صحتني

فهم شوقى من ابتسامة وطريقة حديثه، انه كان يحلم بها 

شوقي بأبتسامة : حلمت بيها تاني، مش كده 

اياد بسعادة وهيام : بقالي خمس سنين بحلم بيها، من اول مره حلمت بيها وانا حبيتها، وفي كل مره بحلم بيها بحبها اكتر 

شوقى بتحذير : بس خلي بالك دي مجرد حلم، يعنى احتمال كبير متبقاش حقيقة

تلك الفكره ألمت قلبه كثيراً، هل يعقل ان لا تكون حقيقيه؟ ذلك مستحيل، بعد هذا العشق يجب أن تكون حقيقيه، سوف يبحث عنها في كل مكان، وبعد أن يجدها سيجعلها ملكاً له، ولن يسمح لأحد بأن يفرقهم 

إياد بثقه : حقيقية ان شاء الله حقيقية وهلاقيها 

شوقي : يارب تكون حقيقية، قوم جهز نفسك وانزل علشان تفطر وتروح الشغل 

اياد بتعب : حاضر هوا انا ورايا غير الشغل 

شوقي : متاخد اجازه ولو يوم واحد 

إياد : مينفعش الشركات بتاعتي بتكبر، ومحتاجه مجهود اكبر 

شوقي : ربنا يعينك ياباشا، اسيبك انتا علشان متتأخرش 

نهض إياد وفعل روتينه اليومي، ثم نزل وتناول الطعام وذهب الي إحدى شركاته، وهي الشركه المسؤله عن باقي الشركات 

بمجرد دخوله وقف الجميع لتحيته بخوف، فالجميع يخافه ويهابه، فهوا إياد الأسيوطي من أكبر رجال الأعمال في العالم، يمتلك الكثير من الشركات وهوا صارم كثيراً في العمل، وبالرغم من صغر سنه الا انه يعد من اذكي رجال الأعمال، فلقد تولي اداره شركات عائلته وهوا في عمر العشرون عاماً، بعد وفاة والده فهوا الوريث الوحيد، وبالرغم من صغر سنه الا انه نجح في إدارتهم وجعلهم من أكبر شركات العالم

دلف الي مكتبه ولحقت به سكرتيرته الخاصه، واحضرت له بعض الملفات 

سالي بغنج ودلال : اتفضل يا اياد بيه 

نظر لها بغضب واخذ الملفات وتجاهلها

شعرت سالي بالغضب من تجاهله لها، فهى مغرمه به للغاية وتتمنى الحصول عليه، لما لا فهوا اياد الأسيوطي اغني اغنياء العالم واوسمهم أيضاً، فهوا شاب فى الخامس والعشرون من العمر، طويل بجسد رياضي وشعر بني، ويمتلك عينان بنيتان تجعل كل من يراهما يقع اسير لعشقهما 

حاولت سالي اخفاء غضبها وقالت بدلال ونبره انثاوية

_ عايز منى حاجه تانية يا اياد بيه 

إياد ببرود : لأ مش عايز تقدرى تمشى 

خرجت سالي وهي تستشيط من الغضب وتتوعد بأن يصير ملكاً لها 

انتهى اليوم وانتهى إياد من عمله وعاد الي قصره الفخم، وبمجرد دخوله اتجه الي غرفه الرسم الخاصه به، تلك الغرفه التي أعدها خصيصاً ليرسم بها لوحات معشوقته ونبض قلبه، انهمك إياد في الرسم ولم يشعر بمرور الوقت، وشرد في ملامح معشوقته التي يرسمها

قاطع شروده قدوم شوقى وهوا يقول له 

_ مش كفايه كده يا باشا الوقت اتأخر وانتا لازم ترتاح شويه 

إياد بدهشه : ازاي مخدتش بالي ان الوقت اتأخر

ثم نظر الي الرسمه وقال بهيام : كله منك انتى ال خلتيني انسى الوقت والدنيا، امتى نتقابل وتبقى ملكى 

في مكان اخر 

ادم بتوتر : جاهزه يا حياة اهلي هياجوا النهارده، مش لازم يبان علينا حاجه، عايزين نبان طبعيين 

حياة بخوف : انا خايفه 

ادم بقلق : خايفه من ايه 

حياة بخوف : خايفه يعرفوا الحقيقه، ويقولوا لأهلى وتبقى نصيبه 

امسك ادم يدها وقال بأبتسامة : مش عايزك تخافى طول منا جنبك، مستحيل اخلى حد يأزيك 

حياة بتوتر : توعدني انك مش هتخلي حد يأزينى 

ادم بأبتسامه : اوعدك 

قاطع حديثم  رنين جرس الباب 

حياة بتوتر وخوف : دول اكيد هما 

حاول ادم تهدائتها وقال : اهدى متخافيش هما ميعرفوش حاجه، انا هروح افتح الباب 

ذهب وفتح الباب، وجد والده ووالدته وشقيقته، استقبلهم بأبتسامه كبيره 

سلوي : وحشتنى اوي يا دوما، اومال فين مرات ابني 

ضحك ادم وقال بمشاكسه : طب سلمى على ابنك الأول 

سلوي بخجل : ملعش يادوما اصل نفسي اشوفها بعد ما بقت مراتك 

ادم بأبتسامة : هي جوا خشي ليها 

لمار بأبتسامة وهي تشم الروائح الطيبه : الله ايه الريحه الحلوه دي، الأكل ال ريحته حلوه ده من عندكم 

ادم بمشاكسه : شوفوا البت همها على بطنها، على العموم حياة ال عملت الأكل ال ريحته حلوة ده 

لمار بأبتسامة : حببتي يا مرات اخويا، هي فين اما ابوسها، ثم دخلت وتركتهم 

حسين بأبتسامه : شوف البت عمرها ما هتتغير 

ادم بأبتسامة : سيبها على راحتها يا حج، المهم انتا وحشتني 

قام حسين بضمه وقال بأبتسامة : وانتي اكتر يا عريس، الف مبروك 

ادم بأبتسامة : الله يبارك فيك، تعالي ادخل  خلينا ناكل قبل ما الأكل يبرد 

حسين بسعاده ومشاكسه : قصدك قبل ما لمار تخلصه 

في داخل المطبخ 

كانت حياة تجهز الطعام عندما  دخلت سلوي ولمار 

سلوي بسعاده : وحشتيني اوي يا مرات ابني 

حياة بأبتسامه : وانتي اكتر يا عمتي، ثم قامت بضمها 

قامت سلوي بتصنع الحزن وقالت : عمتي ايه، انا كده ازعل قوليلي يا ماما 

حياة بأبتسامه : حاضر يا ماما 

سلوي بسعاده : حضرك الخير يا حبيبتي 

قاطعتهم لمار وقالت بتزمر : هوا احنا مش هناكل ولا ايه انا جعت 

سلوي : شوفي البت همها على بطنها، طب سلمي على مرات اخوك الأول

قامت لمار بضم حياة وتقبيلها، ثم حملت احد الأطباق وقالت : احط ده على السفرة

حياة : متتعبيش نفسك انا هحطه

سلوي : تعب ايه خليها تعمل حاجه، بدل ما هي قاعده كده من غير شغله ولا مشغله

لمار بمشاكسه : بقى كده يا مصر، تسيحيلي قدام مرات اخويا، ماشي

وضعوا الطعام وتناوله، واعدوا الشاي وجلسوا يتحدثون

حسين بسعاده : تسلم ايدك يا بنتي الأكل عشرة على عشرة 

سلوي بأبتسامه : طبعاً لازم يطلع حلو مش حياة ال عملاه

حياة بخجل : فرحانه انه عجبكم

لمار : انا كده هقعد علشان اتغدى هنا كل يوم

حياة بأبتسامه : تنورينا

قاطعهم ادم بسرعه وقال : تقعدي فين دا احنا لسه عرسان، ثم نظر الي والده وقال : متقول حاجه يا بابا

ضحك حسين علي أولاده وقال : مليش دعوه انت حر معاها

ادم بضحك : هي بقت كده ماشي، يلا اطلعي بره يا بت

تصنعت لمار الحزن ووضعت يدها على جبهتا واليد الأخرى على صدرها ورفعت رائسها للأعلى وقالت : اخي يطردني من شقته يا ويلتي

ضحك الجميع عليها

نظر ادم لوالده وقال : جبت ال طالبته منك يا بابا

اعطي حسين ادم ظرف فيه بعض الأوراق وقال

_ اتفضل يابني

لمار : هوا ايه الظرف ده يابابا

حسين : ده فيه أوراق دراسه حياة، أصلها هتكمل علامها

نظرت لمار الي والدتها نظره ذات معنى، فهمتها والدتها جيداً

سلوي بغيظ : يعني ايه تكمل علامها، ومن امتى والواحده بعد ما بتتجوز بتروح مدارس

صدمت حياة كثيراً من كلامها، وتملك الخوف منها، هل يعقل انها خسرت حلمها من جديد؟ الن تحقق حلمها الذي سعت اليه!

حياة بحزن : وايه المشكله يا ماما 

لمار بغضب : شكلك نسيتي عوايدنا 

امتلئت عين حياة بالدموع، وكادت ان تبكي من شده حزنها 

انفجرت لمار بالضحك وقالت : الحقي يا ماما دي هتعيط 

سلوي بحزن : اسكتي يا قرده كله منك

ثم نظرت الي حياة وقالت بحنان :انا كنت بهزر معاك بس عيزاك توعديني،  انك متعيطيش ابداً يا حياة أو تسمحي لحد يكسرك، خليكي قويه وحاربي علشان حلمك، وطول ما انتي مبتعمليش حاجه غلط، اوعي تتراجعي او تتنازلي، حياتك ملك ليكي انتي ال هتتحاسبي عليها، يبقى انتي ال لازم تعشيها بطريقتك وزي ما انتي عايزه، والأهم من ده كله عيزاك تعرفي، ان من حقك تحلمي ومن حقك كمان تحققي حلمك

رواية مجنون بحبي بقلم /امل اسماعيل

الفصل الخامس

نظرت حياة بسعادة إلى سلوى وقامت بضمها، كم تمنت لو أن عائلتها تفكر مثلها، انها حقاً انسانه رائعه

حياة بنبرة باكية وهي ما تزال تضمها : شكراً ليكي انتى انسانه رائعة بجد

بادلتها الضم وقالت : وانتي اجمل وارق بنت شوفتها، وانا فرحانة انك بقيتى مرات ابنى 

لمار بمشاكسه : انتوا هتقلبوها دراما ولا ايه

حسين : مش عارف قلبوها دراما ليه. 

 نظر إلى سلوى وقال : قومي خلينا نروح، بدل ما ننكد عليم دول لسه عرسان

ادم : ايه اللي انتا بتقوله ده يا بابا، انتا مش متخيل احنا فرحنين بزيارتكم دي قد ايه، خليكم وسافروا بكره

سلوى : مينفعش احنا سيبين البيت لوحده وحاجاتنا

حسين : امك عندها حق، احنا عملين حسابنا اننا ناجي نشوفكم ونروح

لمار : خلاص المره الجايه ان شاء الله نعمل حسابنا، ونقعد هنا يومين 

حسين : ماشى موافق، نمشى بقى علشان منتأخرش 

حياة بحزن : طب اقعدوا شويه

سلوى : المشوار طويل يابنتى، وعايزين نروح بدري، بس وعد منا هنيجى قريب نقعد معاكم يومين

ادم : خلاص ماشي، بس هوصلكم للمحطة

حسين : وتسيب عروستك لوحدها، مينفعش يابني احنا مش هنتوه يعنى 

ادم بأصرار : خلاص هنزلكم لحد البوابة بتاعت العمارة

حسين بأبتسامه : اذا كان كده معليش، تعالى وصلنا

قامت سلوى بضم حياة ، ودعت لمار وحسين حياة ثم غادروا

قام ادم بتوصيل عائلتة، أمام مخرج العماره

حسين بأبتسامه : اطلع انتا لمراتك واحنا هنمشى

ادم : لما توصلوا البيت كلمونى

حسين : حاضر، ذهب حسين وعائلتة

بعد مغادرتهم صعد ادم إلى شقتة، كان يفكر فى أثناء صعوده فى كلام والده، عندما طلب منه الصعود لحياة وقال (اطلع انتا لمراتك) ، زوجتك كم أسعدته تلك الكلمة، وجعلت قلبه يدق بالرغم من انه يعلم جيداً انها لا تكن له اى مشاعر، لكن ذلك لم يمنع قلبه عن الدق لها والهيام فى حبها

**************************************

َفى شقه ادم

كانت حياة تجلس وهي ممسكه بأوراق شهادتها، تبتسم والسعادة ظاهرة على وجهها، لم لا فهى ستحقق حلمها أخيراً، لن يقف احد في طريقها

دخل ادم وجد حياة تمسك بالأوراق وتبتسم، ظل شارداً بعض الوقت ينظر إليها، تمنى أن يتوقف الزمن لتبقى تلك الأبتسامه على وجهها، تلك الأبتسامة التى تجعل قلبه يقفز من فرط السعادة

أنتبهت على وجوده، قالت بسعادة وابتسامة كبيرة

_ انا فرحانة أوى وأخيراً هحقق حلمى، شكراً ليك

أفاق من شروده، قال بأبتسامة دافئه

_ مفيش داعى للشكر، ده حقك انك تحققى حلمك وتكملى تعليمك. 

 أكمل بحزن : ومن حقك كمان انك تختارى شريك حياتك

شعرت حياة بحزنه، وبألم قلبه المسكين الذى عشقها، ولا تعلم لماذا ألمها قلبها لأجله

حياة بأبتسامة : اهم حاجة عندى الوقتى، انى اكمل تعليمى وابقى دكتورة، اما شريك حياتى، انا مبفكرش فيه دلوقتى، وبعدين انا لسه محبتش حد، ومعرفش قلبي ممكن يختار مين

أرادت  بكلامها هذا ان تخفف من حزنه وألامه، أن تخبره انه لم يخسر حبه بعد، ومن الممكن أن تغرم به

كانت لكالماتها وقع كبير عليه، كان جسد بلا روح، عندما سمع كلامها شعر انه مازال لديه فرصه للفوز بها، عادت الروح مجدداً إلى ذلك الجسد

حياة بسعادة : انتا هتقدملى فى الكلية امتى، علشان مش فاضل غير اسبوع والدراسة تبداء

أدم بأبتسامة : بكره ان شاء الله هروح اقدملك

شعرت بسعادة كبيرة وبحماس، قفزت وضمته وهى تبتسم وتقول : شكراً شكراً

شعر انه أمتلك سعادة العالم، تمنى لو يبادلها الضم، ويبقيها فى احضانه إلى الأبد

تداركت فعلتها، ابتعدت عنه بسرعه وهي تشعر بالخجل الشديد، وتلعب بأصابعها بخجل وتقول بتلعثم

_ اسفة جداً أنا مكنتش اقصد، انا اتحمست زيادة 

نظر إليها بهيام وسعادة كأنه، يقول لها لما الأعتذار لقد اسديتى لى معروفاً، اه لو تعلمين كم كنت بحاجه إلى ذلك الحضن، كم أتمنى أن أمضى باقى حياتى سجين أحضانك

فهمت ماقلتة عيناه، اخفضت عيناها بخجل وقالت

_ عن اذنك هروح اوضتى، ثم ذهبت من أمامه مسرعه، كانت تركض بسرعه كأنها تحاول الهرب من وحش يطاردها

دخلت إلى غرفتها أغلقت الباب، وقفت خلفه تحاول ألتقاط أنفاسها وصدرها يعلوا ويهبط بسرعه، وقلبها يدق بعنف، كما لو كانت فى سباق ركضت فيه لأميال 

هدائت قليلاً، جلست على فراشها، حدثت نفسها بصوت منخفض 

_ خايفة ليه، هربتى من قدامه ليه، خوفتى توقعى، وايه يعنى لو وقعتى، لأ لأ انتى مخوفتيش تقعى انتي خوفتى تحلمى، خوفتى يضيع منك بعد ما يبقى حلمك، بس هوا كمان بيحبك، هوا قالك كده، وشوفتى الحب ده فى عنيه، حب كبير اوى مستحيل تلاقى حد يحبك ربع الحب ده

لا تعلم حياة لماذا تشعر بهذا الخوف، هى تشعر انها ستفقده ان أصبح حلمها، قلبها يدق بقوه ويخبرها انهما سيفترقان، لهذا تحاول الهرب منه، تريد أن تمنع قلبها من الدق لأجله، لكن هل ستنجح فى ذلك؟ هل يوجد داعى لتلك المخاوف؟ 

*********************************

فى مكان أخر

يجلس على مقعده، ممسك بفرشات الرسم خاصته بيد وبيده الأخرى كوب قهوة، شارد فى تلك الأبتسامة التى يرسمها، قلبه يدق بسعادة، يسأله متى سوف يلتقى بها؟ هل هى حقيقية ام هى من وحى خياله؟ وأن كانت حقيقية ألا ينبغى ان يبحث عنها، أن يجعلها ملكاً له قبل أن يأتى غيره ويأخذها منه

تلك الفكره كانت كافية لأشعال نار الغضب والغيرة في قلبه، تحول وجهه للون الأحمر من شدة غضبه، برزت عروقه، أغلق قبضته بقوه على فرشات الرسم وهوا يجس على أسنانه فحطمها، قال بغضب وحقد 

_ مستحيل اسمح لحد ياخدها منى. 

  مرر اصابعه على الوحة التي رسمها وقال بنبرة تملك مرعبه 

_ انتى حقيقية وهتبقى ملكى، مش معقول افضل احلم بيكى كل السنين دي، وتطلعى في الأخر وهم او تبقى ملك لحد تانى غيرى 

نظر إلى باب الغرفه وقال بصوت عالى يملئه الغضب 

_ شوقى ياشوقى

بعد ثوانى، فُتح باب الغرفة ودخل شوقى، والخوف والقلق ظاهرين على وجهه وقال : خير يا باشا حصل ايه 

نظر إلى الوحة وقال : عايزك تدور عليا، تجبهالى من تحت الأرض 

شعر شوقى بالخوف، يبدوا انه فقد عقله بسبب تلك الفتاة التى يراها فى أحلامه، كيف يبحث عن شخص وهمى موجود فى أحلامة فقط

شوقى بتوتر وقلق : بس يا أياد بيه دى مش حقيقية دي موجودة في أحلامك بس، يبقى ازاى عايزنى ادور عليها!! 

رمقه إياد بغضب وغيظ، قال بنبره تشبه فحيح الأفاعى

_ لو سمعتك بتقول الكلام ده تانى، اعرف انه هيبقى اخر كلام تقوله، انا قولتلك تدور عليها يبقى تدور عليها 

ثم اكمل بصراخ وحقد  : فاهم 

شوقى بخوف : فاهم

ثم غادر وترك الغرفة، يفكر فى كلام سيده، ما الذى يجب عليه فعله لمساعدته، كم يتمنى ان تكون حقيقية ليدخل الفرحه على قلبه، هذا اقل ما يمكنه فعله من أجله، هوا مدين له بحياتة، فقد انتشله من التشرد والتسول، وقدم له منزل وعمل وراتب كبير يستطيع العيش منه دون الحاجه لأحد، لهذا يسعى دائماً لأرضائه وفعل المستحيل لأسعادة، بالرغم من معاملته السيئه له فى بعض الأحيان، لم يقل الحب والأمتنان الذى يشعر بهما فى قلبه تجاهه، أو يفكر فى خيانته يوماً 

**********************************

في اليوم التالى

استيقظت حياة من نومها بنشاط، ابدلت ثيابها، وأعدت الفطور،  ذهبت لكى تيقظ ادم 

وقفت أمام غرفته تفرك اصابعها بتوتر وهي تفكر، هل من الائق ايقاظه، ولكن ان لم تيقظه سيتأخران 

ايقظها من شرودها خروج ادم من غرفته، شعرت بخجل شديد وأصبح وجهها مصبوغاً باللون الأحمر 

تفاجئ ادم عندما رائها تقف امام غرفتة، قال لها 

_ خير في حاجة 

شعرت بخجل شديد اعجزها عن الكلام، لكنها حاولت إخراج بعض الكلمات، قالت بتلعثم : جااايه اصحيك 

كانت لطيفة للغاية بذلك الوجه المصبوغ بالأحمر وذلك الخجل والتوتر، كان ادم سعيد للغايه برؤيتها هكذا، أراد مشاكستها فقال 

_ واللى بيصحى حد بيقف قدام با أوضته ساكت، ولا انتى كنتى جايه تتجسسى عليا 

كادت ان تقع من شدة خجلها، هزت رائسها بالنفى وهى تشير بيديها بالرفض وقالت بتوتر وتلعثم : لأ والله أأنا جايه اصحيك 

حاول كتم ضحكاته بصعوبه، وقال 

_ وجايه تصحينى ليه، فى حاجه 

شعرت ببعض الحزن، هل يمكن أن يكون قد نسى ما وعدها به أمس 

حياة بخجل أقل وحزن : انتا وعدتنى انك هتاخدنى النهاردة، تقدملى فى الكليه 

شعر ادم بحزنها فقال بأبتسامة مطمئنه

_ نفطر الأول وبعد كده نروح 

حياة بسعادة : انا جهزت الفطار

ثم أمسكت يده وجزبته نحو طاولة الطعام 

قال بسعاده وهوا يجلس على الطاولة 

_ مستعجله على ايه 

حياة بسعادة وعلى وجهها ابتسامة كبيرة

_ علشان منتأخرش، انتا متتخيلش انا متحمسة وفرحانة قد ايه، انا اسعد انسانة في الدنيا الوقتي 

كان ينظر لها بسعادة، من الجميل روئيت ضحكتها، تلك الضحكه التى تجعله اسعد انسان، انها تتعدى الجمال بمراحل عندما تبتسم، وعندما تضحك تصبح أجمل من الجمال، ويتلخص الجمال فى كلمة حياة

ادم بسعادة : اعملى حسابك بعد ما اقدملك في الكليه، هنخرج نشترى شوية لبس ونتغدى برا

حياة : مفيش داعي انا عندي لبس كتير، وكله جديد متلبس منه حاجه 

ادم : انا حابب اشتريلك لبس 

حياة : قولتلك انا عندي ألبس، بلاش تبذير 

كيف يشرح لتلك ألبلهاء انه يريد الخروج معها، وامضاء وقت مرح سوياً، يريد أن يختار معها ثيابها، يريد أن يشاركها كل شئ تفعله، ان يعيش الحياه من خلالها، ويراها من عينها 

ادم : اختارى، نروح نقدملك في الكليه ونشترى لبس، ولا نقعد في البيت ومنروحش فى حته 

أشارت حياة بيدها علامه للرفض وقالت بخوف

_ لأ لأ انتا بتقول ايه، انا اصلاً بحب اشترى لبس وبضيع فلوسى عليه 

لم يستطع ادم ان يتمالك، وانفجر ضاحكاً

حياة بغيظ : بتضحك على ايه، قوم خلينا نمشى 

ادم وهوا لا يستطيع التوقف عن الضحك 

_ حاضر يلا نمشى 

ذهب الأثنان إلى كلية الطب، التحقت حياة بها، ثم ذهبوا لشراء الثياب 

ادم وهوا يشير بيده نحو احد محلات الثياب 

_ البس هنا شكله حلو 

حياة : ايوه شكله حلو 

ادم : تعالى نشوف فيه لبس ليكي 

دخل الأثنان واختار ادم بعض الثياب لها 

ادم : ايه رائيك فى دول

حياة بسعادة : حلوين اوى 

ادم : لو مش عجبينك نرجعهم 

حياة : لأ حلوين، هجربهم 

اخذت الملابس، دخلت إلى غرفة تبديل الثياب، ارتدت  احد الثياب، كان ثوب اصفر طويل مزين ببعض الدوائر الخضراء، كانت جميلة للغايه به ولاق بها كثيراً 

خرجت من الغرفه، وقفت امام ادم وقالت بأبتسامة

_ ايه رائيك فيه حلو 

لم ينظر ادم للثوب، كانت انظاره متعلقة بها ينظر إليها بهيام وقال 

_ جميل جدا، وبالأخص لما يضحك 

توترت وشعرت بالخجل الشديد وقالت 

_ هروح اجرب التانى 

ذهبت وارتدت ثوب اخر رقيق  باللون الأزرق، وبالرغم من انه لا يوجد به ألوان أخرى الأ انه كان جميل للغاية، وازداد جمالاً بعد أن ارتدته 

خرجت وذهبت إلى ادم لتأخذ رائيه، مع انها تعرفه مسبقاً، ولكنها أرادت سماع كلمات الغزل منه، هي لا تنكر ان قلبها قفز من السعادة قبل قليل عندما تغزل بها 

حياة بأبتسامة : وده ايه رائيك فيه 

ظل ينظر لها بشرود لبعض الوقت، يفكر ما هذا الجمال!! 

كيف لشخص ان يمتلك ذلك القدر من الجمال؟ من المستحيل ان تكون من البشر، نعم هى بالتأكيد ملاك نزل من السماء ليسلُب قلبه 

حياة وهى تشير بيدها أمام وجهه 

_ أدم روحت فين 

ادم بشرود وهيام : روحت مكان جميل اوى، عمرى ما تخيلت انه ممكن يكون موجود 

حياة بخجل : هروح اجرب بقيت البس 

وبينما حياة تبدل ثيابها، سمعت صوت فتاتين في الغرفة المجاورة لها تتحدثان، ويبدوا من حديثهما انهما يتغزلان بشخص ما 

الفتاة الأولى : بس ايه القمر ال قاعد بره ده 

الفتاة الثانية : هوا قمر بعقل، يخراشى على عيونه الزرق يجننوا

الفتاة الأولى : ولا الغمازات اللي بيظهروا لما يضحك، سرق قلبى من ضحكة واحده 

الفتاة الثانية : بس شكله جاى مع حد، ومش أى حد باين عليه بيحب اللى جاى معاها 

الفتاة الأولى : عندك حق، كان قاعد يبص للأوضه اللي جنبنا ويضحك 

عندما قالت الفتاة تلك الجملة، تأكدت حياة انهما تتحدثان عن أدم، شعرت بالغضب والغيظ الشديدان، أرتدت ثيابها وذهبت إلى ادم، حاولت أن تخفى غضبها وغيظها وقالت 

_ يلا نروح 

ادم بتعجب : انتى مجربتيش بقيت ألبس، وبعدين مستعجله على ايه 

حياة بتوتر : ايه مستعجله دي انا عايزه اروح، وهبقى اجرب ألبس في البيت 

قطع حديثهم ضحكت فتاتين 

نظرت حياة إلى مصدر الصوت، فوجدت فتاتان تقفان أمام غرفة الثياب المجاوره للغرفة التى كانت تبدل ثيابها بها، وكانتا تنظران إلى ادم وتضحكان 

شعرت حياة أن الدماء تغلى في عروقها، أصبح وجهها احمر من شدة الغضب، وقفت أمام ادم والفتاتين لكى تحجب الروئيه وتمنعه من روئيتهما 

بالطبع لم تستطيع ان تحجب الروئيه، فهى قصيرة بالنسبه له، ورائى ادم الفتاتان ولاحظ نظرات حياة الناريه والغاضبه لهما 

لم يصدق ما رائاه هل تغار عليه حقاً ام انه يتوهم، ان كانت تغار عليه حقاً فهذا يعنى انها بدائت تغرم به، هل يعقل ان يتحقق حلمه وتغرم به 

تلك الفكرة كانت كافية لتجعل قلبه يقفز من كثرة السعادة، أجمل شئ في الحياة أن تغرم بشخص، والأجمل ان يغرم هوا أيضاً بك

                       الفصل السادس من هنا

لقراءة باقي الفصول من هنا