الفصل الحادي عشر11 والثاني عشر12
بقلم عبير سليم
الفصل الحادى عشر
ماذا فعلت ياربي ليحدث لى كل هذا وماالذنب الذى ارتكبته لاتعرض لكل هذا العذاب والى متى ستظل لعنتك تطاردنى اين كان عقلي عندما توهمت انك تحبنى واين كان قلبي عندما سمحت له ان يعشق من لم يشعر بوجوده ولم يقدر حبه
فى المستشفى
يوسف:طمنى يادكتور بابا اخباره ايه
الدكتور:اطمن الحاج زى الفل بس السكر عالى شويه
يوسف:والمطلوب يادكتور
الدكتور:نظبط الاكل والدوا فى مواعيده
يوسف الف شكر يادكتور
ويتذكر يوسف فيروز
صحيح انا عاوز اطمن على فيروز
جرس تليفون فيروز يرن ولا احد يرد
ربما تكون فى الطريق ولا تسمع الهاتف
قام بالاتصال على عم محمد ايضا جرس ولا احد يرد
بدا القلق يتسرب لقلب يوسف
هو فى ايه ليه مفيش حد بيرد
يعنى حيكون فى ايه يعنى اكيد خلصت الشغل واكيد روحت
لا انا مش عارف ليه قلقان انا حروح الشركه اطمن بنفسي
تحاول الدفاع عن نفسها بكل مااوتيت من قوة لن تجعله ينال منها كان يحاول بشده ان ينتهك عرضها ولكنها تفضل الموت على ان تفقد اعز مانملك
صوت صريخ عالى جدا ولكن لا احد يسمع صوتها بفضل الزجاج العازل للصوت
ينزل من سيارته ويصعد ويفتح باب الشركه فينتبه الى صوت الصراخ
ماهذا هو صوت فيروز
ماالذى يحدث
يجرى مسرعا نحو مكتبها فيجده مغلقا
فيدفعه بقوة فيفتح الباب ليجد فيروز شبه عاريه وقد تمزقت ملابسها
بينما عماد يحاول الاعتداء عليها
فيهجم عليه يوسف ويبعده بعيدا عنها ويلكمه بلكمات شديده حتى غرق وجهه بالدماء
بينما فيروز تكورت بزاويه واخذت تلملم نفسها وتبكى بشكل هيستيري غير مصدقه انها كانت ستضيع خلال دقائق قليله
يوسف:ياحيوان يابن ال...... والله ماحسيبك انا حوديك فى داهيه
عماد:ياسلام هى جت علية ماهى كانت مدوراها مع ابن عمتك ويمكن تكون انت كمان نابك من الحب جانب
فيهجم عليه يوسف ويضربه بغباء ثم يقرر ان يطلب الشرطه
فيروز:لا والنبي يايوسف كفايه فضايح لحد كده
انا اتفضحت يايوسف
ده بيقوللى ان الشركه كلها بتقول علية انى كنت عشيقة ماجد
لا والله يايوسف ماجد عمره مالمسنى
انا مش وحشه يايوسف
انا كنت بحبه اه وكنت فغلا بخرج معاه بس والله العظيم ورحمة ابوبا عمره مالمسنى
كانت تتكلم ببكاءشديد حتى انه لم يفهم بعض كلامها
يوسف:خلاص اهدى يافيروز اهدى
فيروز انتى كويسه
فتهز راسها بنعم
بعنى الكلب ده معملش معاكى حاجه
فيروز:لاء
يوسف :طب الحمد لله
ثم يلتفت فيجده قد اختفى
الكلب هرب والله ماحسيبه
يبحث عن عم محمد فيجده نائما نوما عميقا
فيتضح له الامر بان عماد قد وضع له منوم
ياخذ فيروز ويعطيها جاكيت البدله ثم يتركها فى السيارة ويشتري لها ملابس جديده ثم يدخلها احد المحلات من باب خلفى حتى لايجرحها احد بكلمه ترتدى الملابس ويتحرك يوسف بالسيارة
فيروز:يوسف
يوسف:نعم يا فيروز
فيروز:متقولش لحد حاجه عن اللى حصل كفايه فضايح
يوسف:حاضر
فيروز انا بجد مش عارف اقولك ايه ولااعتذرلك ازاى
انا السبب ياريتنى ماقولتلك تسهرى فى الشركه
فيروز:خلاص اللى حصل حصل مفيش داعى الاسف المهم انك لحقتنى
وتدخل فى نوبة بكاء شديد ه
انا مش عارفه ليه بيحصل معايا كده
انا طول عمرى ماشيه جنب الحيط وفى حالى
يوسف:يطبطب عليها ويحاول تهدئتها
خلاص يافيروز والله ربنا يعلم انا بعزك اد ايه انتى اختى يافيروز ووالله ماحسيب حقك وحجيب الحيوان ده راكع تحت رجللك
فيروز:لا خلاص يايوسف الحمد لله انها جت على اد كده ثم تعود للبكاء انا كنت حضيع كنت حضيع والفضل كله يرجع لماجد
لما هو محبنيش ليه قرب منى ليه خلانى احبه وعلقنى بيه ليه ده انا حبيت الدنيا من تانى عشانه
ده انا حبيت الحب عشانه
ليه ليه ولا تتوقف عن البكاء
انت عارف انا سمعتهم فى الفرح بيتكلموا عنى وشمتانين فية بس قلت انا مش حهتم حقفل على نفسي مكتبي ومليش دعوة بحد
لكن ده قاللى كلام وحش اوى
انا مش مصدقه ان كل ده بيحصل معايا
يحاول يوسف الدفاع عن ماجد
فيروز انا عايزك تسامحى ماجد
ماجد والله ماوحش بالعكس ده اطيب انسان فى الدنيا
بس للاسف هو كان متسرع فى مشاعره معاكى
هو حب فريده لان ماجد كان ليه احلام فى اللى حيحبها ولقاها فى فريده
سامحيه عشان خاطري
اللى بيسامح ربنا يايوسف مش انا
انا لو علية مش عايزة اشوفه تانى ابدا
كفايه اللى حصللى النهارده بسببه
لكن للاسف هو بقى واقع فى حياتى ولازم اتقبله
انا بكرهه بكرهه اوى اكتر انسان بكرهه فى حياتى
ده حتى ماراعاش مشاعرى وجه جرى يخطبها ويتجوزها
وانا ولا كانى كنت موجوده
وقال ايه انا موعدتيكيش بحاجه
ههههههه هههههه ههههههه
يوسف يفضل السكوت فاى كلام عن ماجد لن يشفع له
بجد انتى صعبانه عليه اوى يافيروز
ربنا مايبتلى اى عاشق باللى انتى فيه
تصل فيروز امام منزلها وتدخل الشقه وتحمد ربها ان امها نامت
تغلق الباب عليها وتبكى بكاء مرير
وتتذكر ماقاله لها عماد
فتقرر قرار ليس به رجعه وهو انها لن تذهب الى الشركه مرة اخرى وستبدا حياة جديده
💖💖💖💖💖💖💖💖💖💖💖💖💖💖
تمر الايام وتبدا فيروز فى البحث عن وظيفه اخرى وعندما سالتها امها عن سبب تركها للعمل تحججت لها بانها تريد العمل فى مجال اخر
اما فريده فكانت تاتى لزيارتهم بين الحين والاخر
فيروز تتصفح الاعلانات عن وظائف فتجد اعلان عن موظفة حسابات فى احدى المستشفيات الخاصه
فتقرر الذهاب والتقديم لهذه الوظيفه
وعند دخولها قسم الاستقبال والسؤال عن الوظيفه كان هناك من يقف ويراقب هذا الملاك البرئ الذى يستفسر عن الوظيفه
فيتقدم منها
_صباح الخير
فترد فيروز:صباح النور
_ممكن اساعد حضرتك
انا كنت جاية عشان الوظيفه المعلن عنها فى الحسابات
_يشعر فى كلامها بالبراءه ووجهها جميل كالبدر وهو لم يصادف فى حياته مثل تلك الملاك فهو لايعرف سوى الساقطات
فيقول:بس على فكرة المرتبات هنا قليلة اوى
فتجيب فيروز:مش فارقه
_"طب ايه رايك فى مكان تانى انا بشتغل فيه مرتباته كويسه جدا ومش مرهق زى هنا تحبي تروحى تشوفى
فيروز ترد:مش عارفه والله هو مين حضرتك اساسا
فيشعر بانها خائفه منه
فيخرج لها كارنيه النقابه
انا دكتور علي شغال هنا وفى مستشفيات تانيه
فيروز:اتشرفت حضرتك
على:طب ممكن تسمحيلي برقم تليفونك وانا حظبط الشغل واكلمك
فيروز:حضرتك بتتكلم جد
علي:جد الجد بالليل ان شاء الله حكلمك
فيروزتمام
وتذهب فيروز وتفتح باب الشقه وتدخل فتتفاجا بوجود ماجد وفريده
فتهرب الدماء منها ولكن لابد من المواجهه فماجد اصبح واقع فى حياتهم ولا بد ان تتقبله
اما ماجد فكان يخشى مقابلتها فتلك المرة الاولى التى يلتقى بها بعد زواجه من فريده
وكان يشعر بالحزن تجاهها خاصة بعدما حكى له يوسف عما حدث لها من عماد وماقاله فى حقها وانه طعنها فى شرفها واتهمها بانها عشيقة له وتركها للعمل بالشركه ووضع فيروز النفسي السئ وانه السبب فى كل ماتمر به فيروز
فيروز:مساء الخير
فيرد الجميع:مساء النور
فاتن:ياللا يافيروز تعالى ياحبيبتى نحضر الاكل عشان اختك وحوزها حيتغدوا معانا
تدخل معها فيروز المطبخ دون اى كلمه
يجلسون على المائدة وكلما نظر ماجد الى فيروز يجدها تنظر فى طبقها وكلما تحدث بكلمه لاترد كانت متجاهله وجوده تماما
كان يحاول فتح اى موضوع حتر ترد عليه يريد الاعتذار منها والتحدث اليها ولكنها لا تعطيه اية فرصه
فهى كانت لاتنظر ناحيته تماما
كانت شارده نعم هى لن تستطيع نسيانه بهذه السهوله
وعندما لمحت اختها تتدلل عليه شعرت بالضيق الشديد نعم حنحن بشر ولسنا ملائكه
بعد الغداء قدمت لهم الام الشاى مع قطع كيك من الشيكولاته
بص بقى ياماجد انا عاوزاك تدوق الكيك ده وتقول لفيروز رايك لانها هى اللى عاملاه
فياخذ ماجد قطعة كيك ويتحدث لفيروز
تسلم ايدك يافيروز
فتهز راسها دون النطق باى كلمه
وتسرح بخيالها
فلاش باك
يانهارابيض انا اكلت الكيك كله وانتى ماكلتيش حاجه خالص
فيروز تضحك ههههههههه ولا يهمك بالف هنا وشفا
ماجد :بجد انتى كل حاجه بتعمليها حلوة اوى
حتى احلى من اكل امى الله يرحمها
فيروز:خلاص ولا يهمك ياسيدى قللى على اللى نفسك فيه وانا اعمله لك
لاياستى مش عاوز اتعبك بس متنسينيش فى الكيك اللى بالشيكولاته ده حلو اوي ثم يقوم بتناول ماتبقى فى الطبق
كان ماجد يعلم مايدور فى ذهنها وتذكرها لمواقفهم سويا
بعد ان استأذن ماجد واخذ فريده ومشوا
فاتن:مالك ياحبيبتي هو انتى زعلانه من ماجد فى حاجه
فيروز:ليه بتقولى كده ياماما
فاتن:انتى كنتى متجاهلاه تماما
فيروز:لا والله ياماما وحكت لها موضوع على حتى تلهيها
فاتن:ربنا يكتبلك الخير ياحبيبتى يارب
❤️❤️❤️❤️❤️❤️❤️❤️❤️❤️❤️❤️❤️❤️
تنام فيروز مبكرا لتهرب من التفكير فى اى امر
وبعد قليل يرن حرس التليفون
فيروز:ايوة مين معايا
على:انا الدكتور علي
فيروز:اهلا بحضرتك يادكتور
على:انا ظبطتلك الشغل فى المستشفى اللى قلتلك عليها
وتقدرى تستلمى العمل من بكرة
فيروز:بجد مش عارفه اشكرك ازاى
على:تعزمينى بكرة الصبح على فنجان من القهوة
فيروز:تضحك على طريقة كلامه وكانت هذه اول مرة تضحك منذ فترة طويله
❤️❤️❤️❤️❤️❤️❤️❤️❤️❤️❤️😪
تنزل المطر لتبلل الارض وتزيل الاحزان من القلوب وتفتح صفحه جديده مع الدنيا
تتجه فيروز الى المستشفى وتستلم العمل وتبدا فى التعرف على زملائها
فتجد من يطرق على الباب
علي:صباح الخير
فيروز:صباح النور
على:استلمتى الشغل
فيروز:ايوه
علي:لو احتاجتى اى حاجه كلمينى
فيروز:شكرا يادكتور
ينتهى اليوم وتخرج فيروز من المستشفى للبحث عن تاكسي تركبه
يقف على امامها بالسيارة:ممكن القمر يسمحلنانوصله
فيروز:لا شكرا وتمشي سريعا
على:ايه ده عبيطه دى واللا ايه هو انا حخطفها
فيروز تحدث نفسها :يوصلنى اه ان شاء الله عشان يتكرر نفس اللى حصل تانى لاخلاص لاىيلدغ المؤمن من جحر مرتين
يتصل على عليها بحجة الاطمئنان عليها
فيروز:ايوة يادكتور خير فى حاجه
على :مالك بتكلمينى كده ليه
فيروز:يعنى هو حضرتك عشان اللى جبتلى الوظيفه كل شويه بقى تكلمنى واللا ايه
على:خلاص ياستى انا اسف ومش حكلمك تانى
فيروز:يكون احسن بردو
وتغلق فى وجهه الهاتف
على:غير مصدق ماحدث
البت دى اكيد مجنونه
ثم يعلن تليفونه عن اتصال
_ايه ياعلى فينك وحشتنى
على:هو انا اقدر استغنى موجود طبعا
_طب ماتيجى تسهر عندى الليله وحشتنى شقاوتك اوى ههههههههههه
على:بس كده مسافة السكه واكون عندك
ينسى مكالمته مع فيروز ويتجه لممارسة الرذيله وارتكاب ماحرمه الله
❤️❤️❤️❤️❤️💖💖❤️❤️❤️❤️❤️❤️❤️
تؤنب نفسها قائلة
ايه ده انا كلمته وحش اوى كده ليه
بس كده احسن بردو
واللا عايزة يتكرر الموقف تانى
وتقرر النوم وعدم التفكير فى شئ💕💕💕💕💕💕💕
ياتى الصباح وتذهب للعمل
وتباشر عملها فى نشاط وحيويه ولم تشعر بمرور الوقت
حتى نبهتها زميله لها بان وقت العمل انتهى
خرجت من الشركه وقررت ان تتمشى على البحر برغم بروده الجو الاانها تريد الجلوس امام البحر
دون ارادتها تنذكرمواقف كثيرة معه فتدمع عيناها
ولكنها تتوقف عن التفكير فيه فهو الان زوج اختها ولا يصح التفكير فيه فهذه خيانه لاختها
وفجاة تجد من يتحدث خلفها
منظر الموج فى الشتا ليه طعم تانى
فيروز:دكتوىر على ايه اللى جابك هنا
على : تتجوزينى
فيروز:نعم حضرتك بتقول ايه
على:تتجوزينى
فيروز:اسفه طلبك مرفوض
وتبدا فى التحرك من امامه ولكن يوقفها صوته
ارفضي براحتك حقك بس حقى انا كمان انى اعرف سبب رفضك لية
فيروز:مفيش اسباب
على:ايه متعقده من الجواز مثلا
فيروز:شئ ميخصكش
على:شكلك عندك عقده نفسيه
فيروز :ملكش فيه ومن فضلك ابعد عنى والا حسيب المستشفى خالص عشان ترتاح
على:ارجوكى ادينى فرصه اقرب منك وصدقينى مش حتندمى
فيروز:انا بطلت اصدق حد
على:للدرجه دى غدر بيكى وخلاكى تفقدى الثقه فى كل الرجاله
فيروز:انت بتقول ايه
على:بقول اللى شايفه وبتحاولى تداريه حساعدك تتخطى المحنه دى بس متقفليش الابواب فى وشي
فيروز:اسفه متضيعش وقتك معايا عالفاضي وتمشي وتتركه
ايام تمر وذكريات لاتفارق خيالها مواقف كثيرة تمر عليها تذكرها بماجد
وفى نفس الوقت لم يياس على من محاولاته المستمرة مع فيروز فقد وجدها تتصف بالبراءة التي لم يعهدها من قبل
شعر نحوها بمشاعر تولد بداخله لاول مرة فقرر الا يتركها وستكون له
اما فيروز كانت تحاول صده باستمرار حتى شعر ت بصدقه
علي:ارجوكى يافيروز تدينى فرصه انا بحبك وعايز اتجوزك
فيروز :انا مجروحه من اقرب الناس لية ومش سهل علية انسى وابدا حياة جديده
على :حاولى تثقى فية وصدقينى مش حتندمى
ولاول مرة تشعر فى كلامها معه بالصدق
وتقرر فيروز قرارا دون زعى واراده منها وهى ان تزيح الهم من قلبها وتحكى له
حكت له ولكن لم تحكى كل شئ بالتفصيل حتى لا تنهدر كرامتها امامه
تعاطف على معها وطلب منها ان يشاركها حياتها ويساعدها على النسيان
الفصل الثانى عشر
تمر فصول وتاتى فصول لاسعاده دائمه ولا حزن مقيم
هكذا هى الحياة
فاتن:الو
فريده:صباح الخير ياماما عامله ايه
فاتن:الحمدلله يابنتى طمنينى عليكى انتى
فريده:ادينى قاعده اهوه ياماما حعمل ايه يعنى
فاتن:هو انتى متعرفيش تقولي الحمد لله ابدا
فريده:اعمل ايه بس مانا قرفت عمالة اقوله يجيب شغاله وهو رافض
فاتن:مش فى واحده بتيجى كل أسبوعين تنضفلك الشفه
فريده:ياماما انا عاوزة واحده مقيمه معايا تعمل هى كل حاجه
والاستاذ يقوللى انا عايز اكل من ايد مراتى
فاتن:معاه حق والله
فريده:انا مش عارفه اودى وشي فين من صحابي دى نيرفانا المعفنه عندها شغاله وانا لاء
فاتن:والله صحابك دول هما اللى حيخربوا عليكى
جوزك مش مخليكى عاوزة حاجه ده انتى عايشه ملكه
ربنا يهديكى
فريده:فيروز عامله ايه
فاتن:بخير الحمد لله
فريده:مبسوطه يعنى
فاتن:اهى كل مااسالها تقول كويسه
فريده:انا مش عارفه هى استعجلت ليه ده احنا حتى ملحقناس نسال عنه
فاتن:ايوة ربنا يستر انا حاولت معاها كتير اننا نعمل خطوبه فتره وهى صممت وقالت لاء
فريده:ماما معلش انا حقفل دلوقتى ماجد جه
ماجد:مساء الفل على ست الكل
فريده :مساء النور
ماجد:حبيبتى حضريلى الغدا انا ميت من الجوع
فريده:غدا انا معملتش غدا
ماجد:معملتيش غدا ليه وراكى ايه
فريده:يوه بقى انا زهقت من عمايل الاكل قلتلك تجيب شغاله
ماجد:وانا قلت مش حاكل غير من ايد مراتى
فريده:وهو يوسف مش عندهم شغاله
ماجد:ايوة عندهم بس هى بتنضف بس لكن مراة خالى هى اللى بتعمل الاكل طول عمرها بايدها وبعدين انتى مالك بيوسف
فريده :انا زعلانه عشانك ياحبيبى انت اللى بتتعب وبتشقى
وهو يكسب ملايين ويرميلك ملاليم
ماجد :انتى عاوزة يافريده
فريده وهى بتدلع عليه:عاوزة اسافر انا زهقت
ماجد:ياربي انا كده حفرفر فى ايدك بصي انا خلاص مش عاوز اكل تعالى عاوز اقولك كلمتين
فتضحك فريده ضحكه عاليه وينسى ماجد انها لم تحضر الغداء
💖💖💖💖💖💖💖♥️♥️♥️♥️♥️
فيروز :على اصحى ياعلى احنا بقينا العصر
على بنعاس:صباح الفل والياسمين على عيونك يا قلبي
فيروز:صباح الخير يا على
مش كفايه نوم بقى
علي:ايه يابنتى انتى ناسيه انى اجازة اقوم ليه وبعدين انتى ناسيه اننا كنا سهرانين للصبح
فيروز:بخجل طب قوم ياللا انا عملت الغدا
على:طب بقولك ايه تعالى بس اقولك على كلمه سر فتضحك فيروز ضحكه تذيب القلوب
(تحاول فيروز ان تعطى لنفسها ولزوجها الذى اصرت على الزواج منه فرصه وكلما تذكرت الماضى ترفض التفكير فيه لانها تغتبر ذلك خيانه لزوجها)
❤️❤️❤️❤️❤️❤️❤️❤️
تمر الايام ويعود على الى عمله وفيروز ترعى بيتها وزوجها
على طاولة الطعام:بقولك ايه ياعلى ماما عازمانا بكرة على الغدا واختى فريده وجوزها حيكونوا موجودين
فيترك على مابيده
نعم قولى تانى كده
فيروز:مالك ياعلى فى حاجه ضايقتك
علي:وهو انتى لما تقوليلي ان الزفت ده اللى اسمه جوز اختك حيبقى موجود مش عايزانى اضايق
فيروز:عيب كده ياعلى ميصحش تتكلم عنه كده
على:نعم وانتى بتدافعى عنه ليه ان شاء الله
حنيتى واللا ايه
فيروز:انت بتقول ايه انا مسمحلكش
على:تسمحى واللا ماتسمحيش بقولك ايه تقعدى فى مكان واحد مع البنى ادم ده لاء واللا انتى فاكرة نفسك متجوزة طرطور
ويترك الطعام ويقوم
فتلعن فيروز غباءها انها هى من حكت له كل شئ
فتذهب اليه
على انا اسفه انت عارف ان الموضوع ده اتقفل من زمان ودلوقتى احنا بقينا كلنا عيلة واحده ولازم تتعرفوا على بعض
على:وانا مش عايز اتعرف على حد والبنى ادم ده ميدخلش بيتى انتى فاهمه والا حتشوفى وش عمرك ماشوفتيه فى حياتك ويتركها ويخرج
❤️❤️❤️❤️❤️❤️❤️❤️❤️❤️❤️
تمر الايام احيانا تشعر فيروز بحب زوجها لها واحيانا تشعر بانه تزوجها لجمالها فقط
وفى يوم وكان قد مر على زواجهم شهر كانت تعد الطعام لزوجها فهو قد قال لها انه سيتاخر ولن يعود الا فى منتصف الليل
فارادت ان تحضر له طعاما شهيا بتناوله عندما يعود
وفجاة يعلن هاتفها عن صوت رساله
تفتح فيروز الرساله وتصدم مماترى
ليس معقولا هى لاتصدق عينيها زوجها على فى حضن امراة اخرى ايعقل هذا ليس صوره لنقول انها مفبركه بل فيديو انه صوته هو هو على ومن هذه التى معه
تكاد ان تفقد وعيها لما اناةلم اقصر معه فى شئ
واخذت تحدث نفسها
يالهوى ايه ده لاء مش ممكن
ده قاللى انه سهران فى المستشفى
فتجرى على التليفون وتتصل بالمستشفى
فيروز:لو سمحت حولنى بدكتور على السيد
_دكتور على مشى من بدرى يافندم
فتغلق الهاتف
بتكدب علية ياعلى وانا اللى واقغه اعملك اكل وانت بتخونى
ياربي اعمل ايه دلوقتى
انا حطلق منه ايوة لازم اتطلق
بس ازاى ده انا متجوزة من شهر الناس حتقول ايه
اكيد حيقولوا ان الكلام اللى اتقال عن علاقتى بماجد صح عشان كده جوزى طلقنى
طب اعمل ايه يارب دبرنى
وفجاة تشعر بدوار شديد
❤️❤️❤️❤️❤️❤️❤️
يعود ماجدالى بيته
ديده حبيبتى انتى فين
ايوة ياماجد
عندي ليكى مفاجأه حجزت رحله لفرنسا ايه رايك
فريده:تحتضنه بجد ياماجد
بجد ياعيون وقلب ماجد
♥️♥️♥️♥️♥️♥️♥️
حامل صدمه كبيرة لم تكن تتوقعها
الممرضه فى معمل التحاليل
الف مبروك يامدام انتى حامل
تخرج فيروز من المعمل مصدومه
هى شكت ولكنها كذبت نفسها ايعقل هذافى نفس الوقت الذى تكتشف فيه خيانة زوجها تكتشف حملها هل هذا له حكمه من الله
تقرر فيروز ان تعطيه فرصه لا بل فرص كثيرة استهلكها خلال اكثر من ست سنوات زواج وعد زائف بالسعاده لم تناله اوتحصل عليه
سرعان مانسى كل ماوعدها به خيانات متكررة اهانات مستمرة ولكنها صابرة خاصة بعد ان رز قت بتوامين اسمتهم مراد وادهم اعطتهم كل حبها وحياتها وتحملت كل الالام والاهانات من اجلهم
جعلها تندم على اليوم الذى حكت له عن علاقتعا بماجد فكثيرا ماكان يجرحها ويجعلها حجه تبرر له سبب خيانته
😢😢😢😢😢😢😢😢😢😢😢
باك
كانت فاتن تستمع لكل كلمه تنطق بها ابنتها وهى دامعة العين
وبعد ان انهت فيروز كلامها
اخذت فاتن تبكى بشده
ياحبيبتى يابنتى ياحبيبتى يافيروز كل ده فى قلبك وانتى ساكته
ليه ياحبيبتى
وانا كنت فين انا مينفعش اكون ام طول الوقت شاغله نفسي بفريده ومشاكلها ونسيتك ياحبيبتى نسيتك ياضنايا سامحينى يابنتى
وقامت واحتضنتها وانهارت فيروز فى البكاء واخذت فاتن تمسح دموعها
متبكيش ياقلبي خلاص مفيش دموع بعد النهارده انا معاكى حجيبلك حقك من كل اللى ظلموكى وأولهم ماجد اللى انا انصدمت فيه صدمة عمرى
فيروز ببكاء:لا ياماما انا خلاص مبقتش عايزة حاجه غير انى اطلق وبس واخد ولادى وابدا معاهم حياة جديده مفيهاش كدب ولاخيانه
ماجد دلوقتى جوز اختى وابو رهف وانا سايبه ربنا هو اللى يجيبلى حقى
فاتن :ياحبيبتى يابنتى طول عمرك عاقله ربنا يعوضك حير يارب
❤️❤️❤️❤️❤️❤️❤️❤️❤️❤️❤️
تطلق الصواريخ فى الهواء تشق ظلام الليل وتعلن عن وصول العروسين الى قاعة الاحتفالات
يقبل المدعويين لتقديم التهنئه للعروسين
يتقدم اللواء بدر وزوجته ماجده
يحتضن اللواء بدر يوسف قائلا
يوسف حور امانه عندك حافظ عليها
يوسف:اطمن ياعمى حور دى حياتى كلهادى فى عينيه
ماجده تحتضن حور الف مبروك ياحبيبتى الحمد لله انى شفتك عروسه
حور:ربنا يخليكى لية ياماما
ثم يصعد ماجد وزوجته فريده لتقديم التهتئه
فيحتضن ماجد يوسف:الف مبروك يايوسف اخيرا شفتك عريس
يوسف:ألله يبارك فيك ياحبيبى عقبال ماتفرح برهف
بينما تسلم فريده على حور ببرود
وينزلان ليتركا غيرهم يقدمون التهنئه
ماجده :فين فيروز يافاتن مجتش ليه
فاتن:حتيجى ان شاء الله زمانها على وصول
ماجده:هى عامله ايه دلوقتي
فاتن:الحمدلله المهم اننا خلصنا من الزفت اللى كانت
متجوزاه
ماجده:والولاد
فاتن :معانا طبعا دى روحها فيهم
كانت فاتن عيناها معلقه على ماجد الذى انصدمت فيه صدمه كبيرة ولكنها لاتنكر انه بار بها وحنون على ابنته وزوجته
يارب يعوضك خير ياحبيبتى
وبينما الجميع يصفقون ويتراقصون على الاغانى فجاة تدخل القاعه حوريه من الجنه
تلفت نظر جميع الحاضرين حتى ان ماجد نفسه التفت اليها وقال بينه وبين نفسه يالكى من ساحرة للعيون والقلوب
يقبل الجميع للسلام عليها
ماجده:بسم الله ما شاء الله الف مبروك على الحجاب ياحبيبتى ربنا يثبتك يارب
فيروز :الله يبارك فيكي ياطنط
وألف مبروك لحور ربنا يسعدها ويهنيها يارب
ماجده:البيت حيبقى وحش اوى من غيرها
فيروز:ربنا يهنيها ياطنط
وتسلم فيروز على كل الموجودين ولاول مرة منذ سنوات تبتسم فى وجه ماجد وتسلم عليه بيدها
عقبال رهف ياماجد
ماجد:وعقبال ولادك يافيروز ومبروك على الحجاب
ثم تجلس بجانب امها التى تشعر بجانبها بالامان
قمر ياحبيبتى ماشاء الله عليكى الحجاب مخليكى زى البدر المنور
(قررت فيروز ان تبدا صفحه جديدة في حياتها ستكون خاليهىمن الالام والتحزان وعلمت انه لا ملجا من الله الا اليه اما ماجد فهو من الان فصاعدا اخ لها لا اكثر ولااقل