👑عيلة العطارين👑
👑الفصل الثاني والعشرون👑
صبرين :وليه، لا لا دا انتي عاوزه تتربى من اول وجديد بقا
أسرار :دا انا اللي هربيكي تعالي يا وليه
عااااااا، اوعي ايدك دي اااااااه
عمار بصوت عالي :اسراااار
نظرت له أسرار
عمار :اطلعي على فوق
أسرار :نعم؟
عمار :زي ما سمعتي اطلعي على فوق وبعد كدا لما نكون قاعدين ماتفتحيش بوقك
نظرت أسرار لوالدها
هز حسين راسه لها يحثها على سماع الحديث
اسرار:انت بتزعقلي عشان دي،
تمم اوي، اي حاجه قولتهالك تنساها وانا مش هتجوزك يا عمار
ثم تركتهم ورحلت
نظر عمار لمكان أسرار الفارغ بضع دقائق ثم نظر لصبرين وابتسم وقال :منوره، بعتذر جدا عن اللي عملته بنت عمي تعالي اتفضلي اتفضلي
نظر الجميع له في دهشه
جليله :نعم نعم انت اي اللي بتعمله دا يا عمار انت اتجننت
حسين :اسكتي يا جليله وخديهم واطلعي
جليله :بس يا حاج...
حسين :يلا يا جليله
جليله :حاضر يا حاج
عمار بابتسامه جذابه لا تليق الا به :يااا شكلك اتغير خالص، بقيتي احلى بكتير
صبرين بدهشه :انا!.. انت بتقولي انا؟
عمار :ايوا هو في ست غيرك هنا، تصدقي أن ابويا دا طلع بيفهم اه والله
صبرين بضحكه عاليه :هيهيهيهييي، والله انت اللي بتفهم اي انت اتغيرت ليه كدا وبعدين شكلك اتغير خالص دا انا فاكره انك كنت عيل صغير
عمار:لا عيل اي بقا دا انا بقيت راجل
صبرين بدلع :طبعا وسيدي الرجاله كمان
حسين :احم احم عمار انا طالع على فوق لنا تبقا تخلص ابقا اطلعلي
عمار :حاضر ياعمي
انچي :طيب انا هطلع لهدي ماشي
عمار :ماشي
نظر عمار لصبرين وغمز لها وقال :كنا بنقول اي بقا ها
صبرين :هيهيهيهييييي
بقلمي منه وائل
*************************
في منزل الحاج حسين
هدى :هو اي اللي عمار عمله دا؟
احمد :والله مش قادر افهم لحد دلوقتي
رامي :لا و اي عمي مقالش حاجه
يوسف :طب يا جماعه حد دخل لاسرار
هبه :حاولنا ندخل ولكن زي ماانت شايف قافله الباب ومش عاوزه حد يدخلها
هدى :سبوها شويه وهتكون كويسه انا عرفاها لما بتقعد مع نفسها بترتاح
يوسف :تمم، عن اءذنكم بقا
رامي :رايح فين؟
يوسف :هعمل حاجه واجي
احمد وهو يهمس لرامي :اكيد رايح لندى
رامي :ماهو طلب ايدها من عمار وابوك اكيد راح يشوف رأيها
احمد :اها
بقلمي منه وائل
*************************
في غرفة أسرار
كانت تجلس على الفراش وحولها الكثير من الصور والالبومات وبعض من الالعاب والجوبات، ظلت تنظر للصور بحزن، صور كانت قديمه بها عمار وهي كانوا دائما يقومون بالتصوير معاً، وتلك الألعاب هي التي كان يعطيها لها عمار كل مناسبه لهم كم كان حب طفوله ولكنه صادق وظل بقلبهم حتى بعد الطفوله، وقعت عينيها على صوره كانت ترتدي بها أسرار فستان وردي وكانت معطيه لشعرها الحريه والانسدال على ظهرها وكان يجلس عمار على ركبتيه ويمسك ورده ويقدمها لها كانت قديمه ولكن بها معنى جميل لا يفهمها سوي من حب بصدق
أسرار وقد خانتها دموع عينها التي ظلت تنزل مثل اللؤلؤ على وجهها الأبيض :ليه يا عمار، انا بحبك اوي ليه بتعمل معايا كدا، للدرجه دي بقيت تستعر مني؟، طب ليه اتغيرت من ناحيتي كدا؟، يا خسارة الحب اللي حبتهولك حتى في غيابك، نفسي ترجع الايام دي اوي
ظلت تبكي الي ان احست بالتعب وغاطت في نوم عميق
بقلمي منه وائل
*************************
في منزل الحاج وليد
فتحيه :انا رايحه عند خالتك سوميه ماتخرجيش من البيت سامعه؟، وعندك اكل في التلاجه لو جوعتي قومي سخني، والاحسن انك تاكلي لانك بتاهدي ادويه
ندى :مش جعانه
فتحيه :احسن برضو، بقولك اي اللي اسمه يوسف دا ماتقافيش معاه ولا يجي هنا لحد اما نشوف صرفه في القرف اللي عملتوا وعنك يجوزكم، داتكم القرف
ثم تركتها ورحلت، تركتها تنظر إلى مكانها بحزن، ماهو ذنبها في ذلك؟ هل كان ذنبها انها لم تجد ابا يكون سند لها؟ اما اخ يقف بجانبها؟ هل ذنبها انها كانت ضحيه لشاب لم يعرف للأخلاق كلمه واحده؟
ندي بدموع :والله ياأمي ماعملت حاجه انا مظلومه انا اتاخد شرفي غصب عني، يوسف مالوش دعوه والله، يارب انا تعبت اوي انا عارفه اني كنت بعيده عنك ومكنتش اعرف حلالك من حرامك انا توبت والله يارب
تن تن
ندى :اكيد نسيت حاجه
ذهبت إلى الباب وقامت بفتحه
يوسف :عامله اي النهارده؟
رفعت ندى وجهها ونظرت له بحزن
يوسف بقلق :انتي بتعيطي لي هو مرات عمي ضربتك تاني؟
ندي :لا بس َ..
يوسف : بس اي اوعي كدا دخلني اشوف مالك؟
ندي :لا يا يوسف ماتدخلش ماما لو جات ولاقتك مش هيحصل كويس منبها عليا مااقفش معاك لحد اما نشوف حل للموضوع دا
يوسف :ما الحل جه خلاص انا طلبتك من عمار وعمي وهما موافقين ومستني موافقتك
ندى :بجد، قصدي يعني عمار ما شكش في حاجه؟
يوسف :لا ماتقلقيش، ندى انتي مالك دبلانه ليه كدا انتي مكنتيش كدا؟، اوعي روحي ارتاحي وانا هعملك حاجه سخنه تشربيها، انتي كلتي؟
ندي :لا
يوسف :انتي اتجننتي يا ندى انتي بتاخدي ادويه شديده اوعي انا داخل اعملك اكل
ندى :لا يا يوسف بالله عليك بلاش مشاكل
يوسف :ماتخافيش دي لسه قاعده مع امي مش هتيجي دلوقتي
ندى بقلق: طيب بس تمشي على طول
يوسف :حاضر
بقلمي منه وائل
*************************
في منزل والد زين
سحر :والله منور يا زين
زين :اكيد مش بيتي
سحر :طبعا يا حبيبي بيتك وانا قولت حاجه، دا انا حتى لسه بقول ليحيى يقولك تيجي تقعد معانا بدل ماانت قاعد لوحدك كدا
زين :هو بعيدا عن انك ملكيش انك تقنعي اصلا لان انا اللي مش عاوز هو بيتي اه بس انا اللي مش بقعد في مكان الناس اللي فيه مش مريحين ولا بقبلهم وفوق كل دا تعابين بيقدروا يوصلوا للهما عاوزينه
سحر :شوف يا يحيى ابنك بيقول عليا اي بقا انا تعبان يا يحيي
يحيي:يا سحر مش قصده عليكي هو جاب سيرتك
سحر :لا الكلام واضح وانت عارف كويس
زين :والله اللي على راسه بطحه
يحيي:زين اتلم بقا وركز معايا
يحيي:خير يابابا؟
يحيي:والله يابني انا فكرة انك تتجوز
مراد : اهو دا عين العقل
زين :كويس جدا، بس مين بقا؟
يحيي:سالي بنت سحر مراتي
مراد :دا بقا اللي مش عين العقل
سحر :ليه أن شاء الله وهي بنتي وحشه
زين :لا بنتك مش وحشه ولا حاجه بس للجميع وانا مبحبش اخد حاجه وحد يشاركني فيها
سحر بدهشه :نعم، شايف ابنك بيقول اي؟
يحيى بانفعال :انت اتجننت يا زين اي اللي انت بتقوله دا؟
زين :بقول الصح اللي انا شايفه انتي بنتك بتخرج من البيت بتعرفي عنها حاجه، انا بقا كل حاجه بتوصل لحد عندي، وبعدين انا يوم ما اتجوز اتجوز بنت خطافة الرجاله
سحر :شايف ابنك طبعا ماهو هيجبه منين ماعهو طالع لامه لسانه ظفر
يحيى بغضب:ولد احترم نفسك وأنت بتتكلم على مرات ابوك
زين بابتسامة سخريه :لما تبقا هي تحترم نفسها وهي بتتكلم عن امي، امي اللي دخلتها بيتها وعملت منها بني ادمه وهي اصلا شحاته، امي اللي هي كانت سيدة البيت اللي انتي مرزوعه فيه دا ولو اتكلمتي عن امي بالطريقه دي تاني انا مش هسكتلك
يحيى وهو يصفعه على وجهه :أخرس انا الظاهر معرفتش اربيك و دلعتك وكلمه ومش هعيدها هتتجوز سالي وانتهى الموضوع.
زين وهو ينظر لوالده بتخدي :انت بتمد ايدك عليا عشان دي، تمم انا مش هتجوز حد واي حد هيدخلك في حياتي الشخصيه همحي من على وش الأرض حتى لو كان ابويا سامع يا يحيى يا بيه هههه يا... يا بابا
ثم تركهم ورحل، تركها تغلى بداخلها مما قاله، كيف له ان يتجرأ ويقول عنها هكذا وعن ابنتها؟ لن يرى في حياته بعد الآن شيئا جميل
يحيي:انا معرفش الواد دا بقا كدا ليه، بس أنا مش هسكت وهتصرف
بقلمي منه وائل
*************************
في شقة حسام
حسام :هههههههههه، يابنتي والله احنا زي الفل بس لو بطلنا البتاع دا
داليا :هنبطله ازاي بس، دا سم لما بيدخل في الجسم مش بيخرج غير بالموت واكيد احنا نهايتنا الموت وقربت
حسام :يا ساتر عليكي يا شيخه انتي التفاؤل عندك ياخد صفر
داليا :هههههههههه، تعالي بس قولي تفتكر لما مامتك واخواتك يعرفوا انك اتجوزتني رد فعلهم اي؟
حسام:عادي يعني هيفرحوا، لأن ماما اصلا كانت عاوزاني اتجوز
داليا :اه عاوزاك تتجوز بس واحده كويسه ونضيفه مش هربانه عشان أهلها عاوزين يموتوها، لا وفوق كل دا كمان شمامه
حسام وهو يقترب منها :ومالها الشمام مااهي زي القمر اهي وبعدين منا كمان شمام يا ياولاا يا قمر انت يا ولاا ماتجيب بوسه بالله عليكي هاتي بوسه ههههههههههه
داليا :ههههههههه بس بقا الله
تن تن
داليا:انت مستني حد؟
حسام :هستنا مين يعني دا يا حصره انا معرفش حد حتى عمرو مش هيجي الا بليل هو والعيال
داليا :اومال مين دا؟
حسام :استنى هروح اشوف، ايوا حضرتك عاوز حد؟
سليم :هي داليا سليم مندور اهنه؟
داليا :مين يا حسام؟، اييي بابا
سعد :منوره يا بت عمي
داليا بصدمه :سعد
بقلمي منه وائل
*************************
في شركة عمار
مني :يا محمود مستر عمار قال للمره المليون ان الإعلان نهايته مش كدا لان لو عملناه كدا كدا هتبقا بنقلد شركة الأسيوطي
محمود :اه صح معاكي حق نسيت طب هاتي هاتي اما اعدله
دب دب
ياسين :ممكن ادخل؟
مني :طب روح انت يا محمود، اتفضل يا استاذ ياسين
ياسين:هو لسه مجاش؟
مني :للأسف لسه
ياسين :طب ماتتصلي بي
مني :هو انا كنت لسه هعمل كدا دلوقتي بس كان ورايا كام حاجه في الشغل كنت بخلصها
ياسين:بتحبي شغلك انتي اوي
مني :اكيد عشان دا كان حلمي اني اشتغل مع مستر عمار
ياسين :بس هو عمار واثق فيكي اوي كدا عشان يديكي كل الصلاحيات في التصرف في الشركه
مني :انا شغاله مع مستر عمار من ايام ماكنت طالبه في أولى وهو بيقول عليا اني دراعه اليمين
ياسين :ماشاءالله شكلك شاطره اوي
مني:شكرا، انا هتصل بمستر عمار بقا
ياسين :تمم
بقلمي منه وائل
*************************
في مضيفة منزل العطارين
صبرين :ههههههههه والله انت طلعه عسل يا واد يا عمار
عمار :دا انتي اللي عسل
ترن ترن
عمار :ثواني هرد، الو ايوا يا منى، اي ياسين ودا اي اللي جابه؟، طيب طيب خلاص هروح اشوف حسام وبعدين جاي يلا سلام، المهم لو احتجتي اي حاجه قوليلي ماتتكسفيش اصل انا لازم امشي بقا ورايا شغل
صبرين :ماشي، فوتم بعافيا
حسين وهو يقف على الدرج :تعالي عاوزك
عمار :حاضر يا عمي
بقلمي منه وائل
*************************
في منزل الحاج وليد
يوسف :معلش ودي كمان يلا بقا عشان الدوا
ندي:بس كدا كفايا بقا عشان بطني وجعتني
يوسف :تمم يلا عشان تاخدي الدوا
ندى :ياا انا حاسه اني شبعانه اوي
يوسف :بالهنا والشفا
تن تن
ندى :يا نهار اسود قولتلك يا يوسف ماما هتيجي في أي وقت
يوسف :ايوا بس ماتوقعتش انها هتيجي دلوقتى
ندى :واهي جات هنعمل اي
يوسف :استنى قرني افتحلها
ندى :ازاي بس؟
يوسف :قومي واخلصي
فتحيه :اي ساعه على ما تفتحي الباب
ندى :معلش كنت نايمه
فتحيه :انا نسيت الشال بتاعي اوعي كدا انا اجيبه
هو راح فين بس، اه دا في اوضتك
ندى بخوف :لا لا يا ماما انا هجبهولك استنى.
فتحيه :اوعي يا بت انتي مسكاني كدا ليه انا اللي هجيبه
ندى برعب :يالهوي هو آخر يوم في حياتي النهارده انا عارفه
فتحيه :اهو لاقته اوعي من وشي كدا واقفه زي المقام بلا قرف
ندى بدهشه :اي دا؟ طب ازاي؟
نظرت الي باب غرفتها ثم ذهبت سريعا الي الغرفه
ندى :يوسف انت فين؟، يا يوسف
وأثناء ما كانت تبحث وجدت شئ يعبث في دولابها
ندى :اي دا هو في أي هنا؟، لي دا يوسف انت بتعمل اي هنا.
يوسف وهو يلتقط أنفاسه بصعوبه :ااااه ياني بموت اي دا هي امك راشه سم في الدولاب
ندى :ههههههه دا تلاقيه النفتالين
يوسف :كح كح كح نفتالين اي يا شيخه دا انا كنت بفطس، سبحان من صبرني
ندى :ههههههههه، طب معلش قوم يلا، بس انت جاتلك الفكره دي ازاي؟ دا انا قلبي كان هيقف
يوسف :معرفش انا كنت واقف مش عارف اعمل اي لاقت نفسي بدخل الدولاب
ندى :عبقري، يلا بقا عشان ماتجيش تاني
يوسف :اه صح، ندى لوسمحت اهتمي باكلك وخدي الدوا وخالي بالك من نفسك ممكن؟
ندي وهي تنظر في عينيه :حاضر
يوسف :يلا انا ماشي
ندى وهي تضع يدها على قلبه :اوففف في أي بقا كل اما ببص في عينه بتوتر ليه كدا منا لو بتنيل بحبه المفروض هو كمان يحبني بقا بس ازاي، يلا بقا مش مهم كدا كدا كل حاجه بايظه
بقلمي منه وائل
*************************
في منزل الحاج حسين.
انچي:ههههههههه والله زي مابقولك كدا حتى مامي قالتلي انه شبه المدمنين
احمد :ياشيخه بلا قرف المهم سيبك من رياض وبتاع اي مش هنروح لحسام والا اي؟
انچي:مش عارفه بس انا مستنيه ابيه يخلص مع الست البيئه اللي تحت دي معرفش قاعد معاها ازاي؟
احمد :ماهو دا اللي انا عاوز أفهمه
وعندما كانوا يتحدثون وجدوا عمار يخرج من غرفة مكتب حسين ووجهه لا يبشر بالخير
احمد :اي دا هو في. اي؟
عمار :يلا عشان نلحق مشورنا
انچي:طب وأسرار؟
عمار :قولت يلا
احمد :تمم يلا
جليله :انت هتسيبوا يمشي بعد اللي عمله في بنتك؟ لا.و اي قاعد بقاله ساعه مع الوليه الحيزبونه دي مش دي السبب في موت ابوه؟
حسين :ملناش دعوه يا جليله
جليله :يعني اي ملناش دعوه وأسرار هتتجوزوا بعد اللي حصل دا؟
حسين :قولتلك انه جواز لعمل خير وهو مش هيقول منها وبعدها نفضها سيره وملناش دعوه باي حاجه بعد كدا
جليله :اي اللي انت بتقوله دا يا حاج وبنتك ذنبها اي؟
حسين :ذنبها انها بنت عمه وواجب عليها انها تساعده حتى لو كان وسخ تمم ومش عاوز نقاش في الموضوع دا تاني مفهوم؟
جليله :مفهوم يا اخويا
بقلمي منه وائل
*************************
في شقة حسام
داليا بدموع :ابوس ايدك ياابا ماتقتلنيش
سليم وهو يرفع السلاح في وجههم :أخرسي يابت اني مصدجت لاجيتك، اللي ذيك مهينفعش يعيش بعد اللي عملتيه ديه چرثتينا وهربتي وچيتي اهنه لاه وكمان عايشه في الحرام مع راچل يا بچحتك
داليا :لاه ياابوي دا جوزي
سعد:وه چوزك اتچوزتي كمان من ورانا؟ وانت ماهتعرفش انها هربانه من أهلها؟
حسام وهو يجلس على الكرسي بدون خوف قائلا :لا عارف كل حاجه، بس زي ماتقول هي هربت منكم لأنكم مش أهلها انتوا ناس بتحبوا الدم مش مهم عندكم بنتكم تعيش مرتاحه والا لا طلما بنت يبقا ملهاش رأي تتذل وتتهان ولو رفضت تتقتل ليه هي فرحه دي بني ادمه
سليم :وانت هتعلمنا كيف نربي بناتنا والا ايه؟
سعد :ماتسمعلوش يا عمي ديه تربيت بندر مايعرفش حاچه عن ربايتنا خلص عليها ياعمي وخلصنا من الفضايح والعار
سليم :معاك حج يا ولدي، اتشهدي على روحك يا بت
داليا بصراخ :لاه ياابا لااااااااااا