👑عيلة العطارين👑
👑الفصل سادس والعشرون👑
بقلم منة وائل
عمار :اقعدي بقا يا شيخه اي دا انا عمر ما شوفت كدا في حياتي
أسرار :اتعود على كدا بقا
عمتو وهو يقترب منها بغضب :ورحمة ابويا انا ما عاوز اتعصب لحد دلوقتي اقعدي بقا، فين ندى يا يوسف؟
يوسف :انا سبتها تروح تشوف المحل دا
عمار :طب روح هاتها يلا عشان تعبت
يوسف :حاضر
ندى :اه خلاص ماشي هخد دول ميرسي جدا
خالد :الف مبروك يا عروسه بس ياترى بقا العريس عارف انك مش بنت والا عملتي عمليه؟
ندي بصدمه :خالد!
خالد :ايوا خالد يا قمر، عملتيها ازاي دي؟ والا العريس عبيط ومش هياخد باله
ندى :انا سافل وقليل الادب انت عاوز اي مني تاني انت مش خربتلي حياتي وبوظتها خلاص وبعدين انت المفروض يكون مقبوض عليك دلوقتي اي انت مش خايف لبلغ عنك؟
خالد وهو يملس على وجهها :تؤتؤ مش خايف، اصل انتي يا قلبي مش هتبلغي عنك لأنك خايف على حبيب القلب يضربني اموت فيها يروح في داهيه مش كدا؟
ندي بخوف وصراخ:انت عاوز اي بقا ماتسبنا في حالنا
خالد :مش عاوزك تتجوزي غيري
ندى :نعم انت مجنون
خالد :لا مش مجنون انا اللي لمستك ومحدش هيلمسك بعدي، انا كنت متخيل انه عادي تروحي في أي حته تاني واخلص منك بس لا انا عاوزك انتي
ندى :و انا بقا مش عاوزاك تبعد عني بقا انت اي اللي دخلك حياتي
خالد :قدرك يا روحي قدرك ونصيبك، بس تعرفي الدكتور قمر اوي وجنتل في نفسه تفتكري هيعمل اي لما يعرف انك مش بنت؟
ندي :بقولك اي يوسف خط احمر اساسا هو لو عرف انك هنا مش هيرحمك
خالد :اممم يوسف، طب بصي بقا انا هسيبك تفكري كام يوم كدا بس اقسم بالله هاجي تاني ولو مافكرتيش قبل الفرح انا هاجي يوم الفرح وهفضحك تمم سلام ياقمر
نظرت ندى لمكانه الفارغ بصدمه ورعب، رعب من الايام القادمه، خوف من ماسيحدث في الأيام القادمه والان ماذا تخبي لها الايام مرة أخرى؟
يوسف :ندى يا ندى
ندى :ها يوسف.. انا كنت
يوسف :مالك يا ندى انتي بقالك كتير واقفه كدا وبتبصي الناحيه دي هو في حاجه حصلت؟ في حد عملك حاجه؟
نظرت له وكانت تريد أن تقول له ولكن كيف وماذا سيحدث ان قالت لا لأن اقول كفا متاعب له انه لم يفعل شئ لكل ذلك
يوسف :ياندي، في أي ياندي انتي رجعتي تسكتي تاني
ندى :مفيش حاجه يا يوسف انا بس تعبانه وعاوزه اروح
يوسف بشك:متأكده؟
ندي بتوتر :اه اه متأكده
يوسف بعدم تصديق:ماشي يلا ياندي
عمار :يابنتي انتي كل كلامك تحدي كدا في اي
أسرار :هو انا كلمتك انت مالك
عمار :بصي انا سكتلك من الصبح كلمه كمان هديكي قلم اخليكي تتشقلبي زي علبة الكانز
اسرار:خفه يالا انت متقدرش اساسا
عمار بغيظ :يا بت بقا اسكتي، اي كل دا بتجبها؟
يوسف :كانت مختاره كام حاجه كدا وكنت بندفع حسابها
عمار :ماشي يلا عشان اوصلكم وبعدين اروح الشركه
أسرار :هاجي معاك
عمار :تيجي معايا فين؟
أسرار :الشركه في مانع والا حاجه والا مش عاوزني اجي؟
عمار :ماشي يا أسرار تعالي
يوسف :خلاص روحوا انتوا انا هروح انا وندى بالعربيه بتاعتي
عمار :ماشي
بقلمي منه وائل
************************ في المستشفى وبالتحديد في الحديقه
حسام :مالك ساكته ليه؟
داليا :تفتكر هنخف؟
حسام :وليه لا انتي مش حاسه بتحسن؟
داليا :مش عارفه بس امبارح بهدلت الدنيا وضربت الممرضات ماهدتش غير لما الدكتور اداني مهدئ
حسام وهو يمسك ذراعيها الاثنان :طبيعي يا حبيبتي اي حد بيعاني زينا كدا بيحصل معاه كدا وبعدين احنا لسه في الأول ماتقلقيش انا متأكد اننا هنكون كويسين
داليا :بتمنى كدا
حسام وهو يحتضنها بشوق: انتي وحشتني اوي
داليا :وانت كمان وحشتني اوي
حسام :بوعدك اول مانخرج من هنا هعوضك عن كل حاجه وحشه حصلتلك او شَوفتيها ويارب، يارب لو انا زعلتك او ضايقتك لساني يتقطع كدا
داليا بلهفه :بعد الشر عليك يا حبيبي اي اللي انت بتقوله دا
حسام :هعوضك يا داليا هعيشك احلى عيشه
داليا :انا مش عاوزه حاجه غير انك تفضل جنبي ونعيش في امان مش عاوزه حاجه تاني
حسام وهو يمسح على ظهرها :ماتخافيش يا حبيبتي مش هتخافي تاني طول منا جنبك
داليا :بحبك
حسام :وانا بعشقك
بقلمي منه وائل
*************************
في منزل مريم
سليمان :اي دا يا مريم انتي لسه ما جنزتيش يابنتي يلا يا مريم الناس قربت توصل
نظرت له مريم بحزن ولم تتفوه بكلمه
سليمان :مالك يابنتي بس اي اللي مزعلك كدا، مش انتي اللي وفقتي انا مغصبتكيش وبعدين قولتلي اسبني من موضوع عمار اهو سبتني من موضوع عمار عاوزه اي تاني
مريم بدموع:مش بحبه يا بابا
سليمان :طب ماقولتيش الكلام دا لي لما جيت َوسالتك؟
مريم :كنت فاكره اني همشي وهعبش بس مش قادره والله غصب عني، وبعدين عمار نسيني خلاص واهو لاقي اللي بيحبها ربنا يهني
سليمان :ماانتي لو تسيبيني اتصرف
مريم :لا يا بابا بلاش تئذي مهما كان برضو ماشوفتش منه حاجه وحشه انا اللي كان لازم افهم من بدري انه عمره ماحبني
سليمان :طب اتصل بعز وأنهى الموضوع؟
مريم :لا سيب كل حاجه ماشيه زي ماهي كدا كدا حياتي وهعيشها مش هقدر اغيرها، معلش يا بابا ناديلي اميره تساعدني
سليمان وهو حزين على ابنته :حاضر يا بنتي، لا إله إلا الله ربنا يصلح حالك يا بنتي
مريم وهي تنظر في المرأه وعينها مليئه بالدموع :ربنا يفرح قلبك يا عمار، ربنا يفرح قلبك يا حبيبي
بقلمي منه وائل
*************************
في سيارة يوسف
يوسف :مالك يا ندى؟ من ساعة ماسبنا المول وانتي ساكته ومش بتتكلمي وسرحانه
ندى :لا ابدا مفيش حاجه ممكن يكون عشان لفينا كتير بس
يوسف :ندى انا مش اول مره اتعامل معاكي انا حفظك، فهمني في أي؟ و اي اللي حصل معاكي لما كنتي لوحدك؟
ندي:مفيش حاجه يا يوسف بقا الله قولتلك مفيش حاجه
يوسف :طب خلاص اهدي انتي متعصبه ليه كدا انا اسف
نظرت له ندى بحزن وقالت لنفسها :لو تعرف انا شايله اي جوايا؟ ، لو تعرف انا خايفه عليك ازاي؟ ، لو تعرف اني بتمنى اموت والا اني اشوف فيك حاجه وحشه؟
يارب استرها يارب
بقلمي منه وائل
*************************
في الشركه
عمار وهو يبحث في الملفات :يعني اي ماتعرفوش فين؟ ملف مهم زي دا مش عارفين هو فين انا مشغل مين معايا؟
محمود :والله يا مستر عمار مني الوحيده اللي تعرف فين الملفات دي وهي اللي بتشلهم باءيدها
أغلق عمار درج المكتب وقال :وهي فين مني؟
محمود :ها أصلها كانت بتغدي وكدا يعني..
عمار :معاد الغدي الساعه كام يا محمود؟
محمود :٣ يا فندم
عمار :وبينتهي الساعه كام يا محمود؟
محمود بتوتر :٤ يافندم
عمار :اه يعني ساعه بظبط اللي مفيش شركه بتخلي موظفينها يتغدوا في ساعه بس معلش انا اللي غلطان ، الساعه كام دلوقتي يا محمود؟
محمود :خمسه ونص يا فندم
عمار :اه يعني الهانم بقالها ساعتين ونص برا وسايبه الشركه وسايبه كل حاجه
مني وهي تضحك:ههههههه لا بس الراجل دا غريب اوي دا...... مستر عمار حضرتك هنا من امتا؟
عمار :اممم كنتي فين يامنى؟
مني بارتباك:ها كنت.. كنت بتغدي
عمار :بتنادي في ساعتين ونص؟
ماهو بصي لو انتي مش قد مسؤليه الشركه قولي وانا اسلم مسؤليتها لحد غيرك
مني :يا مستر والله انا...
عمار بغضب:انتي اي؟ ها انتي اي فهمني لما اجي واكون محتاج ملف مهم واتفاجئ ان مفيش حد هنا في الشركه يعرف مكانه غيرك وانتي سيادتك بعظمتك مش موجوده وقال اي بتتغدي ساعتين ونص غدي ليه يا منى دا انتي لو في كتب كتاب كان زمانك جيتي
شعرت أسرار بالخوف من غضب عمار ونظرت له برعب، ما هذا؟ أهذا عمار الذي يتحدث معاها بحنو؟ نعم تعرف غضبه ولكن ليس لهذا السوء؟
مني وعينها يكاد يهبط منها الدموع :يافندم والله مكنش قصدي
عمار :بس بس مش عاوز اسمع ولا كلمه اخر انذار ليكي يامنى سامعه مش عاوز إهمال مش مشغل بنت اخويا معايا انا، اتفضلي يلا هاتي ملف شركه سيمون
مني بحزن :حاضر يافندم، اتفضل
عمار : تمم انا هروح دلوقتي بليل كلمني في التليفون عشان عاوزك تمم
مريم :تمم يافندم
عمار :تمم كله يلا على شغله
مريم :حاضر يافندم
عمار وقد انتبه لوجود ياسين :اي دا ياسين اذيك عامل اي انت هنا من امتا؟
ياسين بحزن على حال مريم :انا كنت مع مريم
عمار :والله يعني انت اللي اخرتها؟
ياسين:للأسف اه
عمار :تمم على العموم يا ياسين انا معنديش مانع انها تتأخر ولا حاجه عادي مش بيفرق معايا الكلام دا بس طلما مش مهتمه بشغلها ومش قايله لحد قبل ماتمشي هي شايله الحاجات المهمه فين يبقا مكنش فيه داعي للتأخير دا كله
ياسين:بس انت احرجتها قدام زمايلها
عمار وقد احس بالندم على مافعله :انا مكنتش عاوز اعمل كدا بس انا بتجنن لما حاجه من الشغل بتضيع انت عارفني شغلي عندي مهم ازاي
ياسين :ماشي يا عمار بس ياريت تطيب خاطرها البنت مهتمه بشغلك اوي طول الفتره اللي انت مش بتيجي فيها الشركه
عمار : معاك حق خلاص انا هبقا اكلمها، عاوز حاجه؟
ياسين :لا سلامتك
عمار :يلا يا أسرار
أسرار :.......
عمار :اسرار بقولك يلا
أسرار بفزع :ها حاضر
بقلمي منه وائل
*************************
في منزل العطارين
حسين :اومال فين عمار وأسرار يابني؟
يوسف :راحو الشركه عشان في ورق مهم عمار كان عاوزوا
جليله :المهم جبتوا الحاجات؟
يوسف :اه يا مرات عمي
فتحيه :والفرح امتا ان شاء الله؟
حسين:خلاص اخر الاسبوع دا المهم يا يوسف عمار قالي انكم هتقعدوا معاه في الفيلا صحيح الكلام دا؟
يوسف :هو قال كدا لكن انا رفضت انا شقتي جاهزه ياعمي وكل حاجه فيها جاهزه
حسين :يعني انت مش عاوز تقعد هنا؟
يوسف :الفكره مش في كدا انا جبت الشقه دي وكنت عامل حسابي اني اول مااتجوز هقعد فيها وبعدين هي مش بعيده يعني ياعمي دي في وسط البلد
حسين :طلما انتوا هترتاحوا كدا مفيش مشكله
فتحيه :وانا بنتي كدا هتبعد عني ومش هشوفها؟
يوسف :هو انا هخطفها يا مرات عمي والا اي؟، دي هتبقا مراتي وبعدين مااكيد هتيجي لحضرتك على طول وكمان انتي هتبقي تيجي
فتحيه :مش عاوزه اروح في حته المهم ان بنتي ترتاح وعارف يا يوسف لو بنتي جات زعلانه منك اقسم بالله هتزعل مني
سوميه:الله في أي يا فتحيه مالك بتتكلمي مع الواد كدا ليه هو كان عمل اي يعني؟
فتحيه :من ناحية عمل فهو عمل
حسين :الله في أي انتي وهس مش عاملين ليا احترام اني قاعد وبعدين ماهو قالك هتبقى تشوفيها اهدي بقا
فتحيه :ماشي
نظرت ندى ليوسف بحزن وكانها تقول له انني السبب في تلك المتاعب التي تواجهها يا حبيبي ارجوك سامحني ولا تحزن هكذا
بقلمي منه وائل
*************************
في شقه ليس بها فراش ولا شئ بها عدة اسلحه كثيره للغايه
عتمان :عرفت ياولد انت وهو هتعملوا اي؟
رجل 1:عرفنا يا كبير بس جولي هو متا الفرح ديه؟
عتمان :اخر الاسبوع ديه
رجل 2:طب وانت عاوزوا يعيش تاني والا نخلص على طول؟
عتمان :لاه خلص يا ولد اني ماعوزش فيه الروح عاوز الرصاص يرشج في كل حته غي چتته
رجل 1:تخت امرك يا كبير
عتمان :انت اللي بدءت يا عمار واني عتمان الغريب محدش يجف جدامي واصل
بقلمي منه وائل
*************************
في دكان صبرين
صبرين :اوف بقا هو مش بيرد عليا لي
سعيد :يا معلمه
صبرين :في أي يا واد
سعيد :الدكتور يوسف والست ندى رجعوا لوحدهم
صبرين :متأكد يا واد؟
سعيد :ايوا يامعلمه اهم
صبرين :طب روح انت، بقا كدا ماشي ماشي بنفسح الكونتسه طيب
بقلمي منه وائل
*************************
في سياره عمار
عمار :مالك يا اسرار؟
اسرار:ها لا مفيش بس انا كنت عاوزه اقولك حاجه
عمار :اه طبعا اتفضلي
أسرار :هو يعني انا كنت عاوزه اقدم على طلب تقديم في الجامعه المفتوحه يعني كنت عاوز اكمل تعليمي
عمار :طب منا عارف
اسرار:اي؟
عمار :ايوا عمي قالي وعلى فكره انا قدمتلك وان شاء الله اول ما الدراسه تبدء هتبدئ معاهم
اسرار بدهشه:بجد يا عمار
عمار بابتسامه :اها
أسرار :عمار هو انت بتحبني؟
نظر لها عمار ثم أوقف السياره ونظر تجاهها وقال :الكلمه دي بقت قليله على اللي بقت بحس بيه من ناحيتك انا بقت بحلم بيكي كل يوم عارفه العشق يا أسرار انتي العشق
أسرار :اومال ليه على طول بتزعقلي؟
عمار :عشان انتي اتغيرتي اوي يا أسرار، اتغيرتي لدرجة اني مبقتش قادر افهمك بعد ماكنت بلمح اللي في دماغك من نظره
أسرار :اتغيرت عشان انت مشيت ونستني
عمار :مين قالك اني نسيتك يا أسرار، انا عمري مانسيتك يمكن مكنتش بشوفكم ولا بجيلكم بس حقيقي عمري مانسيتك ابدا
أسرار :وانا مااتغيرتش يا عمار انا لسه زي ماانا يمكن لبسي اه اتغير واسلوبي بس انا زي ماانا
عمار وهو يشغل المحرك :اتمنى كدا يا أسرار واتمنى انك ترجعي بشكلك اللي سبتك عليه
انطلق عمار الي منزل العطارين وفي باله امل ان تتغير أسرار وترجع مثلما كانت
بقلمي منه وائل
*************************
في منزل زين
زين :هههههه يا هبه والله بذاكر انا اصلا اول مره حد يثبتني التثبيته دي عمري ما ذاكرت
هبه :لا من هنا ورايح في مذاكره عشان تعدي بقا انت بقالك كتير في الجامعه
زين :يابنتي والله الشغل هو اللي كان واخد وقتي كله
هبه :معلش انت من النهارده واخد تاني انت وعدتني
زين :وانا عمري ماهخلف وعدي معاكي انتي تؤمري بس وانا انفذ
هبه :تمم يبقا تقوم تعملك كام سندوتش كدا وكوباية لبن عشان تعرف تركز
زين:لا بقا انا قولت اه اؤمري وانا انفذ بس مش للدرجه دي ههههه اي يا هبه يا حبيبتي انا مش حماده بشورت
هبه :ههههههههههههه والله مابهزر لازم تاكل عشان تعرف تركز
زين :صبرني يارب طيب خلاص انا هقوم اعمل سندوتش بس من غير اللبن عشان مش بحبه
هبه :خلاص ماشي يلا سلام
زين :سلام ياقلب وعقل وروح زين
................ في غرفة مراد
مراد وهو يتحدث في الهاتف :يا چيچي افهمي بقا انا مش هقدر اعمل كدا، دا صاحب عمري
چيچي:ماانت لو ماعملتش كدا يا مراد ماتزعلش بقا من اللي هعمله لما اروح لماما حبيبتك واقولها على الورقه العرفي اللي كنت كاتبها انت وبنت خالتك ها
مراد :نعم انتي جبتي الكلام دا منين؟
چيچي:جبته ما كان ما جبته بقا لو انت ترضى لماما انها تتعب وقلبها يتعبها تمم مفيش مشكله
مراد :انتي ازاي كدا انتي بني ادمه مش كويسه وحقيره
چيچي:لا لا احترم نفسك واعرف انت بتكلم مين انا چيچي يا مراد، ها چيچي يعني انت عارف كويس انا ممكن اعمل اي
مراد:انتي عاوزه اي بظبط
چيچي:تحط لزين المنوم اللي هدهولك وبعدين تكلمني اجي وتصورنا زي ماقولتلك ولا من شاف ولا من ديري
مراد :وانتي هتعملي اي بالتصوير دا؟
چيچي:ماتخافش على صاحبك يا روحي دا بس عشان مايبعدش عني مش اكتر ها موافق والا اشوف غيرك وتروح تلحق ماما والجلطه بتجيب أجلها
مراد :لا خلاص خلاص انا موافق
چيچي:تمم استنا مني مكالمه سلام
مراد بحزن :سامحني يا صاحبي