رواية مشاغبة في قلب الاعصار كامله من الاول للاخير بقلم سهيله احمد

رواية مشاغبة في قلب الاعصار 

بقلم سهيله احمد

الفصل الاول والثاني والثالث

💃🏻💃🏻💃🏻المقدمة 💃🏻💃🏻💃🏻

     ~°~°~°~°~°~°~°~°~°~°~°~°

كالإعصار أنت عصفت بكياني بشدة،

وبعثرت بوعودي التي عاهدت قلبي بها ذات يوم فكأنها ذابت في أمواج عشقك العاتية ،

 لا أعرف كيف حدث ذلك  أو لماذا ......

ولكن ؛

منذ متي كان للعشق قانون يحكمه ،

فالعشق كالمرض الخبيث الذي يتسسل داخلنا وينمو كل يوم أكثر فأكثر ولا نفطن إلى وجوده إلا عندما يكون قد تمكن منا ،

وحتى؛

 لو دفناه أو حاولنا محاربته فسنكتشف يوما ما أننا لم نحاربه يوما بل كنا نحارب أنفسنا،

لكن لماذا أنا فلم يجلب لي التعلق بالآخرين سوى الآلام عندما كانت أمالي تصتدم بصخرة الفراق وما أقساها من صخرة لتترك بداخلي جراحاً من الصعب  على الزمن  أن يشفيها ،

لهذا فقد عاهدت قلبي منذ زمن أن لا يحب أحداً إلى هذه الدرجة حتى لا يتألم لفراقه ولكن ؛

قلبي الأحمق أخلف وعده كالعادة

 ألعنه بداخلي

ولكن ؛

لا يمكنني أن أضع حداً لهذا العشق بل لهذا

الإدمان.........؟.....

مشاغبة في قلب الإعصار

≈≈≈≈≈≈≈≈∞≈≈≈≈≈≈≈

   💃🏻💃🏻الفصل الثانى💃🏻💃🏻

---_-----_-----_-----_---_-----_-----

سمعت صوت فتح الباب الخاص بالمقهى فتنهدت بتعب وأخفت كتابها بسرعة قبل أن تراه زوجة صاحب المقهى المتطفلة التي تحب التدخل في شؤون الأخريين دخلت كالعادة لتسمعها كلامها السام

عطيات بتكبر :- إنتي يا بت واقفة عندك ليه يلا إنجري روحي شوفي شغلك ولا هو أكل و مرعى وقلة صنعة ماهو مش عشان بنتساهل معاكي توقفي لي كده زي قردة قطعه لا شغلة ولا مشغلة 

موج ببرود :- خلصتي الإسطوانة المشروخة بتاعة كل يوم ولا لسه فاضل حاجه ناسيتيها  مقلتليش عليها ،لم تنتظر ردها وذهبت على الفور لتبدأ عملها

#بقلمي_سهيلة_أحمد

عطيات:شوف شوف البت بتكلم معايا إزاي كان ناقص تأخذني قلمين . ثم نظرت بغضب شديد  إلى زوجها الذي كان يدخن سيجارته ببرود وأردفت قائلة بسخط :قوم يا راجل عرفها مقامها الخدامة دي

#بقلمي_سهيلة_أحمد

متولي بضيق من تصرفات زوجته اللئيمة: هى عملتلك إيه البنت علشان كل ده 

عطيات بغضب : بقى ده جزائي علشان خايفه على مصالحك  

متولي وهو يطفئ سيجارته  بغضب :مصالحي وأنا أدري بيها خليكي إنتي بعيد بس ثم خرج غادر المقهى صافعاً الباب خلفه لتهرول خلفه لتراضيه فهي رغم كل شيء تحبه بصدق ولا تتحمل أن تراه حزين وخاصة منها هي .

دلفت ليلي التي تسكن بالمبنى المقابل للمقهى منذ زواجها منذ سنه تقريبا إستقبلتها موج بحب فهما رغم المدة القليلة التي عرفوا بعض فيها أصبحوا أفضل الأصدقاء فالصداقة لا تقاس بالعمر ولكن تقاس بالمواقف وبالحب الذي يكنه كل صديق لصديقه نظرت لها موج بحب لتلك الصديقة بل الأخت التى تعاملها 

بقلمي سهيلة أحمد

برفق وحنان لكنها بدت شاردة على غير العادة حتى إنها لم تلاحظ كلام موج لها 

موج بقلق : مالك يا ليلي خير في حاجة مضايقاكي 

ليلى بشرود:_ معلش يا موج إنتي كنتي بتقولي ايه

#بقلمي_سهيلة_أحمد

موج بقلق وصل لذروته  -: بقولك مالك قلقتيني عليكي 🥺 __

وكأن موج أعطت لها الإشارة بالبكاء لتبكي من قلبها 🤍 ضمتها موج إلى صدرها بحزن شديد 😢 فهي تعلم أن ما يبكيها أمر عظيم 

فهي ليست شخص يفضل البكاء بل بالعكس تماماً فهي شخصية مرحة للغاية  ونادراً ما تدع شئ يحزنها بالإضافة إنها من الأشخاص المقربين إليها والموت أهون عليها من أن تراها في هذه الحالة بعد مدة ليست بالقليلة هدأت ليلي قليلا وإبتعدت عنها لتقول موج بمرح :(طول عمرك أصيلة وبنت أصول أكيد شوفتي التيشيرت عايز يتغسل قولتي أرويه بماء عيوني....ضحكت ليلي ضحكه خافته من بين دموعها لتبتسم موج بحنان ثم أردفت بمرح :–أيووووون كده خلي الشمس تدخل بدل ما إنتي جاية تكتئبي عندي و أصلا مش ناقصه إكتئاب أنا في الإكتئاب بالذات عندي إكتفاء ذاتي إبتسمت بهدوء فعلي ما يبدو أنها إنها إستطاعت أن تنسيها حزنها  ولو لبعض الوقت وأردفت بمرح:- وبعدين إفرضي كانت نقمات هانم دخلت علينا وإنتي بين أحضاني كانت تقول علينا،طب إنتي ولقيتي حد إتص في نظره وإتجوزك  أنا بقى مين يعبرني ها................إهدي وروقي عقبال ما أعمالك كوباية نعناع يا بتاع النعنع منعنع إنت ،تشربيها عقبال ما إروح أشتري شويه حاجات للكافيه قبل ما نقمات هانم تيجي تزعقلي نظرت لها وأردفت قائلة بحنان لا يليق إلا بها :- لو عايزاني أفضل جنبك مش مشكلة الشغل  كده كده أنا عارفه إن قدري التهزيئ

أنا ••••••••

قاطعتها أولفت بحب :- مع السلامه يا مجنووووووووونه

موج :- مع السلامه يا أوختشي

#بقلمي_سهيلة_أحمد

خرجت موج وقد تملكها الشرود تفكر في حال صديقتها فلم تنتبه لهذا الشاب الذي إصتدمت به دون قصد

موج وهي تمسك رأسها بألم :- ترلة دخلت فيا ثم نظرت إلى الشاب الذي كان يطالعها ببرود وأردفت قائلة بغضب :- مش تفتح يا أخينا

الشاب ببرود:- وأنا مالي بقى إنك جاموسه ماشيه تخبطي في خلق الله

موج بغيظ :- مش أنا جاموسه طيب ،والله لو معتذرتش ليا حالا لكون مصوتة ولامة عليك خلق الله وأقول إنك بتتحمرش بيا 

الشاب بلامبالة:-  إمشي إلعبي بعيد يا شاطرة

موج بتوعد:- مش عايز تتعتذرلي طيب ثم صرخت بأعلى صوتها:- إلحقوني  من الذئب البشري ده • سألها رجل عجوز ممن تجمعوا على صوت صراخها

الرجل :- هو عملك ايه يا بنتي

موج وهي تدعي الحزن ببراعة ممثلة من الدرجة الأولى:-  بيتحرش بيا يا حج و واقفلي في الطالعة والنازلة ولا علشان غلبانه وبجري على إخواتي اليتامى يتاكل لحمي ثم بكت بقهر لدرجة أنه كاد أن يصدقها لم يستوعب ما حدث إلا عندما تدافع الناس عليه يضربونه بقوة.....

لا تعرف لماذا لكنها شعرت بغضة في قلبها ربما أشفقت عليه فصرخت في الناس ليبتعدوا عنه .

موج:- خلاص يا رجاله سيبوه علشان أمه المريضة إلى ملهاش غيره وإن كان على حقي فأنا مسامحة فيه (لا بجد جيتي على نفسك أوووي 😂😂)

#بقلمي_سهيلة_أحمد

الشاب بصوت منخفض من شدة الألم :-  حق إيه يا أم حق جاك كسر حُقك يا بعيدة 

موج بصوت خافت لم يسمعه أحد غير ذلك الشاب:- إنت تسكت خالص بدل ما أخليهم يكملوا عليك (لأ شبح يابت يا موج 👻👻)

قالت سيدة كانت تشاهد الخناقة وهى تأكل الفشار كأنها أحد الأفلام السينمائية:- أصيلة يا بنتي وبنت أصول

موج وهي تنظر إلى الأرض وتمثل الخجل بحرفية:- ده من زوقك يا طنط ، ربتت السيدة علي كتفها بحنان ثم نظرت إلى  الشاب الذي لا يزال ملقى  على الأرض وأحد الرجال يضرب فيه قائلة :-.  إنت تحمد ربنا وتبوس إيدك وش وضهر واحدة تانية كانت سابتهم يعلموك الأدب أما شباب قليل  الحيا بصحيح

قالت موج وهي تدعي العقل لدرجة جعلته يجن :-. معلش بقى يا طنط الشباب بتوع اليومين دول ميعرفوش النخوة كله من البلاوي إلى بيشربوها ،يعني مثلاً الواد إلى مرمى قدامك ده وأشارت بيدها إلي الشاب الذي نظر إليها بشر شعرت لن تنكر أنها شعرت بالخوف ولكنها ليست بالشخص الذي يظهر خوفه لأحد فأكملت وهى تدعي الأسف :-. بقالوا يومين سايب أمه من غير أكل وماشي يجري ورا الكيف والقرف ده لولا الأكل ٱلي بجيبهولها كانت ماتت من الجوع ومحدش حس بيها 

السيدة وهي تضرب كف بأخرى:-. لاحول ولا قوة الا بالله يلا منه لله إديه خد جزاءه 

موج :-. معاكي حق مع السلامه بقى يا طنط علشان ألحق أجيب الغدا لإخواتي ،تركتهم بسرعه ثم ٱتجهت إلى المقهى على الفور دون أن تكمل شراء بقية الأشياء دخلت المقهى لتجد ليلي لازلت تجلس وهي تمسك بكوب النعناع في يدها

#بقلمي_سهيلة_أحمد

ليلى:-. إيه جابك بدري بابت

موج بضيق:-.  أسكتي ده أنا دمي إتعكنن على الأخر 

ليلى بقلق :- ليه بس حد ضايقك 

موج:-. واد كده ثم قصت عليها ما حدث بس هو ده كل إلي حصل بس الواد ده فور دمي يلا بقى على الست الكوبرا أهو خد جزاءه

ليلى بصدمة:-. لأ بجد مش مصدقه إزاي تعملي فيه كده ده إنتي مفترية ده أنا بدأت أخاف منك 

موج بضحك:-. بس مقولكيش على شكله و هو مرمي على الأرض زي الصرصار المقتول وطوائف الشعب كلها بتضرب فيه كان شكله يفطس من الضحك هههههههههههه

ليلى بشفقة على الشاب الذي وقع في طريق صديقتها المجنونة:- حرام عليكي ده أنا لو منه كنت أشرب من دمك 

موج بجدية :-. سيبك المهم قوليلي ايه الي مزعلك

تنهدت ليلي بحرقة وقد بدت معالم الحزن على وجهها:- أصل مازن جاتله سفريه بعد بكره

موج بهدوء:-- ويعني دي هتبقى أول مرة ما إنتي عارفه إن جوزك شغال في البحرية وعارفه طبيعة شغله 

ليلى:- أصل السفرية ديه ممكن ميرجعش منها

موج بقلق :-. بعد الشر عليه متقوليش كده هو رايح فين

#بقلمي_سهيلة_أحمد

ليلي بدموع :-. رايح جزر الشيطان

نظرت موج للفراغ وفرت دمعة من سجن عينيها وهي تتذكر أنها كانت وجهة أبيها الأخيرة

      جزر الشيطان إلى هي مثلث برمودا 

  #مشاغبة_في_قلب_الإعصار

#بقلمي_سهيلةأحمد

              البارت التالت

        ∆•∆•∆•∆•∆•∆•∆•∆

سكتت للحظات عشرات بل مئات الأفكار تتزاحم في رأسها هل يمكن ان تجد والدها إذا ذهبت في تلك الرحلة ماذا لو كان بحاجتها أو كان ينتظرها كما قال،

 لحظات ستغير حياتها إلى الأبد تلك اللحظات المصيرة التي تغير كل شيء أحلامنا وطموحاتنا و مبادئنا وحتى نحن تغيرنا تلك اللحظات فننصبح أشخاص أخريين ويصبح كل ما يربطنا بالأشخاص الذين كانوا نحن في الماضي هي ملامحنا وحتى تلك يضع عليها الزمن بصمته ،عقدت أمرها في النهاية وسرعان ما جاءت في رأسها فكره لتبتسم قائلة :-   أنا عرفت إزاي ممكن تخلي مازن ميروحش

#بقلمي_سهيلة_أحمد

🎶🎺🎶🎺🎶🎺🎶🎺

فـــي مـــكــان آخــــر.  •°°

                                •°°

🎺🎶🎺🎶🎺🎶🎺🎶

كان يمشي ببطء وهو يستند على عكازه ويلعن تلك الفتاة المجنونة التي هي السبب في ما هو فيه عندما إقتربت منه تلك السيدة المسنة التي تسكن بمفردها  في الشقة المقابلة له وقالت له:-

إيه إلى عمل فيك كده يا بني ،حصلك إيه عملت حادثة ولا إيه

ريان بحنان :- لأ يا أمي متقلقيش محصلش حاجه ما أنا كويس قدامك  أهو 

السيدة : - ربنا يخليك يا بني 

ريان :- ربنا يبارك فيكى يا أمي بس مش إحنا قولنا بلاش يخليك دي يخليك يعني يتخلى عنك ،إذا خلاني من يتولاني 

السيدة  :- معلش يا بني نسيت المهم إيه إلى عمل فيك كده

ريان  :- مش هتصدقي مين اللي عمل فيا كده

السيدة بتساول :- مين 

ريان بشرود  :- بنت إلى عملت فيا كده بنت

#بقلمي_سهيلة_أحمد 

•••••••••••••••••••

نرجع لموج وليلى 

•••••••••••••••••••

ليلى بلهفة :- إزاي قوليلي علشان خاطري

موج وهي تنظر حولها مش هينفع هنا تعالى نروح عندك في البيت

ليلى :- طب والشغل 

موج  :- مش مهم أنا هتصل على الأستاذ متولي  وهسيب الشغل

ليلى  :- بس

قاطعتها موج قائلة بحزم  :-  مبسش ثم إتصلت بصاحب المقهى وهي عازمة على قرارها ليصلها صوته قائلا

متولي بقلق :- إيه يا موج في حاجة حصلت في المحل ولا إيه

موج مطمئنة إياه :-  محصلش حاجه أنا بس كنت عايزه حضرتك تجي ضروري

متولي :- حاضر يا بنتي مسافة السكة 

موج :-. توصل بالسلامه

بعد عدة دقائق وصل متولي وقد إرتسمت ملامح القلق والتوتر على وجهه نظر إلي موج متسأل عن سبب إتصالها به لترد موج على تساؤلاته قائلة :- أنا هسيب الشغل 

متولي:- ليه بس يا بنتي هو أنا عملتك حاجه وحشه ولو على عطيات ماانتي عارفها

موج  :- الموضوع مش كده إنت عارف إنت معزتك عندي زي بابا بالظبط بس أنا مضطرة أسافر وأكيد حضرتك هتتمنالي الخير 

متولي:-. أكيد يا بنتي بس هيعز عليا فراقك 

بس مادام فيه خير ليكي أنا أتمنالك كل خير إنتي إلى شوفتيه في حياتك مش قليل وأكيد ربنا يعوضك

#بقلمي_سهيلة_أحمد

موج تقول بمرح لتخفي حزنها :- ربنا يبارك لك يا عم متولي يا عسل إنت ،بعدإذنك بقى أروح ألم الحاجة بتاعتي ثم هربت بسرعة لا تريد أن تخونها دموعها أمامه جمعت أشياءها وبالطبع كتابها المحبوب كان أول ما أخذته أمسكت به وضمته إلى صدرها بحزن وخاطبته كأنها تخاطب صاحبه كأنها تخاطب أباها قائلة  :- أريد أن أتكلم أريد أن أخبرك كم أحبك ،

أريد أن أرتمي بين أحضانك مجددا،

أريد الكثير من الأشياء•••••

 أريد أن يرجع بناالزمن ،

أريد فقط يوم واحد من أيامنا سويا،

حين كنت تحتضن بين كفيك يدي الصغيرتين،

حين كنت لا أفكر بالأمور

لأنني أعلم إنك معي وإنك أنت من ستحلها،

حين كنت أتصرف على سجيتي،

حين كنت لا أفكر بالغد يكفيني أن أرى إبتسامك على تصرفاتي البريئة و الغبية ،

 في ذات الوقت

حين كنت تخبرني أن أحلامي كلها ستتحقق ،

أتعلم,

لم أكن أتوقع يوما أن تسبب لي ذكرياتنا سويا، بكل هذا الآلم.

لم يعد يؤلمنى الحاضر بالرغم من إنه ملئ، بالأشياء المؤلمة.

فقط أصبح يؤلمني الحنين الى أيام لم يعد لها وجود إلا في خبايا

قلبي الذي لا يزال ينتظرك ولا يزال يؤلمني

حد اللعنه •••••••

#بقلمي_سهيلة_إحمد

أبعدت الكتاب عن صدرها برفق  ووضعته في حقيبتها ثم خرجت بعد أن ودعت السيد متولي وإتجهت إلي منزل ليلى و بمجرد ما دخلت المنزل صاحت بها ليلى بعدم فهم :-. 

ينفع أعرف إنتي ليه بتعملي كل ده 

موج :-. هتفهمي كل حاجه بس المهم دلوقتى تتصلي بمازن خليه يجي ضروري

ليلى بشرود:- حاضر إما نشوف إيه أخرتها

إتصلت به ليصلها صوته الذي تفنن الحزن في  وضع بصمته عليه 

مازن بحزن حاول إخفاءه لكن كيف يخفى عنها حزنه وهى التي تسمعه بقلبها لا بأذنيها 

:-. السلام عليكم إزيك يا حبيبتي عايزه حاجة

ليلى:- هو إنت فين عايزاك تيجي حالا علشان في حاجة مهمة

مازن :- حاضر ثواني وأكون عندك

ليلي:- توصل بالسلامه في رعاية الله

أنهت المكالمة فنظرت لها موج يتساءل قائلة:- هو قالك إيه 

ليلى:- ثواني وجاي 

#بقلمي_سهيلة_أحمد

وبعد عدة دقائق من الصمت موج تفكر في قرارها وليلى تتمنى لو إنها تدخل إلي رأس موج لتعرف فيما تفكر  سمعوا صوت المفتاح ودخل مازن ونظر إلى موج بتعجب فهي ليست معتادة على زيارة منزلهم  وخاصة في مواعيد عملها 

صاحت ليلى بنفاذ صبر :- مازن جيه أهو قولي بقى إزاي ممكن ميروحش السفرية الزفت ديه 

موج بهدوء:- إهدي بس يا ليلي ثم وجهت كلامها إلي مازن قائلة:-إتفضل إقعد يا أستاذ مازن

مازن بعدم فهم:-. ممكن أفهم فيه إيه بس 

موج :- حاضر بس إتفضل إقعد الأول وبعدين هقولكم على كل حاجه

مازن وهو يسحب أحد الكراسي ويجلس عليه:- اديني اقعدت أهو 

موج :-. ركزوا معايا دلوقتى إنت مش عايز تسافر صح 

مازن :- أكيد طبعا بس السفرية دي بالذات إجباري يعني مينفعش مروحهاش 

موج بغموض :- مين قالك إنك مش هتروح 

ليلي:- أنا مش فاهمه حاجه خالص متقولي بقى الفكرة إلي عندك بدل شغل الألغاز ده 

موج :-. أنا قصدي حد يروح على إنه أستاذ مازن 

#بقلمي_سهيلة_أحمد

مازن:-. إن كان أنا إلى جايالي المأمورية ومش طايقها مين هيرضى يسافر مكاني 

موج بهدوء:-. أنا عم صمت غريب الإجواء وسط دهشة ليلى وإسنتكار مازن لتلك الفكرة العجيبة قبل أن تنهيه ليلى قائلة بدهشة:-  

إنتي إزاي

موج بمرح :-  زي السكر في الشاي ثم إبتسمت بمرارة مردفة:- أنا أكتر واحده عارفه المكان ده لأن بابا حكالي عنه كتير متنسيش إن بابا كان من الناس القليلة إلي رجعت من المثلث ده وبعدين حتى لو مت على الأقل أنا عارفه إنه وجودي من عدمه مش هيفرق مع حد 

ليلى:- متقوليش كده إنتي غالية أوي عندي 

موج وهي تلقي لها قبلة في الهواء:- قلبي يا لولو ثم قالت موجهه كلامها إلي مازن:-أما إنت فعندك مراتك ووالدتك ثم نظرت إلى بطن ليلى المنتفخ فهي في أخر شهور الحمل وأردفت قائلة:- وإبنك إلي لسة مجاش على الدنيا حرام ميلقيش أبوه ثم أكملت بنبرة مليئه بالألم :-أصل إنت متعرفش الحياة من غير أب عامله إزاي بتبقى حاسس إنك من غير ضهر بتحس إنك لوحدك ولو كان حواليك ألف 

مازن وقد تكلم أخيراً:- إنتي عارفه لو عرفوا إنك بنت هيعملوا  فيكي إيه

موج بإبتسامه غبية:- هيقتلوني ثم أردفت بمكر  بس ده لو عرفوا

ليلى وقد فهمت ما ترمي إليه:-على رأيك مين هيعرفهم 

مازن :- بس 

ليلى بحزم :- مبسش علشاني وعلشان إبنك إحنا مش هنقدر نعيش من غيرك 

 #بقلمي_سهيلة_أحمد                     __________________________________                                                    كل! شيء يخبرني إني مقبل على صنع 

قرار خاطئ••••••••••••وليكن‼️

                      فالخطأ جزء من الحياة          

                            "باولو كويلو " __________________________________

بعد يومان ➗

________________

كانت تستقل سياره أجرة متوجهة إلي الميناء وهي ترتدي ثياب البحرية وشعر مستعار وقد تغير مظهرها كثيرا فبدت كشاب قصير وضعيف  توقفت السيارة بعد أن وصلت إلى وجهتها لتنزل موج وهي تنظر إلى البحر بشوق وحنين لصديق عزيز قبل أن تلمح أحد الرجال يرتدي نفس زيها العسكري لتتجه إليه لتسأله عن ميعاد تجمع الجنود

موج بصوت حاولت جعله خشن قدر الإمكان:- 

لو سمحت إنت يا أخ 

الشاب:-. أنا 

موج :- أيوه إنت 

الشاب:-نتعرف الأول بالدفعة أنا حازم وإنت 

موج بإرتباك :-أنا مو •••مازن أه مازن 

حازم :- مالك ياعم هو السؤال صعب أوي كده 

موج بتهرب :- مش السؤال إلي صعب ،الرحلة إلى الواحد رايحها هي إلى صعبة 

حازم :- لأ متقولش إنت رايح معايا ثم أكمل بطريقة مسرحية لمثلث الشيطان اعووووا

ضحكت موج قائلة:- أه يا سيدي رايح لمثلث الشيطان.

قطع كلامهم رجل أخر يرتدي نفس زيهم العسكري ويبدو أنه معهم في الرحلة

الرجل بضيق مضحك  :- قول مثلث الزفت مثلث الأطران يا عيني عليك يا صغير على الموت يا أنا طب يرضى مين أموت من غير مجوز يرضى مين، ده أنا هروح وأفوت ورايا قلوب بنات كتير مكسوره

حازم بإستهزاء  :- بنات مين إن شاءالله

الرجل:- زي أم أحمد بياعة الخضار وأم سعاد بتاعة محل البقالة

ضحكت موج بشدة ليبتسم الرجل قائلاً:-مش تعرفنا يا حازم

حازم:- ده يبقى مازن يا سيدي وده بقى زياد صديقي الصدوق

موج :- تشرفنا يا أستاذ زياد 

#بقلمي_سهيلة_أحمد

زياد :- شايف الإحترام مش شبهك ،قول كده استاذ زياد تانى كده،ياهه ده الإحترام طلع حلو أوووووي يا ناس

موج بجدية:- بقولكم إيه محدش يعرف المركب إلى هيودينا المعسكر هيطلع إمتي

حازم:- مش عارف

زياد بتذمر:- مستعجلين على الهم يعني هو هيطير هما هيبقوا ينادوا علينا أهو يتأكدوا من حضورنا يعنى يشوفوا عدد الجثث كامل ولا لاء أنا إيه دخلني البحرية ما كنت قعدت جنبك ياما 

حازم :-يا ريت والله كنت رحمتنا من ذنك 

سمعوا صوت الصافرة فتوجوا إلى الساحة في وسط الميناء وبدأوا في النداه على الجنود حازم محمد عاشور 

حازم بحركة عسكرية:-حاضر يافندم

مازن أحمد الغمري ••••

تكرر النداء مازن أحمد الغمري وموج شاردة 

فوكزها زياد على كتفه قائلا:- بينادوا عليك يابني 

موج بإرتباك :-أه صح حاضر يا فندم ثم صعدت إلى المركب لتبدأ رحلتها للمجهول

                    الفصل الرابع من هنا

لقراءة باقي الفصول من هنا