#حافيه_القدمين
الفصل الثامن والتاسع
بقلم ياسمين علاء الدين
👑 اللهم لك الحمد كما ينبغي لجلال وجهك وعظيم سلطانك👑
وصلت الطائره الي المانيا. صبا قلبها بيدق بسرعه جدا. فرحانه ومتوتره وخايفه. وكل المشاعر متجمعه في وقت واحد. جاسم ملاحظ شرودها. وقلقاها. جر الشنط.
جاسم : صبا انتي كويسه
صبا : يعني
جاسم : متخفيش هيحبك. هو اصلا كان بيحلم باليوم ده.
صبا: هيعرفني.
جاسم : اكيد. متنسيش انتي امه
صبا : بس مش شايقني قبل كده
جاسم : هيعرفك
صبا هزت راسه. وجاسم فرح انها اول مره تتكلم معاه بهدوء من غير اما تعنفه في الكلام او تلومه .
جاسم : نروح الاول الشقه نسيب الشنط. وله نروح المدرسه لادهم
صبا: المدرسه. مش قادره خلاص انتظر اكتر من كده .
جاسم : اوك
وقف تاكسي وقاله علي اسم المدرسه الداخلي اللي فيها ادهم ابنه.
ركبت صبا وجاسم جنبها. وهي بتفرك في ايديها.
جاسم طبطب علي ايدها. بهدوء
جاسم: اهدي يا صبا
صبا بتوتر : مش عارفه
جاسم بيهزر عشان يضيع وقت : تحبي تضربيني عشان تهدي.
صبا بصتله ورفعت حاجبها الاتنين .
جاسم : بهزر معاكي
صبا: انت حبيت الضرب بقي
جاسم : ضرب الحبيب ذي اكل الذبيب
صبا ابستمت : معنديش مانع.
جاسم : .ههههههه..لا . ايدك تقيله ومش عايز اجرب تاني .. انا. بهزر
صبا بصتله وسكتت.
وصلو قدام المدرسه . وجاسم دخل هو وصبا. للمدير وطلب يقابل ادهم .
صبا قلبها خلاص هيخرج من مكانه بسبب سرعه دقاته.
بعد دقايق دخل ادهم وجري علي جاسم وحضنه . صبا وقفت وبصله . في شبهه منها اكتر من جاسم.
جاسم : شوفت جبتلك مين معايا
ادهم بصلها و ابتسم وقرب منها وهي بتقرب منه وعينها بتدقق في ملامحه شدته لحضنها وحضتنه اوي
. لاول مره تحس الاحساس ده. احساس الامومه طبيعي اتحرك عندها. وجع كل السنين اختفي من اول ضمه لابنها. كل حاجه تعبتها في حياتها اختفت. مفيش غير احساس بالحب والامان . هو ده العوض اللي كانت عايزاه . هوده البلسم اللي شفي كل الجروح
جاسم دموعه نزلت وهو شايفها بتبكي ادامه وبتحضن ابنها بالشكل ده حس قد ايه هو كان قذر معاها وقرر انه هيبعد عنها . هو ده الحل الوحيد هي متستهلش واحد ذيه.
بعدت عن ابنها ومسكت وشه بايدها الاتنين. وهي بتترعش.
ادهم دموعه نزله وهي مسحتها.
صبا: انا بحبك اوي يا ادهم.
ادهم : وانا كمان بحبك اوي يا مامي ومش عايز ابعد عنكم تاني. خدوني معاكم
صبا : مش هبعد عنك تاني وله هتفارق حضني ابدا.
ادهم : طيب يلا نمشي مع بعض.
صبا شالته وهي بتحضنه جامد
ادهم : مامي انا كبير. انا راجل
صبا:طبعا انت ارجل راجل . بس هتفضل في عيني ابني حبيبي
ادهم : بس انتي احلي من الصور.
صبا : صور ايه
ادهم : الصور اللي بابي ادهالي
صبا بصت لجاسم : جاسم صورك يا صبا اللي كانت عندي في البيت
صبا : طيب. يلا عشان نمشي. من هنا.
جاسم: هسال المدير
صبا: مليش دعوه . انا مش هسيبه هنا.
جاسم : اهدي. هما اصلا خلصو السنه الدراسيه.
صبا: اسحب الملف من هنا. ابني هيدرس في مدارس عاديه مش داخليه
جاسم : حاضر. ارتاحو انتم وانا هتصرف .
صبا قاعده علي الكرسي وابنها علي رجليها وفي حضنها .
جاسم اتكلم مع المدير وفعلا سحب الملف .
ادهم خد صبا وراح علي غرفته ولم حاجته وهي معاه فرحانه بتفوقه. والميداليات اللي واخدها في الرياضه ..
جاسم : تعرف ان ماما كمان واخده بطول السيدات للملاكمه
ادهم بصلها بفرحه : بجد يا مامي
صبا: بجد يا عيون مامي
ادهم : بطوله دوليه وله محليه
صبا: محليه. بس هشترك في بطوله دوليه اول الشهر في فرنسا
ادهم : واوووو. هحضر معاكي واشوفيك وانتي بتلعبي. اكيد انتي اللي هتغلبيهم كلهم
صبا بصتله اوي. اول مره تشوف نظره الفخر في عين حد كده وده مش اي حد ده ابنها. ولازم تكون قويه وناجحه عشانه هو.
جاسم : مفيش داعي للبطوله دي.
ادهم بحزن: ليه انا كنت عايز اشوفها وكمان عشان اعرف صحابي
صبا: هدخل واكسب عشان. ودي هتكون اول هديه مني ليك
ادهم : انا بحبك اوي. اوي
صبا: وانا بموت فيك
جاسم بصلهم الاتنين نورو بعض. كانت الحياه مطفيه عندهم. بس مع بعض رجعتلهم روحهم بجد .
جهزو شنط ادهم وجاسم شالهم. ومامته شالت المدتليات وماسكه في ايد ابنها. ووشها عليه ابتسامه جميله
قبل ما يخرجو ادهم خد مامته وعرفها علي اصدقاءه وقالهم انها بطله كبيره و.. هي كانت طايره من الفرحه ابنها بجد فخور بيها.
بعدها خرجو وركبو تاكس وراحو علي الشقه بتاعت جاسم .
ادهم : اه تعبت
صبا : مالك يا قلبي .
ادهم : مش فيا حاجه . عايز اكل وانام
صبا: من عيني . ادخل خد دش وغير. وانا هعملك اكل
ادهم : ماشي يا مامي
باسته صبا ودخل هو علي اوضته . ادهم عارف الشقه لان جاسم كان شاريها .بياخد ادهم اما بيجي اجازه لالمانيا ويقعدو مع بعض
جاسم دخل الشنط : هنزل اجيب غدا.
صبا: مفيش حاجه اعملها انا بسرعه .
جاسم : لا مفيش حاجات في التلاجه هنزل اشتري
صبا: اوك
جاسم نزل .. وصبا دخلت خدت دش ولبست بيجامه ودخلت لادهم كان بيرتب هدومه في الدولاب . ابتسمت وحضتنه
صبا: انا هعملهم
ادهم : انا متعود علي كده. بنظم هدومي ووكل حاجه تخصني
صبا: برافو يا قلب ماما. انا فخوره بيك جدا
ادهم : انا كمان فخور بيكي . مش مصدق انك معايا . انا كنت بحلم بيكي كل يوم. وبابي قالي انك هترجعي من السفر. بس مكنتش عارف انتي سافرتي ليه. بس دلوقتي عرفت
صبا: عرفت ايه
ادهم : سافرتي عشان تدربي وترجعي قويه .
صبا ضمته اوي. وكملو مع بعض ترتيب حاجه ادهم
وصل جاسم بالاكل ومعاه شنط كتير . ادهم وصبا خدوها منه. وهو دخل يغير.
صبا حطت الحاجات في التلاجه. وبعدين رصت الاكل علي السفره بمساعده ادهم.
خرج جاسم ليهم بلبس بيتي واتجمعو مع بعض ع السفره يتغدو. في جو عائلي دافي
ادهم خلص وقام غسل طبقه وصبا بصتله بفرحه وفخر.
صبا لجاسم: شكرا
جاسم تنح: انا
صبا: شكرا انك حافظت عليه وربيته بطريقه كويسه بعيد عن البيئه اللي هناك.
جاسم: ده ابني انا كمان . ولازم اشكرك . انك امه وجبتيلي احسن ولد شفته
صبا ابتسمت لجاسم .. جاسم: شبهك صح
صبا: جدا
خلصت صبا وجاسم الاكل وشالو. وجاسم ساعدها فيغسيل الاطباق.
ادهم : مامي بابي انا عايز انام انهارده معاكم
صبا: انا اللي هنام معاك . لوحدنا
ادهم: انا اسف اني بطلب الطلب ده. بس نفسي انام في النص ما بينكم
جاسم: موافق
صبا كشرت .. ادهم: مامي انهارده وبس
صبا: ماشي
دخلو التلاته اوضه النوم الكبيره. وصبا كانت متوتره انها هتنام في سرير واحد مع جاسم
ادهم نام في النص وصبا نامت علي اليمين وجاسم علي شماله. . ادهم وجاسر كانو فرحانين . بس صبا لا.
بصت لابنها ولعبت في شعره لحد اما نامو هما الاتنين وجاسم بصلهم شويه. قام خد تليفونه وصورهم وصور نفسه معاهم .
قفل التليفون ونام.
#حافيه_القدمين
بارت٩
👑سبحان الله عدد ما كان وعدد ما يكون وعدد الحركات وعدد السكون 👑
صحيت الصبح صبا كانت نايمه وجاسم حاضنها وادهم مش موجود .
بصت لجاسم بغل و لسه هتزعق. لقيته فعلا نايم . قامت من جنبه بسرعه. وخرجت بره الاوضه وهي بتدور علي ادهم ابنها. لقيته نايم في اوضته .
قعدت جنبه وبتلعب في شعرها وهي بتتامل في وشه .. وهو فتح عينه وابتسم ليها.
صبا باست خده : صباح النور علي احلي ادهم في الدنيا
ادهم : صباح النور مامي .
صبا: انت ليه جيت تنام هنا . مش كنت عايز تنام جنبي انا وبابا
ادهم: انا نامت شويه وبعدين اتعودت انام لوحدي
صبا: ماشي يا قلبي . قوم ادخل الحمام . وانا هجهز الفطار
ادهم : اوكي
دخل ادهم الحمام .. وصبا خرجت جهزت الفطار ليها ولابنها وجاسم كان نايم .
خرج ادهم وقعد معاها ع السفره وساكت
صبا: يلا افطر يا قلبي
ادهم : اما بابي يفطرنا معانا
صبا اضايقت : هو انا مش مكفياك
ادهم: مامي انا نفسي اكون زي الولاد . يعني عايزك انتي وبابي دايما معايا. عايز اعيش معاكم. مش هفضل طول عمري عايش في مكان وانتي في مكان تاني وبابي في مكان تالت
صبا: انا عمري ما هبعد عنك تاني
ادهم : صدقيني انا محتاج للجو الاسري
صبا باستغراب : جو اسري . انت عندك كام سنه
ادهم : ٨ . انا مش صغير يا مامي
صبا: ايه رايك انا وانت نخرج نروح ملاهي. بس الاول افطر
ادهم :مش هفطر ومش هاكول من غير بابي. انا عايزكم انتم الاتنين .
صبا نفخت في غضب مش عارفه تعمل ايه. وادهم شكله مش هيسهل المهمه عليها. ازاي هتقوله انها هتطلق وهتعيش معاه لوحدهم.
ادهم طفل بس عقله كبير. نفس يعيش في جو اسري زي ما بيشوف صحابه. وطول عمره عايش بعيد عن مامته وكمان عن حاسم بيشوفه كل فتره. مفتقد الحنان والامان والدفا الاسري
صبا: اسمع كلامي وكل
ادهم : سوري مامي. متزعليش مني. بس ده حقي انا عايز افطر معاكي ومع بابي . هتزعلني
صبا اتنهدت وكل محاولاتها مع ادهم فشلت . طلع عنيد جدا.
صبا: خلاص ادخل صحيه
ادهم : عيب مامي. مش هينفع ادخل وهو نايم .ادخلي انتي
صبا مش عاجبها الكلام : عيب ليه . انت ابنه
ادهم : في المدرسه علموني كده. مينفعش ادخل اوضه الكبار . غير لما استاذن. وبعدين كل اصحابي بيقولولي ان مامتهم هي اللي بتصحي بابهم .
صبا : ماشي يا ادهم.
قامت وهي مش متخيله ان طفل صغير بيمشيها وبيخليها تعمل اللي مش عايزاه. بس ده مش اي طفل ده ابنها. وهو حاسس انهم باعد عن بعض وعايز يقربهم
شخصيه ادهم كبيره عن سنه لانه اتربي بعيد عنهم وكمان بيشوف ويسمع كلام اصحابهم عن عايلتهم وهو كان محروم. ونفسه يعوض كل ده .
صبا دخلت علي جاسم وهو كان لسه نايم.
صبا: جاسم . (بصوت عالي) جااااسم
جاسم : ايه. ايه في ايه
صبا: قوم
جاسم كشر : خضتيني .. اقوم ليه
صبا: قوم عشان نفطر
جاسم تنح : ايه
صبا: تفطر.
جاسم : يعني انتي بجد عايزاني افطر معاكي
صبا : متعشمش ابنك هو اللي عايزاك تفطر معاه
جاسم : اه. افتكرت انتي كنت هزغرط
صبا: وبتعرف تزغرط. ما شاء الله
جاسم : هههه. لطيفه
صبا: هتقوم وله اقومك
جاسم : هقوم حاضر. روحي وانا جي وراكي
خرجت صبا وقعدت علي السفره. وساكته وادهم بصصلها ومنتظرين جاسم لحد اما خرج .
جاسم : صباح النور
ادهم : صباح النور بابي.
جاسم قرب وباسه من خده وقعد ع الكرسي جنبه.
ادهم : انت متخانق مع مامي
جاسم بص لصبا : لا
ادهم : ليه مش بوستها زي
جاسم برق .وصبا شرقت وكحت كح كح كح
جاسم : ههه . هتموتي
صبا: ان شاء الله. عدوييني
جاسم : ان شاء الله
ادهم : مامي انتي كويسه
صبا: كح. اه يا حبيبي. يلا بسم الله
ادهم : بابي. بوس مامي
صبا: مش لازم
ادهم : لازم
جاسم قام وهو طاير من الفرحه : متزعليش ادهم.
صبا بهمس : والله لتضرب
جاسم : مش مهم. قرب من خدها وباسها برقه وببطئ
وهي داست علي رجله عشان يخلص
جاسم : اااه. رجلي
ادهم : مالك يا بابي
جاسم : احم. مفيش حصل خير . كله يهون عشان خاطر عيونك
صبا بغل : ماشي.
ادهم : في ايه. مش فاهم
صبا بعصبيه : ممكن نفطر في اليوم الاسود ده
ادهم بص لجاسم. جاسم : افطر يا ابني . وعدي اليوم. قبل ما ينفجر بركان الغضب
ادهم : مش فاهم
صبا: ممنوع الكلام علي الاكل.
ادهم : اوك
جاسم ابتسم وكل وهو فرحان ولاحظ ان شخصيه صبا ضعيفه من ناحيه ادهم
خلصو الفطار ... وادهم شال طبقه في المطبخ وغسله .
ودخل اوضته. جاسم وصبا خلصو.
جاسم: تعالي نخرج انهارده وله تحبي نسافر مصر
صبا : انا بفكر اقعد هنا مع ادهم .
جاسم : بس
صبا: المشكله في ادهم . انا عايزه منك طلب
جاسم: ايه هو
صبا: قوله انك مش عايز تعيش معانا
جاسم: لا طبعا
صبا: جاسم انا مش هعيش معاك تاني. انا عايزه اعيش مع ابني في امان
جاسم : صبا والله انا اتغيرت . مش عايز غيركم . اديني فرصه
صبا: لا
جاسم ساب ودخل الاوضه .. وهي دخلت لادهم كان ساكت
صبا: دومي يلا البس ونخرج
ادهم: اوك . قولي لبابي
صبا؛ لازم
ادهم: مامي
صبا: اوكي
صبا خرجت وخبطت علي اوضه جاسم ودخلت
صبا: تعال نخرج ادهم
جاسم بحزن : ماشي. البسي
صبا : اوك
لبست صبا وادهم كمان وجاسم ونزلو التلاته. جاسم وداهم الملاهي وصبا حاست انها صغرت تاني. لعبت مع ابنها كتير لحد اما تعبت وكانت بتضحك من القلب وجاسم كان بيصورهم
ادهم كان معاه كاميرا وادها لوحد يصوره مع مامته وباباه صوره عائليه . ..
ادهم: يلا يا بابي احضن مامي
صبا: ايه . لا طبعا
ادهم زعل: ليه
صبا: عيب
ادهم : مش عيب. كل الناس بيتصورو كده . بس حتي الاتنين دول بيبوسو بعض ازاي
صبا حطت ايدها علي عين ابنها: عيب مش تبص عليهم .
ادهم : يا مامي.
جاسم : اقفي وخلاص يا صبا انتم مبتتعبوش من الخناق مع بعض
صبا: مش بنتخانق
جاسم: بتعترضو علي كل حاجه
صبا: اووف. اقف (وقفت جنبه)
جاسم : صور يا ادهم
ادهم : قربو من بعض اكتر
جاسم قرب وصبا كمان. ادهم : حط ايدك علي كتفها
جاسم عمل كده وصبا ساكته
ادهم: بصو لبعض
صبا: متخلص يا بني
ادهم: انتم اللي مش بتتصور حلو . ..
جاسم مسك دقن صبا وخلها تبصله والاتنين عينهم في عين بعض . . ادهم ضحك ولقط كذا صوره
ادهم جري عليهم وحضنهم الاتنين : انا بحبكم اوي
جاسم : وانا كمان بحبكم اوي
صبا: تعال بقي نرجع البيت الوقت اتاخر.
ادهم: انا كمان تعبت
اكلو بيتزا في مطعم. ورجعو البيت وهما تعابنين بس اليوم كان حلو اوي ..
ادهم : تصبحو ع خير
صبا: وانت من اهله. باست جبينه.
جاسم باسه وادهم دخل اوضته
صبا قاعده قلعت الشوز وقاعده بتدلك في رجليها
جاسم واقف. بصصلها اوي
صبا: نعم
جاسم : يلا عشان تنامي
صبا : هنام هنا
جاسم: واما ادهم يخرج ويشوفك
صبا سكتت وقامت مع جاسم دخلت الاوضه.
غيرت هدومها في الحمام وخرجت كان هو نايم ع السرير ومغمض عينه عشان متتخنقش معاه.
هي نامت علي الطرف السرير التاني بعيد عنه
ابتسم جاسم. وهي من التعب نامت . . 😴