👑عيلة العطارين👑
👑الفصل الخامس والعشرون
عمار :الو، اي اذيك عامله اي؟ وحشتك؟، وانتي كمان وحشتيني، لا انا هنا عند
أسرار عشان رايحين نجيب حاجة الفرح، لا طبعا انتي اللي في القلب بس هو يعني
عشان الورث وكدا زي ماقولتلك وعشان كاتب كل حاجه باسمها، لا مينفعش
النهارده خليها يوم تاني معلش، يوم تاني من أوله ان شاء الله ليكي انتي وبس ماشي يا حبيبتي مع السلامه
أسرار :حبيبتك!
عمار بصدمه :اسرار
أسرار :اه أسرار مين حبيبتك دي بقا؟
عمار :دي... دي امي، امي يا أسرار
أسرار :لا والله امك، ماشي يلا عشان مانتاخرش
عمار :يلا، ربنا يستر
بقلمي منه وائل
*************************
في دكان الحاج وليد
صبرين وهي تراقب منزل العطارين : واد يا سعيد انت يا ياولاا
سعيد :خير يا معلمه
صبرين :هو مين اللي نازل من عيلة العطار دول؟
سعيد :دا الست أسرار وعمار بيه والدكتور. يوسف وندى اخت عمار بيه
صبرين :اه قولتلي، ههههههههه اتهنوا اتهنوا عشان بعد كدا كل حاجه هتبقا ليا
بقلمي منه وائل
*************************
في الكافيه
زين :هههههههههه، والله يابنتي انا مكان في دماغي اصلا انا لاقتهم بيقولوا في دجاله في الجامعه فقولت افهم في أي ولو ان اللي بتعملي دا مش دجل يعني دا علاج باعشاب مش اكتر
هبه :ههههههههه الناس بقت من كتر التفاعلات والكيماويات اللي بتاخدها بقوا شايفين ان الأعشاب دي لا يمكن انها تعالج حد ونسيوا ان رسولنا الكريم علاجه كله كام بالاعشاب
زين :انتي جميله اوي يا هبه وذكيه وطيبه.و محترمه اوي، مش عارف مكنتش واخد بالي منك ازاي
هبه بخجل:هه، انا عاوزه امشي
زين :ليه بس ماااحنا قاعدين وبعدين ماتكلمي العصير بتاعك، طب يلا نتغدى جرسون
هبه :لا انا مش عاوزه حاجه، انا عاوزه امشي اصل اتاخرت اوي
زين :طب استني هوصلك
هبه :لا لا مالوش لزوم هاخد تاكسي
زين :لا تاكسي اي بس استنى هحاسب واوصلك
هبه :يا دين انا هروح لوحدي عشان مش هينفع اركب معاك العربيه الناس تقول اي، إن شاء الله هشوفك اول يوم امتحان
زين :طب خالي بالك من نفسك
هبه :حاضر
زين :وفكري في اللي قولتهولك
هبه بابتسامه خجل :حاضر سلام
زين :سلام
چيچي:حلوه مش كدا؟
زين :يا ساتر يارب انتي اي اللي جابك هنا
مراد :أصلها كانت فكراك مأنتم مع البنت دي بس انا فهمتها خلاص
چيچي:اقسم بالله يا زين لو ماطلعش اللي مراد قال عليه دا انا هطربق الدنيا على راسك انت وهي
زين :نعم انتي بتهددني والا اي، و ايا كان االي قاله مراد مش صحيح، اه بحبها وهتجوزها يخصك في حاجه؟
چيچي:بقا كدا ماشي يا زين ماشي
زين :لا اقعدي شويه عشان خاطري، اي القرف دا
مراد :يا زين اي اللي انت عملته دا يااخي انت كدا مش هتسلم من شر چيچي
زين :انت عبيط يا مراد هو انا من امتا بخاف من حد اصلا ولما اخاف اخاف من دي فوق يا مراد انا زين ها تعمل اللي تعمله انا مابعملش حاجه غلط
بقلمي منه وائل
*************************
في شركة عمار
مني :والله يا فندم مستر عمار اتفق على كدا مش هقدر اغير اي حاجه في العقد، اه طبعا اكيد، طب هقول لحضرتك حاجه لو غيرنا النسبه من ١٥ ل١٧ في الميه كدا يعجبك لا مستر عمار سيبه عليا، اه يافندم والله مشغول في تحضيرات في الفرح، الله يبارك فيك يافندم تمم خلاص على انصاف تاني ان شاء الله مع السلامه
ياسين :السلام عليكم
مني :عليكم ورحمة الله وبركاته، اذيك عامل اي؟
ياسين :انا الحمدلله بخير، وانتي. مني :اهو الحمدلله طالع عيني في الشغل
ياسين :هو انتي ما بتاخديش اجازه خالص؟
مني :لا باخد بس الايام دي مضغوطه عشان مستر عمار مش فاضي وكدا، الا صخبح انت استلمت الشغل؟
ياسين :اه عمار كلم مدير المستشفى واستلمته بقالي اسبوع اهو
مني:الف مبروك
ياسين :الله يبارك فيكي
مني :هاي فكره مستر عمار مش هنا
ياسين :منا عارف
مني :عارف! اومال حضرتك جاي ليه؟ اقصد يعني مشرف ليه؟ اا اقصد يووو بقا
ياسين:ههههههههههههه فهمت فهمت، انا ياستي قولت اعدي عليكي يمكن تكوني خلصتي شغل اصل انا جعان وعاوز اتغدى وانا مش بحب اتغدى لوحدي، ينفع نتغدى سوا؟
مني بتوتر :ها ااا.... هو انا يعني خلصت شغل بس..
ياسين :بس اي؟ مستنيه حد؟
مني سريعا :لا لا والله مش مستنيه حد بس يعني انا اول مره حد يكون عاوز يقعد معايا وكدا
ياسين :ليه يعني مش بتقعدي مع صحباتك
مني :انا ماليش صحاب
ياسين :اه، طيب اعتبريني صديقك الجديد موافقه
مني بابتسامه :اه موافقه
ياسين :طب يلا بينا بقا؟
مني :ماشي يلا
بقلمي منه وائل
*************************
في المول.
عمار :يا أسرار بقا بطلي هبل في عروسه تجيب في جهازك العك دا يا ماما انتي بنت مش ولد
أسرار :انا عجباني القمصان دي والبناطيل عاوزه اشتريهم
يوسف :يا أسرار مينفعش ازاي يعني
أسرار :يَوووو بقا
ندى :اسمعي الكلام يا أسرار
أسرار :يعني اجيب اي يعني
عمار :بصي دا
أسرار :نعم انا البس المسخره دي؟
عمار:اومال انتي عاوزه تلبسيلي اي ان شاء الله، دا انا كويس اني سمعت كلامك ونزلنا ننقي اللبس اصلا كل حاجه جاهزه في الفيلا بس نزلت عشان انتي ماتزعليش بس
أسرار :لا والله جيت على نفسك يا اخويا اما نزلت عشان عارفه ومتاكده ان انت ذوقك وحش
عمار :انا بردو؟
اسرار:اه
يوسف :كدا مش هنخلص بصي يا ندى روحي نقي اللي انتي عاوزاه من هناك وانا هجيب حاجه نشربها وهو يتصرف معاها بقا
ندى :ماشي
عمار :طب ودا؟
أسرار:لا
عمار بغضب :جننتيني هو اللي هيجي مش هجيب غيره بس
أسرار لنفسها :هههههه ولسه دا انا هنفخك
بقلمي منه وائل
*************************
في منزل عمار
باكينام :يا حاج افهم بس سامي الله يرحمه خلص كل فلوسه وعلي يدي ازاي بقا عمار هيضحك عليهم وياخد حقهم
عتمان :بجولك اي يا مرات اخوي اني ماليش صالح بكل ديه امي اتصلت بعمار وفهمته وهو هددني چيت افهمك بس لما أعان الحرب على عمار تبجي عارفه اني عملت اجده ليه، يا تعجلي اجده يااما ورحمة اخوي الغالي لهينجتل وفي ليلة فرحه مفهوم، بالاذن يا مرات اخوي
باكينام برعب :يالهوي عمار هيروح مني
بقلمي منه وائل
*************************
في منزل العطارين
حسين :اللي بنتك بتعمله دا غلط
جليله :وهي بتعمل اي يعني يا حاج
حسين :انتي مش شايفه عمايلها اللي يشوفها زمان لما كانت بتتحايل عليا عشان ادور عليه وارجعه مايشوفهاش دلوقتي وهي بتعمل فيه كدا
جليله :بص يا حاج انت عارف انها من بعد ماهو مشي وهي اتاثرت ومكنتش بتاكل ولا بتشرب ويوم مانسيته نسيت كل حاجه معاه ونسيت انها بنت كمان
حسين :ماهو مينفعش كدا، كدا هي هتخسر كتير اوي يا جليله
جليله :بص يا حاج عمار بيحبها. مش مستعد انه يسبها حتى لو هي عايزه كدا وعلى فكره هي كمان بتحبه فسبهم يربوا بعض بقا احنا مالنا
حسين :ربنا يستر
بقلمي منه وائل
*************************
في منزل الحاج علي
سوميه وهي تمسك الفنجان في يديها وتقول :يالهوي يالهوي في مشكله هتحصل قريب في البيت أو كذا مشكله مش مشكله واحده يا فتحيه
فتحيه :حرام عليكي قلقتيني كملي
سوميه:بس في نهاية الفنجان يعني الطريق مفتوح كدا بصي بقا انا مش عاوزه اكمل
فتحيه :كملي بس يا سوميه
سوميه :لا مش هكمل، بقولك انا عملت بسبوسه إنما اي تستاهل بوقك
فتحيه :لا مش عاوزه
سوميه :اسمعي الكلام بقا، هقوم اجبها
فتحيه :يارب استرها علينا يارب
بقلمي منه وائل
*************************
في المول
عمار :اقعدي بقا يا شيخه اي دا انا عمر ما شوفت كدا في حياتي
أسرار :اتعود على كدا بقا
عمار وهو يقترب منها بغضب :ورحمة ابويا انا ما عاوز اتعصب لحد دلوقتي اقعدي بقا، فين ندى يا يوسف؟
يوسف :انا سبتها تروح تشوف المحل دا
عمار :طب روح هاتها يلا عشان تعبت
يوسف :حاضر
ندى :اه خلاص ماشي هخد دول ميرسي جدا
خالد :الف مبروك يا عروسه بس ياترى بقا العريس عارف انك مش بنت والا عملتي عمليه؟
ندي بصدمه :خالد!