رواية عشقت حُبك الاسود
الفصل الثاني و العشرون
بقلم نانسي ايمن
مهند بقلق:يارا
مالك عينيكي مدمعه لي
يارا بحزن:مفيش حاجة انا كويسه بس اتخبطت وانا داخلة
مهند بشك:خلي بالك بعد كدا
يارا باابتسامة:بس مش غريبه شوية انك تيجي البيت ومش لوحدك كمان معاك سارة
مهند بضحك:بطلي لماضه وبعدين حبيت اجيب سارة هنا عشان مسبهاش لوحدها في الڤيلا
وتدلف صافيه الي مهند وسارة
صافيه بلهفه وحنان:مهند
واقتربت لتحضنه ولكن ابتعد مهند قائلاً:ازيك يا امي
صافيه بحزن:احسن لما شوفتكم
عاملة اي ياسارة انتي والبييي
لاحظت سارة بعد مهند عن والدته
سارة بتعب:الحمدلله كويسه
يارا ب ابتسامة:وحشتيني ياسارة في اليومين اللي سيبتك فيهم دول
سارة بابتسامة:وانتي كمان
مهند باابتسامة:تعالي ياسارة اوريكي اوضتي انا وانتي
وعشان ترتاحي شوية
ابتعدت سارة عنه وهي تنظر الي يارا بمعني الحقيني'
يارا بتردد:مهند
سارة هتنام في الاوضة بتاعتي النهاردة
عايزة اتكلم معاها شوية
لاحظ مهند خوف سارة قائلاً:طيب زي ما سارة تحب وانتي كمان انا ماشي
سارة بسرعة:رايح فين
مهند بكدب:عندي شغل كتير في الشركة
وهروح عشان اخلصه
صافيه:ما انت وسارة كنتم جاين عشان تعده في الڤيلا
بس علي العموم خليك علي راحتك
مهند وهو ينظر الي ساره بحب ووجع:سلام
ويذهب الي ڤيلاته
صافيه:مش هتاكلي حاجة ياسارة
سارة بتعب:مش قادرة اكل حاجة
صافيه:زي ماتحبي ولو عوزتي اي حاجة انا موجودة ويارا معاكي
سارة بابتسامة:لوعوزت حاجة هطلبها اكيد
وتذهب سارة مع يارا الي غرفتها
في غرفة يارا..كان هاتفها يرن ب استمرار والمتصل احمد ولكنها لم تجيب وتلاحظ سارة حزن يارا الواضح عليها
سارة ب استغراب:انتي كويسة
يارا بحزن:اه كويسة
سارة:طب ينفع تعرفيني وانتي جاية كان باين انك معيطة ليه ودلوقت موبيلك بيرن اكتر من عشر مرات ومش بتردي
يارا بتنهيدة:انا واحمد متخانقين
سارة:وايه السبب يا يارا
يارا:انا واحمد كنا في بارتي عشان عيد ميلاد صحبتي وكنا مبسوطين جدا وكنا بنرقص ايهاب شدني من ايده ورقص معايا بالعافية وايهاب دا يبقي زميلي من ثانوي ومعايا في الكليه وهو واحمد ضربه بعض وكل صحابي كانوا موجودين واكيد لما اروح الكليه بكرا هيتكلموا علي اللي حصل النهاردة وكمان اتخانقت انا واحمد
سارة:بصراحة احمد مش غلطان وهو اكيد كان غيران عليكي واكيد ادايق لما شاف ايهاب دا بيعمل كدا
يارا بحزن:بس انا مكنتش عايزة كل دا يحصل
لكن اعمل اي ايهاب ورايا ورايا
سارة ب ابتسامة:متزعليش نفسك اكيد لو احمد بيحبك بجد اكيد مش هيحب يشوفك زعلانة
وبعدين دي خناقة صغيرة واكيد هتتصالحه تاني
يارا ب ابتسامة:انتي ازاي كدا يا سارة
سارة ب استغراب:ازاي كدا يعني
يارا ب ابتسامة:كنت زعلانة ومدايقة لكن اعدت اتكلم معاكي شوية خلتيني اضحك
بجد لي حق مهند يحبك
سارة ب ابتسامة:انا وانتي اتكلمنا مع بعض وعرفنا بعض من وقت قصير لكن حسيت انك طيبة وبجد حبيتك زي اختي نور حتي انتي بتفكريني بها
وبصراحة كدا مش بحب اشوف حد زعلان بفضل زعلانة علي زعله
يارا بضحك:وانا خلاص مش هزعل
وتعالي بقي ننام دلوقت ونشوف بكرا هنعمل ايه
سارة بتعب:فعلا وانا كمان محتاجة انام
يارا ب ابتسامة:تصبحي علي خير يا سو
سارة:وانتي من اهله
وتتوجهه كل منهم الي النوم
وفي نهار جديد
——————————————
في ڤيلا فريد
تستيقظ ندي وتري نفسها علي سرير يوسف
ندي بااستغراب وهي تنطفض من السرير:
انا ايه اللي جابني علي السرير دا
يخرج يوسف من الحمام قائلاً:صباح الخير يا حبيبتي
ندي بضيق:انا ايه اللي جابني علي السرير هنا
يوسف بضحك:مابلاش تعرفي احسن
ندي:حصل ايه
فلاش باك
يوسف وهو جالس ع السرير وندي نائمة علي الارض
ينظرلها بحب ويحملها برقه ويضعها ع الفراش وينام بجانبها علي الاريكة
بااك
يوسف بخبث وضحك مصطنع:امبارح كنت نايم علي السرير جيتي وقولتيلي انك عايزة تنامي جمبي
ندي ب استغراب:ايه انا قولتلك كدا
يوسف بضحك:ايوا قولتي كدا
وبعدين فيها ايه لما تنامي جمب جوزك يعني
ندي بضيق:متقولش جوزك وبعدين السرير
دا لو اخر سرير ف الدنيا مش هنام عليه
يوسف بضحك:لو مش مصدقة هتلاقي ريحت البرفان بتاعتك علي السرير والمخدة وعلي هدومي كمان وبعدين متتعصبيش بس عشان عنيكي الحلوة دي بتحلو اكتر
ويلا عشان هستناكي تحت
ندي بغيظ:وانزل تحت ليه
يوسف ب ابتسامة:هنفطر سوا
ندي:شكلي مش هعرف اخلص منك ابدا
يوسف بثقه وهو يقترب منها وينظر علي شفايفها قائلاً:ابداً
علي السفرة والجميع مجتمع
فريد:انت مش هتنزل الشركة ولا ايه يا يوسف
يوسف:انا كنت لسه هعرفك يا بابا اني هروح الشركة من النهاردة
يوسف لندي
وهو يقبل يد ندي بحنان:معلش بقي يا حبيبتي اني هسيبك واروح الشركة لكن هرجعلك علي طول
ندي:عادي مفيش مشكلة يا يوسف
سيرين بغيظ:في اي يا يوسف ايه المشكلة يعني
انك تسيبها وتنزل تروح الشركة
يوسف وهو ينظر لندي:عشان بحبها وكل وقت بيعدي عايز اكون معاها فيه وبعدين يا سيرين دي حاجة متخصكيش بس جوابتك عليها
امل ب ابتسامة:وكلها يومين وهتكون كل حاجة جاهزة للحفلة
يوسف لندي:وبعدها ب كام يوم كدا هاخد ندي ونروح نقضي احلي شهر عسل
وانتي يا سيرين كنتي قولتي برده انك هترجعي فرنسا مش كدا
سيرين بضيق:علي فكرة اونكل فريد اللي عايزني افضل هنا مش كدا يا اونكل
فريد:طبعا يا حبيبتي هتفضلي موجودة هنا في مصر وكمان تروحي الشركة معايا انا ويوسف الفترة اللي جايه دي انتي ويوسف هتشتغلوا كتير مع بعض
سيرين با انتصار لندي:اوكي يا اونكل هكون في الشركة من بكرا
ندي بحزن:انا هطلع فوق بعد اذنكم
امل:انتي لسه ماكلتيش حاجة يا ندي
ندي:شكرا يا طنط مليش نفس اكل حاجة
ثم تذهب الي غرفتها
دلف يوسف الي غرفته ليري ندي
يوسف بحب:ينفع وحدة زي القمر كدا تبقي مكشرة
ينفع اعرف انتي زعلانة من ايه
ندي بحزن:سيبني لوحدي لوسمحت
يوسف بتنهيدة:مينفعش
ندي:مش كفاية حابسني هنا كمان مش عايز تسبني لوحدي
يوسف بحزن:مينفعش اسيبك زعلانة وبعدين انا مش جالسة هنا دا بيتك وانتي مراتي
ندي بحزن:مينفعش تسيبك رهانك زعلانة مش كدا
يوسف بوجع:هفضل اشرحلك لغايت امتي ان انتي مش واحدة لليلة يا ندي ازاي تصدقي ناس زي دول فهميني عارفة كل دا ليه هاا عشان مش واثقة فيا برده
لكن انتي عمرك ماهتتغيري يا ندي لكن انا عمري ماهبطل احبك ..انا نازل الشركة
عشان عارف حتي انك مش عايزة تشوفيني
ندي بدموع:استني
يوسف بحزن:الكلام خلص يا ندي
وينزل يوسف مع فريد متجهه الي الشركة
في كلية اللسن
في كافتريا الكليه
ريم:مالك يا يارا اعدة لوحدك ليه
يارا:مش عايزة اشوف حد يا ريم اي حد هيشوفني هيكلمني في اللي حصل امبارح وانا اسفة بجد يا ريم
لو كنت بوظتلك البارتي بتاعتك
ريم:اي يا يارا اللي بتقولي دا مش مهم اي حاجة المهم بس انك انتي اللي متكونيش زعلانة
بس طبعا بقي متخانقة انتي واحمد
يارا بحزن:ايوا
ريم بثقه:بس هيجي ويصلحك علي فكرة
يارا بضيق:كله بسبب ايهاب
ريم بضيق:جبتي في سيرت القط
ايهاب جاي علينا دلوقت
يارا بضيق:يبقي انا لازم امشي
وكادت ان تمشي ولكن اوقفها ايهاب
ايهاب:انا فضلت اكلمك كتير يا يارا ومش بتردي عليا
يارا:وهو ايه الكلام اللي بنا يا ايهاب عشان ارد
و مش كفاية اللي انت عملته امبارح
ايهاب بحده:مين اللي كان معاكي دا يا يارا
يارا ب استغراب:وانت ب اي حق تسألني يا ايهاب
وبعدين هي حاجة متخصكش بس هجاوبك علي السؤال دا ي ايهاب
احمد دا يبقي الانسان اللي بحبه
خلاص فهمت ولو سمحت مش عايزة مشاكل تحصل تاني بسببك
ايهاب بصدمه:بتحبي!!!
يارا بثقه:جداً
ولو سمحت يا ايهاب لتاني مرة انا مش عايزة مشاكل ولا بحب المشاكل لكن انا عن نفسي بحترمك وبعتبرك اخ وصديق بس كفاية كدا بقي بعد ازنك
ايهاب ب الم:ب..بس الكلام لسه مخلصش بينا يا يارا
يارا بضيق:بس خلص بنسبالي..سلام
ثم ذهبت يارا لريم
يارا بضيق:مش عارفة ايهاب دا مش عايز يطلع من حياتي ليه
ريم:مش عارفة ولا مش عايزة تعرفي
يارا ب استغراب:تقصدي ايه
ريم:ولا حاجة بس تعرفي ان عليا بتحبه جدا
وهو مش حاسس بيها
يارا ب استغراب:بتحبه
فلاش باك
في اول يوم في الكلية
يارا ب ابتسامة:ايهاب
ولاول مرة تري عليا ولكن تلاحظ عليها الحزن او كرهها لها
ايهاب ب ابتسامة:اعرفك يا عليا دي بقي يارا زملتي وغالية عني اوي اوي من ايام ثانوي ولغايت دلوقت
عليا وهي تتصنع الابتسامة:اهلا يا يارا
وهي تنظر ل ايهاب بحزن وهي تقول:ايهاب كلمني عنك كتير يا يارا وبيحكيلي انتوا قد ايه صحابي
يارا ب استغراب:طب تعالي ندخل المحاضرة بقي وبعد كدا نعد بقي ونتكلم كتير
بااك
ريم:ومش بس كدا دي كل يوم بتتعذب
لما بتشوفه مع واحدة جديدة
يارا بشفق:بجد عليا صعبانة عليا واحدة عايشة وحيدة ملهاش لام ولا اب وماتوا وسابوها مع عم عايز الحرق
ريم:هتعمل ايه يعني انا بزعل اوي لما بشوفها زعلانة هي طول الوقت وحيدة اصلاً
يارا ب استغراب:انا مش عارفة ايهاب هيلاقي فين واحدة زي عليا
ريم بدهشة:سيبك انتي بقي من ايهاب وعليا وشوفي بقي مين اللي واقف بالعربيه دا
يارا بدهشة وابتسامة:احمد
ريم بضحك:روحيله يلا انا مروحة سلام
ثم تذهب يارا الي احمد
احمد:انتي اللي زعلانة برده مش كدا
وبعدين مين ايهاب دا
يارا:انت جاي هنا عشان كدا
احمد:انا جاي هنا لسببين السبب الاول
عايز اعرف علاقة ايهاب بيكي اي بالظبط
والسبب التاني انك وحشتيني ومحبتش اشوفك
او احس ان انا مزعلك
يارا:يا احمد صدقني ايهاب دا مجرد زميل ليا مش اكتر ومن الشلة بتاعتنا بس
وبعدين مش كفاية اللي انت عملته امبارح
احمد بغيرة:كنتي عايزاني اسكت وانا شايفه بيشدك من ايدي واعد اتفرج عليكي مش كدا
انتي اللي يبصلك بس أكله بسناني
انتي ملكي ملك لاحمد عاصم وبس
يارا بحب :احمد انا مينفعش اكون لحد غيرك ولا هكون لحد غيرك اصلا
احمد ب ابتسامة:حلوة مش هكون لحد غيرك دي
يارا:ياسلام انت اللي تقرر امتا نتصالح وامتا نتخاصم
احمد بحب:مش الراجل ولا ايه
يارا بضحك:اممممم
احمد بحب:طب ينفع اكون حبيب حد غيرك
يارا ب ابتسامة:لا طبعا زي ما انا ملك لاحمد عاصم وبس ف انت ملك ليارا القاضي
وعلي فكرة انت كمان وحشتني
احمد بضحك ثم يعود لعصبيته مره اخري بطريقة مضحكة:شوفي يا يارا علي الله اشوفك وافقة مع تاني ايهاب دا زميلك ماشي كبيرك معاه صباح الخير ومش كل يوم كمان
يارا بضحك:مش عايزة حد غيرك اصلاً
احمد بحب:طب متبصليش اوي بعنيكي الحلوين دول عشان انا مش قدهم
يارا بحركة طفولية:امممم طب هنروح علي فين دلوقت
احمد بضحك:هروحك علي البيت وبعد كدا انا هروح
ع الشركة متنسيش ان امتحاناتك قربت
يارا بضحك:انت ليه ديما شايفني طفلة انا عايزة اعرف
احمد بحب:انتي الوحيدة اللي بحبها و وبنتي الاولي وكل حاجة ليا في الدنيا دي
يارا بحب:طيب وطفلتك بقي هتروح عشان تذاكر
احمد بحب يقبل يدها بحنان
ثم يتجهوا الي ڤيلا نبيل القاضي
في شركة مهند القاضي
مهند ب استغراب وضحك:مش غريبة عليك يا يوسف انك تيجي الشركة ومن بدري وكمان هتحضر اجتماع مهم وهتبقي شريك في شركتك انت وابوك
يوسف بضحك:مش لوحدك اللي خلصت كليه وبعدها مسكت شركة كبيرة زي شركة القاضي
بس هتشوف شغلي هيبقي عامل ازاي
مهند بضحك:دي حاجة تفرحني يا بني متنساش
ان احنا صحاب من زمان
يوسف بضحك:ماشي يا سيدي واه عشان منساش انت معزوم علي حفلة جوازي انا وندي كمان يومين
مهند بضحك:انا سبب الجوازة دي علي فكرة بس تمام هحضر انا وسارة
يوسف بضحك:ومنستش انك سبب الجوازة دي
بس قولي انت اخبارك اي انت وسارة
مهند بتنهيدة:بحبها كل يوم اكتر من الاول وكمان كام شهر كدا وهتوصل بنتنا
يوسف بضحك:بقي مهند القاضي اللي كان مهتم بشركته ومركزه وبس وشايل فكرة الجواز وان يكون لي عيال دي من دماغه شوف دلوقت بيتكلم ازاي وبيحب مراته والطفل اللي جايله الدنيا دا ازاي
مهند بضحك وهو يحك دقنه:وبقي يوسف فريد اللي كان مع كل وحدة شوية وبقاله سنتين بيعيد اخر سنه لي في الكليه يحب واحدة لدرجة انه يعمل اي حاجة
عشان يتجوزها ودلوقت هو المسئول عن شركة كبيرة محدش يصدق والله
يوسف بضحك:دا انت بتردها بقي بس ماشي يا مهند هندخل دلوقت الاجتماع وهفجأك
مهند بضحك:هو انا مش مطمن بس يلا ندخل
في ڤيلا فريد
بعد ذهاب يوسف وفريد الي الشركة
في غرفت يوسف وندي
ندي لنفسها:هو انا زعلته مني اوي ولا هصدقه تاني ويكدب عليا
بس يمكن يكون بيتكلم بجد ومش بيكدب عليا بس هو لو بيكدب عليا لي هيجبني هنا في الڤيلا
كان ممكن يسبني فعلاً
ثم تتذكر سارة قائلة:وحشتيني اوي يا سارة كان زماني دلوقت بحكيلك علي كل اللي انا فيه دا دلوقت
ثم تتواجه الي دولابها لترتدي ملابسها وتذهب لسارة
وبعد وقت
وكادت ان تخرج ندي ولكن منعتها سيرين من الخروج
سيرين بنظرات كره:رايحة علي فين
ندي ب استغراب:وانتي مالك اخرج ولا اروح فين
سيرين بكدب:اصل يوسف قال ان انتي ملكيش خروج من هنا انا لو عليا مش عايزة اشوفك هنا اصلا
ولا انا عارفة ازاي يوسف يتجوز واحدة زيك
ندي بغضب:انتي زودتيها اوي وبعدين انتي مالك ومالي انا ويوسف انا مراته وانا وهو احرار مع بعض
وانا دلوقت هخرج من هنا وعايزة اعرف بقي هتمنعيني ازاي
سيرين بضحك:مراته انتي فاكرة يوسف هيفضل متجوزك كدا كتير ولا ايه انتي كبيرك معاه كام شهر وبعد كدا هيزهق منك ويرميكي ويشوف واحدة تانية وخروج من هنا منتيش خارجة ومتنسيش نفسك واعرفي كويس انتي مين ها يا حلوة
ندي بحزن وغضب:انا مش هرد علي وحدة زيك
وكادت ان تخرج ولكن نادت سيرين علي بعض الحراس لاخذ ندي بالقوة الي غرفتها
ندي ببكاء:انتي ازاي تعملي كدا وانتوا ابعدوا عني
سيرين بصوت عالي:طلعوها علي فوق وهتولي مفتاح الاوضة بعد ما تقفله عليها
ندي ببكاء وهي محبوسة بغرفتها
تتذكر كلام سيرين وكلام ماهي وشريف لها
واعتقدها ان يوسف هيسبها
ثم تاني لها حالة عصبية و تكسر كل شي حولها
وهي تبكي قائلة:خرجوني من هنا
سيرين بكره شديد:يا انا يا انتي هنا ياندي في الڤيلا دي ومع يوسف
بعد انتهاء الاجتماع بين شريكات كبري مثل شركة القاضي وشركة فريد يخرج كل من مهند ويوسف
مهند بضحك واستغراب:مكنتش اتخيل انك تخلص الديل المهم دا يا يوسف بجد فجأتني فعلاً
يوسف بضحك:قولتلك وبعدين مكنتش مصدق
يوسف ب استغراب:استني بس كدا اشوف الموبيل دا رن اكتر من ست مرات
مهند:طب شوف مين
يوسف:اي كل الاتصالات دي يا امينه/احدي الخادمات
حصل حاجة ولا ايه
امينة:يوسف بيه انا كلمتك عشان ندي هانم محبوسة في الاوضة بتاعتكم فوق وعمالة تكسر كل حاجة في الاوضة وبتعيط
يوسف بصدمة:بتقولي ايه
مهند:في حاجة يا يوسف
يوسف بعصبية:مهند انا لازم امشي دلوقت وهبقي اكلمك بعدين
مهند:ماشي بس ابقي طمني
يوسف لامينه وهو متجهه الي ڤيلا فريد
يوسف بغضب:احكيلي ايه اللي حصل لندي هانم بالظبط ومين اللي حابسها
امينة بخوف:س..سيرين هانم
ندي هانم كانت لابسه ونازلة لكن سيرين هانم وقفتها وقالتلها ان حضرتك مانعها من الخروج ولما رفضت
بعد كدا امرت الحراس يطلعوها لاوضتكم بالعافية ويقفلوا عليها بالمفتاح كمان ودلوقت ندي هانم كانت عماله تكسر اي حاجة في الاوضة وبتعيط الحقها يا يوسف بيه
وكمان الهانم الكبيرة مش موجودة
يوسف بحده:سيرين لما اجيلك بس واطمن علي ندي
هتشوفي انا هعمل معاكي ايه
في الشركة في مكتب مهند القاضي
السكرتيرة:في واحد عايز حضرتك برا
مهند:مقلش اسمه ايه
السكرتيرة:اسمه احمد عاصم صاحب شركة عاصم جروب
مهند:اه طب دخلي بسرعة
احمد ب ابتسامة:اقول ازيك يا مهند ولا استاذ مهند عشان في الشغل بقي
مهند بضحك:مهند عادي وبعدين مش غريبة شوية انك جاي تتكلم معايا هنا في الشركة
احمد:انا جايلك هنا في شغل انا كنت عايز اكبر شركة ابويا وعارف ان هبدأ من الصفر لكن في مشاريع وصفقات لو نفذتها كام شهر او سنه بالكتير والشركة هترجع زي الاول واحسن
مهند:وانا معاك في اي حاجة
احمد:تمام ودا المشروع اللي هنفذه راجعه كويس وهستني ردك
مهند:تمام وهقولك رائي بصراحة
احمد:وانا هكون مستني ردك
مهند بتردد:ب...بس انا كنت عايز اسالك واتكلم معاك في موضوع تاني
احمد ب استغراب:واي هو الموضوع
مهند بوجع:والدتي
احمد ب استغراب:مالها طنط صافية
مهند:عايزاك تحكيلي عنها عشان انت عارف
ان انا ويارا واحنا صغيرين مكناش معاها ولا نعرف
اي حاجة عنها
احمد ب ابتسامة:هحكيلك يا سيدي...
في ڤيلا نبيل القاضي
كانت سارة تتجول في غرفت مهند وتري مكتبه وكتبه المنظمة بشدة وتراي صورته هو ويارا وهو يبتسم
سارة ب ابتسامة وهي تحمل هذة الصورة وتحسس عليها برقة
ولكن يقطعها من ياتي خلفها
يارا بضحك:قفشتك بتعملي اي بقي في اوضت مهند
سارة وهي تتنفس بسرعة:يارا خضتيني افتكرتك مهند
يارا بضحك:اعترفي بقي انك بتحبي ومتكابريش
سارة ب استغراب:انتي كويسة يا يارا اصل شيفاكي بتضحكي وجاية بدري مش غريبة شوية
يارا بضحك:هنقر يا سارة ولا ايه وبعدين انا جيت بدري عشان اذاكر بعد ما احمد صالحني
سارة بضحك:وانا اقول انتي بتضحكي ومبسوطة ليه
كادت يارا ان تتكلم ولكن قطعهما دخول مهند
في ڤيلا فريد
يدخل يوسف بغضب
وهو ينادي علي سرين بصوت عالي
يوسف بصوت عالي:سررررين
سيرين بخضة:يوسف انت جيت بدري
يوسف بحدة:هاتي المفتاح
سيرين بتصنع الاستغراب:مفتاح ايه
يوسف بغضب:عايزة تعرفي مفتاح ايه مفتاح اوضتي
انا وندي اللي انتي قافلة عليها فوق
ويمسك يدها بعنف قائلاً:هاتي المفتاح وابعدي عن وشي عشان مش عارف ممكن اعمل فيكي ايه دلوقت
سيرين بخوف:المفتاح اهو
يجري يوسف ليفتح الباب ويري ندي
وكانت امينة خلفه
يفتح يوسف الباب
ولكن ينصدم
يري كل شي ممزق مكسر ويري ندي وهي جالسة علي الارض
يوسف بخوف علي ندي:ندي انتي كويسة
ندي بوجع وصوت مبحوح:حاسب ايدي بتوجعني
يري يوسف ذراع ندي ويراه ازرق نتيجة من عنف احد الحراس معها
يوسف بغضب:مين اللي عمل فيها كدا يا امينه
امينه بحزن علي منظر ندي:حد من الحراس اللي تحت يا يوسف بيه
يوسف لندي وهو يحسس علي وجهها برقه:متخافيش انا جمبك يا ندي..امينه لو سمحتي لبسيها چاكت تاني ونزليها تحت
امينه ب ايجاب:تحت امرك يا يوسف بيه
ينزل يوسف بغضب ويجمع جميع الحراس اليه ثم تنزل لندي ليوسف
يوسف بحده وصوت عالي:انا عايز اعرف مين فيكم اللي دخل ندي هانم بالعافية..محدش هيتكلم..
لو محدش اتكلم كلكم هتطرده
احدي الحراس يتقدم:انا اللي طلعت ندي هانم فوق بس سيرين هانم هي اللي امرت بكدا
يوسف بحده وزعيق:مسكتها ب اي ايد من اللي اتنين دول..اتكلم
احدي الحراس:باايدي اليمين يا يوسف بيه
يمسك يوسف يده بعنف ويكسرها:ودي عشان بعد كدا تبقي تفكر تلمس ندي هانم
ندي بخوف:خلاص يا يوسف كفاية كدا ايده هتتكسر يوسف بحده:والكلام ليكوا كلكم اللي هيقرب لندي هانم بعد كدا مش هيتكسرله ايد لا هيطرد من هنا خالص
انتوا سامعين..امشوا كلكم من وشي
يوسف لندي:ندي انتي كويسه يا حبيبتي
ندي بخوف وصوت مبحوح:ينفع نمشي من هنا يا يوسف حتي لو شوية انا مش عايزة اعد هنا
يوسف باابتسامة:زي ما تحبي يا ندي
انا هعمل اي حاجة انتي عايزها
ثم تمسك ندي يد يوسف ولكنها تشعر بالامان وبالحماية
يوسف بحده لسيرين:وانتي ارجع من هنا الاقيكي سافرتي او بعدتي عننا خالص انتي فاهمة
ثم يذهب مع ندي الي الخارج..
في ڤيلا نبيل القاضي
يدخل مهند الي غرفته ولكن يري سارة ويارا بغرفته
مهند ب ابتسامة عندما راي سارة:انتوا بتعملوا اي هنا
سارة ب احمرار وجهه:احنا..احنا..
يارا بضحك علي سارة:مفيش يا مهند انا كنت في الاوضة بتاعتك وسارة كانت بتدور عليا ف لقتني هنا وكنا ماشين دلوقت
مهند بضحك:انتي اللي كنتي في اوضتي وسارة هي اللي كانت بتدور عليكي اااه
يارا بضحك:مش مصدقني ولا ايه
مهند وهو ينظر بحب لسارة:لا مصدقك طبعا
يارا بضحك:انا ورايا مذاكرة ومش فاضيلكم سلام
سارة بدهشة لان يارا ذهبت الي غرفتها
ولكن تبقي في الغرفة مهند وسارة فقط
سارة بتردد:ا..انا كمان همشي
مهند ب ابتسامة:يارا بتذاكر هتروحي تعملي ايه وبعدين ما انتي هنا في اوضتك برده
ثم يحملها برقة الي السرير قائلاً:وبعدين انتي لازم تستريحي وتاكلي كويس ولا نسيتي كلام الدكتورة
ثم تدلف هنية وهي تحمل كوب من اللبن بالعسل
مهند بضحك:واللبن وصل كمان شكرا يا دادة
هنية:تحب اجبلك حاجة تانية يا مهند
مهند:لا ولا حاجة تانية يا دادة حضري بس انتي الغدا كمان نص ساعة وشوفي مام..صافية هانم اخدت ادويتها ولا لسه
هنية:حاضر الغدا نص ساعة ويكون جاهز
ثم تذهب هنية
مهند ب ابتسامة:اتفضلي اشربي
سارة:مش بحب اللبن
مهند بحب:هتشربي
سارة وهي تبعد اللبن بعيد عنها:بقولك مش بحبه
وبعدين كمان مش بحب اشم ريحته
مهند ب ابتسامة:بس بنتنا محتاجة انك تشربي اللبن دا ينفع
وبعدين دي مش مره وخلاص هتشربي كل يوم
سارة:بس طعمه وحش اوي
مهند بضحك علي منظرها الطفولي:معلش اشربي وبعدين لو شربتي هجيبلك نور هنا عشان تشوفيها
سارة بفرح:بجد هشوف نور
خلاص لو عشان خاطر بنتنا..اقصد بنتي يعني ونور ف انا هشرب اللبن دا كله
مهند بضحك:شاطرة يلا اشربي كله الوقت
مهند:ينفع اطلب منك طلب
سارة ب استغراب:طلب ايه
مهند:في حفلة النهاردة معزوم فيها كل اصحاب الشريكات الكبار ف ينفع تيجي معايا
سارة ب استغراب:هو انا لازم اكون موجودة
مهند ب ابتسامة:لازم
سارة بتفكير:حاضر هاجي معاك
مهند ب ابتسامة وهو يقترب منها:بس معنتيش بتخافي مني وبتتكلمي معايا يعني
سارة بخوف:انت بتقرب ليه يا مهند وبتقول كدا ليه
مهند ب ابتسامة:متخافيش مني انا مش هعملك حاجة
ولا هقربلك غير لما تكوني انتي عايزة
نسيتي وعدي ليكي ولا ايه
ارتاحي انتي بس الوقت وكمان شوية وهننزل عشان نتغدا تمام
سارة ب استغراب من كلامه ورقته معها:ماشي
ثم يذهب مهند الي مكتبه بالڤيلا اما عن سارة
سارة لنفسها:معقوله بيتكلم بالرقه والطيبة دي مش معقولة يكون اتغير مش معقول
في مكتب مهند وهو يراجع بعض الاوراق
تدلف اليه صافيه وهي مرهقة قليلاً
مهند بقلق وخوف علي والدته:ماما انتي كويسة
اسف اقصد صافية هانم انا خفت بس تكوني تعبانة
ولا حاجة
صافية ب ابتسامة:جيت عشان اشوفك
مهند بوجع:وشوفيني خلاص بعد اذنك
توقفه صافية وتحسس علي وجهه بحنان الام
وهي تقول :انت انسان طيب
مهند بوجع وسخرية:وشوفتي دا بقي فين
صافية ب ابتسامة:اصلك طيب
مهند يا حبيبي متخليش الذكريات اللي عشتها والظلم والسواد دا ياثر عليك
مهند بضحكة مليئة بالوجع:هو لسه ماثرش
للاسف الحقيقة ديما بتوجع
بس انا اسف دا اللي اتبقي من ابنك اللي سيبتي وعمره ست سنين واللي فضل يسمعهوني نبيل القاضي وتربيته وزرع الكره جوايا عارفة ليه عشان سبتيني انتي السبب في كل حاجة حصلتلي عن اذنك
صافيه بدموع:صدقني انا مسبتكمش ب ارادتي يا مهند ولازم تعرف الحقيقة بقي
مهند بوجع وحدة:ميهمنيش اعرف خلاص ولا عندي استعداد اتوجع واتصدم تاني..
انا ماشي
في ڤيلا فريد
فريد بحده:.....؟؟؟؟؟؟؟
ايه اللي ممكن فريد يقوله؟؟
وايه السبب اللي بعد صافية عن ولادها والسبب في كل الوجع اللي مهند عاشه هو ويارا وسبب في تحويل شخصية مهند للكره والانتقام
وممكن يحصل ايه بعد كدا مع احمد ويارا
ويوسف وندي هيفضلوا كدا كتير وممكن سيرين تعمل ايه عشان تبعدهم عن بعض
وهل رامي هيسيب مهند القاضي في حاله
وسارة ممكن تسامح مهند وتحاول ترجعله حياته من تاني