رواية تزوجتك غصب
الفصل الثالث والثلاثون
بقلم حوراء الشمري
رسل..گعدت الصبح اباوع الساعة ب2 الضهر عزااااا..شگد نايمة خرب...
باوعت للفراش لگيته ماهوه..اكيد ماهوه بالشغل..گمت سبحت و بدلت و نزلت جوة......
هاا صباح الخير..أاا قصدي مساء الخير😂
ام ابراهيم و سناء..ههههه هلا مساء النوور
ام ابراهيم..يمة شبيج..مريضة تعبانة و نايمة لهسه مو عوايدج بعد امج
رسل..خالة و اللة ماا ادري شبيه هالأيام اتعب هواية بلا سبب
سناء..خاف حامل ولج
رسل..لا يمعودة
ام ابراهيم..ليش يمة يجوز صدك حامل صارلهاا شكثر ما جايتج ؟!!
بيج قصص وروايات منقولة الفارس
رسل..لا خاله ما بيه شيء و اعراض حمل ماا عندي..هيج شوية تعب بسيط
ام ابراهيم..لعد يمة اذا هيج تعبانة شلون اتكدرين اتروحين للنجف..
رسل..صفنت بيني و بين نفسي لأن ابراهيم گايللهم...لااا خالة عادي اكدر اروح ماا بيه شيء
ام ابراهيم..على راحتج يمة بس ديري بالج على صحتج زين ياا بعد عمري..
رسل..إن شاء اللة خالة...
مشه اليوم طبيعي و بالليل بالـ9 نطلع للنجف ان شاء اللة..
..صارت بألـ9 بالليل و اني امبدلة ملابسي و امكملة كل شيء بس شوية تعديلات اعدل بشكلي عالمراية..دخل ابراهيم..
ابراهيم..يله حبيبي صارلج ساعة شتسوين ؟!!
رسل..و اني اعدل شالي..دقيقه ابراهيم بس شوية
ابراهيم..لزمها من ايديها و سحبهاا يريد يوخرهاا عن المراية..وووولج يللللللة
رسل..و هي تضحك..بس دقييييقة😂
ابراهيم..دمشييييي..سحبتها و نزلتهاا غصباً عليهاا..
رسل..وخرني ابراهيم عن المراية و اني اضحك..نزلنه جوة سلمنه على خالتي و سناء...علي و رعد بالشغل موو هناا...
تباوسنه و سلمنه على بعض و ابراهيم كذلك...
طلعنه للطارمة..ركبت بالصدر و ابراهيم راح حتى يفتح باب البيت...فتحه و اجه حرك السيارة يريد يطلعهاا..
ابراهيم..و هو يحرك الگير..خوو ماا ناسية شيء ؟!!
رسل..لا برهومي ماا ناسية...طلع السيارة و رجع سد الباب و سلمنه عليهم آخر مرة و توكلنه...الساعة ب9 و نص و احنه بالسيارة.....اباوع للطريق و اني صافنة ماا امصدگه راح ازور اهلي بعد كل هاي المدّة..كسر الصمت كلام ابراهيم..
ابراهيم..هاا حبيبي عليمن صافنه..؟!!
رسل..امممم هيج..تتذكر أول ماا رحنه بأربعينية أهلي اللة يرحمهم و اني گاعدة وره المقعد مالتك..بوكتها چنت اتخنزر بيه..
ابراهيم..هههههه من حُبي و غيرتي عليج اخنزر بيج
بيج قصص وروايات منقولة الفارس
رسل..امممم
ابراهيم..احبج
رسل..اممم امووت عليك..
ابراهيم..فدوة لهالحلگ
رسل..يوووو😂..رايحين للزيارة الزم لسانك شوية😂
ابراهيم..انچبي...انتِ أصلاً ماا تتحملين يوم كامل اذا ما اتغزل بيج ام حلك
رسل..اي هم صحيح😂
ابراهيم..لعد اششش حلگج سدي و رجعي باوعي للجامة لا اشمرچ منهاا
رسل..هاا..تشمرني اني..و بهالليل..
و بهالمكان هذا..
ابراهيم..ضحك..مو المشكلة گلبي ماا ينطيني لو بأيدي اشمرج منانة😂
رسل..ههههه ادري بيك ماا تگدر تشمر رويحتك
ابراهيم..لااا..امووت
رسل..لعد اسكت😂
ابراهيم..جبت ايدهاا و خليتهاا على گير السيارة و خليت ايدي فوگ ايدهاا...
موو اتجرين الگير ليگدام ولج لا انموت..
رسل..ههههه لااا ماا اسوي شيء😂
..گضيناها الطريق كله سوالف لحد ماا نعست و نمت و اني ماا ادري بروحي..
ابراهيم..شفتهاا نامت..طلعت تليفوني و اني امركز بالطريق..شكلت التلفون عالأواكس و طلعت اغينة ترهم و عليتهاا حيل..
رسل..گمزت من نومي و اني لازمة صدري..يمممممة منووووه ويييينه ويينه
ابراهيم..طفيت الأغنية و اني اضحك عليهاا...علمود ماا اتنامين و اتعوفيني بعد..
رسل..يووو ابراااهيييم و اللة خرعتني حرام عليك
ابراهيم..خلي نوصل و نامي على كيفج..شلون اتنامين و اتعوفيني ولج
بيج قصص وروايات منقولة الفارس
رسل..ماا انام يله ماا راح انام..حاولت اقاوم النعاس بس مگدرت نمت..
ابراهيم..شفتهاا سكتت باوعتلهاا نايمة..ضحكت و عفتهاا اتنام..بألـ1 و نص بالليل وصلنة للنجف..طبگت السيارة بگراج النجف و اني انده برسل على كيفي...حبيبي..رسولتي اگعدي وصلنه..
رسل..گعدت بسرعة و اني اباوع من الجامة..هاا وصلنة ؟!!
ابراهيم..اي حبيبي يله ننزل
رسل..نزلنه اني وياه و هو لازمني من ايدي بكل قوته عبالك مدري وين راح انهزم منه😂...وصلنة للأمام علي (ع) بقينه ندخل تفتيش وره تفتيش بوكتها چنت لابسة بنطرون و فوگاه بدي طويل فوك ركبة الرجل بشوية بس امرتب و مستور حيل..ماا قبلن المفتشات بيه..انطني إحرام مال صلاة لبسته و طلعت شفت ابراهيم من بعيد يأشرلي..رحلته
ابراهيم..و هو مبتسم..هاا هنه لبسنچ اياه..؟!!
رسل..ضحكت..اي
ابراهيم..اي احسن..لزمتهاا من ايدهاا..يله امشينه
رسل..دخلنه للحضرة و اافييشش ياا ريحتهاا..كلنه حاسّين بهالأحساس..زرت و اندعيت ربي يحفضلي ابراهيم حبيبي و دنيتي كلهاا..و يخليلي خالتي و أهلي كلهم..دعيت ربي يغفر ذنوبي و ذنوب أهلي و يجعل مثواهم الجنة بأذن اللة..
ربي مثل ماا اخذت اطفالي مني عوضني بالأحسن ياا اللة..متفائلة بكل الخير و صابرة على كل شيء منك ياا رب العالمين..انت التاخذ و انت التنطي..ربي فدوة اروحلك عوضني بطفل يفرحني و يفرح ابراهيم و ينور حياتنه بعد ماا جانت مضلمة قبل سنتين يااا أمير المؤمنين استجاب دعواتي أول مرة اطلب منك حاجة ياا كافل الأيتام و اني يتيمة و أهلي راحوو مني..حققلي اللي اببالي ياا رب العالمين اذا چان بي مصلحة زينة الي و لزوجي و اذا چانت مو زينة ف انت أعلم ياا اللة..و اني رافعة ايديه عالضريح و ادموعي تجري و أدعي من كل گلبي يستجاب رب العالمين دعائي...
و أبو الحسنين يحققلي اللي اببالي..رجعت شفت ابراهيم بالمكان اللي اتفقنه عليه...بعدهاا رحنه لمطعم تعشينه و فرينة الأسواق كلها و جبنه حاجات النه و لخالتي و سناء..اشترينة حلويات و بالأخص الدهينة و كرزات و طلعنه للفندق لأن هواي افترينه اليوم...رحنه للفندق و اختارينه غرفة حلوة و امرتبة...اني اول ماا دخلت للغرفة شمرت نفسي عالچرباية بتعب..
ابراهيم..و هو يسد الباب و يضحك..ههههه لهالدرجة تعبانة ولج ؟!!
رسل..اي و اللة ابراهيم حيل..احس رجليه متكسرة
بيج قصص وروايات منقولة الفارس
ابراهيم..لعد يله يعمري نامي حتى باچر من وكت نطلع للمگبرة
رسل..حطيت راسي عالمخدة بدون ماا ابدل ملابسي نمت و حچيت..ماشي
..گعدت الصبح على صوت ابراهيم يگعدني و يهز بيه على كيف...
ابراهيم..رسووولتي..حبيبي اگعدي يلة كاافي نوم
رسل..همم شنووو😴😴
ابراهيم..شنوو شنو..گومي يلة الساعة ب7 الصبح گومي ولج
رسل..بس شووية😴
ابراهيم..هااا بطريقتي اگومچ ؟!!
رسل..اعرف شنوو طريقتة من يگعدني لوو عضة لو گرصة علمود هيج گمزت و حچيت و اني افرك بعيوني..يووو گمت گمت..
ابراهيم..ههه عفية
رسل..گمنه بدلنه و تريگنه و طلعنه من الفندق بوجهنة للسيارة للمگبرة...
أول ماا دخلنه للمگبرة احس روحي طلعت من مكانها و احس بيهاا اتريد تركض قبلي لگبور أهلي..دموعي بدت تجري على خدودي و اني اباوع من الجامة عالگبور...دموعي بدأت اتزيد اكثر و اكثر كلما اتذكر ذكرياتي و أحلى أيامي صارت ويه أهلي..بكل لحضة عشتهاا وياهم ابچي عليهاا بحزنهاا و بفرحهاا..يااا ريتهاا ترجع بس شيرجعهاا و أهلي نااموو من زمااان..أحس روحي مشتاقتلهم..مشتاااقة لحضن أمي اللي ماا يتعوض و لا يتبدل و يبقى مكانة خالي و محد يمليه...حضن أمي و ابوي احلى شيء چنت احس بيه بالأماان و الفرح..و اني بحضنهم أحس حاميني من كل شيء حاميني من النااس...من عيونهم..من كلشي..بس للأسف هالشيء خسرتة قبل 3 سنين بأقوة صدمة بحياتي اجتني و اني بعُمر 15 سنة..دموعي تجري عشرة عشرة و اني اتذكر كل لحضة و كل دقيقة مريت بيها وي اعزاز گلبي أهلي...
وصلنة للگبور مالتهم و اني رجلية ماا حملتني..فتحلي ابراهيم الباب و نزلني گوة و اني دموعي شلال و وي كل دمعة شهگة وجع..شهگة حزن..شهگة شوگ..
أحس جسمي هِدل و راسي تدور بيه الدنيا..لزمني ابراهيم و سندني..وصلتلهم و شمرت نفسي على گبرر أمي و اني اعاتب بيهاا هي و ابوي و أضرب على گبورهم...
وووولج مااااماااا....يررروووحي اگعدي ليش خليييتيييني وحدي لييش...باااباا فدوة اروحلك ادري بيك تسمعني...ليييش يتمتوني هااا...جاوبوني ليش عفتوو ابنيتكم الوحيدة و هي توهاا صغيرة و ماا فاهمة شيء من دنيتها..يمممة ياا بعد حيلي اگعدي اريد احضنچ مشتاقتلج حييل شبيييييج وياااااي..مشتاااقه لحضنج انتِ و ابوووي عزيز گلبي...ارجعولي و اللة ماااا اكدر اتحمل بعد..انهد حيلي و اللة ماا بيه حيل...أجر النفس مني بالگوة..گوه احرك رجلية و سادنتها و اجيتكم...
فهووودي حبيبي...يروح اختك رحت من عندي ليييش...عفت اخيتك وحدهاا ماا فكرت بيهاا ماا گلت خطية اخيتي منوو الهاا..منوو يحميها من هاي الوادم..منوو يسندهاا و حزام ضهرها يكون...
ارجعوووولي يمااااي عيوووني ارجعووو....بااااباا انت موو بألسانك گلت اتمنى اشيل ابنج بين اديه و ابوسة و ادلله...اتمنى اشوفج بفستان العرس و اخليج بحضني و أوصّي نسيبي عليج...بااااباااا هااذياه نسيبك(إتأشر على ابراهيم و هو يحط ماي ورد على گبورهم)...هااااذيااه يم راس گبرك واگف...بس اطلع...اطلع شلّك بهالنومة...فهوودي عزيزي اگعد وينك وين الگبر خديداتك راحن من التراب يااا بعد روحي ياا خوية(تمسح التراب اللي صاير على اسمة)...عمرك 6 سنين ششفت من حياتك و رحت عنهاا و ودعتني...يمممة اگعدوو انتِ و بابا كااافي متت من وراكم..كااافي نووم اگعدوووووو...
ابراهيم..ارش ماي ورد على گبورهم و اني لازمهاا من چتافها بقوتي و عايفهاا اتعاتب بيهم و تحجي و تضرب عالگبور..ماا تحملت الوضع اللي هي بيه و ادموعهاا اللي تجري زرفت گلبي..گُبل شلتهاا و اني اريد اوديهاا للسيارة بس ماا اتريد اتهد گبر أمهاا...
بيج قصص وروايات منقولة الفارس
رسل..عوووفني ابرااااهيييم اريد ابااات هناا..رووح انت..اني ابقى يم أهلي ماا اخليهم وحدهم...
ابراهيم..زادت عصبيتة..رسسسل كااافي تخبلتي..اتباتين هناا شنوو ؟!!...يله كاافي گومي انطيتج مجال زايد..يلة گومييي
رسل..ماااا ارييييد ماا اريد
ابراهيم..يعمري انتِ ليش اتخليني اصير مو زين وياج و اغير أسلوبي...لحد الأن اني زين وياج...گومي كاافي اقريلهم الفاتحة و گومي مو زين عليهم هيج
رسل..وووخر عنييي ابراااهيم فدووة عوووفني
ابراهيم..ماا تحملت لزمت أعصابي گوة و جريتهاا للسيارة و سديت الباب عليهاا و هي تبجي..صعدت للسيارة و شخطتهاا گُبل لبغداد....
رسل..بعد نص ساعة تقريباً و احنه بالسيارة محد حچه و لا گال شيء..صافنة و حاطه راسي عالجامة و اني اباوع للطريق بكل هدوء و اني احس بحلگي يابس و ميتة عطش..
و وجهي ياابس من گد الدموع....انداريت بوجهي على كيف لجهة ابراهيم و هو يسوق و كسرت الصمت بصوتي المبحوح......ابراهيم
ابراهيم..أول ماا شفت رسل بحالة يرثى لهاا و منهارة كلياً و هي تبجي و تلطم عالگبور...ماا تحملت منضرهاا و هي تبجي گدامي و تتعذب..حچيت وياها بالسياسة ماا قبلت..اضطريت استخدم غبر أسلوب وياهاا..سحبتهاا غصباً عليهاا للسيارة و طلعنه گُبل من النجف....
نص ساعة تقريباً بالسيارة و اني عيني عليهاا اباوعلهاا صافنة عالطريق و عيونهاا حُمر و خشمهاا احمر...ضربت الستيرين بعصبية و خليتهاا ساكتة و هادية طول الطريق محد حچه...الا ان كسرت الصمت صوتها الگطعلي گلبي و گالتلي ابراهيم...درت وجهي عليهاا بسرعة و حچيت...يروحي..
رسل..بصوت مبحوح..عطشانة
ابراهيم..فتحت الچكمچة و انطيتهاا بطل الماي..(الصندوق الصغير اللي يصير مقابيل المقعد اللي جنب مقعد السايق)
رسل..شربت المااي و رجعته لمكانة و رجعت لهدوئي..
ابراهيم..شلون يعني راح تبقين هيج ؟!!
رسل..درت وجهي عليه..شنوو ابراهيم ؟!!
ابراهيم..احچي سولفي صارلج ساعة ساكتة و اني بالي يمج عبالي بيج شيء..حبيبي لااا اتخوفيني عليج..بيج شيء يوجعج شيء..
رسل..تنهدت و رجعت طبيعية..لااا و اللة ماا بية شيء..
ابراهيم..متأكدة ؟!!
رسل..اي و اللة..ماكو شيء
ابراهيم..ماشي حبيبي..
بيج قصص وروايات منقولة الفارس
رسل..رجعنة للصمت و الهدوء بعد ماا حسيت بالملل و النعااس..نمت..
...........
گعدت و اني افتح بعيوني على كيف..اباوع داير مدايري..نايمة عالچرباية و ملابسي متبدلة و شعري مفتوح..تفاجئت و ابتسمت اكيد ابراهيم
..شگد حنين..چنت صافنة عالسگف و اني ماا املاحضة وجود سناء اللي خرعني...
سناء..هااا ولج..شلوونج ؟!!
رسل..يممممة..اسم اللة الرحمٰن...شوكت(متى)اجيتي ؟!!
سناء..و اللة من زماان هناا ام كفشة..بس بقيت ساكته گلت لشوكت تخلص صفنتچ😂
رسل..هههه و اللة ماا ادري بيج دووم..شلونج..الكل شلونهم
سناء..هههه تماام الحمد اللة كلنه زينين..انتِ شلونج صحتج شلونهاا ؟!!.. ابراهيم يگول تعبانة..و بقيت يمج هناا
رسل..لا و اللة بس من گد التعب شوية حسيت بصداع قوي و ماا حسيت على نفسي و نمت..
سناء..ماا بيج غير العافية يعمري..
تدرين بيش الساعة هسه😂؟!!
رسل..بيش ؟!!
سناء..بالـ3 الضهرر يحضي😂
رسل..عززااا شمدريني غير تعبانة
سناء..وجهج أصفر يالخبلة گومي ننزل جوة سلمي على خالتي..اكليلج لگمة و ارتاحي..
رسل..يروحي انتِ...تگابلنه اني وياج مناا و رايح على ماا ترجع هدى😂
سناء..هم عايزة اعاشرچن امهات الوصخ الخبلات..گومي يله گومي
رسل..ههههه يلة امشي...
بعد مرور شهرر !
''''''''''''''''''''''''""""""""
رسل..گاعدين عالسفرة نتغدة و نضرات ابراهيم اليه ماا تگعد راحة😂...
علي..هاا ابراهيم خوية استقرر شوية استچن على كيفك😂
ابراهيم..دنجب
بيج قصص وروايات منقولة الفارس
رعد..اي و علي اففيييش..صدك انجب
علي..اهوووو خلي اسكت احسن كل ماا احجي لازمين حلگي اني الكم بسيطة..يااا رب سنونهم اتسوس بداعت جدتي طابوگة😂
رسل..و ليش اتسوس يعني ؟!!😂
علي..علمود اشلعهاا الهم بطريقتي الخاصة اله ماا اخليهم يشوفون الأخرة بعيونهم😂
رسل..استغفر اللة ياا ربي..دسكت يلة اسكت😂....
جاي احجي و الخاشوكة بأيدي فجأة أحس بطني دتگلب و محتاجة اتذب الأكل اللي اكلته..ركضت للمغسلة و اني لعبانة نفسي حيل..ذبيت من راسي و بقيت واگفة أجر النفس گوة..فجأة حسيت بأيدين تلزم راسي اتريحني من الدوخة..انداريت عليه..ابراهيم...
ابراهيم..شبيج يروحي شجاچ ؟!!
رسل..ماا ادري ابراهيم بس لعبت نفسي شوية ماكوو شيء..
ابراهيم..شنوو ماا بيج شيء املاحضچ اليوم وجهج أصفر..شبيج احجي ؟!!
رسل..و اللة مــ...فجأة حسيت بدوخة كلش قوية و اني اشوف 3 أبراهيم گدامي..حسيت بسواد بعيوني و بعدهاا غفيت عن الدنيا..
..گعدت و أني احس بوجع براسي و ريحة معقمات و ديتول بالمكان...اباوع گاعدة بغرفة مستشفى و ابراهيم گاعد يمي و صافن عليه....هااي شنوو شجابني لهناا..؟!!
ابراهيم..الحمد اللة عالسلامة يعمري
رسل..اللة يسلمك..بس شجابني لهناا ؟!!
ابراهيم..وگعتي و اغمى عليج...لزمتج فوراً و جبتچ للمستشفى..
رسل..شنوو شبيه ؟!! ..اصلاً صحتي تماام و مثل الحصاان..بس اليوم ماا ادري شجااني كله دايخة..
ابراهيم..ابتسمت الهاا..يرووحي انتِ..الف مبروك الچ و الي
رسل..باوعتله بأستغراب و تساؤل..شنوو قصدك ؟!!
ابراهيم..لزمتها من ايديهاا..رسووولتي انتِ حامل و بشهرج الأول يروحي..
رسل..سندت نفسي عالچرباية و گمت و اني فاتحة عيوني على كل حيلهن و فاكة حلگي بصدمة...صدددك تحجييي ؟!!
ابراهيم..اي رسل اي..حتى اني ماا صدگت بالبداية..يروحي دعينه و رب العالمين استجاب دعائنة و عوضنه عن اللي خسرناه..ربج ماا نسانه رسولتي و هاي انت هسه حامل..يممة فدووة اروحلج اني..
بيج قصص وروايات منقولة الفارس
رسل..دمعت عيوني بكل فرحة حسيت بيها بهاي اللحضة..حضنت ابراهيم كل قوتي و بادلني الحضن و هو يضحك...
و اللة ماا امصدگة ابراااهيييم و اللة...معقووولة ؟!!
ابراهيم..و هو حاضنها..اي طبعاً معقولة..لعد صارلنه شهر شنوو چنه انسوي..؟!!
رسل..و دموع الفرح بعيونهاا..و اللة ماا امصدگه ماا چنت متوقعة و اللة
ابراهيم..دنطيني بوسة هسه حتى يكبر ابننا بسرعة
رسل..ضحكت..و البوسة شعليهاا بله ؟!!😂
ابراهيم..اتربي الأبن يطلع على ابوة حتى يگولون هذا الشبل من ذاك الأسد
رسل..عفية خوش تربية😂
ابراهيم..هههه اشاقه وياج يروحي..أحسن تربية انربيه اني وياج انخليه حتى صلاة الليل ماا يفوتهاا
رسل..اي سودة علية متدين ابوة😂
ابراهيم..شعبالج ولج
رسل..ههههه..الحمد اللة و الشكر ربي الحمد اللة...و اللة لحد الأن اني ماا امصدگة..
ابراهيم..يروحي انت..إن شاء اللة بحيل اللة يجي للدنيا بخير و سلامة..
رسل..يعمري..إن شاء اللة
..رجعنة للبيت و احنه فرحانين و الكل درت أنو اني حاامل و كلهم باركولي و اتمنوو الطفل يجي للدنيا بخير و سلامة..و اكثر وحدة خالتي فرحتلي بهالشيء و چنها ماا امصدگة و دموع الفرح بعيونهاا و هي اتبوس بيه و بأبراهيم و الكل ماا امصدگين انوو ابراهيم حيكون أب بعد كل هاي السنين الراحت..صعدت لغرفتي ارتاح شوية و ابراهيم باسني و انطاني العلاج و المقويات و هاي البروتينات مدري شنوو وياهاا..گالي على موعدهن و أنو اخذهن بالوقت و وصّة خالتي و سناء علية و بعدها راح لشغلة.....
توني اريد اتمدد عالچرباية و احط راسي عالمخدة دگ تلفوني...
هاي هداوي..يااااااي شگد مشتاااقتلهاا...فتحت الخط...
هدى..الووو
رسل..الوااات...يممة هلااا
بيج قصص وروايات منقولة الفارس
هدى..هههه يعمممري هلوو بيچ
رسل..ولج هدى مشتاقتلج شلووونج شخبارج ؟!!
هدى..يرووحي تماام الحمد اللة زينة..انتِ شلونج شخبارج..أهلي شلونهم..
رسل..يعمري انتِ...الحمد اللة كلنه زينين..انتِ شتسوين ماا اتسوين..حساام شلونة وياج ؟!!
هدى..الحمد اللة بخير كلش زين ويااي اربع و عشرين ساعة طالعين براا ماا نرگد😂لوو اتشوفين الشلالات اويييليي رسسل لوو تجين لهناا انتِ و ابراهيم اتغيرون جوو شوية..هناا عالم ثاااني
رسل..لااا الحمد اللة اني غيرت جوو بالمگبرة
هدى..شنووو..رحتي للنجف ؟!!
رسل..اي
هدى..ياااا شوكت ؟!!
رسل..أول ماا طلعتوو وراها بيوم طلعنه للنجف..
هدى..ااهاا..(ردت اغير جوو الهاا لأن حسيتهاا ضاجت شوية من جابت طاري المگبرة)...ولج ام الوصخ ضميلي دهينة حتى من اجي اكرفهاا😂
رسل..و مرض ولج ضميتلج حصتج وحدج انتِ و حساام😂
هدى..بعدد روووحي يممة فطوة لليفكر بيه
رسل..فطوة😂😂😂
هدى..و فطاوي😂
رسل..و فطايس خوب😂...
خاااايبة هدددى ووولج اتذكرت تدرييين شنووو...
هدى..خيرر ان شاء اللة شتذكرتي ؟!!
رسل..ولج هدى اني حاامل
هدى..يبوووو..يممة فدوووة..ووولج شوكت شوكت احچيلي كلشي..
رسل..ولج چنت گاعـ...حچيتلهاا كلشي..
هدى..يفدوووة..الف مبروك يعمري..شفتي شلون رب العالمين عوضج لااا اتأيسين من رحمة اللة
بيج قصص وروايات منقولة الفارس
رسل..و اني ماا أيست أبد و اللة و بقيت صابرة و على أمل ربي يعوضني..و صدك تعوضت بأحلى نعمة تگدر اتحصلهاا البنية بحياتها...
هدى..يروحي انتِ ان شاء اللة تحبلين اكثر و اتترسين البيت جهال انتِ و ابراهيم..جهاال يونسون أمي بعد ماا چانت تتمنى طفل واحد من ابراهيم يجي للدنيا حتى اتشيله و اتحضنه بين ايديهاا..
رسل..ربي يسمع منج يعمري انتِ...ان شاء اللة يوم الألج و افرح بيج و ارگصلج بعد😂
هدى..يروووحي ان شاء اللة..بس حالياً اني و حساام ماا امفكرين بسالفة الطفل لأن وراها من نرجع لبغداد عندي دوام و كلية ماخذتلهاا صفحة يمعودة..بعد مناا و غاد شلون اشيل مسؤولية بيت و جهال و دوام..صعبة
رسل..اي صحيح كلامج..هم حقج
هدى..اي و اللة..يلة يعمري اريد اروح الحب يريدني گام يصيح لأن امغلسة عليه😂
رسل..ههههه دروحي روحي😂
هدى..هههه يله حياتي بعدين نحجي
رسل..بيباي يعمري
..قفلت التليفون و نمت بسرعة لأن احس نفسي حيل نعسانة هواي انام هالفترة...نمت و گعدت الساعة بألـ4 العصر..سبحت و نزلت جوة يم خالتي و هدى يسولفن سلمت عليهن و گعدت وياهن اسولف..بعدهاا گمنه نشتغل اني و سناء و كالعادة رتبنة البيت و نضفناه..أحس مكاان هدى خالي..اوووف شوكت ترجعين..
خالتي بقت اتصيح عليه لأن اشتغل وي سناء گمت اضحك و سكتت بس حاولت انوو اخفف بالشغل على نفسي لأن مستحيل اخلي سناء تشتغل وحدها..
صارت ب7 المغرب سوينة عشاء و كملنه و غسلنة امواعين و كل وحدة صعدت لغرفتهاا...
رحت سبحت و سويت الروتين مالتي كالعادة مكياج و شعرر و عطر و ملابس امرتبة..بس هالمرة لبست اتراكسود لونة وردي فاتح و وياة برمودة جوة الركبة بشوية..رفعت شعري بقراصة امدنفشة..حبيت اغيرر شوية لأن مليت😂...
گعدت عالچرباية العب بتلفوني و اني امخليه السماعات بأذاناتي چنت اسمع عشگ موت..چانت طاشة بوكتها و الكل يحبها و اني من ضمنهم (الكاتبة : و اني هم ترا امووت عليهاا و بعدني اسمعهاا لهسة😂)....بعد نص ساعة تقريباً و اني امخلية بوزي بالتلفون دخل ابراهيم....
ابراهيم..هااا حبيبي...بقى واگف يباوع لجمال رسل اللي هي بيه و هو مصدوم..أول مرة تلبس هيج گدامة...
..هااي شنوو ولج
رسل..شنوو حبيبي😂تغيير شوية
بيج قصص وروايات منقولة الفارس
ابراهيم..لچ امووت عالتغيير تعاالي نلعب طوبة شوية😉
رسل..لااا ابراهيم و اللة ماا بيه حيل كلش نعسانة و اللة
ابراهيم..ياا بوية يالنعسانة..اربع و عشرين ساعة راسچ عالمخدة..ماا اتشبعين ولج
رسل..لااا😂
ابراهيم..اجيت گعدت يمهاا و جريتهاا لحضني و بستها
رسل..يوووو وخررر
ابراهيم..اششش ناامي و اسكتي
رسل..يله نمت هاا ااهاا😂..
ابراهيم..رسولتي حبيبي ؟!
رسل..اممم عيونهاا
ابراهيم..فديتهن اني...اريد احجي وياج بشغلة
رسل..اي احچي...خوو ماكو شي برهومي
ابراهيم..لا حبيبي ماكو شيء
رسل..لعد يلة احچي
ابراهيم..