💔جراح القلب ٢💔
الفصل الثالث عشر
بقلم شيمو الخطيب
مي قاعده في اوضتها ومش قادره تتحرك، حاسه ان نفسها مكتوم، وقلبها مقبوض، وخوفها على مؤمن وبعده عنها مسيطر على كل تفكيرها
عايده : ايه يا مي يا حبيبتي ، لسه تعبانه، طمنيني عليكي يابنتي
مي: اطمني يا ماما انا الحمد لله كويسه،
متقلقيش ياست الكل
عايده : ازاي يعني مقلقش عليكي، ده انتي اللي ليا يا حبيبتي، ربنا يريح قلبك يا بنتي ويبعد عنك كل شر
مي: يارب يا ماما، ويخليكي ليا يا حبيبتي
عايده : انا هسيبك دلوقتي تنامي شويه، وبعدين اصحيكي تاكلي وتاخدي العلاج
مي: ماشى، يا حبيبتي، ربنا ميحرمني منك ابدا
وخرجت عايده وسابت مي تنام
شيمو الخطيب ____________
عند ام احمد
مؤمن : انتي بتقولي ايه،، مي
ام احمد : اه مي يا مؤمن، مي اللي انت ناسيها خالص، مي اللي اتصلت بيك انهارده وانت مفكرتش ترد، يابني انا عايزه اعرف ايه اللي شاغلك عننا وبعدك للدرجه دي
مؤمن : امي مش وقته الكلام خالص، (وسابها وخرج)
ام احمد : رايح فين يابني، تعالي حتى غير هدومك
مؤمن طلع بسرعه ومردش على والدته
عايده فتحت الباب
عايده : مؤمن حبيبي، اتفضل يابني
مؤمن: ايه يا خالتي، مي مالها، وهي فين، وازاي محدش يكلمني يقولي على اللي حصل
عايده : اهدي يا حبيبي، مي كويسه الحمد لله، هي اتصلت على واحده صاحبتها دكتوره، وقلتلها حالتها والدكتوره وصفتلها علاج وهتاخده ان شاء الله وتبقى زي الفل
مؤمن: دكتوره وصاحبتها، انتو بتهزروا، انا لازم اخدها المستشفى او اجيبلها دكتور، انا لازم اطمن عليها، هي في اوضتها
عايده : ايوه يا حبيبي، في اوضتها، نايمه شويه
مؤمن:طيب معلش يا خالتي ، ادخلي قوليلها ان انا هنا وعايز اشوفها، ولو ينفع ادخل انا اصحيها، بس معلش يا خالتي لازم تصحى وتكلمني
عايده : حاضر يا حبيبي، انا هدخل اصحيها
ودخلت عايده على مي، ولقتها نايمه حاولت تصحيها لكن مفيش استجابه،
عايده: نايمه يا مؤمن والله حاولت اصحيها مش راضيه تصحى، لأنها منمتش طول الليل يا حبيبتي
مؤمن: طيب معلش يا خالتي، هي وضعها يسمح اني ادخل اصحيها
عايده : اه يا حبيبي اتفضل،
مؤمن دخل على مي، ومي حاسه بيه من اول مطلع، لكن مش حابه تتكلم معاه
قعد على السرير جنبها، واول ملمسها حس برعشة جسمها، واتأكد انها صاحيه لكن مش حابه تكلمه
مؤمن : مي حبيبتي، ممكن تقومي تتكلمي معايا، انا عارف انك صاحيه وسمعاني، مي يا ريت تطمنيني عليكي
مي:..............
مؤمن : عشان خاطري يا مي، قومي اتنرفزي، زعقي قولي كل اللي في نفسك، كل اللي جواكي طلعيه، بس عشان خاطري متوجعيش قلبي وطمنيني عليكي، مي ضحكتك وحشتني بجد
مي:صوت عياطها بدأ يطلع، ومردتش عليه
مؤمن لف مي ليه : الا دموعك يا قلب مؤمن، مالك يا حبيبتي، طمنيني عليكي
مي قعدت على السرير،وضمت ركبتها وصوت عياطها المكتوم هو اللي مؤمن سامعه
مؤمن: يااا الله، بس بقه يا مي وفهميني مالك، والله العظيم التليفون كان بعيد عني ومسمعتش مكالمتك، غصب عني انشغلت عنك، انا عارف اني غلطان، لكن انتي قلبك كبير وهتسامحيني، مي عشان خاطري ردي عليا
مي: ا، ا، ارد عليك اقولك ايه يا مؤمن،، ا، اقولك انك مبقتش معايا، انك خلاص بعدت عني وعن كل اللي بيحبوك، اقولك ان كل كلمه احمد قالهالك كانت حقيقه، وانك مش بتفكر غير في نفسك وبس، اقولك ايه يا مؤمن، سيبني يا مؤمن، انا بجد تعبانه ومحتاجه انام
مؤمن اتنهد بوجع: برده يا مي، انتي اخر واحده افكر انها تقول كده، مي انتي وأحمد اكتر اتنين عارفني وحاسيين بيا، ليه بتعملوا معايا كده، ليه مش بتشجعوني، ليه يا مي بتضغطي عليا بالشكل ده، مي انتي نقطة ضعفي الوحيده، اللي بجد بضعف قدامها،ليه بتستغليها يا مي، ليه
مي: اقولك على حاجه يا مؤمن ومتزعلش،
مؤمن : قولي ياقلب مؤمن
مي: انا مبقتش أصدق كل كلامك، مبقتش احسه، بعدك عني وانشغالك بشغلك، خلي قلبي قفل من ناحيتك، مش عايزه اسمع منك كلام لا حلو ولا وحش، سيبني يا مؤمن، انا مبقتش قادره استحمل عدم اهتمامك ده
مؤمن مصدوم من كلامها: مي، انتي عارفه انتي بتقولي ايه، ولف وشها ليه بقوه، انتي سامعه نفسك، ولا لا، فاهمه كلامك ولا لا، مي قولي انك متقصديش الكلام ده، قولي انك بتقوليه وانتي مش عارفه معناه، انطقي يامي،
مي:(عايزه توجعه يمكن يفوق)، لا يا مؤمن انا قاصده كل كلمه بقولها، انت قلتلي قولي كل اللي جواكي، وانا اهو، بقولك كل اللي جوايا، عرفت بقه انت وصلتنا لايه،
مؤمن:حط ايده على راسه وضحك بتهكم:هههه، انا بجد مش مصدق!! ، انتي بتقولي الكلام ده ليا انا،!!! مش انا اللي كنت الحضن الحنين ليكي، مش انا اللي كنت الحبيب والزوج و الأب والأخ، مش اللي كنت الأمان بالنسبالك، الوقتي بقيت ولا حاجه، وكل ده ليه، عشان انشغلت عنك بحلم انا بحلم بيه من زمان، بدل متشجعيني، بعدتي عني، وقلبك قفل من ناحيتي، بالسهوله دي
عموما ماشي، يامي، انا اسف على وقتك اللي ضيعتيه معايا، كل اللي عايزك تفهميه، اني هفضل طول عمري احبك، وعمري مهبطل احبك ابدا الا لو الموت اخدني منك، لكن عمري مهسامحك على كلامك معايا، ودلوقتي انا عايزك، بعد الكلام الجميل اللي قولتيه، تقومي تلبسي ونروح المستشفى، اطمن عليكي، وبعدين اللي عايزه تعمليه اعمليه،
مي: بعياط شديد،،،، انا مش هروح في حته، انا محتاجه اقعد لوحدي، سيبني يا مؤمن عشان خاطري،
مؤمن شدها من على السرير وخرج بيها بره الاوضه، ودخلها الحمام غسلها وشها وخرج
مؤمن بعصبيه : خالتي يا ريت تساعديها في اللبس، انا هخدها ونروح المستشفى، اطمن عليها وارجعها على طول.،
عايده : حاضر يا حبيبي، اهدي انت بس وانا أن شاء الله هجهزها وننزل على طول،
مؤمن : ماشى يا خالتي، انا هنزل اخد دش واغير هدومي، على متجهزوا
ونزل مؤمن وهو قلبه هيتعصر حزن من كلام مي ليه
راح مؤمن ومي للدكتوره، اللي قالت إن تعبها نفسي مش عضوي، وده وجع قلب مؤمن اكتر، وكتبتلها على بعض المهدئات اللي هتساعدها تهدي وتعرف تنام
رجع مؤمن ومي من غير اي كلام وعلى السلم وقفوا
مؤمن : يا ريت يا مي تهتمي بصحتك وتاخدي دواكي بانتظام، متقلقنيش عليكي
مي : انا عارفه يا مؤمن اني قولت كلام مينفعش اقوله، بس بجد هو ده.....
مؤمن قاطعها: مي،،، كفايه قوي كده انهارده، معنديش استعداد اسمع اكتر من كده، المهم عندي دلوقتي انك ترتاحي، وتاخدي علاجك، وكل شيئ هيبقى تمام. يلا اطلعي انتي، وانا هبقي اكلمك اطمن عليكي
مي سابته وطلعت وهي قلبها بيتقطع على نظرة الحزن اللي في عينيه، لأنها اول مره تشوفها وللأسف هي السبب فيها
مؤمن دخل وحاول ينام لكن للأسف كلام مي بيهاجمه ومش قادر ينساه ابدا، وبيوجع في قلبه اكتر واكتر
_________شيمو الخطيب
احمد صحي الصبح، وحاول يقوم براحه من جنب هنا عشان ميقلقهاش، نزل راسها من على كتفه على المخده وقام
هنا حست بيه : احمد حبيبي، صباح الخير
احمد : صباح الهنا ياقلبي انا، وباس جبينها،، اسف يا حبيبتي اني صحيتك ، لكن حاولت اقوم من غير مقلقك والله
هنا : انت بتتاسف على ايه يا احمد، انا كان لازم أصبح عليك قبل متمشي، وبعدين هتقدر تروح الشركه من غير معملك القهوه المظبوط اللي تعدل النفوخ ولا ايه، ههههه
احمد : انتي اصلا ميزان حياتي ياهنا، مجرد متبتسمي في وشي، يومي كله بيبقى تمام، ربنا ميحرمني منك يا حبيبة قلبي يارب
هنا : بجد احلى صباح اللي عيني بتفتح فيه وبلاقيك جنبي ومعايا، ربنا يخليك ليا يارب يا حبيبي،
ادخل خد حمامك وانا هجهزلك الفطار والقهوه عشان تلحق تروح الشركه، يا احلى مدير،
احمد : شدها ليه وضمها كلها لحضنه ، هتوحشيني يا هنا بجد ، انا مش متخيل اني هغيب عنك اقل حاجه ٨ ساعات.، ربنا يقدرني واقدر استحملهم
هنا : متقلقش يا حضرة المدير، انا هقرفك اتصالات، لحد متزهق مني وتقولي ارحميني، عايز اشتغل هههههه
احمد: اهو ده بقه مستحيييييل، مستحيل ازهق من حياتي وعمري وكل كياني، انا هدخل بقه يا قلبي اخد الشاور لأنك بالمنظر ده مش هتخليني اروح الشركه خالص، هههههه
هنا : ماشى يا حبيبي، متتأخرش بقه، ههههه
وخرج احمد من الحمام وفرش سجادته وصلي، ولقى هنا محضره الفطار فطروا الاتنين مع بعض وودعها ونزل
هنا طبعا قلقانه من مقابلة ندى ليه، وكان نفسها تروح معاه لكن محبتش تبين لأحمد خوفها، أو أنها بتدي للموضوع اهميه اكبر من حجمه،
_______________بقلم شيمو الخطيب
سلمي قاعده زهقانه ونفسها تخرج من حالة الاكتئاب المسيطره عليها وقررت تروح لفارس الشغل
وفعلا لبست واستأذنت مامتها ونزلت
سلمي دخلت على فارس المكتب
سلمي: السلام عليكم، ازيك يافارس
فارس: سلمي، حبيبتي، خير في حاجه ولا ايه، اللي جابك هنا دلوقتي
سلمي : انت مش عايز تشوفني ولا ايه
فارس: انا!!! ده انا نفسي مفارقكيش ثانيه، انتي بجد وحشتيني قوي
الاتنين سمعوا صوت عالي بره
فارس طلع لقى احمد وصل وبعض الموظفين بيسلمو عليه ويباركوا رجوعه بالسلامه
فارس: ده أحمد وصل يا سلمى تعالي نسلم عليه
فارس: اهلا يا مدير، والله الشركه نورت بوجودك، حمدلله على السلامه يا حبيبي
وسلموا وحضنوا بعض
سلمي : حمدلله على السلامه يا احمد نورت الشركه كلها
احمد: ايه ده سلمي عندنا في الشركه، وانا بقول الشركه انهارده مالها مبهجه كده ليه، انتي اللي نورتينا والله يا سلمى
سلمي:شكرا ليك يا احمد، كلك ذوق والله
احمد شكر كل الموظفين، ودخل على مكتبه ومعاه سلمي وفارس
احمد : يااااه، وحشني الشغل والله، بس بصراحه هنا وحشتني اكتر
فارس: هههههه لحقت نفسك بسرعه، بس متقلقش سلمي مش هتتكلم ولا هتقول
سلمي: ومين قالك اني مش هقول ولا هتكلم، لا يا حبيبي، صاحبتي لازم ابلغها بكل حاجه، مش هنسيبها على عماها ابدا
احمد : فعلا الطيور على أشكالها تقع، خطيبة فارس هتبقى ايه غير كده، هههههه
فارس: الله يسامحك، ده حتى طول عمري سرك، لكن ماعلينا، دايما تاكل وتنكر،
دخلت ندى بسرعه للمكتب، والكل اتفاجئ من اندفاعها
ندي : قربت من احمد وحطت ايديها على صدره، وقالت،، احمد، حمد لله على السلامة، انا مصدقتش لما سمعت انك وصلت بالسلامه، بجد كنت واحشني قوي
احمد: احم، احم، ونزل ايديها براحه من عليه،،، ازيك يا انسه ندى، شكرا بجد على اهتمامك، ومبروك على تعيينك في الشركه،
ندي: بصدمه،، انسه ندى،، انت ليه رسمي قوي كده يا احمد
فارس وسلمي واقفين مذهولين من تعاملها مع احمد، وسلمي هتموت من الغيظ،، وده احمد وفارس حاسين بيه، جدا
فارس بمكر:ضحك وقال ماشى يا احمد احنا هنمشي ولو احتاجتني رن عليا
احمد : فاااارس، انت رايح فين، استنى انا عايزك في شويه حاجات، انسه ندى اكيد عندها شغل وهتمشي دلوقتي
ندي بدموووع : انت ليه بتعاملني كده،
قطع كلامها تليفون احمد اللي رن وكانت هنا، (ومن توتر احمد فتح عليها غصب عنه بدل ميكنسل)
احمد: ندى، انتي عايزه ايه دلوقتي، انا مفيش بيني وبينك حاجه عشان اعاملك معامله معينه، ياريت تقتنعي بكلامي ده. والا بجد هتتعبي كتييير وتتعبيني معاكي،
ندي : بس انا بحبك (في اللحظه دي هنا النار ولعت في قلبها) انت متعرفش انت ايه بالنسبالي، انت كل حياتي يا احمد، انا مش شايفه اي راجل غيرك، انت دنيتي كلها يا احمد، انا عارفه وواثقه انك لسه بتحبني. وبعدي عنك هو اللي خلاك تبص لهنا، لكن انا مش هبعد عنك تاني، صدقني يا احمد
احمد بصوت عالي، : ندددي، لو تعينك في الشركه هيخليكي كل شويه تنطيلي هنا وتقوليلي كلام مالوش اي اساس من الصحه فصدقيني انا في ايدي ارفدك فورا، لازم تراعي اننا في شركه محترمه، يعني مكان شغل.، وممنوع اي كلام خاص فيه، وصدقيني الموقف ده لو اتكرر فأنا هضطر اني ارفدك نهائي من هنا.،وكلمه اخيره،، سيرة مراتي متجيش على لسانك تاني ، لا في الشركه ولا بره الشركه، واتفضلي شوفي شغلك
ندي بصتله بصدمه وسابته وطلعت جري ودموعها على خدها
سلمي : يااااه، انا كنت هموت منها، كنت عايزه أكلها بسناني، ازاي تقرب منك يا احمد بالشكل ده، دي لو هنا شافتها كانت قتلتها
احمد: الحمد لله، حصل خير. المهم ياسلمي بلاش هنا تعرف، انا مش عايز ادايقها واعيشها في قلق،
فارس: طبعا يا احمد، احنا مش للدرجه دي ولا ايه ياسلمي
سلمي: اكيد طبعا عمري مدايق هنا، عموما انا كنت جايه اخد رايكو في حاجه وياريت توافقوني عليها
فارس : خير يا سلمى
سلمي: انا عايزه اشتغل معاكو هنا في الشركه، لو حتى عامله في البوفيه،هههه واظن عمي مش هيرفض
فارس: طب ليه ياسلمي، واشمعني دلوقتي
احمد: اكيد انتي عايزه تخرجي من محنتك بالشغل مش كده يا سلمي، وخصوصا بقه لو الشغل مع فارس، هههه
سلمي : فعلا هو ده بالظبط اللي بفكر فيه، ايه يافارس، انت عندك اعتراض ولا ايه
فارس، : لا يا حبيبتي طبعا، انا كل اللي يهمني راحتك وبس
سلمي : تماااام، انا هسيبكو دلوقتي واروح عند عمي اشوف رأيه ايه،
وسابتهم فعلا ومشيت وفارس راح على مكتبه
*************
ندي رجعت مكتبها وكانت منهاره من العياط
اشرف؛؛ انسه ندى، مالك خير، ايه اللي حصل
ندي: مفيش يامستر اشرف، انا بس تعبانه شويه، ومحتاجه اني امشي،
اشرف :طيب طمنيني، حاسه بايه لو كده انزل معاكي نروح لاقرب مستشفي
ندي: لا مش مستاهله، انا بس محتاجه ارجع البيت، بليز يا مستر اشرف، انا مخنوقه ومش قادره اقعد،
اشرف: براحتك يا انسه ندى، انا هكمل باقي شغلك، بس نستأذن مستر فارس، وانزل اوصلك، وارجع اكمل الشغل،
ندي: لا معلش محتاجه ابقى لوحدي شويه، اسفه بجد يا مستر اشرف، بس غصب عني، مخنوقه ومحتاجه اقعد مع نفسي شويه
اشرف بزعل علي منظرها: حاضر يا انسه ندي، بس انا ان شاء الله هكلمك اطمن عليكي، ده لو تسمحيلي طبعا
ندي:طبعا في اي وقت حضرتك تقدر تتصل، بعد اذن حضرتك
وسابته وراحت المكتب لفارس،
فارس: (شاف منظرها وطبعا هو عارف هي جايه ليه) انتي بتعيطي ليه دلوقتي ياندي، المفروض تكوني واثقه من رد فعل احمد، هو ده الطبيعي
ندي: لا يافارس، انا عارفه انه بيحبني
فارس: ياااااا الله،، يابنتي نفهمك ازاي، صدقيني يا ندى مفيش في حياة احمد غير هنا، هنا وبس، متعلقيش نفسك بأفكار مالهاش اي اساس،(وبصوت عالي) فوقي بقه يا ندى، انا مش عايز اندم اني ساعدتك، بلاش مشاكل يا ندى ارجوكي،
ندي: خلاص يافارس، بس ممكن امشي دلوقتي لاني مش قادره اقعد ولا ثانيه واحده،
فارس؛ انهارده بس ياندي، بعد كده مش هتتكرر تاني. أنا معنديش استعداد مصطفى بيه يلوم عليا وتكوني انتي السبب، لاحظي ان وجودك هنا، على ضمانتي الشخصيه، ومعنديش استعداد لأي مشاكل،
ندي؛ حاضر يافارس، بعد اذنك، وانا اسفه لو دايقتك (وسابته ومشيت)
__________بقلمي شيمو الخطيب
عند هنا
هنا سمعت كل كلام ندى مع احمد، وسمعت رد احمد، لكن الغيره مولعه في قلبها، واخر حاجه سمعتها كلام سلمي وغيظها من ندى، لأنها حست ان احمد مسك تليفونه فقفلت بسرعه
هنا مش عارفه هل تواجه احمد باللي سمعته ولا تسكت وخلاص، وتعدي الموضوع لان احمد رد عليها بمنتهى الحزم، قعدت تفكر كتير لحد مالنوم غلبها وهي قاعده مكانها علي الكرسي
______________
عند مؤمن في الشقه
مؤمن صحي على تليفونه بيرن
مؤمن : الو ايوه يا نادر، خير
نادر : مؤمن المدير كلمني وبلغني اننا لازم نكون عنده في خلال ساعه بالكتير،
مؤمن قام من على السرير: ليه يا نادر هو فيه حاجه ولا ايه
نادر : تقريبا جاتلنا اشاره بالتنفيذ، ولازم نروح ناخد معلومات ونتحرك على أساسها، ها اسبقك انا ولا اعدي عليك
مؤمن : لا تسبق مين ياعم، انا هدخل اخد دش واطلع البس وانزل على طول،
نادر: طيب واحمد هتبلغه ازاي، ومي ووالدتك
مؤمن : متعطلنيش بس وان شاء الله هظبط كل حاجه
نادر : ماشى يا مؤمن يلا سلام
وقفلوا مع بعض
مؤمن محتار هيقول ايه لوالدته، ولا مي ازاي هيسيبها بالشكل ده وحالتها كده، واحمد هيقوله ايه، قرر ان يا خد دش ويصلي ويكلم احمد يفهمه
مؤمن خلص صلاه وكلم احمد
مؤمن، : ازيك ياحمد، حمدلله على السلامه يا حبيبي
احمد : الله يسلمك يا بشمهندس، مالك يا مؤمن، صوتك مش طبيعي
مؤمن : انت على طول عارفني وفاهمني كده
احمد : طول عمري فاهمك، ربنا يديمها نعمه يا حبيبي، بس مالك مقولتليش
مؤمن : احمد، انا المفروض امشي دلوقتي مع نادر، هنقابل المدير ونعرف منه معلومات عن المهمه الجديده، وللأسف مش عارف هقول لامي ومي ايه
احمد قلبه اتقبض، : مؤمن، بلاش عشان خاطري، الدراسه بعد يومين ازاي هاتمشي وتسيب دراستك
مؤمن : احمد المسأله مش لعب عيال، الموضوع خلاص دخل في الجد وانا متحمس جدا اني اثبت نفسي في المجال ده، فأتمنى انك تكون سند مش ند يا احمد، ولو على الدراسه، فأنا ان شاء الله هرجع وساعتها هنتظم في الدراسه
احمد بقلة حيله : ماشى يا مؤمن ربنا معاك يا حبيبي، انت انزل عادي وانا هبقي افهم امي بطريقتي، لكن مي انت حر في تصرفك معاها، مقدرش افرض عليك حاجه،
مؤمن : ماشى يا احمد، ادعيلي يا احمد، ان ربنا ينصرني، ويقدرني في تحقيق نفسي وان اعمل حاجه مفيده في حياتي، ليا ولبلدي،
احمد: يااارب يا مؤمن، يوفقك، ويطمن قلوبنا عليك انت نادر وكل اللي معاكو،
وقفلوا مع بعض، ومؤمن فكر كتير انه يطلع لمى يقولها، لكن فضل انه يمشي، من سكات لانه فعلا مجرووووح منها جدا، وجرح قلبه صعب قوي،
____________بقلمي شيمو الخطيب
عند فايزه
فايزه قاعده في شقتها، وبتتكلم في التليفون
فايزه : انا مش قولتلك خليك وراهم لحد متعرف كل تفاصيل حياتهم وبعدها نعرف هندخل منين
الشاب: هو ده اللي انا بعمله، وبصراحه انا مش عايز منك مقابل، غير ندى، انا بجد حبيتها وعايزها ليا وبس، وعلى الأساس ده هنفذلك كل طلباتك
فايزه : خلاص، انت تجيلي ونتفق، ونشوف هنعمل ايه، وفي الوقت المناسب، هنفذ وساعتها اعتبر ندى بتاعتك، احنا نطول نناسب واحد زيك
الشاب : حلو قوي، انا طالعلك حالا وقفل السكه
فايزه : طالعلي!!! ده مجنون، هو هيلحق يجي
جرس الباب رن وفايزه بتفتح
فايزه : ايه ده!!!! وليييييد
لقراءة باقي الفصول الجزء الثانى من هنا
لقراءة الجزء الاول جميع الفصول كاملة من هنا