الفصل الحادى عشر والثاني عشر
بقلم شيما الخطيب
الحلقه١١
من 💔جراح القلب ٢💔
مؤمن وفارس ونادر اتفقوا انهم ياخدوا البنات ويقضوا يوم مع احمد ويرجعوا على طول
وفعلا سافروا على اسكندريه والبنات كانت مرحبه جدا بالفكره،
فارس طلب من موظف الفندق يكلم احمد وفعلا كلمه
احمد: انا هنزل اشوف مين ياهنا، واطلعلك على طول، مش هتأخر
هنا: اوك، وانا هاجي معاك
احمد : لا خليكي انتي ياهنا، وياريت تسمعي كلامي المره دي،
هنا سكتت، واحمد نزل للريسيبشن، وسأل الموظف
احمد: السلام عليكم، انا احمد المرشدي،
الموظف:اهلا يافندم، فيه ناس سألو على حضرتك
احمد: ايوه محضرتك بلغتني، هما فين الناس دي
الموظف: شاور لأحمد،، هما كانو قاعدين هناك
احمد،اتحرك للمكان اللي شاور عليه الموظف،وبص ملقاش حد يعرفه،، وفجأه مؤمن حط ايده على كتف احمد وقال
مؤمن : والله وحشتني يا مدير، هههههه
احمد لف لمؤمن وبصوت عالي: مؤمن، يخرب عقلك، انت ايه اللي جابك هنا، وحضنه جامد وبص لقى نادر وفارس والبنات وراه، ضحك بصوته كله، وسلم عليهم كلهم، وقال،،، بجد احلى مفاجئه في حياتي، انتو ازاي متقولوش انكو جايين
نادر: وكانت هتبقى مفاجئه ازاي يا مدير لو قلنا.، اظن كده احسن
احمد: بجد احلى حاجه عملتوها ،دي هنا هتفرح قوي بوجودكم
فارس: بس ايه رايك في شغل الإرهاب اللي عملنهولك
احمد : انا بس استغربت مين هِنا يعرفني، وعايز يقابلني، لكن هنا اللي تلاقيها هتموت من القلق فوق، بس بجد انا فرحان قوي بوجودكم معايا وبص لمؤمن اللي ابتسم لاخوه لانه عارف انه يقصده اكتر واحد
مي : طيب هو ممكن اطلع لهنا،
احمد : ايوه طبعا، اتفضلوا بس استنوا اوصلكوا، وبص للشباب، هرجعلكوا على طول
احمد وصل البنات وطلب منهم يستنوا عشان يفاجئ هنا، وفتح الاوضه، هنا جريت عليه
هنا: احمد، خير طمني، مين دول وعايزين ايه
احمد في حد عايز يسلم عليكي، ونده، اتفضلوا يا بناات،
ودخلت مي وبعدها ولاء وبعدها سلمي
هنا نطت من مكانها زي المجنونه وفرحت جدا لما شافتهم قدامها واتشعلقت في مي وحضنتها وسلمت على ولاء وسلمي وحضنتهم وكانت الفرحه باينه عليها جدا
هنا :اعاااااا، وحشتووووني بجد، دي احلى مفاجئه حصلتلي،
مي: وحشتيني يا هنون والله
هنا بصتلهم كلهم بحب وفرحه، ومش عارفه تعملهم ايه، من كتر السعاده اول مشافتهم،
احمد: حط ايده على كتفها وضمها ليه، وقال: حبيبتي غيري هدومك عشان ننزل، تسلمي على الشباب تحت وبعدين ننطلق كلنا
هنا : في ثانيه وتلاقيني جاهزه، وبصت للبنات، اوعو تنزلو، استنوني ثواني بس
البنات ضحكوا على فرحتها، واستنوها وفعلا نزلوا كلهم ومعاهم احمد
وهنا سلمت على الشباب، بس مش بالايد طبعا الا مؤمن،
هنا : وحشتني قوي يا مؤمن، كنت مفتقده رخامتك عليا، ههههه
مؤمن : وانتي كمان ياهنا، وحشتيني جدا
احمد ومي بصوا لبعض،
مي: ايه،
احمد:، ايه انتي،
مي: مش حاسس اننا هوا واحنا واقفين
احمد: اعمل نفسك ميت، ههههه، اعملي مش واخده بالك يا مي، ولا لازم تحرجينا،
مي: ههههه، طيب اذا كان كده ماشي، وبصت لمؤمن وهنا، خدوا راحتكوا على الآخر، ولا كأننا موجودين
هنا ومؤمن ضحكوا على رد فعل مي واحمد
هنا : مي مؤمن ده اخويا، علاقتي بيه مختلفه عن أي حد، ليه غلاوه عندي كبيره قوي، اتمنى متدايقيش
مؤمن : وهي هتدايق من ايه يا هنا، انتي اختي ولازم هي تكون عارفه كده
احمد: جبتي الكلام لنفسك، اعملي زيي وارضي بالأمر الواقع، هههههه
مي: حطت ايديها على بوقها وقالت، اهو، اهو، اتكتمت خالص، انتو كبرتو الموضوع ليه، ده انا بهزر وعليا النعمه، ههههههه
كلهم ضحكوا وقرروا يتحركوا ويبدأوا يومهم
هنا في العربيه مع احمد، ومؤمن ونادر ومي وولاء مع بعض، وفارس وسلمي في عربيته
هنا :احمد، انت اتدايقت من كلامي مع مؤمن، انت عارف مؤمن ايه بالنسبالي، لكن لو كنت زودتها، ياريت متزعلش مني، دي مشاعر جوايا وبتطلع غصب عني والله، واسفه لو دايقتك يا حبيبي
احمد : مسك ايديها،،، هنا حبيبتي، انا مقدر مشاعرك ناحية مؤمن، ومش ناسي أننا متربين مع بعض، وأن مؤمن طول عمره اقربلك حتى مني، لكن كنت أفضل انه يكون بينا احنا، انا وانتي ومؤمن، لكن حد تاني مكنتش احب الموقف ده يحصل، عموما ولا يهمك يا حبيبتي، بس اتمنى ميتكررش تاني
هنا : اسفه ياحبيبي، ياريت متزعلش مني، واوعدك اني عمري مهدايقك ولا هكرره تاني،
نادر وقف عند مطعم ونزل والباقي وقف وراه
احمد نزل من العربيه، : ايه يانادر وقفت ليه،
نادر: انا جعان جدا، انتو مش جعانين ولا ايه، ندخل نملي التانك وبعدين نروح المكان اللي تختارووه هههه
فارس نزل، : ياااااه اخيرا هناكل، انا مفطرتش والله
احمد:" ايه العيال الجعانه دي، اوك تمام، يلا بينا
والكل دخل وطلبوا الأكل، واتغدوا، ولفتوا انتباه كل الموجودين بضحكهم وهزارهم مع بعض، وكان ممتع جدا بالنسبالهم
خرجوا كلهم من المطعم
مؤمن: ها يا جماعه تحبوا تروحو فين،
ولاء:انا هموت وامشي على البحر
نادر : لا يا حبيبتي بعد الشر عنك يلا يا مؤمن بينا على البحر قبل ما ولاء يجرالها حاجه، ههههه
ولاء: انت بتتريق، لا والله بجد عايزه اتمشى على البحر؛ شويه
احمد: اوك هو فعلا وقت حلو جدا للمشي على البحر، احنا نسيب العربيات مكانها ونتمشي براحتنا وبعدين نرجع ناخدهم
فارس : اوك يلا عشان نلحق نتفرج على منظر الغروب، انا بحب المنظر ده جدا، واكيد سلمي بتحبه (وبص ليها)، ايه هتفضلي ساكته كده كتير
هنا قربت منها: سلمي حبيبتي، مش هتفكيها بقه، استمتعي بوقتك ياسلمي ،
سلمي: اه، اه طبعا هستمتع، المهم عندي اني اشوفكو فرحانين
فارس: بس عمرنا مهنفرح الا وانتي فرحانه معانا
مي: بقولك ايه يافارس، أركن انت على جنب كده، وسيبهالي، وبعون الله هتلاقيها واحده تانيه خالص
فارس:أركن على جنب!!!! (وبص لمؤمن) ايه يا هندسه، دي بتقولي أركن على جنب
مؤمن، رفع اكتافه باسف، : حظي بقه، نصيب اعمل ايه، لو عندك واحده تنفع، ابعتلي يا صاحبي
مي بصت بشرز لمؤمن وبصت لفارس بعدها
فارس: لا يا عم انا مالي، انا أركن على جنب ارحم، اتفضلي يا انسه مي، انا تحت امر حضرتك
مي: مشيت بفخر،،، ايوه كده، لازم يعني ازعق، ههههه
وكله ضحك على منظرها ومؤمن شدها وضمها لحضنه ومشيو علي البحر
كل واحد ماشي مع حبيبته، وكله تايه في عالمه
فجأه مؤمن لمح مجموعة شباب بالالات الموسيقيه وبيجهزوا قعده ليهم ومعاهم ميك صغير وسماعات،
مؤمن راح ليهم : السلام عليكم، ازيكو يا شباب
شاب: وعليكم السلام، اتفضل يا كابتن
مؤمن صفر واحمد ونادر وفارس وقفوا ورجعوله
مؤمن : انتو هنا بتعملوا ايه، يعني انتو هتعملو حفله
الشاب: لا احنا بنقعد نفرفش مع بعض هنا شويه، بنفك من زهق الدنيا ياكابتن
مؤمن : اموت انا في كده، وياتري بتغنوا كآبه ولا فرح
الشاب : كل اللي تحبه موجود
مؤمن : وعندك مغني ولا محتاجين، هههههه
الشاب: هههههههه لا يا كابتن اي حد ممكن يشارك، مش شرط مغني من عندنا يعني، هههههه
مؤمن : اشطا، انا الواد اخويا ده عريس جديد وصوته حلو جدا، لو وافق يغني هيعملكوا صيت عالي جدا
احمد رجع لمؤمن، : ايه يابني واقف بتعمل ايه عندك، ازيكوا يا شباب
الشباب : تسلم يا كابتن
مؤمن : ايه رايك تقعد وانا هعملك مفاجئه،
احمد: مؤمن متلبسناش في الحيطه، انا مش مرتاحلك
مؤمن : سيبها على الله ياكبير
مؤمن بص للشباب، : جاهزين يا شباب ولا ايه،
الشباب جاهزين جدا،
مؤمن: اوك انا هبدأ اسخن معاكو، لحد مهما يستعدوا،
نادر: انت هتعمل ايه يا مجنون، وبص لأحمد لكن احمد مش عارف يقول لنادر ايه
مؤمن اتكلم مع الشباب وفجأه بدأوا في العزف والطبله اشتغلت
ومؤمن بدأ يغني، بخفة دم ملهاش حدود
انتي معلمه، في الشياكه والاناقه، نظره منك أقوى طاقه، واخده جايزه في اللباقة، بنت ناس متعلمه
انتي متعلمه، برنسيسه وبنت باشا، دي بقلاوه لأ بغاشه، عملت على قلبي الكماشه بقها قد السمسمه
انتي معلمه
(كله اتصدم اول ممؤمن غني وولع الدنيا و كل اللي كانو واقفين شجعوه وناس كتير بدأت تتلم عليهم ومي فرحانه جدا وهنا واحمد ضحكوا واندمجوا معاه جدا،
اما فارس، فجري وقف جنبه يشاركه الجنان، ونادر واحمد وقفوا جنب البنات لان الدنيا ا تزحمت بالشباب من جميع الأعمار) حدف مؤمن الميك لفارس اللي كمل
انتي معلمه، كل دقه، رايحه جايه بتناديكي يانور عنيا، انتي بطل الجمهوريه في الجمال متقسمه
انتي معلمه، ايه اللي جرا اللي حاصل، انتي سيبتي المفاصل، عقلي قام غايب وفاصل نهدي شويه ياعمنا
مؤمن وهو وبيرقص
اه ياست الكل يافل،
سنيوره وملكيش حل،
انا قاطع ليكي مش هحل،
هسحرلك واعمل جن
فارس اخد المايك
مفطومه ياناس شربات،
معموله بحلويات،
بسكوته وغزل بنات
، لما بتظهر كله سكات،
مؤمن وفارس رقصوا مع بعض بطريقه جميله شدت كل الموجودين واستمتعوا جدا بفقرتهم دي، لدرجة انهم خطفوا قلوب بنات كتير كانت موجوده وطلعوا يشاركوهم في الرقص
مؤمن بنت جت تدلع عليه وترقص معاه وده ولع في قلب مي
احمد : هنا امسكي مي بسرعه، لأن في جريمه هتحصل دلوقتي،
هنا ضحكت ولسه هتمسك مي وتكلمها، لكن مي كانت اسرع، وراحت عند مؤمن وشدته من ايده
نادر، البس يا معلم، (وحب يلطف الجو) بس ايه الجو ده يا مؤمن عسل والله،
مؤمن : ايه رايكو انفع ولا ايه، بجد مجهود كبير، الله يكون في عون المغنيين،
فارس جاي بينهج وسلمي بصتله بديق
فارس: انت دايما يا مؤمن تشدني للرزيله، منا كنت ماشي في امان الله والدنيا حلوه، لازم تغرغر بيا يعني
مؤمن : هههههه، انت اللي منحرف من يومك يا حبيبي، هههههه
سلمي ومي واقفين هيطقوا بجد منهم،
مي : بت يا سلمى، انا متغاظه قوي، البت داخله تدلع على مؤمن كأنه اخوها جوزها خطيبها، ايه ده، هو فيه كده
سلمي: شوفتي اللي كانت عايزه تمسك ايد فارس وترقص، لولا انه هو رفض، انا هموووت بجد
هنا بتضحك: بصو بقه، متنكدوش على نفسكوا ، اكيد انتو عارفين ان في بنات جريئه كده، واظن انهم بعدوا لما لقوا الدنيا بقت زحمه، يبقى ليه النكد والغباء
ولاء: ده انا كنت هموت ويكملوا الاغنيه، بجد كانو تحفه كنت مستمتعه جدا معاهم، ههههه
هنا: ملكوش دعوه بيها، عبيطه عبيطه، بس بصراحه انا كمان كنت هموت فعلا ويكملوا الاغنيه، ههههههه
ولاء ضحكت وقالت : بقولكوا ايه فكوها بقه متبقوش رخمين،
مي: اوك تمام مفيش حاجه، بس كنت عايزه أكلها بسناني، يلا ربنا رحمها مني،
مؤمن وفارس حاولوا يهدوا مي وسلمي، لأن فعلا هما بعدوا لما ابتدت البنات ترقص
الشاب جه لأحمد : لو سمحت يا استاذ، اخو حضرتك قال ان صوتك حلو وانك ممكن تغني، ياريت لو تغني واكيد هنتشرف اننا نعزف وراك، وعايزينك تغني اغنيه رومانسيه لان الكابتن غني شعبي
احمد: انا اسف يا كابتن، بس والله معنديش استعداد، وبعدين ده بيضحك عليك ياراجل، صوت مين اللي حلو،
مؤمن : لا ياباشا، والله صوتك زي الفل، يلا بقه متعنا ياكبير
احمد: بلاش اسلوبك ده، كان المفروض قبل متدبسني، تعرف رأيي ، انت جاي تقرفني يا مؤمن ولا ايه بالظبط
نادر : اه بصراحه، اصل فيه حد مسلطه عليك، ههههه
احمد : الله يسامحه، مش لاقي الا ده ويسلطه
هنا : بليز يا احمد، ممكن تغني، صوتك حلو قوي بجد
الشاب : ياريت متزعلش الانسه، وتمتعنا بصوتك
نادر ومؤمن وفارس ضحكوا على انسه
احمد: اولا هي المدام بتاعتي، ثانيا، انا هغني عشان خاطرها بس، وبص لمؤمن ونادر وفارس بضيق
الشاب: انا اسف، لكن عموما اهم شيئ ان حضرتك هتغني، ومسك احمد اداله الميك
احمد واقف محرج جدا ومش عارف يغني ايه ولا يقول ايه
هنا قربت منه، وقالت : غني اللي انت حاسه يا احمد ايا كان الاحساس ايه
احمد: خليكي بصه في عيني ياهنا وانا اكيد هعرف هغني ايه
في تشجيع كبير جدا من الشباب الموجوده والكل مستني احمد يغني
احمد بدا وكانت اغنية تامر عاشور (بيت كبير)
وباحساس عالي جدا وسرحان في عيون هنا
انت ياللي خدت قلبي من الزمان ومن اللي فيه
خدت قلبي لدنيا تانيه، احلى من اللي حلمت بيه،
احلى عمر انا عشته جنبك، والحنان عندك كتير
هو فيه كده زي قلبك، لسه فيه في الدنيا خير
(وقرب من هنا وشدها عليه)
عمري منسي انا قبلك كنت في ايه، ومعاك بقيت انا ايه، انا باقي ليك ولحد ما عمري، ينتهي هفضل يا حبيبي معاك، وهعيش واموت بهواك، انا ليا مين غيرك حبيب عمري
وكل كابلز بدأ يرقص سلو مع بعض، وكان الكل عايش في احساسه مع حبيبه، لكن طبعا مؤمن ونادر وفارس رفضوا الرقص، لكن كانو حاسين كل كلمه احمد بيغنيها لان احساسه وصل لكل الموجودين
كمل احمد غنا
ضم هنا لقلبه وقال
ياما عشت اتمنى اقابلك، ياللي زيك مش كتير،
مش مجامله عشان بحبك، ده انت ليا حاجات كتير،
هيا كام مره هقابل، حد بيحب بضمير
حد عاش عمره عشاني، وقلبه ليا بيت كبير،
عمري مانسي انا قبلك كنت في ايه، ومعاك بقيت انا ايه
انا باقي ليك ولحد ما عمري، ينتهي هفضل يا حبيبي معاك، وهعيش واموت بهواك،
انا ليه مين غيرك حبيب عمري
وخلص الاغنيه وباس جبهة هنا، وبص في عينيها كتير، وكان وقلبه بيدق بسرعه من الاحساس اللي حاسه ناحية هنا
هنا كان نفسها تترمي في حضنه، وتقول بصوت عالي انه كل حياتها وجواها مشاعر كبيره قوي ومش عارفه تعبر عنها
كل الموجودين طلبوا من أحمد انه يغني تاني لكن هو رفض وضم هنا ليه ومشي
مؤمن : اقسم بالله انت استاذ، واد يا احمد متقدم في ذا فويس ههههه
نادر : والله يا خدها باكتساح
فارس: اه واختار اليسا ياض انت هتظبطك هههههه
سلمي خبطته في كتفه وهنا شويه وكانت هتولع فيه
احمد: بس يا عبيط منك ليه، انا كده تمام قوي، كفايه عليا هنا اللي ماليا حياتي كلها
اتفاجؤا كلهم أن فيه بنت بتجري وراهم،
ووقفت قدام احمد
ممكن اطلب من حضرتك طلب
احمد: اتفضلي، ممكن تقبلوني ابقى صديقه ليكو، بجد انتو كيوت قوي كلكو، ولو قاعدين في اسكندريه شويه، تسمحولي ابقى معاكو
الشباب كلهم سكتوا، والبنات بصوا لبعض
نادر: احنا اسفين يا انسه والله، بس انتي شايفه كل واحد معاه مراته واكيد مفيش مكان لحضرتك وسطنا
البنت: هو انت متجوز
ولاء: اه متجوز، وانا مراته، فيه حاجه،
البنت لا ابدا، وانا اسفه لو دايقتكوا، وبصت لأحمد، طيب ممكن رقم تليفونك
هنا : بقولك ايه يا انسه، اظن حضرة الظابط قالك انك ملكيش مكان وسطنا، ايه لازمة طلبك ده بقه
البنت انا اسفه، جدا، بعد اذنكو،
احمد : همس لهنا في ودنها : بموووووت فيكي وانتي غيرانه
هنا بصتله بحب وابتسمت وهمست ليه، انا بموووت فيك اكتر وهقتل اللي يقرب منك هههههه
احمد بصلها بعشق، وفاق علي صوت مؤمن
مؤمن: يلا بقه نمشي من هنا قبل ميحصل حاجه تعكنن علينا، مش ناقصين
فارس: هي دي أخرت اللي يمشي ورا عيال ههههه
مؤمن : الله يسامحك يا ابو لسان طويل ههههه
ومشيو ودخلوا محل واكلوا آيس كريم والشباب بهدلوا بعض بالايس كريم وكله بيضحك وفرحان ،
البنات اقترحوا يدخلوا سينما،لكن مؤمن كان معترض لانه بيحب ينطلق، والكل وافقه لانه لو دخل هيخرج من اول مشهد
وقضوا ليله حلوه جدا مع بعض وقرروا انهم يرجعوا على الفندق يغيروا هدومهم ويمشوا على طول
شيمو الخطيب
_____________
عند مصطفى بيه
مصطفى راح يطمن على مرات اخوه وابنه
خبط على الباب وسميره فتحت
سميره : اهلا، اتفضل يا مصطفى تعالي،
مصطفي: انا اسف ياسميره اني جاي دلوقتي، بس انا حبيت اطمن عليكوا وعلى سلمي، خصوصا اني عارف انها مسافره مع فارس
سميره : انت مش محتاج تبرر وجودك هنا يا مصطفى، انت اخويا قبل متكون عم لولادي، اتفضل اقعد، تحب تشرب ايه
مصطفي: لا ياسميره شكرا، انا هطمن عليكوا وامشي على طول، هو سليم فين، نام ولا ايه
سميره : اه والله كان تعبان شويه، اديته دواه ودخل ينام
مصطفى بلهفه: ايه تعبان ماله، وازاي متقوليش انه تعبان
سميره: متقلقش يا مصطفى ده شوية برد انت عارف مناعة سليم ضعيفه وبيتعب من أقل حاجه
مصطفي: خلاص يا سميره، ادخلي صحيه، ناخده نكشف عليه، انا مش هطمن غير لما اكشف عليه
سميره : صدقني يا مصطفى انا مقدره مشاعرك دي جدا، بس هو فعلا دور برد بسيط، يعني مش مستاهل، وصدقني لو فضل كده لبكره، انا بنفسي، هكلمك، تاخده تكشف عليه
مصطفي: ماشي ياسميره، واسمحيلي اكلمك اطمن عليكوا على طول
سميره : طبعا في اي وقت يا مصطفى
مصطفي: استأذن انا بقه ولما سلمي توصل بالسلامه خليها تكلمني تطمني حتى لو وصلت متأخر
سميره ابتسمت لحب مصطفى لاولادها، : من عنيا يا مصطفى هقولها حاضر
مصطفي: انتي مش محتاجه حاجه قبل ممشى
سميره : تسلم يارب، ربنا يخليك، انت مش مخلينا محتاجين حاجه خالص
مصطفى، : ده واجبي، تجاه ولاد اخويا، ربنا يرحمه يارب، استأذن انا، ولو احتاجتي حاجه كلميني
سميره : ان شاء الله،، في امان الله يا مصطفى
شيمو الخطيب
_____________
عند ندى
ندي قاعده في اوضتها
مراد : مساء الخير يا حبيبة قلبي
ندي: حبيبي يابابا، مساء النور
مرتد: عامله ايه يا حبيبتي، واخبار الشغل ايه
ندي: كله تمام ياحبيبي، حابه شغلي جدا وبحاول اثبت نفسي فيه
مراد: ربنا يوفقك يابنتي، طب انتي كنتي هتنامي ولا ايه، لو فاضيه تعالي اقعدي معايا شويه، وحشتني قعدتك
ندي: والله يابابا كنت بخلص شويه شغل هظبطهم واجيلك على طول يا حبيبي،
وفجأه تليفونها رن
مراد: خلاص ياحبيبتي انا هسيبك خلصي شغلك وشوفي مين بيرن وهنزل انا اكمل شغلي
ندي : ماشى يابو ندى ومتعوضه القعده بقه، ههههههه
مراد بصلها وضحك وقفل الباب ومشي
ندي: الو، ازيك يا مستر اشرف، اسفه على التأخير في الرد
اشرف : لا ولا يهمك يا ندى، انا الحمد لله بخير ، ازيك انتي يا ندى، انا اللي اسف طبعا اني بتصل في غير اوقات الشغل، بس كنت محتاج منك شوية حاجات بخصوص اخر طلبيه
ندي: انا تحت امر حضرتك، كل أوراق الطلبيه انا راجعتها، وكنت لسه مخلصه مراجعات الحسابات وسجلتها على اللاب الخاص بيا،
اشرف : تمام جدا، ياريت تنسخيها وتجيبها معاكي بكره ان شاء الله، بصراحه يا انسه ندى، انتي في تقدم على طول، وكل يوم بتثبتي نفسك اكتر من اليوم اللي قبله،
ندي؛: والله دي شهاده اعتز بيها يافندم، وشكرا جدا لحضرتك، واكيد لولا مساعدة حضرتك وتوفيق ربنا قبل كل شيئ مكنتش أتقنت شغلي بالشكل اللي يرضيك
اشرف : انتي انسانه مجتهده، اتمنى ليكي التوفيق دايما، واسف للمره التانيه على اتصالي
ندي: حضرتك تتصل في اي وقت يافندم، انا تحت امر حضرتك
اشرف: ندى، انتي مش حاسه انك كل شويه تقولي حضرتك حضرتك، مش تقيله عليكي الكلمه ولا ايه
ندي اتنهدت بألم : يافندم لازم نحفظ الالقاب طبعا
اشرف : بس انا مش عايز، ده لو ميدايقكيش يعني،
ندي: لا طبعا مفيش ديقه ولا حاجه، انا ليا الشرف ان حضرتك تكون اخ ليا
اشرف: اخ،، اممممم ماشي ياندي، عموما ربنا يوفقك يارب، واتمنى مكونش عطلتك عن حاجه، اشوفك بكره ان شاء الله في الشركه
ندي: ان شاء الله يافند،،،، قصدي يا فندم هههههه
اشرف : ههههههه، خلاص واحده واحده هتتعودي، مع السلامه ياندي
ندي: مع السلامه يا استاذ أشرف
ندي لنفسها :ياترى يا اشرف بتلمح لايه، ممكن تكون معجب، بس انا للاسف قلبي اتقفل على واحد بس، ومش هقدر اتخيل حياتي وانا مع حد غيره، ياترى ممكن فعلا احبك في يوم من الايام وانسى احمد، لا لا لا استحاله، احمد محفور في قلبي وعقلي، ولا يمكن يطلع منهم ابدا،
وقامت اخدت حمام ودخلت السرير تحاول تنام
_____________شيمو الخطيب
عند ام احمد
ناديه وام احمد وعايده قاعدين مع بعض
اتصلوا على مؤمن، لكن مردش
كلمو احمد
ام احمد : حبيبي، عاملين ايه
احمد: احنا تمام ياست الكل الحمد لله، انتو اللي عاملين ايه من غيرنا
ام احمد: ناقصنا وجودكو يا حبيبي، ربنا ميحرمنا منه ابدا،
احمد: حبيبتي يا أمي ولا يحرمنا منكو يارب
ام احمد: هو اخوك مؤمن فين كلمته ومردش،
احمد :هما فوق في الاوضه احتلوها وطردوني انا وهنا، ههههه
ام احمد : ليه ياحبيبي كده،
احمد: دول بيغيروا هدومهم يا أمي متقلقيش، ههههه
ام احمد : ربنا يسعدكوا يا حبيبي يارب، طيب البنات فين
احمد : قاعدين معايا هنا في استقبال الفندق، حتى هنا عايزه تكلمك اهي
هنا : ازيك يا خالتي وحشتووووني قوي
ام احمد : قلب خالتك ياهنون، وحشتيني يا حبيبتي
ناديه هاتيها اكلمها يا ام احمد
ان احمد : والدتك عايزه تكلمك يا حبيبتي، خدي يا ناديه
هنا : ماما حبيبتي، وحشاني قوي
ناديه: قلبي وعيني يا هنا، عامله ايه يا حبيبتي، وحشتيني قوي، قضيتوا يوم حلو ولا ايه
هنا: هبعتلك كل اللي انا صورته يا ماما على تليفونك، فرجيه لخالتي عايده وخالتي ام احمد، هتلاقي ابدااااع بجد، كان يوم حلو قوي
ناديه ربنا يسعدكوا يابنتي، انا هستناكي تبعتي الصور
هنا : حاضر حالا هبعتلك
هنا بعتت الصور و الفيديوهات اللي هي والبنات صوروهم وكان فيديو غُني فارس ومؤمن وفيديو غُني احمد،
وصور ليهم وهما بيهزروا مع بعض بالايس كريم، وصور ليهم على البحر وكلها كانت جميله
وصلت الصور لناديه واتفرجوا كلهم عليها وضحكوا على مؤمن وفارس، وعلى هزارهم مع بعض، ودمعوا من الفرحه على حب هنا واحمد وان ربنا جمعهم على خير، وفرحوا للحب اللي شايفينوا في عنين ولادهم، ودعولهم كلهم أن ربنا يسعدهم ويجمعهم دايما يارب
شيمو الخطيب
_____________
نرجع لأحمد في الفندق
احمد لهنا والبنات : هما العيال دي بتعمل ايه فوق ، كل ده بيغيروا هدومهم ، دول لو بيفصلوها من الاول، كانو خلصوا،
هنا: هههههه اتأخروا فعلا،
مي: مؤمن جه اهو،،
مؤمن السلام عليكم، ايه يا احمد متطلعتش تغير ليه
احمد : والله،!! انت بتتكلم بجد!! ، وهسيب البنات ازاي لوحدهم
مؤمن : ااااه صحيح، تمام فارس ونادر نازلين اهو، هنتكل إحنا على الله، واطلع غير انت براحتك بقه
هنا: لا يا مؤمن احنا ممكن نشوف اوضه في الفندق، وتباتو فيها النهارده، الشباب في اوضه والبنات في اوضتنا. وامشو الصبح في نور ربنا
احمد بص لهنا : بنات مين وشباب مين، لا احنا نحجز اوضتين ننيم البنات في أوضه، والشباب في التانيه، وانا وانتي في اوضتنا
مؤمن : ههههههه، لا ياعم ولا اوضه ولا اتنين، احنا لازم نمشي النهارده
احمد : وليه لازم يا مؤمن
مؤمن :انا ونادر لازم نقابل مدير الجهاز بكره ان شاء الله،
الحلقه ١٢
من 💔جراح القلب ٢💔
مؤمن قال لاحمد انه هيقابل مدير الجهاز بكره هو ونادر
احمد: بتقول مين'!!!! ، ليه يامؤمن
مي قلبها دق بخوف وقربت منه ومسكت ايده برعشه
مي: مؤ، مؤمن انت بتقول ايه، انت بتهزر صح
مؤمن مسك ايد مي، لأنه حس برعشتها وضمها ليه قوي : ايه ياجماعه مالكو كده، انتو محسسني اني قولتلكو رايح عمليه انتحاريه، دي مقابله عاديه يعني، وضغط على مي وهي في حضنه اكتر
هنا: هو في اي يااحمد، انا شايفاكو كده
مستصعبين الموضوع، هو فيه خطر عليه ولا حاجه
مي عينيها متعلقه بمؤمن ومنزلتش عنيها من عليه ومش سامعه اي كلام ليهم خالص
مؤمن : سيبك منهم دول قلبهم رهيف، يابنتي مفيش حاجه خالص، كل الحكايه انها مقابله معاه واختبار لقدراتي في الكمبيوتر مش اكتر
احمد بزعيق: انت ليه كل حاجه واخدها بضحك وهزار، ليه عايز تعمل كل حاجه على مزاجك ومبتراعيش اي مشاعر لأهلك او حبيبتك، انت مش شايف اول مقولت انك هتروح بكره مع نادر بقت عامله ازاي، انت من امتى وانت كده، من امتى وانت اناني مبتفكرش الا في نفسك وبس، مليون وظيفه موجوده وتعيشك ملك، لكن انت لأ،ازاي، لازم اروح برجلي للخطر وارمي نفسي فيه، وطز في اي حد بيحبني، طز في اخويا اللي ميتخيلش حياته من غيري، طز في حبيبتي، اللي ممكن يجرالها حاجه لو انا اتصبت في موقف، طز في امي اللي هتموت لو عرفت حاجه زي دي، طز في عيلتي وكل حبايبي، مش مهم هما، المهم انا وبس، مش ده تفكيرك يا بشمهندس،
مؤمن واقف مصدوم وهنا ومي وكل البنات مش عارفين يقولوا ايه،
مؤمن : احمد!!! انت فعلا شايفني كده، انت شايفني بشع للدرجادي،
احمد: بصوت هادي نوعا ما،، للأسف، تصرفك ده مبيقولش غير كده،
نادر وفارس كانو نازلين وسمعوا كل كلام أحمد، ونادر حس انه السبب وانه ممكن يزعل الاخوات من بعض،
نادر حط ايده على كتف احمد: انت اكيد يا احمد بتقول الكلام ده من خوفك علي مؤمن مش اكتر، انت واثق ان مؤمن عمره مايكون الإنسان ده، عمره مايكون اناني، ولا بيفكر غير في نفسه، الموضوع انه حابب حاجه، ونفسه يجربها، وانا اوعدك أن لو حاسس ان في خطر عليه صدقني انا بنفسي هبعده وهرفض وجوده معايا
احمد : مش انا اللي اقدر افرض عليه حاجه، هو حر يا نادر، ومعلش بعد اذنكو هطلع اغير هدومي وانزلكوا (وفعلا سابهم ومشي)
نادر بص لكل الموجودين ونفخ ومشي وبعيد
فارس واقف مش عارف يعمل ايه، حاول يكلم مؤمن، لكن مؤمن مردش عليه،
هنا: مؤمن، اوعي تزعل من أحمد، احمد خايف عليك، وبيقول كده من خوفه والله، عشان خاطري يا مؤمن لا تزعل منه ولا تزعله،
مؤمن بصلها ومصدوم وساكت
وهنا طلعت لأحمد تحاول تهدي الموقف
ومؤمن خرج بره الفندق وبص لقى نادر واقف
مؤمن : يلا يا نادر انا عايز امشي،
نادر: مش هينفع نمشي واحمد زعلان بالشكل ده، انت عايز تزودها يا مؤمن ولا ايه، اعقل كده ومتزعلش من اخوك، احمد مبيحبش حد في الدنيا قدك. وكل كلامه ده، عشان يستفزك ويوقفك مش اكتر، عايزك ترجع عن اللي في دماغك يا مؤمن، عشان خاطري ، متخلينيش احس ان انا السبب في اي زعل بينكو، انت تطلع دلوقتي، وتراضي احمد، واللي انت عايزه انا هعمله، لو شغلك معايا هيسببلك مشاكل، بلاش يا مؤمن، في الف مهندس وفني كمبيوتر عندنا،
مؤمن بضيق: بقولك، عاييييز، اممممشي ، ياناااادر، ممكن ولا اخد مي وارجع مواصلات
نادر: مؤمن، صدقني مينف
مؤمن قاطعه: اوك يا نادر انا همشي
ودخل قال لمي، : يلا يامي، هتيجي معايا ولا هتروحي معاهم
مي: هاجي معاك فين يا مؤمن،
مؤمن : هنرجع القاهره، انجزي، جايه ولا لأ
مي: مؤمن انت هتمشي واحمد زعلان كده
مؤمن شدها من ايدها وخدها وطلع بره
فارس : مؤمن، يا مؤمن، استنى متبقاش مجنون
ايه يا نادر، انت هتسيبه يمشي،
نادر : حاولت معاه، ومرضيش يقعد، بس انا شاكك انه هيقدر يمشي، يمكن هيلف شويه ويرجع، ربنا يهديه
________ شيمو الخطيب
عند احمد في الاوضه
هنا: ليه يا احمد تقوله كده، انت عارف ان مؤمن عمره مايكون بالانانيه دي، كلامك كان صعب قوي عليه
احمد قاعد وحاطط راسه بين ايديه وفجأه قام، : انتي عايزانى اقوله ايه وهو ممكن يعرض نفسه للخطر، انا عارف انه مش خطر مباشر، لكن ليه من الأساس وهو ممكن يتعين في أكبر شركه في مصر، ودخله هيبقى كويس جدا، ليه يقلقنا عليه، وهو في ايده يريح نفسه ويريحنا، ليه يا هنا، انتي مشوفتيش شكل مي لما قال انه هيقابل المدير بكره، ليه يوصلها لدرجة الخوف دي، مؤمن هو الأمان بالنسبه لمى ، ليه يكسر الاحساس ده عندها، غير امي لوعرفت، مؤمن مفكرش غير في رغبته وبس ياهنا، وكان لازم افوقه
هنا : انا معاك في كل كلمه، بس مكنش بالاسلوب ده، كان ممكن تتكلم بهدوء شويه يا احمد،
احمد : هنااااا، انهي الكلام في الموضوع ده خلاااص، اللي هو عايزه يعمله.،وكلامي معاه مش هيفيد، سواء بالاسلوب ده او بغيره، فمن فضلك، بلاش نتكلم في الموضوع ده تاني
هنا : حاضر يا حبيبي، مش هتكلم فيه، ممكن تقوم تاخد دش يهدي أعصابك، وغير هدومك وننزل، وكل شيئ هيبقى تمام، يلا يا احمد، قوم يا حبيبي ،
احمد قام اخد دش، واتوضي وصلي، ونزل مع هنا
نادر وفارس وسلمي وولاء قاعدين وقلقانين جدا من رد فعل احمد
احمد بص ملقاش مؤمن ولا مي: انا اسف ياجماعه على التأخير، بس على ماصليت وغيرت ونزلت
نادر : ولا يهمك يا مدير، المهم انت عامل ايه دلوقتي،
احمد : انا تمام، الا هو مؤمن فين
نادر: خرج يتمشى شويه، هو مخنوق يا احمد، هيلف شويه وهيرجع
فارس بص لنادر وسكت، واحمد لاحظ
احمد باسف: مؤمن مشي يا نادر مش كده
__________شيمو الخطيب
عند مؤمن ومي،
مي: مي انت شاددني كده ورايح فين، ممكن تفهمني (ووقفت وشدت ايديها من ايده)
مؤمن: بنفاذ صبر: بقولك ايه يا مي، انا همشي ارجع القاهره، عندك اعتراض في كده
مي: ايوه طبعا عندي، انا عمري ماهمشي
واسيب احمد زعلان، حتى انت، لو عملتها عمرك مهتسامح نفسك، تقدر تقولي هتمشي ازاي وهو زعلان منك، هتقدر يا مؤمن؟
مؤمن..........
مي: مترد عليا، هتقدر؟
مؤمن نفخ:اووووف انتي عايزه ايه يا مي، عايزانى بعد كل الكلام اللي هو قاله، ارد اقول ايه، ابرر موقفي قدامه، ولا ادافع عن نفسي، المفروض انه اصلا ميقولش كده، احمد اكتر واحد عارفني، اكتر واحد فاهمني، عارف اني مقدرش استغني عن حد فيكو، ولا اقدر ابعد عنكو، عارف ان حياتي معاكو وبيكو، ومينفعش تبقى من غيركو، احمد قسي عليا قوي في الكلام يامي وانا بجد مش قادر أصدق انه كلمني كده، ده حتى محاولش يتكلم معايا بهدوء، ولا يفهم مني، انا مخنوق قوي، مش عارف اعمل ايه
مي : تعالي يا حبيبي نقعد هنا بس ونشوف هنعمل ايه
وقعدوا على الكورنيش
مي:ممكن تهدي، وتسأل نفسك، ليه احمد اتكلم معاك بالطريقه دي، ودي اول مره يعملها، اكيد يا مؤمن هتعرف الاجابه،
احمد حياته كلها بتتلخص فيك يا مؤمن، انت مشوفتش شكله وانت في المستشفى مضروب بالرصاص كان عامل ازاي، كانت حالته وحشه قوي يا مؤمن، طول الوقت بيصلي ويدعي ان ربنا يقومك بالسلامه، مفكرش يرتاح ولا يرجع البيت حتى يغير هدومه، مؤمن، انت اول اسم نطقته بعد مفوقت كان أحمد، يعني علاقتكوا مش علاقة اخ بأخوه، دي أكبر من كده بكتير، يعني لازم تعذره في رد فعله، وبعدين انت الصغير، لازم تستحمل ديقة اخوك يا مؤمن، خصوصا لو اخ زي أحمد، انت مسألتش نفسك ليه انا بتكلم مع احمد باريحيه وكأنه اخويا، عارف ليه يا مؤمن
مؤمن بص لمى وسكت
مي: لاني اتمنى يكون عندي اخ بيحبني زي ما احمد بيحبك، حبيت حب احمد ليك قوي، وانه عند استعداد يخسر الدنيا كلها ويطلع بيك انت، حتى انا حسيت انه بيخاف عليا وعلى زعلي، ويمكن شكلي وخوفي عليك هو اللي نرفز احمد اكتر، مؤمن، احمد ده بالذات مينفعش نزعله، لأنه ميستاهلش مننا كده، انا بجد بعتبره اخ وصديق وعارفه اني لو لجأت ليه في اي وقت عمره مهيتأخر، عشان خاطري يا مؤمن، بلاش نمشي وهو زعلان،
مؤمن.........
مي: خلاص يا مؤمن، لو عايز تمشي، امشي، وانا هاجي معاك لاني مينفعش اسيبك، بس صدقني عمري مهسامحك ابدا على موقفك ده، ولا احمد كمان هيسامحك، يلا يا مؤمن، تقدر تمشي دلوقتي
مؤمن : وقف وبصلها، واداها ضهره ومسح وشه بايده، وقال: يلا بينا يامي
مي: هنسافر؟
مؤمن : لا هنرجع لأحمد
مي: بفرحه، حبيبي والله، ربنا ميحرمنا من بعض ابدا
مؤمن بصلها وابتسم على جنانها
مي: بعشق ابتسامتك دي قوي، شكلك بيقي وحش قوي وانت مكشر
مؤمن : والله مجنونه (وحط ايده على كتفها وضمها ليه ومشيوا)
______شيمو الخطيب
في الفندق
احمد : مؤمن مشي يا نادر، مش كده
نادر: لا، لا ياعم مشي ايه، هو خرج مخنوق بس وهيرجع على طول،
وبعدين هو هيسافر مواصلات يعني، اكيد شويه وهيجي متقلقش
احمد: اممممممم، ماشي يانادر، انا عايز اطلب منك طلب
نادر: اتفضل طبعا، انت هتستأذن ولا ايه يا احمد
احمد : خلي بالك من مؤمن يا نادر، بلاش يبقى في وضع خطر، مؤمن أغلى حاجه عندي في الدنيا، انا بأمنك عليه، مؤمن قبل مايكون اخويا فهو ابني مش عايز اسمع عنه حاجه وحشه، عشان خاطري يا نادر (وعينه دمعت)
نادر : ايه يا احمد، انت هتوصيني على مؤمن ولا ايه، ده اخويا يا جدع، وصدقني ان شاء الله مفيش اي خطر عليه،
فارس: تصدق يا واد يا احمد انا هعيط، انت بجد يا احمد جواك مشاعر حب لو اتوزعت على العالم هتكفي وزياده كمان، انت شرف لأي حد يعرفك يا احمد والله، ربنا يخليك ليا يا صاحبي،( وحضنه)
احمد: تسلم يافارس، وانت صاحب جدع فعلا، المهم يلا اتكلوا على الله عشان متتاخروش ، واول متوصلوا طمنونا
هنا : ومؤمن، هيمشو ويسيبوه
نادر : لا طبعا مؤمن زمانه جاي انا هتصل بيه استعجله
احمد : مؤمن مشي يا نادر، متتعبيش نفسك، عموما لما تشوفه هناك ابقى قوله ميزعلش منى ، وانا لما ارجع هبقي أراضيه
مؤمن كان واقف ورا احمد ولف احمد ليه وقال: بس عمري ما ازعل منك يا احمد، وعمري ما اقدر امشي وانت زعلان مني، انت عيلتي كلها يا احمد فاكر ولا نسيت، انا بحبك قوي يا اخويا،
احمد عينه دمعت وشد مؤمن لحضنه وفضلوا وقت وهما حاضنين بعض، لدرجة ان البنات عيطت من الموقف وحبهم لبعض،
فارس : والله الموقف ده عايز يتصور وينزل في افيش فيلم في السينما، هيكسر الدنيا، مخلاص يا عم انت وهو خلتونا نعيط، اسوق انا ازاي دلوقتي، الله يسامحكو
نادر : كنت متأكد انك جاي، وحشتني الفتره دي والله، ههههههه
مي: انت تاني يا نادر، مفيش فايده فيك، هههههه
مؤمن : انت كمان وحشتني اكتر يا نادر (والاتنين بصوا لمى)
مي: لااااا، كده كتير، احمد بقولك ايه، شوفلك حل في الموضوع ده، قبل مقتلهم الاتنين ونرتاح
ولاء: تقتلي مين يا مي، ها، انتي عارفه انتي بتتكلمي عن مين،
احمد :باااااس، اهدوا يابنات مينفعش كده،
هنا : انتو عارفين، انا نفسي منفترقش ابدا، ونفضل كلنا مع بعض كده، واولادنا يكبروا، وتبقى علاقتهم مع بعض زيينا، ياااااه، والله تبقى حلوه قوي
سلمي:ياريت يا هنا والله، انتوا فعلا تستاهلوا اننا نحافظ على علاقتنا بيكوا، ونقويها اكتر واكتر.،انا بحس معاكو بكل معاني السعاده، بضحك معاكو من قلبي، ربنا يديمكوا في حياتي (وبصت لفارس) ويخليك ليا يا فارس، لأنك أنت مصدر سعادتي الأساسي
فارس بصلها بعشق وسكت
نادر: ياااااه، اخيرا اتكلمتي يا سلمى، احنا نسينا صوتك يابنتي
مؤمن :لا سيبك انت، لو كل واحده سكتت وبعدين لما اتكلمت قالت الكلمتين الحلوين دول، يبقى مش عايزين اي بنت فيكو تنطق لمده يومين، ههههههههه
سلمي اتكسفت، وكلهم ضحكوا قوي
فارس، : كده تكسف البنيه يا ابو لسان طويل،
مؤمن : احنا اسفين ياصلاااح، ههههههه
وسلموا كلهم على أحمد وهنا، ومشيو
_____________بقلم شيمو الخطيب
وصل الشباب القاهره، وفارس وصل سلمي للبيت
اما نادر فوصل مؤمن ومي وبعدين ولاء ورجع على شقته
فارس:سلمي، هو مصطفى بيه ممكن يكون صاحي دلوقتي، أصله كان اتصل عليا وقالي لما نوصل نكلمه، وانا بصراحه محرج اكلمه في الوقت المتأخر ده
سلمي: احنا نطلع بس، ونشوف هنعمل ايه
فارس : لا نطلع ايه، انا يدوب اروح، المفروض ان عندي شغل الصبح وبعدين ميصحش اطلع دلوقتي، انتي شايفه الساعه كام
سلمي: تعالي وصلني لفوق يا فارس وبعدين امشي، انت مش غريب يعني عشان تقول كده
فارس: انا عارف يا سلمى، بس صدقيني مش هينفع، مش عشان انا رافض او مش عايز، لا والله ابدا، ده عشانك انتي، ومحدش يفكر يقول اي كلمه عليكي، عموما انا هطلع واطمن انك دخلتي وامشي على طول
وفعلا طلعوا وكانت والدة سلمي صاحيه قلقانه عليها،
سميره : سمعت باب الشقه بيتفتح عرفت انها سلمي، قامت بسرعه:
حمدلله على السلامه يا حبيبتي، قلقتيني عليكي،
سلمي: ماما حبيبتى ايه اللي مصحيكي لحد دلوقتي،
سميره: يعني عايزانى انام، وانتي مش في البيت، لازم اطمن عليكي الأول يا حبيبتي وبعدين انام، هو فارس فين كده
سلمي: واقف بره اهو ياستي، قال ايه مينفعش يدخل في وقت متأخر زي ده
سميره : تعالي يا حبيبي اتفضل، انت تيجي في اي وقت يافارس، انت زي ابني والله وربنا يعلم غلاوتك في قلبي،
فارس: حبيبتي يا سمسم والله، انا بجد اسف اني أخرت سلمي، بس الوقت كان حلو ونسينا نفسنا بصراحه،
سميره: ولا يهمك يا حبيبي المهم انكو رجعتوا بالسلامه،
تليفون سميره رن وكان مصطفى
سميره : ثواني اشوف مين بس بيرن، ادخل يافارس متقفش على الباب كده
(ودخلت تجيب الفون)
سلمي : ادخل يافارس بقه، مش هناخرك ياسيدي والله ، وفعلا فارس دخل
سميره : ألو، السلام عليكم، ازيك يا مصطفى
مصطفي: ازيك انتي يا سميره، سليم عامل ايه
سميره : سليم كويس الحمد لله، متقلقش عليه
مصطفي: طيب الحمد لله، هي سلمي لسه مرجعتش
سميره : سلمي لسه داخله حالا.،وكانت لسه هتكلمك، حتى فارس واقف على الباب مش راضي حتى يدخل يريح شويه،
مصطفي: الولد ده محترم جدا، ربنا يسعدهم يارب، طيب ممكن اكلم فارس ياسميره
سميره، : حاضر من عنيا، خد يافارس مصطفى عايز يكلمك
فارس اتوتر: انا اسف يافندم اني أخرت سلمي، بس والله الوقت سرقنا ونسينا نفسنا، اسف بجد لو دايقت حضرتك
مصطفي: ايييه يابني مالك، طب قول سلام عليكم حتى، هو انت شايفني ادايقت لكل كلامك ده، انا بس كنت بطمن عليكو مش اكتر
فارس: يعني حضرتك مش زعلان مني ولا حاجه
مصطفى : ههههه لا يا سيدي مش زعلان، وعشان اثبتلك، انا بكره، قصدي انهارده بقه هههه، مش عايز اشوفك في الشركه، انتو راجعين متأخر، ومش هتقدر تصحى وتيجي الشركه، يعني وجودك هيبقى زي قلته، فيبقى قلته احسن
فارس: ههههههه والله يافندم انا مش عارف افرح ان حضرتك عايز تريحني، ولا افرح من مدحك الجميل ليا، هههههه
المهم اني هفرح في الحالتين ههههه
مصطفى : ياواد بص لنص الكوبايه المليان، ههههههه ربنا يسعدك ياحبيبي، ابقى سلملي على البت سلمي حبيبة عمها
فارس: الله يسلمك يا فندم، مع الف سلامه وقفل معاه
انتي عارفه يابت يا سلمي، عمك ده حتة سكره، ربنا يخليه لك،
سلمي : ياااارب يافارس، ولا يحرمني منه ابدا،
فارس : استأذن انا بقه، انا بجد مرهق جدا ونفسي انام.
سلمي: فارس، ياريت لما توصل البيت كلمني طمني عليك
فارس: من عنيا ياقلب فارس،
سلمي اتكسفت، وسميره بصتله وضحكت وودعوه الاتنين
_____________شيمو الخطيب
نادر ومؤمن حاولوا يرتاحوا شويه من السفر وبعدين يقوموا يجهزوا لمقابلة مدير الجهاز
وفعلا نادر عدي على مؤمن ونزلوا مع بعض
نادر:جاهز يابطل ولا متوتر،
مؤمن: التوتر ده اعتقد انه طبيعي، لكن انا جاهز ان شاء الله لأي حاجه
نادر: ربنا يوفقك يامؤمن، يلا بينا
ووصلوا فعلا
ايهاب: ايه ده!! حضرة الظابط نادر، والله واحشني ياجدع، ده انا سمعت اننا طالعين المهمه الجايه مع بعض
نادر: اممم، ان شاء الله ربنا يستر،
إيهاب : ربنا يستر!!! هو انت مش عايزني معاك ولا ايه يانادر
نادر: لا طبعا مش كده كل الحكايه ان بدعي ربنا يسترها معانا،
إيهاب : ااااه طيب، خير انت جاي هنا في حاجه، وبعدين مش تعرفنا با لاستاذ
نادر: ده بشمهندس مؤمن، وجايين نقابل المدير، وبعد اذنك عشان منتأخرش، يلا يا مؤمن
مؤمن: مين الرخم ده يا نادر،
تادر: ده ظابط معانا هنا، وهو اللي هيطلع معانا المهمه بتاعتنا
مؤمن: بس شكله مش مريحني نهائي، مش عارف كده مرتحتش لكلامه وطريقته
نادر: هههههه بدأت تفهم يا بشمهندس
مؤمن: بدأت!!! انا طول عمري بفهم، انت بس اللي مستقل بيا، هههه
نادر : طيب يلا يا عم الفهيم، استعد عشان ندخل
مؤمن : استنى بس، اهدا من التوتر اللي انا فيه، وندخل على طول
نادر: توتر!! وعاملي فيها البطل الهمام، وانت ركبك بتخبط في بعضها
مؤمن : هو انا داخل اقابل رئيس الجامعه،انا داخل اقابل رئيس المخابرات، انت مدرك ولا لأ، وبعدين انت هتدرك ازاي، ما انت بايت معاه، ههههه
نادر : طب يلا ياابو الادراك،، هههههههه
ودخلوا عند المدير
نادر: السلام عليكم يافندم
المدير: اهلا يا نادر اتفضل،
نادر: ده بشمهندس مؤمن اللي كلمت حضرتك عليه،
المدير: اتفضل يا بشمهندس،،،، انت هندسه قسم كمبيوتر، مش كده
مؤمن : ايوه يا فندم، وتحت امر حضرتك في أي حاجه
المدير : تمام تمام، انت اي امكانياتك في الكمبيوتر يا مؤمن،
مؤمن : انا ممكن حضرتك اهكر موقع، أو لاب توب، أو موبايل، اركب كاميرات واجهزه تصنت، افك شفرات، وأن شاء الله حضرتك مش هتندم على قبولي معاكو
المدير: اممممم تمام، طيب تقدر تدخل على اي تليفون دلوقتي، وتخترقه. ولا صعبه عليك يا بشمهندس
مؤمن : تحت امر حضرتك يافندم، اقدر بإذن الله، (وطلع اللاب توب)
المدير: انت جاهز بقه، هههه، طيب انا عايزك تخترق تليفون نادر،
مؤمن : ايه،!!! نادر!!! ، (وبص لنادر وضحك)
نادر: ايه يا فندم، هو انا هبقي فار التجارب بتاعكو ولا ايه، هههههه
مؤمن : والله المدير امر وانا عليا التنفيذ، هههههه، ايه يا حضرة الظابط خايف من حاجه ولا ايه
نادر بصله بضيق، : لا طبعا وانا هخاف من ايه، اتفضل يا بشمهندس وربنا يستر
المدير : هههههه، لا خلاص يا بشمهندس، اكيد هجربك في حاجه اكبر من كده، عموما انا بثق في رأي نادر جدا، واكيد هو وثق فيك يبقى فعلا انت محل ثقه وقدها كمان ، عموما ان شاء الله هنحتاجك معانا قريب، (وبص لنادر) وانت يا نادر، ان شاءالله هتجيلي الاشاره هبلغك على طول، وتقريبا كلها يومين ونجهز، وربنا يوفقك ان شاء الله
نادر: الف شكر لحضرتك يا فندم، بعد اذن حضرتك
مؤمن : شكرا يا فندم بعد اذن حضرتك
ومشيوا الاتنين
نادر : مؤمن، تأكد ان المدير هيجمع عنك معلومات من الكليه والبيت وكل مكان انت بتتواجد فيه، يعني مش هيعتمد عليك وهو مغمض كده لأ،،، انت متأكد من نفسك يابني ولا هنتفضح هههههه
مؤمن: ليه يعني شايفني مسجل خطر ولا ايه، اخوك صاغ سليم، بس انا كان نفسي انه يثبت على موقفه ويخليني اخترق تليفونك، هموووت واعرف فيه ايه، هههههه
نادر خبطه، : هو انت مفيش حل لفضولك ده، هههههههه
المهم انا عايزك، تركز في الجيم والتدريب، لازم تبقى مجهز على أعلى مستوى، ده هينفعك بجد، سواء اشتغلت معايا او لا
مؤمن : ان شاء الله، متقلقش،
وخرجوا من الجهاز
____________شيمو الخطيب
وبعد مرور يومين
هنا واحمد رجعوا شقتهم
ومؤمن ونادر كانو بيموتوا نفسهم تدريبات في المكان اللي نادر مجهزه ليه، ده غير الجيم طبعا
مي كانت بتستعد لبدأ الدراسه وبتحاول مع مؤمن لكن مؤمن اهتمامه كله بالشغل وده مدايق مي جدا
فارس طبعا في شغله وسلمي بتحاول تخرج من حالتها، لكن قررت تروح الشغل لفارس،
___________
في شقة احمد :
احمد: حمدلله على السلامه يا حبيبتي، نورتي شقتك ياقلب احمد
هنا: حمدلله على سلامتك انت ياحبيبي، وحشتني قوي الشقه.
احمد : انا مش بيوحشني غيرك انتي يا هنا،،، المهم تعالي يا حبيبتي، نكلم امي وخالتي نطمنهم علينا، عشان ميقلقوش، وبعدين نفضى الشنط دي،
هنا: حبيبي متتعبيش نفسك انت، انا هفضيهم وانت ريح شويه، شكلك تعبان يا احمد، (وقالت بزعل) خصوصا كمان انك عندك شغل الصبح
احمد: شدها لحضنه، حبيبتي، انا عارف ان ده مدايقك جدا، لكن صدقيني انا لو عليا، افضل جنبك العمر كله، بس ده شيئ لابد منه، وبعدين انا هكلمك على طول، انا مقدرش اقعد ثانيه من غير ماتنفس، وانتي مصدر الحياه بالنسبالي ياهنا
هنا مسكت وشه بين ايديها،، : انا بحبك قوي يا احمد، ربنا ميحرمني منك ابدا ياحبيبي
احمد: ولامنك ياملاكي، وضمها ليه قوي،
______________شيمو الخطيب
مؤمن رجع من الجيم، ودخل الشقه ملقاش والدته
مؤمن : ماما،، يا امي،،، راحت فين الست دي،،، يا ام احمد،
دخل على اوضته واخد هدوم وطلع عشان يا خد شاور
ام احمد بتفتح الباب،
مؤمن : ايه يا أمي، كنتي فين،
ام احمد : حبيبي يابني، انت وصلت امتى
مؤمن: انا لسه داخل من شويه، انتي كنتي فين
ام احمد: كنت عند خالتك عايده، اصل مي تعبانه قوي وحاولنا معاها نجيبلها دكتور لكن هي رفضت
مؤمن : بتقولي ايه،!!!! مي
لقراءة باقي الفصول الجزء الثانى من هنا
لقراءة الجزء الاول جميع الفصول كاملة من هنا