#قلب_فاضي
الحلقه { 69 و 70 }
69
تقى : انته ايه اللى بتعمله ده مشروع ايه ؟
حمزه : مشروع ابويه مقتنع بيه كدا ومش عارفه على ايه
تقى : ايه بقى ؟
حمزه : مصنع زباله
تقى : زباله؟
دا مين ده اللى هيشتغل فيه
حمزه : انا عارف سبينى فى حالى بقى
تقى : طيب انا زهقنه ما تيجى خرجنى
حمزه : بقولك بشتغل وبعمل مشروع تقوليلى خرجنى
تقى : طب انا اعمل ايه دقولتى زهقانه
حمزه : روحى اقعدى مع ماما
تقى : طب انا عاوزه امشى رجلى ممكن انزل المول انا ومماتك ؟
حمزه : لا مفيش خروج
تقى : شكرا يا حمزه انا خارجه وسيباك مع مشروع الزبله ده وكنت هعملك حاجه تشربها والله ما هعملك
خليك بقى
حمزه : يا قماصه يا وحشه ربنا يسمحك
ام حمزه : مالك بتنفخى ليه ؟
تقى : كنت عاوزه اخرج انا وحضرتك نروح المول نمشى رجلينا شويه حمزه قالى لا
ام حمزه : معلش فى فيلم حلو تعالى اتفرجى
تقى : الله معبودة الجماهير دا انا بحبه اوى
ام حمزه : جميل تعرفى انا ونبيل لما كنا مخطوبين زمان كان يفضل يغنيلى الاغنيه بتاعت على شان احنا مع بعضينا لما كنا نخرج ويفسحنى
تقى : هههههههه علشان كدا بتحبيه
انا على كدا ادخل بقى المفروض حمزه يقلد عمو بس حمزه مش هيغنيلى على شان احنا مع بعضينا
ام حمزه : اومال هيغنيلك ايه
تقى : مشغول وحياتك مشغول ولاخر الاسبوع مشغول
ابو حمزه : ( خرج من مكتبه ) مين ده اللى مشغول
تقى : حمزه قاعد جوا بيشتغل فى مشروع مصنع الزباله
ابو حمزه : مش اسمه مصنع زباله اسمه مصنع فرز وتدوير المخلفات
ام حمزه : يعنى ايه انا مش فهمه ؟
ابو حمزه : هشيل القمامه من الشوارع واخودها المصنع افرزها
المرحله الاول هفرز المخلفات وابيع الحديد والزجاج والبلاستك والورق الحاجات دى يعنى
والمرحله التانيه بقى يكون المصنع كبر وجاب تكاليفه اعمل بقى انا اللى ادور المخلفات دى واعيد تصنعها
تقى : هو مشروع حلو انا مكنتش فهمه كدا
ام حمزه : ما تعمل حاجه تانيه مش حلو ده انا جوزى وابنى هيشتغلو فى الزباله
طب بلاش انا طفطف الكميله لتيته دى لما يروح الحضانه يقولهم بابا بيشتغل فى الزباله لا وحش يا بلبل
ابو حمزه : طب اسكتى اسكتى انتى متعرفيش انا هجيب فلوس ازاى وكام ملكيش فى البزنيس انتى اخرك تفتحى حضانه
ام حمزه : طب والله فكره ايه رئيك ياتقى نفتح حضانه انا وانتى وبوسى وامك نشتغل فيها
تقى : اكيد حمزه هيقول لا
بس فى حاجه يا عمى انته هتلم القمامه دى من الشوارع ولا من البيوت ؟
ابو حمزه : ما لسه بقى حمزه بيخطط
تقى : اها ماشى
انا هقوم اعمل عصير مين عاوز ؟
ام حمزه : اعملى لينا كلنا واعملى لطفطف اللبن بتاعو فى البيبرونا الدبدوب عشان بيحبها
ام حمزه : دبدوب دا ولد كام سنه وهيبقى راجل
ام حمزه : راجل عسوله خلاثى على العثل
نجوى : تمام كدا يا نوسه مش عاوزه اى اخطاء
نوسه : لا متخفيش انا بدالك
دينا : واحنا متخفيش والله هنمشى الشغل زى الساعه
نجوى : يا ولاد اخوتكم البنات تخلو بالكم منهم مش عاوزه مشاكل
رزق : متخفيش والله
نجوى : ماشى هشوف وزى ما اتفقنا كل واحد ومجموعته
مجموعة رزق الارض ، ومجموعة حسين السوق والشغل مع سراج وربيع ، وانتم بقى يا بنات شغلكم عرفينه
بس مفيش حاجه تندبح غير لما اجى
دينا : متخفيش والله هنمشى الشغل كأنك موجوده انتى سيبه رجاله
سمسمه : ممكن يا ابله اجى معاكى
نجوى : لا انتى الكبيره مش هينفع لازم تكونى مع البنات لما ارجع هديكم اجازه تسفرو انتم
سمسمه : اصل انا خلاص وصلت لحل فى اختراع اللبن وكنت هروح انفزه
نجوى : يا سلام اختراع ايه يا زويل ههههههههه
سمسمه : هههههههه بصى احنا هنجيب المكنسه ونعمل لها تعديل بدل مانشفط تراب لا نشفت اللبن
رزق : طب مااللبن هيبوظ المكنسه
سمسمه : لا احنا هنعمل فيها تعديل بدل ما نركب الكيس بتاع التراب لا نركب فيها ازازه وبكده ناخد اللبن يتعبى فى ازازه على طول
نجوى : فكره غريبه بس فى حاجه انتى ناسيها
سمسمه : ايه ؟
نجوى : لو بقره ولا جموسه سمعو صوت المكنسه هتروح مخضوضه وتروح رفساكى مطيراكى
رزق : احسن خلينا نخلص منها ههههههههه
سمسمه : ممكن نتكم الصوت بفل
نجوى : هى فكره بس تفتكرى مضمونه ؟
نوسه : نجرب هنخسر ايه بدل ما نفضل نشتغل بأدينا وكدا انظف على فكره
نجوى : ماشى ياسمسمه تعالى معانا يلا ندخل ننام عشان بكرا هتروح الارض ونعبى الحاجه
دينا : ماشى انا طالعه
نجوى : يلا يا ولاد ادخلو نامو انا طالعه
ناجى : ابله ابله
نجوى :انا مش قولتلك متطلعش هنا عشان محدش يقلدك ؟
ناجى : انا اسف بس نسيت اقولك حاجه
نجوى :تتصل بيه او تنده انزلك مش تطلع هنا الدور التانى للبنات فاهم ولا لا
ناجى : فاهم بس اصل ام فادى اتصلت وبتقولك انتى نسيتى ابنها ولا ايه
نجوى : ياخبر انا نسيت خالص مش تفكرنى
ناجى : مانا كمان نسيت
نجوى : انته سكرتير فاشل مخصوم منك 3 ايام
ناجى : ههههه ماشى اخصمى
نجوى : يلا انزل وبكرا هنروحلهم
ناجى : ماشى حاضر تصبحى على خير
ام منير : ايه هتفضلو كدا انتم الجوز
صابرين : لو سمحتى انا مش بحب حد يكلمنى كدا
ام منير : اللى عندك اعمليه ياختى
سلمى : فى ايه ياماما ؟
ام منير : باقلكم سنه اهو والحمد لله كل عيل بقى يزحف وياكل مش هتجيبو تانى ولاايه ؟
سلمى : شويه هو احنا لحقنا وكمان نشم نفسنا
ام منير : مفهمش انا فى الكلام ده شدو حلكم كدا وهاتو عيل تانى
صابرين : طب هو بأدينا دى حاجه بتعت ربنا
ام منير : لا مش بتاعت ربنا بطلو تاخدو برشام منع الحمل ده وانتو هتحمله
سلمى : ما احنا ممكن ما ناخدش البرشام وبرضو منحملش
ام منير : انتى بلاش تفتحى بؤقك انا عرفت انك رجعتى تشتغلى مع اللى تنخفى حسها ما تبات
سلمى : انا لاانا بشتغل مع فكرى مش هى
ام منير : وهى وفكرى ايه مش جوز اختها انتى بتستغفلينى
سلمى : الله مانا استنيت احمد وفضلت 3 شهور مابعتش كتكوت ولحد دلوقتى لاجاب عربيه ولا عمل حاجه وفى الاخر راح اشتغل فى شارم
ام منير : وهو انا كنت بخلف واربى واعلم وفى الاخر اخليه يشتغل يبيع كتاكيت
سلمى : خلاص هو الموضوع خلص اصلا فكرى بيشتغل بفلوسه مش بفلوس نجوى
ام منير : اللهى لا تكسبى ولا تربحى يا سلمى يا رب
صابرين : محمد بس متدربش اخوك ذياد اخوك
ام منير : لا سبييهم يضرب وبعض عشان يجمدو
سلمى : انتى عاوزه العيال يضربه بعض؟
ام منير : اه عشان يعرفو لو حد ضربهم يبقى وخدين على كدا
صابرين : بدل ما نعلمهم يحبه بعض ويحمه بعض
ام منير : انتو والله اللى عملكم اماهت ظالمكم
سلمى : اه صح { وانا اقول محمود اخلاقو زى الزفت ليه اتريها تربيتك } هى سومه فين ؟
ام منير : نزلت تجيب حاجات زمانها جايه
سومه : ( وهى ماشيه ومروحها فى الشارع خبطت فى واحد ) اه مش تفتح
يوسف : معلش ياخبره انا قولت ادخل فيكى اعيد الذكريات مش احنا اول مره خبطنا فى بعض برضه
سومه : انته مش مكسوف من نفسك ؟
يوسف : لا بس ايه يا موزه الحلاوه دى بقتى اصل بجد
هو رقمك الجديد كام؟
سومه : ابعد عن وشى بدل ما ازعق وافرج عليك الناس
يوسف : مش خايف افضحك
سومه : ايه ليه ولا تقدر تعمل حاجه
يوسف : طب هاتى رقمك عشان نتسلى شويه
سومه : وانا مش بتسلى مع حد انته اصلا اقل من انى اتكلم معاك ولا حتى اقف معاك
يوسف : يا سلام انتى مش بتحبينى ؟
سومه : للاسف كنت ودلوقتى انا فعلا بندم على كل لحظه فكرت فيها فيك
تعرف انته اختبار من ربنا وللاسف منجحتش فيه
يوسف : اختبار ازاى ؟
سومه : مش ربنا بيحط البشر فى مواقف ويشوف هيختارو ايه وللاسف انا اختارت طريق الشيطان وفضلت اغلط وانا فكرا ان ده حب
بس الحمد لله ندمت وتوبة وعمرى ماهعمل كدا تانى
يوسف : يتوب علينا ربنا هههههههههه
سومه : انا عرفت غلطتى والحمد لله بصلى وبذاكر وراحه تانيه تجاره وانشاء الله ربنا هيبعتلى حد محترم يحبنى ويصونى مش واحد يتسلى
انا مش عاوزه اشوفك تانى لانى بجد عمرى ما هسمحك على اللى عملته فيه
ولونى بشكرك
يوسف : بعد ده كله بتشكورينى؟
سومه : لانك خلتنى اتعلم انى ماثقش فى اى حد ، ومفيش حد ممكن يقبل يتجوز واحده من جواه شايفها رخيصه مع انها هو اللى ارخص من الرخص نفسه
يوسف : ماشى يا سومه شكرا سلام
سومه : سلام
نجوى : السلام عليكم
ام فادى : اهلا اهلا اتفضلى نورتينى اتفضلى يا ابله نجوى اتفضلى
نجوى : انا اسفه والله انى نسيت موضوع فادى والله انا اسفه
ام فادى : كتر خيرك مشاغلك كتير
نجوى : انته بقى فادى
فادى : اه انا
نجوى : انشاء الله تشتغل معانا بس انا عاوزه اعرف انته ممكن تعمل ايه وميكنش شغل متعب عليك
فادى : انا خريج تجاره وبعرف كمبيوتر وعندى نت زى مانتى شايفه
نجوى : اها طب حلو تمام
بص انا ممكن اشغلك فى السوق وانته اللى تمسك الاستمارات
بص دى استماره اى حد بيدخل السوق بياخد واحده وبيكتب فيها هو داخل يبيع او يشترى وكمان هيبيع ايه ويشترى ايه
وبيدفع 5 جنيه
وهو خارج لو باع اواشترى اللى هوعاوزه بيدفع 5 جنيه برضه لومابعش خلاص مش بيدفع حاجه
فادى : بس دى معموله بالايد وشكلها مش حلوه
نجوى :مانا عملها بأيدى
فادى : طب ايه رئيك اعملها انا على الكمبيوتر عشان تبقى منظمه اكتر
وكمان مانعأً للسرقه ممكن نعملها بأرقام وبالتاريخ
نجوى :والله فكره خلاص اعمله
والمرتب انا هديك مؤقتا 600 جنيه فى الشهر
وكمان كل اسبوع انا هديك نسبه من الناس الداخله وخارجه الاستمارات يعنى
فادى : انا مش عاوز فلوس انا بس عاوز اشتغل مش عاوز احس انى زى قلتى والسنين اللى اتعلمتها راحت هدر
نجوى : خلاص اتفقنا وكمان فى حد كل يوم هيجيلك يخدك ويوديك ماشى ؟
ام فادى : ربنا يكرمك وينجحلك مقصدك ويكتبلك الخير يا رب
نجوى : امين يا رب
حضرتك بقى مش عاوزه تشتغلى؟
ام فادى : ياريت بس هشتغل ايه ؟
نجوى : بتعرفى تعملى ايه ؟
ام فادى : اما ممكن اربى حمام انا زمان كنت بربى حمام
نجوى : حلو اوى روحى حاتى وربى وانا هاخد الانتاج كله منك
ام فادى : وممكن ارانب كمان
نجوى : اوك انزلى اشترى بطريات وانا هاخد منك
ام فادى : مكسوفه منك انا مش معايا اشترى
نجوى : طب انتى عندك مكان؟
ام فادى : اه السطح وكمان فى اوضه جوا فاضيه
نجوى : انهاردا هجبلك 4 وكل واحده دكر و2 نتى ووارينى بقى الشطاره
ام فادى : بس كدا هيبقى الحاجه بتعتك
نجوى : بصى الحاجه بتعتى بس دا تعبك انا هديكى على الارنب 10 جنيه والاكل من عندى
والبنات هيتبعو معاكى وانا كمان
فادى : حضرتك انا ممكن اعملك زى استماره زى تقرير كدا والبنات يكتبو فيها الشغل ماشى ازاى
نجوى : ماشى يا فادى
انا هقوم بقى وهبعتلك الحاجه واى حاجه كلمينى ولو ناجى رد عليكى قوليلو انتى عوزانى فى ايه
وانته حسين هيعدى عليك ياخدك الصبح الحمدلله السوق انا هفتحه كل يوم من اول بكرا
ام فادى : نورتيناوالله طب خليكى شويه
نجوى : يا دوب اصلى مسفره القاهره بكرا
ام فادى : تروحى وترجعى بالسلامه
نجوى : الله يسلمك السلام عليكم
( وتانى يوم سافرت نجوى وناجى وكان معاهاسمسمه)
سليمان : حمدله على السلامه
نجوى : الله يسلمك ازيك
سيده : وحشتينا يانجوى ايه الغيبه دى
نجوى : معلش جيبالكم بقى حاجات عنب
ناجى ساعد سليمان ونزل الحاجه
ناجى : حاضر
سمسمه : انا همشى بقى اشوف هعمل ايه ؟
نجوى : ماشى خودى خلى دول معاكى
سمسمه : ماشى شكرا السلام عليكم
سيده : ماشاء الله ايه دا كله
نجوى : الحمد لله يا سيده الستات فى البلد بيقولو لبعض وكمان بيغيرو من بعض واحده تلاقى جارتها بتشتغل تروح طالبه منى هى كمان تشتغل
ومش هى لوحدها هى وولادها
سيده : ازاى ؟
نجوى : الست مثلا اديها 10 فرخات كل يوم بقى تدينى مش اقل من20 بيضه
دا غير بقى الفراخ والبط والوز والارانب
وولادهم بقى ساعات بياخدو بضاعه منى ويروحو يبعوها لحسابى وبيخدو نسبه
سليمان : شطره يا نجوى طلعالى
نجوى : ههههههه بس والله انا منغير ناجى اتوه هو على طول معايا
ناجى : اه انا السكرتير
سيده : احسن سكرتير والله جدع
نجوى : انا همشى بقى لحسن مستنينى عند فارس
سليمان : بس لسه منزلناش الحاجه من العربيه
نجوى : لا مش مهم هاخد تاكسى
هات موبيلى ياناجى
بس خلى بتاع الشغل معاك
ناجى : اتفضلى
نجوى : يلا سلام هجلكم تانى عشان نتحاسب
سليمان : يا ريت
نجوى : متخفش هكيشك انهاردا
سليمان : حبيبتى يا مظبطانى
نجوى : سلام
فارس : حمد الله على السلامه
نجوى : الله يسلمك وحشتنى اوى اوى ( وحضنتو وباسته )
فارس : وانتى كمان
أتأخرتى كدا ليه ؟
نجوى : خود بس حط الحاجات دى فى التلاجه
انا هنا من 2 الظهر روحت لسليمان فضلت عنده ساعه وجيالك فى ساعتين الطريق زحمه اوى
فارس : طب تعالى فى الصالون
نجوى :اشمعنى
هااااااااا ايه ده انتم كلكم هنا وحشتونى
الهام :انتى وحشتينا اكتر
نجوى :وحشتينى اوى يا تقى
تقى : وانتى كمان اوى اوى
نجوى : ماما حبيبتى
ام فارس : كدا برضو 20 يوم عشان تيجى تشوفينى
نجوى : الشغل والله بس الحمد لله كله تحت السيطره
هدى : يا مسيطره انتى هههههههههه
فكرى : هى نجوى على طول مسيطره
حمزه : مش اوى يعنى
نجوى : خليك حلو يا حموزه لحسن نجوى هتزعل
حمزه : اسمى حمزه مش حموزه
فكرى : عادى يا حمزه زى اختك بتدلعك
نجوى : شايف جوز اختى القمر تعشلى يا فكورتى
الهام : خلاص بقى يا نجوى بطلى لسانك الطويل ده
نجوى : حاضر هقعد مأدبه
هو هيثم وشوقيه فين كنت عاوزه هيثم
ام هدى : سافره امبارح
نجوى : راحو فين ؟
هدى : ههههههههه اسطنبول شوقيه فى اسطنبول
نجوى : هههههه يلا خليها تتفسح غلبانه
هو مصطفى فين؟
تقى : اكيد مع ماما فى البيت
نجوى : وحشنى
حمزه : ابقى تعالى شوفيه اى وقت
نجوى : لا مش هجلكم
حمزه : خلاص بقى يا نجوى اللى فات مات
نجوى : امممممم طيب افكر
وهيثم فين طيب ؟
هدى : نايم يا رب يفضل نايم شويه
نجوى : نوم الظالم عباده
بس حلوه المفجئه دى كلنا متلميين كدا
الهام : هى حلوه بس انا مش عارفه هو فارس جايبنا ليه ؟
فارس : عشان كل واحد ياخد حقه
حمزه : حقه فى ايه ؟
فارس : انا وتقى والهام وماما لينا حق عند نجوى
فكرى : طب انا وحمزه جايبنا ليه ؟
فارس :عشان حقوق مراتاتكم وكمان تبقو حكم بينى وبين نجوى اللى طول عمرها ماشيه بدمغها ومش بتعمل حساب لحد او بتحترم حد
نجوى : انته بتتكلم ليه كدا انا عملت ايه ؟
ام فارس :خلاص يافارس مش وقته نتغدا الاول
فارس : لا يا ماما قبل ما ناكل انتى بتعملى ليه كدا يا نجوى؟
نجوى : بعمل ايه انا مش فهمه
فارس : افهمك ماشى
احنا لينا حق فى البيت بتاع عمى اللى فى البلد والبيت ناصبنا 100 الف جنيه
انتى بقى فكرتى فى نفسك واخاتى الارض ام 80 الف وفوقيهم 20 الف بس وولاد عمك ضحكوعليكى ياهانم
نجوى : ضحكو عليا انا ازاى؟
فارس : البيت والارض ب 280 الف جنيه وحنا لينا النص يبقى 140 الف وانتى بهبلك اخاتى100 بس ويارتهم فلوس لا ارض و20 الف بس
نجوى : انته لخبطنى 280 ولا 140 بتوع ايه
فكرى : براحه يافارس وبعدين ولاد عمك زى اخواتك
فارس : لا يا فكرى دول ضحكوعليه
نجوى : اهدا بس 140 دول انته جبتهم منين ؟
فارس: مانا قولتلك 100 البيت و 40 نص تمن الارض
نجوى : ارض ايه يافارس انته نسيت ولا ايه احنا ارضنا اخدناها من حوالى 4 شهور
فارس : يا سلام اومال الارض اللى انتى اختيها دى ايه ؟
نجوى : دى ارضهم هما مش هو الارض 20 فدان من الربع شهور اخدنا 10 وانا اديتك نصيبك انته والهام فى البيت اللى فى بنها كمان
صح يا الهام؟
الهام : صح يا نجوى وادتينا كمان الفلوس كاش
نجوى :اتبقى من الارض 10 فدان بتوعهم وهما مش عوزينهم
وعاوزين البيت وهما مش معاهم فلوس يدفعولنا 100 الف
فا انا اخدت الارض مكان البيت وفوقيهم20 الف
يبقى ضحكوعليا ازاى ؟
فارس : انا مش فاهم
حمزه : يعنى نصيبكم فى البيت انتو اخدته ماكن الفلوس الارض حصل بدل
نجوى: بالظابط ياحمزه
فارس : طيب فين حقنا فى 100 الف ؟
نجوى : مانا اخدت ماكن الفلوس 10 فدان
فارس : انا بقى مش عاوز الارض انا عاوز حقى فلوس
نجوى : انا هشغلك حقك هديك كل شهر مبلغ حلو زى ماما والهام وتقى
فارس : لا يا نجوى انا مش عاوزك تنعمى عليا انا واخواتك
نجوى : انعم عليك ؟
طب تمام انا هديك نصيبك فلوس
بس كدا انته ملكش عندى لا فى بيت ولا ارض
فارس: انا ماليش فى شغل الكتاكيت بتاعك ده انا دكتور
نجوى : اه دكتور ماشى يادكتور
100 الف ÷8 = 12.5 وده حقك يا ماما
هيتبقى 87.5 ÷5 =17.5 ×2= 35 الف جنيه
حقك 35 الف صح؟
صح يا فكرى انته تعتبر اكبر اخوتنا انته وبوسى طبعا
فكرى : مظبوط صح
نجوى : (فتحت الشنطه بتاعتها ) اتفضل 35 الف
فارس : طب مانتى عامله حسابك اهو وجيبا الفلوس
نجوى : لا يا فارس دى فلوس ديون عليا وكنت هسددها بس مش مهم اسددها وقت تانى
شهدين يا جماعه؟ كده فارس مالوش عندى حاجه
فارس : انتى بتتكلمى كدا ليه ده حقى
نجوى : اه حقك وحقى انا كمان
(طلعت من شنطتها ورقه وقلم )
اقر انا فارس مصطفى عبد الرحيم انى استلمت ميرااثى كاملا فى الارض ( نجع حمادى ) وبيت (نجع حمادى) وبيت( بنها )
خود امضى هنا
ام فارس : عيب كدا يا نجوى
نجوى : الحق حق وهو اللى قال
امضى الاقرار وكمان البطقه بتعتك اكتب رقمها
فارس : ماشى حقك
(مضى فارس)
نجوى : اتفضلوانتم كمان امضه شاهد اول وشاهد تانى
( فكرى وحمزه مضو )
نجوى : كدا تمام
مين تانى عاوز حقه ؟
الهام : خلاص بقى يا نجوى هو فارس محتاج فلوس
هدى : والله انا قولتله نفضل معاكى وانتى تشغاليلنا الفلوس بس هو رافض
نجوى : لا كدا احسن
ها مين تانى عاوز حقه ؟
انتى يا الهام ناصيبك فى البيت 17.5
( خراجة من شنطتها دفتر وصولات امانه وكتبت لالهام وصل امانه ب 17.5 الف جنيه )
اتفضلى ده حقك
الهام : بس انا مطلبتش يانجوى
نجوى : لا ده حقك
كمان ماما
ام فارس : انا مش عاوزه حاجه
نجوى: لا يا ماما كل واحد ياخد حقه
انتى ناصيبك القديم 17.5 ودلوقتى 12.5 يبقى 29.5 قولى 30 الف
ده وصل امانه ب 30 الف خليه معاكى اتفضلى
تقى : انا كمان عاوزه حقى
نجوى : (باستغراب ) انتى يا تقى احنا طول عمرنا مع بعض
تقى : لا انا كمان عاوزه حقى
معلش يانجوى انا عاوزه فلوس
فارس : اهو مش انا لوحدى
حمزه : وانتى هتعملى ايه بالفلوس انتى طالبتى منى حاجه وانا قصرت فيها ؟
تقى : لا بتجبلى كل حاجه بس انا عاوزه فلوسى
نجوى : ماشى
انتى ناصيبك كان 24.5 الف
يبقى24.5 + 17.5 = 42 الف جنيه
ده وصل بالفلوس
تقى : وانتى معاكى توكيل رسمى منى بيعى حقى ليكى
حمزه : انتى ازاى بعتى البيت لولاد عمك ؟مش المفروض فارس وماما والهام وتقى هما كمان يبعولهم ؟
نجوى : انا بعتلهم بتوكيلات رسميه من ماما وتقى والهام وفارس
فارس : توكيلات ؟ ايه دى انا معملتش توكيل
نجوى: فاكر لما انا اشتاريت تنصيبك اول مره انته مكنتش فاضى تروح الشهر العقارى تانى عملت يتوكيل بيع شراء
وكمان الهام عملالى توكيل
الهام : اه صح انا فكره
فارس : انا افتكرت ان التوكيل دا بنستخدمه مره واحده
نجوى : لا بنستخدمه كتير تقدر تروح تلغيه لو عاوز
ام فارس : خلاص كل واحد خد حقه باقتو بتتجمعو بس عشان الفلوس
نجوى : انا مش جايه عشان الفلوس بس انتى شايفه
فكرى : خلاص بقى يامرات عمى كل واحد ضمن حقه بس انتى هتجيبى فلوس منين يانجوى دانتى عديتى80 الف كدا
نجوى : متقلقش هسدد وفلوس ماما اول واحده ان شاء الله قريب
ام فارس : انا مش عاوزه حاجه انا عوزاكم حلوين مع بعض
نجوى : متعيطيش بقى ماحنا كويسين اهو( وهى بتحاول تغير الجو )
ايه يا هدى فين الغدى
هدى : جاهز والله
نجوى : طب يلا لحسن انا جعانه اوى
حموزه انا هروح معاكم اشوف الواد
حمزه : تانى حموزه تانى
تقى : نجوى متقوليش حموزه عشان انا بس اللى ادلعو
نجوى : ماشى ياختى دلعيه برحتك انا هقوم اغير بقى
الهام: مين تليفونه بيرن ده ؟
فكرى : ايه رنه دى
نجوى : دا رنةالنمله المحششه بس ده رقم غريب
الو
؟ : اخيرا رديتى يا نجوى
نجوى : مين معايا
؟ : تتجوزينى
نجوى: ايه ؟
؟ : انا واقف تحت البيت انزلى
نجوى : انته مين ؟
#قلب_فاضي
الحلقه { 70 }
الهام: مين تليفونه بيرن ده ؟
فكى : ايه رنه دى
نجوى : دا رنةالنمله المحششه بس ده رقم غريب
الو
؟ : اخيرا رديتى يا نجوى
نجوى : مين معايا
؟ : تتجوزينى
نجوى: ايه ؟
؟ : انا واقف تحت البيت انزلى
نجوى : انته مين ؟
؟ : انا اللى حبيتك من اول عااااااااااااا ها بقى عرفتينى
نجوى : النمره غلط
فارس : مين يانجوى ؟
نجوى : دى اااااااااا رقم غلط
هدخل اغير بقى
ها يا هدى الغدا فين
هدى : وطى صوتك الود هيصحى
نجوى : ههههههه هيثم معلمك الادب احسن
صابرين : شفت مش مامتك عوزانى اخلف تانى
منير : هو احنا لحقنا دا محمد لسه بيرضع
صابرين : دى هزقتنى جامد اوى انا وسلمى
منير : غريبه متقمصتيش يعنى زى الاول ؟
صابرين : لا مانا اخات على كده عادى بقى
منير : ايوه كدا خليكى عقله
بصى هو موضوع الخلفه ده رزق من ربنا انا عن نفسى موافق نخلف تانى
انتى ايه رئيك ؟
صابرين : انا نفسى اوى اجيب بنت واسميها على اسم امى
منير : بلاش احسن تقولى ان الاسم ده اسم امك لان امى مش هتسكت وتقول اشمعنى بقى اسم امك لا سموها رزقه
صابرين : انا ماما اسمها شيك
منير : ليه امك اسمها ايه ؟
صابرين : ماما اسمها نيللى
منير : نيللى
تصدقى حلو نيللى منير
لاحلوعجبنى
بس مش هنقول ان دا اسم امك ؟
صابرين : اومال على اسم مين ؟
منير : اى حاجه مثلا نيللى كريم الممثله
صابرين : يعنى من انهاردا مائخدش البرشام ؟
منير : ماشى متخدهووش وربنا يكرمنا بقى من عنده ، انا الحمد لله اكلت هدخل اريح بقى وصحينى على8 اصحى الاقى الشاى معمول
صابرين : حاضر بس كدا عينى يا حبيبى
منير : ايوه كدا بقتى صيعه احبك وانتى منحرفه
ام حمزه : الو
جيجي : الو انتى فين يا كنزى كدا برضو متسأليش عليا؟
ام حمزه:والله غصب عنى مصطفى على طول معايا ومش بخرج من البيت خالص
المهم قوليلى جنى اخبرها ايه ؟
جيجي :اهو عملت اكتر من عمليت تجميل والحمد لله الجلد بيستجيب
ام حمزه :طب الحمدلله
جيجي :بس احنا يعنى؟
ام حمزه:ايه عاوزه فلوس ؟
جيجي : اه بصراحه انامكسوفه وانا بقول كدا
ام حمزه : اناهجيلك بكرا اشوف جنى
جيجي : تنورى يا كنزى احنا فى البيت
ام حمزه : ماشى
نجوى : مين طابخ قولو وبصراحه
ام فارس : انا وبوسى ليه ؟
نجوى : لا حلو تسلم اديكم
حمزه : جميل اوى احلى حاجه الكفته تجنن
نجوى : اه فعلا حلوه
تقى : بس ناقصها فحم
فكرى : لا مش بحب الحاجه على الفحم بتحمى
حمزه : تعرف لما كنت فى دبى كنا بنروح نشوى على الجريل وايه بيبقى الاكل واو
تقى : فاكر لما روحنا فى شهر العسل
حمزه : اه طبعا
فارس : ما تيجو نسافر يوم كدا نتفسح
حمزه : انا موافق
نجوى : وانا موريش حاجه لحد يوم الجمعه السبت هسافر
فكرى : انا ساعه اروح اجيب العيال واجى
نجوى : اه صحيح هما العيال فين ؟
الهام : فى البلد
نجوى : وكركر مجبتوهاش ليه ؟
الهام : كركر هههههههه دلوقتى مش بتطلع من الشارع ومش قادره عليها
تقى : ليه بقى وبتعمل ايه فى الشارع
الهام : بتلعب كوره تخيلى ولو اتغلبت تروح جاريه ورا الولاد تضربهم
حمزه : اه اكيد وراثه واخده جينات من نجوى
نجوى : هههههه كدا نجوى هتزعل
فارس : ازعلى عادى هتعملى ايه ؟
نجوى : لا ما انا عملت قبل كدا
( تليفون نجوى رن تانى )
فكرى : ما تشوفى النمله المحششه دى انا اتصاتلة
نجوى : دا دا العمده هروح ارد عليه من البلكونه
ام فارس : سلميلى عليه يانجوى
ام هدى : وانا كمان
نجوى : على العمده ؟
ام فارس : اه قوليله امى بتسلم عليك وعاوزه تشوفك قريب
نجوى : ماشى الو ( وداخلت البلكونه )
ام هدى : ( وهى بتوشوش ام فارس ) تلقيها وحشتو فا بيطمن عليها
ام فارس : اه يا رب يعدلهالك يا نجوى يا بنتى يا رب
فارس : هو فى ايه بتتوشوشو
ام هدى : لا مفيش
ام فارس : مفيش قوليله وفرحيه اصل العمده عينه من نجوى
فارس : العمده دا راجل كبير اوى انا شفته فى عزاء بابا
حمزه : اه وفى فرح شوقيه كمان دا تقريبا معدى60 سنه
ام فارس : وماله عادى بس المهم تتجوز
فارس : انا مش موافق ارميها الرميه دى حرام عليا ولا ايه يافكرى
فكرى : هو اه دا كدا كبير عليها اوى
ام فارس : لاكبير صغير مفهمش فى كدا لازم ترضى نجوى اول ما تيجى نكلمها ويجى يتقدم رسمى
تقى : بس يا ماما نجوى تتجوز عمده لا ازاى يعنى
ام فارس : الله مانتى متجوزه راجل اعمال اهو على الاقل العمده متوظف عند الحكومه
الهام : اه يا ماما بس حمزه الفرق بينه وبين تقى حوالى 5 سنين يعنى سنهم قريب من بعض
حمزه : انا شايف بقى ان نجوى لازم تتجوز واحد اكبر منها عشان يقدر يمشيها مش هى اللى تمشيه زى ماكانت بتعمل مع منير
لازم حد يشكمها
ام فارس : يسلم لسانك يا حمزه والله انته بتفهم
حمزه : شكرا يا ماما
نجوى : ايه ايه صوتكم عالى ليه
مش خايفه يا هدى الواد يصحى دلوقتى
فارس : سيبك من الواد دلوقتى ايه حكايت العمده ده ؟
نجوى : دا العمده كان بيكلمنى فى موضوع كدا بخصوص الارض
فارس : اه ايه بقى ؟
نجوى : حاجه كدا خاصه يا فارس بخصوص الشغل
فكرى : شغل بس ؟
نجوى : امممم
ام فارس :هو العمده ده كويس
نجوى :عادى كويس اه
فارس : عنده كام سنه ؟
نجوى : 60 او65 يعنى فى الرنج ده
ام فارس : طب هيتقدملك امته ؟
نجوى : هههههههههه يتقدملى انا ازاى يعنى لا طبعا دا متجوز ومراته ست كبيره وعنده بتاع 4بنت و4 رجاله
ام فارس : اومال مهتم بيكى ليه ؟
نجوى : ايه عادى هو اى حد يهتم بحد بيبقى عاوز جواز ؟
فكرى : اومال عاوز ايه ؟
نجوى : مصالح بيزنس
اهل البلد عاوزينه يشغل عيالهم ياخد العيالهم يبعتهم عندى انا اشغلهم
كدا يبقى انا لقيت حد يشتغل ويشيل المجهود عنى وكمان هو الاسم انه شغل اهل البلد فهمته
ام فارس : اومال هو اداكى بيت ليه ؟
نجوى :مانا قولتك عشان المصلحه مصلحته انى افضل فى البلد واشتغل
حمزه : للدرجادى انتى مهمه فى البلد ؟
نجوى : اللهم لا حسد انا بيشتغل معايا حوالى40 ست وولادهم اضرب بقى 40 فى متوسط عدد الاسره 3 يعنى120 واحد واحده بيشتغله
وبيكسبه
فارس : عشان السبب ده يديكى بيت ؟
نجوى : ماقولت بقى وقت المصالح الكل بيتصالح
ام هدى : واحنا اللى فكرين انه عينه منك
نجوى : وانتى فكره ان حتى لو هوعاوز يتجوزنى انا هقبل
ام فارس : ليه هوانتى تحلمى تبقى مرات العمده
نجوى : مرات العمده ليه هوانا دايس عليا مكروباص
عشان اتجوز واحد اكبر منى ب 40 سنه دانا اروح اموت احسن
ام فارس: طب هتتجوزى مين ؟
نجوى : تانى تانى هنتكلم فى الموضوع ده
فارس : ماما عاوزه تطمنى عليكى
نجوى : "
""
"
"
ام فارس : ايه سراحتى فى ايه ؟
نجوى : بصو انا هروح مشوار كدا ولما ارجع نبقى نتكلم
فارس : هتروحى فين ؟
نجوى : هجيب حاجات من المول القريب ده
تقى : طب نروح معاكى نخرج عشان خطرى يا حمزه نروح سوى
نجوى : لا مش هينفع اصل سيده عيد جوازها بكرا ووو عوزانى اروح معاها اجيب حاجات ليه
ام فارس : سيده ايه مش تقعدى كدا وتفكرى فى نفسك
نجوى : ماشى لما ارجع هقوم البس
حمزه : بقولك ايه ما يلا احنا
تقى : خلينا قاعدين معاهم
حمزه : لا يلا عشان عندى شغل
نجوى : طب بصو انا هروح المشوار ده وهجلكم اشوف مصطفى ماشى
حمزه : ماشى هنستناكى
يلا يا تقى
فكرى : طب يلا احنا كمان
الهام : اه قبل الضلمه
ام فارس : الله كلكم كدا هتمشه مش تستنه نتكلم فى جواز نجوى
نجوى : جواز نجوى ليه هوانا جوازى محتاج مبحاثات وبعدين متستعجليش محدش يعرف الخير هيجى امته
الهام : اهو الله يلا يا فكرى دا زمان كركر مزنبه العيال فى الشارع
نجوى : حبيبتى يا كركر طلعالى
فكرى :اه انتى بتقولى فيها يلا السلام عليكم
حمزه : طب نوصلكم طيب لحد الاتوبيس
فكرى : مش عاوزين نعطلكم
حمزه : احنا اخوات تعالى معانا
ام فارس : انا مشبعتش منكم
حمزه : تعالى عندنا اى وقت شوفى تقى ومصطفى او كلمينى وانا اجى اخدك
الهام: ويا ريت تيجى كام يوم عندنا
ام هدى : هااااااا وتسبنى لا دى باقت انتمتى خلاص مقدرش ابعد عنها
الهام : ربنا يخليكم لبعض
حمزه : يلا بينا عشان نلحق الاتوبيس
( نزل حمزه وتقى والهام وفكرى وركبه العربيه وداخلت نجوى تلبس عشان تنزل مشوارها )
فكرى : انته واقف ليه ؟
حمزه : فى حاجه كدا شاكك فيها
تقى : حاجت ايه يلا عشان يلحقه الاتوبيس
حمزه : نجوى مش راحه تقايل سيده نجوى هتقابل حد تانى وانا شاكك انه راجل
تقى : انته بتقول ايه هتقابل مين ؟
الهام : متقولش على نجوى كدا يا حمزه نجوى مش بتقابل رجاله
حمزه : استنه طيب نستناها
فكرى : طب حتى لو هتقابل راجل هى حره
حمزه : حره لو قايله لاخوها مش مقرطساه وبتقوله راحه اقابل سيده
اها نازله شوفو لبسه ايه شيك ازاى
تقى : فين شيك ده ما عادى اهو
فكرى : دى ركبت تاكسى كان واقف وكمان ركبت جانبه قدام
( تقى والهام احرجو جدا من موقف نجوى )
الهام : ان بعض الظن اثم
حمزه : اناهمشى وراهم نشوفهم رايحين فين
فكرى : طب خلى بالك يشوفك
( وفضل حمزه ماشى ورا التاكسى لحد ما وصل لحد المول والتاكسى ركن ونزلت منه نجوى وكمان السواق وداخله المول )
حمزه : شفته اهو احساسى صح
فكرى :طب انزلو نروح وراها
( حمزه ركن ونزله الاربعه وداخله المول وشافه نجوى قاعده مع شاب هما ميعرفهوش )
الهام : مين ده يا تقى ؟
تقى : معرفش
حمزه : نجوى دى هتودى نفسها فى داهيه
فكرى : يا ترى مين ده وبيتكلمه فى ايه ؟
نجوى : قبل اى حاجه جبت رقمى منين ؟
هانى : مش مهم مين المهم انى جبته
نجوى : لا مهم ولو ما قولتش هقوم
هانى : ماشى انا لما وصلتك المره اللى فاتت ولقيتك نزلتى كلمتى واحد اسمر كدا بعد مامشيتى نزلت عملت نفسى تاجر وعاوز بضاعه منك وطلبت منه رقمك أداهونى
نجوى : امممم سليمان طب لما اشوفو هنفخه
طب عرفت منين انى جيت القاهره
هانى : من سليمان انا قولتلو اول ما نجوى هانم توصل القاهره اتصل بيه انا هاخد منها بضاعه ب 200 الف للمحل بتاعى وكنت كل يومين اكلمه انهاردا كلمته قالى انك وصالتى
نجوى : ماشى وعرفت منين بقى مكان البيت ؟
هانى : ايه ذاكرة السمكه دى مش انا اللى ركبتك من قدام بيت اخوكى المره اللى فاتت بتنسى انتى
نجوى : اها صحيح طيب
المتر :تشربه ايه ؟
هانى : تاخدى ايه ؟
نجوى : نسكافيه
هانى : انا قهوه مظبوط
المتر :اوك
هانى : قولتى ايه على طلبى ؟
نجوى : اللى هو ايه ؟
هانى : تتجوزينى؟
نجوى : انا معرفكش انا نزلت اقبلك بس عشان قولتلى لو منزلتش هتطلعلى عند اخويه خفت اتدبس فيك قدام اخويا وامى الصراحه
هانى : هههه
بصى انا عارف انك بتبنى مستقبلك ووراكى مشروع ومستقبل ربنا معاكى
انا عارف كمان انك بتسفرى وبتباتى فى الصعيد وكدا
انا بقى مش هقولك حاجه
اناهديكى حريتك كمله بس لما تيجى القاهره تجيلى
نجوى : مش عارفه ليه مش مقتنعه وحسه ان فى حاجه مش مظبوطه
هانى : انا عاوز اتجوز بس مش عاوز خنقه يعنى بيت وولاد وحاجات كدا اه هنخلف بس مش دلوقتى
المتر : اتفضله
نجوى : شكرا
هانى : انا عاوز اقضى وقت حلو بس فى الحلال
نجوى : لا مش فهمه
هانى: انا عاوز نتجوز جواز انجليزى يعنى
كل واحد يصرف على نفسه وكمان منخلفش غير بعد كام سنه انا عندى شقه ومفروشه هى اه اجار بس تمام شغاله ممكن بقى
نتقابل نقضى وقت حلو ندلع بعض فيها
نجوى : وفى السر بقى ولاعلنى؟
هانى : زى ما تحبى لو عاوزه نتجوز فى السر اوك عوزانى اروح لاهلك واتقدم اوك بس فى تلك الحلتين لازم عند مئزون
نجوى : انا ممكن اجيلك مره فى الشهر
هانى : اوك انا موافق
نجوى : بس لو خنتنى ؟ زى ما منير عمل ؟
هانى : واخونك ليه ؟ انا اللى بعرض عليكى انا هكون صريح معاكى انا مليش فى الحاجات الخيانه والكلام ده وبعدين لوعاوز اخونك هتجوزك ليه؟
انا عاوز ست فى حياتى بس مش خانقه على طول معايا ليل نهار فى وشى ارجع بليل القيها لا انا عاوز واحده توحشنى اكلمها فى التليفون بس فى الحلال
نجوى : طب ممكن افكر ؟
هانى : طبعا بس عاوز اكلمك فى التليفون نتعرف اكتر
نجوى : طيب ماشى انا هقوم بقى
هانى : هتروحى ؟
نجوى : هروح لاختى شويه وارجع لفارس
هانى : وبقررهالك تانى انا هسيبك برحتك خالص بس تجينى لما توحشينى
نجوى : ماشى هفكر
السلام عليكم
هانى : طب اوصلك
نجوى : لا دا هى سكنه قريب اوى
بعد ازنك
فكرى :هى ماشيه ولا ايه ؟
حمزه : اه شكلها كدا
الهام : ممكن تكون واحد بتشتغل معاه
حمزه : واحد بتشتغل معاه دا منظر حد بتشتغل معاه
تقى : حتى لو نفرض انه حبيبها عادى ما هى ليها حق تحب
حمزه : تحب فى النور مش من ورانا امها هتموت عشان تتجوز وتفرح بيها وهى ماشيه على حل شعرها
الهام : لا يا حمزه متقولش على نجوى كدا ما ممكن تكون حاجه تانيه الله اعلم
فكرى : بص انا بثق فى نجوى وزى ما قالت تقى يمكن يكون واحد ولسه بتتعرف عليه
المهم الوقت اتأخر يلا يا الهام عشان نمشى
حمزه : طب استنه اوصلكم
الهام : لا شكرا روح انته احنا هناخد تاكسى يلا يا فكرى
فكرى : السلام عليكم
حمزه : عليكم السلام
مالك لويه بوزك ليه ؟
تقى : عشان بتتكلم وحش عن نجوى
حمزه : فى واحده محترمه تقابل راجل غريب منغير ما تقول لاهلها
وكمان قايله لاخوها انها هتقابل سيده
تقى : بص انا مش هتكلم عشان منتخنقش يلا نروح
حمزه : ماشى احسن برضه
ام حمزه : نوجى وحشانى اتفضلى
نجوى : وانتى كمان عامله ايه
ام حمزه : طول مامصطفى فى حضنى انا زى الفل
نجوى : ربنا يخليكى ليه ، هى تقى فين ؟
ام حمزه :عند فارس هى قالتلى انك هتيجى وهتتغدو هناك
نجوى : اه ما احنا اتغدينا وانا كان ورايا مشوار كدا فا نزلت وقولتلهم هاجى اشوف طفطف بس هما نزله قبلى
ام حمزه : زمانهم جايين
نجوى : هاتى مصطفى شويه واحشنى
ام حمزه : انامش بديه لحد حتى نبيل بس انتى عشان حبيبتى خودى
ابو حمزه : ( خرج من المكتب ) ايه ده نجوى
نجوى : ( قامت من على الكرسى وهى شايله مصطفى ) اهلا يا عمى
ابو حمزه : انازعلان منك
نجوى : سماح بقى يا عمى متزعلش انته عارفنى انى مجنونه وضاربه وانته زى بابا
ابو حمزه : زى بابا تقوليلى غور من وشى ؟
نجوى : طب وحيات طنط كنزى سماح بقى معلش
ام حمزه : خلاص بقى قالتلك عشان خطرى
ابو حمزه : ماشى سماح يا نجوى يا ضاربه يا مجنونه ههههههه
ام حمزه : تشربى ايه ؟
نجوى : لسه شاربه نسكافيه والله
الحمد لله تقى جات
أتأخرته كدا ليه ؟
تقى : كنا بنوصل الهام وفكرى
نجوى : امممممم عشان كدا
حمزه : وانتى كنتى فين ؟
نجوى : فى المول
تقى كنت عوزاكى فى حاجه
تقى : ماشى تعالى جواه
نجوى : اتفضلى الولد
ام حمزه : ماشى هاتى حبيب تيته
تقى : خير فى ايه ؟
نجوى : متقدملى عريس بس مش عارفه اقبل ولا لا
تقى : مين ؟
نجوى : واحد اسمه هانى بس الجوازه غريبه شويه
تقى :ازاى؟
نجوى : بيقولى جواز انجليزى كل واحد يصرف على نفسه كل واحد حر يعمل اللى عاوزه بس نتجوز ونبقى مع بعض وهو هيسبنى اسافر واشتغل
تقى : هو دا اللى ورحتى وقبلتيه فى المول
نجوى : اه هو ايه ده عرفتى منين ؟
تقى : اصل احنا مشينا وراكى وشفناكى معاه
نجوى : انتى وحمزه ؟
تقى : اه وكمان الهام وفكرى
نجوى :طب ليه كدا
مش مهم
اعمل ايه يا تقى اقبل ولالا
تقى : هى فرصه واحد هيسيبك تشتغلى وهيديكى حريتك
نجوى : بس مش عاوز عيال وكمان مش عاوز استقرار
بصى اللى فهمته منه انه عاوز ست بس من غير خنقه
انا هرفض
تقى : متستعجليش فكرى دى شكله حلو
نجوى : هو اه حلو بس موضوع جواز انجليزى ده مش مقتنعه بيه
تقى : امممممم طيب هتعملى ايه ؟
نجوى :انا اعمل ايه انا جيالك تفكرى معايا
تقى : انا اللى افكر لا انا معرفش
اه صحيح انتى زعلتى انى قولتلك انا عاوزه حقى؟
نجوى : لا طبعا دا حقك
تقى : انا مقولتش كداعشان حقى
انا قولت كدا عشان انتى من حقك تعبك يبقى ليكى لوحدك ليه انتى تتعبى وانا اخد فلوس على الجاهز
واخت منك وصل امانه عشان حمزه ميجيش يقولى فى يوم من الايام انك اخدتى منى حقى
لاكن بينى وبينك انا بقولك اهو انا مش عاوزه حاجه ربنا يكرمك ويوفقك
نجوى : يا حبيبتى يا تقى انتى لو طلبتى عيونى هدهالك
بس انا محتاره فى العريس ده اقبل ولا ارفض
تقى : فكرى وشوفى
نجوى : جبتك يا عبد المعين
انا همشى بقى الساعه 10
تقى : هتروحى لفارس ؟
نجوى : اه يلا سلام عليكم
تقى : عليكم السلام
ام فارس : مالك يا نجوى ؟
نجوى : مالى يا ماما ؟
ام فارس : بقالك ساعه نايمه ومبحلقه فى السقف
نجوى : بفكر فى حاجه
ام فارس : ايه بقى
نجوى : ولا حاجه يا ماما تصبحى على خير
( وتانى يوم الصبح نزلت نجوى عشان تروح لسليمان وتشوف هتعمل ايه )
نجوى : ايه ده انتى مستنينى هنا ليه ؟
هانى : قولت نقضى اليوم مع بعض ونشوف كدا احنا قريبين من بعض ولا لا
نجوى : ايوه بس
هانى : تعالى نجرب نكون متجوزين ونشوف هنقدر نحب بعض ولا لا
نجوى : ازاى نجرب نكون متجوزين ؟
هانى : هههههههه ايه يا نجوى عادى احنا كبار ونضجين
نجوى : "
الحلقة الحادية والسبعون من هنا