رواية عشق مع وقف التنفيذ الفصل الحادي عشر والثاني عشر بقلم اميرة جمال

رواية عشق مع وقف التنفيذ

الفصل الحادى عشر والثاني عشر

"هواكى فى قلبى نقطة ضعف "🌺

هرع احمد من هول الموقف ثانية كانت المدة ليتدارك ما يحدث

اقتحام عدد من الرجال شقته ويضع احدهم السلاح على رقبة شهد

صرخت شهد ببكاء :احمد!!!!!!!

-ارمى سلاحك فورا بدل ما اطير رقبته

احمد:انتو مين ي ولاد ال ....

انتو كلاب شاهين مش كدا

شدد الرجل من السكين على رقبة شهد حتى خرجت بضع قطرات من الدماء :بقولك سيب السلاح احسن ما اسيبلك الحلوة دى اجزاء

رمى احمد السلاح فورا

لم يكن امامه خيار آخر ،رفع يده دليلا على وضع الاستسلام :خلاص خلاص رميته اهو سيبها

-مش بالسهولة دى اسيبها ،الباشا بيسلم عليك انت والامورة ،وبيقولك اهى دى نقطة ضعفك اللى هترجعك ليا

احمد باصرار :انا مش ممكن ارجعلو تانى لو روحو فايدى وارجع قولو عيد حساباتك احمد سليم ملوش نقطة ضعف

اقترب الرجل بوجهه من اذن شهد حتى لفحت انفاسه وجهها وهى تبكى بقهر

-سامعة بيقولك ملوش نقطة ضعف ،انتى مش عشيقتو برضو ولا انتى متأجرة بالمدة

ايعقل ان يتخلى عنها حقا ،ايعقل انها لا تساوى شيىء عنده حتى

يتركها تموت بهذه السهولة

تطلعت له للحظة كادت ان تصدق ما يحدث ولكن نظرة الثقة في عينيه

كانت كفيلة بقلب الموازين ،أليس هو من تكفل بها اسابيع فى منزلة حتى

يحميها من رجال الزينى،اذا مؤكد ان ما يحدث مجرد خطة هى لن تكذب قلبها

واحساسها به طوال تلك الايام وقبل ان تزيد فى التفكير وفى جزء من الثانية

،سحب احمد سلاح اخر من خصره واطلقه على مصباح انارة مكانه فوق رأس الرجل الممسك بشهد

سقطتت بقايا الزجاج على وجه الرجل ،فزع من المفاجاة وكحركة تلقائية ترك يده الممسكة بشهد ووضعها على وجهه

انتشلها احمد سريعا وهرعوا الى المطبخ الذى اوصد احمد بابه و سده بواسطة طاولة المطبخ

اختبأ مع شهد التى كانت مذعورة من هول الموقف فى احد الاركان

شهد بارتجاف:ه..هنموت ي احمد كان حاطط السكينة على رقبتى ..وكان ...كان هيموتنى

امسكها من كتفيها بسرعة ليحتوى ارتجافها :شهد متخافيش والله ما فى حاجة هتحصلك انا افديكى بعمرى

بدت وكأنها لم تسمعه :ه..هنموت ..هنموت

احمد باصرار :اسمعينى ي شهد ،مبقاش راجل لو مخرجتش انا وانتى من هنا سُلام ،

تردد فى نطقها ولكن لسانه ابي الانصياع لأوامر عقله :انتى ..انتى بقيتى جزء منى ومش ممكن اسيبو مهما حصل

تطلعت له شهد بعدم بفهم فعاجلها بسؤاله :بتثقى فيا

هزت شهد رأسها بسرعة

سمع صوت رجال شاهين يحاولون كسر الباب ،اخرج هاتف من جيبه وفتحته على مسجل الصوت :صوٌتى

شهد باستغراب :ايه !!!!

احمد بقولك صوتى بسرعة !!!!!

انصاعت شهد لاوامره واخذت تصرخ بما لديها من قوة حتى اشار لها بيده كعلامة للتوقف

وضع الهاتف مفتوح على مسجل الصوت فى احد اركان المطبخ، شبك يده بيدها

وسريعا سحبها الى باب الخدم الكائن فى اخر المطبخ والمطل على الشارع الخلفي

ركبا سيارته بسرعة وانطلقا بها فى لمح البصر

اما عند رجال شاهين حاولو كسر الباب عدة مرات وكانت تعرقلهم الطاولة التى وضعها احمد خلف الباب حتى استطاعو بالنهاية كسره سمعو صوت الصراخ فظنو انهم لا زالو مختبئين

برهة من الوقت حتى اكتشفو حيلة احمد ولكن فى تلك البرهة كان احمد وشهد بالفعل قد رحلو

..........

فى مكان بعيد

حيث سيارة احمد مصفوفة فى أحد الشوارع جالس بقلة حيلة يتقطع قلبه على شهد المنهارة من البكاء بجانبه يود لو يضمها الى صدره حتى يشعرها بالامان التى افتقدته

يحق له الآن الاعتراف امام نفسه ان مشاعره ربطت بها

تلك الاسابيع القليلة التى قضها معها

ضحكتها ،عفويتها ،برائتها

كرته السحرية كما سماها ولعل ابرز ما رسخ مشاعر تجاهها فى قلبه دورها فى كشف الحقيقة وتوبته الى الله يكره ان يراها تبكى يود لو يحرق العالم ولا يرى دمعة واحدة تنزل من عيناها التى تشبه البحر

احمد بصوت حنون:شهد كفاية عياط بقي والله مش قادر

شهد ببكاء:كفاية ايه ي احمد احنا هنموت وبتقولى كفاية ،هموت وانا هربانة من اهلى ،هموت من غير ما اشوف امى وصحبتى ،انت مش عارف كان احساسى ايه والسكينة على رقبتى ،احمد هو انا وحشة للدرجة دى ،ليه كل دا بيحصل معايا

احمد :انتى انضف انسانة شفتها فحياتى ،اوعى

اوعى فيوم تقولى كدا ،دا ابتلاء من ربنا عشان يشوف قوة صبرنا

شهد لو بتثقي فيا كملى معايا للاخر ،انا عارف انك مكنش ليكى فكل دا بس قدرك وارادة ربنا خلى دا يحصل

شهد:انا مبثقش فحد غيرك ،بس هنعمل ايه كدا خلاص الشقة مش هنعرف نرجعلها ولا انا هعرف ارجع لأهلى

احمد:هنروح الشرقية

شهد باستغراب:الشرقية !!!!هنعمل ايه هناك

احمد:هنعد عند أهل ياسر صاحبي

شهد:مش ياسر دا اللى كان شغال معاك عند شاهين ،احمد انت بتفكر ازاى هو دا التخفي مثلا دا فاقل من ساعة زمن هيكون مسلمنا له تسليم اهالى ،امال احنا هربنا ليه عشان نروح نحط رقبتنا تحت رحمته

احمد:خلاص خلصتى !!!

ياسر اه بيشتغل مع شاهين بس مجبور زيي ،ياسر صحبى وقعدت عند أهلو فترة فبلدهم ناس بسطاء وطيبين جدا

وياسر راجل عمرو ما يعمل كدا ،لانه ببساطة مبيكرهش حد فالدنيا قده ،متسألنيش شغال معاه ليه عشان سر صحبي مش ممكن يطلع برا بس لازم تعرفي ان مش دايما الصورة اللى بنشوفها هى الصح

الحقيقة ليها الف صورة وصورة وعمرك ما تحكمى على حد من مرة ولا اتنين ولا تلاتة

متحكميش على حد اصلا غير لما تعاشريه وتعرفي حصلو ايه فحياتو

المهم شاهين عمر ما ياسر يخطر فبالو اصلا ،ولا عمر دماغه توديه الشرقية ،اى فندق هننزل فيه ساعتين زمن يعرف مكاننا ومن ناحية تانية هيبقى عينى عند شاهين واعرف هو ناوى على ايه متنسيش حوار يامن العمرى وصحبتك ،الزمن بيعيد نفسو بقصة اهلى

زمان كنت ضعيف مقدرش امنع اللى حصل

لكن دلوقتى الزمن اتغير واقدر اعمل حاجات كتير

ها قلتى ايه ؟!

موافقة نخوض المهمة دى سوا ؟!

هنخوضها سوا ونخرج منها سوا ودا وعدى ليكى ووعد الحر دين عليه

ابتسمت له ب حنان وسط دموعها وضعت يدها على يده :موافقة عشان عارفة ان معايا راجل هيحمينى

شعر احمد بدقات قلبه

رغم كل ما عرفته عنه

لا يزال يرى نظرة الكمال تجاهه فى عينها

شدد على يدها كعلامة للدعم :ريحى عينك شوية بقي عشان لسة الطريق الشرقية طويل

هزت رأسها بالايجاب هى بحاجة لتلك الغفوة حتى تنسى ما حدث وترتب افكارها للقادم

.........

فى مقر شاهين

يقف شاهين يغلى من الغضب امامه رجاله ولجانبه جاسر

شاهين:حيوانات ....انا مشغل شوية بهايم

بقي حتى عيل زى دا وبت مفعوصة يضحكو على رجالة بشنبات

-ياباشا مهو.....

شاهين:اخرس مشوفش خلقكو قدامى النهاردة لحسن ميصبحش عليكو نهار فيها

انصرف الرجال سريعا فلاول مرة يكون شاهين بهذا الغضب منذ سنوات

شاهين :طبعا لازم يعرف يهرب وانا كنت فاكر ايه يعنى ،دا تربيتى يعنى يلعب بالبيضة والحجر صبرك عليا ي ابن محمود ان ما جبتك راكع تحت رجلى مبقاش انا شاهين

جاسر بتهكم :مش دا بقي اللى كنت عاملى فيها دراعك اليمين

انت عملت عملية استئصال ولا ايه

شاهين :اخرس انت التانى ،شوف مش دا كلب ولا يسوى بس عمرك ما تعرف تعمل ربع اللى كان بيعملو ،خليك انت فشوية الصيع الى. حواليك

جاسر :ولو اثبتلك العكس ؛؟

شاهين :بلاش الثقة دى ،انت حتة عيل فرفور متعرفش تمسك سلاح

جاسر :ملوش لزوم الغلط ،المرة دى هكون معاك عشان تقنع ابن العمرى بالصفقة ولو مرضاش نضغط عليه ولو نجحت هتعترف قدامى انك كنت غلط فكل كلمة قلتها عليا

شاهين بتهكم:ودا عشان تثبتلى نفسك ولا عشان البت اللى فكستلك

جاسر :ملكش فيه المهم مصلحتك تقضى

ها قولت ايه

شاهين بعد ان فكر قليلا :وانا قبلت

...........

فى قصر العمرى

مؤخرا منذ محاولات عزيز لابتزاز أروى والتعرض لها

صارت تفضل الاختلاء بنفسها فى جناحها ،تتعمد التأخر فالوقت عند فريدة حتى لا تلتقي به

تشعر بالامان لمجرد وجود يامن بالقصر ،لا تنكر ان علاقتهم كاصدقاء تحسنت كثيرا وهى تجد فى قربه نوعا من الألفة ولكن لا زالت تقنع نفسها انها مرحلة مؤقتة فى حياته وكلما شعرت بتحرك مشاعرها تجاهه تذكرت نفسها بظروف زواجهم وانها لم تكن الا بديل لانقاذ الموقف

بعد العشاء جلس يامن بجانب اروى مع يمنى وعزيز يشاهدون التلفاز

كانت اروى تتطلع للتلفاز بشرود

كان يعرض فعاليات الاحتفال بعيد الام السنوى

وكأن العالم اتحد سويا حتى كلما تتنسا كون انها يتيمة وان صح القول مجهولة الهوية لا بد من تذكيرها كان يعرض التلفاز حفلة لاطفال صغار يغنى اربعة منهم اغنية اهداء لأمهاتهم:

بعد الحب دة اية الى تعمل كل دة تستاهل اية

بعد الحب دة اية الى تديى حنان كدة من غير حساب نبوس التراب الى ماشية علية

امى ثم امى لحد اخر يوم فى عمرى

حضن من اول حياتى وهمة همى