رواية شمس الصعيد
بقلم الامبراطورة نور الشمس
تعريف الشخصيات
والفصل الاول والثاني
والثالث
شمس الصعيد
الشخصيات
🌝🌝🌝🌝
عائلة المنشاوي
🌝🌝🌝🌝🌝🌝
وهدان المنشاوي : كبير عائلة المنشاوي رجل على مشارف السبعين
🌞🌞🌞🌞🌞🌞🌞🌞🌞
حامد المنشاوي : رجل يبلغ من العمر 50 عام ارمل منذو زمن يعشق زوجته وابنه عمه وهدان ورفض الزواج وكتفي باولادة
🌞🌞🌞🌞🌞🌞🌞🌞🌞
شمس المنشاوي : فتاة أية من الجمال ، بعيون عسلي فاتح وشعر بني ، طويل تمتلك الجسد الممشوق الجذاب ، تبلغ من العمر 23 عام يعشقها الجميع ، وهى كبيرة العائلة ويحترمها الجميع ، تدير أعمال العائلة فى مصر والبلد ، وهى الأمر الناهي والجميع ينفذ دون اعتراض
🌞🌞🌞🌞🌞🌞🌞🌞🌞🌞
زين المنشاوي : شاب يبلغ من العمر 25 عام شقيق شمس ويحبها بشدة وطول الوقت فى ظهرها
🌞🌞🌞🌞🌞🌞🌞🌞🌞🌞
صفية المنشاوي : امرأة تبلغ من العمر 45 عام قتل زوجها بطريقة غريبة وتكون شقيقة حامد ولديها ابنه وولد
🌞🌞🌞🌞🌞🌞🌞🌞🌞
نرمين المنشاوي : فتاه تبلغ من العمر 22 سنة ، تعشق شمس ، حاصلة على بكايوس تجارة ، تعمل مع شمس فى الشركة
🌞🌞🌞🌞🌞🌞🌞🌞🌞
بدر المنشاوي : ابن صفية وخبيث مثلها يبلغ من العمر 30 عام ، يكره شمس بشدة ويغير منها
🌞🌞🌞🌞🌞🌞🌞🌞🌞
عائلة الشاذلي
🌝🌝🌝🌝🌝🌝
صفوان الشاذلي : كبير العائلة وعلى مشارف السبعين
🌞🌞🌞🌞🌞🌞🌞🌞🌞
حاتم الشاذلي : شاب يبلغ من العمر 28 عام ، هيبة ووقار والجميع يحترمه ، يدير مصالح العائلة
🌞🌞🌞🌞🌞🌞🌞🌞
ملك الشاذلي : فتاة جميلة وقوية ولكن رقيقة جدا تعمل مع شقيقها حاتم ، تبلغ من العمر 24 عام
🌞🌞🌞🌞🌞🌞🌞🌞🌞
صابرين الشاذلي : امرأة تبلغ 55 عام ، ام حاتم و ملك ، أرملة منذو 20 عام
🌞🌞🌞🌞🌞🌞🌞🌞🌞
قصي المنياوي : شاب يبلغ من العمر 28 عام ، مغرور و متكبر ويكره الكذب ، صاحب مجموعة شركات المنياوي
🌞🌞🌞🌞🌞🌞🌞🌞
مراد المنياوي : شاب يبلغ من العمر 30 عام ، ابن عم قصي ، ويدير الشركات معه
🌞🌞🌞🌞🌞🌞🌞🌞🌞🌞
مي المنياوي : امرأة تبلغ من العمر ٤٨ عام ، ام قصي و صفا
🌞🌞🌞🌞🌞🌞🌞🌞🌞🌞🌞
صفا المنياوي : فتاة مجنونة تبلغ من العمر ٢٥ سنة ، شقيقة قصي ، تعمل معهم فى الشركة و مخطوبة لمراد
شمس الصعيد
الحلقة الاولي
🌞🌞🌞🌞🌞
فى صعيد مصر
🌞🌞🌞🌞🌞🌞
تشرق شمسنا الجميلة التي تدفئ المكان وتنير الارض وما عليها ويتوجه الرجال و النساء الى اشغالهم
دعونا نتوجه إلى قصر عائلة الشاذلي
في ذلك القصر الكبير نتوجه الى غرفهم ونتعرف عليهم وتقسيم القصر
فى الاسفل توجت السفرة التى تضم أكثر من كرسي وهناك على جهة اليمين نشاهد صالون فخم وجميل وعلى جهه الشمال نشاهد غرفة كبيرة ويطلق عليها فى الصعيد المندرة وهى عبارة عن مجلس الرجالة وبعيدة عن النساء اما بجوار الباب نشاهد باب دعونا نذهب إليه لنشاهد ماذا يحدث داخل الأبواب المغلقة وعند فتح الباب نشاهد مجموعة من النساء الذين يسارعون خلف بعضهم لتجهيز وجبه الإفطار لتلك العائله
صوت : حاجة صابرين يا حاجة صبرين
صبرين : عاوزة ايه يا هنيه
هنية : الحاج الكبير صحي
صابرين : بسرعة يا سعدية الجهوة للكبير
سعدية : جاهزة يا ست صابرين
صابرين : هاتيها
حملت صابرين الصنية وتوجهت الى غرفة الكبير ودخلت
صابرين ببشاشة : اصباح الخير يا عمي
صفوان بطيبة : يسعد صباحك يا بتي
صابرين : جهوتك يا عمي
صفوان : يسلم يدك يا بتي فين حاتم
صابرين : زمانه صحي هطلع اشوفة وصحي الجردة التانية
صفوان بضحكة : اه لو سمعتك والله لتقوم القيامة
صابرين : متخافش مش هتعرف الا لو قولت ليها انت
صفوان : بصراحة عاوز أقولها بس لو جبتي ليا حته كنافة او بسبوسة ولا سمعت حاجة واصل
صابرين : اقولك لما تنزل قولها هو انا هخاف من العيله ديه
صفوان : ماشي صابرين والله لقولها
صابرين : هطلع اصحيهم علشان المدرسة بالاذن يا عمي
صعدت صابرين الى الاعلي وتوجهت الى احدي الغرف وخبطت ودخلت شاهدت صبي يبلغ من العمر 15 عام يجلس على سجادة الصلاة وعلى مشارف الانتهاء
صابرين : حرما يا ولدي
حاتم : جمعا يا امي يسعد صباحك يا قلب حاتم
صابرين بحب : يسلمي راجلي الكبير
حاتم وهو يقبل اديها : ربنا يخليكي لينا يا رب
صابرين : يالا يا ولدي البس عقبال مصحي الجردة التانية
حاتم بضحك : واااااه لو سمعتك يبقي اليوم مش هيفوت وهيحصل مشكلة
صابرين بضحك : وانت عاوز ايه جدك عاوز كنافة او بسبوسة وانت عاوز ايه
حاتم بضحك : هههههههههه لا انا عاوز رضاكي وحبك يا قلبي
صابرين : يالا يا ولدي البس ونزل على تحت
توجهت صابرين الى غرفة صغيرتها ومدلله الجميع
صابرين : ملك بت يا ملك فزي يا بت المدرسة
ملك بنوم : سبيني شوية كمان
صابرين : قومي يا جردة بقي
ملك بصراخ : انا مش جردة والله لقول لجدي
صابرين : قوليله وكل شي فى يومك ده عاد
نزلت صابرين الى الاسفل ووجدت الكبير و حاتم يجلسون ولو مشفوها ضحكو وتوجهت الى المطبخ
أشرفت صابرين على الفطار الذي وضع على السفرة وتوجهو إليها مع نزول تلك المدلله التى تصرخ فيهم
ملك بزعل : جدو جدو جدوووووووو
صفوان : قلب جدو العسل بتاعي
ملك : شايف امي بتقول عليا قردة
صفوان بضحكة مكتومة : اذاي كده انتي عسل وقمر
حاتم : انتى بنت عمري بس بردو قردة
ملك : شايف يا جدو
صفوان : بس يا ولدي لتقتلك مش نقصين
ملك : يالا حاتم معاد المدرسة
صفوان : ملك مش عاوز مشاكل
ملك : متخفش عليا اني ملك الشاذلي محدش يقدر يقف ادامي
صفوان بفخر : هى ديه بت ولدي
غادر الأطفال الى المدرسة
🌝🌝🌝🌝🌝🌝🌝🌝🌝🌝
دعونا نلتقل الى الجهه الآخر من البلد فى قصر أقل ما يقال عليه قصر رئاسة ويحيطة الرجالة من جميع الجوانب ونفتح البوابة الخارجية للقصر وندخل نشاهد حديقة جميلة وواسعة ومليئة بالازهار الجميلة
دعونا ندخل من الباب وااااااااااااو تلك الكلمة الوحيدة التى نستطيع ان نعبر عنا نراه من فخامة وجمال و غني فكان القصر كبير جدا بصورة شاسعة
يتكون الدور الاسفل من عده غرف أولهم غرفة السفرة والتى تضم عدد كبير جدا من الكراسي وعند عدهم نحصل على 24 كرسي بالإضافة لدولاب الفضيات و الكرستالات و بوفيه يوجد بيه أطقم الصيني و البورسلين
عند الباب الثاني نشاهد مكتب كبير ومكتبة تحمل مختلف أنواع الكتب دعونا نغادر
عند الباب الثالث نشاهد مجموعة من الكراسي الصالون او الكنب وهذا ما يطلق عليه المندرة
نشاهد باب رابع ولكن لحظة يوجد حركة غريبة دعونا نسير خلف تلك المرأة لنعرف ماذا يحدث
اوبس ما هذا هو انا دخلت مطبخ فندق او ايه
نشاهد نساء يعملون كخلية نحل يسرعو بشدة لتجهيز الفطار لتلك العائلة الكبيرة
( طيب جهزو انتو الاكل وانا هطلع اتعرف على العائلة الملكية 😂😂😂😂 )
فى الدور الثاني
🌞🌞🌞🌞🌞🌞
نشاهد عدد كبير من الغرف على الجهتين اممممممم اروح يمين ولا اروح شمال مانا واقفه على آخر سلمه اختار ايه
صوت : انتى مين
انا : انا الكاتبة الامبراطورة نور الشمس
الشخص : اهلا وسهلا انا فرحة
انا : ينفع تعرفيني على العيلة
فرحة : تعالى انا هحكيلك
مشينا جهة اليمين وشاورت فرح على أول غرفة
فرحة : ديه أوضة سي زين ابن سيدي حامد وست نجمة وعنده 12 سنة وبيكون فى إعدادي
وديه أوضة سيدي حامد وستي نجمة
وديه
انا : لحظة واحدة بس مين حامد و نجمة
فرحة : وااااااه انتى متعرفيش هما مين تعالى أعرفك بصي يا نور ستي نجمه بتكون بنت كبير العيله وبتكون كبيرة العيلة بعد الحاج وهدان وعندها 33 سنة اما سيدي حامد بيكون ابن عمها و جوزها وبيعشقها عشق وكل طلبتها مجابه بس بصراحة طيبة و جميلة و حنينة وعمرها مظلمت حد صح الكبيرة بنت الكبير
انا : امممممم وديه أوضة مين
فرحة : ديه أوضة نرمين بنت عسل وصغيرة عندها 9 سنين وبتكون بنت الست صفية و سيدي مدحت الله يرحمة وديه بقي فى ابتدائي
انا : وايه أخبار صفيه ديه يعني ست طيبه
فرحة : وااااااه طيبة ديه ست خبيثة و لقيمة وبتكره الكل وخصوصا ست نجمه واه على فكرة هى اخت سيدي حامد
انا : شكلها مش سهل ليها دور كبير فى العيلة ديه
فرحة : وديه أوضة سيدي فادي وده ذي امه بس كبير عنده 17 سنة فى الثانوية
وديه بقى أوضة ستي صفية ام نرمين و فادي ست اجارك الله عليها
انا : فين أوضة كبير العيلة الحاج وهدان
فرحة : لا فى الجهة التانية هو وجناح شمس
انا : تعالى نروح
توجهو الى الجهه الاخري وكانت تحتوي على بابين
فرحة : ديه أوضة الكبير سيدي وهدان المنشاوي ابو ستي نجمة و سيدي مدحت الله يرحمة
انا : فين مراته
فرحة : تقصدي ستي الحاجة شمس موجودة تحت مع الحريم فى المطبخ
انا : اكيد ديه أوضة شمس الصغيرة
فرحة : ايوة وديه بقي دلوعة الكل وذي امها ستي نجمة طيبة وقوية و كل اهل البلد بيحبوها
انا : تعرفي عيلة الشاذلي
فرحة : بووووووي فى بينهم دم و نار
انا : هو في حد عايش هنا تانى
فرحة : ممكن يجي سيدي يحي و ستي شهد زيارات أصلهم عيشين فى مصر المحروسة
انا : مصر المحروسة انتى محسساني انك عائشة فى الهند على العموم شكرا فرحة انا بقى هكمل من هنا
غادرت فرحة و توجهت انا الى غرفة شمس اشاهد تلك الفتاة التي يحكي عليها اهل الصعيد عن جمالها و أخلاقها و قوتها
دخلت الغرفة وشاهدتها تجلس على سجادة الصلاة و تقرأ وردها اليومي من القرآن الكريم وبعد انتهائها قامت بطي سجادة الصلاه وأرادت ملابسها وكانت عبارة عن فستان باللون الأسود بيه ورود ابيضاء وعاري الذراعين وتركت لشعرها العنان ووضعت نظارة فوق شعرها وجهزت شنطة سفرها ونزلت
🌞🌞🌞🌞🌞🌞🌞🌞🌞🌞
في الاسفل
🌞🌞🌞🌞
كان الجميع يجلس على السفرة ويتحدثون الى ان قطع كلامهم دخول تلك الفاتنة الصغيرة
شمس بزعل : بقي كده يا سي وهدان تضحك عليا وتروح لشمس الكبيرة وتسبني لوحدي طول الليل
وهدان بضحكة : خلاص حقك عليا يا ست البنات ا
شمس بعصبية : انا مش ست حد انا بنت قلبك ومحدش يقدر ياخدك مني مفهوم
شمس الكبيرة : واااااه وانا اروح فين يا بت نجمة
شمس الصغيرة : كفاية عليكي كده ارجعي بيت ابوكي
شمس الكبيرة : بيت ابويا هو وهدان ابويا و حبيبي واخويا وكل حاجة عندي
نجمه بضحكة : شمس عيب يا بتي ديه ذي ستك شمس الصغيرة بغيرة : لا ده حبيبي انا وهو بتاعي لوحدى صح وهدان
وهدان بحب : صوح يا قلب وهدان
بدر : هو انتى مش هتروح المدرسة شمس
شمس : لا فادي وملكش دعوة
صفية : اتكلمي بأدب شمش
شمس : انا مؤدبة يا عمه ولسه متخلقش ولا هيتخلق اللي يعدل على شمس المنشاوي
حامد : جاهزة يا عمري
شمس : ايوة يا بابي جاهزة
حامد : يالا يدوبك الحق الطريق علشان نوصل قبل الليل
نجمة : خلي بالك من نفسك و من شمس حبيبي
حامد بحب : امرك يا قلبي
شمس الصغيرة : زينو هتوحشني
زين بحنان : هتوحشيني يا شمسي
شمس بفرحة : هجبلك هدايا كتير معايا
زين بابتسامة : وأبويا هيردي
شمس : واختك قليلة عيب عليك
حامد : يالا يا شموسة
شمس : حاضر
حضنت شمس زين لحضنها بشدة وقبلته وسلمت على جدها وامها و جدتها و غادرت مع والدها للتوجه إلى القاهرة
🌞🌞🌞🌞🌞🌞🌞🌞🌞🌞🌞
بعد مرور بضعة ساعات وصلت شمس مع والدها ونزلو فى شقة تبع العائلة ومر اليوم وجاء الصباح
استيقظ حامد وتؤضا وصلي و كلم حبيبته و زوجته وبعد فترة لبس وخرج لصغيرته يصحيها
وتركها تأخذ دش وتلبس
لبست شمس فستان باللون الأزرق بحمالات رفيعة للركبة
شمس : صباح العسل ميدو
حامد بضحكة : يسعد صباحك يا قلب ميدو
شمس : انا جاهزة يالا نروح الشركة
حامد بصدمة : انتى هتخرجي كده
شمس بقوة : لو معرفتش اخافظ على نفسي مبقاش شمس المنشاوي
حامد بفخر : هى ديه تربية نجمة المنشاوي يالا يا قلبي
و توجو الى احدي الشركات التى ملك كاظم النمساوي ودخلو الى المكتب
شمس الصعيد
الحلقة الثانية
🌞🌞🌞🌞🌞🌞
توقفنا عندما وصل حامد و شمس الى الشركة وطلبو مقابلة كاظم النمساوي ورحب بذلك
حامد : اصباح الخير حازم بيه
كاظم : صباح النور نورت حاج حامد اتفضل
حامد : تسلم ديه بيتي شمس
كاظم : اهلا شمس
شمس : اهلا بيك
كاظم : انا تحت امرك حاج حامد خير
حامد : كنت عاوز كام ماكنة وجررار
كاظم : تمام هبعت للمهندس وقوله طلباتك وانا هجبهم ليك
حامد : وماله كاظم بيه
بعد فترة جاء المهندس و عرض حامد ما يريدة وعمل له الميزانية وتركهم وغادر
كانت شمس تجلس وهى تضع وشها فى التليفون ولا كانها موجودة وقامت بعيد وتحدثت قى التليفون ورجعت تاني
كاظم : كده حساب الآلات 8 مليون جنيه
حامد : وااااااااه كل ده
كاظم : الماكن ده غالي وانتاجه عالى وانا جايب ليك احسن حاجة
جامدة باقناع : خلاص على خير الله انا م
شمس بسرعة : تمام مستر كاظم هنتناقش وهرد عليك
حامد بستغراب : ليه شمس
شمس : تسمحلنا مستر كاظم هنمشي
كاظم : حاج حامد انت هتسمع كلامها
حامد بتاكيد : طبعا بتي قالت هنتشاور مع بعض يبقي هنتشاور يالا سلامة عليكو
غادر حامد و شمس تحت ذهول كاظم الذي أخذ يسب ويلعن تلك الملعونة
🌞🌞🌞🌞🌞🌞🌞🌞🌞🌞
فى العربية
🌞🌞🌞🌞🌞
ساق حامد وهو يغلي من الغضب وعندما نظر الى شمس وجدها تجلس بكل برود فاوقف السيارة على جانب
حامد بعصبية : اذاي تعملي كده شمس
شمس : كمل سواقه على اي مطعم
حامد بغضب : انتى اذاي تصغريني قدام الراجل بالشكل ده انطقي
شمس بصوت عالى : علشان حرامي ونصاب وسعر الماكن ميسواش التمن ده
حامد بصدمة : انتى بتقولى ايه كيف يعني حرامي
شمس : لا رد
حامد : ردي يا بتي الله يردي عليكي قولى عرفتي اذاي
شمس ببرود : انا جعانة هتاكلني ولا اكلم امي وجدي وقولهم انك مجوعني
حامد : حاضر حاضر ادي أخرت تربية وهدان المنشاوي الله يسامحك يا عمي البت طالعة ذيك
شمس : تقصد أن جدي معرفش يربي طيب انا هقوله
حامد بصدمة : انا قولت كده الأميرة الحلوة عاوزة تأكل فين
شمس : بيتزاااااااااا
توجو الى إحدى مطاعم البيتزا وجلسو ياكلو وبعد ذلك رجعو البيت
تحدث حامد مع زوجته وحبيبته نجمة وحكي لها ما حدث وفضلت تضحك عليه وكيف جعلت منه ابنته اضحوكه
مر باقي اليوم ولم يحدث شي وفى الصباح صحي حامد مفزوع على صراخ ابنته فيه بان يجهز نفسه للخروج
حامد : اه يا بنت الكلب هتموتيني ناقص عمر
شمس من الخارج : بسرعة بقي ميدو
لبست بدي ابيض عاري الصدر وهوت شورت أزرق وحملت شنطتها وخرجت
شمس : يالا بقي ميدو
حامد بصدمة : انتى هتنزلي كده لبسك قصير اوي
شمس : يالا ميدو ورانا معاد مهم
حامد : احنا هنروح فين
شمس ببراءة : هروح نشتري الماكن المطلوب
نزلت شمس الى الاسفل و خلفها والدها الذي أصبح على اعصابة بسبب ملابس وكلام الناس عليها
أعطت شمس العنوان لوالدها وجلست بجوار ترسم البرود ولكن فى داخلها مرعوبة مهما كان حنين و طيب ولكن لم يسمح لابنته بارتداء تلك الملابس القصيرة
قطع تفكيرها وقف العربية وعلمت بأنهم وصلو الى الشركة ونزلو
شمس : صباح الخير
الموظف : صباح النور تحت امرك
شمس : عندنا ميعاد مع مستر صالح
الموظف : اسم حضرتك
شمس : اسمي شمس المنشاوي
الموظف : فعلا يا فندم اتفضلي الدور 20 صالح بيه فى انتظار حضرتكم
صعدت شمس و والدها إلى الى الاعلى
السكرتيرة : تحت امركم
شمس : عندنا معاد مع مستر صالح واسمي شمس المنشاوي
السكرتيرة : اتفضلي ولحظه واحدة هقوله
دخلت السكرتيرة تبلغ صالح وبعد فترة خرجت وسمحت لهم بالدخول
صالح : اهلا وسهلا اتفضلو
حامد : اهلا بيك
شمس : مستر صالح انا عرفت ان شركتك بتستورد اي شي صح
صالح : ايوة بس ليه
شمس : انا عوزة الآلات زراعية يعني ماكن حرث و جرارات وحاجات ذي كده بابي هو إللى عارفها
صالح : اكيد طبعا
حامد : هى ديه أسماء الماكن وكل حاجة
صالح : ماشي هبعت للمهندس ونشوف المزانية
حامد : تمام يا بيه
بعد قليل جاء المهندس وعمل المزانية والغريبة ان التكلفة 6 مليون ونص وجلس مع حامد يتناقشون حول الماكن
صالح : ينفع اسأل سؤال
شمس : اتفضل
صالح : انتم من الصعيد صح
شمس : ايوة طبعا صعيدة ابان عن جد
صالح : بس اذاي
شمس : هو ايه اذاي
صالح : يعني لبسك وطريقه كلامك
شمس : علشان احنا من اكبر عائلات الصعيد ولبسي ده بلبسه عادي وطريقة كلامى امي خلتني اعرف اتكلم ذيكم وبردو اتكلم صعيدي
صالح : مين عرفك عليا وليه انا ووفاقتي على التمن بسهوله
شمس بابتسامة : عمو صالح انا حفيدة وهدان منصور المنشاوي صاحب والدك
صالح بدهشة : يستحيل انتى بنت نجمة
شمس : ايوة بنتها
صالح : يااااا على الدنيا فعلا صغيرة منورين والله
حامد : ده نورك يا صالح بيه
صالح : بلاش بيه ديه احنا أهل وان شاء الله حاجتك هتوصل في معادها
حامد : بإذن الله نستاذن احنا
صالح : باي يا شمس ووصلي سلامى لعمى وهدان
شمس : باي عمو وحاضر هوصل السلام
غادر حامد وبجواره ابنته وتوجهو الى إحدى المولات و اخذو أشياء كثيرة للعائلة وعادو الى الشقة حتى يستريحو ليعودو الى الصعيد فى الصباح الباكر
🌞🌞🌞🌞🌞🌞🌞🌞🌞🌞🌞
في الصعيد
🌞🌞🌞🌞
جهزت نجمة سفرة جميلة بمساعدة الخدم وجهزت نفسها لستقبال زوجها و حبيبها
شمس الكبيرة بخبث : مالك يا نجمة محلوة اوى يعني
نجمة : مفيش يامه مانا على طول حلوة
شمس الكبيرة : بس النهاردة بزيادة شكل الليلة طويلة ها
نجمة بضحكة رنانة : اه فى اعتراض جوزى و وحشني وغايب بقاله يومين والبت المزغوده شمس مرحمتهوش طلبات فانا بقي هريحه شوية
شمس الكبيرة : ريحيه يا ختى بلا وكسه خايبة
نجمة : انا هطلع اتسبح ( دش )
شمس الكبيرة : أم السعد لما سيدك حامد يوصل ابقي طلعي ليهم فوق صنية الاكل وكتري يا بتي الراجل هيشقة طول الليل
نجمة بحب : ربنا يخليكي ليا يا شموسة
صعدت نجمة بسرعة الى غرفتها و اخذت دش وفردت شعرها ولبست قميص نوم جامد طحن وسمعت صوت السيارة وهى تدخل القصر فوضعت العباية عليها ونزلت تجري للاسفل
وهدان : راحة فين يا نجمة
نجمة بسعادة : حامد وصل يا بوي
شمس الكبيرة : سبها يا خوي هي من الصبح وهى الحالة ديه
دخل حامد وفى لحظة واحدة كانت نجمة بين احضانه فضمها لحضنة بشدة وباس رأسها
شمس الصغيرة : على فكرة انا كنت مع جوزك مكنتش نايمة فى حضنك
زين بفرحة : شمسي الحلوة كيف يا ختي
جريت شمس الى شقيقها الذي ضمها لاحضانه وبعد فترة ذهبت الى جدها وجلست على قدمه
شمس الصغيرة : وحشتني يا وهودي
وهدان بضحك : وانتى اكتر يا شمسي الحلوة
شمس الكبيرة بغيرة : قومي يا بت اترزعي على الكرسي
شمس الصغيرة بدلع : وانتى زعلانه ليه ده حبيبي انا وبس وكمان الليلة هينام فى حضني صح وهودي
وهدان بضحك : صح يا عيون وهودي
شمس الكبيرة : بعينك يا بت نجمة هو حبيبي اني وبس وحضنه ملكي وبس
شمس الصغيرة بضحكة رنانة : يا جامده يا تيته وبتعيبي على امي يعني هي جيباه من برا
حامد بضحكة : بكفياكي عاد يا بتي وسيبي ستك متزعلهاش وقبل راسها ورأس وهدان
شمس الكبيرة : تسلم يا ولدي من كل شر
حامد : ربنا يخليكي ليا يا حجة
وهدان : عملت ايه فى المكن
نجمة : يوووووه بقي الصبح يا حج انت مش شايفه تعبان من الطريق
شمس الكبيرة بغمزه : اطلع يا ولدي استريح وهبعت البت بالاكل
حامد : تسلمي يا حجة ربنا ميحرمنا منك واصل
نجمة : تعالى تصبحو على خير
وصعدو الى الاعلى
شمس الصغيرة : جدو احنا جبنا المكن وكلها شهر وهيوصل متقلقش
وهدان : منين
شمس الصغيرة : من ابن صاحبك صالح المنياوي
وهدان : ياااااه يا زمن وكيفة يا بنتي
شمس الصغيرة : كويس يا جدي
زين بحنان : اطلعي يا شمسي استريحي ونامي
شمس : ماشي هنام فى حضن وهودي
شمس الكبيرة : ورحمه امي يا بت نجمه لو مبعتي عن جوزي لولع فيكي
شمس الصغيرة بضحكة رنانة : اهدي يا حاجة الراجل موجود وهو اللى يقسم
شمس الكبيرة بغيرة : قسموكي على الميادين يا زفته
شمس الصغيرة بدلع : عجبك اجده وهودي
وهدان بضحكة مكتومة : معلش يا قلبي
زين بحنان : يالا يا شمسي اطلعي غيري خلجاتك عقبال مالوكل يجهز
شمس الصغيرة : ماشي يا زيني
امرت شمس الخدم بأن يضعو الشنط فى جناحها و صعدت إلى الأعلي وبدلت ملابسها ونزلت مرة اخري وجلست تأكل وبعد ذلك عادت إلى جناحها ونامت
🌞🌞🌞🌞🌞🌞🌞🌞🌞🌞🌞
🌞 وزعت شمس الهدايا على الجميع
🌞 عادت إلى المدرسة وباشرت دراستها
🌞 وصل المكن وتم تركيبة
🌞 انهت شمس و زين و الباقي السنة الدراسية وكانو فى انتظار النتيجة
🌞🌞🌞🌞🌞🌞🌞🌞🌞🌞
في احدي الايام
🌞🌞🌞🌞🌞🌞🌞
فى عتمة الليل وهدوء الاشخاص ينشق الهدوء بصوت ارجل خيول تجيب الارض بشدة وقتحام رجال بيوت الفلاحين وفى لحظة نسمع صراخ و عويل ودموع
انتفض احدي الأهالي واسرعو إلى قصر المنشاوي حتي ينقذهم كبيرهم وابنته
إحدى الأهالي : يا سيدي وهدان يا سيدي وهدان يا ست نجمة الحقونا
وهدان بحدة : في ايه يا راجل انت
الراجل بدموع : الحقنا يا كبير مطاريد الجبل نزلو على بيوتنا
نجمة بغضب : اذاي اجده مرعي مرعي
مرعي بطاعة : خدامك يا كبيرة
نجمة بغضب : جهز رعد بسرعة
مرعي : حاضر يا كبيرة
ما هى اللي لحظات وكانت تنزل نجمة و حامد واسرعو بمساعدة اهل البلد وبالفعل استطاعو طرد المطاريد واخذو الاشياء المسروقة وامر حامد الغفرة بإرجاع المسروقات لأصحابها وعاد إلى القصر و طمانو الجميع عليهم
🌞🌞🌞🌞🌞🌞🌞🌞🌞🌞🌞🌞🌞
ذات يوم
🌞🌞🌞🌞
تجهز وهدان وقام وقف
وهدان : انا رايح عاوزه حاجه يا حجة
شمس الكبيرة : تسلملي يا حاج طريق السلامة
وهدان : يالا سلامة عليكم
شمس الصغيرة : انت رايح فين
وهدان بابتسامة : رايح المجلس
شمس الصغيرة : ونبي اجي معاك والله مهتكلم هتفرج بس
حامد بغضب : انتى اتجننتي يا بت هتقعدي وسط الرجالة
شمس الصغيرة بزعل مصطنع : خلاص يا جدو انا طالعة
وهدان بغضب : حامد اوعي تعلي صوتك عليها تاني مفهوم
حامد بهدوء : بس يا عمي
وهدان : يالا يا قلب وهدان روحي اجهزى زمان الناس في المجلس
شمس الصغيرة بفرحة : حمامة يا وهودي
مر الوقت وتوجهت شمس الصغيرة مع جدها الى المجلس ورحب بها الجميع بشدة لحبهم لها وجلست بجوار جدها بعظمة
مر الوقت وكانت تحضر شمس الصغيرة مجالس الصلح مع جدها و الغريب أن وهدان كان يسالها عن رأيها في الحكم وكانت تعطي له رايها بكل هدوء وكان يفتخر وهدان بحكمتها و عقلها وكان الناس يتهامسون فيما بينهم بأن الحاج وهدان يستشير حفيدته كما كان يستشير ابنتة ولكن شمس مختلفة عن امها فى كل شي
🌞🌞🌞🌞🌞🌞🌞🌞🌞🌞🌞🌞
بعد مرور ٥ سنوات
🌞🌞🌞🌞🌞🌞
🌞 تعلمت شمس فنون الفروسية والضرب و السلاح والخبرة من مجالس البلد
🌞 اما زين فكان يهتم بالدراسة و يتعمق أكثر
🌞 اما حاتم فكان يساعد جده فى أحوال الارض والناس
🌞 كانت ملك تتعمق فى الدراسة والتعليم
في يوم ما
🌞🌞🌞🌞🌞
نجح زين بتفوق وايضا شمس و نرمين فاخذ نجمة زين و شمس لشراء ما ينقصهم من الأقصر وبالفعل اشترو الصغار الكثير من الأشياء وأثناء عودتهم إلى البلد وجدو جذع نخلة على الطريق سحبت نجمة سلاحها وعمرته
نجمة بجدية : محدش يتحرك من العربية مفهوم
زين : بلاش تنزلى يا امي
نجمة بحنان : متخفش يا قلب امك اسمعني كويس شمس اختك فى امانتك اوعي فى يوم تزعلها وفضل دايما فى ظهرها وحميها مفهوم
زين : مفهوم
شمس بنوم : احنا وصلنا يا زين
زين بحنان : لسه يا شمسي
شمس : امال وقفنا ليه
نجمة بجدية : شمس افضلي شمس القوية والحنينة خليكي ذي الشمس فى كل حاجة
شمس بخوف : بلاش تنزلى يا ماما ورجعي بالعربية
نجمة بجدية : مبقاش ينفع يا نور عيني
نزلت نجمة ورمت العباية في العربية وبتدت فى تبادل الرصاص مع المطاريد إلى أن غدر بيها وضربوها غدر فى ظهرها وسقطت على الارض ولكن لم تستسلم وفضلت تضرب ولكن خلص الرصاص وتجمع عليها الرجال وقتلوها واخرجو زين من السيارة واطلقو الرصاص عليه وكان يمسك رجل شمس ويجعلها تشاهد ما يحدث
إحدى الرجال : ابقي سلميلي على وهدان وخليه يتحسر على موت بته و ولدها
شمس بوعيد : صدقني انا اللي هحسر الارض و البحر و السما على موتك وده وعد شمس المنشاوي
احدي الرجال بضحك : هنشوف يا شمس المنشاوي
غادر الرجال المكان بعد أن استمعو لصوت صفارة البوليس وقامو بجرح صدر شمس
مر حوالى ١٠ دقايق وجاء الشرطة و اتصلو بالاسعاف وحملو نجمة المتوفاه و زين المصاب اصابة بالغة وتوجهو إلى المستشفى
🌞🌞🌞🌞🌞🌞🌞🌞🌞🌞
في المستشفى
🌞🌞🌞🌞🌞🌞
وصلت سيارة الاسعاف وتم حمل المصابين بسرعة وتوجهو إلى غرفة العمليات وجلست شمس على الكرسي وكان دم امها و شقيقها على اديها و ملابسها ولم تبكي ولم تصرخ فقط تجلس فى انتظار اي خبر
ضابط 1 : هو مفيش حد مع الطفلة ديه
ضابط 2 : الله يكون فى عونها امها ماتت واخذها بين الحيا و الموت
ضابط 1 : هي مين ديه
ضابط 2 : انت متعرفاهش علشان انت من القاهرة بس انا عارفها الست اللي ماتت بتكون نجمة المنشاوي بنت كبير الصعيد وهدان المنشاوي وانا كلمتهم وزمنهم جين
بعد مرور نصف ساعة خرج الدكتور من غرفة العمليات واعلمهم بوفاة نجمة فصرخت شمس الكبيرة بشدة واخذت تبكي وتصرخ ونهار وهدان وبكي حامد وعندما سألت شمس على شقيقها وأخبرها الدكتور بأنه مازال فى العمليات
بعد مرور ساعتين خرج الدكتور واخبرهم
الدكتور : المريض واخد رصاصة جمب القلب وحنا عملنا اللي علينا والباقي على ربنا
حامد بدموع : وهو فين دلوقتي
الدكتور باسف : في العناية ربنا يصبركم وانتي لازم الجرح يتعقم
شمس الصغيرة بحزن : مش وقته
غادر الدكتور وترك تلك العائلة تبكي حزنا على ابنتهم و حفيدهم
الضابط : بعد اذنك يا حاج وهدان
وهدان : خير يا حضرة الضابط
الضابط : هتعمل ايه دلوقتي هتدفن
حامد : مش قبل مرجع حق مرتي والقاتل يقتل
شمس الكبيرة بحده : حضرة الضابط ياريت تجهز كل حاجة علشان الدفن
صفية بغضب : انتي بتقولي ايه يا مرت عمي لازم ناخد طارنا صوح يا عمي
شمس الصغيرة بهدوء : اكرام الميت دفنه صح يا جدي
وهدان بنظرة عميقة لها : صوح يا بتي
قام حامد بتخليص إجراءات الدفن و في الصباح اليوم التالي اخذو نجمة لمثواها الاخير
كانت البلد بأكملها علمت بوفاة نجمة المنشاوي وتجمع الناس امام قصر المنشاوي
كان الجميع يجلس فى الأسفل و ليس على ضرايا بما يحدث في الأعلي
لبست شمس الصغيرة بدي اسود و بنطلون اسود وفوقة عباية سوداء مفتوحة ووضعت السلاح الخاص بامها في ظهرها ووضعت طرحة على شعرها المرفوع الأعلي ونزلت
شمس الصغيرة: جاهز يا جدي
وهدان : حق بنتي هخده من عيلة الشاذلي
شمس الصغيرة بهدوء : وعد مني لرجع حق امي و اخويا بس مش عيلة الشاذلي
وبغضب : صدقني مش هما ومن متي الحريم بتدخل فى التار يا بوي
وهدان بنظرة عميقة: طلباتك يا بت نجمة
شمس الصغيرة : المسؤلية ليا ورحمه امي مهرحم حد هخلي الارض و السما يبكي على الخاين
شمس الكبيرة بشدة: قد وعدك شمس
شمس الصغيرة بعظمة : ومن متي يا ستي بنت المنشاوية بترجع فى كلامها
وهدان : نفذي
شمس الصغيرة بصوت عالى : مرعي جبل منصور همام
دخل ٤ رجال طول بعرض أقوياء ووقفو أمامهم
مرعي : اوامرك يا ست شمس
شمس الصغيرة: مرعي و منصور افرشو الصوان وعوزة مقرقين يقرو القرآن في العزا و انت همام افتح الترب وجهز كل حاجة وانت جبل خليك قريب منا
الرجالة : اوامرك يا ست البنات
غادر الرجالة لتنفيذ أوامر شمس وبعد فترة تم تجهيز نجمة لمثواها الأخير وحملت الجثمان وخلفها اهل البلد يبكون و يصرخون إلى ان وضعوها فى مكان لا رجوع منه و نقفل الباب للحساب والجميع في الخارج يبكون و يتحصرون على زهرة العائلة
شمس الصعيد
الحلقة الثالثة
🌞🌞🌞🌞🌞🌞
توقفنا عندما تم دفن نجمة المنشاوي تحت بكاء و عويل النساء ولكن ليس كل ما يظهر على الوجوه صحيح فهناك قلوب يملئها الحقد و الكراهية و الدمار
عاد الجميع الى القصر وصعد حامد إلى الأعلي وأحضر السلاح الخاص بيه ونزل حتي يقتل عائلة الشاذلي ف
وهدان : حامد رايح فين بالسلاح ده
حامد بغضب : هقتل عيلة الشاذلي كلها
شمس الكبيرة بدموع : يا لهوي بتي و ولد في يوم واحد
وهدان بغضب : سيب سلاح وتسكت خالص
حامد بغضب : حق مرتي مش هسيبة
شمس الصغيرة بهدوء : اهدي يا بوي والحق هيتاخد بس الصبر
وهدان بغضب : بتك الصغيرة بتتكلم صوح
حامد بغضب : محدش هيمنعني
شمس الصغيرة بغضب : يبقي يا بوي تقتلني قبل متخرج انا مش هخليك تضيع مني كفاية خوي و مي
صفية بغضب : اخرسي يا شمس
حامد بغضب : انا لازم اريح مرتي فى التراب قبل الليل
شمس الصغيرة بغضب : كفاية عاد خناق بدل متتخانق اقعد ادعي ليها
حامد بغضب : غوري من وشي
صفعها حامد بشدة على وجهها فسقطت على الارض ونفتح جرح صدرها فصرخت
حامد بخوف : شمس حبيبتي معلش يا بتي سامحيني
شمس الصغيرة بالم : انا مش زعلانة منك يا بوي
وهدان وهو يجلس بجوارها : انتى زينة يا بتي
شمس الصغيرة بالم : زينة يا جدي زينة
ساعدها حامد على الوقوف وجلسو على الكراسي فى صمت تام أخذت شمس الصغيرة السلاح الخاص بابوها وصعدت الي غرفتها
خبت شمس السلاح وكشفت عن صدرها و عقمت الجرح ونامت على السرير في انتظار مرور الوقت وفرش الصوان والوقوف بجوار أبوها و جدها
غفت شمس الصغيرة ولكن انتفضت عندما استمعت لصوت الشيخ يبتدا فى تلاوة القرآن
اخذت شمس دش وبعدت المياة عن الجرح ولبست وتوجهت لغرفة امها واخذت عباية باللون الاسود ونزلت
نظرت شمس للنساء الموجودة وخرجت إلى الخارج وذهبت باتجاة الصوان العزاء الخاص بالرجالة وجدت جدها و بجواره والدها يقفون في بداية الصوان فدخلت ووقفت بجوار جدها بحث تكون تسبق جدها وبتدت تستقبل الرجال
استغرب الرجال كيف الفتاة أن تقف في عزاء الرجال ولكن من يتحدث فهيا شمس المنشاوي
وصل محافظ قنا و مدير الأمن و أعضاء مجلس الشعب
مدير الأمن : غريبة يا حاج وهدان عملت عزا ايه بتفكر تاخد التار
حامد : تار ايه يا باشا
شمس بهدوء : ومن متي والتار بياخد من حريم
النائب : بس اللي ماتت مش اي حريم ديه نجمة المنشاوي
حامد بغضب : لسانك يا مختار بيه
شمس : متخافش يا استاذ مختار لو ماتت نجمة فموجود مليار نجمة
مختار بسخرية : وهي فين دلوقتي
شمس بقوة : انا شمس المنشاوي قوة عيلة المنشاوي
المحافظ : مسمعتش رايك في التار حاج وهدان
شمس بعظمة : صدقني شريف بيه مفيش حاجة اسمها تار واوعدك يا شريف بيه و بردو الكلام لسيادة اللوا احنا ملناش تار عند حد و صدقني لو كانت عيلة الشاذلي ورا اللي حصل لنجمة المنشاوي وعزة و جلالة الله لمحي اسم الشاذلي من الوجود بس انا وثقة انهم مش هما
وهدان بعظمة : اظن سمعت كلام شمس ومفيش كلام بعدها
مختار بسخرية : ومن متي الحريم بتقف فى عزا الرجالة ولا بتتدخل فى الكلام
شمس بعظمة : الكلام ده يمشي على حريم دارك يا مختار انما عيلة المنشاوي خلفت رجالة والبت عندهم بمليار راجل سعيك مشكور يا مختار بيه واوعدك وعد الشمس هيجي يوم وهزلزل مكان
المحافظ : البقاء لله يا جماعة
استمر واجب العزاء وفى لحظة تهامس الحضور بسبب دخول صفوان الشاذلي
صفوان : البقاء لله يا حاج وهدان
وهدان بصدمة : حاج صفوان
شمس بهدوء : حياتك الباقية يا حاج صفوان
صفوان بابتسامة : انتي شمس صوح
شمس : صوح يا حاج اني شمس المنشاوي
حامد بغضب : تقتل القتيل وتمشي فى جنازته
شمس بهدوء : ابوي العزا شغال
اللوا شاهين : في ايه يا حاج
شمس بهدوء : ولا حاجة يا سيادة اللوا الحاج صفوان جاي يعزي
مختار : يمكن محدش قابل العزا
شمس بغضب : مكفاية شغل النسوان بتاعك ده يا مختار
مختار بصدمة : نسوان انتى مجنونة
شمس بغضب : وعزة الله يا مختار لو محطتش لسانك فى خاشمك لدفنك مكانك ملكش ديه عندي
حامد بهدوء : شمس مكفاية عاد يا بتي
وهدان بسخرية : واجب عزاك خلص يا مختار بالسلامة
شمس بهدوء : اتفضل يا حاج صفوان العزا شغال
مر الوقت وانتهي العزاء وغادر الجميع ودخل وهدان و حامد وخلفهم شمس وكان يجلس في انتظارهم الحاجة شمس و صفية
حامد بغضب : انتي اذاي تخرجي عزا الرجالة
وهدان : اهدي يا حامد احنا مش نقصين
حامد بغضب : انطقي يا بت
صفية بخبث : ونبي يا خوي قولت ليها مسمعتش الكلام
شمس الكبيرة : بكفاية عاد يا ولدي
حامد بغضب : لا مش كفاية لازم تعقل وتعرف الصوح من الغلط
كانت شمس تقف فى دنيا غير الدنيا فقط تشعر بالم شديد في صدرها وشعرت بسحابة سوداء فستسلمت لها وسقطت على الارض ولم تعي لاي شي
🌞🌞🌞🌞🌞🌞🌞🌞🌞🌞
في الصباح
🌞🌞🌞🌞🌞
استيقظت شمس بتعب وألم شديد في صدرها
حامد بلهفة : كيفك دلوقتي يا بتي
شمس بتعب : الحمد لله يا بابي
وهدان بحب : كده يا شمسي تكوني تعبانة ومتقوليش
شمس الكبيرة : ايه الجرح إللى فى صدرك ده وبقالو قد ايه
شمس الصغيرة بالم : الجرح ده عملوه اللي قتلو امي
حامد : كده يا شمسي يعني بقالك يومين وانتي كده
شمس الصغيرة : هو ايه اللي حصل
وهدان : وقعتي يا بتي امبارح ولما ابوكي شالك حاول يفوقك معرفش اتصل على الحكيم وجيه ولما كشف عليكي لقي الجرح وكان ملتهب
شمس الصغيرة بالم : معلش يا جدو المهم هقوم علشان نروح لزين اطمن عليه
شمس الكبيرة : اهدي يا بت الجرح عميق مينفعش تتحركي
حامد بحنان : استريحي دلوقتي يا قلبي وبكرا ابقي رحيلة
شمس الصغيرة : عوزة انام
وهدان بحنان : طب كلي الاول وبعد كده نامي
شمس الصغيرة : لا عوزة انام
نامت شمس تحت اعتراض الكل ولكن تركوها تستريح
🌞🌞🌞🌞🌞🌞🌞🌞🌞🌞
مر اسبوع وخف جرح شمس وخرجت شمس وتوجهت إلى المستشفي للاطمان على زين وطلبت الدخول إلى الرعاية فوافق الدكتور
تعقمت شمس ودخلت وجلست بجواره ومسكت ايده وقبلته
شمس بغضب : وحيات نومتك ديه يا اغلي الناس لخلي الارض و السماء يبكو عليه والله مهرحم حد والشخص اللي اتسبب فى موت امنا و نومتك ديه مهرحمة لو فاضل يوم في عمري ارجعلي زين وحشتني اوي انا مكسورة من غيرك
الممرضة : انا اسفة يا استاذة لازم تخرجي علشان المريض
شمس : حاضر بس خلي بالك منه
خرجت شمس وجدت ابوها و جدها مع الدكتور
شمس : في ايه يا دكتور
الدكتور : لازم زين يخضع لعملية بس لازم تكون في القاهرة ولازم فى اسرع وقت
شمس : جهز كل حاجة يا دكتور والسفر يبقي النهاردة قبل بكرا
الدكتور : ها يا حاج
حامد : هو في كلام يتقال يا دكتور نفذ طبعا
الدكتور : تمام يا فندم كل حاجة هتجهز وبإذن الله هيكون كل حاجة جاهزة النهاردة
غادر الدكتور حتي ينهي إجراءات السفر وأخبرته شمس بأن والدها و جدها سوف يذهبو معه وطلبت منه تجهيز كل شي
وبالفعل سافر زين بصحبة جده و والده إلى القاهرة حتي يخضع لعملية قلب مفتوح تحت يد نخبة كبيرة من الاطباء و على رائسهم الدكتور مجدي يعقوب
🌞🌞🌞🌞🌞🌞🌞🌞🌞🌞
أما في الصعيد
🌞🌞🌞🌞🌞🌞
في منتصف الليل انتفضت البلد إثر اقتحام المطاريد البلد وسرقو ونهبو وخطفو بنتين من اهل البلد فأسرع شخص إلى قصر المنشاوي واخبرهم
أسرعت شمس الى الاعلي ولبست ونزلت وهي تحمل سلاح امها و ابوها
شمس بقوة : جبل مرعي
جبل : اوامرك يا ست البنات
شمس بقوة : جهز الرجالة بالسلاح بسرعة وانت يا مرعي جهز رعد بسرعة
اسرع جبل و مرعي فى تنفيذ أوامر شمس
شمس الكبيرة بخوف : بلاش يا بتي بلاش
شمس الصغيرة بغضب : ومن ميتي عيلة المنشاوي بتخاف فوقي يا ستي لو الكبير مش هنا انا هنا
خرجت شمس وركبت رعد ولفت الوشاح على وشها ونطلقت إلى المجهول وخلفها عدد من الرجال
استطاعت شمس بعد معركة كبيرة اتصاب من رجال شمس الكثيرون وقتلت شمس الكثير من رجال المطاريد وعادت الى البلد وهي معها البنات المخطوفة وكل شي سرق من الأهالي وبعد انتهاء كل شي للأسف الشديد انصابت شمس في ذراعها ولكن لم تهتم واكملت خلف باقي المطاريد حتى وصلت الي الجبل ودخلت بهدوء شديد ولكن صدمت مما رأت فعادت بهدوء وشاورت لجبل حتي يدخل و ياخد ذلك الشخص وقامت بتفجير المكان وخرجت بسرعة حتي لا تصاب
شمس : جبل الامانة ديه تطلع بيها على البيت اللي فى البر التاني والدكتور هيكون فى انتظارك
جبل : طب اذاي لازم الكبير يعرف
شمس بحده : وعزة الله لو حد عرف لقتلك مفهوم
جبل : اوامرك يا كبيرة
شمس : يالا بسرعة قبل محد يشوفك
عادت شمس إلى البلد وكانت الشمس قد اشرقت فكانت تجري على الفرسة كأنها فارس مخضرم وواثق من نفسه
هتف الأهالي باسم شمس وبشجاعتها وقوتها
الأهالي : تعيش شمس المنشاوي تعيش الكبيرة تعيش الكبيرة
الضابط : ممكن اعرف حصل ايه
شمس بسخرية : ولا حاجة يا باشا كل الحكاية المطاريد نزلو من الجبل وحنا اتصدينا ليهم انت اطمن ورجع مكتبك تاني
الضابط : اتفضلي معانا
شمس بغضب : شكلك اتجنيت بقي عاوز تقبض على شمس المنشاوي لا عاش ولا كان
اللوا وهو ينزل : احنا اسفين شمس هانم تقدري تتفضلي
مرعي : يا كبيرة جرحك بينزف
اللوا : استريحي يا شمس
شمس بغضب : اسمي الكبيرة
اللوا بخوف: اكيد يا كبيرة اتفضلي وحالا هنبعت ليكي الدكتور علشان نطمن عليكي
الضابط : هو في ايه
اللوا : اخرس يا زفت دلوقتي ربنا يخدكم هنروح في داهية
عادت شمس إلى القصر وجدت جدتها تقف بفخر في انتظارها فنزلت شمس الصغيرة من على الفرسة ومسحت على شعرها واسرعت إلى جدتها التى ضمتها لحضنها بحنان و حب و فخر
شمس الكبيرة : هي ديه تربية المنشاوية قوية من صغرك خليتي الكل يحلف بقوتك و شجاعتك
شمس الصغيرة بابتسامة : تربيتك يا ستي وتربية نجمة المنشاوي
قطع كلامهم دخول مرعي ومعه الدكتور عالج الدكتور ذراع شمس الصغيرة وأكد انها مجرد شظية وكلها يومين او اسبوع وستشفي وغادر
شمس الكبيرة : يالا يا عمري اطلعي استريحي شوية
شمس الصغيرة : ومصالح الناس يا ستي اسبها لمين طول مالكبير مسافر انا موجودة مكانة
شمس الكبيرة بابتسامة : ربنا يرحمك يا نجمة فعلا اللي خلف مماتش
شمس الصغيرة : الله يرحمها تيتة انا طالعة ونزله تاني
شمس الكبيرة : حملك كبير يا بت المنشاوي ربنا يقدرك و يحميكي
شمس الصغيرة بابتسامة : طول محسك وحي جدي و ابويا موجود هفضل واقفة على رجلي
شمس الكبيرة بفخر : اطلعي اتسبحي وغيري خلجاتك ونزلي هيكون الوكل جاهز
شمس الصغيرة : تمام يا شمسي
صعدت شمس إلى الأعلي وقامت بأخذ دش ولبست ونزلت وجدت جدتها مجهزة الطعام فجلست تاكل بهدوء كعادتها ولكن قطع وقت الطعام دخول مرعي
مرعي : يا كبيرة
شمس الصغيرة : تعالى يا مرعي في ايه
مرعي : الحاجة المسروقة جاهزة نوزعها على اهل البلد
شمس الصغيرة بابتسامة : لا اني شوية وهاجي بنفسي اوزعها على أصحابها روح انت
صفية : لااااا نجمة معرفتش تربي و حامد اتساهلو قوي في تربيتك ولازم يقف ليكي راجل يكسرك
ضربت شمس الصغيرة بكفها على التربيزة بقوة ادت الى كسر الزجاج الطاوله وتساقط الاطباق على الارض
شمس الصغيرة بغضب : صفياااااااااااه لسانك لقطعهولك وبلاش انا علشان محزنكيش على عمرك اللي جاي وحسك عينك تجيبي سيرة امي على لسانك بكلمة علشان المارة الجاية هقطعة من لغلوغة مفهوم
صفية بخوف : لا رد
شمس الصغيرة بغضب و صوت عالي : قولت مفهوم يا صفية
صفية بخوف و رعب : مفهوم يا شمس
شمس الصغيرة بغضب : اسمها مفهوم يا كبيرة انطقي
صفية بخوف و رعب : مفهوم يا كبيرة
شمس الصغيرة بابتسامة سخرية : كده تعجبيني يا عمه هبعت حد يصلح التربيزة بالاذن يا ستي
شمس الكبيرة بفخر : طريق السلامة يا قلب ستك يوه يا كبيرة
خرجت شمس وركبت الفرس وخلفها الرجالة يحملون المسروقات ووزعتهم شمس بنفسها على الأهالي
وتوجهت بالفرسة الى المقابر لزيارة امها ومنعت اي حارس من ملاحقتها
جلست شمس امام قبر امها تقرأ لها القرآن وتدعي لها بالرحمة ولكن وجدت ظل يقف فوق رأسها فرفعت رأسها ووجدت حاتم و ملك
حاتم : البقيه فى حياتك شمس
شمس : حياتك الباقية حاتم كل ديه غيبه ولا جدك كان خايف عليك
ملك : شمس انتي عارفه ان جدي عمره ميقتل خالة نجمة الله يرحمها
شمس : عارفة وبلاش تقلق يا حاتم الحادثة برا عيلة الشاذلي كلها واحنا اصحاب و حبايب وعمر محد يقدر يفرقنا عن بعض بس لسه الوقت مجاش للصلح قدام الكل
ملك بحزن : كيفة زين دلوج
شمس : ادعيلو يا ملك ادعيلو لو جراله حاجة مش هسامح نفسي واصل
حاتم بحنان : ان شاء الله هيبقي كويس قولى يا رب ويستجيب الدعاء منك
شمس بجدية : يالا حاتم خد ملك وعاودو داركم وخلى جدك يامن ناحيته كويس من المطاريد
حاتم : صوح المطاريد نزلت امبارح وانتى وقفتي ليهم
شمس بجدية : سيبك منى أول لجدك الصبر مفتاح الفرج وكل ليل لازما ولا بد يطلع النهار و طول ما الشمس موجودة الفرج و الخير موجود
حاتم بستغراب : مش فاهم شمس
شمس وهى تقف : قول كده لجدك وهو مسيرة يفهم كلامي يالا امشي انا بقي سلامة عليكم
حاتم : وعليكم السلام ورحمة الله وبركاته يا ترا مخبية ايه يا بت المنشاوي
ملك : شمس المنشاوي طول عمرها قويه و دلوقتي بقت واعره ومحدش هيقدر يقف في طريقها
حاتم : ربنا يستر من اللي جاي يالا نروح
اخذ حاتم يد ملك وغادرو المقابر
🌞🌞🌞🌞🌞🌞🌞🌞🌞🌞🌞🌞
في المدريه
🌞🌞🌞🌞🌞
دخل اللوا إلى مكتبة و خلفة الضباط وجلس بغضب
اللوا : انت اتجننت عاد ولا ايه يا يوسف
يوسف : يا فندم انا معملتش حاجة لكل ده
اللوا : معملتش حاجه ووووووووه هو انت كنت لسه عاوز تعمل
يوسف : مين ديه علشان نخاف منها
رائد : ديه بتكون بت المنشاوية يعني كبرات البلد وكلمتهم مسموعة ومحدش يقدر يقف ادامهم
يوسف بذهول : بقي العيلة ديه ليها هيبة كده
اللوا : اسمعني يوسف انت في الصعيد وهنا هما ليهم قوانين خاصة وانت حظك وقعت فى عزبة المنشاوي يعني أصغر عيل لسه فى اللفه ليه قوته و سلطته ما بالك بقي بشمس المنشاوي بت المرحومة نجمة المنشاوي
يوسف بذهول : يعني حضرتك عاوزني احترمها
اللوا بغضب : يوسسسسسسسسسسف لو حصل اي مشكلة هناك انا بنفسي هولع فيك مفهوم
يوسف : حاضر يا فندم
اللوا : انت هتنزل النقطة إللى في عزبة المنشاوي وهناك هتلاقي شويش اسمه مجاهد ده من اهل البلد هو هيعرفك النظام اتفضل استلم النقطة يا بيه وياريت تنفذ اللي قولته
يوسف بخنقة : حاضر يا فندم
اللوا برجاء : علشان خاطر ربنا يا يوسف بلاش مشاكل مع عيلة المنشاوي و لا عيلة الشاذلي
يوسف : حاضر يا فندم بلاش تقلق
اللوا : هى الحاجة هتوصل امتي بالسلامة
يوسف : هظبط احوالى هنا وهبعت اجبها باذن الله
اللوا : طول مانتا كويس معاهم هتعيش مرتاح بلاش تقلق
يوسف : بإذن الله خير استأذن انا علشان الحق اوصل قبل الليل
رائد : توصل بالسلامة اوعو تنسي تروح لقصر المنشاوي بكرا
يوسف بخنقة : ان شاء الله بعد اذنكم
غادر يوسف مرة اخري إلى عزبة المنشاوي
رائد : ربنا يستر
اللوا : احنا لسه مش فاهمين دماغ شمس المنشاوي عمله ايه
رائد : كل ده ومش فاهم دماغها شمس دماغها أكبر من سنها وصدقني هتوصل لمكانة اكبر من المتوقع
اللوا : الأيام الجاية هتبين كتير
رائد : طيب اخلع انا بقي اليوم كان طويل وعاوز استريح
اللوا : ده على اساس انى مش ساكن معاك في نفس البيت يا حيوان
رائد بضحك : على فكرة يا شاهين معملتك بقت وحشة معايا اوى
شاهين : يالا يا حيوان نروح
وغادرو إلى المنزل