روايةاحتل قلبي
الفصل الخامس
بقلم دنيا
"تاني يوم ومجده طلعت لفهد اوضته "
مجده: مرواحك لبنت عمك كتير مش مسموح اهلها هيزعلو مقررتش بقا تخطب
فهد: قررت ده انا شكلي وقعت واقف اي البنت العسل دي انا ارتحت ليها اوي ي امي شكلي هقع ف حبها وربي ، لا هقع اي انا وقعت وخلصت "وكان بيتكلم ع ندي ومجده بتتكلم ع مها "
مجده: انا سالتها ي فهد، قالتلي انها بتحبك ااوي ااااوي
فهد: بتحبني بجد ?
مجده: ايوة والله
فهد: امال لي بتحاول تخبي عليا حبها، لي مش عايزة تظهرو
مجده ; يمكن مستنياك انت تتكلم
فهد: هتكلم وهقول كل حاجه والله مش هسيبها ومش هضيعها من ايدي ولا هضيع حبها ليا بسهوله كده،
"نزل جري عشان يروح ل ندي واتخبط ف مها وكانت هتقع بس سندها ومسك ايديها وهي شدت قميصه والزراير بدأت
تتفتح كلهاا ، مها اتكسفت جدا وهو كمان ، بعد ايده عنها وهي سابته وبصالو بحب وهو مستغربها "
فهد: بص ع هدومه " شكل الزراير اتقطعت بتاعت القميص "امه شافتهم من بعيد وابتسمت وندي اول م سمعت صوتهم قامت تشوفهم من الشباك "
ندي: لنفسها. " الحمد لله انهم بيقربو من بعض وندي هيتحقق حلمها بس اذا كانت هي مش مصدقه انو بتاع بنات ف انا لازم
اثبتلها بنفسي عشان ابعدها عن اي ضرر ليها مش هستحمل انا اشوف اختي مع واحد بيكلم 100 وحدة غيرها بس ف الاول
والاخر القرار ليهم، وانا بقا عقبال ما ارتبط من الجامعه زي ساندي كده حياتهم كلها مع بعض جو الجامعه ف
الكورسات ف الدروس ف كله يبختكم والله اوعدني يارب "
"فهد بعد عن مها وادايق جدا "
مها: تحب اخيطهم ليك
فهد: لا مش عايز اتعبك
مها: تعبك راحه ي فهد تعالا بس "ومسكت ايده "
فهد: قولت لا ع فكره مش هخيط حاجه انا هروح اغيرو"ومشي وطالع ع الاوضه "
هو اي البنات الملزقه دي ف اي ، بس يلا مش مهم مش عايز اعكر فرحتي انهردا لما عرفت ان ندي بتحبني وبتموت فيا اااه ومخبيا علياا ي بت الايه، تقيييله ف نفسك بس تعجبيني ، بس ازاااي ملاحظتش كده من اول يوم لما كانت بتغير عليا ونا معها ف الجامعه يااربي ... "نزل فطر معاهم ومها كانت قاعده تبصله وهو بطل يبص عليها ، مشي هو وساندي "
فهد: عايز اخطب
ساندي: بتتكلم بجد
فهد: اه والله
ساندي: مين بقاا خليناا نفرح
فهد: حزري انتي
ساندي: ال انا شيفاه بيقول ندي بس الطبيعي مها
فهد: لا مليش دعوة بالطبيعي ده انا ليا دعوة بقلبي وبس، قلبي دق ل ندي ي ساندي
ساندي: كنت احسب ماما هتختارلك مها لانك مش اكبر منها بكتير وقريبه ليك وكمان فاضيا مش وراها تعليم عشان تخلي وقتها كله ليك وكمان عشان تفهمك ودماغكم تكون قريبه من بعض بس ندي صغيره اوي وقصيره وهبله وطفله
فهد: لا امي محددتش
ساندي ; حددت ع فكره
فهد: والله مش فاكر ي ساندي بس حتي لو كده انا هتجوز ال اختارها قلبي وال بكون مبسوط وانا معاها وفي قبول م بنا ، هختار السعاده وبس الحاجات التانيه كلها ليها حل
ساندي ; ربنا يسعدك ي حبيبي معها والله هي تستاهل كل خير
_______
"وصلت ساندي ع الجامعه وفهد ع الشغل وحسن قعد ف البيت. ف الجنينه "
مها: ندي اطلعي غيري جو واقعدي مع حسن ف الجنينه
ندي: بس مبحبش اتطفل ع حد انا
مها: مش تطفل
ندي: لا ي مها مش هروح بردو
"مها اتغاظت منها وهي عايزاها تروح تتلزق ف حسن عشان تبعدها عن فهد، سناء كانت داخله بالفطار ل ندي ومها حطت رجلها وسناء كانت هتقع وسابت صينية الاكل من ايدها وقعت ع ندي وكان ف كوبايه شاي نزلت ع ايدها وع الحساسيه ال ف ايدها فقعدت تصرخ وايدها تعبتها جداا "قامت بعيد وايدها بدأت تنزل دم ع السرير وف الارض ومجده ومني وحسن راحو ع صوت صريخها "
ندي: ااانتي واحده حيوااانهة ومتخلفه ومش بتفهمي مش قادره توازني الصينيه ال ماسكاها انتي ازاي تعملي فيا كدا ي حتت خدامه معفنه متسواش ااااه ي ااايدييي
مجده: ادايقت جدا من طريقه كلام ندي بس مرضتش تتكلم لما شافت حالتها " حسن جهز عربيتك بسرعه عشان نطلع ع المستشفي
حسن: حاضر تعالي ي ندي تعالي بس "ومسكها وطلعه وفتح العربيه وركبت ومني ركبت معاها هي ومجده، سناء لمت هدومها وراحت الشركه ل فهد "
سناء: ي فندم انا عايزة ابعد عن بيت حضراتكم ده نهائي كفايه شغل لحد كده
فهد: وقف " ف اي ال حصلك مين دايقك طايب انتي من ساعه ما انا اتولدت وانتي شغاله ف البيت عمرك م طلبتي انك تمشي منه، اي ال حصل
سناء: بكت " عشان مينفعش وانا ست كبيره كده اتهان الاهانه دي كلهاا
فهد : مين ال قدر يتجرأ ويعمل كده
سناء: الست ندي، بعد ازنك انا هنهي شغلي وهمشي خالص، بعد ازنك
فهد: ندي "اتعصب جدا ورن ع امه " ازاي تسمحي لندي انها تهين حد من الشغالين
مجده ; اعمل اي طيب ي فهد، ندي لسانها مسحوب منها اول لما تعبت راحت قامت تشتم فيها
فهد: تعبت ازااي
مجده: سناء وهي راحه توديلها الفطار وقعت الصينيه ع ندي
فهد: غلطه من واحده كبيره مش هتفرق كتير ايوة الواحد هيدايق ف نفسه بس ميعملش كده ولا يهين حد ولا هي فاكره نفسها مين ولا عشان جات ع الفيلا وبقي ف خدم يجبولها الاكل وهي مخموده ع السرير تفكر نفسها انها بقت ملكه زمانها وتقدر تعمل ما بدالها انا مش هسمح بكده "وقفل من غير ميعرف باقي الحوار ورجع ع البيت ودخل اوضه ندي ولقي مها قاعده "
فهد: ندي ??
مها: برا
فهد: برا اي ?
مها: بتسأال عليها لي ي فهد "قربت منه وحطت ايدها ع وشه وع شفايفه "
فهد:مش حاسه انك بتزوديها اوي ول اي ??
مها: بزودها ازاي
فهد: انتي عارفه ازاي اتلمي شويه، ندي دي اختك ع فكره "ومشي من الاوضه وهو كان قصدو انها عارفه ان ندي بتحبه ومينفعش تقرب منه هي ، ام مها فكرت انو عرف ان هي ال حطت رجلها عشان توقع سناء ع ندي وخافت جدا "
فهد: بيدور ع امه ملقهاش ولا مرات عمه ورن عل امه تاني " ااانتي فينك
مجده: ف المستشفى
فهد : مين تعبان
مجده ; مش قولنا ندي
فهد: انا احسب تعب عادي والله معرفش انها تعبانه اوي، خلاص انا جايلكم "وطلع ع المستشفي وقابل حسن بيدفع الفلوس "
فهد: اي ال حصل
حسن: حصل كتيييير ده البت ايدها اتسلخت لو شوفتها لتقول ايد محروقه اقسم بالله صعبت عليا اوي
فهد : بخوف وقلق " اي ال وقع ع ايدها
حسن: كوبايه شاي سخنه مولعه ووقعت ع ايدها ال فيها الحساسيه ف المسامير ال ف ايدها كانت بتغلي والله والدم بقا والصريخ ال صرخته والعياط وبصراحه سناء تستاهل الاهانه حرام عليها دي لو قاصده مش هتعمل كده
"فهد ادايق جدا وطلع ع فوق ودخل ليها الاوضه وقعد جنبها ع الكرسي وكانت مركبه محاليل وايدهاا كانت محطوط عليها غطاء عازل ان حد يلمسها، حط ايده ع شعرها "
فهد: يقطعني اانا ي ندي الهي كنت موت قبل م ازعل منك ، انا السبب ف كل ده، وكل ده عشان شويه ورد عايزه تصالحيني بيهم، اناا ال اسف ليكي ولو فضلت اعتزر من هنا لبكره مش هيكفي ولله ياارب اشفيها واعف عنهاا يارب ابعد عنها اي حاجه وحشه ممكن تصيبها
"بالليل وكانو قاعدين كلهم بس مجده ومني اطمنو عليها وروحهم بالعافيا "
فهد: دقيقه داخل ليها انا "ودخل وهي بصالو " انتي بخير
ندي: ايدي وجعاني ااوي، انا كنت فرحانه انها قربت تخف، زادت علياا ي فهد
فهد: هتخفي وهتكوني تمام واسمعي مني، يومين والحوار يعدي وايدك تخف والحمد لله انها جات ع قد كده وانها جات ع ايد واحده مش ايديكي الاتنين، بكره تخف شويه وتنشف ويربطوها بقا وتعرفي تتحركي وتعملي كل حاجه
ندي: ان شاء الله
ساندي: دخلت" حبيبه قلبي انتي كويسه
ندي: زي منتي شايفه ي ساندي
فهد: المهم تعالي اروحك ي ساندي انتي ومها وحسن شان الوقت اتأخر ونا هرجع تاني هنا
ساندي: خلاص ي فهد خليك واحنا هنروح مع حسن، خلي بالك منها والصبح قبل ماروح الجامعه هكون عندك اتطمن عليها
ندي: بلاش تتعبو نفسكم والله مش لازم كل ده، روح ي فهد ع بيتك ونام ف سريرك وارتاح
فهد: واسيبك وحدك! !
ندي: هتخطف يعني ي فهد
فهد: بطلي عبط طيب " ونزل تحت معاهم وركبو العربية وبلغهم انه هيروحهم ويرجع تاني، مها وقفت قباله ومسكت ايده"
مها: اي ال هيرجعك تاني
فهد : هقعد مع ندي
مها: اي ال يقعدك معاها خليك ف البيت وسبها
فهد: ايش حال انها اختك عشان تقولي كلمه سيبها دي اتقي الله بقا متخلنيش اكرهك
مها: بس انت اي ال يقعدك معاها ولوحدكم ، خلي حد تاني غيرك ي فهد
فهد: وانا عمري مهثق ف حد غير نفسي عشان اسيبو مع ندي
مها: انت اخطر واحد عليها اصلا ومستعده ارن ع بابا دلوقت وابلغه بال بيحصل هنا عشان ترتاح
فهد: ولي الحقد ده
مها : ده ال عندي
فهد: ميهمنيش
مها ; طب ثواني بس "ورنت ع ابوها وفتح وفتحت الاسبيكر" بابا احنا بلغناك ان ندي تعبانه وف المستشفي صح
حمدي : صح ف اي تاني معها
مها: الدكتور قال انها لازم تبات لحد الصبح مين هيبات معاها
حمدي: خلي امك ي مها اتصرفو
مها: طب ينفع اخلي فهد يبات معاها ف نفس الاوضه
حمدي: لا طبعا انتي اتجنيتي
مها: اه طب خد اهو معاك
فهد : اه ي عمي، هو انا غريب
حمدي: لا ي فهد ال انتو بتقولو وعايزين تعملو ده غلط معلش ي ابني احنا معندناش الكلام ده
فهد: اسمعني بس
حمدي: متحاولش تقنعني ي فهد خلي امها تكون معاها هي مش هيحصلها حاجه
فهد: تمام "واتعصب جدا وبصلها بغيظ وبعدها بص لحسن " دقيقه ي ابني هروح اقول ل ندي حاجه وجاي "وطلع ليها " ندي
ندي: ي فهد لقيت نفسي خايفه لما كلكم مشيتو، صوت خطوات الناس ال راحه جايا. رعبتني اوي "حطت ايدها ع ايده " خليك معايا ونبي
فهد : بصلها " هكون معاكي مش همشي بس ثواني "ورن ع ابوها " الو ي عمي، بص هو امها انا روحتها من بدري وحضرت عندك مشكله ف اني ابات مع بنتك ف المستشفي بس معندكش مشكله لم نسيب بنت وامها لوحدهم يباتو ف مستشفي هو ده الصح يعني
حمدي: مش صح بس مش قدامي غير كده
فهد: والله ال انا شايفه ان المفروض ف الوقت ده يكون موجود راجل وانا لقيت الحل ال يريح جميع الاطراف
انا هبات ف المستشفي برا الاوضه وهخلي ممرضه تقعد معها جوه طول االليل وهديها اجرها
حمدي: فكره كويسه موافق" فهد ضحك بانتصار وجاب كرسي وقعد جنب ندي "
__
مها: ي حسن متروح تقعد مع ندي
حسن : فهد مش هيرضي والله
مها :يعني اي فهد مش هيرضي هو انت صغير ولا ملكش كلمه
ساندي: اي ي مها الكلام ده
مها: فهميني انتي طيب
ساندي: افهمك اي، فهد معودنا ع حاجات مش هينفع احنا نعمل غيرها يعني حسن ده عمره م بات ليله برا البيت وفهد مش بيسمحله بكده مش تحكم بس خوف عليه، وبعدين من بعد بابا فهد ال شايل همنا ومسؤليتنا مينفعش احنا نعارضه ع حاجه
مها: طب رنو ع البيه شوفو اتأخر لي كل ده
حسن: باعت رساله قال امشو انتو
مها : يعني مش نازل "وراحت فتحت باب العربيه ومشت وطلعتله ودخلت الاوضه وكان قاعد جنبها وماسك ايدها وندي نايمه " فهد اا
فهد: شششش مش عايزها تصحي بسبب صوتك
مها: بصوت واطي" هرن ع بابا
فهد: رني، خلاص خدت الازن منه يلا انزلي مش عايز ازعاج "وقرب من ايد ندي وباسها بالعاني قدامها ومها دمها فار وخدت بعضها ومشت "