رواية عيلة العطارين الفصل الرابع والثلاثون34والخامس والثلاثون35بقلم منه وائل

👑عيلة العطارين👑

👑الفصل الرابع والثلاثون👑

والخامس والثلاثون

أثناء خروج أسرار من دكان والدها وجدت عمار يخرج من منزل صبرين وكان اتياً الي منزل العطارين فوجدها تقف وتنظر له

عمار بصدمه :

أسرار

نظرت له أسرار بضع دقائق ثم ابتسمت وقالت :

طلقني يا عمار، طلقني يا بن عمي

ثم تركته وصعدت الي منزل والدها

ظل عمار يقف في حاله من الصدمه ولا يستطيع قول شئ ثم ذهب ورائها

           بقلمي منه وائل

*************************

           في منزل يوسف

ندى بصدمه وغضب في نفس الوقت :

انت اي اللي انت بتقوله دا؟

نهرب اي واتفقنا اي انت ازاي بتفكر كدا؟

امسك يوسف يدها بعنف وجذبها اليه وقال :

بقولك اي يا بت انتي انا مش مختوم على قفايا ها انا عارف كويس انكم بتتوصلوا مع بعض، طب طلما روحكم في بعض كدا ما كان جه وشال عملته    اللي هو عمالها والا هو فاكر انه بكده هيهرب من عملته، بصي يا ندى انا عملت كدا عشان بس اهلك اللي ملهمش ذنب في أي فضايح دي واستحملن نظرة امك ليا ونظرة عمي ليا وانا بالنسبه ليهم واخد وسخ، وعملت كدا كمان عشان..

ثم صمت لحظه ونظر لها وقال :

عملت كدا عشان حبيتك، ايوا حبيتك من كل قلبي وعمرك مانزلتي من نظري حتى بعد اللي حصل بس صدقيني ورحمة ابويا اللي مابحلف برحمته    كدب لو طلع اللي في دماغي صح ماهرحمك ياندي انتي وهو لان حبي ليكي هيتحول لكره

نظرت له ندى بحزن ثم هبطت الدموع من عينيها وقالت وهي تجذب يدها :

اااااه ايدي، كنت فاكره انك الوحيد اللي عمرك ماهتظلمني زي ماالدنيا بتظلم فيا من يوم ماجيتها، كنت فاكره انك الملجأ الوحيد اللي اقدر اترمي   في حضنه بعد القسوه دي كلها، كنت فاكره انك عمرك ماهتكسرني كدا زي ماكسرتني بس عارف العيب مش عليك، العيب عليا انا اللي سكت على حقي كان المفروض اقول لأهلي كل  حاجه ويغهموا زي مايفهموا، انا ربنا عارف اني ماغلطش انا اتاخد مني شرفي غصب وكنت فكراك انت اللي هتسترني، انا يابيه

 كنت برد على التليفون رقم غريب رن عليا بشوف مين لاقيته الحيوان دا وبيهددني انه هيقول لعمار ولأهلي عشان يخلصوا عليا عرفت بقا انا كنت بكلمه ليه، ياريت بقا يكون قاله عشان يخلص عليا واخلص من الدنيا، عن اءذنك

امسك يوسف يدها بحزن وقال :

استنى ياندي مممكن تسمعيني بس

ندى وهي تجذب يدها وتصرخ في وجهه :

اوعي ايدك دي سبيني مش عاوزه اسمع حاجه انا سمعت بما فيه الكفايا ارحمني بقا انت اييه انا كنت بحبك زي ما انت بتحبني ويمكن اكتر، كنت بحبك من واحنا صغيرين وانت ولا حاسس بيا ويوم ماتيجي تقولهالي، تقولهالي بطريقتك دي يااخي ينعل ابو حبك لو بالشكل دا ابعد عني

ثم تركته ودخلت الي غرفتها

يوسف وهو يدق الباب :

ندى عشان خاطري ردي عليا انا بحبك والله العظيم بس غصب عني شكيت انا مقصدتش والله

كانت تجلس على الأرض وتستند بظهرها على الباب وتبكي، تبكي بكاء شديدا..

بعد نصف ساعه

كان يجلس يوسف علي الاريكه ويضع راسه بين راحة كفيه

وأثناء ما كان شاردا وجدها تخرج من الغرفه وفي يدها حقيبة ملابسها

يوسف وهو يقف

 أمامها بذهول :

انتي رايحه فين ياندي؟

ندي وهي تمسح دموعها وتحاول الافلات من يده :

لوسمحت يايوسف سبني امشي كدا كدا معدش ينفع قعدتي هنا خلاص

يوسف وهو يمسك ذراعها الاثنان :

يعني اي معدش ينفع انا مش هسيبك تروحي من هنا، انا بحبك يا ندى انا اسف والله حقك عليا

ندى وهي تبعد يديه وتذهب الي الباب :

لوسمحت يا يوسف كدا كفايا اوي انا اتهنت كتير اوي واداس عليا كتير اوي وكنت بسكت

 بس لحد كدا وكفايا انا مبقتش استحمل وخاصة لو الاهانه جايه كم اقرب انسان لقلبي، كفايا عشان مانخسرش بعض اكتر من كدا، سلام يا بن عمي

نظر يوسف لمكانها الفارغ بصدمه وذهول ثم جلس على الاريكه بهزلان وقال :

بوظت كل حاجه بغباء يا يوسف، كانت بتحبك وانت طول الوقت بتشك فيها

            بقلمي منه وائل

*************************

          في منزل باكينام  

احمد وهو يجلس في الحديقه مقابل انچي قائلا :

بيتهيألي كدا تمم الفلوس جاهزه اهي

انچي بتوتر :

ايوا بس هقول لمامي جبتهم منين؟

احمد بتفكير :

قوليلها اشتغلت مع احمد وعملت صفقه معاه ودا اللي ربحته من الصفقه

أنچي:

يا سلام بالسرعه دي؟

احمد وهو يجلس بجانبها :

اه طبعا بالسرعه دي اسمعي الكلام بقا

انچي :

طب قولي انت قايلي انك جاي تكلم ماما هتكلمها في أي بس فهمني

احمد وهو يضع يده على يدها ليطمئنها:

ياستي ماتقلقيش خير ان شاء الله بس انتي اهدي كدا، اهي ماما جات اهي، اذيك يا طنط عامله اي؟

باكينام وهي تسلم عليه :

الحمدلله يااحمد وانت عامل اي. احمد :

بخير والحمدلله

باكينام وهي تجلس :

خير يا انچي كنتي بتقولي انكم عاوزني في حاجه والا اي؟

انچي وهي تمسك المال في يدها وتعطيها لوالدتها:

اه جبتلك الحاجات الي قولتلك عليها، واحمد كان عاوزك بس دي معرفهاش

باكينام :

خير يا حبيبي كنت محتاج حاجه؟

احمد وهو يعتدل في جلسته :

احم بصراحه يا طنط كنت عاوز اقول لحضرتك اني بحب انچي وعاوز اتجوزها

باكينام بفرح :

بجد يا حبيبي؟

هبت انچي واقفه بذهول ثم قالت :

انت بتقول اي؟

احمد بابتسامه :

اي يا انچي عاوز اتجوزك موافقه؟

نظرت له انچي ولوالدتها المبتسمه ثم قالت :

وانا مش موافقه عن إدنكم

تركتهم ورحلت الي غرفتها تاركا احمد في صادمه هائله ووالدتها في احراج قائله :

ااا.... معلش يا حبيبي هي...

قطع حديثها احمد قائلا :

لا يا طنط مفيش حاجه بس انا عارف هي رفضت ليه تسمحيلي اطلع ليها وافهم منها؟

نظرت له باكينام ثم قالت :

ماشي يااحمد اتفضل

            بقلمي منه وائل

*************************

            في شركة زين

زين وهو يتحدث في الهاتف :

ايوا يا حبيبتي، بجد قولتي لماما، طب وعمك؟ طب خلاص بصي هو انتي ينفع تيجي الشركه النهارده؟

واثناء ما كان يتحدث في   الهاتف استمعت چيچي الي المكالمه

چيچي:

بقا الحكايه كدا السنيوره بتاعتك هتيجي هنا ماشي انا بقا هخليها تبعد عنك خالص

زين :

ياستي ماتخافيش دي شركه يعني ايوا يابنتي ماانتي هتشتغلي معايا، طيب خلاص هستناكي يلا سلام

دب دب

زين وهو يسمح للطارق بالدخول :

ادخل

مراد :

بقولك اي يازين انا خلاص تعبت اللي اسمها چيچي دي مش ناويه تجبها البر

زين :

في أي تاني؟

مراد وهو يجلس :

يابني دي فاكره نفسها صاحبة الشركه بتؤمر اي حد وبتمشي كل حاجه بمزاجها

زين :

انقلها ال Hr

مراد :

أحيه انت عاوزها تطربق الشركه على دماغتنا كلنا

زين وهو يضرب بقبضة يده على المكتب قائلا :

جري اي يا مراد هو مين صاحب الشركه انا والا هي اتفضل اعمل اللي قولتلك عليه كلامي انا اللي يتنفذ

مراد :

خلاص يا عم في أي دا انت زعلك. وحش اوي يافطين الله، المهم سيبك من الكلام   دا كان شكلك مبسوط قبل ماانا اتكلم في اي بقا ها ها

زين بضحك :

ههههههه خلاص يا عم هقولك، هبه جايه النهارده الشركه

مراد :

اوه بجد، يعني خلاص قررت تشتغل معانا؟

زين :

اه يا سيدي انا اقنعتها دي كانت خايفه تيجي الشركه، عبيطه والله فكراني اني ممكن ااذيها دي روحي

مراد :

يازين احنا في زمن صعب حد يثق في حد اليومين دول فااعذرها

زين :

على رأيك، يلا قوم اعمل اللي قولتلك عليه

مراد :ماشي يا زيمكس بس استئذنك امشي بدري النهارده عشان بابا كان عاوزني النهارده

زين :

هو انت هتفضل اهبل على طول كدا؟، من امتا بتستئذن يا مراد دي شركتك

مراد بفخر متصنع :

اه منا عارف انا مش بستئذن انا بعرفك بس عشان لو مش لاقتني

زين :

ههههههههههههه ياسلام ماشي يا سيدي يلا بالسلامه

مراد بضحك :

هههههه سلام

            بقلمي منه وائل

*************************

       أمام شركة الاتصالات

رامي باستغراب :

اي دا اي المكان دا؟ هي رايحه فين دي؟

هدى وهي تسلم بيدها على شخص وسيم جدا ولكن نظراته ليست طبيعيه :

اهلا وسهلا انتي بقا هدى؟ انا جاسر 

هدى وهي تجلس :

ايوا يا فندم انا هدى صاحبة اميره

كان ينظر لها من الأسفل الي الأعلى بتلذذ ثم قال :

اشتغلتي قبل كدا في المجال دا؟

هدى وهي تلملم ملابسها بقلق :

ها لا بصراحه اول مره

نظر لها ثم وقف واقترب منها وقال :

ماتقلقيش انا هعملك كل حاجه

هدى برعب :

بس هو ليه مفيش حد في المكان غير حضرتك 

جاسر وهو يقف من مكانه :

لا ما الموظفين في وقت غدا، 

 بس اميره ماقالتليش انك قمر اوي كدا

نظرت له هدى ثم ابتسمت بخوف وقالت بتوتر :

اا شكرا حضرتك ه. هستلم الشغل امتا؟

اقترب منها ثم امسكها من خصرها وقال وهو ينظر إلى شفتاها بتلذذ:

من دلوقتي لو حابه انا معنديش اي مانع

هدى بفزع وهي تبتعد عنه :

انت اي اللي حضرتك بتعمله دا ميصحش كدا

امسكها من يدها بعنف وقال :

في أي بس استنى يعني دا احنا هننبسط سوا و ماتقلقيش محدش هيعرف ولا حته اميره

هدى بصراخ :

لوسمحت ابعد عني انت اي اللي بتعمله دا سبني

وضع يده على فمها ثم قال :

انتي عجباني اوي وانا مش هسيبك تعالي هنا

هدى بصراخ وبكاء :

اوعي يا حيوان سبني الحقونييييي

جاسر وهو يجذبها اليه :

استنى يابت بقولك

رامي وهو يكسر الباب :

انت بتعمل اي يا حيوان

هدى بدموع :

رامي الحقنيييي

جاسر بغضب :

انت مين يا حيوان انت، انت ازاي تدخل علينا كدا؟

امسكه رامي من تلابيب قميصه ثم قال وهو يضربه في وجهه :

انا هوريك ازاي تمد ايدك على حاجه مش بتاعتك

هدى بصراخ :

عاااااااااااااا

            بقلمي منه وائل

*************************

       في منزل الحاج وليد

سوميه :

يعني يا دكتور هي عندها اي؟

الدكتور :

للأسف الشديد عندها حمي شديده اوي

جليله وهي تضرب على صدرها :

يالهوي يا حبيبتي طب والعمل يا دكتور

الدكتور :

والله انا كتبتلها على شوية ادويه وادتها حقنه وان شاء الله خير ماتقلقوش

هبه :

طب هي محتاجه تروح للمستشفى ؟

الدكتور :

لا الأحسن لها انها تكون هنا، في المستشفى مش هترتاح، ولو حصل اي تطورات كلموني

سوميه بحزن:

شكرا يا دكتور تعبناك معانا، والعمل اي يا جليله؟

جليله :

ربنا يشفيها احنا هنجبلها الادويه وكل شويه حد يفضل جنبها اه ماهو مينفعش تفضل لوحدها كدا وان شاء الله خير، انا هطلع اشوف البت أسرار دي اللي جايه من بيتها في أول أسبوع ليها وقال اي عاوزه ابوها ربنا يستر

سوميه :ايوا روحي وابقى طمنيني

جليله :

حاضر

هبه بقلق:

ماما بعد اءذنك يعني لو ينفع اخرج اروح مشوار الشغل اللي قولتلك عليه ومش هتاخر والله

سوميه :

اعملي اللي عاوزه تعملي يا هبه سبيني دلوقتي

هبه وهي تقبل راس والدتها :

ماتقلقيش ياماما مرات عمي هتكون بخير ان شاء الله

سوميه بحزن وهي تملس على رأس فتحيه :

ان شاء الله، روحي انتي مشوارك ومتتاخريش

هبه :

حاضر يا ماما 

فتحيه وهي تتحدث بصوت منخفض جدا لا تسمعه النمله:

ندى تعالي يابنتي في حضن امك تعالي 

سوميه وهي تتنهد بحزن :

اااه ياني، اوعي يا صاحبة عمري، اوعي تعمليها انا مقدرش اعيش من غيرك والله

            بقلمي منه وائل

*************************

      في منزل الحاج حسين

حسين بصدمه :

انتي بتقولي اي يابنتي انتي اتجننتي طلاق اي اللي بتتكلمي عنه؟

أسرار وهي تمسح دموعها :

طلاق اي يا بابا طلاقي، انتي عايزني بعد اما شوفته امبارح وهو بيكلمها تحت بيتي   والنهارده اشوفه خارج من عندها واسكت اكمل معاه والله لو على موتي انا عاوزه اطلق يا بابا

دخل عمار الغرفه سريعا وقال :

لا ياعمي هي مش فاهمه حاجه والله العظيم ما بخونك افهمي بقا

اسرار وهي تقف أمامه :

لوسمحت ماتتكلمش معايا كلامك مع بابا، وكلام اي اصلا انت خلاص الللي بيني وبينك انتهى

امسك عمار يديها وقال برجاء :

يا أسرار يا حبيبتي انتي َمش فاهمه حاجه انا بعمل كل دا عشانا يا حبيبتي، ماتقولها ياعمي

أسراري بصراخ :

بس بس مش عاوزه اسمع حاجه منك انت بني آدم كداب وخاين ماتلمسنيش انا قرفانه   منك، طب كنت استنى لما حتى يعدي شهرين على جوازنا من اول اسبوع كدا، للدرجه دي زهقت مني

عمار :

والله العظيم انتي فاهمه غلط، ماتتكلم يا عمي

حسين وهو في محاوله لفهمها :

يابنتي افهمي بس انا هقولك...

وعندما كان يتحدث قطع حديثهم صوت جرس الباب

تن تن

جليله :

ايوا حاضر جايه اهو

ندى بدموع :

عمي فين انا عاوزه عمي

جليله بفزع :

في أي يابت ياندي مالك وشك اصفر زي اللمونه ليه كدا، أحيه انتي بتعيطي

حسين بقلق :

مالك ياندي يابنتي في أي بتعيطي لي؟

ندي بيكاء شديد :

انا عاوزه اطلق يا عمي

نظر عمار وأسرار لبعضهما ثم قالا في نَفس واحد :

ايييييه

👑عيلة العطارين👑

👑الفصل الخامس و الثلاثون👑

حسين بقلق :

مالك ياندي يابنتي في أي بتعيطي لي؟

ندي ببكاء شديد :

انا عاوز اطلق يا عمي

نظر عمار وأسرار لبعضهما ثم قالا في نفس واحد :

ايييييي

ندى وهي تكمل حديثها بدموع :

عشان خاطري يا عمي انا عاوزه اطلق يستحيل اكمل مع البنى آدم دا

جليله وهي تواسيها :

طب فهمينا يابنتي بس اي اللي حصل عشان تقولي كدا، وفين يوسف مجاش معاكي؟

ندي وهي تنفي براسها وتبكي في نفس الوقت :

لا انا سبته وجيت على هنا انا مقدرتش افضل في الاهانه دي اكتر من كدا

عمار بغضب :

اهانه؟ هو ضربك؟

ندي وهي ترتمي في حضن أخيها وتبكي :

لا مضربنيش يا عمار بس بيهني بالكلام وانا عاوزه اطلق وخلاص، طلقني منه يا عمار

عمار وهو يطبطب الي كتفيها ويقول :

طب اهدي يا حبيبتي   عشان خاطري وهو لما يجيلي انا هعرف اتصرف معاه

أسرار وهي تنظر له وتتحدث بسخريه :

اتنيل على خبتك الاول وشوف نفسك وبعدين ابقا اتصرف مع الخلق

عمار بغيظ :

انتي برضو غبيه ومش قادره تفهمي

ندى وهي ترفع وجهها لاخيها قائله :

هو في أي يا عمار هو انتوا متخانقين؟

نظر لها عمار ثم ضحك ووضع في احضانه مره اخرى وقال :

هههههههههه اصل يا حبيبتي النهارده يوم الطلاق العالمي ماهو احنا كدا نتجوز مع بعض ونطلق مع بعض

حسين وهو يدخل غرفته :

مش عاوز حد يجيب سيرة الطلاق دا تاني مفيش زفت طلاق

أسرار بحزن :

يعني اي يا بابا هفضل عايشه مع واحد خاين؟

حسين وهو يغلق الباب :

قولتلك ماخانكيش وهتفهمي في الوقت المناسب وغوروا بقا اقعدوا تحت في المضيفه لحد اما اغير واجي يلا

أسرار :

بس يا بابا...

قطع حديثها حسين قائلا :

قولت يلا

نظر عمار وأسرار وندى لبعضهما

جليله :

مش قالكم يلا، يلا

عمار :

ماشي يا مرات عمي يلا

دب دب دب

جليله بفزع :

استر يارب في أي

أسرار :

انا هفتح، مرات عمي خير مالك بتنهجي كدا ليه؟

سوميه وعلى وشها علامات الفزع والرعب وهي تلتقط انفاسها :

الحقوني، الحقني يا جليله 

جليله بقلق :

اي اللي حصل انطقي 

سوميه بدموع :

فتحيه السخونيه زادت عليها ومش قادره تاخد نفسها الحقوني بالله عليكم 

ندى بصراخ وهي تجري :

مامااااااا 

             بقلمي منه وائل 

*************************

       في شركة الاتصالات

كان الأمن يحمله ويلقيه خارج الشركه

رامي وهو يقوم بسبه :

اما وريتك يا حيوان يا زباله

جاسر بغضب :

برا انت وهي يلا مش عاوز اشوفك وشك انتي وهو هنا تاني مفهوم

هدى وهي تساعد رامي على النهوض :

وانا مايشرفنيش اصلا اني اشتغل في شركه المدير بتاعها وسخ وحقير

نظر جاسر لهم بغضب ثم تركهم وذهب الي الداخل

رامي بغضب :

انسان زباله

هدى بغضب :

هو شكرا وكل حاجه على انك وقفت جنبي بس انت اي اللي جابك ورايا بتراقبني انت؟

نطر لها رامي بضع ثوانٍ ثم قال وهو يمسك يدها ويجذلها خلفه :

سميها زي ماتسميها عشان انتي اصلا غبيه وبتودي نفسك في مشاكل ومصايب وكل مصيبه انئح من التانيه، وكويس اوي اني محسبتكيش على خروجك من نفسك ومرواحك لمكان زي دا من دماغك

هدى وهي تجذب يدها :

اوعي كدا انت شادد معزه وراك وبعدين انت مالك اعمل اللي انا عاوزاه دي حياتي انا وتخصني انا

التفت لها رامي ثم قال وهو يقترب منها بانفعال :

حياتنا وتخصنا سامعه؟ ، ومش هسمحلك انك تخربي كل حاجه انا    خطتلها مفهوم؟ ، وان كان على الكلام اللي قولته في البلكونه انا اسف ياستي بس على الاقل انا قولت بس وكمان انا حبيبك إنما الكائن دا انتي ولا تعرفي ولا يعرفك    ومد ايده عليكي ولولايا انا كان زمانه خلص عليكي عشان انتي غبيه . 

كانت ستتفوه بكلمه ولكن قطعها رامي قائلا :

شششش ولا كلمه انتي غلطانه ولو شوفتك روحتي في مكان تاني من ورايا   هقتلك يا هدى تمم، ولو كل واحده حبيبها زعلها وعملت زيك كدا تبقا غبيه زيك تماما ويلا عشان نروح 

نظرت هدي له وهو يمشي أمامها بذهول ثم ضحكت وقالت :

هههههههه والله مجنون

التفت لها رامي وقال :

ما قولت يلا

هدى وهي تضحك و تذهب له سريعا :

ههههههه حاضر جايه اهو

             بقلمي منه وائل

*************************

        في جلسة السمينار

كانت يتحدث شخص يجلس امامه قائلا :

انا دايما كنت بستسهل اي جمله والدي بيقولهالي، كنت بقول دايما انه كبير في السن ومش زينا ومش فاهم دماغنا فبتالي اعمل    بنصيحته لي؟، رغم ان هو نصايحه كلها صح عمره ما قالي كلمه غلط، لحد اما في يوم اتخنقت معاه وسبتله البيت ومشيت وهو حلف ما ارجع البيت الا لما ينصلح حالي، بس طبعا انا اي مااكون صدقت    خرجت من البيت على بيت صاحبي اللي عايش لوحده وطبعا كل يوم سهر في شقته مع صحابنا وكنا كل يوم بناخد من السم دا لحد اما أتمكن من جسمي، وفي يوم والدي اتصل عليا وكان بيموت بيطلب مني اني الحقه طبعا كنت همدان ومش قادر اتحرك من كتر مفعول المخدر دا ومقدرتش اروح، تاني يوم سمعت ان والدي اتوفى

، ثم صمت دقيقه وتنهد بحزن وقال :

مات وهم زعلان مني، مات وهو كان نفسه انه يشوفني احسن حاجه في الدنيا مالحقتش حتى اودعه، بس من اليوم   دا وانا قررت اني اتعالج وفعلا جيت على هنا وحقيقي حسيت بتحسن رهيب ومستعد اني أحقق حلم والدي الله يرحمه

نظر له الجميع بعيون شفقه وحزن

الدكتور وهو يسلط عينيه على حسام و داليا :

اي مش ناوين تحكولنا عن تجربتكم؟

نظر له حسام ثم نظر لداليا وبدء في الحديث قائلا :

انا طول عمري عايش وسط عيله مش مهتمه بوجودي اساسا فجاءه َوبدون مقدمات ظهر ليا اخ اكبر مني كان مسافر الأخ دا اخد كل الاهتمام من اهلي، الاهتمام اللي انا كنت    محتاجه، حتى اختي الصغيره كانت بتتكلم معاه هو اكتر كانت بتخاف مني ومش بتخاف منه رغم ان عمري ما ضربتها، لحد اما تعبت وزهقت من حياتي اللي عايشها دي حتى المرض محدش كان   بيعرف اني مريض، اخدت بعضي على شقتي اللي كنت بقعد فيها لوحدي واتجمعت انا وصحابي حتى داليا كانت معايا َبدءنا في مرحلة التدمير دي، اينعم كانت بتنسيني كل القرف اللي كنت بشوفه بس كان سم بيدخل في جسمي بيئلمني لحد اما قررت انا وداليا اننا نتجوز ونتعالج ونعيش زي بقيت الناس الطبيعيه والحمدلله بدئنا

الدكتور :

وانتي يا داليا بداية تجربتك اي؟

داليا :

هربت من اهلي عشان   كانوا عاوزين يجوزوني ابن عمي بالعافيه، يا كدا يا يموتوني

اعترضت فتاه تجلس معهم قائله :

ازاي يعني يا تتجوزي يا تموتي لو كان ربنا قال كدا مكنش هيتمسي العادل، الجواز عمره ما كان بالغصب، انتي منين يا داليا؟

نظرت لها داليا وابتسمت وقالت :

من الصعيد وطبعا كلكم عارفين ان الصعيد مفيهاش رأي للبنت، اخدت بعضي   وهربت بليل مكنتش عارفه اروح فين والا اجي منين اتعرفت على بنت اسمها هايدي في لوكانده وعرفت انها صاحبة اللوكاندا وكانت بتاخدني   معاها نسهر مع صحابها وفي مره ودتني الشقه اللي حسام كان بيتكلم عليها، في البدايه كنت خايفه أوى مكنتش فاهمه لي بيجوا هنا  بس لاقيتهم بيجوا يشكوا   همهم لبعض وبيحكوا صحاب يعني لحد اما عرفت انهم بياخدوا البتاع دا اول مره حسيت بحاجه غريبه حسيت اني بنسى كل حاجه وكنت مرتاحه   لحد اما ادمنته وفي مره كنت بتكلم انا وحسام وقررنا فعلا اننا نتعالج واهو احنا قدامكم

شاب كان يجلس معاهم قائلا :

حقيقي انا معجب كدا بتفكيركم ان في اتنين في الحياه دي بيشجعوا   بعض ويقدروا يتغلبوا على حاجه زي دي بجد برافو شابو

صفق لهم الجميع ونظرا الاثنان لبعضهما وابتسما

وبعد انتهاء الجلسه ذهب كل منهم الي غرفته

حسام :

داليا استنى

داليا وهي تتصنع الحزن :

نعم يا حسام خير

حسام باستغراب :

الله طب ليه البوز دا بس ما كنا كويسين من شويه، انتي لسه زعلانه مني؟

داليا :

وهو انا سامحتك اصلا، حسام انا اكتر حاجه بتخنقني في حياتي الشك وانت شكيت، بص انت بتغير ماشي لكن شك لا ياحسام كله اللا الشك انا مش كدا

حسام :

عارف والله يا حبيبتي بس غصب عني من حبي فيكي غيرت عليكي، بس وعد خلاص مش هتتكرر تاني بقا خلاص صافي يا لبن؟

داليا بابتسامه :

ماشي يا سيدي حليب يا قشطه

حسام وهو يحتضنها :

ايوا بقا ههههههه

            بقلمي منه وائل

*************************

          في منزل باكينام

دق باب الغرفه وانتظر الرد

انچي بدموع :

مش عاوزه اشوف حد

احمد وهو يدخل وينظر في الأرض :

حتى انا؟

نظرت له انچي والدموع في عينيها وقالت :

لوسمحت يا احمد مش عاوزه اتكلم في حاجه

جلس احمد في مقابلها وامسك يدها وقال :

طب هو انا زعلتك في حاجه؟، طب هو انا يعني شكلي مش لايق عليكي؟ والا انتي مش بتبادلني نفس الشعور؟

نظرت له انچي ثم بكت مره اخرى بشده :

يالهوي كل الدموع دي لي بس، في أي يا انچي ردي عليا قلقتني

انچي وني في محاوله للتحدث :

لا.. انت انت مش وحش وكويس وكل حاجه، بس... بس انت عاوز تتجوزني    عشان انت دفعت بقيت فلوس ماما فبتعوض بالجواز مش كدا؟

نظر لها احمد ولم يستطيع تماسك نفسه فضحك بشده َلم يستطيع التوقف عن الضحك وعيناه امتلئت دموع من كثرة الضحك :

ههههههههههههه هموت مش قادر ههههههه يخرب عقلك، بقا هو دا اللي بتفكري فيه هههههه

نظرت له انچي بغضب ووقفت ووضعت يدها في خصرها وقالت :

ممكن افهم انت بتضحك على أي؟ 

مش صح الكلام دا؟

توقف احمد عن الضحك وقال لها وهو يجذب يدها :

اقعدي بس يا شيخه اقعدي بلا كلام فاضي ههههههه، بصي يا ست البنات هو انا شكلي مش باين عليه ابدا من يوم ما عرفتك اما كما في الرحله؟، يعني مكنش واضح عليا؟ 

انچي بعدم فهم :

واضح اي بظبط؟ 

احمد وهو يضرب على وجهه :

احييه، والله هتخليني انتحر، يا حبيبتي افهمي انا من ساعة ماعرفتك يا انچي   وانا بحبك، مش ملاحظه اني كنت بحاول اقرب منك من بدري 

انچي بغباء :

يعني اي؟ يعني انت مش عاوز تتجوزني بتمن الفلوس؟ 

احمد بضحك :

هههههههه يا شيخه بقا والله بغبائك دا هرجع في ملاكي، يا انچي فلوس اي يا ماما انا بحبك فاهمه يعني اي

انچي بفرح :

بجد؟ وانا كمان بحبك اوي والله

احمد بصدمه:

ايه انتي.. انتي قولتي بتحبيني؟ 

انچي وهي تنظر إلى الاسفل بخجل ثم هزت راسها علامة للموافقه وابتسمت

احمد بفرح وهو يحتضنها:

وانا كمان بحبك والله اوي

عاااااااا حراااام كفايا أحضان بقا 🥺😂

            بقلمي منه وائل

*************************

     في منزل عيلة العطارين

جليله وهي تضع يدها على رأس فتحيه، ثم تسحبها سريعا وتقول :

يا خرابي الحق يا حاج دي مولعه نار

ندى ببكاء :

ردي عليا يا ماما بالله عليكي

نطرت لها فتحيه وابتسمت ثم أمسكت يدها وقالت بصوت منخفض :

وحشتني... وحشتني اا اوي

ندى بدموع :

وانتي كمان يا ماما وحشتني اوي والله، عشان خاطري فوقي انا محتاجلك اوي يا ماما

دخل عمار الغرفه ومعه الدكتور :

اتفضل يا دكتور، وسعوا كدا

الدكتور :

يا حول الله يارب الحمى شديده اوي عليها انتوا ودتوها المستشفى؟

سوميه :

لا يا دكتور، الدكتور اللي قبل حضرتك قالنا مش محتاجه وادانا ادويه كدا اهي

نظر الدكتور لعلب الادويه ثم قال :

الادويه دي ماتنفعش معاها ابدا دي ضعيفه جدا، محتاجه تتحتلها مايه    متلجه والادويه دي أشد من اللي قبلها وان شاء الله خير ما حاجه بايد ربنا

جليله :

يارب استر يارب

ندى وهي تحتضن والدتها :

انا اللي هقعد مع ماما هاتوا التلج وسبوني معاها

سوميه :

طيب يا حبيبتي انا هروح اعملها لقمه تأكلها ولو عوزتي حاجه اندهي عليا

ندى :

حاضر يا مرات عمي

جليله وهي تشير الي أسرار وعمار :

انتوا تعالوا يلا عشان ابوكي عاوزكم

أسرار وهي تنظر لعمار باشمئزار :

حاضر يا ماما

عمار لنفسه :

وبعدين بقا في البت دي

فتحيه وهي تتحدث بصعوبه :

م... مالك ياقلب.. اا امك

ندى بحزن :

مفيش يا ماما انا كويسه المهم انتي فوقي عشان خاطري

فتحيه وهي تقبل يدها :

سامحيني يا بنتي حقك عليا، انا مسمحاكي انتي ويوسف ومش زعلانه منكم

ندى بدموع وهي تقبل يدها :

ابوس ايدك انتي اللي سامحيني، يوسف ملوش ذنب ياأمي، يوسف هو اللي سترني، انا اللي حصلي دا غصب عني، انا اتاخد شرفي غصب ياأمي، انا اغتصبت يا ماما

نظرت لها فتحيه بصدمه وقالت :

انتي اي اللي بتقولي دا انتي متأكده؟

ندي ببكاء شديد:

والله ياأمي دا اللي حصل انا عمري ماكدبت عليكي صدقيني انا ويوسف    ملناش ذنب في كل دا، انا ويوسف اتظلمنا والله ياأمي

هبطت دامعه حارقه على وجهها واحست بوجع في قلبها، ماذا؟

هل ابنتها مظلومه؟

ولكن لما كذبوا هكذا؟

هل انا ظلمتك يا ابنتي

ندى وهي تمسح دموع والدتها :

لا ياأمي بلاش تبكي عشان خاطري

فتحيه بدموع :

مين يا ندى اللي عمل كدا مين يابنتي؟

ندي بحزن :

بلاش يا أمي نفتكر الماضي، خلينا دلوقتي في اللي احنا فيه، ارتاحي يا ماما ونامي وانا هنام هنا جنبك

فتحيه :

لا تعالي في حضني عشان انتي وحشتني

ندى وهي تحتضنها:

حاضر ياأمي

            بقلمي منه وائل

*************************

          في منزل يوسف 

يوسف وهو يرتدي حذائه لكي يذهب إلى منزل العطارين وأثناء ارتدائه الحذاء رن جرس الهاتف وكان رقم مجهول 

يوسف باستغراب:

مين دا؟، الو سلام عليكم مين؟ 

خالد بشر :

مساء الخير يا جو مش جو برضو، اي سابتلك البيت ومشيت تؤتؤ خساره افتكرتها بتكلمني وعلى علاقه بيا ههههههههه عشان غبي، بس عارف انا بقا ذكي واذكي منك كمان 

يوسف بغضب :

ورحمة ابويا ماهرحمك والمره ذي محدش هينجدك من أيدي يا وَسخ 

خالد باستفزاز :

تؤتؤ عيب، عيب يا جو مش كدا انا علمتك كدا، المهم بقا تاخد بعضك كدا    وتروح تلحق مراتك لان آخوها هيخلص عليها 

يوسف بصدمه :

انت بتقول اي؟ 

خالد بضحك سخريه :

ههههههههه اه اه هو انا ماقولتلكش اني هكلمه في الفون واقوله انها كانت على علاقه بيا، وانها كانت حامل مني وانت اللي جيت وعملت فيها روميو وداريت عليها ههههههه 

يوسف بغضب :

انت حيوان ووسخ وحقير ابعد عمتا بقا يااخي 

خالد بضحك :

ههههههههههههه باي باي يا جووو ههههه 

يوسف بصراخ :

الووو الووو. انت يا حيوان، يانهار اسود ومنيل انا لازم اروح بسرعه 

            بقلمي منه وائل 

*************************

في البلكونه في منزل الحاج حسين

عمار وهو يتحدث في الهاتف :

خلاص انا بعتلك الورق اهو سجله بقا وكل حاجه تخصها تتنقل لملكيتي انا مفهوم، يلا سلام

وقفت أسرار بجانبه وقالت وهي تنظر للفراغ :

اي اللي عجبك فيها ها؟

مش دي اللي بسببها ابوك مات، طيب انت مش خايف من عقاب ربنا لأنها من محرماتك؟

نظر لها عمار ثم وضع الهاتف في جيبه وقال :

سيبك انتي من كل دا، انتي مصدقه ان عمار يقدر يخونك؟

التفتت له أسرار ثم قالت :

ماهو دا اللي هيجنني انا مش عارفه افكر، وبعدين انت ازاي هتبص للكانت   مرات ابوك انا هتجنن، وفي نفس الوقت مش قادره اكدب عيني 

عمار :

يبقا قولي لنفسك يا أسرار ماتحكميش على حاجه من غير ماتفهمي يا أسرار

أسرار َوهي تقف أمامه :

طب فهمني يا عمار

عمار :

انا كنت بقرب منها عشان...

وقطع حديثهم صوت رنين هاتفه

عمار :

معلش يااسرار هرد بس، الو ايوا مين حضرتك، افندم اتفضل.

استمع عمار لنا يقوله خالد ثم قال بغضب :

انت اتجننت انت اي اللي بتقوله دا يا حيوان انت

خالد:

طب اهدي بس وانا هفهمك لما كنتوا في المستشفى ساعة اما هي وقعت المفروض انها عملت عمليه في ضهرها، لا دي كانت بتعمل عمليه عشان توقف النزيف بتاع السقوط وهبعتلك دلوقتي صوره بالتقارير بتاعة المستشفى ولو مش مصدق كمان روح على اوضتها هتلاقي الادويه بتاعتها بتاعة الرحم َوسؤال لنفسك اي اللي خلي يوسف فجاءه طالب ايدها بدون سابق ميعاد وبعدها بأسبوع من الجواز جات وطلبت الطلاق، انا قولت اللي عندي سلام

عمار بانفعال :

استنا الو انت يا حيوان الو الو

أسرار بقلق :

في أي يا عمار بتزعق لي مين اللي كان بيكلمك دا

عمار :

اللي هترد على الاسئله دي ندى

أسرار وهي تذهب ورائه :

استنا بس يا عمار، يا عمار

..............

بندق :

يوسف باشا نورت الحته كلها والله على فكره ست ندى فوق

يوسف :

وعمار؟

بندق :

ايوا وعمار وست أسرار كمان

يوسف :

ماشي انا طالع يارب استر

وهو ذاهب للمصعد سنه صوت صراخ

عاااااااااااااا لا يا عمار

يوسف بصدمه :

لا ندى..

        الفصل السادس والثلاثون من هنا

لقراءة باقي الفصول من هنا