القاسي والبريئة
(الجزء الحادي عشر)
بقلم الاء ابو العز
ياسين وقف وبحده:انت بتقول ايه
جلال:وهي في المطبخ اضربت بقناص وماتت بس احنا مسكنا الضربها
ياسين:خليه عندك لحد ما اجيلك حالا
قفل ياسين وبص لرمزي
ياسين:قوم معايا
رمزي:في ايه
ياسين:زينب اتقلت في قصري
اروي بصدمه:انت بتقول ايه
ياسين بحده:اقفلوا الباب عليكوا و متفتحوش لمخلوق لحد ما اجيلك
قالها ياسين وخرج مع رمزي
اروي بعياط:انا كنت لسه بكلمها النهارده يا منه
منه:اهدي يا حبيبتي وادعلها بالرحمه الحمد لله انك مش كنت هناك
اروي:ربنا يرحمها يارب
.........................
وصل ياسين ورمزي القصر قابله جلال
جلال:الواد في المخزن
ياسين:زينب فين
جلال بحزن: دخلتها اوضتها
ياسين:ماتت ازي
جلال:اخدة رصاصه في رسها
سمع ياسين ورمزي صوت تلفون القناص بيرن في المخزن
رمزي لياسين:سبهولي انا هظبطة
دخل رمزي عليه شافه بيجيب دم من كل حته في جسمه بص لجلال
رمزي:قمت بالواجب انت يا جلال
القناص بضعف:رمزي بيه
رمزي:انت تعرفني
القناص:انا تلميذك
رمزي:تلميذي ازاي
القناص:انا كنت متدرب تحت ايدك يا فندم
رمزي:وانت لما اتدربت تحت ايدي انا دربتك تقتل كل من هب ودب او ناس ملهاش زنب
القناص:دا كان امر وانا معرفش حاجه
رمزي:طيب وفر علي نفسك و عليا المجهود وقولي مين الباعتك
القناص:واحد اسمه صبري و معاه واحده كدا بس معرفش هي مين
ياسين:صبري ايه
القناص:معرفش يا بيه احنا مش بنسال كتير لان اغلب المعلومات بتكون كدب
رمزي:شكل امهم اي
القناص:هو رفيع وطويل كدا وشكله ابن ناس بس الزمن اجه عليه وهي شكلها نضيف اوي وباين عليها العز
كان ياسين لسه هيتكلم رن تلفون القناص تاني
رمزي:رد بس ورحمة امي اي حاجه تحسسهم ان جنبك هدفنك افتكر لازم تطلع باي معلومه منه
القناص:حاضر
رد القناص:الو يا باشا
صبري:عملت ايه
القناص:ماتت وشبعت موت
صبري:وانت فين الوقتي
القناص بقضي مصلحه كدا
صبري:تمام
القناص:هي الهانم فين
صبري:وانت عايزها ليه
القناص:اسمها ايه صحيح
صبري:وانت مال امك
القناص:انا مستعد اسيبلك بقيت الفلوس بس اقضي يوم معاها
صبري بطمع:وانا موافق
القناص:اسمها ايه بقا
صبري:رندا هبلغها واكلمك
القناص:تمام يا بيه بالسلامه
كان رمزي و ياسين مصدومين بعد سماع اسم رندا
ياسين:رندا ولي رندا تقتل زينب
رمزي:مش عارف تكون شاكه ان هي المغيراك معاها
ياسين:استني استني مش زينب المقصوده
رمزي:اومال مين
ياسين بصدمه:اروي المقصوده
رمزي:اروي ليه
ياسين:رندا شافت اروي في القصر وانا مردتش اقولها حاجه عنها عشان كدا فكرة ان بيني وبينها حاجه فكانت عايزه تقتلها
رمزي:معني كدا لو رندا شافت اروي هتعرف ان مش هي الماتت وهتكون في خطر
القناص:يا بهوات في حاجه كمان لازم تعرفوها
ياسين اخلص
القناص:هما لما اتفقوا معايا من الاول اتفقوا علي قتل ياسين بيه مش البنت دي وكلموني
من يومين ان انفز عليها هي
ياسين:ولاد الكلب لي رندا عيزه موتي
رمزي:دا اللي لازم نعرفه
ياسين:اسمع يالا انت هتكلم صبري دا وتتفق معاه يجبلك رندا علي عنوان هدهولك وهو اللي يجبهالك و بكره بليل
القناص:حاضر يا بيه
لف ياسين وبص لجلال:وريه
واجب ضيافتنا عشان يمشي
خرج ياسين ورمزي وبداء جلال ورجالته بضرب القناص
...........................
كانت اروي قاعده متوتره هي ومنه
اروي:بقولك ايه كلمي رمزي
منه:حاضر
رنت منه علي رمزي ورد بسرعه
رمزي:حبيبتي
منه:انتم كويسين
رمزي:الحمد لله قلقانه ليه بس
منه:مش عارفه بس خايفه عليك
رمزي:متخافيش انا كويس
ياسين واروي في نفس الوقت
اروي:اساليه علي ياسين
ياسين:اسالها علي اروي
سمع منه ورمزي ياسين و اروي وضحكم
رمزي:اقفلي ولما اجي نتكلم
منه:ماشي مع السلامه
قفلة منه وبصت لاروي
اروي بغضب:مش سالتيه ليه
منه:عشان هو كويس وكان بيسال عليكي
اروي بفرحه و بخجل:بسال عليا بجد
منه:شوفتي بقا
............................
ياسين بحده:مطمنتش علي اروي ليه
رمزي بخبث:اصل كان صوتها بتتكلم في التلفون وبتضحك يعني كويسه
ياسين بغضب حاول ان يخفيه:والله طيب
رمزي بابتسامه:انت مضايق ليه
ياسين:وانا هضايق ليه
رمزي:لا ولا حاجه بس عموما هي لا كانت بتضحك ولا كانت بتتكلم في التلفون هي سالت عليك بردو
ياسين بفرحه ناجح في اخفائها:عادي اصلا ميهمنيش
رمزي:بجد طيب
ياسين:يلا عشان ندفن زينب وتروح
.......................
بعد ساعتين كان رمزي وياسين واقفين قدام بيت منه
ياسين:اطلع وخليها تنزل بقا
رمزي:ماشي
طلع رمزي البيت فتحت منه
رمزي:مش تقولي مين قبل ما تفتحي
منه:ما انا شيفاك وانت طالع
رمزي:ماشي قولي لاروي تجهز ياسين مستني تحت
اروي وهي خارجه:انا جاهزه
رمزي:انا همشي اقفلي علي نفسك كويس انا سايب حراسه تحت واي حاجه كلميني
منه:حاضر
سلمت اروي علي منه ونزلت هي و رمزي و ركبت مع ياسين وفضلت الصمت
..........................
رجعت اروي القصر معاه وكانت حزينه جدا علي موت زينب
ياسين:انت الوقتي هتقومي بالقصر كله
اروي:حاضر يا فندم
ياسين:ممكن تعملي لي قهوه
دخلة اروي المطبخ وبدات تحضر القهوه
خدتها وراحت علي المكتب وحطت القهوه
اروي:تؤمر بحاجه تانيه يا فندم
ياسين:شكرا
خرجت اروي وهي محتاره في البيحصل ليها معاه ومش عارفه توصل لحل للجواها
فهي مرتاحه جدا وهي جنبه وفي نفس الوقت معملته المتغيره معاها دي تعباها
.........................
الساعه 2
كان ياسين لسه في المكتب لما رن تلفونه وكان القناص
ياسين:خير
القناص:رندا وصبري هربوا
ياسين:نعم ازاي
القناص:كانوا مراقبين حضرتك وعرفوا ان مش هي الماتت وان انت عرفة وهربوا ومهددني بالقتل
ياسين:طب غور
قفل ياسين وهو قلقان وخايف جدا علي اروي
ياسين في نفسه:وبعدين احميها ازاي من غير ما اخوفها
.......................
مرة ايام
كان رمزي بداء يتغير بمساعدة منه وبيقربوا من بعض
كان ياسين وجلال بيدوروا
علي رندا في كل مكان
كانت اروي طول اليوم بتشتغل في القصر و هو مش موجود و وهو موجود مشغوله بطلباته الغير مبرره
مره:اكوي كل هدوي الهي اصلا مكويه
ومره:الجناح كلو مش عاجبني نظفي تاني
ومره :السلم مش نضيف
وغيره وغيره وغيره
كانت اروي اتاقلمت علي وجود ياسين في حياتها و ذادت تعلقها بيه رغم معملته الجافه ليها
.........................
في صباح يوم جديد
اروي:هو لسه نايم ولا اي
طلعت اروي خبطت علي باب الجناح مفيش رد فتحت ودخلة شافته نايم وعرقان جدا
قربت اروي منه:ياسين بيه ياسين بيه مالك
حطت اروي اديها علي راسه شافته سخن جدا
اروي بفزع وحيره:اعمل ايه انا الوقتي ياربي
خرجة اروي من الاوضه تجري ورجعت بعد 10 دقايق بطبق فيه تلج ومياه وقماش وبدات تعمله كمدات
بعد ساعتين فتح ياسين عينه شاف اروي بتعيط وهي بتحط كمدات
ياسين بضعف:في ايه
اروي بابتسامه وارتباك وقفت من جنبه:حمدلله علي السلامه يا فندم
ياسين بتعب:فرح متقوليش يا فندم دي انت عارفه ان مش بحبها تعالي في حضني يا فرح انت وحشتيني اوي
اروي بدموع:وانت كمان وحشتني بس هنزل اعملك اكل واجي ناكل وتاخد علاجك
ياسين:لا مش عايز تعالي بس في حضني زي زمان
اروي:شويه وهجيلك
خرجة اروي من الاوضه وسابت دموعها تنزل
اروي لنفسها:واخرتها ايه بس معاه
نزلة اروي تحضر ليه الاكل
اروي:هو شايفك فرح اخته عشان كدا سايبك عنده عمره ما هيبصلك شيلي الفكره دي من دماغك خالص
خلصت اروي الاكل وطلعت ليه شافته نايم زي ما هو
اروي بهدوء:ياسين بيه قوم عشان تاكل و تاخد العلاج
فتح ياسين عينه وحاول يقعد لكن مقدرش
ساعدته اروي وقعد وبدات تاكله باديها
خلصت اروي وادتله العلاج
اروي:تقدر تنام وترتاح الوقتي
ياسين:انت رايحه فين
اروي:هنزل تحت
ياسين:اروي خليكي جنبي
قعدة اروي تاني مكانها وهي سعيده من طلبه لكن اجه صوت جواها
الصوت:هو عشان بس تعبان متفرحيش اوي كدا
قضت اروي طول اليوم بين تحضير اكل ليه وبين ان هي تاكله وينام وهو يصمم بعد كل مره ان هي تفضل جنبه
..........................
الساعه 11 بليل فتح ياسين عينه شاف اروي وهي قاعده جنبه علي الكرسي وبتعمل كمدات ليه
ياسين:مش محتاجها انا بقيت كويس
اروي:لا لسه شويه بس
ياسين:ليه مامشتيش وانا نايم تعبان لي فضلتي جنبي
وادتيني علاج كان ممكن اموت وتبقي حره
اروي:لو حريتي بموتك فا انا مش عيزاها
ياسين بحزن:انا بديلك حريتك وكفايه عليكي كدا
اروي:و هتعيش لوحدك
ياسين:جدتي هتيجي اخر الاسبوع وهتجيب خدامه
اروي بحزن:تمام
ياسين:عيزه تفضلي موجوده
اروي بتسرع:اها
ياسين:ليه
اروي بخجل:معرفش
ياسين:حريتك اهم من الانا بعمله فيكي بكرا الصبح تمشي
اروي:حاضر
ياسين:اتفضلي يلا
اروي:مع السلامه