رواية اسيرة قلبي الفصل الخامس5بقلم ريم محمد
تتناول الأفطار غير عابئه بالحديث الذي يدور حولها ، نظرت لها مرفت باستحقار وهي تحاول جاهدا ان تبقي جيده مع ميان لتنول مرادها
مرفت..
_صحيح يا ميان ، ايه رأيك في الكلام دا
ميان..
_سوري يا طنط مكنتش مركزه
مرفت..
_بقول ايه رأيك في موضوع الميك اب ، امبارح قالوا انك مش بتحبي الميك اب وبتحبي تكوني علي طبيعتك
ميان..
_دي فعلا حقيقه ، انا مش بحب الميك اب لانه بيأذي البشره ومع الوقت بتفقد حيويتها
مرفت..
_اممم كويس
(نظرت لها بخبث واكملت)
انا عايزه اعرفك اكتر يا ميان ، كلميني عنك
نظرت لها ميان بدهشه وخوف قليلا من نظراتها الغريبه الذي تدل علي الخبث والعدوانيه
اكملت مرفت مرفت..
_يمكن تطلعي مفيده لبنتي
نظر ادم الجالس بجانب ميان للصحن البعيد عنه نهض ليمسكه وقال بهمس شديد وصل لمسامع ميان ..
_طنشيها كلنا بنعمل كده
وجلس مكانه مره اخري ، نظرت لها ميان ببعض الثقه وقالت..
_مش بحب اتكلم علي الاكل ، بعد الأكل هبقا اجاوب حضرتك علي كل الي انتي عايزه
________
جلست إيمان علي الأرجوحه تهزها بقدمها وهيا تحدث صديقتها الوحيده شذي
ايمان بغرور..
_يابنتي دا بيموت فيا ، دا كان هيغلط ويبوسني قودام اهلي واهله اول ما شافني
شذي..
_يابختك ، ادم دا جميل جدا والف واحده تتمناه
ايمان..
_ما انا كمان بحبه بس لازم اتقل عليه عشان ميفتكرش اني ساهله
شذي..
_طب ايه خلاص هتتجوزو المره دي ولا ناويين تأجلو الفرح تاني
ايمان بتفكير..
_مش عارفه انا برضو قلقانه مقدرش اخد حريتي مع ادم
شذي..
_يابنتي ادم كويس جدا انصحك متاجلوش الفرح تاني ، ليخلع يا ايمي زي الي قبله
ايمان..
_لا ادم حاجه تانيه غير الي قبله خالص ، متقلقيش دا انا ممشياه علي العجين ميلخبطوش
شذي..
_ولله جدعه ، اخبار المزرعه ايه ، الجو رومانسي هناك
ايمان..
_جدا ، وكله كوم وبنت عمته دي كوم تاني
شذي..
_مالها ، حلوه
ايمان بضحك..
_حلوه ايه يابنتي دي شبه الخدم ، وقال ايه جيا من امريكا
شذي..
_وحتي لو حلوه انتي مفيش احلي منك ، انتي خلفه اجانب
ايمان بكذب..
_طيب سلام دلوقتي اصل ادم بينادي عليا
شذي بمياعه..
_مش قادر علي بعدك الشويه دول ، سلام
واغلقت ايمان الخط وتنهدت براحه فيبدو ان كذبتها تنجح ، تعلم جيدا ان الكليه بأكملها ستعلم من شذي علاقتها هيا وادم
_______
مرفت بحده..
_تروحي له دلوقتي وتتفقي معاه ، تنزلو للمصممه عشان فستان الفرح ، خلاص الفرح فاضل عليه شهر
ايمان بملل..
_بكره هقوله
مرفت..
_انا قولت دلوقتي
ايمان..
_اشمعنا يعني
مرفت..
_قبل ما يتأجل الفرح تاني
ايمان بتفكير..
_مظنش يأجله تاني
مرفت بخوف..
_ياخوفي ليلغيه المره دي
ايمان..
_لا مظنش بعد كل الي بينا
مرفت..
_وهو ايه الي بينكم ، ايمان الفرح اتاجل 3 مرات لحد دلوقتي مستنيا ايه تاني ، وابوكي مش حاطت في دماغه ومش سامع كلامي
ايمان..
_حاضر يا ماما هكلمه
______
ميان بضحك..
_طلعت بتعرف تطبخ اهوو
ادم بغرور..
_اومال ، انتي فاكره ايه يابنتي
ميان..
_اهو انا عايزه اتجوز واحد زيك عشان علي الاقل يعلمني الطبخ
هند..
_لا للأسف دا اخر واحد في الكشف
ادم بجديه..
_ولله لو محتاجني اوي كده انا افسخ خطوبتي عشانك دا انتي بنت عمتي الوحيده
لوسي بضحك..
_الي يشوفك وانت بتتكلم تقول بتتكلم جد
ادم وهو يعود للضحك مره اخري
_اومال دي بنت عمتي الوحيده ميرضينيش تطلق من اول يوم
ميان بغضب..
_نينينيني مش حلوه علي فكره
جاءت ايمان من وراءها وهتفت..
_ادم ، عايزاك بره
رفع ادم احدي حاجبيه وقال..
_افندم ، عايزه ايه
توترت ايمان من رده وقالت..
_عايزاك بس دقيقه بره
خرج ادم علي مضض ، ابتسمت ميان لهم بحزن وعادت الي والدتها تحاول فهم تلك الأكلات المصريه الغريبه بالنسبه لها
______
ادم..
_عايزه ايه
ايمان بتوتر..
_عايزه اتكلم معاك شويه ، مش احنا مخطوبين المفروض نعرف بعض اكتر
ادم بملل..
_نعرف ايه عن بعض دلوقتي يا ايمان ، يعني انتي جايباني من المطبخ عشان تقوليلي عشان نعرف بعض اكتر
ايمان..
_ما انا طول اليوم مش بلاقيك يا اما قاعد مع عمتك ، يا اما قاعد مع والدك
ادم..
_انتي ايه مشكلتك ، عايزه تعرفي عني ايه
ايمان بتوتر..
_يعني...يعني مثلا مقاس هدومك كام
ادم بتعجب..
_مقاس هدومي !!
نظرت له باحراج من سؤالها لم تكن تريد ذلك السؤال
ايمان بخجل..
_اسفه ، انا اقصد...
ادم مقاطعا بنفاذ صبر..
_قولي من الاخر عايزه ايه
ايمان..
_عايزه اعرف هنروح للمصممه امتا عشان نعمل فستان الفرح
خفق قلبه بسرعه وهو يري ميان امامه وحدها ، وتلك الواقفه بجانبه ايضا ، من يظلم تلك معه وتتحمله هو وشروطه ، اما حبيبته تلك القمحاويه الجميله الذي احبها وخفق لها القلب
ايمان بدهشه..
_روحت فين
ادم..
_هاا انا معاكي
ايمان..
_بقولك هنروح امتا للمصممه
ادم بتهرب..
_انا بقول ناجلها شويه
ايمان..
_ناجل ايه يا ادم فرحنا فاضل عليه شهر
ادم..
_شهر ، احمم انا بقول لو نأجله شويه
ايمان بغضب..
_ناجله تاني ، انت عارف دي المره الكام يا ادم ، لا المره دي لاا ، مش هينفع تقعدي جمبك كده من غير جواز ولا حتي كتب كتاب ، انا ايمان امجد مكاوي والف مين يتمنا حتي اني ابصله وانا سيبتهم كلهم وخطبتك انت
ادم بأستهزاء..
_ما تروحي للألف بتوعك دول ، انتي هتستهبلي يا ايمان مش انا الي تقوليله الكلام دا انتي هتعملي اني صعبت عليكي ووافقتي ، لا فوقي انا محدش يكلمني بالطريقه دي ، ولما تعدلي طريقه كلامك ابقا كلميني ، عن اذنك
وذهب من امامها ، ضربت الارض بقدمها كالأطفال ، كل مره تتحدث معه وتبقي هيا صاحبه الحق ، لكن فجأه تقلب عليها المنضده وتصبح هيا المدانه
_______
هند بصراخ..
_بابااااااااااااااااا ، يا باباااااااا نجحت ، نجحت نجحت
خرجت من غرفتها تركض الي والدها بفرحه عارما ، وصلت له وظلت تقفز بفرحه وتقول..
_نجحت يا بابا
عمار بضحك..
_دلوقتي وبتعملي كده اومال اخر السنه هتعملي ايه
هند بفرحه وقد توقفت عن الركض..
_هوزع شوكولاته اكيد
ادم بضحك..
_مبروك يا دودو
ارتمت هند بين ذراعيه ، لطلما كان هو ملهمها ومشجعها الي النهايه
هند بفرحه..
_لولا مذكرتك ومرجعاتك معايا مكنتش هجيب المجموع دا
ادم..
_لو مذاكرتش ليكي اذاكر لمين
ربتت لوسي علي ظهر ادم وهند بحنان وقالت..
_ربنا يخليكم لبعض يا حبايبي
هند..
_بابا انا عايزاك تعملي حفله بقا بمناسبه نجاحي
عمار..
_لما نرجع ابقا اعملك حفله
هند بتزمر طفولي..
_وليه مش هنا يا بابا اونكل امجد موجود ونعزم جيرنا الي هنا وخلاص
عمار..
_انا كنت عايز اعملك حفله كبيره ، انتي الي قطعتي برزقك
هند..
_هنا احسن انا عايزها حفله بسيطه ، عشان متحسدش
مرفت..
_انتي بتؤمني بالتخاريف دي
ميان..
_الحسد مذكور في القران يا طنط
مرفت بالامبالاه..
_الله اعلم