فنظرت هند من الفراندا بأنبهار وقالت..
_المنظر تحت تحفه ، والحفله سمبل وبسيطه ، تعالي شوفي الزينه الي عملها ادم يا ميان شكلها بليل يجنن
جاءت ميان وهي تغلق سحاب الجاكت الخاص بها وقالت..
_عندك حق المنظر تحفه بليل
هند وهي تنظر لها بدهشه..
_انتي لسه ملبستيش
نظرت ميان لنفسها قم قالت..
_لا انا هنزل كده
هند وهي تضع يدها علي خصرها..
_لا يا حببتي ، انهارده يومي يعني لازم تتشيكي وتلبسي وتبقي زي القمر
ميان بتشوش..
_لا خليني كده ، انا مرتاحه
هند..
_بس انا مش مرتاحه ، اقعدي هنا
وضعتها علي طرف الفراش ، وذهبت الي الخزانه تفتح احد ضلفها نظرت للخزانه بصدمه وقالت..
_معقول يا ميان معندكيش ولا فستان
ميان بتوتر..
_مش بحب البس فساتين ، انا مرتاحه كده صدقيني
هند وهي تخرج احدي فساتينها..
_بس انا مش مرتاحه لازم تطلعي انهارده زي القمر
ميان..
_اشمعنا يعني
هند..
_مش انتي صحبتي واختي لازم تطلعي قمر 14
ميان..
_ربنا يستر ومطلعش شبه عروسه المولد في الاخر
_______
ايمان..
_مش قصير شويه دا
مرفت بحده..
_لا مش قصير ، لازم تطلعي princess انهارده ، حماكي عازم جيرانه كلهم ودول مش قليلين مظنش انك تحبي تطلعي قودامهم وحشه
ايمان..
_هو لازم البس القصير دا ما في فساتين احلي كتير وطويله
مرفت..
_هو دا ، متنسيش كتري الفاونديشن شويه ، وحطي روج احمر
ايمان بدهشه..
_احط روج احمر ازاي والفستان ازرق
مرفت..
_دا الي هيظهر شفايفك ، ويلا خلصي بطلي رغي كتيرر
________
هند بصدمه..
_يعني انتي بتحبي ادم
ميان بتوتر..
_مينفعش يا هند
هند بفرحه..
_مينفعش ايه بس ، بتحبيه صح قولي اه
ميان بخجل..
_ايوه ، بس...
هند..
_بس ايه ، انا برضو قولت نظراتكم دي وراها حاجه
ميان..
_ادم خاطب يا هند مينفعش ادخل بينهم
هند..
_انتي بتسمي عروسه المولد دي خطيبته
قفزت عاليا فرحا بهذا الخبر وسط دهشه ميان وحيراتها من فرحتها العارمه
هند بفرحه..
_بجد يعني هتبقي صاحبتي واختي وكمان مرات اخويا
ميان..
_حيلك حيلك ، مرات اخوكي مره واحده
هند..
_انتي مش فاهمه حاجه ، ادم برضو بيحبك
ميان بصدمه..
_بيحبني اناا ، مستحيل دا...
هند مقاطعا..
_مستحيل ليه البصات الي بيبصها لك علي الاكل ، وبليل وهو قاعد في الجنينه بيبص علي بلكونه الاوضه ، كل دا بيقول انه بيحبك
ميان..
_لا برضو ، اصل هو خاطب وكمان خاطب واحده حلوه جدا ، انا اقل جمالا منها بكتير
هند..
_مش كل حاجه بالشكل يا ميان في حاجات بالقلب
ميان..
_يعني ايمان وحشه
هند..
_مش وحشه بس انتي قلبك احسن منها بكتير ، وبعدين القلب مش بيحب بالشكل القلب بينجذب للي يرتاحله ، وادم ارتاح معاكي انتي مش مع ايمان
ميان بتفكير..
_يمكن ، بس برضو يعني ايه الي هيحصل هسيب خطيبته الجميله جدا ويتجوزني انا
هند..
_هنشوف ، يلا بقا عشان اتاخرنا علي الحفله
هبطوا سويا ميان بفستانها البنفسجي الهادئ الذي يصل الي كاحلها وأكمام تصل الي معصمها ، ميكاجها الخفيف والكحل الذي رسم عيناها بدقه وتركت لشعرها العنان ، اما هند بفستانها السكري الذي يصل الي اعلي الكاحل بقليل وحذاءها ذو الكعب العالي ، وجمالها الطبيعي الذي زادت عليه حمره وجنتيها
خرجوا الي الحديقه ، ليتقدم منهم ادم وهو عيناه علي ميان
ادم بتوتر..
_احمم ايه الحلاوه دي يا بنات
هند بفرحه..
_ايه رأيك ، قعدت قد كده عشان اقنعها تلبس الفستان دا
ادم بهيام..
_صراحه الفستان علي ميان جميل جدا
هند..
_محليها ومخليها زي القمر
ادم..
_بالعكس
نظرت له ميان بصدمه وحزن وهند بتفاجأ مما يقول ليكمل..
_دا هيا الي محليا الفستان
ميان بخجل..
_انا مستاهلش كل الكلام دا
ادم..
_انتي مبصتيش في مرايه قبل ما تنزلي ولا ايه
ميان..
_عشان كده بقولك مستاهلش كل الكلام دا
ادم..
_بالعكس انا شايف عكس كده تماما ، انا شايف قودامي واحده تقول للقمر قوم وانا اقعد مكانك
هند..
_احمم طب استأذن انا
لم يعيرها احد منهم انتباه ، ظل ينظر لها كثيرا يتأملها تلك الذي خطفت قلبه واذهبت عقله تلك فقط الذي جعلته يحلم بها وكأنها شئ صعب المنال ، تلك التي ملكة الفؤاد
ادم بحب..
_كنتي مخبيا كل الأنوثه دي فين
ميان..
_صدقني انت بتجاملني
ادم..
_انا دبش يا ميان ، انا هجامل ، انتي كده بتشتميني ، انا مش بجامل انا بخبط الواحد في وشه ، بس فعلا انتي جميله جدا
امسك كفيها بحنان وقبلهم برقه بالغه
ميان بكسوف وهيا تنظر حولها..
_الناس بتبص علينا
ادم..
_انا معايا دلوقتي كل الناس
ميان..
_ادم انت...
لفت ايمان يدها حول عنق ادم بدلع وقالت..
_ايه يا بيبي اتاخرت عليا كده ليه
ادم بزهق وهو يفك يدها عنه..
_افندم
ايمان..
_سايبني كل دا لوحدي ، الناس تقول ايه سايب خطيبته وواقف مع دي
ميان بأحراج..
_عن اذنكم
امسك ادم يدها وقال بعنف..
_دي تبقا بنت عمتي مش حد غريب ، يلا يا ميان
وتحرك بها ذهبا بعيدا عن ايمان لتقول ايمان بغضب..
_رايح فين
ادم دون ان يلتفت لها..
_رايح اوري ميان ركن الورد بتاعي ، اظن انك شوفتيه قبل كده
ذهب من امامها وايمان ترمقه بغضب لماذا هو متمسك بهذه الفتاه كثيرا فهي اجمل منها بمراحل لكل ليس كل شئ بالجمال
_______
ظل ممسك بيدها وهو يريها الزهور الذي زرعها بنفسه ، نظرت لهم بأعجاب شديد وعادت النظر له مره اخري
ميان باعجاب..
_غريبه انك بتحب الحاجات دي مع ان شخصيتك متقولش انك من هواه الزراعه وكده
ادم..
_مش كل حاجه بتبان من بره في حاجات لازم ندور عليها جوا الي قودامنا عشان نعرفها
ميان..
_كمان فليسوف
ادم بضحك..
_مش اوي كده ، يعني انا اول انطباع اخدته عندك انك نكديه ومبوزه علي طول ووشك يقطع الخميره من البيت
كشرت ميان انيابها وكانت ستهاجمه لولا انه قاطعها واكمل..
_لكن لما عرفتك اتاكدت ان مفيش اطيب ولا احن منك ابدا
وضع يده علي وجنتيها وقربها منه ، تنهد بتعب وقال..
_ااااه يا ميان لو تعرفي الي جوايا
ميان..
_ادم كفايه
ادم بحب..
_انا بحبك يا ميان حاولت ابطل او ابعد عنك بس معرفتش ، كانت فتره قليله يمكن مقدرناش نعرف كل حاجه عن بعض بس يكفي ان قلبي ارتاح معاكي ، ميان انتي ساكته كده ليه
كانت تقف ميان تنظر له بصدمه لا حول لها ولا قوه تنظر لذلك الواقف امامها يعترف لها بحبه
ميان بعدم وعي..
_انا بحبك
ابتسم ادم بحب واقترب منها ببطئ وضع يده اسفل رقبتها يقربها منه واغمض عيناه وهو يقبلها بحنان بالغ تمسكت به بقوه وهي تشعر انها مجرد حطام علي الارض ، استاكنت بين يده وكان هذا هو مكانها
________
مرفت وهي تهمس بغضب..
_وانتي ازاي تسيبه يروح معاها لوحده
ايمان..
_اعمل ايه يا ماما صدني بطريقه وحشه
مرفت..
_روحي شوفيه الناس بدءت تبص عليكي علي خطيبك الي سابك لوحدك وابوكي مش عامل اي اعتبار لكلامي ، يلا اتحركي
تحركت ايمان بغضب وذهبت الي ركن الأزهار ، لتصدم مما رأت ادم يقبل ميان وياخذها بين احضانه بحب لم تراه منه قط
ايمان بصراخ..
_خدتيه وارتاحتي يا خطااافه الرجاله
دفعت ميان ادم بقوه وباعدت عنه وكانها ادركت للتو ماذا فعلت ، حاولت السيطره علي ايمان ولكن تجمع الجميع علي صراخ ايمان
ايمان بصراخ..
_المتربيه بنت عمته طلعت بتلف علي خطيبي عشان تاخده ليها ، ما هي لو متربيه ومحترمه مكنتش فكرت في واحد خاطب وعلي وش جواز
عمار بغضب..
_احترمي نفسك يا ايمان مش كده ، هو اكيد في سبب
ايمان بصراخ اعلي..
_سبب ايه بقولك بيبوسها وقودام عيني محدش قالي دا كان بيبوسها وحاضنها ولا كأنهم احبه
لوسي..
_بطلي فضايح اهدي ونناقش امورنا جوه في بيتنا
مرفت..
_هو بنتك خطافه الرجاله تغلط واحنا المفروض نداري عليها
بكت بشده من احراجها وهيا تندم الف مره مما فعلته ما كان يجب ان تستسلم له بسهوله لكنها احبته ، فاقت من افكارها علي تلك اليد الذي تنتشلها من افكارها وتضعها باحضانه
ادم بغضب جامح..
_اخرسي يا ايمان ، انا بنت عمتي محدش يجيب سيرتها بحاجه وحشه ابدا وانا موجود
ايمان..
_دا انا الي خطيبتك بقالي 9 شهور عمرك ما بوستني حتي مره
ادم..
_ودا ملفتش نظرك اني مش طايقك مثلا ، اقول دلوقتي تحس علي دمها لكن ابدا انتي كنتي حلوفه بمعني الكلمه
مرفت..
_يعني انت بتبيع بنتي يا ادم عشان دي
ادم..
_دي بنت عمتي وهتبقا مراتي ياريت حضرتك تكوني فهمتي الكلام
امجد..
_هاتو هدومكم وحصلوني علي العربيه يلا يا مرفت
مرفت بحده..
_وانت هتسيبه..
امجد مقاطعا..
_يلا يا مرفت
تحركت مرفت بغضب هيا وابنتها وذهب امجد الي سيارته ، خرجت ميان من بين ذراعي ادم وركضت الي غرفتها ودموعها تسيل بغزاره