الحلقه الثالثة والعشرون والرابعة والعشرون
من 💔جراح القلب ٢💔
بقلم شيمو الخطيب
نادر قاعد في اوضته وبيفكر في إيهاب وازاي قدر يبيع نفسه ومستقبله عشان خاطر الفلوس، وعايز كمان يبيع بلده
ولاء اتصلت عليه
نادر :ايوه ياحبيبتي عامله ايه
ولاء : وحشتني يانادر، انا كويسه ياحبيبي، انا بتصل وخايفه تكون نايم
نادر: لا يا حبيبتي انا منمتش لسه من امبارح، كويس انك اتصلتي، وحشتيني قوي يا ولاء
ولاء: انت كمان يا حبيبي وحشتني قوي، بس مالك يانادر، انت مدايق من حاجه
نادر : لا ابدا يا حبيبتي، انا بس مصدع من قلة النوم مش اكتر،
ولاء؛ اكيد منمتش يبقى بتفكر في حاجه او مدايق من حاجه، صح ولا لأ
نادر: هههه، طب واللي يقولك الاتنين، بفكر ومدايق
ولاء؛ طب بتفكر في ايه، ومدايق من ايه،
نادر: اقولك ياستي،،،، بفكر فيكي ومدايق انك مش معايا،،
ولاء قلبها دق بسرعه، وتاهت في كلامه
:هاه بتقول ايه
نادر ضحك جامد وصوته ضحكته اخترقت قلب ولاء ودابت فيه اكتر
نادر: بقولك، انا بفكر فيكي ومدايق انك مش في حضني،، ، ولاء،،
ولاء بهمس وصوت مبحوح، : نعم
نادر : انا بحبك قوي، وبجد وحشني حضنك جدااااا
ولاء: هاه،،، انت كمان وحشتني قوي،
نادر: وحشتك بس،
ولاء فاقت: نادر بس بقه، حرام عليك والله
نادر : هههههه، جرا ايه يابت. أنا كلمتك، انا بسأل سؤال، وحشتك بس
ولاء؛ : يييييه اه وحشتني بس،
نادر: ههههههه، خلاص ماشي ياقلب نادر، المهم انتي منمتيش ولا صاحيه بدري
ولاء؛: لا صاحيه بدري، قلت اكلمك اطمن عليك
نادر: بقولك ايه ياولاء ، انا عايز اتعشي معاكي بره انهارده ايه رايك،
ولاء؛ انت بتسألني عن رأيي بجد، ده أنا جوعت من دلوقتي، ههههه
نادر: ههههه، ماشي يا قلبي، تمام اعملي حسابك ان شاء الله هعدي عليكي بعد العِشا ، وعندي ليكي مفاجئه
ولاء بلهفه : مفاجئه،!!!! ايه هي يا نادر، قول بسرعه بقه
نادر: هههههه، وهي كده هتبقى مفاجئه، اصبري بس ولما اشوفك هقولك
ولاء؛: وهتسيبني في فضولي ده كتير، ده انا هموت واعرف من دلوقتي
نادر: ههههههه، الله يخرب عقلك يا مؤمن، هو الوباء ده وصلك ولا ايه يا ولاء
ولاء : ياااااااه من زمااان، ده من ايام الجامعه، لأن هنا عندها نفس الداء ده بعيد عنك، هههه
نادر : هههه، خلاص يا حبيبتي، متنسيش بقه بعد العشا، ان شاء الله، واكيد هتعرفي كل حاجه
ولاء :ماشي يا حبيبي هستناااك، سلام يا نادر،، وقفلوا مع بعض
-------------------- بقلم شيمو الخطيب
مؤمن اقترح على الكل انه يتجوز مي بعد اسبوعين
عايده: لا يا مؤمن مينفعش يا حبيبي
مؤمن وكلهم اتصدمو ومي عنيها على مامتها ومستغربه ليه لأ
مؤمن ساب مي وقعد جنب عايده : ليه يا خالتي، ايه اللي يمنع، انتي معترضه عليا في حاجه
عايده: مسكت وش مؤمن بايديها: انا اعترض عليك انت يا مؤمن،، ده انت غالي عندي قوي يا حبيبي، انا عمر ما كنت اتمنى لبنتي حد احسن منك،
احمد: طيب ليه اعترضتي يا خالتي
عايده: حبيبي انا معترضتش على حاجه ابدا ، انا بس اعتراضي كان علي المعاد،(وبصت لمؤمن) قريب قوي يا مؤمن، ولسه مجهزتش مي، ولا عملت حسابي على حاجه، الموضوع عايز اقل حاجه شهرين
مؤمن: لاااا، شهرين ايه، وبعدين انا مش هكلفك اي حاجه، خالص،. أنا هأجر شقه وافرشها من كله، واتجوز فيها، وده مش هياخد يومين،، خالتي، الله يخليكي، بلاش نعقدها على حاجات هايفه،
عايده : ياحبيبي انا عارفه انك قدها يا مؤمن لكن يا حبيبي انتو لسه بتدرسوا، ودي آخر سنه، يعني ممكن نصبر شويه،
مؤمن : ياخالتي هنقدر ان شاء الله اننا نوفق بين الدراسه وحياتنا،، لكن اللي مش هقدر عليه، ان مي تبقى بعيد عني، خالتي انا بعد اللي شوفته واللي هي شافته مينفعش نبعد عن بعض، وبعدين كل اللي قولتيه مقدور عليه، بس انتي قولي اه
هنا: بص يا مؤمن، من الاخر كده، خالتي مش عايزه مي تبعد عنها، وبتحط العقده في المنشار عشان تشبع من مي
عايده بصت لمى وعيطت : بصراحه انا مش قادره استوعب انها تبعد عني،
مي جريت على مامتها، وخدتها في حضنها: ماما حبيبتي، انا مقدرش ابعد عنك ابدا، انتي كل حياتي، يا أمي، بلاش تعيطي عشان خاطري
احمد همس في ودن هنا : قلبتيها نكد، هههههه الله يسامحك
هنا بنفس الهمس: وانا مالي، انا حبيت اقول اللي انا حساه وطلع صح
احمد: طول عمر احساسك مبيخيبش يا ملاكي، بس انتي عارفه، وحشتيييييينييي قويييي،، وضمها في حضنه جامد
هنا وشها احمر وبصتله وسكتت، واحمد ضحك على كسوفها
ام احمد : طب ايه رايكو، انا عندي الحل، بس عايزه اخد رايكو فيه
مؤمن جري عليها، : قولي يا أمي ايه هو الحل،
ام احمد بصت لأحمد وقالت : بصو ياحبايبي، انا مطلعتش من الدنيا غير بيكو انتو، وكلنا نعتبر عيله واحده، فأنا هتقل على ناديه، وبقترح اني اقعد معاها في شقتها، اهو نسلي بعض، واسيب الشقه دي لمؤمن، ده لو احمد وناديه طبعا وافقوا،
ناديه بفرحه كبيره : يااااااااه يا ام احمد، ده انتي امي واختي وصاحبتي، واتحملتيني واتحملتي همومي، و ربيتي بنتي معايا، يااااه انتي مستنياني اوافق يا ام احمد، انا ابقى اسعد واحده لو عملتي
كده فعلا، انا اصلا وانتي هِنا مكنتش بسيبك، ده انتي ياما شلتيني انا وبنتي، ياما كان بيعدي عليا ايام مش لاقيه فيها اللقمه كنت الاقيكي داخله عليا بالخير كله، مفيش رمضان عدي الا واحنا مع بعض اكلنا
وشربنا، الشقتين طول عمرهم واحد مفيش فرق، احمد ومؤمن ولادي زي هنا واكتر، بعد كل ده ومستنيه موافقتي، اخص عليكي يا ام احمد وحضنتها جامد، ده انتي على دماغي من فوق
احمد: حبيبتي يا امي، انتي عارفه ان خالتي ناديه امي التانيه، وعمري معترض على حاجه زي دي ابدا، انا اتمنى، ولو على الشقه، فمؤمن ده أغلى حاجه عندي في الدنيا، ولو عايز شقتي نفسها انا هسيبهاله وهبقى راضي ومبسوط
مؤمن حضن امه وأخوه : ربنا يخليكو ليا يارب،، وبص لعايده : اهو كده اتحلت ياخالتي، الشقه وموجوده، هجدد فيها شوية حاجات واشتري العفش، وهنعيش جنبك اهو مالكيش حجه، وأن شاء الله اول مقبض المكافأه هقدر اعمل بيها كل اللي انا عايزه
مي: ها ياماما، ايه رايك
عايده: حضنتها،،، ربنا يسعدكو يابنتي يارب، اللي انتو شايفينه اعملوه، انا اهم حاجه عندي فرحتكوا ياحبايبي،
مؤمن قرب من مي وحضنها ولف بيها : اخيرا هتبقى ملكي انا وبس، مي اتعلقت في رقبته، وقالت : بحببببك يا مجنووووون
احمد: بصو بقه، انتو حبو بعض براحتكو.، اما انا فهدخل اناااام، انا مش قااااادر، وشد هنا من اديها وخرج على شقة ناديه، وطبعا عايده ومي طلعوا ومؤمن هزر كتير انه عايز مي تنام عندهم انهارده، وكله ضحك عليه، وناديه دخلت شقتها وكله دخل اوضته يرتاح بعد يوم شاق ومتعب لأبعد الحدود
------------------- بقلم شيمو الخطيب
وبعد مرور اسبوعين
مؤمن جهز شقته وفرشها، وكان ده كله طبعا بمساعدة احمد ونادر وفارس، ونادر كان زعلان منه في الأول، لكن اول ماتقابلوا مؤمن نسي نادر الزعل وبدأوا في الضحك والهزار كالعاده
احمد كان مابين شغله وبيته وشقة مؤمن، الصبح ينزل الشغل ويرجع على شقة والدته وطبعا قضى الأسبوعين كلهم عند ناديه في الشقه، مؤمن نايم في الصاله، واحمد وهنا في اوضه هنا، وناديه وأم أحمد في اوضه ناديه،، اما هنا فكانت بتحس انها تعبانه لكن مش عايزه تقلق حد
نادر قابل ولاء وكان محضر لها مفاجئه، انه خلاص قرر انه يتجوزها في خلال اسبوعين تلاته بالكتير،وانه كمان اتفق مع والدها على كده، وهي كانت في قمة السعاده بالخبر ده، وقعدوا كتير يتكلمو عن ديكورات الشقه، والعفش، والفرح
فارس عايش مع سلمى في الشغل وبره الشغل، وهي محصراه بغيرتها عليه، وبتعلمه الأدب، وهو حابب ده جدا لانه بيعشقها وبيعشق تفاصيلها
ندي بدأت خلاص تتعود على وجود اشرف في حياتها، وحست ان حجابها فرق كتيييير في تصرفاتها، وحبت ده جدا، وأشرف كل يوم يحاول يقربها منه اكتر،
فايزه لسه بتروح النادي وبتسهر وتشرب، وحابه حياة التحرر والطبقه الهاي كلاس، ووليد كتير بيقابلها وهي نفسها تعرف حاجه عن هنا واحمد لكن هو بيقولها ان مفيش حد فيهم رجع البيت لسه، غير هو يوم واحد بس احمد راح فيه، وخرج بشنطة هدوووم
مصطفى يوم عن يوم بيقرب من سميره وحابب الجو الأسرى والدفا اللي بيحسه وسطهم خصوصا سليم اللي اتعلق بيه جدا، ومبقاش قادر يعدي يوم من غير ميشوفه
اما سميره فمصطفي عوضها كتير، وشال حزنها اللي كان مسيطر عليها وحست انه سند وضهر ليها ولولادها خصوصا انه روحه فيهم وهما روحهم فيه،
------------ بقلم شيمو الخطيب
نرجع للوقت الحالي
مؤمن دخل عند ناديه ورمى نفسه على الكرسي،،، :آآآآآآه، انا مبقتش قادر، بجد هموووت من التعب،
ناديه: ايه ياعريس، لسه بدري، انت جاي تتعب دلوقتي، لسه بكره وتجهيزات بكره والكوافير والتصوير والقاعه، وال.....
مؤمن : اييييه يناديه ايييه، حرام عليكي، وانا بقول هتهوني عليا، مش كفايه نومة الكنبه اللي بنامها بقالي اسبوعين، والله العظيم حرام،
ناديه : هههههه، يابني مش انت اللي مستعجل، اشرب بقه يا حبيبي،
مؤمن : رفع حاجب ونزل التاني،،،، دودي هو انا ليه شامم ريحة شماته في كلامك، انتي شمتانه فيا ولا ايه
ناديه ضحكت : ههههههههه، انا،!!! لا طبعا، انا فرحااانه فيك
مؤمن : تصدقي انتي مش خالتي،،، انتي مش ضِنايا،،،، هههههه، هو فيه كده، ماشي يا ناديه مقبوله منك،، هههههه
ناديه : ضِناك،، هههههه، ماشي يا مؤمن، (وقربت منه) ربنا يسعدك ياقلب خالتك يارب، ويفرح قلبك دايما، ويسترها معاك، ويحفظك من كل شر، يابني يا حبيبي، (وعنيها دمعت)
مؤمن بأس اديها وباس راسها: حبيبتي يا ناديه، ربنا يخليكي ليا يارب وميحرمني من دعواتك يا حبيبتي
هنا: لا والله بقه انتو سايبينا هناك في الشقه طالع عنينا، وجايين تحبو بعض هنا، يلا يا بشمهندس اتفضل قوم شوف وراك ايه
ناديه : يابنتي حرام عليكي، سيبيه يريح شويه، ولو مفيش حاجه مهمه خليه هو وقومو انتو بالباقي، حسو بيه يحس بيكو ربنا، هههههه
هنا : انتي عارفه انا لو دخلت الشقه من غيره، ممكن يغتالوني، فارس ونادر مبهدلين الدنيا هناك وكل واحد عايز يمشي ويدبس مؤمن، هههههه، واحمد، قاعد على السفره يؤمر وينهي، ومشغلنا كأننا عبيد عنده، غير طبعا بهدلته لنادر وفارس،،، اما البنات فمي عامله فيها عروسه، وبتذلنا وكل شويه، لا شيلوا دي، لا حطوا دي، وانا هتشل بصراحه، ههههه، فقوم كده وشوفهم عشان مايحصلش مجزره، ههههه
ناديه : هههههههه يا نهار ابيض، لا ده انا اجي بقه واتفرج على فيلم أسياد وعبيد، ده، وسابتهم وخرجت جري،
مؤمن ضحك وخرج هو وهنا على شقته
ناديه : ايه ده، انتو لسه معملتوش حاجه (وشدت كرسي وقعدت جنب احمد علي السفره) دي الشقه زي ماهيا، ايه يا احمد، انت سايبهم قاعدين يضيعوا وقت وساكت، لا يا حبيبي لازم تشد عليهم شويه، وبعدين لسه ورانا حاجات كتير جدا
فارس ونادر واقفين وبيبصوا حواليهم ومستغربين، هي بتتكلم جد ولا بتهزر، الشقه فعلا خلصت خلاص، وهما من الصبح مطحونين فيها،
نادر فجأه؛ : هههههههههه،،، ، بجد يا خالتي، انتي ممثله عبقريه، وانا اللي صدقت انك بتتكلمي جد، شقة ايه يا خالتي اللي زي ماهيا
ناديه :هههههه، دخلت عليكوا
مؤمن : دخل الشقه،،، الله ينور ياشباب، شغلكوا زي الفل، بس عندي شوية ملاحظا.....
مؤمن مكملش كلامه، لأن فارس كتفه وطلع على ضهره بهزار،
فارس: انت تسكت خالص، يا اخي ده انت واخوك ذاللنا من الصبح، كأننا علينا ليكو فلوس، وبتشغلونا بيها، ده حتى مراتك مرحمتش البنات، واحنا ساكتين، لسه ليك عين تقول ملاحظات، ملاحظات ايه ان شاء الله اللي انت معترض عليها
مؤمن :هههههه، هههههه، يخربيتك خضتني، مالك يافارس خليك كووول، وبعدين اكيد دورك جاي،
فارس : اقسم بالله يامؤمن لهزلكوا، هقعد كده بس واشغلكوا، انت وأحمد بالذات
نادر: وانا معاك ياصاحبي، لازم ننتقم للي عملوه فينا
احمد قاعد بيسمع ومردش عليهم خالص، و مركز مع هنا لانه حاسس انها تعبانه، وبدأ يبان عليها الإرهاق،
نادر : مالك يا احمد، سرحان في ايه،،
احمد قام ووقف قصاد هنا، اللي حاسه انها مش شايفه والرؤيه بدأت تشوش قدامها
احمد : هنا،، انتي كويسه يا حبيبتي،
هنا : بتفتح عينها وتقفلها ووحاسه ان الدنيا بتلف بيها، اه،، اه يا احمد كويسه
وفجأه وقعت بين إيدين احمد
احمد :هنااااااااا
ناديه :بنتييييي،
كله جري عليها واحمد شالها ودخلها اوضتها عند ناديه ودخلت ناديه وراها، وكله بره واقف قلقان
احمد نيمها على السرير، وقعد جنبها :هنا،، هنا يا حبيبتي، فوقي ياهنا،
ناديه: خد يا احمد البرفان ده، وحاول تفوقها، ومسكت وشها، هنا ياحبيبتي، ردي عليا يابنتي،
احمد رش على ايده وقرب من هنا، وبدأت تفوق، لكن حاسه انها تعبانه،
احمد: بخوف،، ايه ياهنا، مالك ياقلب احمد، طمنيني عليكي،
هنا: بهمس وتعب،، احمد، انا كويسه، متقلقش،
ناديه : بخوف وقلق،، حاسه بايه ياهنا، طمنيني عليكي يابنتي
مي خبطت على الباب، ودخلت،
مي: خير يا احمد، هنا عامله ايه دلوقتي،،
احمد : الحمد لله فاقت يامي، (بص لهنا)، قومي ياهنا، انا مش هسكت اكتر من كده، لازم تيجي معايا المستشفى حالا
هنا بتعب: لا يا احمد، انا بجد مش قادره، وبعدين بقيت احسن الحمد لله
ناديه : لا طبعا ياهنا، احنا لازم نطمن عليكي يا بنتي، انا هدخل اغير هدومي واجي معاك يا احمد، وانتي يامي معلش يابنتي ساعديها في لبسها
مي: من عنيا يا خالتي، حاضر
احمد : يلا ياهنا قومي يا حبيبتي معايا، انا لازم اطمن عليكي ياهنا،
هنا حاولت تقوم، ومي واحمد لبسوها هدومها، وفعلا خرجت وراحت المستشفى مع احمد وناديه، والباقي في البيت، احمد رفض ان حد يجي وقالهم الموضوع مش مستاهل
احمد داخل وشايل هنا، وسأل على دكتوره وفعلا جت ودخلتها أوضة الكشف وكشفت عليها
الدكتوره : معلش انا محتاجه اعملها تحليل حمل ضروري،
احمد وناديه ابتسموا، واحمد قال : حمل، وبص لهنا،،،(وبفرحه وتوتر في نفس الوقت) طيب اعمل ايه، وراح ناحية هنا، اجيبلها ايه،
الدكتوره : ههههههه، لا يا استاذ حضرتك مش هتعمل حاجه، انا اللي هعمل، هاخد منها بس عينة دم، وأن شاء الله نص ساعه وابشركوا،
وفعلا جت الممرضه وسحبت العينه من هنا، ومشيت
احمد: باصص لهنا وفرحان،، حمل، انا مش مصدق ياهنا ان هيبقى عندي طفل منك ، انا حاسس بسعاده كبيره قوي،
ناديه: ربنا يسعدكو يا حبيبي، بقه انا هبقي جده؛!!! كبرتيني يا هنا وانا لسه صغيره
هنا: احلى جده يا ماما، ربنا يخليكوا ليا يارب، وبعدين انتي طول عمرك صغيره يا دودي
وبعد نص ساعه جت الممرضه ومعاها البُشري، وقالت مبروك يا استاذ المدام حامل، وبصراحه بقه انا عايزه الحلاوه
احمد ضم هنا لقلبه وباس جبينها :، مبرووووك ياقلب احمد، يا احلى ام في الدنيا كلها، ياسبب السعاده والهنا، ياهنا
هنا : ربنا يخليك ليا يا حبيبي،
احمد قام وطلع كل اللي معاه اداه للمرضه، وهي فرحت جدا ودعتلهم يديم عليهم الحب والسعاده
دخلت الدكتوره، واطمنت على هنا وباركتلها ، وكتبتلها شويه مقويات، وقلتلها انها لازم ترتاح ، عشان الحمل يثبت
ورجعوا البيت والكل اطمن على هنا،واحمد قالهم على خبر حمل هنا، وكله فرح جدا وبارك ليهم، وكانت عايده وأم أحمد نايمين لأنهم تعبوا طول النهار، صحيو على فرحت الشباب، وفرحوا جدا لهنا وكانت ام احمد اسعد واحده بالخبر ده ، وهنا استأذنت منهم انها تدخل ترتاح شويه، وبعدين فارس ونادر استأذنوا و كل واحد اخد مراته ومشي،،، استعدادا للفرح
صحي مؤمن الصبح وكان الكل نايم، دخل المطبخ عمله فنجان قهوه،
احمد خرج من الاوضه
احمد : ايه ياعريس، صاحي بدري ليه كده
مؤمن: صباح الخير يامديرنا،،، وحياتك يا احمد انا مبعرفش انام، انا حاسس ان دماغي هتنفجر
احمد: هههههه، كلنا لها ياعريس، انت بتفكرني بنفسي ايام فرحي، يااااه، كانت ايام
مؤمن: هههههه، ايه ياعم انت محسسني ان بقالك سنين متجوز، ايه البيبي كبرك قبل مايجي ولا ايه
احمد : انت بتقول فيها، انا حاسس اني كبرت عشرييين سنه، هههههه، حاسس باحساس غريب كده ، فرحه، على اشتياق، على قلق، على خوف، مشاعر ملخبطه، بس بلخصها اني بموت في هنا واللي في بطنها ايا كان نوعه
مؤمن : حبيبي يا احمد ربنا يسعدك ويطمنا على هنا يارب،
احمد: عقبالك يابشمهندس، ههههههه
مؤمن : ادخل انا بس وربك يسهل بالباقي، هههههههه، العيل جاي جاي
احمد: لا صايع ياض،،،، هههههه
وصحي الكل، واحمد طلب من هنا انها ترتاح وتحاول متتعبش نفسها، وهنا طلبت من أحمد تروح مع مي البيوتي سنتر ومش هتجهد نفسها، لكن احمد قالها انها احلى من غير اي حاجه، وبتصميم من هنا وافق،، ومؤمن وصل البنات للسنتر ورجع هو على البيت
--------------------
في الصعيد
محمد: يلا ياولدي، عايزين نلحج نروح لبت عمك
زين: برده يابوي، مفيش فايده واصل،،،،،،
الحلقه ٢٤
من 💔جراح القلب ٢ 💔
مؤمن رجع من البيوتي سنتر ودخل ظبط بدلته واتصل على نادر
مؤمن؛ : الو، ايوه يا نادر
نادر: اهلا بعريسنا، عامل ايه يا كبير
مؤمن :تمام الحمد لله، المهم انت فين دلوقتي، وخلصت اللي وراك ولا لسه
نادر: انا ف شقتي بظبط فيها شويه حاجات وبعد كده هروح لعمتي اغير هدومي واجيلك، خير في حاجه ولا ايه
مؤمن :لا انا كنت بس بطمن عليك، لو محتاج حاجه اعملها معاك، هههه
نادر: تعمل، ايه، انت ربنا بيحبك، ورحمك من اللي كنت هعمله فيك، اتجوزت قبلي، وانا يادوب بعدك بأسبوع، يعني برده مش هتقدر تساعدني في حاجه،
مؤمن : حبيبي يا نادور، انا بساعدك بقلبي،هههههه
نادر: تصدق بتتعب، ههههه، عموما ربنا يتمملك بخير يا حبيبي، انا كل اللي يهمني اشوفك بخير يا مؤمن
مؤمن؛ تسلم يانادر، المهم خلص وتعالالي على طول، عشان منتاخرش على البنات
نادر؛ عنيا، هزوقلك العربيه واجيلك على طول،
مؤمن : تسلم بجد يانادر، ربنا يقدرني. وهاردلك كل اللي بتعمله عشاني
نادر: عيب عليك يا صاحبي، انت اكتر من اخويا يا مؤمن، وبعدين هو انا عملت ايه يعني، دي كلها حاجات بسيطه، متجيش بقيمتك عندي يا مؤمن
مؤمن: حبيبي يا كبير، المهم اوعي تتأخر، مفهوم،
ناذر: مفهوم يا بشمهندس، ههههه، سلام يا حبيبي،،،
-------------------- بقلم شيمو الخطيب
احمد قاعد وكل شويه يكلم هنا ويطمن عليها
هنا: احمد يا حبيبي، دي خامس مره تكلمني من ساعة موصلت، حبيبي انا كويسه والله، المهم بس، انت اشتريت القميص اللي كنت محتاجه
احمد: اولا يا ملاكي، بتوحشيني، ثانيا بطمن عليكي انتي وبنتي حبيبتي، ثالثا انا هنزل دلوقتي اجيب القميص، بس هشوف مؤمن الأول لو محتاج حاجه، اخده معايا
هنا: انت كمان وحشتني قوي يا حبيبي، وبعدين انت خلاص متأكد انها بنت، مش يمكن ولد، ههههه
احمد: كل اللي يجيبه ربنا كويس، انا بس بتمنى بنت، وتطلع لمامتها، ملاك ماشي على الأرض، بس ساعتها هحتار احب مين فيكو اكتر، ههههه
هنا: ايه ده،، انت ممكن تحبها اكتر مني،،، لا يبقى اركز بقه كده واجيب ولد عشان منخسرش بعض، ههههههههه
احمد ضحك جامد : تركزي، هههههه، وهو الولد بيجي بالتركيز، عموما، ماشي ياحبيبتي، ركزي براحتك، انا مقدرش احب حد اكتر منك يا هنا، انتي ملكتي كل قلبي، حياتي كلها ليكي يا حبيبتي
هنا؛ ربنا ميحرمني منك ابدا يا حبيبي، (مي ندهت على هنا)،، طيب يا احمد انا هقفل معاك، مي بتنادي عليا وشكلها على آخرها، هههه
احمد : ماشي ياقلبي، خدى بالك لتعضك، بقت شرسه قوي البت دي، ههههه
هنا؛ ههههه انت بتقول فيها، ربنا يستر على مؤمن، (وضحكو وقفلوا مع بعض،)
وهنا راحت لمى، هي وسلمي وولاء، ولبسوها فستانها، وكان تحفه عليها، وبدأت البنت تعملها الميكب،
مي طلبت منها الميكب يبقى خفيف جدا، والكل شجعها على كده،
وكل بنت دخلت تلبس فستانها.،وهنا كان فستانها باللون الرصاصي الهادي،اما ولاء فكان نبيتي، وسلمي كان اوف وايت، لبست البنات ولفو الحجاب بطريقه جميله جدا، وحطوا ميكب خفيف، وكانو قمة في الجمال، وقعدوا استنو مي تخلص باقي لبسها،،
احمد ومؤمن خرجوا واشتروا باقي احتياجاتهم، وراحوا البيوتي سنتر وكانو جايبين اكل للبنات وطلبوا من البنت اللي طلعتلهم انها تديهم الأكل ده، ورجعوا على البيت
فارس كلم أحمد وقاله انه داخل على البيت عندهم، واحمد قاله خمس دقايق ويكون عنده
وفعلا وصلوا لقو فارس، وطلعوا كلهم مع بعض،
ودخل احمد ومؤمن غيروا هدومهم، ونادر وصل وكان حاطط ورد علي العربيه بطريقه خرافيه وكان شكلها فعلا تحفه ولفتت نظر كل الناس،
نادر كلم مؤمن
نادر :صاحبي حبيبي، بص كده من البلكونه وقولي رايك يا معلم
مؤمن : انت فين يابني، انت وصلت هِنا
نادز: متركز ياعريس، بقولك بص من البلكونه بسرعه،
مؤمن خرج البلكونه وانبهر بشكل العربيه وشكر نادر جدا، وكل الناس في الشارع باركوا لمؤمن، ومن ضمنهم عم عبده
عم عبده : مبروك يا بشمهندس، الف مبروك ياحبيبي، انهارده عيد والله، وربنا يعلم انا فرحان ليك جدا،
مؤمن: حبيبي ياعم عبده، تسلم، عقبال أولادك يارب،
عبده: ليك عليا يا بشمهندس هبعتلك اكله محترمه من لحمة الكلاب،،، هههه قصدي الكباب، هههههه
مؤمن: هههههه لا ياعم عبده، استنى عليا افرح بعروستي الأول، وبعدين اكل لحم كلاب، ييييييييه، قصدي كباب، هههههههه، ياراجل يا طيب،
عبده: ههههههه، ربنا يسعدك ياحبيبي،
نادر: اوعي تزعل يا راجل يا طيب، هو كده دايما لسانه متبري منه
عبده؛ الا البشمهندس، مقدرش ازعل منه
ابده يابني، ربنا يسعدكوا يارب،
وطلع نادر للشباب فوق، والكل لبس وخلص، ونزلوا كلهم بالعربيات وزفه كانت حلوه جدا وكل اهل الحي شاركوا الشباب في فرحتهم وكانت الفرحه باينه على الكل،
زين كلم مؤمن
زين؛ مؤمن ازيك ياحبيبي، الف مبروك ياعريس،
مؤمن : ازيك يا زين، الله يبارك فيك عقبالك يارب، اخبار عم محمد ايه،
زين: الحمد لله تمام، بيسلم عليك ويباركلك،
مؤمن :افهم من كده انكو مش هتيجو، والله ازعل يازين، الفرح بجد مش هيكمل غير بيكو
زين: تسلم يا بشمهندس، بس متقلقش، احنا داخلين على البيت اهو، كلها عشر دقايق، هههههه
مؤمن: بفرحه،،، ايوه كده يا راجل، فرح قلوبنا، انا واقف قدام البيت اهو كنا لسه هنتحرك، بسرعه بقه
زين : انا على أول الشارع اهو، سلام يا بشمهندس
وفعلا وصلوا ونزل الحاج محمد وزين نزل الكرسي بتاعه وقعده عليه
مؤمن؛ سلم عليه،؛ ازيك ياعمي والله انت نورتني، وبجد انا فرحان جدا انك قبلت دعوتي، وموجود معانا
محمد: الله يبارك فيك ياولدي، ربنا يعزك ويفرحك، انت ولد أصول وتستاهل كل خير
احمد: اهلااااا،، والله منور الدنيا كلها ياحاج، حمدلله على سلامتكو، وعقبال متفرح بزين يارب
زين : تسلم يا استاذ احمد،
محمد؛ تسلم ياولدي، ربنا يفرح جلبك يارب
عايده نزلت واتفاحئت بمحمد،
ناديه وأم أحمد زقوها تسلم عليه وتنسى اللي فات خصوصا لما شافوه بالكرسي المتحرك، وصعب عليهم جدا
عايده قربت منه : ازيك يا حاج محمد، (وبصت لزين) عقبالك يازين يابني
محمد حط وشه في الأرض: حجك عليا يامرت اخوي علي كل اللي حوصل مني، وبصراحه انا جاي انهارده، ارجع الحج لأصحابه، انا فتحت حساب في البنك باسم مي وحطيت فيه مبلغ اكبير، ده حج محسن اخوي وحجكو، ونفسي تسامحيني جبل مجابل رب كريم، وأن كان على دياب ولدي، فربنا خد حجكو منيه،
مؤمن: بعد الشر عنك يا عمي، متقولش كده
احمد: ياعم محمد، احنا اللي يهمنا وجودك معانا، وربنا يديك الصحه وتقوم وتمشي على رجلك وتبقى احسن من الاول
محمد: تسلموا يا ولادي من كل شر، والله منا عارف اجول ايه، جصاد اللي بتعملوه معايا (وبص لعايده)، ها يا مرت اخوي، مش حابه تجولي حاجه
عايده: خلاص ياحج، محصلش حاجه، وربنا يسامحنا جميعا،
زين: يعني افهم من كده، انك هتسمحيلنا نزوركوا ونكون اسره واحده
عايده؛ انت ابني يازين. وكفايه وقفتك مع مي، ربنا يديم المعروف بينا يا حبيبي
زين ومحمد فرحوا جدا،،، ومؤمن استعجل الكل وركب عربية نادر
واحمد ركب عربيته وكان معاه ناديه وام احمد،
وفارس ركب عربيته ومعاه بنات من اهل الحي
وزين ركب عربيته ومعاه ابوه والكل اتحرك على السنتر
وصلوا السنتر وكان نادر مشغل اغاني وصوت الكاسيت عالي جدا، وعملوا جو جامد لمؤمن قدام السنتر
هنا اتصلت على أحمد وقالت إن البنات خلصت ولازم مؤمن يدخل يجيب مي
وفعلا مؤمن دخل، وكانت مي خارجه من السنتر ومؤمن مستنيها وكانت ايه في الجمال
مؤمن؛ يخربيت جمال امك، ايه يابت ده، قمر، هههه
مي بدلع: مؤمن متكسفنيش بقه، وتعلقت عنيهم ببعض وكل الشباب صفر، والكل سقف ليهم
مؤمن باس جبينها وضمها ليه جامد ومسك ايديها ومشيو ناحية العربيه
هنا خرجت هي والبنات واحمد انبهر برقتها وجمالها
احمد: كنت متوقع انك هتكوني أجمل واحده في الدنيا، لكن مكنتش متوقع انك هتفوقي كل معاني الجمال،
هنا: انت بتسحرني بكلامك يا احمد، ربنا ميحرمني منك ابدا
احمد :بس كده هفضل ابص على عيون الناس، عشان اداريكي من عنيهم، هنا انا بجد بعشقك، وباس جبينها وايديها
هنا :وانا بحبك قوي يا احمد، ربنا يخليك ليا يارب،
احمد: ويخليكي ليا يا حبيبتي،، ومسك ايديها وركبها العربيه واتحركوا كلهم على القاعه
الكل وصل القاعه واول موصلوا اشتغلت الاغاني ودخلت مي ومؤمن وكل الانظار عليهم واشتغلت اغنية طلي بالأبيض طلي،
احمد ماسك ايد هنا ونادر ماسك ولاء وفارس ماسك ايد سلمي وداخلين كلهم مع بعض،
مصطفى كان قاعد هو وسميره وسليم على ترابيزه، ودخل الكل سلم عليهم، وعيلة ولاء ونادر موجودين، لكن والدة فارس عايشه بره مع اخته،،
ابتدوا الفرح بأسماء الله الحسنى وبعدها رقصة السلو والكل رقص وفرحوا كلهم جدا وطبعا مؤمن وفارس ونادر ولعوا الفرح، واحمد كان رافض ان هنا تتحرك عشان متتعبش، بعدها جت التورته وكانت ٥ أدوار هديه من مصطفى بيه، وقطعوا التورته ومؤمن اكل مي، ومي اكلته، ومؤمن كان بيبعد الشوكه عن مي بهزار لدرجة انها اتنرفزت عليه، وبعدين مسكت ايده وكلت، هههههه،
اخر الفرح مؤمن طلب انه يغني لمي اغنيه،
نادر؛ مبلاااااش ياصاحبي هتفضحنا
فارس؛ متتهورش يا مؤمن الناس، هتمشي اول ماتسمع صوتك، ههههههه
مؤمن؛ لا متقلقوش هحاول، بس ساعة متزنق واحس ان الناس بدأت تتخنق، هلحقهم باحمد وادبسه، ههههه، ادعولي يا رجاله
نادر: هو انت رايح تحارب، ياعم والله المفروض ندعي للناس، ربنا يقدرهم ويستحملوا صوتك؛ هههههه
مؤمن : طول عمرك واطي يا صاحبي،
نادر : حبيبي، تسلم والله ههههههههه
مؤمن اخد المايك، وبص في عين مي وبدأ يغني، (اتحدى العالم لصابر الرباعي)
وانا بين ايديك،، تُهت في مكاني،
ونسيت معاك،، عمري وزماني
والوقت فات،، ويااك ثواني
قربني ليك،،، سيبني اعيش احساسي بييييييك،،
اتحدى العالم كله وانا، وياااك
وبقول للدنيا بحالها ان انا، بهواك،
وان انت حبيبي وقلبي وروحي، معااااك
قربني ليك، سيبني اعيش احساس هواااااك
وشال مي ولف بيها وسط فرحه كبيره من كل اللي موجود
مؤمن نزل مي وبص لأحمد وحضنه ووقف جنبه،
وفجأه مؤمن اداله الميك يكمل
احمد: نزل لهنا، وحط ايده على كتفها وبصلها وقال
انا عشقي ليك عشق القمر، للنجمه والليل والسهر
والشوق إليك، فوق الخيال، فوق احتمال كل البشر،
من يوم لقااااااك، حلوه الحيااااااااه،
اتحدى العالم كله وانا، وياك،،،،
وبقول للدنيا بحالها ان انا، بهواك
وان انت حبيبي وقلبي وروحي، معاك، قربني ليك سيبني اعيش احساس هوااااك
هنا لفت ايديها حوالين رقبة احمد وعيونها دمعت من الفرحه والسعاده اللي حاسه بيهم، واحمد ضمها ليه لانه كان حاسس بكل كلمه غناها، وكان احساسه عالي جدا وكالعاده وصل لقلوب كل الموجودين
احمد طلع على المسرح ورمى المايك لنادر وضحك ونزل،
نادر وقف محرج ومش عارف يعمل ايه، لكن اتشجع وكمل وولاء بنظرتها شجعته وكمل الاغنيه ومسك أدين ولاء وقال؛
اتحدى بيك، كل الوجود،
وياك اكون، أو لا أكون،
انا مش هعيش،
من غير هواك،
انا قلبي عاشق للجنون
من يوم لقااااااك، حلوه الحيااااااااه،
وشال ولاء ولف بيها وباس جبينها والكل سقف ليهم وكل واحد فيهم كان في حالة عشق مختلفه عن التاني،
ندي دخلت وكان معاها مراد، وسلمت على مصطفى بيه، وطلعت سلمت على مؤمن ومى، وطبعا اتفاجئو بحجابها وباركو ليها عليه
ونزلت وقربت من أحمد
ندي: مبروك لمؤمن يا احمد
احمد: احم، الله يبارك فيكي يا ندى، عقبالك،
ندي؛ ربنا يخليك شكرا، (وقربت من هنا)، مبروك لمؤمن ياهنا
هنا: بصتلها وبصت لأحمد وباستغراب،،، الله يبارك فيكي يا ندى، والف مبروك على الحجاب، بجد بقيتي قمر قوي واحلى من الاول
ندي: باستغراب من رد فعلها،،، الله يبارك فيكي ياهنا، بجد انتي اللي جميله قوي،
هنا: ربنا يخليكي يا ندى، عقبالك يارب، بس اوعي متعزميناش،
ندي: هو انتي بجد، انتي عادي كده زينا
هنا: فهمت هي بتتكلم عن ايه،،، هههههه، انسى يا ندى، انتي بدأتي صح لما فكرتي في الحجاب وفعلا دي احسن حاجه عملتيها، واكيد ربنا سامحك وعشان كده هداكي للحجاب، مين انا بقه عشان مسامحش؟ ، اذا كان رب العباد سامح، انا هقول لا؟ ، ايه رايك نعتبر بعض اخوات وصحاب، من دلوقتي
ندي فرحت قوى وحضنت هنا، : انا ليا الشرف طبعا، ربنا يسعدك انتي وأحمد يا هنا، ليه حق بجد يحبك
هنا بصت لأحمد اللي واقف مذهووول من اللي بيحصل،،،: احمد ده حبيبي، ربنا يخليه ليا يارب
ندي : ربنا يديم عليكو السعاده،، طيب استأذن انا بقه لان بابا مستنيني،
هنا:اتفضلي يا ندى، وسلميلي عليه كتير
ومشيت فعلا
احمد مذهول لكن بص لهنا وضمها لقلبه وحمد ربنا انه رزقه بزوجه زيها،،
مؤمن ومي خرجوا من القاعه، وزين ومحمد قربوا منهم،
محمد: مبروك يابتي، الف مبروك، ربنا يتمملكو بخير
زين :مبروك يا مي، الف مبروك
مي: الله يبارك فيك يازين، وعقبالك
وبصت لمحمد وسكتت
محمد: لساكي زعلانه مني يابت محسن، لساكي مسامحتنيش،(وبزعل) عموما يابتي ربنا يوفجك، ويسعدك،
يلا يا زين يا ولدي، خلينا نلحج نروح
احمد: تروح فين يا حج، انت هتفضل معانا انهارده وبكره ان شاء الله تبقى تمشي
محمد: لا يا استاذ والله ماينفع، احنا ورانا مصالح لازمن نجضيها
مؤمن: المصالح مش هتتعطل ياعمي بكره ان شاء الله اتكلوا على الله ويبقى في نور ربنا حتى
مي: بكسوف وترجي،،،، عمي لو انا طلبت منك تقعد معانا هتقعد
محمد بصلها والدموع اتجمعت في عينيه،،، : لو طلبتي مني المستحيل هعمله عشان خاطرك يابت الغالي،
مي بدموع : خلاص ياعمي، انا بقولك ممكن تقعد معانا يومين
محمد ضحك بدموع وفرحه: يومين مره واحده، حاضر يابتي اللي تعوزيه انا هعمله،
مي؛ : وطت على ايديه وباستهم وهو ضم راسها ليه بدموع وبُكي لدرجة ان كل اللي واقفين دموعهم نزلت في اللحظه دي
وبدأت مي تحس ان بقى ليها عيله وأب وسند، لكن كل ده مش هيتساوي مع مؤمن اللي يعتبر هو كل حياتها
الكل راح بيته ومؤمن طلع على شقته
وفارس وسلمي ونادر وولاء كلهم مشيو
اما زين ومحمد صمموا يباتو في فندق لكن احمد رفض، وطلب من عايده تنزل تقعد مع ناديه وأم أحمد، وهما يقعدوا فوق براحتهم، وفعلا بعد محايلات من أحمد وعايده وافقوا واحمد ساعد زين في انه يطلع محمد لفوق
احمد صمم يمشي هو وهنا لشقتهم وأنهم هيرجعوا تاني يوم، وده لانه محتاج يرتاح وينااام براحته،،
مؤمن دخل شقته وبص لمى اللي هتموت من الكسوف
مؤمن: وحشتيني يا مي،،، يااااااه اخيرا بقيتي ملكي وبس
مي: انت كمان وحشتني يا مؤمن،، وبعدين انا ملكك من زمان،ههههه انا مينفعش ابقى ملك لحد تاني غيرك يا مؤمن
مؤمن : ياسيدي ياسيدي، على الكلام، والله وباضتلك في القفص ياواد يامؤمن،، ههههه
مي: هههههه،، بطل جنان يا مؤمن، هتفضحنا
مؤمن: قرب منها ولف ايديه حوالين وسطها،،، انا مجنون بيكي يا مي، انتي بجد شقلبتي كياني كله، انا بحبك قوي
مي حاسه ان نفسها بيروح وقلبها بيدق بسرعه:طيب مش نغير هدومنا ونتوضي ونصلي، ولا هنقضيها كلام
مؤمن : احم،، اه صح، انا كنت هتهور بس مش وقته، نأجلها بعد الصلاه عشان ربنا يبارك، وغمز لها بعنيه،
مي ضحكت عليه واتكسفت ومشيت من قدامه
مؤمن : دخل الاوضه وراها،،،،، ايه تحبي اساعدك في حاجه
مي: اه، احب انك تخرج بره على ما اغير هدومي
مؤمن: نعم يا ختي، اخرج ايه، هو انا متجوزك عشان اتساير معاكي ولا ايه، لااااا انتي كده هتبتديها غلط وانا بصراحه خلقي ضيق وبتخنق بسرعه
مي زقته خرجته وقفلت الباب وهو لسه بيتكلم
مؤمن: اه يابنت المجنون...... ولا بلاش عشان عيب، (وبصوت عالي) ماشي يابنت عايده، ليكي يوم، وحياة امي مهرحمك، هههههه
مي في اوضتها ضحكت على كلامه وطلعت هدوم ليها، وقلعت الفستان بعد معاناه ولبست اسدالها وخرجت
مؤمن قاعد ببدلته وجاب اكل من المطبخ وقاعد بياكل
مي: مؤمن، انت هتهزر، مش تستناني ناكل مع بعض،،
مؤمن : استناكي ليه،، انتي بقالك ساعه جوه وسامعك بتعاني في الفستان استنيت تناديني لقيتك عملتي فيها سوبر هيرو وعذبتي نفسك، انا بقه مبحبش أعذب نفسي،، كنت جعان وكلت!
عادي يعني
مي : ماشي يا مؤمن براحتك، انت حر، وسابته وماشيه، لكن هو قام جري ومسكها من وسطها، بذمتك ده منظر عروسه، طالعالي بالاسدال يامي،
مي اتكسفت: انا لبست الاسدال على ما ادخل الحمام اخد دش واتوضي،
مؤمن : اممممم، ماشي خلاص ادخلي وانا برده هغير هدومي واتوضي
وفعلا مي خرجت من الحمام ومؤمن دخل اخد دش بعدها واتوضي وخرج ولقاها قاعده برده بالاسدال
مؤمن :اممممم، هي ليله باينه من اولها، ماشي، يلا يا مي نصلي
وصلوا دعوا ان ربنا يديم عليك السعاده والحب
مؤمن: مي يا حبيبتي، انا هخرج، وانتي غيري هدومك، وحصليني ، وياريت يا مي، تحاولي تتعاملي عادي انا جوزك على فكره مش واحد من الشارع، وباس جبينها وخرج
مي قلعت اسدالها وكانت لابسه قميص قصير لونه احمر ورشت برفان خفيف، وفردت شعرها وكان طويل، وحطت لمسات خفيفه من الميكب وخرجت وهي هتموت من الكسوف
مؤمن كان قاعد على السفره ومستني مي عشان يتعشوا لانه واثق انها مأكلتش من الصبح
مي خارجه ووشها في الأرض،
مؤمن اول مشافها ووقف وتنح ليها ولجمالها
مؤمن؛ : احم، احم (لنفسه) لااا امسك نفسك ياض يا مؤمن بلاش تهور،،،
وقرب منها ملكة جمال يا حبيبتي والله،
مي بكسوف : ربنا يخليك ياحبيبي،
مؤمن تعالي بقه ناكل وبعدين نشوف هنعمل ايه في الليله دي
مي ضحكت قوي وسكتت
مؤمن: اضحكي اضحكي،، مي انا قولتلك يا حبيبتي تعاملي عادي، مش دمري أعصاب امي، حرام عليكي كده والله
مي قربت منه : وهو انا كده عملت حاجه
مؤمن شالها من على الأرض وهي اتفاجئت بكده
مؤمن: انا هعرفك دلوقتي انتي عملتي ايه
مي : لا يا مؤمن، استنى انا جعانه، عشان خاطري استنييييي
مؤمن دخلها الاوضه ونزلها على السرير : قعد جنبها وهمس ليها،،،، وحشتيني يامي
مي تاهت في عينيه : انت وحشتني اكتر يا مؤمن
مؤمن شال خصلة شعر من على عينيها وقرب منها وباسها باشتياق ومي بادلته نفس الشعور وكان احساس الحب والعشق مسيطر عليهم، وقضوا وقت جميل مع بعض
واخيرا مي، بقت ملك لمؤمن المرشدي وبس
-------------- بقلم شيمو الخطيب
احمد وهنا وصلو شقتهم،
احمد :يااااااه ياهنا، انا بجد تعباااان قوي،
هنا: قربت منه،،، سلامتك ياقلب هنا، ادخل خد حمام، وانا هجهزلك العشا واحطه على السفره
احمد: لا يا ملاكي، متتعبيش نفسك، انا هاخد حمام واحضرلك العشا واجيبه لحد عندك
هنا: حبيبي ربنا يخليك لقلبي يارب، وبعدين هو انا هحضر ايه، ده انا كل اللي هعمله هفتح الأكياس وارص الاكل، ما كله دليفري يا حبيبي.
احمد: انا مش عايزك تتعبي نفسك في اي حاجه، انا هفرح قوي لو خدمت مراتي حبيبتي، انتي بس تؤمري وانا عليا التنفيذ
هنا حضنت احمد، : حبيبي، ربنا ميحرمني منك ابدا، انت بجد مصدر سعادتي يا احمد
احمد :هنا،،،، ممكن أسألك سؤال
هنا: ايوه طبعا يا حبيبي، أسأل
احمد: هو انتي ليه اتعاملتي مع ندى كده
هنا: ههههه،، هو ده السؤال؟ ،،،، عموما ندى كويسه يا احمد، بس تربيتها كانت غلط، وبعدين انا حاسه انها اتغيرت، ولازم اساعدها عشان تحس انها بقت احسن، لكن لو قفلت الدنيا في وشها، صدقني الخطوه اللي مشيتها لقدام، هترجعها عشره لورا، وانا محبش ابقى سبب في إحباط حد، ولا احب ارد حد ابدا مهما عمل فيا،،
احمد باعجاب شديد: ربنا يخليكي ليا يا هنا، ويقدرني على اني اسعدك، زي مابتسعديني
هنا: طول مانت جنبي وفي حياتي يا احمد، انا اسعد واحده في العالم كله
احمد ضم هنا لقلبه، وخرجها من حضنه وباسها باشتياق، وقضوا أجمل ليله مع بعض،
بعدها...
هنا بتعب: ااه يا احمد حاسه اني تعبانه ومرهقه قوي
احمد: انا اسف يا حبيبتي، بس بجد كنت مشتاق ليكي جدا، حاسس اني في شقتي باخد راحتي اكتر، انا بجد اسف ياهنا غصب عني والله
هنا :قريت منه ومسكت ياقة تيشيرته بدلع،،، حبيبي،، ربنا يقدرني واكون سبب سعادتك دايما يا احمد
احمد: تكوني!!!! انتي فعلا مصدر كل حاجه حلوه في حياتي ياهنا، انتي الهنا كله يا حبيبتي
هنا باست احمد من خده وقامت تاخد شاور وخرجت وكان الفجر قرب يأذن، واحمد اخدشاور وخرج وصلوا مع بعض،
ونقول بعد مروور ٥ شهووور
الحلقة الخامسة والعشرون من هنا
لقراءة باقي الفصول الجزء الثانى من هنا
لقراءة الجزء الاول جميع الفصول كاملة من هنا