روايةاحتل قلبي
الفصل التاسع
بقلم دنيا
فهد: اخد ال بتحبني ??
مجده: ايوة لان انا يهمني سعادتك ي حبيبي وال بتحبك هي ال هتعرف تسعدك
فهد: سعادتي هتكون مع ال انا بحبها وال قلبي هيختارها
مجده: خد ال بتحبك ي فهد واسمع كلامي، متكسرش قلب حد ي ابني بترجاك
فهد: بتهزري انتي ولا بتتكلمي بجد، مش عايزاني اكسر قلب حد وابنك قلبه يتكسر عادي
مجده: انت من امتي بتحب عشان قلبك يتكسر
فهد: محبتش قبل كده بس يوم م احب تروحي انتي تعترضي ع قراري، صدقيني مش هاخد غير ال قلبي اختارها ي امي
، حتي لو ندي بزات نفسها هتعارضني هاخدها بردو، عشان هي كل ال هاممها مشاعر اختها بس كفايه ظلم ف مشاعرنا
انا مستحيل اضحي بمشاعري عشاان سعاده حد تاني ولا هسمح ل ندي هي كمان انها تضحي "مشي وراح ع اوضته وكلم عمه واتطمن عليه "
فهد : عندي ليك اخبار حلوة اوي
حمدي : طب فرحني يلا
فهد: بناتك الاتنين جالهم عرسان، يلا تعالا عشان الناس عايزة تتقدم ولا اخدهم واجي لحضرتك الصعيد بقا
حمدي : بتتكلم بجد
فهد: اه والله يلا تعالا بقا
حمدي: حاضر ي فهد اسبوع كده وجاي والله ، عريس مها كويس ول لا ده الاهم
فهد: كويس جدا ومحترم
حمدي: طب الحمد لله، ندي بقا هوافق من غير حتي مشوف عريسها ده
فهد: لي كده
حمدي: مها طيبه ومحتاجه حد طيب زيها لانها لو خدت واحد صعب مش هتعرف تاخد معاه حق ولا باطل لكن ندي اعوز
بالله من لسانها هتعرف تاخد حقها تالت ومتلت وهفرح لما تتجوز وتمشي من وشي وخليه هو يتدبس فيها بقا
فهد: يتدبس فيها ... احم الله يكون ف عونه والله
حمدي: يارب ي اخي دي بلوة سودا لاي حد ياخدها الكلام ده بيني وبينك طبعاا
فهد: ضحك " اااه طبعا امال اي
حمدي: دي ام المشاكل ال ف الدنيا، كانت بتتخانق ف المدرسه والدروس والبيت والشارع مع الجيران، كان اي
حد يدايقها تغلط فيه وعندها بدل اللسان عشره انا والله معارف هي طالعه وحشه كده لمين بس مش مهم، الاهم اني
فرحان انها هتطلع من وشي وياريت تتجوز ع طول مش تتخطب بس بدل متتخانق معاه ف فتره الخطوبه ويفشكلو ربنا يستر
فهد: انت فرحان ف العريس اوي
حمدي: ايوة، ال يشوف ندي من برا يعحب بيها ويحبها اما ال يعاشرها ويعرف طبعها هيكرهها اوي، خايف متلاقيش
الحب ولا تلاقي ال يحبها ي فهد بسبب اسلوبها، الناس لما تلاقي لسانها وحش عمرهم مهيشوفو الحلو ال جواها ولا طيبه قلبها، هتظلم نفسها وهتظلم الشخص ال معاها
فهد: هتتغير، اوعدك انها هتتغير
حمدي: بتمنا والله
....
"خلص المكالمه والباب خبط وهو نايم ع السرير ولابس الشورت بس "
فهد: والله مكسل اقوم البس انا هروح اتغطي كويس كأني نايم عشان مش فاضي للكلام ال ملوش لازمه ، ادخل يال بتخبط
ندي: فتحت الباب ودخلت " انت نايم ي فهد انا ااسفه ع ازعاجك
فهد : لالا نايم اي تعالي "وقام بسرعه وقرب منها وهي عدلت وشها الناحيه التانيه " مااالك
ندي: اي هو ده ال ماالي، روح البس هدووومك
فهد: ي نهار اسود ثانيه بس "ولبس تيشرت وراحلها " ها كده تمام
ندي: يعني تمام
انا كنت جايا اسئلك ع حاجه ف الماده الغبيه دي لان خدنا اخر جزئيه ف شرح الدرس ده انهردا وكان ف جزئيه امبارح واول امبارح وكده بس انا مكنتش بروح ف جيت ازاكر معرفتش اقرا خطك المعفن ده ف جيت تقرالي وتشرحلي بالمره
فهد: تعالي طيب "وقعدو ع الكنبه وفضل يزاكرلها كتير ويشرح ليها وهي النوم خلاص بقا ف عيونها وعماله تنام ع نفسها " ندي كفايه مزاكره لحد كده تعالي اوديكي اوضتك
ندي : يلا
"ومسك ايدها ونزلو ع تحت و وداها اوضتها ونيمها ع السرير وغطاها كويس وبيملس ع شعرها بهدوء "
فهد : ياربي ع جمالك ي ندي ، ربنا يجعلك من نصيبي ويجمعني بيكي ع خير وتنامي ف حضني دايمااا "سابها ومشي وبيقفل الباب بهدوء وشاف مها وهي بتقرب عليه "
مها: ازيك يفهد
فهد: الحمد لله
مها: عرفت بموضوع العريس ال جالي
فهد: اكيد
مها: وردك اي بقا
فهد: فرحتلك والله وموافق ونفسي تتجوزي خالد
مها: فهد انت عرفت اني بحبك انت ومش عايزه غيرك انت "اترمت ف حضنه وبتمشي ايدها ع ضهره " محتجالك ي فهد
فهد: بس انا بحب ندي
مها: فهد انا "وحطت ايدها ع وشه وهتقرب من شفايفه راح بعد '"بحبك
فهد : مش زنبي ي مهااااا بترجاكي متصعبيش الموضوع عليااا "سابها ومشي وهي ادايقت جدا ودخلت اوضتها"
_______
"الصبح وندي صحيت ولبست وبتدور ع كشكولها وافتكرت انه ممكن يبقا فوق عند فهد ، طلعت وخبطت خبطتين ومحدش رد واطرت تدخل ولقيته نايم، خدت الكشكول من ع النرابيزه ولسه هتمشي بس وقفت وفضلت تتأمل فيه وف جمالو وقالت لنفسها "
ندي: بقا ده شاب يترفض بردو، عقلي مسيطر ع قلبي ومش عارفه اسمع كلام قلبي ولا عقلي "قربت منه وقعدت جنبه ع السرير وبتبصله وبتمشي ايدها ع شعره بحب وبتقول لنفسها " مالك ي ندي لي بتضعفي كل ما تبقي جنبه لي روحي بتبقا ريحالو لي حبيتو اصلا من الاول وهو المفروض يبقا مع اختي "جايا تمشي بس مسك ايدها وشدها لحضنه وبقت عليه ولف ايديه حوالين وسطها "
ندي: فهد ف ااااي اابعد
فهد: اقسملك بالله ده احلي صباح ف الدنيا، لما افتح ع نظره من عيونك الحلوة دي
ندي: طيب اوعا بدل مخلي اخر صباااح، ااه ي فهد شيل ايدك
فهد: سلامتك من الاه ي قلب فهد ، ع فكره كلمت ابوكي ولما يجيي هطلب ايدك رسمي
ندي: انت اتجنيت، هتسيب ااااختي وهتتجوزني انا
فهد: اي هسيب اختك دي هو نا كنت مرتبط بيها اصلا عشان اسيبها، انا حبيتك انتي وانتي ال هتكوني خطيبتي ومراتي
ندي: انا هوافق عليك ف حاله واحده بس ي فهد
فهد: اي هي
ندي: لو مها وافقت ع العريس ال جايلها
فهد: نعممممممم ولو موافقتش يعني
ندي: انا كمان مش هوافق
لو هي وافقت هعرف انها خلاص شالتك من تفكيرها ومش هتزعل عليك تاني ف انا هوافق عليك عادي ومش هزعل اختي
لكن لو رفضت ف هي هتبقا رفضت عشانك وانها هتكون لسه حاطه امل انها تاخدك ونا مستحيل اكسرها لما اخدك منها
ده ال عندي ي فهد