#فرح
الفصل التاسع والعاشر
بقلم مروه السيد
سلمى ... بس انا مش همشى معاكم
اسماعيل ... انتى بتقولى ايه يلا اسمعى الكلام
عبد الرحيم ... مالكش دعوه بيها وتقدر تكلمها تطمن عليها لو هى حابه تزورك هتجيلك
اسماعيل ... يعنى ايه اخدوا ابنى منى وهتاخدوا بنتى كمان
عبد الرحيم ... ابنك اللى عمل كدا فى نفسه وبنتك هى اللى مش حابه تروح معاك مكان ماهى عايزه تقعد هتقعد
سلمى... بابا انا عايزه اقعد هنا انا زهقت من طمعكم
اسماعيل ... يضربها بالقلم انتى بتقولى ايه انتى قليله الادب
منال... تاخد سلمى فى حضنها قليله الادب دى طلعت احسن منك امشى يلا وسيب قليله الادب مع اللى زيها
اسماعيل ياخد شاهيناز ويمشى وهو متعصب
سهير ... متزعليش يابنتى انتى هى زى ندى وفرح وسما
سلمى ...ربنا يخليكم ليا
احمد .... انتى ثانويه عامه فوقى لدراستك ومتشغليش بالك باى حاجه
سلمى ... حاضر ياعمى بس انا عندى مشكله
عبد الرحيم... ايه هى
سلمى .... انا لسه جايه جديد ومعرفش حاجه عن الدراسه هنا دا غير انى محتاجه حد يشرحلى دروسى
عبد الرحيم... حازم تعرف تشوف مدرسين يجولها هنا يدوها دروس
انور... انا ليا واحد صحبى مدرس عربى وممكن اساله على مدرسين كويسين
عبد الرحيم... المهم يكونوا كويسين عشان الدكتوره سلمى
انور.... متقلقش ياجدى مش هجيب لها اى حد
عبد الرحيم.... خلاص كلم صاحبك دا يجى من بكره وخليه يشوف مدرسين باقى المواد
انور... لا مش هينفع بكره اصل دا اللى قاعد مع ماهر
حازم.... انت مقعد مدرس مع ماهر انا مش هشتم بس ادينى مبرر
انور.... مؤقتا لما جدى كلمنى ما لاقيتش حد غيره قدامى وبعدين انا وعده بيومين اتنين بس عشان شغله فلازم ألقى حد تانى ضرورى
مراد ... سيبوا دا عليا انا المهم بقا هاكل ولااسيب لكم البيت وأكل بره
سعاد.... لا اكل بره لا الفطار مكان لسه قوم كل وخد فرح معاك بدل ماتاكلنا هى كمان
حازم.... سيب فرح انا عازمها بره وهنقضى اليوم سوا
مراد .... طيب ماتعتبرنى اخوك وتاخدنى معاكم
ندى .... ياخد مين ياعم انت خلاص كدا هينسى اننا اخواته دا معاه فرح
الكل بيضحك على مراد وندى
عبد الرحيم ... طيب خليك انت جدع وخد البنات اعزمهم
مراد ... اتعزم اه لكن اعزم لا معطلكوش
انور ..بضحك خلاص ياعم انا عازمكم يلا يابنات اجهزوا بسرعه
احمد وأمجد ولاد منال .... واحنا
منال.... انتم قدامى على البيت عشان عندكم دروس
احمد الصغير.... يوووووه يعنى ناس تتفسح وناس تاخد دروس
فرح.... معلش بقا مره تانيه عشان دروسكم
سما.... طيب انا معنديش دروس
انور.... ما انتى جايه معانا
نجرى بالاحداث شويه
على بدء دروس مع سلمى وإسماعيل وبنته بيفكروا هيرجعوا ماهر ازاى ويرجعوا تانى الفيلا وماهر لسه محبوس لكن الضرب والحبس جعلوه يعيد حساباته والكل فى فيلا عبد الرحيم سعيد سلمى مهتمه بدراستها وعلى دايما بيساعدها لو فى حاجه وقفت معاها بتكلمه وبيشرحها لها ويأتى يوم الخطوبه والكل بيستعد
عند فرح والبنات حواليها
فرح..... ايه رايكم يابنات طالعه حلوه
سلمى.... تجننى
ندى... فعلا ماشاء الله عليكى قمر انا اخاف احسن تتحسدى
فرح .... يابنات انتم اللى قمرات فعلا ناوين تطلعوا بعرسان النهارده ولا ايه
سلمى ... لا ياختى انا لسه قدامى المشوار طويل
سما... وانا لسه فى إعدادى مشوارى اطول من سلمى
فرح... يبقى الدور على ندى
ندى.... لما التقلان عليا دا يحن
سلمى... اوباااا مين دا اعترفى بسرعه
فرح.... انور اخى العزيز
سعاد وسهير يدخلوا لهم
سهير .... ماشاء الله ربنا يسعدكم يابنات كلكم قمرات
سعاد... ربنا يحميكم يارب
عند حازم ومعاه انور ومراد
انور ... انا محضر مفاجأه النهارده هتصدم الكل
حازم .... اوعى تفجر المكان انا لما صدقت اليوم دا جه
انور... وهو بيضحك هتتفاجئ فعلا محدش يعرف غير جدو
مراد..... انور طول عمره كتوم بس عندى احساس أنه اتجوز وناوى يعرفنا عليها النهارده
انور ... يضربها بهزار وكلهم بيضحكوا
حازم.... مراد كتوم اه بس مش لدرجه يتجوز من ورانا
انور.... مهما تعملوا مش هقول ويلا بقا عشان تاخد عروستك وتنزلوا نبدء الخطوبه ولا ناويه نقضيها هنا
ويروحوا عند فرح وحازم ينبهر بجمال فرح وأنور متنح لندى وشايفها ملاك فى فستانها الروز والميكاب كان هادى جدا مطلعها ملاك ينزل فرح فى ايد حازم وسط زغاريط سعاد وسهير وتبدء حفله الخطوبه
وأنور...
فرح
الفصل العاشر
فى الخطوبه انور يمسك الميكرفون ويبارك لفرح وحازم ويروح عند ندى يقف أمامها ويطلع من جيبه خاتم الماظ ويطلب ايديها قدام الناس ندى بتبصله وفرحانه
والكل مزهول ن انور عمل كدا وفى نفس الوقت فرحانين
انور... ها ياندى وافقى عشان تبقى خطوبتين
ندى ... تهزر رأسها أنها موافقه وأنور يلبسها الخاتم وحازم يلبس فرح شبكتها وتبدء الحفله
علي.. عينه منزلتش من على سلمى من اول ما شافها معجب بيها
عند اسماعيل وشاهيناز
شاهيناز .... ايه يابابا هنسكت على كدا هنسيب ماهر الله اعلم عملوا له ايه والخطوبه تمت وعادى كدا
اسماعيل ....الخطوبه تمت بس الفرح لسه اصبرى وماهر متخافيش ممكن يضرب ويتهان لكن ولا جدك ولا اعمامك مجرمين هيرجع هما فاكرين أنهم كدا بيأدبوه
شاهيناز .... متاكد يا بابا
اسماعيل ...يعنى فاكره انى مش هخاف على ابنى يعنى يلا يلا قومى البسى خلينا نروح نبارك
شاهيناز... لا روح انت انا تعبانه وعايزه انام
اسماعيل ... مينفعش لازم يبان اننا حسينا اننا غلطنا وندمانين ونروح نبارك
شاهيناز ....بس يابابا
اسماعيل ... مفيش بس يلا اسمعى الكلام ااجهزى بسرعه عشان اتاخرنا
شاهيناز... تطلع وتتكلم فى التليفون مش هينفع اجيلك النهارده معلش
اللى بيكلمها.... ازاى يعنى انا مستنيكى من بدرى واجلت شغلى عشانك
شاهيناز.... شغل ايه احنا هنستهبل اضحك على حد تانى مش عليا يلا سلام لازم اقفل بقا
اللى بيكلمها..... ماشى يا شاهى نتقابل بكره ولو مجتيش متزعليش بقا لما الفيديوهات توصل لعيله عبد الرحيم
شاهيناز.... حيوان هجيلك بكره بس تدينى الفيديوهات اللى معاك دى يارامز
رامز .... انتى بتحلمى واجيبك وقت ما اكون عايزك ازاى الفيديوهات دى معايا عشان اضمنك فاهمه ويقفل
شاهى... اه يا حيوان بتقفل فى وشى انا ماشى اوصل بس للفيديوهات وبعد كدا هوريك وتروح تكمل لبسها ويروحوا الخطوبه محدش وافق يسلم عليهم
امجد.... انتم ايه جابكم هنا لو حاولتوا مجرد محاولة تبوظوا خطوبه بنتى مش هسيبكم
اسماعيل ...امجد احنا غلطانين وندمنا
امجد ... مش مصدقك اكيد بتخطط لحاجه
عبد الرحيم ... امشى من قدامى انت وبنتك ومشوفش وشكم هنا تانى
شاهيناز بتمثل أنها بتعيط
جدو حبيبى متزعلش مننا احنا كنا غلطانين وجاين نبارك بس لفرح وحازم
احمد ..بغيظ وأنور وندى كمان عشان اتخطبوا
اسماعيل ... بجد مبروك يا احمد ياحبيبى ربنا يسعدهم يارب
احمد ... يارب طول ما انتم بعيد عننا هنبقى بخير وفرحانين ويلا بقا بدل مايبقى شكلكم وحش قدام الناس وانتم بتترموا بره الفيلا
يمشى اسماعيل وشاهيناز وينتهى اليوم بسلام فى اليوم التالى الكل مجتمع على الفطار ماعدا فرح وندى
حازم.... فرح ومتعودين أنها بتصحى متأخر لكن ندى فين كل دا
سلمى ... خبط عليهم محدش رد شكلهم نايمين ليه
انور.... خطيبتى اتعديت من خطيبتك ربنا يستر
حازم.... مالكش دعوه بخطيبتى تصحى براحتها
سعاد ... مكانش بيعجبك انها بتصحى متأخر
انور... حازم اتغير خالص مش شايفه بقا هادى ازاى وبيضحك ويهزر من يوم ما وافقت عليه
حازم.... بقا كدا مااااشى يا انور هرد عليك بس لما نكون لوحدنا
مراد ... اهوه رجع تانى لطبيعته خاف على نفسك يا انور
ندى.... صباح الخير
الكل ...صباح النور
عبد الرحيم ... ايه ياندى كل دا نوم
ندى ... وعايزه اكمل نوم كمان مش قادره هفطر واطلع انام تانى
انور... مفيش كليه ولا ايه
ندى ... اعتبرونى اجازه النهارده مش قادره وفرح كمان صحيت وقالت مش قادره تقوم
حازم... مالها تعبانه
ندى... أهدى أهدى احنا عشان سهرنا امبارح
انور... طيب ماحنا كمان سهرنا معاكم وصاحين فى معادنا
سلمى.... لا هما سهروا لما طلعنا
عبد الرحيم .... وانتى ياسلمى مش كنتى معاهم
ندى.... لا ندى ملتزمه بتنام بدرى قالت عندها درس ولازم تبقى فايقه
عبد الرحيم ... درس ايه
سلمى ... عربى
انور... طيب لو مكسله شبهم كدا علي عادى اتصل بيه وناجله
سلمى... لا لا لا انا نمت بدرى وفايقه اهوه العربى صعب ومينفعش ألغى ولا حصه
عبد الرحيم... لو صعب اوى نخليه يكثف الحصص ومالكيش دعوه بمرتبه
سلمى ... ياريت ياجدو
ندى... تلاحظ أن سلمى معجبه بعلي فتحب تزاولها
انا عندى مدرس عربى تانى كان بيدينى انا وفرح كويسه لو مش فهمه من دا
سلمى بسرعه... لالالالا انا بفهم منه حلو اوى بس العربى اللى صعب يعنى المشكله مش فى مستر علي
انور ... طيب الحمد لله شرفنى وطلع مدرس بجد مش اى كلام عقبال ماتشرفينا وتبقى اشطر دكتوره
عبد الرحيم ... ان شاء الله هتبقى احسن دكتوره
سلمى... يارب ياجدو
عند ماهر... انا عايز أخرج من هنا لازم اصلح كل حاجه خرجونى
شخص1 ... اسكت بقا شويه من امبارح مصدعنا
ماهر ... ارجوكم حد يتصل بجدى عايز أكلمه
شخص1 ... معنديش أوامر افتح الباب هتاخد التليفون ازاى لما يجى انور بيه نبقى نشوفه
شخص 2 ... ماتكلم انور بيه يمكن يقولنا نسيبه بقا
شخص 1... قالى ما اتصلش بيه الا للضروره خلاص اسكت لما انور بيه يجى
ويمر الوقت دون احداث تذكر وتاتى امتحانات نصف العام
فى فيلا عبد الرحيم
سلمى يابختكم هتاخدوا اجازه كمان اسبوع وانا مكمله كمان كام شهر
فرح.... دا قر عينى عينك كدا
سلمى ... اه انا تعبت ونفسى اخد اجازه حتى لو اسبوع واحد
ندى... ما المدرسين بيدوا فعلا اجازه اسبوع اكيد هتاخدى اجازه
سلمى .... لا مستر علي قالى هيكثف ليا فى الأسبوع اللى هاخده اجازه من باقى المواد
فرح... دا ليه دا ايه الرخامه دى
سلمى ... بيقول انى شاطره ولو اخد اجازه هنسى كل اللى فات
ندى... ولا لقاها فرصه يشوفك كل يوم
سلمى... فرصه ليه مش فهمه
ندى... بجد مش فهمه طيب مش اخده بالك أن مستر علي مهتم بيكى طيب جربى تغيرى اى حاجه فيكى كدا هتلاقيه اخد باله
فرح ... اوباااا دى كدا حاله اعجاب
ندى.... وممكن نقول الحب ولع فى الدروس
فرح وندى بضحك مالك ياسلمى
سلمى .... عمالين تتريقوا عليا
فرح... لا مش تريقه وفيها ايه لما تتحبى وتحبى
سلمى... فيها إن فى قدامى 7 سنين كليه ومش هتنازل عن طب ولو حبيت دالوقت هيقولوا فرح وجواز وبابا لما يصدق وهلاقى نفسى دخلت اى كليه ادبى
فرح.... اييييه كل دا وبعدين مايمكن يوافق تكملى اللى بيحبك بجد هيشجعك تكملى
تدخل سما فى هذه اللحظه
سما ....هاااااأااا وخلصت امتحانات
ندى .... بت انتى مشوفش وشك الا لما اخلص
سما ... اشمعنى انا اخواتى كانوا بيغظونى أنهم خلصوا قبلى انا بقا اغيظكم
سلمى ياعينى عليا كله بيغيظ فيا
فرح... معلش بكره تخلصى عند عبد الرحيم
احد الخدم يعطى لعبد الرحيم ظرف وتقول له حد ساب الظرف دا وقال يوصل لحاضرتك
عبد الرحيم .. طيب روحى انتى عبد الرحيم يفتح الظرف يلاقى فلاشه يديها لاحمد ويقوله شغلها خلينا نشوف فيها ايه ومين بعتها
احمد... حاضر ثوانى هجيب لاب توب حد من الاولاد
ويلاقوا حازم وأنور فى اللحظه دى
احمد... حد يجيب اللاب بتاعه
حازم كان معاه لاب يديه لابوه ويشغلوا الفلاشه ويتصدموا كلهم من اللى شافوه .....