رواية فرح
الفصل الحادى عشر
بقلم مروه السيد
عبد الرحيم.... اقفلوا البتاع دا ايه اللى انا شايفه دا حازم وأنور تجبولى الولد اللى فى الفيديو دا وأحمد وأمجد تيجوا معايا
حازم وأنور .... حاضر
احمد .... هنروح فين
عبد الرحيم ... لاسماعيل نشوف بنته اللى بيقول مربيها
احمد .... طيب مانبعت نجيبهم يابابا انت هتقدر تروح
عبد الرحيم ... لازم نروح مينفعش نجيبهم مش عايز حد يعرف حاجه
امجد.... خايف على بنته من الفضيحه وانا بنتى اتفضحت بسببهم
عبد الرحيم.... بنتك معملتش حاجه عشان تتفضح يا امجد وبعدين انا مش عايز البنات يشوفوا حاجه زى دى خايف عليهم هيعملوا ايه لما يعرفوا بنت عمتهم كدا وسلمى اكتر واحده هتتاثر
احمد... بابا عنده حق يا امجد يلا بينا
عبد الرحيم ...يلا بينا وهاتو اللاب دا معاكم بتعرفوا تشغلوه بس
امجد ... ايوه يا بابا بعرف
عبد الرحيم ... حازم خد انور وامشوا يلا لازم توصلوا للولا دا فى اسرع وقت وتتصلوا بيا لما يكون معاكم
حازم .... حاضر ياجدو
ويمشوا كلهم ولكن فى هذه اللحظه كانت واقفه سلمى على السلم وسمعت كلامهم وطلعت عند فرح وهى بتعيط كانت بتذاكر هى وندى
فرح ... سلمى مالك فى ايه
سلمى ... ممكن تتصلى بحازم عايزاه
فرح... حاضر بس فهمينى
سلمى... معلش يافرح مش هينفع دالوقت
فرح ... حاضر وتتصل بحازم تدى التليفون لسلمى
حازم .... ايوه يا حبيبتى معلش عندى شغل هكلمك بعدين
سلمى.... انا مش فرح يا حازم كنت عايزه اقولك حاجه بخصوص اللى حصل دالوقت
حازم.... ايه اللى حصل
سلمى .... انا كنت على السلم وسمعت كل حاجه ومردتش حد يشوفنى عشان دى اختى وشكلى بقا وحش قدامكم مش هقدر احط عينى فى عين حد منكم تانى
حازم.... سيبك من الهبل دا دالوقت لما ارجع نتكلم عرفينى بس تعرفى ايه
سلمى... شاهيناز كانت تعرف واحد اسمه رامز عن طريق النت من قبل مانيجى هنا وانا شوفتها مره وهى بتكلمه فيديو وطبعا لما كلمتها اتخانقت معايا وقالتلى مالكيش دعوه وهددنى لو اتكلمت هتخلى بابا يقعدنى من المدرسه ومكملش تعليم عشان كدا سكت كل دا بس معرفش بقا هو دا اللى كان فى الفيديو ولا لا
حازم .... طيب متعرفيش اسمه رامز ايه ولا ساكن فين اى معلومه عنه
سلمى... اسمه على الفيس رامز حسن وحاطط صورته هتلاقى شاهيناز صديقه مشتركه أكيد
حازم.... تمام شكرا ياسلمى لما ارجع نتكلم خليكى صاحيه
سلمى... معلش ياحازم انا همشى دالوقت هترجعوا مش هتلاقونى سلام وتقفل قبل ما يرد
ندى.... ايه الكلام دا انا مش فهمه ايه اللى حصل سلمى تسيبهم وتروح اوضتها وهى بتعيط
تليفون فرح يرن
حازم .... فرح اوعى سلمى تمشى لحد مانيجى خليكم معاها كلكم محدش يسيبها
فرح.... حاضر بس فى ايه انا مش فهمه
حازم....مش مهم دالوقت المهم شوفى عمتى هى اللى هتقدر عليها ومتخليهاش تمشى
فرح... حاضر وتقفل معاه
فرح .... ندى روحى لسلمى ومتخليهاش تمشى وانا هشوف عمتوا واجيبها عشان تقنع سلمى تقعد
وتروح فرح تدور على عمتها تلاقيها فى المطبخ مع سعاد وسهير
فرح.... عمتو عايزاكى
منال .... خير يافرح فى ايه
فرح... بصى انا مش فهمه حاجه بس شكل شاهيناز عملت حاجه وسلمى عايزه تمشى من هنا عشان مكسوفه من اللى اختها عملته وحازم قالى أنك هتعرفى تقنعيها تقعد لحد مايرجعوا بس
منال... طيب يلا بينا
ويروح منال وسعاد وسهير مع فرح لسلمى
عند حازم وأنور
حازم ... سلمى قالتلى أن شاهيناز تعرف واحد اسمه حازم من مصر عن طريق النت
انور.... وهنوصل له ازاى
حازم ... عن طريق النت صديق عندها على الفيس
هفتح وادور عليه
عند سلمى.....
فرح
الفصل الثانى عشر
ندى.... ياسلمى انتى غيرهم محدش هنا بياخدك بذنب ابوكى ولا اخواتك
يدخل فرح وعمتها وسهير وسعاد
منال.... سلمى فى ايه هتمشى ليه
سلمى بعياط ياعمتو شاهيناز عملت كارثه وانا مش هقدر ابص فى وش جدى ولا اعمامى بعد اللى عملته
سهير... هى اللى عملت ولا انتى متفكريش كدا محدش هنا ولا جدك ولا اعمامك هياخدك بذنبها لو بياخدوا حد بذنب حد كنتى مشيتى معاهم ومقعديش هنا خالص اقعدى ياسلمى ذاكرى ومتشغليش بالك باللى بيحصل حواليكى ركزى فى دراستك وبس
سلمى .... بس ياطنط
سعاد ....خلاص ياسلمى بقا متزعليش حد منك
سلمى.... حاضر ممكن طلب
منال ... اؤمرى ياحبيبتي
سلمى .... ممكن حد يكلم مستر علي يلغى درس النهارده مش هعرف اخد الدرس وانا كدا
ندى.... انا هكلم انور يلغيه
سلمى ... ياريت
ندى ... هروح انا اكلمه وندى تكلم انور يلغى الدرس
عند انور وحازم
حازم .... فتح نت ووصل للاسم ولما شاف صورته طلع هو
انور... حازم ركز فى شكله حاسس انى شوفته قبل كدا
حازم... مش فاكره
انور... بس انا شاكك أن هو
حازم... هو مين انت تعرفه
انور... ايوه اول ما مسكنا الشركه انا وانت كان فى واحد شغال فى الحسابات وبيسرق وانت رفده
حازم بيحاول يفتكره ايواااا افتكرته رامز محمد هو شكله بس اسم الاب مختلف
انور.... ما يمكن هو اللى مغيره وبينتقم فكر كدا شويه ايه اللى يخلى واحد يصور فيديو مع بنت ويبعته لأهلها وهو باين فيه إلا لو بيقولنا انا اهوه واخد حقى بطريقه تانيه احنا فضحناه فى الشركه بالسرقه وهو فضحنا فى البلد بسبب شاهيناز
حازم... عندك حق يبقى لازم نطلع على الشركه نجيب عنوانه من الملف بتاعه بس تفتكر عرف يوصل لشاهيناز ازاى وهى كانت عايشه بره البلد
انور... مش عارف بس ممكن لما كانت بتنزل اجازه
عند اسماعيل
يصل عبد الرحيم وأبنائه
اسماعيل باستغراب من الزياره .... اهلا اهلا بابا واخواتى شرفتونى
عبد الرحيم ... فين بنتك المحترمه
اسماعيل .... فى اوضتها خير
احمد .... ناديها يا اسماعيل
اسماعيل .... طيب افهم عايزينها ليه
عبد الرحيم .... ما تجيبها وانت تعرف
ينادى اسماعيل على شاهيناز
وأمجد يشغل الفلاشه
عبد الرحيم .... افهم ايه دا
شاهيناز ... دا اكيد متفبرج انا لا يمكن اعمل كدا
احمد .... بجد فيديو ومتفبرج شوفت تربيتك يا اسماعيل وصلتك لايه
اسماعيل يقع يطلبوا له الإسعاف فى المستشفى
شاهيناز تقف بعيد عنهم وتتكلم فى التليفون
رامز.... عايزه ايه
شاهيناز ....انت ايه اللى عملته دا اهلى عرفوا ودادى فى المستشفى بسببك
رامز .... عادى ما انا اللى عرفتهم اقولك حاجه وصلى لابن عمك انى رامز محمد وقوليله انى كدا اخد حقى هما فضحونى واتهمونى بالسرقه وانا فضحتهم فى شرفهم سلام يا حلوه ويقفل فى وشها وشاهيناز مصدومه مش عارفه تعمل ايه يطلع الدكتور الكل ... خير يادكتور
الدكتور جاله جلطه
....