_العشق القاتل
بقلم هاجر محمد 🌸 حبيبة 🌸
_الفصل 🌸 العشرين 🌸
_فاقت أسماء من نومها بفزع وهي بتصرخ / كدااااااب عادل مستحيل يكون قتله
_أسرع آسر إليها :- أسماء اهدي واسمعيني
_أسماء ببكاء وصراخ /لا مش هسمعك أنا.... اسمعني إنت خرج لي عادل دلوقتي
_آسر وهو يحاول أن يهدئها / أسماء علشان خاطري اهدي شويه واسمعيني بس
_اسمعني إنت يا أسر خليني اشوفه بس علشان خاطري أنا عارفه إنكم ما فيش في قلبكم شفقه علي حد زيي ولا يهمكم أصلاً بس اعملي المعروف ده وعمري ما هنساه أبداً
_أسماء صديقني أنا حزين إني شايفك بالشكل ده بس الموضوع كبير وأخو كي مش عاوز يساعدني
_أسماء بصراخ في وجهه / علشان هو بريييئ هيعرف منين
_آسر بصوت مرتفع وهو يمسك بكتفيها / لا مش علشان بريئ ياأسماء علشان فعلاً هو متورط
_أسماء وهي تهز رأسها بنفي ودموعها تنهمر كالشلال / لا يا أسر لأ.. أنا عارفه عادل مستحيل مس مستحييييل 😭😭😭😭
_جذبها أسر من ذراعها يهدئها و / كفايا ياأسماء مش قادر اشوفك كده
_العشق القاتل. هاجر محمد. حبيبة
_أسماء وهي لازالت تبكي / وأنا مش قادره أشوف أخويا كده إحنا ما فيش لينا غيره عادل ده أبويا مش أخويا
_لم يعلق أسر وإنما ظل يمسد علي ظهرها بحنان وحزن في نفس الوقت فهو بخبرته متأكد من تورط عادل في قضية القتل لكن كيف يجعلها تستوعب ذلك
_بعد وقت ليس بالقليل أدركت أسماء وضعيتها معه فابتعدت عنه بسرعه و / إ إ إنت إزاي تعمل كده إنت بتستغل وضعي صح أنا سمعت عن وساختكم كتير بس أول مره أشوفها
_أسماء إنتي اتجننتي إيه اللي بتقوليه ده
_بقول إيه معلشي ياأسر بيه غلطت في سيادتك وتقدر تأمر باعتقالي وتعذيبي دلوقتي مش ده الأسلوب اللي إنت برده هتستخدمه مع عادل علشان يعترف علي نفسه وانتم هنا تنالوا رضاهم علشان عرفتوا ترجعوا لهم حق الأمريكي اللي اتقتل علي إيد مصري حتي لو المصري ده بريئ
_اقترب منها أسر مره أخري ولكن بغضب وعصبيه و/ لا ياأنسه أسر سعودي عمره ما يقبل بالظلم ولا يتعدي على حد وأنا لما أخدتك في حضني ده مش عارف حصل إزاي بس كل اللي حسيته اني لازم أعمل كده عارفه ليه ياأسماء لأن قلبي ما اتحملش يشوفك كده مع إن معروف هنا بأسر عديم الرحمه اللي ما فيش عنده قلب أصلاً بس انتي من أول ما شوفتك في المول حسيت ناحيتك بحاجه غريبه بس كنت بقول لا أسر حياته مش له ولما شوفتك عند الجامعه جالي نفس الاحساس وبرده قولت لا بس لما أخدتك في حضني في أول مره حسيت إني كنت بريح نفسي مش بريحك إنتي وأنا عارف إن لا الزمان ولا المكان مناسب بس أنا بقولك اهو بحبك يا اسماء بحبك بس مش هنفع لك بحبك بس أنا ما أقدرش علي الحب وتمنه بحبك وغصب عني مش بإيدي قلبي اتولد علي إيدك إنتي من اول مره بحبك والله العظيم بحبك بس مش هينفع. والتفت أسر بعدها يداري ضعفه عنها
_العشق القاتل. هاجر محمد. حبيبة
_أما هي كانت في عالم آخر أخذ قلبها يعلوا ويهبط بقوه فكرت فيه كثيراً بنفس الطريقه كانت تتخيله دائما أمامها وتبتسم بدون سبب ولكن تتكرر في أذنها / بحبك بس مش هينفع مش هينفع
_رفعت رأسها إليه بينما هو يعطيها ظهره / ليه ليه مش هينفع إنت عارف إني أنا فكرت فيك كده كتير بس عمري ما تخيلت انك تكون زيي أسر أنا بحب
_التفت إليها أسر بسرعه وهو يضع يده علي فمها و / أوعي تقوليها ياأسماء علشان خاطري أنا مش هقدر عليها
_أزاحت أسماء يده /ليه ياأسر علشان أنا فقيره ومش بنت ناس معروفين ولا علشان أخويا متهم ب
_قاطعها أسر و /أوعي تكملي إنتي في عيني الماسه نادره ما فيش منها
_يبقي ليه مش هينفع 😢😢😢😢
_علشان ما ينفعش يبقي ليا نقطة ضعف تاني
_انت كان ليك أولاني قصدي يعني حبيت قبل كده
_أنا مش حبيت ياأسماء أنا عشقت واللي عشقتها كنت السبب في موتها كانت خايفه عليا من الموت لما دخلت المكان ده كانت تسهر طول الليل تصلي وتدعي لي وما تقدرش تاكل ولا تشرب طول ما أنا بعيد عنها بس أنا عمري ما خوفت لأني كان أكتر حاجه ممكن أتخيلها إني أموت أو أتصاب في مهمه بس هي اللي راحت مني وماتت ماتت بسببي أنا وفي حضني وما قدرتش أعملها حاجه حتي وهي بتموت كانت خايفه عليه ومش هقدر تاني ياأسماء مش هقدر
_نظرت أسماء أرضاً دون أن تعلق ولكن دموعها التي ازدادت كانت أكبر رد علي ما يكنه قلبها
_اقترب أسر منها ورفع رأسها ليدقق النظر في عينيها لتسلب ما تبقي من عقله وقلبه / أسماء مش قادر والله العظيم ما قادر أنا تعبت
_كنت بتحبها أوي أوي كده
_كنت بعشقها لأنها ما كانتش أمي بس دي كانت كل دنيتي
_أمك!!! كل الكلام ده علي أمك
_هز أسر رأسه و/ أيوه أمي قالها مع سقوط دمع قاومها كثيراً لكن أبت أن تسمع له
_اقتربت منه أسماء هذه المره ومدت يدها تمسح تلك الدمعه بينما اتسعت عين آسر من فعلتها فنظرت إلي عينيه بحب و / بحبك ياأسر ومش هسيبك تحت أي ظرف إنت اللي بدأت وقولت اللي كان نفسي أسمعه بس نهايته عندي أنا
*وقفت على أطراف أصابعها لتطوق رقبته وتضمه بشده و/ عارفه انه غلط وحرام بس غصب عني أنا محتاجه له أوي ياأسر
_لم يكن منه إلي أن بادلها بالعناق بقوه كأنه بذلك يحميها أو يريد ذلك ولكنه مر أمامه صورة عادل ماذا سيكون أمامها إذا اثبت بالفعل تورطه وهذا هو متأكد منه
_أسماء
_اممم
_متأكده إنك بتحبني وعمرك ما تسبيني
_أيوه ياأسر متأكده وإلا ما كنتش هضحي بشئ غالي وتلاقيني في حضنك كده
_العشق القاتل. هاجر محمد. حبيبة
_حتي لو عادل طلع مش برئ
_ابتعدت أسماء عنه و /بس أنا متأكده انه برئ
_لو افترضنا ياأسماء هتعملي إيه
_في إيه ياأسر
_إنتي عارفه ياأسماء
_دلوقتي ما أقدرش أقولك
_خلاص ياأسماء
_خلاص إيه
_امشي يلا علشان اروحك
_وعادل
_عادل ماله عادل
_هيفضل محبوس كده
_أيوه طبعاً دي قضيه دوليه
_أسر إعمل حاجه أنا عارفه إنك تقدر تساعده
_أسماء أنا مجرد ظابط وما فيش في إيدي حاجه أساعده بيها غير لما يقولي هو مخبي إيه
_تاني ياأسر ماشي طب انا عاوزه أشوفه
_مش هينفع دلوقتي
_ليييه
_دي تعليمات ويلا دلوقتي علشان أوصلك بقي واستني لبكره وأنا هخلكي تشوفيه
_طب وإحنا
_نظر إليها و /دلوقتي ما أقدرش أقولك زيك بالظبط ياأسماء وتركها وخرج
*نزل آسر وأسماء وعند العربيه سمعوا صوت بينادي علي أسماء وكانت دعوه اللي جريت عليها وحضنتها جامد
دعوه /طمنيني عادل عامل إيه
_أسماء /عادل بريئ وأنا متأكده ان ربنا هيوقف معاه علشاني وعلشان أمي
_آسر بتساؤل / أمك!!! هي فين
_في البلد ليه
_لا بسأل بس
_رحيم / عادل وضعه إيه ياأسر
_لحد دلوقتى ما قالش أي حاجه والله أعلم هيوصل لفين المهم دلوقتي خدوا أسماء وروحوا لأن الوقت اتأخر وهي تعبت
هز رحيم رأسه وأخذ أسماء ورحل أما أسر فأخذ سيارته وسافر إلي بلدهم ليتاكد من شكه
===============================
_رجع رحيم بيهم للبيت وكان الكل نايم
رحيم / اطلعي ياأسماء ارتاحي وإنتي روحي معاها يادعوه
أسماء / لا لا ما فيش داعي كفايا أوي القلق اللي أنا عملته ليكم في يوم زي ده
_دعوه / لا طبعاً أنا هطلع معاكي ما أقدرش أسيبك لوحدك
_أسماء بتصميم / ما فيش حد هيجي معايا أنا عاوزه أبقي لوحدي لو سمحتم وتركتهم وصعدت
_أتت دعوه أن تلحق بها إلا أن رحيم امسك ذراعها و / سبيها يادعوه لوحدها
_العشق القاتل. هاجر محمد. حبيبة
_ب بس
_خلاص سبيها وخلينا نطلع ننام علشان بكره هيبقي يوم سبحان من يعديه
*بعد أن رحل الجميع وبعد منتصف اللي يفتح باب الزنزانة ويقترب منه و / عامل ايه ياعادل
_رفع عادل رأسه وكانت عينيه متورمه من الدموع والبكاء / إنت مين
_أنا جاي لك من عند الباشا بيسلم عليك وباعت لك الفيديو ده
نظر عادل إلي الفيديو وسقط معه قلبه في قدمه و / هم عاوزين إيه تاني
_أعطاه آله حاده و / بيقولولك مع السلامه وقبل ما تودع تكتب ورقه تعترف فيها إنك قتلت جاك
_وإيه اللي يضمن لي إنهم يسبوها
_ما فيش ضمان عندهم قبل ما النهار يطلع لو ما نفذتش ابقي ادعي ليها وللمحروسه البشمهندسه أختك سلام
_خرج الرجل اما عادل فوضع راسه علي الارض كوضعية السجود وأخذ يبكي بحرقه وندم و / يااااارب أنا عارف إني غلطت بس ما فكرتش إني ممكن أوصل للقتل أنا خلاص مش عايز حاجة لنفسي بس وأختي يارب أنا سايبهم في أمانك
_وأمسك بالآله وأتي أن ينهي حياته إلا أن صورة أسماء مرت أمامه فقرر أن ينتظر إلي الصباح ليحاول أن يراها مره أخيره
================================
أشرقت شمس يوم جديد وهي ترسم البسمه علي وجه من فقدتها طول حياتها كانت حور تنام وهي تبتسم وأحياناً تتسع ابتسامتها وهو يراقبها باستغراب اخذ يمشي بإصبعه علي وجهها إلي أن استيقظت
_صباح النور ياأجمل حوريه في كل الحور
حور وهي تفتح عينيها / صباح النور
_وهو فيه نور أكتر من كده قولي لي بقي كنتي بتبتسمي وانتي نايمه ليه
حور / أنا
_أيوه إنتي
_حور وهي تبلل شفتيها /علشان كنت بحلم بيك
_كنتي بتحلمي بيا إزاي
_يعني إيه إزاي بحلم بيك وخلاص مش فاكره
_تحبي أفكرك بالحلم
_وده إزاي بقي هو إنت كنت معايا في الحلم
_طبعاً أنا ما ينفعش أسيبك لا في الحلم ولا في الحقيقة
_طب قولي كنت بحلم بإيه
_أنا دلوقتي هقولك الحلم لحظه بلحظه
_اعتدل صقر واقترب منها ولكنه ابتعد لسماع طرقات على الباب فقام وهو ينفخ بعصبيه و / مييين
_حور /😂😂😂😂😂😂
*قام صقر وفتح الباب وكان رحيم
صقر بوجه عابث / صباحية مباركه ياعتريس إيه اللي جايبك علي الصبح كده
_صباحية مباركه ليك إنت غير لبسك وانزل بسرعه
_مالك يارحيم فيه إيه... دعوه فيها حاجه
_العشق القاتل. هاجر محمد. حبيبة
_ليه ياعم إنت سايبها مع قتال قتله
_أومال فيه إيه
_العميل الأمريكي جاك اتقتل
_صقر بعدم تصديق / إنت بتقول إيه إزاي وإمتي ده
_ امبارح باليل المشكلة مش في إنه اتقتل المشكله في مين المتهم بقتله
_مين؟؟؟؟
_عادل
_صقر بعدم استيعاب /عادل مين
_اللي انت فهمته عادل أخو أسماء
_إزاي ده وعادل إيه علاقته بيه في حاجه غلط استني هلبس وأنزلك علي طول
_وأنا مستنيك تحت
_دخل صقر تاني لحور و / حور عندي شغل ضروري ولازم أخرج
_دلوقتي ياصقر ده النهارده
_قاطعها صقر وهو يقبلها و / معلشي عارف إن ما ينفعش أسيبك بس غصب عني
_ ماشي بس ما تتأخرش
_هحاول علي قد ما اقدر وإنتي خدي بالك من نفسك وأنا هبعت لك دعوه تقعد معاكي
_هزت رأسها إليه بابتسامه فقبل رأسها وبعدها تجهز وخرج إلى رحيم
*كان الجميع يجلس في الخارج بانتظار صقر
صقر / يلا يارحيم
_قامت أسماء و / إنتم رايحين فين
_صقر / هنروح لعادل أكيد بس هو فين
_رحيم / عادل في أمن الدولة وآسر هو اللي ماسك القضيه
_طب كويس اوي يلا يارحيم خلينا نروح له
قامت أسماء و / أنا جايه معاكم
صقر /أسماء ما فيش داعي إحنا هنروح ونرجع علطول نطمنك
_لا أنا هروح ولو مش معاكم هيبقي لوحدي
الجد مجاهد/خدوها معاكم ياولاد خلوها تطمن عليه وانت ياصقر عادل أخوك يعني
_قاطعه صقر و/ مش محتاج توصيني ياحاج يلا ياأسماء وانتي يادعوه خدي بالك من حور وخليكي معاها
دعوه / ما تقلقش هدخل لها دلوقتي
===============================
*في مكتبه يمسك بسلاحه يحركه بحركه دائرية ويتذكر عندما وصل إلي بيت والدة عادل وكان الوضع غريبا فهناك أشياء ليست في مكنها بشكل مريب ونسخة وميداليه بها مجموعة مفاتيح غريبه واضح أنها لا تخص هذا البيت وهي ليست موجودة
_طرق الباب فأمر بالدخول فدخل عسكري ومعه عادل
آسر /تعالي ياعادل اقعد
_نظر آسر إلي وجه عادل و / شكلك ما نمتش كويس لسه مش ناوي تقولي مخبي إيه
_أنا قلت اللي عندي وما أعرفش غير كده
_خايف على أمك بيهددوك بيها
_نظر إليه عادل بأعين واسعه و / أمي م م م
_قول اللي إنت مخبيه وأنا
_وأنا مش مخبي حاجه
_أسر بعصبيه وهو يضرب علي سطح مكتبه بقوه / إنت مش عاوز تفهم ليه أتكلم بقي
طرق الباب مره أخرى وعندما سمح بالدخول كان صقر ورحيم وأسماء التي جرت علي عادل وتعلقت برقبته و هي تبكي
_ضمها عادل بقوه و/ أسماء وحشتيني أوي
_وإنت أكتر يساند وضهر أسماء إيه اللي حصل ياعادل إنت في حاجه مخبيها فعلاً
_لا ياأسماء ما فيش حاجه اطمني
_أطمن إزاي وإنت كده
_ما تقلقيش كل حاجه هتتصلح بس إنتي خدي بالك من نفسك وعاوزك تبقي مهندسه شاطره وقد الدنيا
_أنا دخلت هندسه علشان أبقي زيك
_وهتبقي أحسن كمان أسماء أنا بحبك أوي إنتي وأمي أغلي حاجه في حياتي
أسماء بدموع /في إيه ياعادل ان شاء الله هتخرج وترجع لنا
_ان شاء الله
_العشق القاتل.هاجر محمد. حبيبة
_بعد العديد من الكلام الذي زرع القلق في قلب أسماء والشك في عقل أسر إنتهت الزياره وانتهت معها حياة عادل أيضاً
خرجت أسماء مع صقر ورحيم وأسر
_صقر /مش هوصيك علي عادل يا أسر لحد ما نشوف الموضوع هيرسي علي إيه
_ما تخافش عليه ياصقر
صقر لأسماء / يلا ياأسماء
_أسماء / هقول لحاجة لحضرة الظابط وجايه وراكم علي طول
_ماشي يلا يارحيم.. و رحلوا
نظرت أسماء إلي أسر في نظره مطوله كانت لغة العيون هي التي تتكلم فقط
_بعد وقت قصير / عاوزه تقولي إيه ياأسماء
_أنا خايفه ياأسر خايفه أوي حاسه إن فيه ضاربه قاضيه جايه وإني زي ما أكون عريانه وماليش حد حتي وجودي عند صقر مضايقني
_إنتي مش لوحدك ياأسماء أنا معاكي وهفضل معاكي بس مش عارف إزاي ربنا يحلها من عنده
_يارب ياأسر يااارب
_خدي اكتبي لي رقمك هنا
_أخذت منه الهاتف وحفظت رقمها
_روحي ليهم وأنا هكلمك ومش هخلكي لوحدك ياأسماء أبدا
_عادل ياأسر
_ادعي له ربنا يكشف الحقيقة
_يارب هستناك تكلمني
_أنا اللي هستني أسمع صوتك مع السلامة
*مشيت أسماء مع صقر ورحيم وعدي اليوم من غير جديد طول اليوم في التوتر والقلق وجه اللي بسواده ومصايبه
_الجد مجاهد في الهاتف / ياساتر يارب حصل امتي ده؟؟؟؟؟
_ء########
_طيب إحنا قبل ما النهار يطلع هنكون في البلد
_ئ###########
_مع السلامه
رحمه / خير ياحاج إيه اللي حصل في البلد
_لا حول ولا قوة إلا بالله العلي العظيم ربنا يرحمها ويصبرك ياأسماء
_مين ياحاج اللي ماتت
_أم عادل تعيشي إنتي
_ياساتر يارب 😧😧😧
_كانت أسماء نازله هي ودعوة وأول ما سمعت جريت علي الجد وقعده عند رجله و / إنت بتقول إيه ياجدي أمي لا لا
_مجاهد وهو يضع يده على رأسها / وحدي الله يابنتي ده أمر الله
_أخذت أسماء تصرخ وتبكي بصوت مرتفع في نفس الوقت الذي دخل فيه أسر مع صقر إلي القصر
_صقر بحزن / انتم عرفتوا منين
_مجاهد / لسه متصلين بينا دلوقتي
_أما أسر فأسرع الي أسماء و/ سامحني ياأسماء كنت حاطط عيني عليه طول اليوم لاني كنت شاكك إنه هيعمل حاجه بس في لحظه لقيتهم بيقولوا إنه مات أنا أسف
_رفعت أسماء وجهها إليه في صدمه و / مين ده
_ع ع عادل
_أسماء وكأنها لم تسمعه / بتقول مين عادل.....