رواية رحم بديل (كامله جميع الفصول) بقلم زينب سعيد

اسيرة قلبي

 الفصل الثاني 😊

جلست على السفره بجانب والدتها ، وهي تسترق بعض النظرات الي أدم خلسة ، 

عمار بأبتسامه..

_اهو جالك اخت وصاحبه اهي يا هند ، انبسطي 

هند وهي تنظر لميان..

_ميان دي كيوت هنعرف نتأقلم مع بعض علي طول ، مش كده يا ميمو 

ميان بأبتسامه..

_اكيد 

آدم..

_اشمعنا انا مليش اخ ، بعد اذنك يا عمتو انا عايز اخ مليش دعوة 

ميان بسماجه..

_وحتي لو في اكيد كان هيطفش منك 

ادم بغرور..

_دا انا حتي مز ومفيش مني 

ميان..

_بيتهيألك لو سألتي عن رأي فيك ، هقولك انك مش حلو خالص 

آدم..

_رأيك دا خليك لنفسك ، عشان عندي مكانه في الزباله 

عمار..

_بس يا ولاد كفايه مشاغبه ، حاسس والله اني قاعد وسط آدم وهند وهما بيتخانقوا وهما صغيرين 

آدم..

_طب هند بتسكت بقفا بنت عمتي بتسكت بأيه 

لوسي بضحك..

_بقفا برضو 

ميان بغضب..

_ماما 

لوسي..

_ايه بهزر 

ميان..

_عن اذنكم انا شبعت 

وذهبت ميان الي الفراندا لينظر لها آدم بدهشة 

آدم..

_هيا زعلت ولا ايه 

لوسي..

_معلش يا آدم هيا بس مش متعوده ان حد يهزر معاها بالطريقة دي 

عمار..

_عجبك كده روح صالحها 

نهض آدم سريعا وذهب الي غرفته ، ثم خرج منها سريعا وذهب إلى الفراندا 

 

آدم..

_ايه يا نكديه ، مالك 

نظرت له ميان شرزا ، خرجت من الفراندا ليمسك آدم يدها ويعديها للداخل 

آدم..

_دا كلو عشان هزرت معاكي شويه وقولت عليكي نكديه

ميان..

_دا مش هزار دي اهانه يا ادم 

آدم..

_خلاص يا ستي انا اسف ، معلش انا هزاري رخم شويه ، بكره تتعودي 

ميان..

_اتعود علي ايه ، تصدق انك تغيظ ، عن اذنك 

آدم..

_انتي مستعجله ليه وراكي حاجه 

ميان..

_لا بس اتشليت منك 

آدم..

_معلش ، انا اسف ، راسك ابوسها 

وأمسك رأسها بين يديه وقبلها بهدوء ، اغمضت عيناها وقلبها يدق بعنف من قربه هذا ، وضعت يدها علي صدره لتتفاجأ بضربات قلبه العاليه 

آدم..

_ايه دا ، فار 

نظرت ميان وراءها سريعا لتجد فار ، وبلحظه كانت تصرخ وتجري في أرجاء المنزل ليمسك ادم الفار بضحك وخرج من الفرانده 

آدم..

_طلع لعبه ، سوري مختش بالي 

ميان بغضب..

_انت...انت متخلف ، اوعى انا غلطانه اني اتكلمت معاك 

وذهبت الي غرفتها 

عمار..

_جيت تكحلها عميتها 

ادم بضحك..

_دي سخيفه جدا علي فكره ، دا فار لعبه يعني عادي 

عمار..

_ادم دي بنت عمتك 

آدم..

_ولله ما أقصد بس هيا غريبه 

لوسي..

_هيا منطوية شويه ، بس مش رخمة ميان كويسه ، هيا بس الي مش متعوده علي قرب الناس منها ، طول عمرنا انا وهي لوحدنا مفيش تالت 

آدم..

_فكي كده يا عمتو انا مقصدش والله على آخر الأسبوع هتلاقيني مفرفشه لك ومخليها واحده تانيه خالص 

_______ 

 

بعد عدة أيام 

دلف إلى المنزل وهو يمسك بيده باقة ورد حمراء ، نظر حوله ليجد الصوت من غرفة والده ، ذهب الى الغرفه ليجد هم مجتمعون في دائره يلعبون بالأوراق (كوتشينه) وضع الورد وراء ظهره ونظر لهم بأبتسامه 

آدم..

_وانا مليش في الحاجات دي 

عمار..

_حد قالك تخرج ، تعال العب 

آدم..

_ماشي ، ميان عايزك بره دقيقة 

عمار..

_في آية 

ادم وهو يغمز له..

_اصبر بس 

صمت عمار وقد فهم ما يرمي عليه هو الأتفاق الذي فعلوه سويا بأن يصالح ميان 

نظرت ميان الي عمها بشك وقالت..

_مش مرتاحه 

عمار..

_متخافيش 

نهضت ميان وخرجت من الغرفه ليأتي بعدها ادم 

ميان..

_افندم ، عايز ايه 

آدم..

_بصي اولا انا اسف على الي عملته معاكي انا فعلا كنت سمج ، خدي دا 

واظهر لها الورد من وراءه نظرت للورد وابتسمت ، هذه اول مره يقدم لها احد ورد 

ميان بأبتسامه..

_دا ليا ، شكرا يا أدم 

آدم..

_العفو ، هاتي راسك ابوسها 

ميان..

_لا كفايه الورد انا مسمحاك 

آدم..

_لا ما انا هبوس راسك علي اللي انا هعمله 

ميان بدهشه ..

_وهو ايه الي ان....

ولم تكمل كلامها حيث انفجرت باقة الورد لتلقيها ميان في وجه آدم وتجري للخارج 

خرج الجميع علي اثر صراخ ميان وصوت الصواريخ ، آدم كان يقف يمسك معدته من كثرة الضحك ، وميان تنظر له بغضب شديد والجميع يحاول كبت ضحكته 

عمار وهو يحاول عدم الضحك..

_ينفع اللي انت عملته دا يا ادم ، دا اللى هتصالحها 

آدم..

_دا هما صاروخين الي حطيتهم في البوكيه ، وهيا راحت حذفته في وشي وطلعت تجري 

 

ميان بغضب..

_انت متقدرش تعمل حاجة من غير مقالب ، انت مش طبيعي 

ادم بضحك..

_طب خلاص انا اسف ، هاتي راسك ابوسها 

ومد يده ليلتقط رأسها 

لتبعد ميان يده عنها 

ميان بغضب..

_غور مش عايزه منك حاجه 

وذهبت الي غرفتها 

عمار..

_روحي يا هند لبنت عمتك ، عشان اخوكي الأهبل مش نافع 

لوسي..

_ليه بس كده يا عمار دا حتي دمه خفيف 

ادم وهو يحتضن لوسي..

_حبيبه قلبي يا عمتو تسلميلي 

عمار..

_كتك نيله ، اهبل

ودلف الى غرفته ، هند كانت في غرفه ميان الذي تبكي بحزن 

ميان ببكاء..

_لا بيكرهني يا هند ، هو مش طايقني وبيعمل كده عشان يمشيني 

هند بضحك..

_ولله ابدا هو كده ادم دايما اهبل

ميان..

_لا هو عايزني امشي ، دا بيتعمد دايما يهيني ويغتت عليا 

هند بضحك..

_طبعا لو قلتلك ان ده دليل علي حبه مش هتصدقي 

ميان بصراخ..

_هو في حد يحب حد يزهقوا في عيشته 

هند..

_اخويا

ميان..

_ياسلام اشمعنا انا ، ليه مش بيعمل فيكي او خالو عمار او في ماما 

هند..

_يووه ده انا وبابا زهقنا من مقالبه لدرجه انه بقا عادي بالنسبة لنا ، انما انتي عشان جديده 

ميان..

_يعني انتي شايفه ان دا طبيعي 

هند بضحك..

_ولله هي دي طبيعة آدم ، وبعدين بدل ما تعيطي كده رخمي عليه زي ما بيعمل معاكي 

ميان وهي تمسح دموعها..

_ازاي 

هند بمكر..

_انا هقولك

                       الفصل الثالث من هنا

لقراة باقي الفصول اضغط هنا

تعديل المقال