رواية غاليه
✿ بقلم منه محمد
الفصل الواحد وعشرون
خرج هيثم وغاده من عند الدكتور و كل هموم الدنيا اتحطت فيه
وضع غاده مافيش فيه اي تحسن والدكتور اقترح يدخلها للمستشفى ويعمل لها صدمات كهربائيه ممكن
تساعد بأنها تفوقها من الصدمه اللي هي فيها لكن هيثم رفض بشده فما كان قدام الدكتور غير انه يصرف لها ادويه جديده ويديها مهلة اسبوع لعل
تفوق من صدمتها ولو ماتحسنتش في خلال اسبوع كدا مافيش مفر من انه يعمل لها جلسات صدمه كهربائيه
حس انها بردانه ولان الجو بدء يميل للبروده الايام دي حط جاكته على كتافها وقعدها فالعربيه على
الكرسي ولف قعد علي كرسي القياده وقبل ما يشغل العربيه سمع صوت نغمه موبيله
طلعه وشاف ان المتصل فارس لكنه
ماردش عليه لانه متأكد هيسأله عن غاده وهو مش هيقدر يتكلم قدامها شغل العربيه وشغل
اغنية((افتحي شباكك انا جنبك))
مد ايده ومسك وشها رفعه له وبص في وشها البريئ وبصوت محمل بقمه ندم وألم :عارف اني خسرتك
وعارف كمان اني سبب عذابك ومااستاهلكيش لا والله ماستاهلك لكن سامحيني سامحيني مبقاش فيا صبر ولا قوه علي العذاب
سكت لما شافها شاده قبضتها على جاكته وبدئت
ترجف وكأن الخوف رجع لها هو عرف انه يشكل لها مصدر الامان وخوفها لما شافت ضعفه وده يبقي نابع من خوفها لاتفقد مصدر الامان ومش لانها فهمت كلامه او اتأثرت بيه
وصلو للشقه واول مادخلو شلح عنها جاكته وااعدها في الصالون وطلب من كاميليا تجهز لها مشروب دافي
هيثم بحنيه : ايه الي حابه تتفرجي عليه ياقلبي
وكالعاده متعود يسألها ويجاوب هو عنها لانها ما
بتردش عليه غير بنظرات مالهاش معني : اوكي حبي هختار لك على ذووقي
طلع فيلم كركر للفنان محمد سعد وشغله لها برغم ان الفيلم مالهوش تلاتين معني الا انه يضحكه وهو محتاج يضحك قبل ما يخنقه الهم
ااعد يتابعه معاها ويعلق على الفيلم وكأنها فاهمه هو بيقول ايه!!!!
وقفت كاميليا تراقبهم وهو مستغربه من هيثم وتعامله الرقيق مع غاده قاعد يكلمها بالساعات وكأنها
فاهمه كلامه ده غير يهتم بلبسها ومظهرها وكأن الشئ ده يهمها وهي حتى مش حاسه بيه اصلن
رافضه الاكل وعايشه على الشوربه والسوائل وهو عمل زيها ومش بياكل الا نفس ما بتاكل وهي حطت
لهم مجات الشكولاته السخنه على التربيزه وقبل ماتمشي طلب منها هيثم تقعد معاهم .....!!!!!!!
اخد هيثم مج غاده وبدء يشربها لحد ما خلصت مجها ولما لاحظ انها انشدت وانجذبت للفيلم وممكن
يسيبها طلب من كاميليا تنتبه لها على مايخلص مكالمه مهمه فالمكتب ويرجع
لكن اول ماقام قامت معاه حاول يفهمها انه بيخلص مكالمه ويجي لكن مسكتها لـ ايده خلته يستسلم ويرجع يقعد
طلع موبيل ورن علي فارس
فارس : الوو يا هيثم
هيثم : ايوه يافارس
فارس : فينك يابني اتصلت من شوي مارديتش
هيثم : كنا عند الدكتور وماقدرتش ارد
فارس : طمني ان شاء الله فيه تحسن
هيثم بصلها ورد بختصار : لا مافيش
فارس بضيقه : طيب قالك ايه؟؟!!!
هيثم : خليها على ربك
فارس بضيق : كل شئ على ربنا بس بس قالك ايه مافيش علاج ممكن يساعدها
هيثم مش عارف يتكلم قدامها: الحمدلله على كل حال .. المهم طمني عنكم
فارس : هي جنبك
هيثم : ايوه
فارس اتنهد : طيب اسمعني اختها شكلها سمعت مكالمتنا امبارح وعملت مناحه عشان كدا اتصلت اقولك اننا جاين لكم
هيثم بخوف : ازاي يعني حد عرف
فارس : لا محدش عرف هي فضلت تعيط لجدي وتقوله اشتقت لغاده وعارف طبعا جدي
مايرفضلهاش طلب وصدر حكم ملكي اني احجز على اول رحله واخليها تشوف اختها
هيثم كشر : ومين جاي معاك؟!
فارس : بس انا وهي وبالعافيه لقيت رحله علي بعد بكره يعني ان شاء الله الساعه 1 ونص الظهر بتوقيتنا بنكون بــ لندن
هيثم : اهلا بيكم بس مش هوصيك يافارس مش عاوز حد يعرف بالموضوع كفايه انت وغاليه
فارس :متخافش انا حريص ان محدش يعرف حاجه
قفل هيثم مع فارس وهو مضايق جدا ماكانش حابب حد يعرف لكن لعله خير يمكن وجود اختها يساعدها تخرج من الحاله اللي هي فيها
ـــــــــــــــــــ .. غاليه .. ـــــــــــــــــــــ
في بيت عائله غاليه
جيهان بكل ترحاب واضح : اهلا يا حبيبتي ايه يابنتي انتي مش عاوزنا نشوفك ولا ايه؟؟
منال : اهلا بيك يا مرات عمي والله ابدا انا اقدر بس والله انشغلت الفتره اللي فاتت
جيهان رتبت علي كتفها : معذوره يا حبيبتي واهلك مش بخير
منال : الحمدلله كلهم بخير وبيسلموا عليك
جيهان : الله يسلمهم من كل شر وامك ليه ماجاتش معاك
منال : والله كانت جايه بس لما افتكرت انه بكره هنتجمع كلنا فالمزرعه قالت مالهاش داعي تيجي
معايا النهارده .... الا فين مي يا طنط ؟
جيهان : ايوه قولي بقي انك جايه عشان مى مش عشانا .. مى فوق اطلعي لها حبيبتي مافيش حد
استأذنت منال من جيهان وطلعت فوق وقبل ما تخبط باب غرفة مى رسمت علامات الحزن والهم
على وشها وهي جايه اصلآ بدون مكياج عشان يظبط الدور وتحبكه بأتقان
انصدمت مى لما شافت ان اللي عند باب غرفتها منال حست بخوف منها لكن ملامح الحزن اللي علي وش
منال خلتها تستغرب ويزيد خوفها
مى بخوف وتردد : اهلا منال اتفضلي حبيبتي
منال اندفعت علي صدر مي : مى سامحيني والله ماليا دخل باللي حصل اقسم لك بالله اني اتفاجاءت
بيه
مى بخوف : منال فيه ايه؟؟؟؟ وايه هو الي حصل ليكون غاليه حصلها حاجه
منال وهي تكتم غيظها : لا محصلهاش ومتجبليش سيرتها لاني خلاص شلت الانسانه دي من تفكيري ومش عايزه اسمع سيرتها خالص
مى وهي مش مصدقه : امال ايه الي حصل
منال بتأثر : مى خالد هيتجوز لكن اقسم لك بالله ان ماليا اي يد في الموضوع ولو مش مصدقاني جيبي المصحف احلف لك عليه
حست مى انها بتتخنق وكأن الجو مافيهوش ولا ذرة اوكسجين كل الكلام اللي اوهمت نفسها بيه امبارح
تلاشي ومابقي منه غير صدمتها اللي حست ان هتوقف قلبها ....للحظه عذرت فيها منال على اللي
عملته بغاليه لكن مستحيل هي تعمل زيها اي نعم هي بتحب خالد حب حقيقي ومستحيل تأذيه واذا كانت سعادته مع غيرها تتمنى له الخير حتى لو كان الثمن
قلبها اللي هينزف عليه
انهارت على سريرها ووبكت بحرقه بكاء يقطع نياض القلب على حب بقاله سنين عمال يكبر جواها لحد ما امتلك كل جوارحها
منال زيفت كم دمعه : مى ما تقطعيش قلبي واذا على خالد اوعدك اعملك المستحيل ولا اخليه يتجوز نجلاء او اي واحده غيرك
مى وبصوت مخنوق من البكاء : لا يامنال ربنا يوفقه مع الانسانه اللي اختارها والشئ اللي يسعده يسعدني حتى لو كان موتي
منال تضمها : مش عارفه ايه الحظ اللي عندنا.... اللي حبيناهم اختارو غيرنا
رجعت مى تبكي وهي حاطه ايديها على شفايفها عشان تكتم صوت شهقاتها لا حد يسمعها
منال : مى كدا بتخلي الكل يشك ان فيك ان قومي معايا خلينا نخرج اي كافيه
مى بحرقه: مش عاوزه اخرج مش عاوزه اروح اي مكان سبوني يمكن اموت وارتاح
منال بأصرار : لا هتخرجي مش هسيبك وانتي في الحاله دي لو حتي باخدك بالقوه لانك لو قعدتي دقيقه هنا وانتي على الحاله بيحسوا اهلك ان فيك حاجه
مى : منال سبيني بهمي ارجوك مش عاوزه اسمع ولا حرف
منال وهي تسحبها من السرير : قومي معايا واوعدك بؤي ما يتفتح بكلمه لا عن خالد ولا حتى فارس وغاليه (((الي حزنها وهمها اكبر همي) يله واوعدك
ولا اتكلم عن اي مخلوق بس قومي معايا
استسلمت مى وقامت معاها هي فعلآ محتاجه تكون بمكان بعيد عن جو البيت عشان تبكي براحتها على حبها اللي راح
مى بضعف : وامي اقولها رايحين فين؟؟؟
منال : انتي روحي اغسلي وشك والبسي هدومك وطنط خليها عليا اظن عرفاها ماترفضليش
طلب..!!!
سابت منال مى تلبس وهي راحت قالت لمرات عمها بالكدب ان صديقه ليهم خطوبتها اليوم ولازم يكونو معاها من بدري
وطلعت هي ومى واتجهو لبيت سحر لانه هو المكان المناسب بحكم ان سحر عايشه لوحدها لان امها مطلقه وهي عايشه مع ابوها اللي طول الوقت مسافر وسايبها بحريتها وشرها ترازي في الناس
ــــــــــــــــــــ .. غاليه .. ــــــــــــــــــــــ
قام هيثم وقف مدد ايده ولف ظهره مره شمال ومره يمين لانه حس ظهره انكسر من كتر مهو قاعد يتابع
الفيلم الي غاده خلته يعيده ثلاث مرات لدرجة انه حفظه عن ظهر قلب وقامت معاه
هيثم بضحكه وهو يحضن وشها ويبوسها على خدها : بحبك يا قلوده .. حبي ما زهقتيش من قاعده البيت
هيثم كمل وكأنها عبرته وردت عليه : طيب طالما زهقتي منفسكيش نخرج حابب اشتريلك لبس على ذوقي
اخدها للغرفه وبدل لها لبسها ولبسها جاكت لان الاجواء برد جدا
هيثم بمزحه : يله بقي دوري اغير بس غمضي عيونك
كانت بصاله ببراءه وكأنها مش فاهمه هو بيقولها ايه!!
مقدرش يقاوم شكلها لانها لما تبتسم تسحر الشخص اللي قدامها بملامحها البيبي فيس وغمازاتها قرب
منها وباسها من شفايفها وبعدها ضمها لصدره وتخيل لو اتعافت ورجعتله كان اخد راحته معاها
خرجها من حضنه وغير قدامها ويبوسها ويضمها والاعظم من ده كله دخلها معاه للحمام
بعدها عن صدره وبص لها وهي مبتسمه له ابتسامه صغيره
هيثم : ههههههههههههههههه كويس ان مفيش حد يفتن عليا ولما تتعافي ان شاء الله بدل الابتسامه
هتخنقيني وتموتيني بكل اريحيه
كانت غاده كل ما تشوفه بيضحك تبتسم له واذا كشر ومتضايق تخاف عشان كدا هيثم كان يحرص جدا انه
اغلب الوقت يرغي معاها عادي ويضحك كأنه خالي من الهم بس عشان ماتخافش ولا ينحرم من ابتسامتها
خلص هيثم لبس وطلع مع غاده وراحو شارع زحمه لان فيه اغلب محلات الماركات العالميه
وهو حالف انه مايسيب حاجه الا ويشتريها
ـــــــــــــــــــ غاليه ـــــــــــــ
المغرب في بيت سحر
كانو طول اليوم معاها ويحاولو يرفهو عنها لكن كل محاولاتهم بائت بالفشل الذريع اي نعم وقفت عن البكاء لكن ملامح الحزن والضيقه لسه ما اختفت عنها وشها
سحر : بنات يله خلونا نروح لبيت واحده من صاحباتي القاعده هناك اخر فرفشه
منال : ايوه فعلآ خلونا نخرج يله يامى عشان خاطري قومي البسي وحطي ميك آب
مى : مش عاوزه اروح لو انت عاوزين خدو راحتكم انا راجعه بيتنا
منال وهي عاقده حواجبها مثلت الزعل : لا والله ماترجعي ومستحيل اخليك لوحدك وانتي كدا
سحر: مى صدقيني حتنبسطي عندها البنت حبوبه علي فكره هي مجروحه زيك انتي حبيبك اختار غيرك وهي حبيبها مات يعني مش هتضيقي من القاعده
عندها وعلي فكره انا قلت لها ماا تعزمش حد يعني هنكون لوحدنا
مى : الله يكون في عوني وفي عونها بس قلت لكم مش عايزه اروح
منال باستها من خدها : بليز مى لو ليا خاطر قومي معانا
مى بضيقه بصوت متكدر : منال بجد ماليش خلق اروح ولا فيا حيل البس واحط ميك آب
سحر : خلاص متعمليش اي حاجه لبسك حلو ومافيهوش غلطه والعزومه مش رسميه يعني بس احنا وهي
مى بلمعه دموع : خلاص براحتكم
منال تضمها : بحبها هي و قلبها المطيع
قامت منال وسحر يلبسوا ويجهزوا نفسهم وبعد ساعه كانو متشيكين كأنهم رايحين فرح مش عزومه
في بيت ماعدا مى اللي سابت شعرها على طبيعته ولابسه بنطلون جينز وتي شيرت احمر نفس لبسها اللي جات بيه من البيت ووشها خالي من اي مكياج
ومازال واضح فيه الحزن واثار الدموع
وصلو عند الفيلا ونزلت اول واحده وهي سحر بعد ماغمزت لــ منال
منال : مى حبي استني اظبط بس ثانيه مكياجي
انتظرت مى منال وبعد 5 دقايق نزلو للفيلا اللي سحر خلت بابها مفتوح لهم كانت الفيلا صغيره شوي وفيها
جنينه صغيره تجاوزتها هي ومنال واتجهو للمدخل
كانت سحر واقفه عند المدخل واول مادخلو قفلت الباب بالمفتاح
مى بهمس : فين صديقتك شكلنا جينا بوقت غير مناسب
سحر : لا اتطمني عارفه اننا جاين بس يلا ادخلو يله
منال عدلت من نفسها بعكس مى اللي بس مسحت بايدها على شكلها وكانت تتأمل الفيلا كانت صغيره جدا
سحر وهي بتقرب من مى : محضره لك مفاجأه انما ايه حلوه اوعدك تنسيك خالد وسنين خالد بس غمضي عيونك اول
مى بعصبيه : وحد قالك اني عاوزه انساه وبعدين مش تقوليلي انه بيت صاحبتك امال هي فينها
سحر: مش قبل ماتغمضي عيونك
مى وهي تغمض عيونها : ياصبر ايوب يله غمضت
لفتها سحر على الناحيه اليمين وبعدها فتحت باب السحب وهي بتقول بصوت عالي Surprise
فتحت مى عيونها واتصدمت من اللي شافته كان قدامها غرفة معيشه وفيها اربع شباب قاعدين
وقفت دقايق وهي بتحاول تستوعب اللي شيفاه وبعدها بصرخه : ياحقيرررررره
راحت تجري للباب لكن قبل ما توصله كانت منال بتحاول تمسكها وتهديها
منال : اهدي يامجنونه ناويه تفضحينا تعالي خلينا نقعد لحد ما نلاقي لنا صرفه ونطلع من هنا ولا ناسيه ان الباب مقفول
مى بصراخ زي المجانين : ابعدي عني مجنونه انتي عاوزاني افضل هنا (وهي بتحاول تفتح الباب
وتخبط عليه بجنون) افتحووه خليهم يفتحوه طلعوني من هنا
منال مسكت ايديها بالقوه : اهدي يامجنونه هتلمي علينا الخلق من صريخك وهتفضحينا وساعتها
فضيحتنا حتكون على كل اللسان ومحدش حيقول انهم ماكانوش يعرفو (وبهمس) انا زي زيك انخدعت
لكن مش بطريقتك الخايبه دي تتحل الامور تعالي خلينا نئعد وواعدك اخرجك من هنا بأي طريقه
قرب واحد من الشباب ولما شافته مى اتخبت ورى منال عشان مايشوفهاش وبصوت خشن: هتقعدي بالذوق ولا اشدك بالعافيه اختاري
مي برجاء وتوسل من ورى منال : الله يخليكِ خليه يبعد
منال بغنج : خلاص انت اقعد وهي جايه معايا حالا
الشاب نخ طبع بوسه على خد منال : ايوه كدا يا مطيعه ولف مشي
منال : شوفي يامى بأسلوبك ده مش هنخرج من هنا خلينا نجاريهم شوي واوعدك اطلعك من هنا بدون اي اذى
مى ببكاء : خليني قاعده هنا لحد ما تجيبي المفتاح مستحيل ادخل عندهم
منال : ماينفعش يامجنونه ماسمعتيهوش وهو بيقولك هتقعدي بالذوق ولا اشدك بالعافيه واختاري
مى حضنت شنطتها :مش هدخل الا وانا قاعده بعيد واياكي تقوليلي جاريهم لان ده مش هيتم الا على جثتي سامعه
استسلمت منال وبعدين شدتها ودخلو
كانت مى تنتفض من الخوف وماسكه منال بأيديها الاتنين .. اما منال كانت ماشيه بكل غنج ودلع برغم
الخوف اللي جواها واتجهت لنفس المكان اللي قاعده عليها سحر ومشاركه فيه واحد من الشباب
ااعدت منال على الطرف لان سحر كانت قاعده بالنص وعلى الطرف التاني كان فيه شاب قاعد .. اما
مى فضلت واقفه لانها خايفه تبعد عن منال
... : خير هي واقفه بعيد كدا ليه ايه يكونش عندها مرض معدي وضحك
منال : سيبك خليها شوي لحد ما تتجراء وهي من نفسها هتتعب وتقعد
... : طيب ليه ماتقعد قبل ما تتعب (وبيتكلم وهو بيشاور على المكان اللي جنبه وبخبث )و لا اقعدها انا بطرقتي
مى خافت من نظرته وقعدت بسرعه على كرسي منفرد اللي قريب من منال وهي متشبثه بكل قوتها
بهدومها وتدعي ربنا انه يحفظها وتقراء اية الكرسي
بعد ماقعدوا وبدؤ يشربوا ويدخنوا كل انواع
الحشيش وصوت اوكا واورتيجا صدح في المكان
منال بهمس : ربنا ياخدك على الخطه انا قلت لك
ظبطي خطه ترجع مى لينا ماقلتش ظبطي خطه تضيعنا كلنا
سحر بنفس الهمس : تامر الي قاعد جنبي بيكون حبيبي وكل الموجودين اصحابه وانا متفقه معاه يعني اطمني مش هيحصلك حاجه ولا انتي ولا مي
اوعدك تطلع من هنا وتكون زي الخاتم في صوباعك
منال : ربنا يستر مش عارفه ليه قلبي مش مرتاح
سحر : قلت لك اطمني (وبصوت عالي ) اعرفك على الموجودين
وبدئت تشاور على اللي جنبها ده تامر حبيبي .. وده يوسف نسميه (وبضحكت دلع) المُدخنه من كتر ماهو ييشرب في سجاير.. اما ده ياسر مطربنا خليه بس
يروق بعد كام كأس واسمعي احلى صوت واحلى دقه عود
ياسر : كنت حاقد عليك بعد ماسكتينا من شوي لكن بعد المدح مضطر اسامحك
(سحر لما نزلت قبل البنات راحت لهم وطلبتهم يسكتوا خالص لحد ماتفتح باب غرفة المعيشه)
منال شَدها اخر واحد واللي سحر ماقالتش اسمه كان وسيم جدا وواضح انه ابن ناس بقوه من لبسُه وساعته وحتى طريقة قعدته الشيك
منال بدلع : وده ماتعرفينا عليه
سحر بدلع : اممممممممم ماعرفوشه بس (وبصت لتامر اتوقع حبيبي يعرفه
تامر ضحك: ده نادر وراي بلاش تحتكو بيه اصله عصبي وما بيرحمش
نادر وهو واضح مش عاجبه : تشكر الصراحه على المدح
منال داخت اول ما سمعت صوته كان صوته يسحر رجولي وفيه بحه حلوه نست خوفها من بعد ماشافت وسامته وشياكته (واااو يجنن ده الحبيب اللي يرفع الراس مش الكحيان سمير )
منال بدلع : تشرفنا يانادر
نادر بدون نفس : اهلا
ماتت منال من القهر ظنت اقل شئ بيبتسم ليها ويقولها الشرف لي اي حاجه بس رده صدمها اهلا وبدون نفس كمان!!!
تامر : سحوره مش تعرفينا على اصحابك
سحر : ههههههههه مش انتم عرفتو اسمائهم الحقيقيه من المسرحيه اللي من شوي
تامر: يعني لولا المسرحيه والا كنتي كذبتي والفتي لهم اسماء
سحر : هههههههههههههههههه تقدر تقول كدا عمومآ القمر منال والقمر التاني مي
يوسف : تشرفنا
منال عيونها علي نادر : الشرف ليا
استمرت سَهرتهم لوقت طويل و سحر ماكانش عندها خطوط حمراء تشاركهم الشراب والحشيش اما منال
بالاول رفضت وبعدها جربت تشرب من الخمره شوي لكن ماعجبهاش طعمها بس سحر شجعتها لحد ما
شربت كل الكأسات وحطت لها كاس تاني
اما مى كانت قاعده و عيونها غرقانه بالدموع
ومتمسكه بشنتطها لصدرها وماسكه شعرها وضامه جسمها وهتموت من الخوف ورفضت تقف حتي دقيقه واحده وفضلت تردد ايات تحفظها من اساليب الشياطين
ونادر كان زيها رفض يشاركهم شربهم ولا حشيشهم ولا حتى الرقص معاهم كان عمال يتابعهم بصمت ومكتفي بسيجارته العاديه
***********غاليه**********
كانت غاليه بجناحها وكل شويه تبص في الساعه اللي دخلت في 11 وفارس لسه مرجعش للبيت
فضلت ساعتين وهي لابسه ومنتظراه .....مافكرتش تروح للغرفه التانيه كلام فارس اليوم قتلها لكنها
مستحيل تتخلاه عنه بسهوله ده هو البسمه الي قدرت تسرقها لنفسها من الدنيا وهي مالهاش غيره هو وجدها بعد ربنا اي نعم كريم بيحبها لكن مَصيره
يتجوز ويعيش حياته ومستحيل تكون عاله عليه وغاده ربنا يشفيها مستحيل انها تكون لها سند لانها
بالاخير بنت وحتكون في حكم راجل وصعب تنغص عليها حياتها واهلها مارحموهاش وهي عندهم امال ازاي يرحموها وهي مطلقه
عشان كدا هي مستعده تسامح فارس على كل حاجه وترضى بكل عيوبه هو عنده حق انها ماعطتهوش
فرصه يثبت لها صحه الكلام اللي سمعته وبسرعه اتخذت قرارها وظلمته ومستحيل تلومه على الكلام اللي قاله لانها هي الاول غلطت فيه
سمعت صوت باب الجناح اتفتح وبسرعه نطت من السرير ومسحت دموعها
دخل هو لغرفة النوم وشافها قدامه وبرغم الابتسامه اللي راسمتها على شفايفها لكن اثار الدموع مازالت واضحه بعيونها
غاليه بأحراج : اخيرآ جيت (ولامت نفسها (يامتخلفه يالي مفكيش مخ ده بدال ماترحبي بيه تقوليله اخيرا جيت ما ترزعيه قلم بالمره غبيه)
فارس بــ برود : ليه عاوزه حاجه..؟؟!!
غاليه بحزن : لا ... بس
فارس قطعها: طالما لا يبقي نامي لاني تعبان وهنام ولا ناسيه ان ورانا سفر من بعد الفجر للمزرعه
سابها بدون مايسمع ردها واخد له مخده وغطا وطلع للصالون اللي بنفس الجناح
اما هي بدئت دموعها تنزل هي بتصرفاتها السبب
بقسوة فارس عليها مسحت دموعها بعنف وهي ناويه المره دي ماتكتفي بس بالدموع وحتعمل المستحيل عشان ترجع فارس ليها تاني
طلعت للصالون وشافته نايم على الكنبه ومغطي عيونه بايده قربت منه وهي بتستجمع كل شجاعتها أأعدت على الارض جنب الكنبه ومسكت ايده وبهمس : فارس سامحني ماكانش قصدي اقول الكلام ده والله طلع مني بدون مااحس او افكر فيه عارفه اني غلطانه لكن سامحني المره دي والله ما بتحمل اشوفك زعلان مني
فارس بــ برود وبدون ما يرفع ايده اللي مغطي بيها عيونه : غاليه نامي وسبيني انام انا تعبان وماليش خلق على الكلام
غاليه منعت دموعها : طيب قوم نام على السرير واذا فيه حد لازم ينام على الكنبه بيكون انا مش انت
فارس بعصبيه : غاليه اسمعي الكلام وسبيني انام
حطت ايدها على شفايفها عشان مايسمعش صوت شهقاتها وراحت للغرفه اخدت لحاف ومخده وراحت حطتهم على الارض في الصالون وقبل ماتنام راحت لفارس وطبعت بوسه على خده لكنه ماردش عليها
نامت على الارض وهي حاطه جزء من الغطا تحتها والجزء التاني منه متغطيه بيه اذا هو عنيد هتكون هي اعند منه ومش حتكون في مكان هو مش موجود فيه
فارس بقلبه: فكرتك مش هتيجي
غاليه بصوت قلبها:صعب انام بعيد عنك علي قد ما هو صعب اكون جنبك
فارس بقلبه:محتاج دايما نكون جنب بعض ونقدر نقفل كل الدفاتر ونعيش في راحه وسلام
غاليه بقلبها: وانا نفسي
فارس كان حاسس بكل تحركاتها وقلبه بيتقطع عليها وهو سمعها تبكي كان عاوز يأدبها بس حتى هو عمره ما تخيل انه بيكون بــ القسوه الفظه دي معاها....... كان سامع صوت بكائها المكتوم وهو بالعافيه ماسك نفسه لايروح يضمها ويهديها كان بين نارين قلبه يقوله ارحمها وعقله يفكره بشكوكه ويقول خليها تتأدب يوم او يومين وبعدها اسامحها
بعدها بفتره طويله هدت وعرف انها نامت رفع ايده عن عيونه وشافها وهي نايمه على الارض مزقت قلبه لكنه قوى قلبه وحاول انه ينام
*******غاليه*******
رجع هيثم وغاده لــ الشقه بعد ماقضو اجمل يوم ما سابش حاجه الا لما اشتراها واي حاجه كانت بس تمكسها او بس تبص فيها يروح يشتريه حتى لو كانت نظرتها مالهاش معنى او وقعت عينها عليه بالصدفه
اما هو فدخل محل ساعات فخمه وطلب من صاحب المحل يطلع له افخم الساعات طلع له حوالي 5 ساعات وطلب من غاده تمسك واحده واللي مسكتها اشتراها واعتبرها هديه منها ولبسها قدامها وهو يوعدها مايشيلهاش من ايده
فتحت كاميليا عيونها علي وسع وهي بتشوف كمية الكياس اللي مع هيثم
هيثم : كاميليا افتحي للحراس لما يجي لاني طلبت منه ينزل باقي الاكياس من العربيه
كاميليا بصدمه : ليه هو فيه غيرهم
هيثم : ههههههههههههه اه ده الي بيوصل بكره لاني عطيتهم عنوان الشقه يوصلولهم
كاميليا : ياريت كل الرجاله زيك
هيثم بحزن : ليه تتمني انهم يكونوا قاسين وبدون رحمه
كاميليا وهي مش فاهمه : اذا كل الحب اللي بشوفه منك تاجاهها تعتبره قسوه فأنا هستغرب امال ازاي بيكون الحب عندكم ياعرب
هيثم بمزح عشان يغير الموضوع وبمزحه: خلاص اجوزك واحد عربي عشان تجربي حبنا (وبجديه) العشا جاهز
كاميليا بسخريه : قصدك الشوربه اه دقايق وتكون جاهزه
كانت غاده كل اكلها عباره عن شوربه وبالموت على مايقدر هيثم يشربها كل طبقها عشان كدا ماقدرش يعشيها برا ورجعو يتعشو في البيت او بالاصح يشربو الشوربه
هيثم : اوكي داخلين نغير علي ما تحضريها
دخل هيثم للغرفه وحس ان غاده محتاجه شور دافي بعد المجهود الجبار الي بذلوه في التسوق ساعدها على الاستحمام وبعدها بدل هدومها وطلعو للمطبخ عشان تشرب شوربتها و يديها ادويتها عشان تقدر تنام
ــــــــــــــــــــ غاليه ــــــــــــــــــــ
الساعه واحده بعد نص الليل
كانت مي باصه لفونها اللي كل شويه عمال يرن وهي شايفه رقم امها حطت ايديها على وشها وفضلت تبكي بصوت مسموع كانت مخنوقه و اطرافها كأنهم فيهم خدر بسبب دخان الحشيش اللي كان كاتم غرفة المعيشه
اما منال وسحر كانو عايشنها على الاخر ويرقصوا مع تامر ويوسف وياسر
حاولت تقوم عشان تمسك منال وتقولها ان امها عماله من بدري تتصل بيها لكنها حست بدوخه ورعشه بجسمها فضلت تبكي اكتر وهي تتخيل سيناريو واحد ان لو حد اعتدى عليها وهي بالضعف ده ومش هتقدر تدفاع عن نفسها ولا هتقدر تقاوم الي ممكن يحصل فيها
شافت سحر خرجت مع تامر من غرفة المعيشه (سحر ماعندهاش حاجه تخسرها لانها سلمت نفسها ومن زمان لـتامر لكن ماكانش حد عارف حتى منال)
اما منال استمرت ترقص مع ياسر عجبها بخفه دمه ووسامته لكن كان نادر اوسم منه بكتير بس عيبه انه شايف نفسه وكل محاولاتها انها تقرب منه فشلت فشل ذريع
مي حاولت انها تنادي منال لكن صوت الاغاني غطى على صوتها اللي بالكاد على ماينسمع من الخوف زادت في البكاء
شافت ياسر خارج من غرفة المعيشه وهو ماسك منال اللي واضح انها كانت ولا داريه عن نفسها من السم الهاري الي شربته
انتبهت لنظرات يوسف اللي التمتها قرب منها وهي وقفت بخضه من مكانها ووقفت بزاوية الغرفه وجواها يصرخ من الخوف
يوسف : خليكي مطيعه وتعالي معايا بالذوق شوفي صاحباك معارضوش
مي جمعت كل قوتها ودفعت يوسف من قدامها
وجريت لــ نادر رمت نفسها تحت رجليه وبصوت يقطع القلب وتشهق من كتر البكاء : خلصني منه ربنا يخليك وخرجني من هنا (كانت متعشمه فيه خير لانها ماشافتهوش بيشرب معاهم ولا حتي رقص)
لكن نادر ماردش عليها نزلت على رجله تبوسها : ابوس رجلك استر عليا وارحم ضعفي
دفعها نادر بكل قسوه واحتقار : مش انتي جايه برجليك هنا خلاص اتحملي اللي يجيلك
في دفعه رجله جات علي صدرها حست ان الهواء كله اختفى من حواليها هي من غير حاجه مخنوقه من الدخان اللي كاتم الغرفه ورهبة الموقف اللي هي فيه والخدر الغريب اللي احتواها بأطرافها بسبب استنشاقها لدخان الحشيش اللي دخنوه سحبت نفسها بالعافيه ورجعت تاني تنخ على رجله وتبوسها : ابوس ايدك ارحم ضعفي وخرجني من هنا والله العظيم سحر كدبت عليا وقالت انها جايه لصديقتها اقسم بالله العظيم اني ماكنت اعرف
نادر حرك رجله بقوه عشان يبعدها عنه وكأنها شئ قذر ممكن ينجسه لكن هي كانت متشبثه برجله بقوه من شدة الخوف ولانها تأملت فيه انه ينقذها من الي هي فيه!!!!!!!!
شافت يوسف وهو مقرب منها وكأن صبره نفذ وهيعمل فيها الي ناولها عليه ...... كل جزء فيها بيتنفض بشكل اكبر وبتحاول تحتمي بنادر وهي ماعلى لسانها دعاء الخوف من الفضيحة وكلام الناس غير اللهم استر عورتي وآمن روعتي
وقبل ما يمسكها يوسف وقف نادر وبصوت
شخص واثق من نفسه ومتعود ان كلمته تكون مسموعه : سيبها
يوسف بجنون بسبب السم اللي شاربه :اايه اسيبها لا ده على جثتي تطلع من هنا قبل مااخد منها اللي انا عاوزه
نادر بحده وشر: بعد ما اخلص انا الاول اعمل فيها ما بدالك
مي بجنون:لاااااااااااااااااا. .........كانت دي صرخة مى بعد ماانهار املها في انه ينقذها للحظه حست بأمل لما قاله (سيبها) لكن الامل اتحطم بعد جملته الاخيره صرخه مجروحه طلعت من اعماق روحها لكن الصرخه وصلت لنخاع الجدران واتلاشت مع صوت الاغاني اللي مصدع بكل ارجاء البيت
حاولت تقوم عشان تهرب وجريت وفضلت تضرب على الابواب والشبابيك لعلي وعسي حد يسمعها وينقذها حتى لو جات الشرطه او الناس خلاص مبقاش يهمها كل همها الوحيد انها ماتسلمش نفسها لــ الوحوش وينتزعو منها اغلى ماتملك لكنها اتعثرت في طريقها ووقعت حست بايد قبضه على ايدها بكل قوه حاولت تقام نادر اللي كتفها بايديه وسَحبها معاه للدور العلوي جسمها كان منهار لكنها حاربت بكل عزيمتها لكن كل محاولاتها فشلت قدام نادر وقوته الجسديه
دخلها للغرفه وقفل الباب بالمفتاح حست ان نهايتها قربت لانه لو ضاع شرفها حتكون انتهت حياتها وهنا الموت ارحم واسترلها
رجعت نخت على رجله برجاء وتوسل بصوت ضاع من كتر البكاء والصريخ
لكن هو سحبها من شعرها بكل قسوه ووقفها قدامه : محدش قالك مشي مع الصيع دول
وبكل قوته عطاها كف.. فيه اختفت الدنيا كلها من قدام عينها وطارت على السرير اللي كان وراها من قوه الدفعه واقل من الثانيه شافت الظلام حاولت تحرك جسمها لكن من الفجعه والضربه فقدت الوعي بكل اللي حواليها
كانت جسد مرمي قدامه بلا حول ولا قوه متاح له يشبع فيه كل نزواته القذره
*******غاليه*******
حست بشئ بيجبرها تفتح عيونها وينتزعها من عالم الظلام اللي كانت عايشه فيه فتحت عيونها لوهله وهي بتجاهد تحرك ايديها قدام وشها بجنون كأنها خايفه ان الميه اللي نازله بغزاره فوق دماغها تغرقها وتكتم انفاسها كل اللي قادرة تستوعبه بالثواني الاولى انها عاريه بدون هدوم وأأعده في بانيو وشخص بيكب عليها ميه ......ضمت ايديها حوالين جسمها بتحاول تستر الي تقدرعليه شافت سحر
ومنال هما اللي فوق دماغها وهما الي بيدلقو عليها الميه .....ماكانتش مستوعبه هما بيعملوا فيها ايه او ايه اللي جابها هنا لكنها مجرد لحظات وافتكرت الكابوس اللي كانت فيه لثواني ظنت انه حلم او مجرد كابوس بشع والحمدلله اللي صحت منه لكن
ملامح منال والدموع اللي مغرقه كل وشها اكدت لها ان الي مرت بيه واقع مدمر مرير مش حلم صرخت بأعلى صوتها وهي تتمنى ماتسمعش منهم رد يثبت شكوكها : ايه الي حصللللللللللل
سحر اللي متمالكه نفسها ولا كأن حاجه حصلت : اهدي يامى وانا افهمك كل حاجه
مى بصريخ هستيري: مش ها هدي وقولي ايه الي حصل منال اتكلمي ايه الي حصل كان مجرد حلم ولا حقيقه انطقي
لكن منال مفيش رد منها كل اللي عملته انها أأعدت على ارضية الحمام وفضلت تعيط
سحر بعصبيه : منال ده مش وقتك وقومي هاتي الروب خليني البسه لـ مى
سكتت مى والدموع اتحجرت بعيونها يعني كل اللي كانت فيه حقيقه مش حلم زي ماتوقعت حاولت تصرخ تتكلم تقول اي حرف لكن الموقف اللي هي فيه كان اكبر من ردت اي فعل
كانت عامله زي الدميه بين ايدين سحر ومنال اللي اتمالكت نفسها بالعافيه لبسوها الروب وخرجوها من الحمام لغرفة نوم سحر
سحر قعدت على السرير وبكل هدوء : انا رايحه اجيب لها مشروب دافي تشربه
منال اللي ماتحملتش تقعد مع مى وهي في الحاله دي مش عشان مى لكن عشانها هي اللي لسه مش متخيله للحظه اللي حصلها
طلعت ورى سحر وراحت للمطبخ
منال بعصبيه : ضيعتيني منك لله ربنا ينتقم منك
سحر بلا مبالاه : منال انا متفقه معاهم على مى واخده وعد منهم مايقربوا منك لكن انتي ياروحي الي روحتي مع ياسر برضاك ومحدش جبرك
منال اتكت علي اسنانها بغيظ: محدش جبرني اه واضح مش كله من السم الهاري الي خليتيني اشربه
سحر رفعت حاجب : منال خلينا نكون واضحين مع
بعض انتي لو مش عاوزه تشربيه محدش كان بيجبرك لكن انتي جواك اللي حبيتي تجربيه لكن مي احنا الي اجبرنها بالقوه تقعد ومع كدا حلفت تقعد بعيد خالص وحاولنا نشربها وماقدرناش لانها هي جواها رافضه فبلاش تيجي وتعملي عليا دورالبنت المثاليه
منال مقتنعه ان دي الحقيقه لكن اللي خسرته شئ مش سهل : بس ده مايمنعش ان خطتك دمرتني انا كنت عاوزه بيها مي ترجع لنا مش تضيعينا
سحربنرفزه : منال وبعدين معاك انتي مكبره الحكايه اوي على غير حقيقتها ايه يعني لو فقدتي عذريتك ماليها عملية ترقيع للغشاء وترجعي نفس الاول ولا ناسيه مديحه صديقتي عملت كل حاجه مع حبيبها
ولما حبت تتجوز سافرت وعملت العمليه وكأنها بنت بنوت واهي عايشه مع جوزها اللي طايربيها وشايفها هي كل الدنيا
منال : ليه شايفاني زيك اقدر اسافر لوحدي عشان اقدر اعملها
سحر وكأنها عتيده في الحل ده: ههههههههههههههههههههه والله انتي واحده هبله يامجنونه العمليه مش محتاجه للسفر واطمني اعرف لك بدال الدكتوره عشره وهنا وبيعملوهالك بأقل من ساعه ولو الوقت مش متأخر كنت اتصلت لك بالدكتوره اللي عملت العمليه لــ مديحه واخليك
تكلميها وعشان يطمن قلبك اكتر انا النهارده هكلمها واحجز معاد على اخر الاسبوع ها ارتحتي
منال : لا خلينا نروح لها النهارده وليه نأجلها لــ بكره
سحر : مجنونه انتي ليه ناسيه انكم رايحين المزرعه ودلوقت يله روحي هدي البلوه بنت عمك عشان تروحو فاضل شويه ويأذن الفجر
اخدت منال كاس الحليب من سحر وطلعت لــ مى وهي خايفه من اللي بتواجهه
دخلت للغرفه وشافت مى على نفس وضعها ومبحلقه في الهدوم المتمزقه والمرميه جنبها على الارض والدموع مغرقه وشها
منال بــ حنيه : مى اشربي البن
واهدي واوعدك ان كل شئ يتصلح
مى بهستيريا : ايه الي يتصلح حياتي اللي انتهت وبقي الموت اهون ليا ....ولا شرفي اللي ضاع انا خسرت كل حاجه فاهمه يعني ايه خسرت كل حاجه(ودرات وشها بكفوفها وبكاء هسيتري
منال : مى خلاص اهدي كلها عمليه وترجعي زي الاول
مى بأحتقار : عمليه وبتقوليها بـالبساطه دي العمليه ياحقيره ترجع لك غشاء مزيف كله غش وخداع لكن شرفك وعذريتك ماترجعها لك كل العمليات
منال بنرفزه حاده: مى احترمي نفسك ومتغلطيش انا زيك انخدعت وماكنتش عارفه عن اي حاجه احنا مارحناش للقرف ده برجلينا انجبرنا عليه والعمليه حتعمليها عشان ما ننفضحش بسبب ذنب مالكيش يد فيه
مى بأستغراب : اعملها ليه وانتي مش هامك تنفضحي
منال بكذب : انا تمام محصليش حاجه
مى بأستنكار : ازاي محصلكيش وانا شايفاك طالعه مع كلب منهم
منال : ايوه طلعت معاه لاني عرفت لو بعانده هياخد مني كل الي عاوزه وبالقوه لكن انا اخدته بالسياسه وجاريته وفهمته اني علي عذر شرعي ومش مستعده ووعدته ان لينا مقابله تانيه واديلو كل الي عاوزه ........ لكن انتي عاندتي واتحديتيهم عشان كدا اخدو منك اللي عاوزينه وبالغصب!!!!!
مى بجنون : يارب ليه الظلم انا اللي دافعت عن نفسي لحد اخر لحظة ووكنت واعيه ومدركه يضيع شرفي واللي ضحكو معاهم وشربو ورقصو مايحصلهمش حاجه ياااااارب ياااااااارب موتني وارحمني من العذاب
منال : مى خلاص سيطري على نفسك لازم نرجع البيت حالا ولا ناسيه عزومه المزرعه الليله واكيد هيتحركوا على 6 او 7 فــ لازم نرجع قبل مايحسوا بينا يله
مى بكاء بحرقه : اي مزرعه واي عزومه وده كل اللي هامك ومش هامك المصيبه اللي انا فيها واصلآ ليه تهتمي انا اللي ضعت اما انتي لسه الشريفه والعفيفه
منال بعصبيه : انا اتحملتك اكتر من الزم اسمعي معاك 5 دقايق تجهزي وتحصليني للعربيه او والله لا امشي واسيبك ولو سالتني امك عنك حقولها معرفش عنها اي حاجه و المغرب طلعت من عندنا على اساس رايحه للبيت وساعتها ظبطي امورك معاها
خلصت كلامها وطلعت سايبه مي مصدومه من كلامها ... عارفه ان منال حقيره وممكن تعمل اي حاجه لكن هي مضطره تسايسها على راي المثل ان كان لك حاجه عند الكلب قوله ياسيدي وهي حاليا بوضع لاتحسد عليه كلمه من منال حتفضحها وتوديها في ستين داهيه
حاولت تستمد قوتها ولبست هدومها الممزقه وهي تبكي بدال الدموع دم على شرفها اللي ضاع منها وعلى حياتها اللي انتهت
لبست ولحقت منال للعربيه قبل ما تسيبها وتروح
منال بعد ماركبت مى : كويس اللي رجعلك عقلك
مى بهمس كئنها خايفه حد يسمعها : منال انا مش حاسه بألم ولا حاسه بأي تغير يمكن اكون زيك ومحدش عملي حاجه
منال : مى انتي كان مغمى عليك يعني جسمك كله بحالة استرخاء الالم بيكون سببه الخوف وشد العضلات لكن انتي ماكنتش داريه عن حاجه عشان كدا مش حاسه بأي الم
مى برجاء : طيب خلينا نروح للدكتوره اللي بتقولي عليها تكشف عليا يمكن محصليش حاجه
منال بكدب: مى انا شفتك بعد ماسابك نادر حتي يوسف كان داخلك عشان ياخد الي عاوزه منك بس حاولت امنعه وماقدرتش واخرتها اترجيت يوسف وقدرت اوقفه عند حده وشالك معانا للبانيو
مى من بين دموعها : يعني اللي ترجيته وكنت مفكره هو اللي بيحميني هو اللي ..... ( قطعت كلامها ورجعت تبكي وهي لسه عقلها مش قار يستوعب اللي حصل لها)
منال بحقد وبدون رحمه : مى نادر اللي الف بنت تتمنى منه نظره ولو كان عاوزني كان اختارني انا او سحر لانه من غير زعل احنا اجمل منك وجسامنا احلى بكتير لكن انتي عاندتي وهو شكله بيستفزه
العناد عشان كدا اخد منك غايته بس عشان يكسر مناخيرك مش رغبه فيك (كان اكتر حركه قاهرت منال من كل الاحداث اللي مرت بيها هي عذريتها اللي راحت منها والامر التاني ان نادر فضل مى عليها ولو
ان نادر هو اللي انتزع عذريتها ما كنتش حزنت عليها طالما فيه عمليه تقدر ترجع عذريتها بيها )
مي ماردتش وكل اللي عملته انها غطت وشها بايديها وانهارت تبكي بهستريه لحد ما وصلو للبيت منال شدتها من دراعها قبل ما تنزل
منال : اسمعي لو سألتك امك قولي اننا كنا عند واحده من البنات عشان الليله كان كتب كتابهاا
فتحت مى الباب بالمفتاح اللي معاها ودخلت بهدوء للبيت وهي تدعي في سرها انها ماتصادف حد وفعلآ ده الي حصل
دخلت غرفتها ورمت هدومها الممزقه على الارض واخدتهم خبتهم في اخر الدولاب عشان محدش يشوفهم وبعدها فتحت الدش على البارد واكتفت انها تغوص في البانيو وتخلي الميه البارده تلسع جسمها لعل وعسى تقدر تطفي من جحيم النار اللي مشعلله جواها