رواية غاليه
✿بقلم منه محمد
الفصل الثانى والعشرون
عند كريم دخل الاسانسير مروح بعد ما انهي شغله وصل بيه الدور الاول
فتح الباب ووقف يرن على رقم بيت عمته سندس ولنفسه .. ياااااااارب ..
ياااااااااااارب ما تطلع ندي.. يااااااارب أمنيتي .. ياااارب ما تطلع هي . . كح مرتين عشان يعدل صوته ..
كريم بصوته الهادي: الو
ماجد وصوته مليان نوم : هااااااااا
كريم كشر جدا :بزمتك ده صوت ؟
ماجد : اخلص عاوز ايه ؟
كريم ضحك : عاوزك
ماجد: جهنم تاخدك يا بعيد ده انا لسه راجع من المستشفي.. متصل ليه من صباح الله خير
كريم : تاخدك أنت .. وصباح الله خير ده بتوقيتكم انتم . الساعه تمانيه المسا
ماجد بتريقه : احلف
كريم بصوت عالي: وااااااااالله ..
ماجد فرك ودانه : يخربيتك وداني انا مش لقياها في الشارع وخلاص سمعت
كريم ضحك: يله اسبقني علي المطعم عاوزك ضروري يله
ماجد تثاوب : خليها يوم تاني لما نرجع من المزرعه
كريم: سؤال انت ليه تعشم الناس طالما مش هتنفذ ..!!!!
ماجد: هوايا عندي من وانا صغير ارتحت
كريم :بقولك قوم
ماجد : متبقاش رخم والله عاوزه انام ابعتلك فارس؟!
كريم اتنرفز : وأنا هعمل ايه بفارس ؟ .. متعمليش فيها اذا وعد أخلف والله ما اسامحك ! ..
ماجد بنرفزه:انت ماتهددنيش .. النهارده معزمتكش بكره اعزمك هي المطاعم هتطير يعني ؟
كريم : أنت فعلا عيل ومحدش يصدقك
ماجد : هه رخم
كريم : انت ارخم
ماجد : أووووف طيب يله مع السلامه ..
كريم : لحظـة فين عمتـ... قفل ماجد في وشه السكه!!!
ابتسم كريم ..ويادوب خارج من المكان سمع صوت بنت بتصرخ شاف
بنت واقفه عطياله ظهرها جري بسرعه كبيره لمصدر الصوت وشاف بنت لزقه وشها كله بالجدار ومخبيه وشها بأيديها ...بيلف
يشوف او يستوعب ايه الي خوفها اوي كدا شاف من جهه تانيـه واقف وراها كلب .كريم وقف ومات من الضحك علي منظرها
البنت شويه وتعيط: شيلوووووووووووه عني .. ابعدووووووووه ..
كريم :أوكي ؟ بس ممكن تهدي يا انسه لان شكل الكلب هو الي مرعوب من صريخك
الكلب كل شوي عمال يقرب منها وصوتها يعلـى وترجع تلزق في الجدار بزياده
البنت بعياط: يعني
يوم ما اموت اموت علي ايد كلب ما تخلص بقي يا اخ بدل ما انت واقف زي الصنم
كريم وقف معاند من طريقتها الفظه معاه لـحد ما بقي الكلـب قريب منهـا لدرجه إنها ما كانتش قادره تتحرك من مكانها ..
بصـوت خوف و بكاء : مـ .. مـ .. ممكن تبعده عني ..
كريم بستهبال : بتكلميني ؟
البنت شويه وتدبحه من الغيظ: ايه البرود الي عندك ده ايوه بكلمك
كريم ابتسم ..وراح قرب للكلب وناداه .. نزل له و بدء يمسـح على راسـه كان
الكلـب شكله حلـو لونه أبيـض وهادي ومسالم بس شكلها بتخاف او عندها فوبيا من الحيوانات عموما
لما شافت الكلب بعد عنها شالت ايديها عن وشها
ابتسم لها كريم : خلاص ؟
نزلت راسهـا وبإحراج وعيونها بالارض : خلاص
وعمل نفسه ماشي
فتحت عيـنها وكلمت نفسها.. لا يكون عاوز يسيبه ليا هنا فضلت تكلمه وكريم طنشها و لا حيـاة لمن تنـادي ..
البنت : انت هتسيبه واقف ليا كدا؟!
كريم : امال هاخده انيمه معايا علي السرير ؟
البنت : لا !
كريم : ايه هو الي لا ؟
البنت منزله راسها و براءه : بس أنا .. أنا .. أنا بخاف !
كريم : أهاا .. وسكت وكمّـل طريقه وهي فضلت واقفـه ..ماله ده؟ .. أكيـد ما بيفهمش .. أقـوله بخاف .. يقولي أها ويمشي ..
البنت : انت يا استاذ مشهلتهوش !
كريم ابتسم : اهااا .. كنتي تقصدي إني أشيله ؟ ..
البنت تكه كمان وتخنقه بيستهبــل الأخ .. !!
وكملت: إذا ممكـ .. " قرب منها الكلب " صرخت بصـوت خفيــف عاااااااا
صقف كريم لـ الكلبـ و راح قربله ..
كريم :بتخافي من الكلاب ؟
البنت : أيوه
كريم: بس ده حيوان لطيف مش بيعض
البنت:بصتله وبحلقت فيه: شوف عينه بتتفحصني فين يعضني
كريم ابتسم: انتي شغاله هنا في الشركه
البنت هزت دماغها : ايوه
كريم: بقالك اد ايه؟؟
البنت: كتير في قسم العلاقات
كريم: وايه الي اخرك كدا!!!؟؟
البنت: كان عندي شغل كتير وكنت لازم اخلصه عشان واخده اجازه اسبوع واتوبيس الشركه مشي
كريم حب يعصبها : ايوه بس برضو كان لازم تروحي اي ان كان السبب ؟
البنت نفخت بملل : أروح مشي يعني ؟
كريم: اوك لو بيتك مش بعيد انا ممكن اوصلك لو ميضايقكيش
البنت بحرج: بس
كريم: لا بس ولا حاجه اتفضلي لان احنا طلعنا زمله يله تعالي مالك انا هوصلك مش هاكلك
قربت من الباب. الوراني ..ووقفت
كريم بصلها : حضرتك منتظره أفتح لك الباب يا انسه ؟
البنت فتحت عيونها ولنفسها. ماله ده ليكون على باله هموت عشان يوصلني .. عامل نفسه مهم يعني ..
البنت بطرف عين : إذا ممكن يعني
كريم اتنهد : أمرنا لله ، يلا قدامي ..
راح فتح لها الباب .. إلا وقف : صح افتكرت إن شاء الله ناويه تقعدي ورى زي الأميره وأنا السواق ولا هتركبي جنبي ؟
فتحت عينها : نعــم ؟!
كريم : ههههههههههه ولا حاجه بهزر
البنت بغرور : ممكن تبعد شوي عاوزه أدخل ..وبالفعل ركبت في الكنبه الورانيه
كريم ابتسم وبصلها في المرايا: انتي اسمك ايه
البنت: اسمي جميله
كريم: اتشرفنا ياجميله وانا كريم
البنت ببتسامه خجوله: اهلا وسهلا انا كمان اتشرفت بحضرتك
كريم عجبته جدا أناقـه وذوق كعب عالي لبسها استايل وواسع
شكلها كان جميل حتي ماشيتها كلها نعومـه اتنهد لا مسكيـن قلبك يا كريم !
حس إنها مش حلوه يشوف البنت بالطريقه دي نزل عيونه وهو جواه شئ
رافض يشيل عينه وفضلوا صامتين طول الطريق وهو احترم رغبتها لحد ما وصلها
******غاليه*********
في بيت عايله غاليه
ابراهيم :اما عندي ليك خبر بمليون جنيه
جيهان : خير فرحني من زمان نفسي اسمع اخبار عدله
ابراهيم : مى جالها عريس
جيهان بفرحه : و مين سعيد الحظ الي هياخد بنتي ؟
ابراهيم: محمد الي ابوه شغال معايا وجه وطلبها مني لـ ابنه
جيهان : اه دي عايله غنيه اوي .. خلاص اشورها واشوف رأيها
ابراهيم : تمام بس متاخدوش راحتكم اوي في الرد الولد وابوه مستعجلين
طلعت جيهان تشوف بنتها و تاخد رايها .
دخلت الغرررفه وانصدمت : مى ..؟ ليه بتعيطي ؟ حد مضايقك ؟
فيك حاجه وجعاكي؟
مى راحت جري في حضن امها وبكت بقووووه
جيهان بقلق وخوف : مى ايه الي مضايقك اوي كدا ؟
مى بتمسح دموعها : ابدا بس غاده كريم وحشوني
جيهان اتنهدت بضيق: منها لله الي كانت السبب خلت اخواتك رفعوا رايا العصيان ضدي ولا بيفكروه ان ليهم ام وكأنهم بيعاقبوني
مي: ممكن اعرف انتي ليه بترمي كل اللوم والحمل عليها غاليه اكتر واحده كانت مطيعه ليه بتكريها كل الكره ده ؟؟؟!!!
جيهان بغضب اسود: يووه متقوليش اسمها ربنا ياخدها ...المهم انا كنت جيالك و عندي ليك خبر حيفرحك
قامت مى من حضن امها و رفعت راسها بمعنى قولي
جيهان : مي قلبي انتي جايلك عريس
سكتت مي وبتفكر في مصيبتها
جيهان لما شافت بنتها ساكته كملت : ويبقي محمد ابن راجل الاعمال الي شغال مع ابوكي .. عرفتيه اكيد ؟
مى : ايوه اعرفه
جيهان : و انا جايه اخد رايك ...ها موافقه و لا لا؟
مى برتباك: معلش ممكن تدوني فرصه افكر و استخير
جيهان اتنهدت : براحتك بس مطوليش لحظي انك كبرتي ونفسي افرح بيك
جيهان جايه تخرج بس رجعت وقالت : اختك العله مش عاوزها تعرف خالص ؟
مى هزت رااسها بالايجاب بمعنى طيب
وخرجت جيهان من الغرفه ومى أأعدت تفكر في مصيرها المجهول
تعمل ايه لو الحقيقه انكشفت مش بعيد يخلصوه عليها مفيش حل غير
العمليه .. لامت نفسها علي غلطتها الكبيره لانها طوعت منال الي عباره
عن غلاف شيطاني بحت على انها تبعد اختها عن فارس وللاسف الدنيا دواره وكما تدين تدان اهي هتبعد عن خالد وعن
اي راجل وهتفضل عايشه بفضيحتها حتي لو عملت عمليات الدنيا
غاليه منه محمد
صحت غاليه قبل صلاة الفجر كانت بتحاول تتحرك بالغرفه بهدوء عشان
ماتزعجش فارس جهزت له لبسه اللي هيلبسه وعطرته وسابته معلق
في غرفة تبدل اللبس واخدت الشنطه الصغيره اللي محضرها من امبارح
واللي فيها هدومهم اللي بيحتاجوها بالمزرعه ونزلت تحت
طلت على جدها وكان مازال نايم وبعدها راحت تجهز الفطار لهم كلهم
برغم وجود طباخه وخدم مالين البيت الا انها كانت بتحب تعمل كل شئ لفارس بنفسها!!!!
خلصت الفطار على اذان الفجر وطلعت لغرفتها القديمه اخدت شور
ولبست وحطت ميك آب خفيف جدا واتبرفنت وبعدها راحت لجناحهم شافت فارس مازال نايم على الكنبه نخت على ركبها
جنب الكنبه وطبعت بوسه ناعمه هاديه على خده وبهمس : حبيبي قوم عشان تصلي وتلبس الفطار جاهز
فارس كان صاحي من وقت ما قامت تجهز لبسه لكنه ماحبش يقوم كان
عاوز يشوف هي بتصحيه ولا بتعمل نفسها زعلانه لكنه رجع غفى وماحسش
الا بــ بوستها على خده وبنفسه ( بحبها والله وشكل الخصام جاب معاها نتيجه
الاول كنت اعمل المستحيل عشان بوسه ومن امبارح عماله توزعهم بالمجان
وبدون ما اطلب بس ماشي ياغاليه خلينا كدا كام يوم لحد ماتتأدبي)
قام من على الكنبه بدون ما يبصلها او حتى يرد عليها وراح للحمام
حست ان دموعها هتخونها وتنزل عمرها ماتخيلت ان فارس بيصد عنها
ويعاملها بــ القسوه الكبيره دي لكنها قاومت الدموع وقامت تصلي عشان
تكون انتهت منها علي مايكون خرج من الحمام تكون هي مخلصه صلاه
دخل غرفة تبديل اللبس بعد مااخد له شور سريع وشافها واقفه قدامه
فارس بقسوه : بدال الواقفه الي علي الفاضي روحي خلصي اشغالك وسبيني اغير براحتي
خرجت من عنده ودموعها بدئت تاخد مجراها على خدها الحزين توقعت
انها ودعت الدموع بعد حب فارس لكن الظاهر ان الدموع مكتوبه ليها من صغرها وقررت ترافقها طول حياتها
طلعو للمزرعه بعد ماخلصو فطورهم والجد وغاليه بعربيه وماجد وامه
وندى وفاطمه بعربيه ثانيه ده غير العربيه الكبيره اللي فيها دارين والخدم والممرض
شتان كبير بين العربيتين عربيه فارس كان يعم عليها الصمت ماعدا ان اتكلم
الجد... وعربيه ماجد كانت قالبها ندى لـصهلله واستهبال من فرحتها
ان امها عزمت اهل صديقتها وتين بحكم الجيره اللي بينهم لان لا نسمه ولا نجللاء معاها في العربيه!!!
ندى : ماجد ماقلتليش مافيش حد من صحابك جاين اليوم
ماجد : جاي كام واحد منهم بس ليه بتسألي
ندى : يعني بقول لو تخلي واحد منهم يشوفني طبعآ بدون ما يعرف اننا قاصدين
مره واحده ماجد اخد فرامل ووقف على طرف الخط بصدمه من الكلام اللي سمعه
سندس بفجعه : ماجد مالك خوفتنا وانت بتصدق كلام المهبوله
ماجد لف راسه لــ ورى وبتهديد : عيدي ماسمعتش
ندى قلدت صوت امها : ماجد ماجد مالك خوفتنا وانت بتصدق كلام المهبوله
ماجد مد ايده عشان يمسكها بس هي اتخبت ورى فاطمه
ندى بخوف : ماجد انما الاعمال بالنيات وانما لكل امرىً مانوى
سندس بتلطف الجو : ياالله من فضلك بنتي المهبوله اتطوعت لـ واعظه
لكن ماجد كان حالف الا يضربها عشان تتأدب بس قطع عليه نقر فارس
للشباك لانه شافهم وقفوا على فجاءه ووقف لانه خاف ان يكون فيهم حاجه
ماجد نزل القزاز : ايوه يا فارس ايه الي موقفك
فارس بعصبيه : انتم ايه اللي موقفكم كدا خوفتوني اعتقدت حصلكم حاجه
ندى شكلها مضحك : فارس الحق اخوك الاهطل ناوي يقتلني
فارس رص علي اسنانه بغيظ : ماجد اتكلم ايه الي حصل؟؟؟!!!
ماجد : ابدا المتخلفه اختك بتقولي خالي واحد من اصحابك يشوفني بس طبعآ بدون ما يعرف اننا قاصدين
ندى وهي عارفه ان نهايتها قربت وكله من لسانها المسحوب : فارس اديني فرصه ادافع عن نفسي والله انا كان كل هدفي استر نفسي بالحلال قلت يمكن لو شافني اعجبه ويتجوزني وان ماعجبتهوش تكون نظره شرعيه لو مفيش نصيب
فارس نزل من العربيه وفتح بابها وبعصبيه : انزلي وحسابك معايا فالمزرعه ان مانسيتك اختراع اسمه جواز ما كون فارس
ندى اتمسكت بفاطمه : لا يجوز اسيب ماميتو وطنط فاطمه لوحدهم مع ماجد دي تعتبر خلوه
سندس : اختلو الجنون بعدوك يامهبوله (وهي بتكلم فارس) خدها معاك
يابني لحسن لو فضلت معانا ده حيبقي خطر علي مانوصل الا واحنا دابحينها وندفن جثتها بمزرعتك
سحبها فارس من ايدها بالقوه ونزلها من العربيه وركبها عربيته واول
ماركبت العربيه مسكت بكتف جدها اللي قااعد قدامها : جدي توكالي على الله ثم عليك خلصني منهم عارف قررو يقتلوني!!!!
الجد : ياريت ده انا متحمس للحظه دي
بص فارس لجده وابتسم على حب جده لندى الا انه دايما مكسر مجاديفها
بعكس غاليه اللي مايرفض لها طلب : ايوه مش بعض الناس ولا كنت اجبرتنا ننفذ طلباتهم ودافعت عنهم
ندى : كويس انك ملاحظ ياقلبي ان محدش بيحبني احيانآ بحسن انهم
لاقطيني من الشارع وقالو نربيها نكسب فيها اجر وثواب
فارس : ياريتك لقيطه كنت لقيت سبب يخليني اتخلص منك
الجد بعصبيه : فيهم ايه اللقطاء ناس حالهم من حالنا ويمكن افضل
مننا كل ذنبهم انهم جم للدنيا شايلين غلطة غيرهم والمجتمع مارحمهمش متناسين قوله تعالى ولا تزر وازرة وزر أخرى
فارس بهدوء : الله يهديك ياجدي بنهزر انا والهبله مالك ليه اخدت الموضوع جد
الجد : طالعين زي عمامكم اسلوبكم دبش
فارس بعصبيه وحده لــ اول مره على جده : جـــــــــــــدي
الجد بسخريه مقصوده : بهزر يافارس مالك ليه قلبتها جد والا الهزار ليكم عادي وعلي غيركم لا
سكت فارس لانه فهم مقصد جده بس حتى ولو جرحه انه يقارنه
بأعمامه ويشبهه بيهم وهو اللي ماكره حد في حياته قد كرهه لــ اعمامه
. اما الجد غمض عيونه وافتكر اكتر انسانه وقفت معاه بعد موت زوجته ولما الدنيا جات عليها وقف قصادها عليها بكل قوته!!!!
غاليه محاوله لتغير
الشد الي حصل بينهم : ايه رايك يافارس ما تجوز ندي لصديقك وليد بحسهم يناسبو بعض
فارس بحده : ليه بقيتي خاطبه
كانت حتسكت عشان ماتسمعش منه كلمه تجرحها اكتر بس خوفها ان
جدها او ندى يحسوا بحاجه هو اللي خلاها تكمل كلامها معاه عادي
وكئنه بيمزح معاها : عشان ندى ابقي خاطبه ورقاصه كمان طالما هخلص منها
فارس بحده : مشكوره يا ستي محدش طلب خدماتك وياريت تكرميني بسكوتك
سكتت غاليه ومسكت دموعها بالعافيه ام الجد مافاتهوش حده
فارس مع غاليه لكن ماحبش يدخل عشان مايزيدش النار بينهم
ندى اللي انقهرت من فارس : وليه ان شاء الله تسكتها ولا عشان
عاوزالي الخير وعاوزه تسترني بالحلال ماعجبكش كلامها
فارس كان وده ينزل ويسلخ ندى لحد ما تنسي اسمها مش بس العريس لكن طرد الفكره وخطرت فكره تانيه وبكل هدوء
وحنيه : لا ياقلب اخوك بس لاني عاوزلك الخير ترضي تتجوزي واحد متجوز
ندى بصدمه : وليد متجوز ومن ورايا
فارس بضحكه : ليه من باقي اهلك ولا مراته عشان يقولك
ندى : لا بس المفروض اني اعرف .. وبعدين انا ماعنديش مانع اخد واحد متجوز المهم اني مااعنس
فارس : حتى لو كان متجوز شغالتهم السيريلانكيه
ندى : يعععع وتبقي ضرتي سيريلانكيه لا والبيت يقسّمه يوم معايا
ويوم معاها .. بس مش مهم ميضرش اهو ضل راجل ولا ضل حيطه
فارس اتخنق منها : حيطه تقع على رأسك ياتعقلك ياتموتك واخلص منك
(فارس كان عمال يضحك مع ندى ويهزر معاها عادي وكله عشان يقهر غاليه اكتر )
لاحظ فارس نظرة جده له وعرف انه فهم حركته ركز نظره فالطريق
اللي قدامه يتهرب من نظرات جده لانه فعلآ حس ان تصرفه طفولي وتافه جدا
واستمرو على سكوتهم لحد ما وصلو للمزرعه
*******غاليه*******
العصر بالمزرعه
كانت كل عائلة الجد موجوده مش ناقصهم غير كريم لانه بيرفض يحضر
اجتماعات او مناسبات العائله اما الضيوف كانو ا لسه علي وشك الوصول
فارس بــ همس لجده : جدي امتى ناوي تفاتحهم بالموضوع
الجد بعدم فهم: اي موضوع يافارس
فارس : موضوع ماجد وخطوبته لــ منال انا شايف ان ده انسب وقت قبل ما يجوا الضيوف
الجد هز راسه : حامد
حامد : نعم ياحاج
الجد بسخريه : الله ينعم عليك
حامد : تسلم ياغالي
الجد وبدون مقدمات لانه متأكد ان حامد بيوافق : ماجد ابن اختك
بيخطب بنتك وكان عاوزني اروح معاه لبيتك ونتقدم رسمي بس اللي شايفه اننا اهل ومفيش داعي للرسميات
حامد بفرحه : ماجد زينه الشباب ومنال مش هتلاقي احسن من ابن عمتها
الجد : منال ربنا يرزقها باللي يستاهلها ماجد عاوز رانيا قلت ايه
فارس بسرعه : جدي يقصد انه عاوز منال مش رانيا
الجد بعصبيه : انا لسه ما خرفتش يافارس وعارف كويس بقول ايه الا اذا انت عندك رأي ثاني
حامد : بس منال هي الكبيره وميصحش اختها تتجوز قبلها
الجد بسخريه : ميصحش في شرع مين ده المهم انا قلت لك طلبنا فكر وشاور البنت وامها وربنا يكتب اللي فيه الخير
حامد بقهر : ان شاء الله
ماجد وفارس كان كل واحد منهم في قمة غضبه جدهم بيفصل على
كيفه وانتظر ماجد لحد ما يتغير الموضوع وبعدها قام وطلع من القاعده ولحقه فارس
ماجد بعصبيه : جدك ده يعني بينبسط لما ينفذ كلمته ولا هي دكتاتوريه والسلام
فارس بحده : ماااااااجد احترم نفسك
ماجد : يااخي من قهري ده نقوله يمين يقول شمال يعني طز فيكم وكلمتي هي اللي هتمشي
فارس : انا مقهور زيك ويمكن اكتر وبعدين لعله خير انت عارف جدي
مايقدمش على خطوه الا وهو متأكد منها ممكن انه شاف رانيا هي اللي انسب لك
ماجد : انا مكنتش عاوز اتجوز وانت اقنعتني بيه وحطيت منال في
دماغي بالعافيه ولما خلاص بقيت عاوزه تيجو تقوليلي بلاها منال خد اختها ايه احنا بنلعب
فارس: ماجد ممكن تهداه
ماجد بنفعال: اهدي والله شوف انا كرهت البنات وكرهتوني في
الجواز وقررت افضل طول عمري اعزب هو انا بنت هتغصبوها علي الجواز انا لما القي الانسانه الي قلبي يميلها علي طول هتجوزها (وسابه ومشي)
عرف فارس انه مش هيقدر يوصل معاه لــ حل وانسب شئ يقول لــ امه و هي تتفاهم معاه لانها تعرف تهديه
راح فارس للجهه الثانيه من المزرعه واللي فيها الفيلا الكبيره او ماوصل لها شاف بنت صغيره بتلعب في الجنينه اللي قدام
الفيلا افتكر انه شافها قبل كدا في بيت عمه وعرف انها البنت اللي ياما حكت له غاليه عن محاولاتها في معرفة لون عيونها
فارس نخ وفضل يمسح على شعرها : انتي سوسو صح
سوسو : صح عليك وانت الخنيقه جوز غاليه
فارس بصدمه : وليه سمتيني الخنيقه؟؟
سوسو ببراءه : مش انا والله دي طنط جيهان وعمو ابراهيم بسمعهم يقوله كدا
فارس بقلبه (هو انا كرهتهم من شويه يله هي يعني جات على الاسم خليهم يقولو اللي يقولوه )
فارس : طيب ياشطوره روحي نادي لي .... (قبل مايكمل كلامه كانت سوسو طايره للبيت)
طلعت غاليه لباب الفيلا بعد ماقالت لها سوسو ان فارس عاوزها
غاله : نعم يا فارس عاوزني
فارس : لا مش عاوزك وكنت عاوز ماما سندس مش انتي ..!!!
فارس كان فعلآ عاوز سندس عشان تكلم ماجد وتهديه لكن غاليه
فهمت انه رافض اي حاجه منها ) نزلت راسها تداري دمعتها ودخلت للفيلا
بدون ولا كلمه .. ماقدرتش تدخل للصالون اللي متجمعين فيها عشان
مايشوفوا دموعها وقفت على جهه من الصالون بحيث مايشوفهاش غير ندى وشاورت لها تيجي
غاليه بعد ماطلعت لها ندى : ندى قولي لعمتي ان فارس عاوزها برا
ندى بخوف : طيب بس ليه الدموع
غاليه الي كل مامسحت دمعه نزلت غيرها : انا زي الفل بس مصدعه شوي وطالعه ارتاح روحي قولي لعمتي قبل ما فارس يتنرفز
ندى : غاليه اتكلمي مالك ومش تقوليلي مصدعه محدش بيعيط من صداع
غاليه : ندى قلت لك انا كويسه (سابت ندى بحيرتها وطلعت لــ جناحهم فوق )
كانت ندى متأكده ان الدموع بسببها فارس هي ليها يومين ملاحظه ان بينهم حاجه .. طنشت حكايه انها تنادي امها وطلعت هي لفارس
فارس : بدئت اشك اني بتكلم بلغه مش مفهومه انا طلبت امي مش انتي
ندى بعصبيه : مافيش امك هنا لحد ما تقولي غاليه مالها؟؟
فارس بأستغراب : ليه شاكيه لك ولا انتي محامي الدفاع بتاعها
ندى بجديه : فارس انت عارف بل متأكد انك لو تقتل غاليه ما هاتشتكي
بس متفكرش اني لما بشوف دموعها والحاله اللي هي فيها واعمل نفسي
من بنها او اطنش لانك اخويا
فيصل : وغاليه فيها ايه وليه بتعيط
ندى : السؤال انت
جاوب عليه الحركة الي حصلت في العربيه مافاتتنيش بس
مدام جدي ماعلقش فضلت اني اسكت ومن شوي جات سوسو تقول لها ان فارس عاوزك طلعت لك طايره واخرتها ترجع من عندك وهي هربانه من الكل ودمعتها على خدها
فارس بصدق : انا مقلتلهاش حاجه كل اللي قلته نادي امي وبعدين بدال ماانتي واقفه قدامي تحققي معايا اعملي خير وروحي نادي امي
حست ندى ان مافيش منه فايده سابته ونادت له امها
رمت غاليه نفسها على السرير وهي مستغربه من الحظ اللي دايما
حالف و معاندها في المكان عاشت مع فارس اجمل ليالي عمرها وفي نفس المكان هي تبكي قسوته وظلمه
سمعت صوت فتحه الباب وفزت بسرعه بتحاول تسمح دموعها قبل ما حد يشوفها واتفأجات بأن فارس هو اللي جه
(بعد ماقال لامه عن اللي حصل وان ماجد متعصب وعاوزها تهديه وطلع فوق بحجة انه هيغير هدومه قبل ما يجوا الضيوف لكن هدفه ونيته انه يتطمن على غاليه )
بصتله بعيون متخبيه من كتر الدموع منتظره منه كلمه قاسيه او جرح جديد
فارس بحنيه وهو بيقرب منها : ليه الدموع كم مره قولتلك ان دموعك بتعذبني
غاليه بهمس وبدون شعور : ضمني
ضمها فارس بدون اي تردد وهي استسلمت لدموعها وكانت تبكي زي الطفل بين ايديه
فارس بعد ماحس انها هدئت : زعلتي لاني طلبت امي
غاليه بهمس : لا
فارس :متفكريش اني طلبتها لاني مش عاوز اطلب منك حاجه انا طلبتها
لاني عاوزها تروح تكلم ماجد ولو ليا خاطر عندك مش عاوز اشوف الدموع
دي اغسلي وشك وانزلي لهم تحت (وهو بيرفع وشها له) مش عاوزهم يشوفوا دموعك ولا ملامح الحزن اللي كاسيه وشك عاوزهم يشوفو ابتسامتك والسعاده بتشع منك
رفعت ايديها تمسح دموعها وهزت راسها بمعنى طيب وراحت للحمام تغسل
وشها وبعد ماخلصت وطلعت مالقت له اي اثر كانت تتمنى انه موجود وتعتذرله عن الكلام اللي قالته بس بطيبة قلبها ولانها
اتعودت ترضى بالشئ القليل اقنعت نفسها انه مشغول مع ضيوفه ويكفيها انه طلع عشان يراضيها .. راحت للتسريحه تعدل مكياجها وتخفى اثار الدموع عشان خاطر فارس اللي لو طلبها عيونها ماهتردد ثانيه واحده قبل ما توهبهاله بطيب خاطر
**********غاليه********
صحى هيثم مفزوع على صوت غاده لكن الي صدمه هو الظلام اللي عم
.... الغرفه حاول يشغل الاباجوره اللي جنبه لكنها ماشتغلتش شال غاده بين ايديه وكل خليه فيها بتترعش ومنهاره طلع من الغرفه وهو بيصرخ على كاميليا اللي جات تتعثر طريقها في الضلمه
هيثم بعصبيه : بسرعه هاتي شمع
فات دقيقتين الا وكاميليا مولعه كل الشموع اللي لقتها وحطتها بالصالون عندهم
هيثم بيحاول يهدي غاده : حبي انا هنا معاك مافيش حاجه تخوف الكهرباء انطفت بسبب المطر بس
لكن غاده كانت تنتفض بقوه ودموعها على خدها بصاله هووكاميليا بخوف
حاول هيثم يضمها لصدره عشان يبعد عنها الخوف لكن غاده فضلت صرخ وتحاول تبعده عنها
قرب هيثم الشمعه من وشه عشان تشوفه : حبي انا هيثم خلاص اهدي مافيش حاجه والله
لكن ده ماخفف خوف غاده ولا من صريخها وسرعة تنفسها
ماقدرش هيثم يشوفها وهي بــ الحاله دي من غير ما يعمل حاجه جري علي جوه واخد جاكيته المعلق قرب من غاده ولفه عليها
برغم مقاومتها وصراخها عشان يأخدها للمستشفى لكن بلحظه وقفت
مقاومتها وانهارت بين ايديه شالها بسرعه وطلع من الشقه يجري بيهاا وكاميليا اخدت جاكيته ومفتاح عربيته وفونه وحصلتهم!!!!
ركب وري واخد غاده علي صدره وكاميليا هي اللي كانت بتسوق وراحو بيها لــ اقرب مستشفى
وصلو للاسعاف ودخلو غاده لـحجره الكشف وهيثم ببحاول يشرح لهم
حالتها لانهم ماعندهمش خلفيه عنها وبيحاول يتصل بدكتور غاده لكنه مردش بحكم ان الوقت الساعه 4 الفجر
الدكتور : ابعتلنا فاكس للمستشفى اللي فيه ملفها وننتظر منهم الرد
حاليآ هي بحالة فقدان للوعي ومش هنقدر نعملها اي حاجه لحد ما يوصلنا تقرير من المستشفى اللي متابعين حالتها
كان هيثم سامع كلام الدكتور وحاسس بالعجز لانه مش قادر يساعدها .. كره نفسه بسبب ظلمه واتمنى لو الحرامي يقع بين ايديه عشان يشرب من دمه ويشفي غليله فيه
طلع موبيله ورجع يتصل على دكتور غاده النفسي وماصدق سمع صوت الدكتور اللي واضح انه ازعجه من نومه
هيثم بلهفه : دكتور اسف على ازعاجك بس محتاج تيجي ضروري لــ مستشفى ... غاده تعبانه جدا جدا وحاليآ فاقده الوعي
الدكتور بهدوء : هدى اعصابك وفهمني بهدوء لاني مش عارف عن اي مريضه حضرتك بتتكلم
مسك هيثم اعصابه بالكاد ومن بين اسنانه : دكتور مريضتك غاده ابراهيم
اللي بتعاني من صدمه بسبب عملية السطو اللي حصلت على بيتنا
الدكتور وهو يتذكر : آآه افتكرتها طيب ايه الي حصل
هيثم : حصل انقطاع في الكهرباء في البنايه اللي احنا فيها وانهارت
وفضلت تصرخ دي حتي خايفه مني ولما حاولت اهديها اغمى عليها وجبتها للمستشفى ومازالت في حالة اغماء
الدكتور : طيب هدي نفسك واناهكون عندكم بخلال نص ساعه
قفل هيثم من الدكتور ودخل غرفة غاده شافها وهي على السرير الابيض
وجهاز تنظيم ضربات القلب موصل لها وقناع الاكسجين مغطي
نص وشها باس جبينها وأأعد على الكرسي اللي جنبها وحضن ايدها بين ايديه وهو يدعي من قلبه انه يشفيها ويحفظها له من كل مكروه
******غاليه******
وصلو كل الضيوف من مده اهل وليد واهل ابوزين و صديقة ندى الروح بالروح
استقبلت غاليه كل الضيوف وقامت بضيافتهم على اكمل وجه لكن
اهل وليد امه واخته الكبيره كان ليهم استقبال خاص ومميز من
غاليه لانها عارفه اد ايه فارس متعلق بوليد واللي يحبهم فارس هي تحبهم من كتر حبه ليهم لكن حزينه لانها
فقدت غاده ودعت لها من كل قلبها ان ربنا يشفيها وهي منتظره يوم التلاقي بفارغ الصبر عشان تشوفها
كانت بسمه ونجلاء ورانيا معاها بيساعدوها لما شافو ان مافيش حد
واقف يساعدها ....ندى مشغوله مع صديقتها ..... ومى حابسه نفسها فوق ورفضت انها تنزل وغاليه حلفت على عمتها
وفاطمه انهم ما يعملوش اي حاجه وهي و الخدم مش مقصرين وقايمين بالمطلوب .. ام جيهان وحنان ومنال مافيش
امل يتحركوا من مكانهم خوفآ على برستيجهم ولان لو يشوفو غاليه بتموت قدامهم مايفكروش ثانيه انهم يساعدوها
ندى : نجلاء رانيا سيبوا الي في ايديكم وتعالو معانا
نجلاء : فيه ايه ونروح معاكم علي فين؟؟
روتين صديقه ندي : حكايه خاصه بالعوانس ماينفعش يسمعوها المتزوجون
نجلاء : مااقدرش اسيبهم لازم اساعدهم شوي وبعدين ابقي اجي
رانيا : حتى انا مقدرش
ندى :بقولكم ايه امشو ولا حبيتو الشغل ده للمتجوزين وبس وبعدين دي ضريبه بسيطه على السعاده اللي هما فيها
غاليه : لو حالات طلاق بقت جماعي اعرفو انه من عين المهبوله
بسمه : انا اعتبروني عانس وحكايه جوازي اشاعه لا اكتر يعني اجاي معاكم
ندى : لا والله صدقتك واللي واقف جنبك
بسمه بصت للطفل الي جنبها : ده بسلمتك احدي الأثار الناجمه عن الاشاعه
نجلاء بمزح : هروح اقول لـ اخويا
وتين : اه كدا تعجبيني واوعي تسبيه الا وهو مطلقها
بسمه : ده انا كنت ادبحها واشرب ميتها
غاليه ضحكت: نجلاء رانيا احنا خلصنا روحو معاهم قبل ما نرتكب مجزره فيهم
طلعت نجلاء ورانيا مع ندى وصديقتها وتين برا الفيلا
رانيا : ها ايه الشئ الخطير عندكم
ندى بهمس : اسمعو الشباب قاعدين في الجنينه من وري بيلعبوا دمنو وانا اعرف مكان نقدر نشوفهم وهما مايشفوناش خلونا نروح نتأمل فيهم وكل واحده تختار لها واحد
نجلاء بصدمه : ايييه
وتين : شوفو انا وندى اول الي هنختار لانه احنا اصحاب الفكره وبعدين انتي ورانيا تختارو من الباقين
رانيا وهي تجاريهم عاوزه تشوف ايه نهايتها : وبعد مانختار هنعمل ايه
ندى : هتعملي ايه يعني اكيد مالكيش الا لما ينامو الناس تقومي تصلي تهجد وتطلبي من ربك الكريم طول الليل انه يجوزك واحد منهم وانتي وحظك بقي
نجلاء : واللي مش هتختار ولا عاوزه تتجوز تعمل ايه
وتين : دي تروح تكشف على قواها العقليه لانها اكيد يامهبوله يا مجنونه مافيش سبب غيرهم
بعد حرب وافقت نجلاء ورانيا يرحوا معهم بعد ماحلفت لهم ندى ان الشباب مايقدروش يشوفوهم ولانهم محتاجين نجلاء تقول لهم مين زين عشان يكنسلوه عليه من الحسبه لاتدبحهم نسمه
كان فيه في الجهه الخلفيه غرفه صغيره خاصه بأجهزه السباحه تسلقتها ندى وتين وساعدو نجلاء ورانيا عشان يطلعوا معاهم
نجلاء بتريقه : ووووواو فكره خطيره
وتين : هههههه شوفتي
رانيا : لا انا اخاف اخاطر بحياتي
ندي: بليززز رانيا وافقي ..(وتسبل بعينها)
نامو على بطونهم ووشهم للناحيه اللي فيها الشباب عشان يشوفوهم وهما لا
نجلاء : شفتو اللي لابس قميص ابيض من بين الشباب الاربعه اللي قاعد ده زين
ندى بحسره : وشفتو اللي قاعد قصاد زين ويضحك مفيش امل يتجوزني (كان كريم وندى باصمه بالمليون انه مستحيل يتجوزها بعد كل مواقف النحس اللي شافها فيها)
وتين : يبقي دوري علي غيره او لو جه رمضان ترقبي ليلة القدر (وبشهقه) ياويل قلبك ياوتين القمر ده انس ولا ملاك
ندى : اي واحد
وتين : شفتي الثلاثه اللي واقفين هو اللي فالنص ياخرابي عذااااااب ااااااااااه يدبح كأنه ممثل
وتين وهي بتحاول تنقذ نفسها من ندى اللي انهالت عليها بالضرب والتكفيك قالت بغل مكتوم : بت ليكون حاطه عينك عليه انا الي شفته الاول
ندى : ياحيوانه ده فارس اخويا جوز غاليه
وتين بحسره :طالما جوز غاليه يبقي ربنا يهنيهم خلاص (وهي تهز راسه بقوه) شلته من مخي خلاص طار
كانت رانيا عيونها مركزه على ماجد اللي واقف جنب فارس وواضح انه بيناقشه بشئ وهو متعصب للحظه اتمنت تعرف ايه اللي مخليه متعصب كدا لكن بعد ماافتكرت موقفهم اللي بالمستشفى توقعت ان ده طبعه على طول
وتين : خلاص ناخد اللي جنبه
ندى : اي واحد اللي على يمينه ولا شماله
توقفت انفاس رانيا لا شعوريآ وهي منتظره وتين تحدد اي واحد
وتين : لا اللي على شماله ده عسسل بيضحك مش الثاني ياربي متعصبب وكأن عنده النيه يقتل حد
ندى : توني عرفت مين ناحسني في الدنيا مافيش امل اتجوز طالما انتي صديقتي
وتين بصدمه : يعني انا منحوسه
ندى : اخترتي فارس متجوز واخترتي وليد كمان متجوز وحتى لو قلنا اخترتي ماجد اللي على رايك متعصب اليوم بس خطبوله يا وش الفقر
وتين : المتعصب ده هو ماجد اخوك
ندى : الشكوى لله والا حد اليوم خطبوله او بيخطبو له ويتعصب انا لو منه كنت احتفلت وصمت شهركامل شكر لله
وتين : ومين المسكينه اللي بليتوها بيه ياخوفي يقتلها ليلة دخلتها
ندى بمزح : خطب نجلاء
نجلاء بصدمه : فايقه انتي
ندى : ههههههههههههه لا بهزر انتي المفروض تتجوزي واحد من اللي شالوك لما انلدغتي وبما ان فارس محجوز مالكيش الا خالد
نجلاء : اسكتي متفكرنيش الله لايعيده من يوم
كانت رانيا معاهم بجسمها اما عقلها كان مشغول باللي خطبها ماجد وجاهله ايه سبب اهتمامها بيه ومشعارفه ليه زعلت
لما عرفت انه خطب حاولت تبعد الافكار عنها لان حتى لو ماجد ماخطبش هي المفروض ماتفكرش بواحد عصبي زيه
ده غير انها نفسها تسافر تكمل تعليمها برا وتتثقف ومتوقفش طموحها
وتين : والي فاشخ ضبته وعمال يضحك اتجوز خلاص ولا بس خاطب
ندى : لا ده متجوز جواز يسود الوش
وتين : ازاي؟؟
ندى : متجوز شغاله سيريلانكيه
وتين : يععععع .. طيب اسمعي انا هعمل فيه خير واخده
ندى : كان غيرك اشطر قلت لفارس نفس الكلام بس اللي فهمته منه انه بيحبها ومتعلق بيها لكن انا بحاول مع فارس يجوزهولي
وتين: وانا استفدت ايه؟؟
ندى : ياحبك للاستعجال ياعبيطه اذا اتجوزني بحاول أأثر عليه انا
وفارس ونقنعه يطلق السريلانكيه وياخدك اقلها تبقي ضرتي مصريه اصيله زي
وتين : اذا كان كدا اتفقنا .. بس خلينا ندور علي واحد نخليه احتياطي لو مااقتنعش جوز السيريلانكيه
ندى : معاك حق بس مابقاش غير كريم وده مفيش امل يتجوزني وزين اللي عاطينا ظهره متجوز وعنده عيل وخالد ماينفعلناش لان ده اللي شال نجلاء لما لدغها الثعبان وطبعآ شافها واذا اخدته هيفضل يقارن بين وبينها وانا اللي حطلع خسرانه (لان نجلاء احلى منها)
وتين: ياخساره وانا الي قلت الليله هتنفك عقدتنا في العنوسه!! ده انا من الخوف بقيت اردد الكلمه كتير
ندي: ياخوفي للعنوسه تسبب لنا فيرس و الفيرس ممكن يتطور لحد مانبقا زومبى
نجلاء : ياربي انا والهبله رانيا ازاي بس مطاوعينكم يله بس نزلونا من هنا زي ماطلعتونا
نزلت ندى ووتين بسهوله ولما شافتهم نجلاء ماشين وسيبنهم (وهي بتحاول ماتعليش صوتها عشان مايسمعوهم الشباب) : علي فين تعالو ساعدونا
ندى : محدش قالكم طاوعونا(ومدت لسانها بحركه غيظ)
عذبوهم شوي وخلوهم يعتذرلهم (نجلاء ورانيا) اشد الاعتذار ويوصفوهم بأجمل الكلمات ويدعو لهم دعوات مخلصه وصادقه بالجواز حسب طلب ندى بعدها عفو عنهم ونزلوهم
*******غاليه*******
وتين بقالها ساعتين قاعده و بعدها زهقت وقررت ترن علي ندي وتقلقها
ندي ردت بنفخ: الو ايوه يا زفته
وتين: زهقانه وبعدين احنا جايين نتفسخ ونغير جو ولا ننام قومي يله
ندي : انام بس شوي
وتين صرخت: ندي تعالي نتمشى شوي
ندي:شغاله ابوكي انا
تين. يعني يرضيك اروح لوحدي
ندي : اكيد معاك رِجلي على رِجلك ههههه
وتين : خايفه تقولي بعدين رَجلي على رَجلك
ندي : لا رَجلي احلى و ان شاء الله يجي فارس احلامنا ونتجوز انا وانتي ياعانس
وتين: طيب انا هسبقك واروح اتمشي مع ساسو وانتي حصليني سلاموز
وتين وهي ماسكه ايد سوسو: بت يا سوسو لو بقيتي عاقله زي كده هشتريلك شكولاته
سوسو: لا انا عاوزه كتير
وتين: يخربيت النداله طيب كتير
سوسو: انتي حلوه
وتين حركت شعرها: وانت احلي ساسو لكن فرده حلقها اتدحرجت ودخلت تحت باب
وتين شهقت بصوت عالي: لالالالالالالا ايه ده ده حلق ندي هتموتني يا مصبتي السوده يانا يمه بت ياساسو دوري معايا ومن غير شعور فتحت الباب
سوسو جريت وسابتها اما وتين دخلت الغرفه وفتحت النور واتفجأت بالي جوه اول ما جات عيونها بعيونه اتحول وشها زي افلام الكرتون من الخجل المشكله مالحقتش ترجع لا دي دخلت و من غبائها قفلت الباب ماجد شافها فتح بؤه بنت في قمه الروعه بشرتها صافيه وبيضه ماعدا خدودها الحمر مغمضه عيونها وشعرها مايل على جنب واصل لعند وسطها بختصار اتهبل بجمالها
فتحت عينها بصتله وتنحت وهي خايفه
ماجد ابتسم شكلها ناعمه ورقيقه : انا اسف اتفجعتي مش كدا؟؟!!!
وتين : ماجد الله يخليك بلاش تأذيني
ماجد: استغرب انتي تعرفي كمان اسمي
وتين بعياط : لا معرفوش
ماجد حب يلعب بأعصابها :متعرفوش هاه طيب انا مش متحرك الا لما تقوليلي منين عرفتي اسمي يلا بسرعه قبل ما حد يجي !!!
وتين ابتسمت له كأنها بتعلب لعبه معاه : لو قلت لك هتسبني امشي
ماجد كاتم ضحكته: اه هسيبك
وتين نزلت راسها وشبكت ايدها : اختك ندي معايا في ثالثه ثانوي ومره روحت بيتكم زمان وشفتك بالصدفه
ماجد ابتسم : مشاء الله وما نسيتينيش؟؟!!
وتين (وانا اقدر انساك من ساعه ماشفتك وانت واخد عقلي ) : بتتريق ولا بتسأل
ماجد : هي هتفرق وبعدين انتي مش بتتكسفي شوفي كنتي بتعملي ايه انتي وصاحباتك ولا كمان بتراقبونا
وتين وشها احمر جدا: محصلش
ماجد بسخريه لاذعه: عارف كنتوا حابين تطمنونا عن اخبارك
سمع حد جاي وقالها لفي واجري لاحد يشوفك!!!!
طلعت وتين تجري وهي حاسه انها هتتكعبل تقع من كتر ما جسمها بيتنفض
شافت ندي جايه عليها
ندي: كنتي فين يا غبيه ؟؟!!
وتين : اشوف فيك يوم انتي واخوكي قليل الادب ده
ندي عقدت حواجبها بستفهام: اخويا ماجد ماله
حكتلها وتين الي حصل والموقف الي اتحطت فيه مع ماجد
ندي وهي لسا بتضحك: اه بطني هههههه ياخساره فاتني العرض ههههه
وتين بعصبيه و ضربتها بالخفيف على راسها : ضحكتي من غير سنان ياغبيه انتي
ندي بتضحك بهستريا:انااا برضو الي غبيه هاه مش كأنك مبالغه شويه وبعدين ماعملكيش حاجه وقلتي عنه قليل الادب امال لو قالك بحبك وبموت فيك يا عمري يا روحي
وتين بعصبية : ندي يا عبيطه حلي عني وسرحت
ندي حركت ايدها قدام وشها : الي واخد عقلك يتهنا بيه
وتين حضنتها :خايفه اخسرك لما اوافق على اخوكي
ندي ضربتها على ضهرها وباعدتها عنها : ومين قالك هسيبك انا قاعده على قلبك
وفتحت تاني في واصله الضحك
وتين صرخت :مالك يا مجنونه
ندي :مالي يابت فرحانه انك من حظ اخويا بس قوليلي متحمرش بيك
وتين شهقت : انتي وقحه
ندي : هههههههه قديمه
وتين بحالمية :طيب لو سالك عني هتقوليله ايه
ندي بنداله: هقوله هي معجبه بيك وكل يوم بتسألني عنك؟
وتين :ندي اقولك علي حاجه
ندي :قولي و خلصيني
وتين بدون مقدمات حضنتها وباستها : انااا عاوزه اخوكي على سنه الله ورسوله اصله عيشني في عالم الخيال معقوله حبيته
ندي ابتسمت : والله مانلاقي احسن منك
وتين : بس مش عاوزه حد يعرف غير لما تاخدي راي اخوكي الاول
ندي : من عيوني الحلوه
وتين ضربتها علي ظهرها وجريت : مصدقه نفسك
ندي : انتي الي بدئتي الحرب وهتندمي وطلعت تجري وراها
.............
في المزرعه علي الفون
منال بعصبيه: ممكن تقوليلي هخلص من المصيبه الي انا فيها ازاي؟؟
سحر:قلتلك هانت انا كلمت الدكتوره واتفقت معاها علي كل حاجه
منال : اياكي تكوني بتلعبي بيا ياسحر ده شرفي وعرضي
سحر بعصبية : ليه انتي مش واثقة فيا؟؟!!
منال بقلق : لا لا واثقة فيك بس
سحر قطعتها: لا بس ولا حاجه اطمني هتخلصوا وترجعوا زي الفل
منال: زي الاول بزمتك انتي مصدقه نفسك
سحر اتخنقت من نبره التهديد: منال انا سكت لك كتير فياريت تتأدبي احسن ما اتصرف معاك تصرف مستحيل يعجبك
منال: انتي الي اسمعيني كويس ياويلك لو بتلعبي بيا
سحر بنفعال: منال انا ماحدش يهددني فاهمه ولا اوديك ورا الشمس انتي والزفته بنت عمك التانيه وفهميهما كلامي ده كويس
طوووووووط
رجعت ترن بس سحر طنشت لحد ما جاتلها رساله من منال كلها تهديد ( اعتبري نفسّك منتهيه و هتندمي والله لو ما نفذتيش وعودك)
سحر :ههههههه ضحكتني مفكراني بخاف مش سحر العزيزي الي تخاف من حشره زيك نست بنت البوبي انها لسه محتجالي
سحر بصت لتامر: لسه ايه
تامر: محتجالك
سحر: بس تمام ..... تامر انا عاوزه اخلص من البنتين دول وقريب اوي
تامر: عنيا انتي بس تأشري
سحر: ازاي
تامر اخد نفس من سيجارته: سهله وبسيطه خالص قضيه اداب مَتخرش الميه بس هتاخد فيها اربع اشخاص دفعه واحده بس المبلغ فيها كبير شويتين
سحر بدلع: ولا يهمك عيوني كلها عشانك الليله الفلوس هتبقي عندك !!!!
تامر: بس الي هددتك منال ليه التانيه تظلميها
سحر: حياتي هي الي ظلمت نفسها لما اتأمرت علي اخواتها والي بعمله ده واجب وطني بحت
تامر: ده انا كدا اخاف منك واتقي شرك
سحر : لا انت وضع تاني بس برضو انا محدش يلوي دراعي
وضحكت( كله كوم والحرباية منال دى كوم تانى!! شغاله تلف على فارس رغم انها عارفة انه متجوز وبيحب مراته بس برضه لسه بتلف عليه عشان تاخده من غاليه!!مفكراه انه اول ما يسيبها هي اول شخص هيلجأله فلازم تبقي واقفه جنبه بس انا هخليها في حته تانيه خالص
تامر ملس علي دراعها: يارتني عرفتك من زمان
سحر: ليه كنت هتتجوزني
تامر: لا جواز ايه انا الجواز ده يجي عندي ويدوس فرامل
سحر: تعجبني
وحاوطت رقبته ومزجت شفايفها بشفايفه
تامر قام وقف : مدام كدا قشطا عليك لما اروح اظبط الحكايه مع اني نفسي افضل ابوسك لحد بكرة بس اكل العيش بقي يله خليني اتوكل علي الله
سحر ابتسمتله: أيوة كدا امشي معايا علي نفس الخط
تامر : هو انا عندي اعز منك سلام
سحر : سلام وخد الباب وراك
خرج و قفل الباب
سحر رصت علي اسنانها بغل ابقي اشوفك يا منال تهددي سحر ازاي