💗عناد الحب والكبرياءج٢ من متمرده عشقت كبرياءه
الفصل الخامس
اشرقت شمس صباح يوم جديد بنورها الساطع فى سماء الاسكندريه لتبدء العصافير بالتغريد
مليكه :- فتحت عيونها ملاقتش فهد جنبها على السرير قامت من على سريرها ولبست الروب وخرجت من باب اوضتها نزلت من على السلم وراحت عند المكتب ولسه هتفتح الباب سمعت صوت فهد وهو بيقول
فهد :- تمام هخلص شغل واجى ليكى على الشقه القديمه
مليكه :- اتصدمت لما سمعت كده وحطت ايديها على بؤقها وطلعت تجرى على الاوضه وعملت نفسها نايمه
فهد :- طلع على الاوضه وبص على مليكه لاقها نايمه دخل الحمام اخد شاور واتوضه وخرج لبس هدومه واده فرضه وباس مليكه فى خدها ونزل
مليكه :- اول ما فهد قفل الباب قامت قعدت على السرير وضمت رجليها لصدرها ودموعها نزلت منها وقالت مش معقوله ف.ف.فهد بيخونى ط.ط.طب ليه ا.ا.انا نقصتك ايه ليه بتعمل كده معايه وقالت لا مش مصدقه اللى سمعته ا.ا انا لازم اتأكد فى معاد خروجه من الشركه هروح وراه مش يمكن ظلماه اصل استحاله فهد يعمل فيا كده وقامت من على سريرها ودخلت الحمام اخدت شاور واتوضت وخرجت لبست هدومها وأدت فرضها وخرجت من الاوضه وراحت صحت الاولاد علشان مدرستهم ونزلت حضرت الفطار وحطته على السفره ونزلو عدى وجاكلين فطرو وراحو المدرسه وقامت مليكه تعمل اللى وراها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى شقة مازن ومى
صحيت مى وعملت زى كل يوم صحت مازن وراحت صحت تيلا علشان مدرستها
وحضرت الفطار على السفره وخرج مازن من الاوضه وتيلا وقعدو على السفره وبدوأه ياكلو
مازن :- حط لقمه فى بؤقه وبعد كده طلعها وقال بعصبيه ايه ده الله يقرفك مالك مزوده الملح فى الاكل كده ليه
مى :- مدت ايديها واخدت منه وقالت مفهوش حاجه يا مازن زى كل يوم مش مالح ولا حاجه
مازن:- يعنى انا بكدب ولا بتبلا عليكى
مى :- ولا ده ولا ده بلاش تاكل فول عندك الجبنه كل منها يا مازن
مازن :- هتأكلينى على مزاجك يعنى
مى :- مقولتش كده كل اللى انت عايزه براحتك
مازن :- مالك بتتكلمى كده ما تتكلمى عدل
مى :- هو فى ايه يا مازن انت بتقول شكل للبيع على الصبح
مازن :- قام وقف وقال بقيتى واحده نكديه كتك القرف ومشى وسبها
مى :- حبست دموعها وبصت لتيلا وقالت قومى يا حبيبتى روحى مدرستك
تيلا :- ماما انا زعلانه اوى
مى :- ليه يا حبيبتى
تيلا :- علشان اللى بابا بيعملوا معاكى ده
مى :- بصى يا حبيبتى بابا بيبقى مخنوق علشان مش معاه فلوس بدل ما يتخانق بره مع حد وتحصل مشكله بيجى يطلع قرفه هنا واحنا بقى لازم نستحمله مش كفايه شقيان طول النهار علشان يجيب لينا فلوس
تيلا :- بس بابا مش حنين حتى عليا ده عمره ما صحى الصبح وقلى صباح الخير ولا عمره اخدنى فى حضنه زى ما عمو فهد بياخد جاكى فى حضنه وعمو اسر بياخد يوسف ويلعب معاه ويشترى ليه حاجات حلوه ده قليل اوى لما كلمنى عمره ما سألنى عامله ايه فى المدرسه بابا مش بيحبينى يا ماما
مى :- شدتها فى حضنها وقالت ايه الكلام العبيط ده اللى بتقوليه لا طبعآ بابا بيحبك بس هو بيبقى تعبان من الشغل بيجى ياكل اللقمه وينام ويقوم الصبح يروح الشغل علشان كده مش بيتكلم معاكى كتير
تيلا :- طيب يا ماما الناس كلها بتاخد اجازه الا بابا ليه
مى :- لنفسها اه صح ازاى مأخدش بالى من الموضوع ده مازن بيروح فين يوم اجازته
تيلا :- روحتى فين يا ماما
مى :- ها معاكى يا حبيبتى مش عايزه اسمعك تقولى الكلام ده تانى بابا بيحبك ماشى
تيلا :- حاضر يا ماما
مى :- بستها وقالت يلا على مدرستك
تيلا :- اخدت شنتطها ومشيت راحت على المدرسه
مى :- دموعها نزلت منها وقالت يارب هفضل فى الغلب ده لحد امته اهانه ومتقبلها ذل ومتقبله كل حاجه متقبلها الا وجع بنتى يارب اهديه واصلح حاله علشان خاطر بناته انا مستحمله كل ده علشان خاطر بناتى متوجعش قلبى عليهم يارب وبعدين مسحت دموعها وقامت من مكانها ولمت الاطباق وراحت تغسلهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا اسر
صحى اسر من نومه وكانت مها لسه نايمه ملس على شعرها ومشى صوابعه على وشها وقال
اسر :- حبى اصحى يلا
مها :- امممم سبنى شويه يا اسر
اسر :- انتى مالك بقيتى كسوليه كده وعايزه تنامى علطول شبهتى عليا ايام ابنك يوسف كنتى بتنامى كتير كده
مها :- قامت نطت وقعدت بسرعه على السرير
اسر :- اتخض وقال فى ايه يا مجنونه
مها :- نهار اسوح شكلها كده حمل
اسر :- ايه وعرفتى ازاى
مها :- البريود متأخره عن معادها وفعلا بنام كتير وباكل كتير زى ايام يوسف
اسر :- طيب يا مها خير من عند ربنا هجبلك اختبار حمل واتأكدى
مها :- لالالا انا مش هقدر على عيال تانى كفايه عيالك مطلعه عينى وبعدين سمر لسه صغيره عندها سنتين
اسر :- يعنى هتعملى ايه
مها :- لو طلع حمل بجد هنزله
اسر :- ايه اللى انتى بتقوليه ده انتى بتستعبطى ولا ايه
مها :- ايوه يا اسر مش بلاحق على الاتنين هروح اجيب التالت
اسر :- متكفريش بنعمة ربنا علشان ما يحرمناش من اللى عندنا الحمدالله احنا معانا فلوس ونقدر نصرف عليهم وممكن اجيب ليكى واحده تساعدك لكن تنزليه لا يا مها
مها :- ما انت لازم تقول كده علشان مجربتش تعب الحمل ولا وجع الولاده
اسر :- والله هو ربنا خلقكم كده انكم تتعبو فى الحمل والولاده ومكرمكم لسبب ده
مها :- مليش دعوه هنزله
اسر :- لا يا مها مش هتنزليه ولو فكرتى تعملى كده يبقى تروحى بيت اهلك أوله بيكى وقام دخل الحمام
مها :- مليش دعوه برضه هنزله ها
وبعد شويه خرج اسر من الحمام لبس هدومه واده فرضه وخرج من الاوضه من غير ما ينطق ولا كلمه
مها :- بغيظ انت حر وهعمل اللى فى دماغى برضه وقامت دخلت الحمام اخدت شاور واتوضت وخرجت لبست هدومها وادت فرضها ونزلت من اوضتها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فارس المنشاوى
صحى من نومه جت قصاد عينه صورت جومانه فى الحفله ابتسم ابتسامه خفيفه وقام من على سريره دخل الحمام اخد شاور واتوضه وخرج لبس هدومه واده فرضه ونزل ركب عربيته وراح على شركة عز
وصل هناك وطلع عند السكرتيره وطلب يقابل جومانه
السكرتيره :- دخلت بلغت جومانه وطلعت بلغت فارس أن هو يدخل ليها
فارس :- دخل المكتب وهو مبتسم
جومانه :- نعم افندم هى مش بوابه من غير بواب كل شويه هتنط لينا هنا
فارس :- بلم من طريقة كلام جومانه
جومانه :- ايه يا عم انت هتبلم كده كتير
فارس :- بصدمه انتى ايه يا بنتى لبسك عفريت ولا ايه
جومانه :- اخلص عايز ايه
فارس :- انا كنت جاى وسكت وقال انتى ازاى تتكلمى معايا بالطريقه دى
جومانه :- يا دين النبى هى دى طريقة كلامى ولو مش عجبك الباب يفوت خروف
فارس :- ماشى يا معزه
جومانه :- احترم نفسك
فارس :- على الأقل المعزه كيوت عنك انتى محصلتيش حتى نسناس
جومانه :- ا.ا انت واحد قليل الادب
فارس :- اسم الله عليكى انتى يا مؤدبه يالى العيبه متطلعش من لسانك ابدآ
جومانه :- انت جاى ليه
فارس :- خلاص مش هقولك ولف علشان يمشى
جومانه :- ا.ا.انت يا حضرت مش حفله هى تيجى تتفرج عليا شويه وتمشى انطق عايز ايه
فارس :- لا موتى بفضولك كده انا هبقى اكلم ابوكى فى فى التليفون ومشى وسابها
جومانه :- عااااااااا بنأدم مستفز اموت واعرف كان عايز ايه فضولى هيموتنى وبعدين قامت وقفت وقالت لالالا مش قادره استنا وطلعت تجرى وراه ونزلت لاحقته قبل ما يركب العربيه
جومانه :- لو سمحت
فارس :- من غير ما يبص ليها قال افندم
جومانه :- هو فى مشكله فى البضاعه اللى نزلتها ليكم
فارس :- اشمعنا
جومانه :- اصل حضرتك يعنى جاى وشكلك جاى تشتكى
فارس :- بص ليها وقال ايه حضرتك لالالا ده فى حاجه هتحصل بقى جومانه ام لسان طويل تقولى حضرتك
جومانه :- ممكن حضرتك ترد عليا
فارس:- لا كده العفريت انصرف من عليكى
جومانه :- شكرآ لحضرتك ممكن تنطق بقى
فارس :- والله هى مش بطاله بس قولت اقف جنب الشركه بتاعتكم واجى اقدم على طلبيه تانيه بس يلا مش ليكم فى الطيب نصيب عن اذنك
جومانه :- مسكته من دراعه وقالت لالالا استنى هنا تمشى ايه اتفضل معايا على مكتبى
فارس :- بص على ايديها اللى على دراعه
جومانه :- اخدت بالها شالتها وقالت احم س.س.سورى مكنتش اقصد
فارس :- ياريت علطول كده ميكنش قصدك
جومانه :- وهى بتحاول تهدى نفسها اتفضل حضرتك قدامى
فارس :- مشى قدام جومانه
جومانه :- من وراه رفعت رجليها وقالت فى سرها الواحد عايز يديك شلوط يطيرك شبه الكره كده
فارس :- بيبص لاقه جومانه بترفع رجليها قال فى حاجه
جومانه :- ها ل.ل.لا د.د.دى رجلى شدت عليا ا.ا.اتفضل حضرتك
فارس :- لا الف سلامه على رجلك اتفضلى امشى انتى قدامى
جومانه :- مشيت قدامه وقالت مشش فى ركابك يا بعيد اللهى يجيبو ويحطوه عليك يا فارس يا ابن ام فارس نفسى امسكك وصوتها عليه وقالت اخنقك
فارس :- ايه مين ده اللى تخنقيه
جومانه :- ها ل.ل لا ق.ق.قصدى اوعى لكون بخنقك ولا حاجه
فارس :- انتى ده انتى بلسم يتحط على الجرح يطيب انتى تخنقى انتى ده انتى ملاك بجناحين حوشى يا بت جناحاتك احسن بتخبط فى الناس
جومانه :- بضحكت غيظ ميرسى اتفضل
ودخلو الاتنين وقالت اتفضل اقعد
فارس :- قعد
جومانه :- عايز كميه قد ايه
فارس :- طب مش الاول تطلبى ليا حاجه اشربها
جومانه :- داست على سنانها وقالت حاضر تشرب ايه
فارس :- ها لا خلاص مش عايز
جومانه :- بغيظ طب ممكن نتكلم فى الشغل
فارس :- شغل شغل ايه
جومانه :- بعصبيه الطلبيه اللى جاى علشانها
فارس :- انا سامع صوتك عليه وانا مش بحب حد صوته يعلى عليا
جومانه :- لنفسها اللهم يطولك ياروح وبعدين قالت أنا اسفه اتفضل حضرتك اتكرم وقول الطلبيه
فارس :- لا خلاص هبعت فاكس على بريد الشركه باللى انا عايزه
جومانه :- اتعصبت ووقفت وقالت تصدق انك انت بنأدم مستفز وبارد ومعندكش دم انت فاكر دمك خفيف ده يلطش يا جدع عايش الدور ومنفوخ على ايه يا يا يا تنح بجد مش عارفه اقولك ايه عاااااااااااااااا وحدفت التحفه فى الارض
فارس :- عيب لسانك ما يطولش عليا
جومانه :- مسكت تحفه تانيه ولسه هتحدفها عليه
فارس :- جرى ومسك ايديها ورجعها وراه ضهرها وقال انت اتهبلتى ولا ايه
جومانه :- قعدت تضربه بأيديها التانيه وتقول اوعى سيب ايدى
فارس :- مسك ايديها الاتنين وراه ضهرها بأيد واحده وقال شكل العفريت حضر عليكى تانى وبص على شفايفها وبلع ريقه وقرب منهم ولسه هيبوسها
جومانه :- ضربته بركبتها فى بطنه وقالت شكلك نسيت انا قبل كده قولت ليك معايا الحزام الأسود فى الكاراتيه
فارس :- ااااااه يابنت ال وبعد عنها ومسك بطنه وقال كنتى هضيعى مستقبلى
جومانه :- مش كل الطير اللى يتاكل لحمه مفكرنى لقمه سهله لا فوق يا حبيبى ده انا جومانه عز والأجر على الله اللى مفيش راجل فى البلد قدر عليا
فارس :- بلاش تتحدينى لو حطيتك فى دماغى هتخسرى
جومانه :- لا خوفت الصراحه
فارس :- حلو خليكى فاكره أن انتى اللى بدأتى سلام يا مزه
جومانه :- داهيه لا ترجعك
وقعدت على مكتبها وهى متعصبه
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
فى فيلا فهد المنشاوى
لبست مليكه هدومها ونزلت وقفت تاكسى مرضيتش تركب العربيه وراحت وقفت عند الشركه لحد ما فهد نزل وركب العربيه ومشيت وراه بالتاكسى لحد ما وصلت الشقه القديمه اللى كانت قاعده فيها مع فهد اول الجواز
فهد :- نزل وراح ركب الاسانسير وطلع على الشقه
مليكه :- استنت شويه وطلعت وراه فهد ورنت جرس الباب فهد فتح ليها وهو صدره عريان
مليكه :- اتصدمت لما شافت فهد كده ومعاه واحده فى الشقه ودموعها نزلت منها
فهد :- مليكه انتى عرفتى ازاى ان انا هنا
مليكه :- بدموع سمعتك بالصدفه وكدبت ودانى وجيت علشان اثبت لنفسى أن انا غلط بس للاسف يا فهد ليه تعمل كده ليه تخنى
فهد :- لا يا مليكه انتى فاهمه غلط
مليكه :- فاهمه غلط جيت وشفتك عريان ومعاك واحده فى الشقه وتقولى فاهمه غلط
فهد :- يا مليكه اسمعى بس هفهمك انا كنت هنا ب
مليكه :- مش عايزه اعرف يا فهد طلقنى وانا هاخد العيال وهروح عند امى
فهد :- يا مليكه اسمعى هقولك ايه مش زى ما فى دماغك
مليكه :- لا يا فهد انا كدبت ودانى بس مش هقدر اكدب عيونى كمان وسابته ونزلت تجرى
فهد :- كان هيجرى وراها افتكر أن مش لابس حاجه من فوق بص وقال هاتى ليا قميص من الدولاب بسرعه
وشويه وجه القميص ولابسه بسرعه ونزل يجرى وراها ولسه هتركب التاكسى فهد مسكها من دراعها
فهد :- مليكه استنى تعالى معايه وانا هفهمك
مليكه :- شدت دراعها من أيده وقالت خلاص يا فهد مبقاش فى بينا كلام اللى عندى قولته طلقنى
فهد :- بلاش تقولى كلام هتندمى عليه بعد كده
مليكه :- انا لو ندمانه ندمانه أن واثقت فيك وحبيتك وبصت ليه بدموع وركبت التاكسى ومشيت
فهد :- خبط على عربيته وقال ليه كده يا مليكه اتسرعتى من غير ما تعرفى الحقيقه وركب عربيته ومشى
لقراءة الجزء الاول جميع الفصول كاملة من هنا