وليد .... احكى ايه بس دى حاله انسانيه يلا بس شوف هتعمل ايه وخلص إجراءات نقلها للمستشفى
احمد .... ماشى لينا كلام تانى بس مش دالوقت انا هتصل بالمستشفى تبعتلى الاسعاف عشان انقلها
وليد. ... هو هنا مفيش إسعاف
احمد .... فى طبعا بس اللى هتيجى من عندنا هتبقى مجهزه احسن (ملحوظه هما عند جده حياه فى الاوضه)
فى هذه اللحظه
قدام الاوضه
منال..... جدتك عندها ناس شكلهم مهمين معرفتش دى عرفتهم منين وطلعونا بره عشان الدكتور يكشف عليها
حياه .... ناس مين دى انا هدخل اشوفهم وتدخل حياه ووراها ابوها ومنال
حياه.... انت
وليد ... ايوه ف حاجه
حياه.... ايه جابك هنا وتعرف تيتا منين
احمد .... ايه دا مش انتى
وليد ....يقاطعه جدتك معرفه قديمه ولما بابا عرف انها تعبانه صمم ينقلها المستشفى عنده
وأحمد بيبص لابنه بذهول فى سره ماشى ياوليد بتكدب وكمان حاططنى فى الكدبه لما نبقى لوحدنا بس
حياه .... لا مينفعش تيتا محدش هيصرف عليها جنيه غير أهلها
ابو حياه ... بصوت واطى يافقريه ماتسبيهم
احمد .... يابنتى محدش هيصرف عليها المستشفى بتاعتى خاصه وانا مخصص قسم مجانى
حياه ... بجد ولا حاضرتك بتقولى كدا عشان أوافق
سعيد .... ماخلاص بقا بيقولك قسم مجانيه واكيد جدتك هتقعد فيه
حياه ....طيب يا دكتور هو انا ينفع اقعد معاها انا مش هينفع اسيبها خالص
سعيد ... يابت أهدى بقا احمدى ربنا أنه هينقلها عندك وبعدين انتى تعرفيهم منين
حياه ... دكتور وليد دكتورى فى الجامعه عندى
منال.... اه اتشرفنا انا بنتى فى ثانويه عامه وان شاء الله تكون الدكتور بتاعها هى كمان
وليد .... إن شاء الله
احمد .... يلا الإسعاف جت وليد انا هاخد الاستاذ والمدام معايا وانت خد الانسه معاك
حياه .... لا معلش يادكتور انا هركب مع تيتا الإسعاف
وليد .... انسه حياه مينفعش انا هوصلك
حياه .... مش عايزه اتعب حاضرتك
احمد ... لا مفيش تعب دا هو كدا كدا كان هيجى المستشفى
وليد .... اه طبعا هروح المستشفى لاول كدا كدا يلا بقا ممكن
وذهبو
فى عربيه احمد
منال بهمس... شايف البت طلعت مقضياها مع الدكتور بتاعها
سعيد بنفس الهمس .... المهم نطلع من وراه بمصلحه
منال .... بس بنتى اولى
سعيد ... اسكتى دالوقت بدل ما الدكتور ياخد باله
منال ... حاضر سكت اهوه
______________________
فى عربيه وليد
حياه .... احم أولا أنا اسفه على الصبح بس حاضرتك كمان غلطان
وليد ..... اممم غلطان ازاى
حياه .... عشان طردنى مجاتش من دقيقه يعنى تأخير
وليد ... طيب ياستى بس انا بحب المواعيد المظبوطه وبسيب كمان خمس دقايق ليكم قبل ما ادخل المحاضره
حياه .... بس غصب عنى واول مره اتاخر عن المحاضره
وليد ... مكنتش اعرف خلاص بقا ها وثانيا ايه
حياه .....ثانيا مش داخل دماغى انكم تعرفو تيتا وأن كمان فى قسم مجانى فى المستشفى عندكم
وليد ... والله فى قسم مجانى وهتشوفيه بنفسك وبعدين ايه عندكم دى دى مستشفى والدى
حياه .... ما علينا بتاعت مين المهم انك تجاهلت اول حاجه قولتها ايه يا دوك مش عيب نكدب
وليد ... دوك ونكدب انتى مش ملاحظه انى دكتورك ف الجامعه ولا ايه
حياه .... دوك عشان بحب اختصر ونكدب عشان دى الحقيقه تيتا معرفانى كل حاجه عنها ومجابتش سيرتكم نهائى
وليد ... بلاش الاختصار فى دكتور معلش برستيجى وكمان يمكن تيتا نسيت بابا بس عشان كدا محكيتش حاجه
حياه .... مش مقتنعه بس هعمل نفسى مصدقه لحد ما اشوف اخرتها
وليد ... اخرتها 😳 طيب يلا يا لمضه انتى انزلى وصلنا
حياه .... ايه لمضه دى انت هتاخد عليا ولا ايه
وتسيبه وتنزل ورا جدتها
وتدخل جدتها عنايه القلب
بعد فتره من الكشف عليها يخرج دكتور احمد
حياه .... دكتور ممكن توضح ليا كل حاجه بالظبط
احمد ... طيب اتفضلو على المكتب وهشرحلكم بالظبط
ويذهب الدكتور أحمد وسعيد وحياه ومنال ووليد مكتب الدكتور أحمد
الدكتور احمد .... ايه يا وليد مش هتروح الشركه
وليد .... لا يابابا اتصلت بيهم وعرفتهم انى مش هروح ووائل وأيمن هناك متقلقش
ملحوظه ( وائل اخو وليد الكبير خريج هندسه وهو اللى ماسك شركه جدهم بحكم كليته فهو فاهم فى الشغل اكتر وأيمن ابن عم وليد وخريج تجاره وهو ووليد بيساعدو وائل بجانب شغلهم ودا بأمر من جدهم )
احمد ... ماشى بصراحه كدا ياجماعه هى حالتها خطيره والمفروض ليها عمليه قلب مفتوح بس بحكم سنها العمليه خطيره عليها
منال بندفاع ..... اعملها العمليه وبظروفها
الدكتور ووليد يبصو باندهاش ماعدا حياه تبصلها بقرف وسعيد مفيش اى رد فعل منه
الدكتور احمد يتجاهلها ويكمل..... هى حاليا فى عنايه القلب وفى دكتور تانى هنا معايا هيشوفها وساعتها نقرر سوا ايه الاصح ليها العمليه ولا من غيرها
حياه بهدوء..... تمام شوف حاضرتك الأصح وانا معاك شكرا جدا يادكتور
سعيد .... شكرا يادكتور نستاذن احنا يلا منال يلا ياحياه
حياه ... لا انا مش هرجع من غير تيتا امشو انتم
منال .... هتقعدى فين انتى مش شايفه عامله ازاى يعنى اكيد هتدفعى قد كدا عشان تقعد معاها اعقلى ويلا معانا
حياه ..... مش همشى لو هبات فى الشارع مش هرجع من غير تيتا امشو انتو
سعيد بعصبيه .... صوتك دا يوطى وانتى حره بس اعملى حسابك العنايه مفيهاش مرافق مع المريض وانتى لو تعبتى انا مش هجرى على مستشفيات تانى فاهمه
حياه بدموع بتمنعها تنزل ... ماشى مش عايزه حد يجرى بيا ع مستشفيات
الدكتور احمد .... متقلقش يا استاذ سعيد الانسه ليها أوضه تقعد فيه عشان لو المريضه احتاجت حاجه
سعيد .....م
قدري4
الدكتور احمد .... متقلقش يا استاذ سعيد الانسه ليها اوضه تقعد فيها عشان لو المريضه احتاجت حاجه
سعيد .... مصلحه يلا احنا يا منال
ويمشوا
حياه .... شكرا جدا يادكتور وانا هفضل فى الاستقبال هنا
احمد .... مفيش شكر يلا اوريكى اوضك
حياه ... بس
احمد بمقاطعة ....مبسش يلا ولو احتاجتى حاجه انتى عارفه مكتبى ودا الكارت بتاعى لو مش موجود اتصلى بيا
حياه .... انا متشكره جدا لحضرتك بس ممكن سؤال
احمد ... اتفضلى
حياه ....هو دكتور وليد عرف ازاى بتيتا انا الصراحه مش مقتنعه أنها تعرف حاضرتك
الدكتور احمد ضحك .... هو فين وليد صح
وليد .... انا اهوه اتفضلى
حياه ... ايه دا
وليد ... اكل عشان متعيطش قاصدى عشان شكلك ما اكلتيش من ساعه الساعتين بتوع المحاضره ويغمز لها
حياه فهمت أنه اتكلم مع ندى صاحبتها ...شكرا حسابهم كام
وليد ... الحساب يوم الحساب انا همشى يابابا عايز حاجه
احمد بضحك .... لا سلامتك يا حبيبى نتقابل فى البيت بكره
وليد .... ايه دا مش هترجع النهارده
احمد .... لا هبات هنا عشان اتابع الحاله وكمان عايز ادردش مع حياه لو مش هغلس عليها
حياه .... لا لا ابدا دا حاضرتك اللى هتصدع منى انا لكلكه اوى
احمد .... طيب يلا امشى انت ياوليد وانا هوريها الاوضه واروح ابص على المرضى واجيلك بقا
وليد .... طب مش عايزنى ادردش معاكم
حياه .... دكتور مش هتقولى دول حسابهم كام
وليد .... طيب يابابا انا ماشى بقا سلام ويسيبها ويمشى
احمد .... يضحك على ابنه اللى حاسس أنه وقع فى حب حياه وحياه متنحه وباصه للاكل اللى فى أيدها
احمد ... بابتسامه لحياه يلا
حياه ...يلا
احمد ...بصى بقا انا حبيت زى بناتى انا هروح ابص على المرضى واطمن على جدتك وأجى اطمنك ونقعد نحكى شويه ماشى
حياه بابتسامه .... ماشى
بعد مايمشى حياه تدخل الاوضه ماشاء الله دى احلى من اوضتى بقا دى اوضه فى مستشفى
______________________
عند سعيد ومنال
شوفت خالتك اهى فى مستشفى ولا تحلم تتعالج فيها لا وكمان بنتك قعدت معاها
سعيد .... انا مصدع وعايز انام حياه دى دايما محظوظه المهم لو اللى فى دماغى حصل هنطلع من وراهم بمصلحه حلوه اوى
منال .... وليه مش بنتى اللى تتجوز ابن الدكتور دا
سعيد ... اولا عشان بنتك لسه فى ثانوى وانا عايزها تكون مهندسه مش زى بنتى تربيه وهى متعرفش عن التربيه حاجه الله يرحمها امها السبب معرفتش تربيها بس اصبرى شكل خالتى نهايتها قربت وانا هربيها كويس زى زمان
منال ... ايوه بقا هو دا الكلام واكيد بنتى هتقع مع مهندس زيها وحاجه تشرف كدا
سعيد .... بالظبط أو دكتور كمان ماهى مش هتكون قله انتى شوفتى بتاعت التربيه الهندسه أعلى
منال .... ماشى ياحبيبى
______________________
عند حياه تتصل بندى
ندى .....حيو حبيبتى
حياه..... بس ياكلب البحر انتى بقا انتى تعملى فيا كدا حكيتى ايه بالظبط للدكتور وليد عنى
ندى بتوتر .... حكيت ايه هحكى ايه يعنى
حياه بعصبيه .... مين اللى قاله انى لما بزعل باكل وقعد كمان ساعتين المحاضره مقضياها اكل
ندى .....أهدى أهدى هحكيلك
حياه ... اهوه هديت اتفضلى احكى
.... طيب ما احكيلك انا احسن
حياه .... انت مش كنت مشيت وبعدين ازاى تدخل من غير ماتخبط
وليد ... انا خبط كتير وحاضرتك اللى مكنتيش معايا وكمان سايبه الباب مفتوح
حياه .... اه ما اخدش بالى طب ثوانى ندى اقفلى وهكلمك تانى وتقفل معاها
ها بقا خير رجعت ليه
وليد .... نسيت حاجه مع بابا كنت راجع اخدها وانا معدى لاقيت الباب مفتوح وسمعتك بتزعقى بس
حياه ..... اه تمام والد حاضرتك بيبص على تيتا يعنى هتلاقيه فى العنايه اتفضل بقا
وليد ... طيب مش عايزه تعرفى اللى ندى كانت هتحكى خلاص امشى انا بقا
حياه ... لا استنى ندى ممكن تلف بيا ومتقولش احكى يلا لاول
وليد ... قولى لو سمحت لاول
حياه ... انت هتزلنى مش عايزه اعرف امشى
وليد .... قفوشه اوى يلا هتعاطف معاكى واحكى
حياه بتافف .... ها يلا
وليد ... مع أن الطريقه مش عجبانى بس ماشى بصى ياستى ويحكى ليها اللى حصل فى الكافيتريا بس مقالش أن ندى كلمته بعد المحاضره
..... ايه دا وليد