رواية قدري
الفصل الاول والثاني
بقلم مروه السيد
خلاص يابنتى قربت اوصل اهوه
....الدكتور قرب يدخل وانتى عارفه ممنوع حد يدخل بعده دا غير غيابك بقالك اسبوع وهو بياخد غياب وقايل لو محضرتيش النهارده هيفصلك
.....يوووه بقا ياندى اعمل ايه يعنى ما انتى عارفه الظروف يلا سلام انا داخله الكليه اهوه
(انا حياه فى كليه تربيه علم نفس سنه تالته ودى ندى صاحبتى وجارتى من زمان مع بعض دايما من صغرنا حت الكليه كان هدفنا واحد نطلع مدرسين علم نفس )
.... اتفضلى بره محدش يدخل بعدى واظن انتى عارفه كدا
حياه ... اسفه يادكتور دا هى دقيقه وبسبب المواصلات
الدكتور .... بره مفيش اعذار المواصلات يبقى تنزلى بدرى يلا عشان ابدء المحاضره بره
حياه بصتله بدموع ومشيت وبعدين دخلت رأسها بس
ندى انا مستنياكى ف الكافتيريا عشان جعان هاكل ع ماتخلصى متتاخريش
الدكتور بذهول ... دا منظر واحده مطروده من المحاضره وهتشيل الماده
حياه .... ياشيخ هى جت عليك الحياه مش هتقف هشيل الماده ومالو ما انا شايله نفسه باى يا دوك وتمشى وكل اللى فى المحاضره بيضحكوا عليها
دكتور .... دوك 😳
تروح حياه الكافيتريا وتطلب اكل وتقعد تاكل بعد ساعتين بعد المحاضره ماتخلص
ندى ... دكتور لاحظه معلش
وليد (الدكتور)... نعم فى حاجه مش فهماها
ندى ... لا بس انا ندى اللى حياه كانت بتكلمها هى صاحبتى وجارتى وبعتذر لحضرتك بالنيابه عنها بس اللى هى فى غصب عنها والله غيابها مش بمزاجها وجت النهارده لما حاضرتك نبهت أنها تحضر عشان لاحظت غيابها الكتير
وليد ....امممم غصب عنها ايه دى راحت تاكل ولا فارق معاها
ندى ..... هههههه لا حاضرتك فاهم غلط هى مش بتحب تعيط قدام حد فبطلع زعلها ف الاكل واللى هى عملته من شويه عشان متعيطش انا عارفاها كويس
وليد .... وايه السبب القوى اللى يخليها متحضرش الاسبوع دا كله
ندى.... معلش مش هقدر احكى عشان بتزعل منى انا طالبه من حاضرتك بس بلاش تسقطها ممكن
وليد ... ربنا يسهل
تروح ندى لحياه
حيو قلبى اكلتى كام سندوتش لحد دالوقت
حياه .... وهى بتاكل كل دا تاخير بطنى وجعتنى اوى من كتر الاكل يلا روحى هاتيلى حاجه اشربها عشان اهضم
ندى بذهول .... تشربى كمان انتى بقالك ساعتين بتاكل ياحياه ايه وياريت بيبان عليكى
حياه ... الله اكبر دا قر ولا حسد وبعدين ما انا بحرق فى ساعتها
ندى .... حبيبتى ربنا معاكى
حياه بدموع .... يارب تخيلى سايبها تموت فى المستشفى الحكومى عشان ميصرفش عليها
ندى ... معلش ياحبيبتى ربنا معاها
حياه ... محتاجه عنايه ياندى وهو مش راضى بيقول افرضو صرفت وماتت برضو يبقى فلوسى ضاعت
ندى ... تحضن حياه وحياه تستلم لحضن ندى وتعيط
كل دا تحت أنظار شخص ما
______________________
البت مارحتش لجدتها النهارده يبقى اكيد هترجع الشغل
..... اشعرفك ما يمكن فى المخروبه اللى بتقول عليها كليه ياريت المصاريف دى كلها بفايده
سعيد ... ماكله من شغلها
منال مرات سعيد ... مش احنا واخواتها اولى بالفلوس دى هى بتشتغل وتصرف ع نفسها بس
سعيد ... سبيها يامنال لحد ماجدتها تموت بس
منال بشر.... ياريت تموت دى شكلها معمره فيها وعماله تدافع على البت كان حياه دى حفيدتها وباقى العيال لا
سعيد .... منال راعى أنها خالتى
منال .... خالتك وام مراتك مش كدا
سعيد .... سناء ماتت من زمان وانتى اللى مراتى وحبيبتى وكل دا عشانك وعشان عيالنا خالتى لما تموت هنورث من وراها فلازم نفضل نسمع كلامها عشان خاطر تكتب لنا ورثها كله
منال ... ماشى يا حبيبى وانا هروح ابص عليها واكسب فيها ثواب
سعيد ... تسلمى يا حبيبتى وانا هخلص شغل واجيلك اخدك نرجع سوا
منال... ماشى يا حبيبى
وتذهب منال عند خالت زوجها بحجه أنها عايزه تطمن عليا
_______________________
بعد فتره فى الكليه
حياه ... خلاص ياندى انا بقيت كويسه يلا بقا انا همشى اروح الشغل وبعد كدا اروح لتيتا ابات معاها وان شاء الله ارجع التزم فى المحاضرات تانى
ندى ... ماشى يا حبيبتى وانا هجيبلك اللى فاتك بكره هصورهولك اى خدعه
حياه ... تشكر ياريس يلا سلام
ندى ... سلام
تمشى حياه وندى لسه هتمشى
...ندى لاحظه
ندى ... نعم
الفصل الثاني
بعد ماتمشى حياه وندى لسه هتمشى
وليد. .. ندى لاحظه
ندى .... نعم يادكتور
وليد .... احم انا يعنى من غير ما اقصد كنت قاعد قريب منكم وسمعت الحوار اللى حصل بس مش فاهم بالظبط ممكن توضحى اللى سمعته انا يعنى اقدر اساعدها
ندى.... امممم وسمعت ايه
وليد.... هى مين اللى. محتاجه عنايه انا ممكن ادخل ولدى صاحب مستشفى(..) وانا ممكن أكلمه ويدخلها العنايه فيها
ندى بأمل ...بجد يادكتور دا حاضرتك تبقى عملت معاها احلى واجب بجد متعرفش حياه متعلقه بجدتها قد ايه
وليد ..... هى مكانتش بتيجى الاسبوع اللى فات بسبب كدا صح
ندى.... ايوه كانت قاعده بيها فى المستشفى حتى كانت اخده اجازه من الشغل كمان بس قررت ترجع الكليه لما بلغتها بقرار حاضرتك والدكاتره الباقين
وليد .... هى بتشتغل كمان
ندى .... اه شغاله فى مطعم عشان تعرف تصرف على نفسها وتكمل تعليمها
وليد ... ليه هى يتيمه
ندى.... للاسف يتيمه الام
وليد... طيب وباباها
ندى ... لا دا حكايه بقا المهم لو تعرف تساعد جدتها لان دى لو لقدر الله حصلها حاجه حياه هتتعب من غيرها جامد
وليد ... باذن الله هى ف مستشفى ايه
ندى .... مستشفى(..)
وتذهب ندى
______________________
.... متاخره مش كفايه غياب الاسبوع اللى فات
حياه ... اسفه بس غصب عنى كنت فى الكليه وحاضرتك عارف بخلص وأجى على هنا على طول
المدير.... ماشى ياحياه المهم جدتك عامله ايه خرجت بالسلامه
حياه .... لا لسه ادعيلها
المدير .... لما هى لسه يابنتى سبتيها ليه بس مرتبك زى ما هو متقلقيش يلا امشى
حياه.... معلش يا افندم مقدرش اخد فلوس مشتغلتش بيها وهى شكلها مطوله شويه انا موصيه ممرضه عليها وهخلص شغلى واروح ابات معاها انا ظبط امورى خلاص
المدير .... مفيش بين اب وبنته الكلام دا مش انتى بتعتبرينى ابوكى ولا ايه
حياه ... اه طبعا دا انت احن اب شوفته
المدير..... طيب يلا امشى ومتجيش غير بعد ماتطمنى على جدتك
حياه بضحك.... انا بطرد تقريبا طيب اكمل اليوم النهارده على الأقل طالما جيت اهوه تغير من المستشفى دى شويه
المدير .... ماشى ياست حياه وانتى ماشيه عدى عليا لاول يلا على شغلك
حياه .... عيونى وتندمج حياه فى شغلها
بعد انتهاء شغلها
حياه .... حاضرتك انا ماشيه تؤمرنى بحاجه
المدير.... خدى دول خليهم معاكى
حياه .... ايوه يا افندم بس لسه الشهر مخلصش
المدير ... اعتبريهم جزء من مرتبك يلا بقا خدى وروحى عشان متتاخريش على جدتك
حياه .... ماشى ياقمر انت تسلملى يلا سلام
المدير .... هههههههه سلام يا سكر
______________________
فى المستشفى
تصل حياه عند جدتها وتلاقى مرات ابوها وأبوها واقفين بره
حياه ... فى ايه تيتا حصلها حاجه واقفين كدا ليه
منال. جدتك ...
______________________
وليد .... ها يابابا هتعمل ايه
احمد (والد وليد ).....والله يابنى حالتها وحشه جدا والتقارير اللى قدامى بتقول انها محتاجه عمليه قلب مفتوح واحتمال ماتستحملش العمليه
وليد .... طيب والعمل
احمد .... انت مهتم أوى بيها كدا ليه انت مش قولتلى أنها جدت طالبه عندك
وليد .... ايوه والطالبه دى صعبانه عليا لأن اللى عرفته أنها متعلقه بيها اوى
احمد بخبث.... صعبانه عليك اوى كدا يعنى كل طالبه هتصعب عليك هنعالج قريبتها عندنا مجانا
وليد .... انت يابوب مش عامل قسم مجانى للمحتاجين يعنى مش حاله خاصه
احمد .... اممم لعبتها صح معرفتش اوصل للى انا عايزه ماشى ياسى وليد بكره تيجى تحكى
وليد ..... احكى ايه بس دى حاله انسانيه يلا بس شوف هتعمل ايه وخلص إجراءات نقلها للمستشفى
احمد .... ماشى لينا كلام تانى بس مش دالوقت انا هتصل ب .....