#لمضه 22 و23
.الفصل الثاني والعشرون
بقلم نورهان سليمان
في واحده من أرقي المستشفيات كان الكل بيشتغل علي قدم
وساق ممرضات داخله وخارجه من أوضه لمريضه
كانت شهد نايمه ولبسه لبس المستشفى وشعرها الطويل
مفرود والدكاتره بيعالجوا إصابتها و
كان قاعد بره باصص عليها قلقان وبيفتكر اللي حصل .....
مازن الجارحي 28 سنه من أكبر رجال الأعمال عنده شركه
كبيره نوعا ما محدش يقدر يقوله كلمه فمجال شغله بيحب
أخته فرح جدا توأمه و(فرح عندها سرطان بس مرحله أولي
عندها 20سنه بتعشق الغني مرحه جدا وعيونها زرقه) وكل اللي باقي ليه فدنيته.....
وهو خارج علي الطريق جاله إتصال قلب الدنيا.....
مازن_ألو
_أختك فرح فالمستشفي
مازن بصدمه _إنتي بتقولي أي يا داده عطيات
عطيات _لقيتها مغمي عليها فالحمام
مازن غمض عيونه و_طيب إقفلي ياداده
وساق بأقصي سرعه وفجأه ظهرت بنت قدامه كانت لبسه قميص نوم متقطع وشكلها عجيب حاول يوقف العربيه بس فات الأوان خبطها وبسرعه نزل لقاها واقعه فالأرض إبتسمت وأغمي عليها وداها المستشفي اللي فرح............
back.........
كان قاعد وجوه أسئله كتير أوي مين دي وأي اللي حصلها
أيعقل تكون بنت هوي بس إزاي؟إستغفر ربنا وقام يروح لأخته وقابل الدكتور و
مازن_مالها فرح يا دكتور
الدكتور_لا متقلقش فرح بإذن الله بخير وده من تأثير الكيماوي بس أه يستحسن تخليها هنا طول فتره العلاج
مازن بضيق وهو عارف إن فرح استحاله توافق_تمام وإتحرك وفتح باب الأوضه.......
عند جاسر وأدم وأحمد
جاسر_شاااااهد
وهيتحرك عشان يدخل بس أدم مسكه
أدم _ إهدي يا جاسر إنت مؤمن
جاسر_أختي بتموت جوه سبني
أدم مش قادر عليه
أدم _أنا أسف وضربه بالمسدس وقع فالأرض طلب من إتنين من عناصر الشرطه ياخدوه بعيد
أما أحمد كان فوضع لا يحسد عليه
واقف بيبص حوليه بضياع بيفتكر كل حرف قالته إزاي كانت بتحبه وهو هو جرحها وهي ماتت راحت ومش هترجع تاني!!!!
المطافي طفت الحريق وأدم دخل لقي جثه محروقه علي كرسي الشرطه تحفظت عليها دخل كل الأوض ولقي الأوضه اللي كانت فيها شهد فتح
الدولاب لقي بقايا أجزاء قمصان نوم محروقه ولفت نظره الشباك المفتوح خرج بره ناحيه الشباك لقي الإزاز مكسور راح لأحمد و....
جاسر بفرحه _ شهد عايشه يا أحمد
أحمد بعياط _عا....عايشه
وجري علي جاسر كان قاعد منهار بيردد إسمها زي المجنون
أدم قعد قصاده وصعب عليه حاله جاسر صاحبه
أدم بدموع _ أختك عايشه يا جاسر
جاسر بصله وسكت
أدم _أختك شهد عايشه والله العظيم
جاسر _ش...شهد عايشه
أدم بفرحه وهو بيمد إيده لجاسر عشان يقف _أيوه يا جاسر ولازم نلقيها
جاسر قام وقف وحضنه جامد_شكرا شكرا جدا يا أدم
أدم _عيب عليك ويلا من هنا لازم نكمل بحث أكيد مبعدتش
جاسر_أيوه
وركبوا التلاته وإتحركوا لمركز الشرطه بأمل جديد.........
فالبيت عند شهد.....
عصام من ساعه ما إتأكد إن بنته إتخطفت وهو بيصلي ويدعلها وبس
وملك كانت دايما بتعيط وتدعيلها وكانت بتروح لمامتها المستشفى تحكيلها عنها وتفضل جنبها الدكتور قالها إن والدتها ممكن تفوق قريب
حنان بقا كان حالها أصعب
طول الوقت بتعيط وبتصلي وتدعي ربنا يحفظ بنتها ومكنتش بتاكل......
ملك _ماما خدي كلي
حنان _مش قادره أكل حاجه
ملك بعياط _إنتي عاوزه شهد تزعلي مني يا ماما طيب لما ترجع وتشوفك كده هتقول أي هتزعل أوي
حنان_عايزني أكل إزاي والحقير ده خطفها إزاي أكل والله أعلم إن كانت بتاكل ولا لا
ملك بعياط _هترجع بإذن الله هترجع استحاله تتخلي عني
كده
حنان _يارب إستودعتك بنتي ياااارب........
فرح بدأت تفوق وشافت مازن قاعد زعلان
فرح شقهت و
فرح _إنت يا عم إنت في حد يدخل علي ولايا كده
مازن_مش أنا دخلت
فرح_أيوه
مازن_يبقي في
فرح _نينييي يا خفه طب حاسب بقا لحسن أخويا الجاحد المنعدم القلب يشحرتك كده
مازن بضحك _ي أيه ياختي هههههه
فرح_اي يشحرتك ياشبح عندك إعتراض
مازن_لا وبطلي لماضه ياختي
فرح_حد يلاقي دلع وميدلعش يسطا
مازن_هههه يسطا
مازن بجديه وضيق _في حاجه لازم نتكلم فيها يا فرح
فرح _..........
*صدق اللي قال إن الأحزان مبتجيش فرادي وإن الحزن ممكن يخلي الواحد عود مكسور
لا يمكن يتصلح تاني وإن كل شئ له مقابل وقدر من التضحية
فكل شئ بس لأي مدي ممكن يحولك الحزن والزعل لورده دبلانه مستنيه الموت أو معجزه تحصل رغم مرور السنين؟!!!
#لمضه
Part 23.....
مازن بجديه _عاوز أقولك علي حاجه
فرح في نفسها أيوه الإنفصام بدأ أها _هييح وأدي أقعده عاوز
تقول أي؟
مازن بص فعنيها _إنتي هتفضلي فالمستشفي طول فتره العلاج
فرح بضيق_بس انا مش بحب المستشفيات بخاف منها
مازن _عارف بس بالله عليكي إستحملي مش هستحمل يجرالك حاجه
فرح بقله حيله _حاضر
مازن باصها من راسها _حضرلك الخير كله ياست البنات
فرح _أيوه كل بعقلي حلوه لا الكلام ده مينفعش
مازن بتمثيل_أهون عليكي يا فرح
فرح _بصراحه كده أه
مازن _بقا كده طيب أنا هدي تذاكر حفله محمد سعيد لحد تاني بقا ملناش نصيب والروايه دي كمان (فرح بتعشق محمد سعيد زي كده بالضبط 😂)
فرح بصدمه _ده بجد
مازن_أه والله
فرح _أعاااااا بحبكككك ياض وربنا
مازن_هههه بكاشه خدي
فرحه وهي طايره من الفرح _شكرا يا أحلي ميزو فدلع
مازن بصدمه_ميزو!!!!ده أنا إسمي الله يرحمه باللي عملتيه فيه ده دا إسم دلع
فرح _هههه طب قولي كده دلع مازن أي؟؟
مازن_مش عارف بس ميزو ده أول مره أسمعه 🙂
فرح_هههه معلش بقا يسطا
مازن_إنتي متأكده إنك تعبانه ياجعفر إنتي
فرح_إخص عليك يا ميزو بقا جمر زي كده يتقالها جعفر
مازن_التوااااضع يا أختاااه هروح مشوار كده ورجع
فرح _إشطا وأنا هقرا الروايه دي شكلها تحفه
مازن_سلام
مازن خرج وراح لأوضه شهد وشاف الدكتور
مازن_يا دكتور أخبار المريضه أي
الدكتور بأسف _البنت دي إتعرضت لمحاوله إغتصاب
مازن بصدمه _إيه!!!!
الدكتور_مش بس كده المريضه حاليا دخلت فغيبوبه بسبب الحادث اللي حصل وكان عندها إنهيار فده أدي لغيبوبه ومش عارف هتقدر تفوق قريب ولا لا
الدكتور مشي ومازن كان مصدوم ومش بيستوعب وإفتكر القميص المقطع اللي كان عليها مش فاهم الملاك دي يحصل فيها كل ده
مازن غمض عنيه _لا حول ولاقوة إلا بالله
أنا لازم أعمل بلاغ عشان أقدر أوصل لأهلها أكيد بيدوروا عليها.....................
مر شهرين علي أبطالنا
مازن حب شهد جدا وفكل صلاه بيدعي ربنا يقومها بالسلامه وفنفس الوقت بيدور علي أهلها ونشر صورتها فكل مراكز الشرطه وفرح بتتعالج ومازن جنبها دايما ودايما بيهزروا مع بعض
فنفس الوقت جاسر وأدم وأحمد كانوا قالبين الدنيا علي شهد وعصام تعب ودخل المستشفي وفيوم
أدم راح لعماره أحمد وجاسر وخبط جامد و
جاسر_أي يبني مالك
أدم _هات أحمد وأجمع الكل
وبعد شويه كان الكل متجمع بما فيهم فهد وخلود
جاسر_ها يا أدم قلقتنا أقول في أي
أدم بفرحه _أنا لقيت شهد
خلود بعياط وفرحه _الحمد لله اللهم لك الحمد يارب
ملك _أخيرا مش قولتلك يا ماما هترجع
حنان بصتلها وبتهز راسها من الفرحه
جاسر بدموع _أختي...أختي فين يا أدم
أدم بتردد_أختك.....
جاسر_إنطق يا أدم
أدم _أختك في مستشفي *****
جاسر_أختي فالمستشفي ليه
أدم غمض عنيه_أختك إتعرضت لحادث وفالمستشفي لإنها فغيبوبه
جاسر_أيه!!!!!
أحمدحس إن روحه بتتسحب منه وحنان وملك وخلود عيطوا كتير وبعد ساعتين كان الكل رايح المستشفي وعصام أصر أنه يروح عشان يشوف بنته
وصلوا المستشفي ودورا علي أوضتها وشافوا مازن و........