رواية منقذي
الفصل الاول والثاني
بقلم مريم علي
_ رناااااااا
= نعم يا أمي
_ أمي !! انا مش أمك ولا عمرك هتكوني بنتي .
= ليه كده يا أمي ؟! ده حتي انا بعتبرك أمي وبحبك جدا .
_ وانا مش بعتبرك بنتي ، مش عارفه ليه ممتيش في الحادثة مع أمك وارتحت منك .
= بحزن : خير كنتي بتنادي ليه ؟
_ قومي نضفي البيت عشان زينه وجوزها جايين يتغدوا معانا النهارده .
= طب اساعدك في الأكل .
_ لا يا اختي ، أخاف لتحطي حاجه في الأكل تجيب أجلنا .
= طب ما انا هاكل معاكم يعني لو حصلكم حاجه هيحصلي انا كمان .
_ لا بردو اخاف ، ويلا روحي نضفي البيت .
= حاضر
" مشت وسابتني واقفه ودموعي بتنزل ع وشيء ، هي ليه بتعمل معايا كده ده انا حتي بحبها وبعتبرها أمي ، فاكره أول يوم لما جيت البيت خدتني في
حضنها وقالتلي أن اقولها يا أمي بس هي ليه اتغيرت كده ، مسحت دموعي ورحت نضفت الشقه وبعد مخلصت دخلت واوضتي وزبطها واقعدت ازاكر عشان عندي امتحان بكره "
* اعرفكم بـ نفسي انا رنا عندي 20 سنه في كليه تجاره ، عايشه مع أمي او بالأصح مرات أبويا بابا اتوفي من خمس سنين وسابني وحيده مليش حد
حتي اللي كنت بعتبرها أمي اتخلت عني وبقت بتعاملني بقسوة *
خلصت مزاكره وبعديها نمت ، صحيت الصبح علي صوت رن تلفوني بصيت ليقتها صحبتي مرام .
= صباح الخير ..
- صباح النور ، انا تحت اهو انزلي يلا .
= حاضر ، خمسه ونازله .
- تمم .
قفلت مع مرام وقمت اتوضيت وصليت وبعدين لبست ونزلت .
= يلا
- انتي كويسه ؟
= اه يا بنتي كويسه هكون مالي يعني .
- رنا ، حصل حاجه.
= بصتلها وعيني مليانه دموع وقلت : تعبت ، تعبت من كل حاجه ، تعبت من معاملتها ليا ، مش عارفه هي ليه بتعمل معايا كده .
لقيت مرام خدتني في حضنها وطبطبت عليا وقالتلي : يستي فكك منها دي اصلا واحده متستهلش ، واضحكي بقا عشان مبحبش أشوفك مدايقه.
ضحكت وقلت : أهو يستي ، وبعدين يلا بينا عشان منتأخرش .
روحنا الجامعه وخلصنا وروحنا.
بعد ما روحت بشويه لقيت أمي دخلت اوضتي وبتقولي جهزي نفسك عشان كتب كتابك النهارده .
بصدمه = ايييييه ؟!
_ زي ما سمعتي كتب كتابك انهارده.
= ازاااي وعلي مين ؟
_ علي أنس الدمنوري أكبر رجل أعمال في مصر .
= وانتي ازاي توافقي من غير ما تأخدي رأيي ؟
_ انتي اصلا ملكيش رأي هنا وبعدين خلصي جهزي نفسك يلا عشان شويه والعريس هيجي .
مشت وسابتني مصدومه هي ازاي كده ، إزاي توافق تجوزني لواحد معرفوش وكمان من غير ما تأخد
رأيي .مسكت تلفوني واتصلت علي مرام وحكتلها ايه اللي ال حصل .
- طب هتعملي ايه ؟
بدموع = مش عارفه يا مرام مش عارفه .
- طب أهدي كده وفكري.
= أفكر في ايه مفيش حل وهما خلاص شويه وهيوصلوا .
- طب ما توافقي يمكن يطلع ابن ناس و بعدين انتي المفروض تفرحي لأن هيطلعك من السجن اللي انتي فيه .
= طب افرض طلعت من السجن ده دخلت علي سجن تاني اعمل ايه !؟
- يستي خلي عندك أمل شويه وإن شاء الله هيطلع كويس .
= طب سلام دلوقتي عشان الحق ألبس قبل ما يجوا .
قفلت مع مرام وقمت جهزت نفسي ولبست فستان لونه ييبي بلوه وعليه طرحه بيضاء وشوز ابيض
وفضلت قاعده مستنياهم يجوا ، بعد شويه لقيت أمي دخلت وقالتلي أنهم وصلوا وبعدين طلعت لقيته قاعد وجمبه المأذون روحت وقعدت .
" بارك الله لكما وبارك عليكما وجمع بينكما في خير إن شاء الله"
خلصنا كتب الكتاب ولقيته طلع من جيبه دفتر شيكات و وكتب فيه مبلغ وبعدين اداه لأمي .
~ كده حقك وصل واقدر اخدها .
_ ايوا اتفضل اهي .
لقيته مسك ايدي وسحبني ونزلنا .
~ اركبي يلا .
= مش عايزه اركب .
بعصبيه ~ اركبي .
محستش بنفسي غير وانا بفتح بابا العربيه وبركب ، هو ماله كده دا انا حتي فكرته كيوت يخصي عليه
مكنش العشم ، وصلنا لفيلا كبيره اوي دي تقريبا قصر مش فيلا يخربيت حلاوتها ، دخلت صدمت من جمالها .
ببرود ~ هتفضلي واقفه كده كتير .
= ها
~ اسمعي بقا يا حلوه مش معني اني اجوزتك يبقا هتعيشي ملكه وحاجات زي الروايات وكده .
= أمال انت متجوزني ليه .
~ عشان تخدميني وبس .
اتراكمت الدموع في عيني مقدرتش أتمالك نفسي ومعيطش ، هو انا ليه كل ما أفكر ان خلاص الدنيا بدأت تضحكلي الاقيها بتكشرلي تاني ، فوقت من سرحاني علي صوته وهو بيقول ~ اخرسي .
بصتله ومردتش.
لقيته اتعصب وقال ~ اطلعي علي أوضتك يلا .
طلعت اوضتي ودخلت وضميت رجلي علي الأرض وفضلت اعيط ، نمت من كتر التعب .
* تاني اليوم *
صحيت وانا حاسه إني جسمي مكسر بس ايه ده اللي طلعني علي السرير انا فاكره كويس اني كنت نايمه علي الأرض فجأه لقيت الباب بيتفتح. ...
الفصل الثاني
* تاني اليوم *
صحيت وانا حاسه إني جسمي مكسر بس ايه ده اللي طلعني علي السرير انا فاكره كويس اني كنت نايمه
علي الأرض فجأه لقيت الباب بيتفتح ولقيته داخل كان شايل صنيه فيها اكل وبيبتسم ، ماله ده ؟! امبارح شكل والنهارده شكل .
~ صباح الخير .
= صباح النور .
~ حضرتلك الفطار وجبته عشان نفطر سوي .
وه ! تقريبا حد خبطه علي دماغه او ... فقت من سرحاني عليه وهو بيقول .
~ سرحتي في ايه ؟
= هاا ! لا مفيش.
~ طب يلا نفطر .
طبعا الفضول كان قاتلني واعرف هو اتغير كده ليه .
= هو انت شارب حاجه او اتخبط في دماغك او حصلك حاجه .
~ لا ، ليه ؟
يبقا اكيد عنده انفصام في الشخصية .
= اصل امبارح ..
قاطعها وقال ~ انا اسف علي اللي حصل امبارح بس كان لازم اعمل كده .
بإستغراب = ليه ؟!
~ هتعرفي بعدين .
خلصنا فطار وبعدها قام اخد شور ، وبعد ما خلص ، طلع وغير هدومه .
~ انا نازل عندي شغل ولو احتاجتي حاجه كلميني .
= تمام .
مشي خطوتين وبعدين بصلي .
~ اه صحيح في حلويات في التلاجه لو حبيتي تتسلي بيهم وانتي قاعده .
بفرحه = تمام .
وطلعت اجري علي المطبخ طبعا عشان اسرق الحاجه اللي في التلاجه ههههه .
بعدها مشي وراح الشركه ، وانا طلعت من المطبخ شايله كميه حلويات مش عارفه هأكل كل ده ازاي بس ما علينا .
قعدت علي الكنبه وجبت اللاب وشغلت عليه فيلم وفضلت قاعده اتفرج .
* في الشركه *
• مبرووك يسطاا .
ببرود ~ الله يبارك فيك .
• لا يسطا متبقاش كده ، خليك فرش احسن.
انس :احنا فرش وفرافيش احنا فرش نحب نعيش
غور بقي منك لله ضيعت برستيجي جوا الشركة
• ايه يسطا بفرفشك يعني مفرفشكش ، انا غلطان اهئ أهئ .
~ خلصت ؟!
• ايه ده في ايه !؟
~ بسأل لو خلصت استظراف تتفضل تتطلع بره .
• واهون عليك تطردني بره يصاحبي .
~ اه
• احم ، ايه الاحراج ده ؟ طب سلام يصاحبي يلا كنت فكرت صاحبي .
~ انا حاسس اني مصاحب واحد سرسجي متربي في الشارع مش مدرسة انتر ناشونال والله
خلص انس شغله وبعدين ركب عربيته واتجه للبيت .
* في البيت *
دخل انس البيت ، اتصدم لما لقي البيت مترتب وفيه حاجات متغيره ، وشامم ريحه حلوه ، فضل يدور علي رنا في البيت لحد ملقاها في المطبخ .
~ بتعملي ايه ؟
= عاااا ،بسم الله الرحمن الرحيم .
~ في ايه شفتي عفريت ؟
= لا شفتك انت .
~ اييه ؟!
= احم ، انت جيت امتا ؟!
~ لسه جاي دلوقتي .
= طب يلا عشان عملتلك صنيه مكرونه بالبشاميل هتأكل صوابهك وراهم .
~ لا وواثقه من نفسها .
= بتقول حاجه ؟
~ ها ، بقول يلا نأكل قبل ما الأكل يبرد .
= يلا .
حطيت الاكل علي السفره قعدنا نأكل .
= بس ايه رأيك ؟
~ ايه الحلاوه دي يا ولا ، دا انا متجوز طباخه .
بضحك = لا دا انا شكلي هتغر .
~ تتغر براحتك يابا .
خلصنا أكل وقعدنا علي الكنبه وجبنا فيلم وقعدنا نتفرج .
= شكلك بتحب الفيلم ده ؟
~ مش بحبه بس دا انا بعشقه .
= ياااه فكرتني بإبن خالتي البارد كان دايما يغصبني اتفرج معاه عليه .
جز علي أسنانه وقال ~ البارد ، للدرجاتي بتكرهيه ؟
= ده مش بس بكرهه ، ده حتي مش بينزل من زوري .
~ اخر مره شفتيه فيها امتا ؟!
= ياااااه باقلنا كتير مشفناش بعض ، زماته اتجوز ومخلف .
~ اه هو فعلا اتجوز ، بس لسه مخلفش .
= وانت ايه اللي عرفك ؟!
~ يمكن عشان انا هو ابن خالتك .
= ها ، بتهزر صح ؟
~ لا مش بهزر .
= طب سلام عليكم .
محستش بنفسي غير وانا بجري علي اوضتي .
دخلت الاوضه وقفلت الباب عليا .
* عند أنس *
فضل يضحك علي منظرها لما عرفت انه ابن خالتها ، لكن قاطع ضحكه صوت رنين هاتفه .
~ الو ..
~ اييييه ، ازااي ؟!