#مشاغبة_في_قلب_الإعصار
#بقلمي_سهيلةأحمد
(✯البارت الخامس والسادس✯)
✴️🔸✴️🔸✴️🔸✴️🔸✴️
قبل أن تنهض و هى ترتعش بشده بسبب أحد الرجال الذى
وضع يده على كتفها
الرجل ...مالك ياعم فيه إيه.
موج وقد إستطاعت أن تتغلب على خوفها لتقول بصوت
غليظ...حد يصحي حد كده قطعتلي الخلف ،الواحد كان
نايم كافي خيره شره بيحلم بالفليم الرعب إلى إتفرج عليه
إمبارح مع المودام
رجل أخر بإستهزاء .... لأ واضح إنك عيل خفيف أوي ليضحك عدة رجال أخرين على كلامه
لتقول موج بشراسة....لأ ياض إنت وهو إتمسوا وقولوا يا مسا
أنا أه إسمي مازن بس راجل أوي وأعجبك وإلي يوزه
شيطانه ويلعب مع مازن تبقوا تقرأوا على روحه الفاتحة
وإوعى ياض إنت وهو تفتكروني من العيال السيكي ميكي لا يا خويا ده أنا إبن بلد أوي أعجبك ومش على أخر الزمن
شوية عيال ميسوش في سوق الرجالة نكلة يضحكوا على الرائد مازن الغمري
#بقلمي_سهيلة_أحمد
___________________
بعد ساعة تقريباً :--
___________________
كانت تقف داخل مكتب ريان وأمامها عشره رجال لا تبدو ملامحهم من شدة الضرب وهي تمرر يدها على رقبتها دلالة القتل ليرتعد كل هولاء خوفاً من تلك المشاغبة دخل ريان لتنظر إلى الأرض وتدعي الوداعة ليقول ريان وهو يفرك رأسه بتفكير :-. أنا شوفت النظرة ديه فين قبل كده سكت قليلا قبل أن يردف بغضب:-. إيوة هي ديه نفس النظرة بتاعة أختك بعد ما خلت الناس يضربوني
موج في نفسها:-. إنت هتمسكهالي زلة مكنش علقة أخدتها بسببي يعني ده ولا إنت أول واحد يضرب ولا أخر واحد وبعدين إنت إلى بدأت وعلى رأي الفنانة البادي اظلم
ريان :-سكت ليه
موج:-. لو سمحت يا فندم مدخلش الأمور الشخصية في الشغل
#بقلمي_سهيلة_أحمد
ريان :-. حاضر يا سيدي بس ينفع أعرف إيه إلى عملت فيهم ده ثم إنتقل ببصره إلى الرجال ونظر إلى الفرق البنياني الواضح بينهم وبين موج وقال موجه كلامه إليهم :-. وإنتوا يا رجاله ينفع أعرف إزاي ده وأشار إلى موج بإستهزاء قالا:-. يعمل فيكم كده
موج بغضب :-. وماله ده إن شاءالله عنده تلات عيون ولا بيمشي علي إيديه ورجليه ثم أكملت بحزن رسمته على وجهها ببراعة ممثلة من الدرجة الأولى: -. وبعدين إنت سألتهم أنا عملت إيه فيهم بس مسألتنيش هما عملوا فيا إيه
ريان بغيظ :- ما هو ده إلى مجنني إنه مفيش فيك ولا خدش
موج ببرود:-. إسمحلي أقول لحضرتك إنك بتبص على ظاهر الأمور ومبتشوفش باطنها
ريان بسخرية:-. وأيه هو باطنها إن شاءالله
موج وهي تدعي الحزن ببراعة:-. حضرتك أنا إنسان مرهف الاحساس كلي مشاعير وأحاسيس جسمي بيقشعر لما بشوف الدم ثم نظرت إلى الرجال الذين على الأرجح أصيبوا بشلل تام وأدفت صائحة :-.مالكم بتبصولي كده ليه أيوة أنا جسمي بيقشعر لما بشوف الدم حد عنده إعتراض فأشاروا بالنفي بسرعه فإبتسمت قائلة:
-. أنا نفسيتى تعبت من مظاهر العنف إلى شوفتها برة يا باشا أنا عايز حقي يا حكومة أنا لازم أرفع عليهم قضية يا باشا على رأي المثل الوجع النفسي يعيش لسنين أما العضوي أخره غرزتين شفت يا باشا أنا مظلوم إزاي وحضرتك أسأت الظن فيا
#بقلمي_سهيلة_أحمد
ريان بسخرية:-. ده أنا طلعت ظالمك وإنت مظلوم ياعيني
موج :-. فعلاً يا فندم
ريان بغيظ:-. ده أنا طلعت وحش وقاسي القلب
موج :-. متحجر القلب يا فندم
ريان ببرود:-. وإيه لازمه فندم بقى يا راجل متعملش تكليف
موج بإبتسامه غبية :-. وفعلاً رينو أحلى بكتير
ريان بخبث :-. فعلاً يا ميزو روق كده إستنى
أبعت أجبيلك لمون علشان تهدي أعصابك أكيد تعبت بسبب الوحوش دول إلى بيأذوا واحد مرهف الإحساس زيك •
نظر الرجال له بإستغراب فالذي يقف أمامهم ليس الإعصار الذي طالما سمعوا عن حزمه بل وعنفه الشديدين
موج وهي تسحب أحد الكراسي وتجلس عليه:-. فعلاً الواحد محتاج لمون يهديه شويه
ريان بخبث:-. بس إيه رأيك في المعسكر كبير مش كده
#بقلمي_سهيلة_أحمد
موج :-. أوي يا باشا ده يجي ٣٠كم
ريان:- لأ هما ٥٠ كم ثم أكمل بصوت كالإعصار إرتعد له جسدها :-. عايزه كله يتكنس ويتمسح الليلة كادت أن تعترض لكنه سبقها قائلاً بصرامة:- . كلمة تانيه وهخلي الدفعة ترمي الزبالة إلى في الصناديق كلها تنضفها كلامي مفهوم
نظرت له موج ببلاهة قائلة:-. هو عايزني أنا إلى هو أنا أنضف ٥٠كم ده أنا لو كنت مكنسه بالكهربا كنتوا رحمتوني شويه
ريان ببرود:-. بتقول حاجه يا عمري
موج في نفسها:- إلهي يقصف عمرك يابعيد
ثم نظرت له بغيظ قائلة:- . لا يا لوحي ثم أكملت في سرها :-لوح تلج واقف معايا يا رب يجيلك مغس في شعر راسك شعراية شعراية
جتك البلا في حلاوتك إلى تجيب السكر وتوطي الضغط
#بقلمي_سهيلة_أحمد
ريان وهو ينظر لساعته بمنتهى البرود:-. يلا يا ميزو علشان تلحق أصل الوقت كالسيف إن لم تقطعه قطعك
موج وهي تخرج من المكتب:-. إلهي يقطعوك ويحطوك في كياس يا بعيد
ريان وقد إرتسمت على وجهه إبتسامة تسلية :-. واضح إن المهمة دي هتبقى مسليه
جدا ثم نظر إليها وهي تحدث نفسها قائلاً:-. ماله الواد ده إتجنن ده أنا حتى كنت رحيم بيه خالص ومخلتوش يكنس شط البحر زي ما عملت مع زياد المهمة إلى فاتت ثم ألقى المكنسه والممسحة بإتجاهها لتتألم بعد أن أصابت المكنسه وجهها لتقول بألم :-. حرام عليك يا شيخ بوظت ملامحي الجميلة ربنا يسامحك ثم أكملت بتوعد :-. هنشوف أنا ولا إنت في الرحلة ديه يا ريان الكلب ثم مشت بكل كبرياء و أنفة قبل أن تدوس بقدمها على المكنسه الملقاة على الأرض لترتفع العصا وتستقر بجبهتها مثل توم وجيري لينفجر ريان في الضحك ثم إتجه إلى مكتبه ليكمل أعماله
#بقلمي_سهيلة_أحمد
لتمسك موج بالمكنسة وهي تقول بضيق:-. كل بطلات الروايات الأبطال مهنينهم أنا يوم ما أقابل حد يعبرني يقولي إكنسي المعسكر ال٥٠ كم ده حتى سيندريلا إلى كانت تعبانه ومنكسرة ياعيني كان أخرها تكنس الڤيلا وقضيت ده حتى رغدة إلى كرهتني في حياتي وخلتني أكتئب عمره ما الواد وليد ما قلها إكنسي الشقة حتى،ياعيني عليكى يا موج يا غلبانه يعني يوم ما تقابلي الجركن مان إلى
بتحلمي بيه بدل ما يديكي بوكيه ورد يديكي جركن ميا وخيشه تمسحي المعسكر ال٥٠ كم يا عيني عليكي يا موج يا إلى حظك في الدنيا قليل
#بقلمي_سهيلة_أحمد
سكتت عندما لمحت حازم وزياد يتجهون نحوها
موج بمرح :-- يا مرحب بالشباب تحبوا تشربوا شاي
زياد بمرح:-- لأ وإنت الصادق هنشرب صابون على خيشة بدون سكر علشان الدايت ثم دفع موج قائلاً...وسع كده ياض وخلينا نشوف شغلنا .. ثم أمسك بأحد المكانس وأمسك حازم بأخرى لتنظر لهم موج بإمتنان قائلة:-
والله طلعتوا أصحاب جدعان مش زي أبو قردان قصدي الأستاذ ريان
ضحك حازم قائلاً... ده الإعصار لو سمعك هيعلقك على باب المعسكر ومش بعيد يقتلك
موج ببسمة غبية ... لأ رينو طيب مش هيعمل كده
#بقلمي_سهيلة_أحمد
زياد وهو يسلك أذنه....قول تاني كده علشان في دبانة دخلت وطربقت في طبلة أذني الوسطى رينو ده إلى هو ريان إلي هو الإعصار
صح أشارت له بنعم فأردف قائلاً.. بقى الإعصار على أخر الزمن يتقالوا يا رينو هههههههههههه لأ مش قادر ده أنا هزله بيها سنة
موج ... إعصار على نفسه يابا ده أنا قولتهالوا في وشه عادى جدااااا ده حتى قالي يا ميزو وكنا زي السكينة في الحلاوه
حازم ... كمان قولتهالوا في وشه يا جبروتك يا أخي
زياد بخوف مصتنع... وياترى إنت لسه عايش ولا ده الشبح بتاعك وجاي تنتقم من الإعصار
وتقتلوا وتريحنا منه
موج... أنا مش عارف كل شويه الإعصار الإعصار كنتوا شوفوه وهو مرمي على الأرض زي الصرصار المقتول وطوائف الشعب كلها بتضرب فيه
زياد....أدفع نص عمري وأشوفه بيضرب ههههههههه
حازم... مين إلى علم على الإعصار علشان أخده بالحضن
موج ...حضن إيه يا حيوان إحترم وجودي شوية
#بقلمي_سهيلة_أحمد
زياد...هو إلى علم على الإعصار يخصك
موج ... إسمها تخصني إلي علم أختي التوأم يا جذمة منك ليه
زياد بمزاح...وحليوة زيك يا ميزو يا عسل أنت
موج بغيظ...حليوة إيه ياض منك ليه بقولك أختي ومش بس كده لأ ديه التونز والتونز بيحن
حازم... خلاص يا عم مش هنتكلم قولنا هي عملت فيه إيه
موج ...غالي والطلب رخيص أصلاً إحنا ناس فاضين مكملناش ٥متر من الخمسين كم ولسة قدامنا الليل بطوله كان يا مكان من تلات أيام
........................ بس يا سيدي هو ده كل إلي حصل
#بقلمي_سهيلة_أحمد
زياد... لأ مش مصدق بقى الإعصار إلى بصة واحدة منه بتهز أطخن شنب بتعمل فيه كده من بنت
موج وهي تتذكر نظراته المرعبة...متفكرنيش ده الواحد بيجله تبول لا إرادي من بصته ثم أكملت وهي تستند على المكنسه بهيام ...بس أول مرة أعرف أن العيون البني حلوة أوي كده
زياد وهو يضع يده على كتفها... بتقول ايه سمعنا إختل توازن موج لتقع وفوقها المكنسه لتتأوه بألم قبل أن تنهض وهي تقول بضيق...
حرام عليك يا أخي انتوا ليه مصممين تبوزوا الجمال الرباني أكيد كلكم غيرانين من جمالي وحلاوتي ده أنا حتى قمور وعسل خالص
زياد بسخرية... طب أوعى بقى علشان متلزقش يا خفيف
#بقلمي_سهيلة_أحمد
موج ... لا يا خويا ده أنا تقيل تقيل اوي كمان ده أنا حتى فيا شبه من حسين فهمي يبقى أكيد أنا أكيد تقيل
حازم...وأكيد ليه بقى إن شاءالله
موج وهي تضربه على مؤخرة رأسه بغباء ...إنت عايز تكذب الست سعاد حسني الله يرحمها يا حيوان
حازم وهو يتحسس مكان الضربة بألم... طب مال أقفايا طيب
#بقلمي_سهيلة_أحمد
موج ... أصل إنت كان شكلك تعبان وهفتان يا عيني
حازم ... مش فاهم برضو هو فين بيودي على منين
موج ... هتفضل طول عمرك غبي كده مش بيقولوا ضرب القفا شفا نظر لها بشر فإبتلعت ريقها بصعوبة قائلة يعني أنا عملت فيك معرف يعنى المفروض تشكرني
حازم وهو يقترب منها بشر .. .ده أنا هشكرك شكر يا قلبي
موج وهي تتراجع للخلف بخوف...لا يا عم مفيش بينا الكلام ده إحنا أخوات يا راجل
حازم وهو يجري وراءها بغضب... ولا أعرفك ديه معرفة تعر أساسا
#بقلمي_سهيلة_أحمد
ظلت موج تجري بسرعة شديدة وقد ساعدتها رشاقة جسدها فكانت تجري في أرجاء
المعسكر بحرية حانت منها إلتفاتة إلى حازم الذي وقف وهو يأخذ أنفاسه بصعوبة لتنظر لهم ببرود وهي تخرج لسانها قائلة...
وريني بقى هتمسكني إزاي لم تلبث حتى إرتطمت بشئ صلب كالحائط لتمسك رأسها بألم وهي ترفع بصرها الأعلى لتقابل
ملامحه الساخطة لتبتسم ببلاهة قائلة...إزيك يا أبو الأعاصير عاش من شافك يا جدع تعرف ده إنت فيك حاجه لله ده
إحنا لسه كنا بنجيب في سيرتك يا راجل نظر لها نظرة مرعبة فإبتلعت ريقها بصعوبة ثم أردفت قائلة... بالخير طبعا إزدادت
نظراته حدة لتقول وهي على وشك البكاء.. هو إنت بتبصلي كده ليه طب قول حاجه طب
ليقول بصوت جعلها تندم على ما قالته...
إنت مين
#
#بقلم_سهيلةأحمد
✯•• البارت السادس ✯••
✯••✯•• ✯••✯•• ✯••✯••
ريان بغضب شديد...إنت مين
موج بإرتباك أخفته ببراعة خلف إبتسامة رسمتها بصعوبة لتقول بمرح مصتنع... أنا الميلمين قوي و متين وكلي حنين
إخترقها بنظراته المتصفحة فبحكم خبرته العسكرية الطويلة استطاع رؤية التوتر على محياها على الرغم من مرحها المستطنع تغافل عن الأمر حاليا ثم نظر لها بغضب قائلاً ينفع أعرف إنت مين مش المفروض إنك رائد
تنهدت موج براحه قائله لا يا باشا هو إنت متعرفش مش أنا أبقى رائد في عالم الشلل و الضغط اة والله يا أبو الأعاصير يا عسل أنت
تابعت نظراته الغاضبه بخوف مغلف بالا مبالاة
و أردفت قائلة يعني انت مثلاً من الأشخاص إلى الواحد كل ما بيقعد معاهم يجيله كرشة نفس على كام نوبة قلبية
أنا بقى العكس أنا مثلا بنى أدام فرفوش و أنت بقى بنى أدام اقفوش
أول ما نتلم مع بعض تحصل
قاطعها ريان قائلا ببسمه مخيفه جريمة قتل
#بقلمي_سهيلة_أحمد
موج بخوف بقى تدخل النار عشان واحد زيي
استغفر الله يا ابنى و اغذى الشيطان
ريان بابتسامة تسلية اي يا عم التقوى إلى نزلت عليك مرة واحدة دى
موج و هى تعدل هندامها بوقار مصطنع يهدى لمن يشاء يا أخ ريان
ريان ببرود بقولك ايه يا ميزو
قاطعته موج بتوسل قائله أبوس إيدك يا شيخ بلاش ميزو دى أحسن بتشاءم منها أنا رايح أكمل الكنس ربنا يكملك ببدلك يا شيخ
ثم هرولت ناحية حازم الذى وقف يشاهد الحوار بشماته وسط ضحكات ريان الصاخبه
حانت منها إلتفاتة لتنظر إليه بهياااااام
فهذه هي أول مرة تراه يضحك
أقرت فى نفسها إن من يملك تلك الضحكه الجميلة لا يحق له الحزن
#بقلمي_سهيلة_أحمد
لم يكن ريان صاحب عيون خضراء ولا شعر أصفر و لكنه كان صاحب جمال شرقى مميز فقد كان فارع الطول
له بنية قوية ساهمت حياته العسكرية في تكوينها و كان ذو جسد رياضى و بشرة تميل إلى السمرة و شعر اسود لامع و ذقن خفيفه أعطته جاذبية غير محدودة بالإضافة إلى عيونه البنية ذات الطابع الشرقي الجذاب ورموشه السوداء الطويلة التي تلتف حول عينيه كحارس مغوار
استقبالها حازم بإبتسامة شامته قبل أن يضيف بمرح يلا يا بنى عشان تعرف إن ربنا مبيضيعش حق المظلوم ابدا
لتقول له بضيق يلا يا ياض نروح نكمل قبل ما دراكولا يجوع فيتعشى بينا
ضحك حازم على مزحته قبل أن ينطلقا
فى تلك الأثناء كان الشك قد بلغ مبلغه عند ريان من تصرفات هذا «المازن »المريبه قبل أن يقرر أن يقطع الشك باليقين فأمسك هاتفه و .................
الساعه قد أوشكت أن تصبح السادسه صباحا كانت الشمس تنشر أشعتها الذهبية على استحياء دقائق قليلة تفصلنا على موعد الاستيقاظ بالطبع لم تنتهى من التنظيف لم تنزعج كثيرا فهذا ما توقعته من البدايه
فهى تعرف تمام المعرفة إنها مهمه مستحيله فحتى مع مساعدة كلا من زياد و حازم لن تنجزها لهذا فقد طلبها ريان .
كانت تمدد على الأرض بتعب وهى تحدق بالسماء بهدوء لا يشبه الثورة القائمة بداخلها في شئ ، تتدافع الأسئلة في عقلها بسرعة شديدة أسئلة كثيرة ولكن بدون جواب
هل قرارها كان صحيح أم أنه سيضاف إلى قائمة خياراتها الخاطئة هل يمكن ان تجد والدها وهل مازال يذكرها أم قد يكون نسيها .... شئ واحد مؤكد هو أن الزمن سيحمل بين طياته بعض تلك الإجابات..
#بقلمي_سهيلة_أحمد
رن الجرس معلناً عن ميعاد الإستيقاظ مرت نصف ساعة من ضجة العساكر وموج لاتزال تفترش الأرض في لامبالة كانت أجفنها تتثاقل فهي لم تنام منذ يومين،أما بالنسبة إلى زياد وحازم فإنضما إلى صفوف العساكر بعد أن أخبرها أن تلحق بهما كانت لا تزال تحارب النوم محاربة مستميتة قبل أن تستلم لشبح الموج المظلم ،قبل أن تستيقظ بفزع بعد أن ألقي عليها دلو من المياه الباردة لتهب واقفة وتقول بخوف وهي لاتزال تغمض عينيها:-
إني أتنفس تحت الماء إني أغرق أغرق أغرق ده أكيد الواد نزار كان بيقولها وهو بيستحمى تحت الدش (أنا برضو بقول كده 😂😂)
سمعت صوت ضحكاته لتفتح عينيها وتنظر له بغضب .
ريان من وسط ضحكاته:- لأ مش قادر إنت حتى وانت خايف بتهزر يا لهوي شكلك كان يفتس من الضحك
موج بغضب:-. يفنع اعرف إنت إزاي تعمل فيا كده
ريان وهو يشمر ساعديه وعلى وجهه إبتسامة مرعبة:- بتقول حاجه
#بقلم_سهيلة_أحمد
إبتلعت موج ريقها بخوف قبل أن تصيح قائلة:-
لا يا باشا إنت تعمل إلى ٱنت عايزه وأدفت قائلة وهي تضرب زياد الذي كان يقف بالقرب منها على مؤخرة رأسه:- هو ده يا باشا إلى من الصبح بيقول على حضرتك كلام بطال وأنا أقوله الباشا ده حتة سكرة مش مصدقني
ريان وهو يمسكها من قميصها مسكة حرامي الشباشب إلى بيسرق الجذم من قدام الجامع يوم الجمعة...... أكيد عرفتوه ......وبصوت جهوري :-
إنت خلصت الحاجة إلى طلبتها منك
موج وهي تبعد يده عنها برفق وتعدل هندامها:- إستغفر الله العظيم على فكره كده إنت بتشكك في قدراتي وأنا مسمحلكش
ريان:-. يعني خلصتهم
موج بٱبتسامة غبية :- طبعاً لأ
ريان بغضب:- طبعاً إيه يا روح امك
موج بضيق:-. وإيه جاب سيرة الأم في الموضوع
نظر لها نظرة مرعبة لتقول هي تبتلع ريقها بخوف:-
إهدى كده يا أبو الأعاصير يجرالك حاجه تجيلك سكته قلبية ونستريح إزدادت حده نظراته لتردف بمرح هي تحاول تعديل الموقف:- قصدي نعيط ونلبس أسود ونولول ونقعد نقول مكنش يومك يا أبو الأعاصير مكنش يومك يا غالي يا شبشب بصباع يا سبعي إلى ضاع ومعدش راجع وزينب معتدش هتعمل صوابع يا عيني......
قاطعها ريان وهو يقول بغضب شديد :- إسكت يا حيوان بدل معملك عاهة مستديمة ومحدش هيقولي بتعمل إيه ثم صرخ بالجنود قائلا :-مين إلى الجدول عليه يعمل الفطار إنهارده تقدم عشر جنود ليردف ريان قائلاً:- النهاردة أجازة مفيش حد هيعمل حاجة ده إنتوا لسة واصلين أومال فين واجب الضيافة ديه حتي تبقى عيبة في حقنا
موج ببسمة غبية :--. فعلا معاك حق الواحد مش قادر يعمل حاجة المفروض يجيبوا الشيف الشربيني علشان يؤدي واجب وطني يا باشا تجاه بلده هو مش شرب من نيلها وإيه يا باشا تحيا مصر تحيا مصر تحيا مصر
ريان بخبث :- الشيف الشربيني مين وإنت موجود ده إنت الخير والبركة
#بقلمي_سهيلة_أحمد
موج :- فعلاً معاك حق ثم إستوعبت ما نطق به للتو لتصيح قائلة:-إيه
ريان ببرود:-. مالك يا ميزو يا لونك مخطوف كده شكلك مبتكلش حلو يا حبي
موج في نفسها:-حبك برص وعضك عرس وتتقرص قرص يا ريان با إبن....قالت لريان بغباء :-هو إنت إسم والدتك ايه
ريان بغضب :-وإيه جاب سيرة أمي يا حيوان
موج :- لأ بس كنت بدعيلك فكنت عايز أدعي من قلبي أوعي تفهمني صح نظر لها ريان بشر لتبتلع ريقها بخوف قائلة:-قولتلي بقي المطبخ منين
ثم هرولت من أمامه قبل أن تعترض يده طريقها وهو يشير إلى الجهة الأخرى دخلت المطبخ الذي كان عبارة عن مبنى صغير متكون من دور واحد تجهيزاته قديمة بعض الشئ لكنها تفي بالغرض ظلت تتجول داخل المطبخ لفترة ليست بالقصيرة وليست بالطويلة أيضاً أمسكت بصلة كبيرة فى يدها وهي تحدثها قائلة:-. إنتي المفروض بيتعمل بيكي إيه إعترفي
#بقلمي_سهيلة_أحمد
ثم حدثت نفسها قائلة:-يا عيني على زهرة شبابك إلى هتروح هدر يا موج وسط البصل والثوم إهئ إهئ إهئ كله منه أبو قردان ده إمتي بقي أتجوز وأبو العيال يستتني إهئ إهئ تكونش الرجالة جالها عمى جماعي فينك يا دادة تشوفي إيه إلى حصل في موج حبيبتك كنتي بتقوليلي إن البنات أيامكم كانوا بيجوزا وهما عندهم ١٤سنه أنا دلوقتي عندي ٢٤ يعني خلاص عنست يا دادة إهئ إهئ طب أنا مفيش في عليتنا حد عنده طار عندحد ولا في عيلتناعرق صعيدي من أصله شكله كده مفيش أمل ولا عمر يلا يابت يا موج إعملي الفطار قبل ما أبو قردان يجي يعملي مشكلة
_____________________
بعد نصف ساعة:--
________________
موج وهي تقرأ قائمة الطعام للمرة الألف:- كده أنا خلصت البيض المدحرج ودحرجته على الأرض وقعدت أجرى وراه لحد ما نفسي إتقطع يبقى كده فاضل البطاطس المحمرة دي تتعمل بقي إزاي يابنت يا جوجو أه عرفت إحنا نقشر البطاطس ونجيب علبة ألوان وندهنها بالون الأحمر الله عليكي بقي بابت يا جوجو لما بتبدعي كده فاضل بس الزيتون
#بقلمي_سهيلة_أحمد
طب ده يتعمل إزاي ده أنا عرفت أصلاً مش محتاجه فقاقة مش هو إسمه زيت وووون يبقي أكيد بيتحط في الزيت حطت الطاسة على الناروحطت فيها الزيت وفي اللحظة دي دخل ريان علشان يشوف هي بتهبب إيه
ريان:-ها عملت إيه
موج بفخر :-ده أنا فعلاً المرادي تفوقت على نفسي
ريان:-طب يلاوريني يا حبي ريان ليقرب من البوتجاز وموج بتحط الزيتون بميته جوا الطاسة فجأة النار بتمسك في ريان وموج بتصرخ :-
الحب ولع في الدرة
الفصل السابع من هنا