تزوجت مُعلمي.....
Part(6 و7)
بقلم اهداء محمود
حنان:دينا انتي مخبيه عليا اي؟
دينا بإرتباك:مخبيه اي عنك يا ماما ما أنا معرفاكي كل حاجه عني
حنا:لا يا دينا انتي مخبيه عني حاجه بخصوص مستر عمار
دينا:مستر عمار هخبي اي يا ماما عنه
حنان: دينا انتي فهماني كويس وأنا أكيد مش هزعلك أو حاجه أنا هنصحك
دينا: حاضر يا ماما هحكيلك بس مش دلوقتي
حنان: منتظره الوقت ده وسابتها وطلعت من الاوضه
دينا:اوف بقا مبعرفش اخبي حاجه عنها دايما مكشوفه كده ربنا يستر لاني مش عارفه الي بعمله ده صح والا غلط واخرته اي
وقعدت تذاكر
دينا:لا أنا مش عارفه أركز هتشل لا خلاص هروح اكلم سهيلة
دينا:يا سهيلة الحقيني
سهيلة:اي يا بنتي فى اي
دينا:ماما بتقولي انتي مخبيه عني اي بخصوص مستر عمار
سهيلة:يا لهوي طب عملتي اي
دينا:معملتش قولتلها هحكيلك بس مش دلوقتي ومن ساعتها مش عارفه أركز فى المذاكرة
سهيلة: والله يا بت يا دينا اخلص ثانوية عامه وأنا هكتب عنكم رواية ههههههههه
دينا:غوري يا بت انتي أهم حاجة عندك الهزار المهم بقا عندك كام متابع علشان الروايات وكده
سهيلة:خمسين ألف زغرطي
دينا:لا ده انتي تجيلي ونحتفل بقا
سهيلة:اشطا هبقا أجيلك
دينا: اشطا وخرجت من الشات بتاعها هى وسهيلة لقت عمار باعتلها مسدج بيقول فيها...
عمار:فاتحه نت ومش بتذاكري لي
دينا:عادي كنت مش مركزه ففتحت اكلم سهيلة
عمار: امممم طب ذاكرتي حصه الفيزيا بتاعت إمبارح
دينا: والله بستحي اقول لا
عمار:كنت عارف يلا قومي ذاكريها وتعالي قوليلي إنك ذاكرتيها
دينا:يا دكتور هو حضرتك مش فى المستشفى
عمار:لا مش فى المستشفى ويلا قومي ذاكري متوهيش
دينا: حاضر وقفلت وهي بتقول:اي الإهتمام ده لا ما اتفقناش على كده أنا مش بحب الإهتمام وقامت ذاكرت حصة الفيزيا وراحت قالتله
دينا:يا دكتور أنا ذاكرت الحصة الحمد لله اي خدمه تاني
عمار: ههههههههه تشكر يا رجوله
دينا:حبيبي تسلم يا باشا
عمار:اي
دينا:لا يا دكتور مش قصدي حاجه والله أنا برد على حضرتك بنفس اللغه بس
عمار: ههههههههه عارف المهم بتعملي اي
دينا:هقوم اذاكر الإنجليزي أستغفر الله
عمار:لي يعني ههههههههه
دينا:مش بحبه مش عارفه لي
عمار:هحكيلك موقف حصل معايا قبل كده كنت فى درس الإنجليزي وأنا فى 2ث والمستر بيسألني سؤال وأنا مكنتش فاكر خالص وللصدمه
السؤال كان بيقولي 11يعني اي وكان عليها درجات أعمال السنه فروحت قولتله هروح الحمام وقالي ماشي وأنا ماشي فى الطرقه
شوفت واحد صاحبي فبقوله انت يلا مش شاطر انجليزي مع أنه كان شاطر جدا قالي بس يلا روحت قولتله طب 11يعني اي راح قالهالي روحت
قولتله لا طلعت شاطر وبعدين روحت الفصل وخدت درجة أعمال السنه ههههههههه
دينا:يا لهوي هموت بجد مش قادره ههههههههه اي ده مش معقول ههههههههه
عمار: ههههههههه اه والله أنا ذات نفسي كنت بقول إزاي مش فاكر ههههههههه
دينا:معلش معلش
عمار:بس بس يلا قومي ذاكري
دينا:حاضر يا دك يلا سلام وقفلت تذاكر إنجليزي وعدي اليوم
تاني يوم
*******
دينا:ماما أنا رايحه درس الإنجليزي
حنان:ماشي خلي بالك من نفسك واه اختك جاية النهارده من الجامعة
دينا: تمام سلام ... ونزلت وهي ماشية فى الشارع شافتها جارتها وقالتلها
ام محمد:ازيك يا دينا عامله ايه
دينا: الحمد لله يا طنط انتي عامله ايه
ام محمد:كويسه الحمد لله المذاكره عامله ايه معاكي
دينا: كويسه الحمد لله
ام محمد: امال انا محمد ابني مش بيذاكر لي
دينا:مش عارفه والله يا طنط شوفى محمد بقا عايزه حاجه لاني هتأخر على الدرس كده
ام محمد:لا امشي يا حببتي
(بقلم إهداء محمود)
مشت دينا وراحت الدرس وبعدين رجعت البيت
دينا:ماماااا أنا شامة ريحة ورق عنببب
حنان:اه يا حببتي أنا عامله ورق عنب علشان اختك بتحبه
دينا:هى جت
حنان:اه جوه ادخلي سلمي عليها عقبال ما احط الأكل
دينا: تمتومه يا ماما
دينا:انا جيت
ساره:قلبببي وحشااااااااني
دينا:وانتي والله بجد
ساره:ايوه بقا تعالي فى حضن اختك بسرعه
دينا:لا يا ست كورونا
ساره:غوري يا دينا
دينا:اغور اي بس ده فى حاجات كتير عايزه احكيهالك
ساره:اشطا بعد الأكل بقا
دينا:تمتومه وطلعوا ياكلوا
بعد الأكل
******
ساره:ها يا ستي احكيلي بقا
دينا: بصي يا ستي...... وبدأت تحكيلها على مستر عمار وعلى أنها بتحبه وإنها مش عارفه تعمل اي
ساره: امممم يعني بتحبيه
دينا:جدًا بموت فيه
ساره:مقدرش أقولك حاجه غير إبعدي شويه ومتبينيش حبك ليه علشان قلبك ميتكسرش فى الأخر لو طلع مش ببحبك فهماني
دينا:بس ده مهتم بيا وبكل حاجه تخصني
ساره:يا حببتي هما كلهم كده ده فى فيهم الي ممكن يدخلك بمثلا انتي صليتي النهارده
ولازم تصلي ومش عارفه اي والبنت الناصحه الي توقف اي واحد عند حده مهما كان مين فهماني
دينا:اه فهماكي هقوم اذاكر بقا
ساره: اشطاا يا باشا
دخلت دينا ذاكرت إنجليزي وراجعت فرنساوي ونامت صحيت تاني يوم طلعتلهم بره
دينا:صباح الخير
كلهم:صباح النور
دينا:قعدوني معاكم بقا
حنان:لي انتي مش عندك مذاكره
دينا:عندي بس مش قادره اذاكر مش طيقا الكتاب
حنان:معلش يا حببتي ذاكري
دينا ببكاء:يا ماما والله عايزه اذاكر بس مش قادره مش عارفه مالي
أشرف:طب تعبانه نروح للدكتور
دينا:لا بس مش عارفه اذاكر
حنان:أشرف لا يلا نروح لدكتور نفساني
دينا:ملهوش لازمه يا ماما
حنان:يلا يا اشرف
أشرف:يلا قوموا ألبسوا قامو لبسوا وراحوا للدكتور ومينفعش غير دينا بس هي الي تدخل والباقي يستناها بره وبعدين يدخلوا علشان يعرفوا فى اي
الدكتور:اتفضلي يا آنسه احكيلي كل حاجه
دينا حكتله كل حاجه وهي بتعيط وقالتله ازاي مش عارفه تذاكر وكده
الدكتور:بس بس اهدي خير إن شاء الله وبعدين الثانوية مش نهاية العالم إهدى وطلب والدها ووالدتها يدخلوا
أشرف:ها يا دكتور فى اي
الدكتور:......
نوفيلا تزوجت مُعلمي... Part (7)
الدكتور بعد ما طلب والدها ووالدتها طلب منها تطلع تشرب ليمون بره وتستناهم
الدكتور:احم بص يا فندم على حسب ما بنت حضرتك قالتلي فهي مش بتعاني من اي حاجه نفسية وما شاء الله هى بتذاكر وكل حاجه فهي معندهاش تعب نفسي خالص
أشرف: تمام شكرًا يا دكتور
خرج أشرف وهو بيفكر فيها أي أو اي الي حصلها روحوا البيت
دينا:بابا هو الدكتور قالك عندي حاجه
أشرف:لا يا عيون بابا
حنان:تعالي يا بنتي اقعدي فى حضني تعالي
قعدت دينا فى حضن مامتها وطلعت لهم سارة من جوه
سارة:ها يا بابا طمني الدكتور قال حاجه
أشرف:لا يا بنتي قال مفيش حاجه
سارة:طب يا دينا انتي شوفتي حد لما روحتي درس الإنجليزي لأن حالك متشقلبش كده الا من بعده
دينا:اه جارتنا ام محمد شافتني وكانت بتسألني عن المذاكرة وقولتلها كويسه قالتلي امال ابني مش بيذاكر لي فقولتلها معرفش ومشيت
سارة:يبقي كده الست دي حسدتك
أشرف:بس يا سارة يا حبيبتي هتحسدها على اي دي بتحبها
حنان:ممكن تكون مقالتش ما شاء الله وبعدين الحسد مذكور فى القرآن وفى الأحاديث انا مش هعرفك يا اشرف يعني وبعدين الحديث بيقول(عن ابن عباس رضي الله عنهما، عن النبي صلى الله عليه وآله وسلم قال: «العين حق، ولو كان شئ سابق القدر سبقته العين») واكيد انت عارف معني الحديث عارفه أنه كله مقدر ومكتوب بس برضو لازم ارقيها
أشرف:تمام يا حنان وأنا هنزل شوية وراجع وملس على شعر دينا وقال لها: انا نازل يا قلب بابا شوية وراجع... ونزل
سارة:ها يا ماما هتعملي اي
حنان:مش هعمل حاجه يا بنتي احنا عندنا مسك جوه وهى هتشغل الرقيه الشرعية تسمعها ويلا احنا كمان هنقعد جنبها بس من غير اي صوت
دخلت حنان ودينا وسارة الغرفة وأمسكت حنان زجاجة المسك وحركتها على جبهة دينا و جعلتها تنام على ظهرها وتمد يديها بجوار قدميها وشغلت الرقية الشرعية وجلست هى وسارة على الكراسي بمسافة قصيرة عنها دون أن يحدثوا صوت
كانت دينا تسمع الرقية الشرعية وتشعر براحة فى جسدها وعندما انتهت الرقية جلست على السرير مقابل والدتها واختها
حنان:ها يا حبيبتي حاسه براحة
دينا:اه الحمد لله يا ماما حاسة اني احسن وعايزه اذاكر دلوقتي
سارة: الحمد لله
حنان:ماشي يا حبيبتي الأول طلعي الترنج الزهري بتاعك وادخلي خدي دوش واطلعي لو حابة تذاكري لو مش حابة تعالي اقعدي معانا
دينا:لا يا ماما أنا هذاكر لأن باقي 3شهور على الامتحانات
حنان: ماشي يا حبيبتي وأنا هطلع أنا وسارة نعملك الأكل
دينا:تمام وأنا داخله اخد دوش
خرجت حنان وسارة من الغرفة وسارة تقول: شوفتي يا ماما مش قولت هيكون حسد
حنان:يا حبيبتي اكيد مش قصدها دي جارتنا برضو وبعدين طول ما احنا مع ربنا منخافش يلا بقا علشان نعمل الأكل
دينا:تمام يا ماما هنعمل مكرونه بالبشاميل علشان دينا بتحبها
حنان:ماشي يلا عقبال ما ابوكي ياجي من تحت
بعد ساعة
~~~~~
دينا: واو ريحة المكرونة تحفه اووي هو بابا هيتأخر
حنان:لا تلاقية طالع اهو
أشرف:لا انا وصلت ههههههههه
دينا:نورت يا بابا
أشرف:ده نورك يا قلب بابا تعالي شوفي جبتلك اي
دينا:جيت اهو جبتلي اي بقا
أشرف:ده دبدوب الباندا الي كنتي عايزاة وده بوكس شيكولاته
دينا: الله شكرًا اووي يا بابا أنا بحبك اوي
أشرف: وأنا كمان بحبك
سارة:اي ده وأنا فين يا عم بابا
أشرف:تعالي يا لمضة
سارة:جيت اهو فين بقا هديتي
أشرف:اهو يا ستي دي الرفوف الي كنتي عايزاها اهي ودي برضو الكتب الي كنتي عايزة تقرأيها
سارة:هيييي وباسة خده انا بحبك اوي يا احلي بابا فى الدنيا
أشرف: وأنا بحبكم اوي يا قلب بابا
حنان:طب يلا الاكل جهز
أشرف: يلا
بعد الأكل
*******
دينا: أنا هدخل اذاكر شوية يا ماما
حنان:ماشي يا حبيبتي ربنا يوفقك
أشرف: أنا شايف إن فى تحسن بعد الرقية
حنان:اه الحمد لله بقت احسن وبقت عايزه تذاكر ربنا يستر
أشرف: بصي يا حنان هى مش هتنزل دروس الإسبوع ده خالص
حنان:لي يا أشرف بس
أشرف:خليها تبعد شوية وبعدين طول الإسبوع تشغل الرقية علشان تتعافى من العين دي خالص
حنان:ماشي يا اشرف ربنا يسهل
سارة:احم بابا
أشرف:نعم
سارة:هو ممكن بعد ما دينا تخلص امتحانات ننزل الصعيد عند بيت جدو لأنهم وحشوني جدًا
أشرف:بإذن الله
سارة:تمام أنا داخله اوضتي عايزين حاجه
أشرف وحنان: سلامتك يا حبيبتي
______________________________________
فى منزل سهيلة
***********
سهيلة:يا ماما يا ماما
مجدة:نعم يا ضنايا
سهيلة:تعالي نتكلم سوا شوية
مجدة:خلصتي مذاكرة الأول؟
سهيلة:اه
مجدة:خلاص تعالي بقا .... ها عايزاني احكيلك اي
سهيلة: احكيلي عن بابا الله يرحمه
مجدة: ابوكي مكنش فى اجدع منه يا بنتي كان راجل بكل معني الكلمة ربنا يرحمه يارب زي ما انتي عارفه أنه كان ظابط فى الجيش وفى يوم من الأيام جاله مهمة خطيرة انا قلتقت وقولتله متروحش قالي أنا حياتي كلها للوطن بس خلي بالك من نفسك ومن سهيلة ومشي وهما فى المهمه حلف إنه يحمي أي جندي جاي معاه وهما واقفين لمح ضوء احمر مسلط على جندي من جنوده جري علية بسرعة وخد الرصاصة فى قلبه ومن ساعتها وهو شهيد وكله بيحلف بحياته ومش علشان هو مشي من الحياة يبقي مشي من قلبي أو اني احس انه موجود معانا فى البيت لا ده روحه مفرقتنيش خالص ولولا أني حاسه انه معانا فى البيت ومطمنه مكنتش هعرف اعيش بيكي لوحدنا
سهيلة:ربنا يرحمك يا بابا
مجدة:يا رب يا حبيبتي عارفه قبل ما نخلفك كان بيقعد يقولي أنا عايز اجيب بنت وتطلع دكتورة وهخليها تشتغلي معايا فى الجيش علشان كده عايزاكي متفرتيش فى حلم ابوكي يا سهيلة
سهيلة:حاضر يا ماما بإذن الله هحقق حلم بابا
مجدة:يارب يا بنتي يلا قومي نامي بقا علشان دروسك الي بكره دي
سهيلة:تصدقي يا ماما دينا مجتش الدرس امبارح والنهاردة وأنا قلقانة عليها ده حتي مش فاتحه نت
مجدة:خير يا حبيبتي لو مجتش بكره الدرس نروحلها أنا وانتي
سهيلة:تمتومه يا اجمل ام فى الدنيا يلا سلام أنا داخلة أنام
مجدة:ربنا يرضي عنك يا سهيلة يا بنت بطني ويبعد عنك العين والحسد وولاد الحرام ويوفقك انتي ودينا فى الثانوية
______________________________________
فى منزل عمار
**********
عمار:ها يا هنا الإمتحانات عاملة اي
هنا: كويسة الحمد لله
عمار: الحمد لله اجهزي بقا
هنا:يا عم أنا بحاول ما اتوترش أسكت بقا اقولك قوم من هنا أنا عايزة اذاكر لآخر ماده دي علشان بكره هخربها أنا وصحابي بقا صور وايس كريم
عمار: ده ناقص تقولي وخمر ونساء
هنا:تصدق فكره ههههههههه
عمار:ذاكري يا هنا ذاكري
وصعد عمار إلي غرفته لكي ينام لكن لم يعرف ينام بسهولة فدينا تشغل تفكيره وكان قلق عليها لانها لم تفتح إنترنت منذ يومين ولا يعرف عنها أي شيء
تاني يوم
******
دينا: صباح الخير يا ماما
حنان:صباح النور
دينا:صباح الخير يا بابا
أشرف:صباح النور يا حبيبتي
حنان: صليتي وقرأتي الأذكار
دينا:اه الحمد لله وداخله اذاكر شوية قبل الدرس
أشرف: لا يا دينا مفيش دروس الإسبوع ده
دينا:تمام يا بابا أنا داخله اذاكر
حنان: لما تخلصي نادي عليا علشان اشغلك الرقية وأحطلك مسك
دينا: حاضر يا ماما
ودخلت دينا تذاكر وبعد ساعتين نادت على والدتها لتفعل لها كما فعلت فى الليلة الماضية وبعدها أكملت مذاكرتها
فى منزل سهيلة
***********
سهيلة: ماما دينا مجتش النهاردة كمان يلا نروح لها
مجدة: ماشي يا حبيبتي يلا اتغدي وصلي وبعدين نروحلها
سهيلة: ماشي يا ماما واتغدت وصلت وغيرت ومشيت هى ومامتها عند دينا
حنان: اتفضلي يا مجدة اتفضلي يا سهيلة والله وحشتونا
سهيلة: شكرًا يا طنط فين دينا
حنان: جوه ادخلي ليها وانتي تعالي يا مجدة نقعد أنا وانتي
دخلت سهيلة عند دينا
سهيلة: بخ أنا جيت
دينا: سهيلة وحشااني اووي
سهيلة: وانتي كمان واحشاني اوي بجد ها مكنتيش بتيجي الدروس لي بقا
دينا: هحكيلك وحكتلها كل الي حصل
سهيلة: استغفر الله العظيم ناس مش بتحب الخير لبعض ربنا يبعدهم عنا
دينا: يا رب احكيلي بقا عملتي اي من غيري
سهيلة: بصي يا ستي كنت عاملة زي الفار الي مش لاقى الجبنة بتاعته أو القط الي مش لاقى الفار والله بجد مكنتش عارفه اقعد فى اي درس والا طايقه نفسي
دينا:معلش يا حبيبتي وقعدوا يتكلموا شوية كتار
مجدة: يلا يا سهيلة الوقت أتأخر
سهيلة: سلام يا دينا
دينا:سلام
حنان: ابقي تعالي تاني يا مجدة بقا
مجدة: بإذن الله
تاني يوم فى درس مستر عمار
*********************
دخل عمار المحاضرة وهو يجول بعينيه بين الطلبة لكي يراها لكن لم تأتي فبدأ شرح الدرس وعندما انتهي من الشرح وغادر الطلاب
عمار: سهيلة دينا مجتش ليه
سهيلة: دي تعبانه جدًا يا دكتور ومش هتعرف تروح دروس لمدة إسبوع
عمار بقلق: عندها اي؟
سهيلة: معرفش يا دكتور عن إذنك وغادرت سهيلة السنتر
عمار:لا ما أنا لازم أعرف مش هفضل قاعد كده مش عارف هي فيها أي.... وخرج من السنتر وركب سيارته وتوجه إلي مكان ما