رواية مش دي العروسة
الفصل الاول والثاني
بقلم شيماء رمضان
_هي دي العروسه !!
_اها يبني هي
_مستحيل يا امي مش دي اللي انا اختارتها و مضيت علي عقد الجواز انها تبقي مراتي !
_ازاي بس يبني مش قولتلي عليها و انا قولتلك اسمها و جوزتهالك
_مش هي مش هي يا امي
_طيب فهمني ازاي أو اي اللي حصل تقول انها مش هي
_يا ماما ساعه ما شاورت علي اللي كنت عايزها و دي كانت واقفه جنبها
_اها بس ساعتها قولتلك هي دي قولتلي اها
_بس مش هي دي اللي كنت عايزها
_خلاص يبني مالها دي هي كده خلاص بقت مراتك
_بس انا مبحبهاش هكمل معاها حياتي ازاي
_يبني الجواز قسمه و نصيب ودي برضوا بنت ناس و متربيه
_بس انا عايز التانيه
_اكيد مش نصيبك خلاص بقي ؛انا هنزل تحت وانت ادخل ل مراتك
“بصيت ل ماما بصدمه ازاي تتلغبط كده بس لغبطه أدبست في واحده مش عايزها ؛انا جيت الصعيد عشان شغل اتنقلت انا و ماما و لما جيت شوفتها بس مش عارف لي حصل كده .
“دخلت الاوضه عليها لقيتها قاعده رفعت وشها منكرش انها جميله بس للاسف مش هي اللي انا اختارتها
_ازيك يا نورا
_الحمدلله
_انا اسمي حازم
_ما انا عارفه انك حازم
_امممم طيب ادخلي غيري هدومك
_ا اها حاضر هدخل اهو
“هي دخلت وانا فضلت واقف مكاني مش عارف اتصرف ازاي ولا اتقبل الموضوع ازاي ؛اتقبل واحده خلاص بقت مراتي بس انا معرفهاش ولا اعرف عنها حاجه!بعد شويه لقيتها خرجت و قعدت قدامي .
_احضرلك الاكل
_لا يا نورا شكرا انا مش جعان
_م ماشي
_لو جعانه قومي كلي
_لا مش جعانه
.
“سكت شويه وبعدها اتكلمت
_انتي متعلمه يا نورا
ضحكت بتوتر_انت متعرفش اللي هتتچوزها متجوزه ولا لاه
_انتي قلبتي وصعيدي ازاي
_ههه عادي
_ها بقي متعلمه ولا لا
_اها متعلمه معايا بكالوريوس تجاره
_بجد
_اها والله
_كويس بس قليل في الصعيد اللي بيدخل الجامعه دلوقتي
_لا مين قالك كده احنا عندنا في الصعيد ناس كتير بتتعلم و خريجه جامعه
_بس فيه ناس كتير قابلتهم مش متعلمين
_يمكن اللي اتعملت معاهم بس مش هيبقوا كتير برضوا
_ازاي
_يعني هنا نص البلد متعلمه و النص التاني دبلوم و قليل جدا اللي مش متعلم زي اي بلد في مصر كده
_قصدك القاهره مصر!!
_هههه لا طبعا ما الصعيد في مصر ؛انا مش بتكلم عن القاهره ما انا فاهمه أن القاهره و الصعيد و كل الاماكن دي كلها مصر انا بتكلم عن بلدنا مصر
_اممم و ياتري شايفه الصعيد ازاي
_الصعيد بلد جميله و فيها حاجات حلوه وانا بحبها ؛بس زي ما فيها مميزات فيها عيوب ؛زي اي مكان
_انتي حبيتي قبل كده يا نورا
_يعني لو حبيت هقولك ؛انت جوزي دلوقتي !!
_لا اتكلمي بصراحه و سيبك من موضوع جوزك دلوقتي انا حابب اتعرف عليكي و تتعرفي عليا قبل ما نكمل حياتنا
_بصراحه حبيت قبل كده
_وهو راح فين
_موجود
_موجود!!!!!
_طيب و هو بيحبك
_مش عارفه أو مش متاكده
_طيب و مقولتلوش لي
_هيجي اليوم و يعرف ل وحده
“معرفش ليه حاجه ضايقتني بس انا كنت عايز اعرف معلومات عنها ؛سبتها و طلعت و نمت في اوضه تانيه ؛تاني يوم صحيت علي صوتها بتتكلم بكسوف و هدوء _حازم انت لسه مصحتش
_لا صحيت هي الساعه كام
_الساعه 10
_و سيباني نايم كل ده
_و اي يعني
_انا عندي شغل
بكسوف و صدمه _يوم الصبحيه!
رواية مش دي العروسه
الفصل الثاني
بقلم شيماء رمضان
بكسوف و صدمه _يوم الصبحيه!!
_معلش عندي شغل ماما هتطلع عندك دلوقتي تحط الاكل و بعدها تنزل وانا هاجي بعد الشغل
_ولي هي تطلع ما انا هنزلها
_عشان انتي عروسه جديده و كده
_لا ميصحش هي تطلعي و تعب نفسها انا هنزل
_انتي ينفع تنزلي تحت عادي ل ماما
_اها عادي عندنا في الصعيد عادات وتقاليد تخليني انزل ل حماتي و اتعامل معاها كويس دي مامتك
_يعني مش هتقعدي لوحدك بعيد عنها
ابتسمت بلطف و هزت راسها_ لا طبعا مستحيل مامتك دي مامتي و مش هينفع اسيبها لوحدها
_بس عندنا في القاهره و
_عندكم عادات غير عادتنا بس انا هنزل لها تبع عادتنا مش عادتكم و بعدين يلا بقي روح شغلك وانا هلبس وانزل .
“فعلا هو نزل و انا لبست و نزلت ل حماتي ؛من العادات اللي بحبها في الصعيد أو الإيجابيات اللي في الصعيد أو الأرياف اني هنزل اساعد حماتي ؛ام جوزي واجب عليا أو من إنسانيتي اني انزلها ؛معنديش اي مشكله اساعدها اصل كده كده هيتعمل معايا فيما بعد ؛هلاقي برضوا مرات ابني تنزل و تساعدني ؛هي كده الحياه تعاون ؛نزلت تحت لقيتها واقفه في المطبخ خدت منها الحاجات
_انتي نزلتي لي انتي كمان
_هنزل اساعدك يا ماما
_تساعديني اي انتي عروسه
_و اي يعني هساعدك ؛بس عنك كده ممكن
“فعلا بعدت عني و انا عملت الاكل و سيبته علي النار و طلعت رتبت البيت كده كده مفيش فيه اطفال انه يتبهدل مفيش مع حماتي غير رامي بس في الشغل و بناتها طبعا في القاهره متجوزين ؛بعد كده دخلت قفلت علي الاكل و رتبت المطبخ و قعدت جنب حماتي
_انتي تعبتي نفسك جامد يا نورا
_مفيش تعب ولا حاجه دي حاجات قليله
_طيب يبنتي ربنا يكرمك ؛اطلعي بقي شقتك
_لي كده يا ماما
_كده اطلعي اقعدي فيها براحتك عشان رامي جاي بعد شويه
_ماشي يا ماما
“طلعت فوق و شقتي كانت لسه جديده معملتش فيها حاجه صليت و مسكت الموبيل و كلمت حازم واتس
_هتيجي امتي ؟؟
شاف الرساله ورد عليا بعدها _مين ؟؟
_انا نورا!!انت مش مسجل رقمي ؟؟
رد بعد شويه _لا نسيت اسجله معلش ؛امتي فين
_في الشقه
_نزلتي عند ماما
_اها و قالتلي بعدها اطلعي
_طيب
_هتيجي امتي
_بتسألي لي ؟؟
استغربت وبعدها رديت _عشان الاكل
_اها لا انا باكل في الشغل ؛سلام بقي عشان عندي شغل
“كنت مندهشه جدا من رد فعله النهارده أول يوم بعد فرحنا مفيش بينا اي حاجه او حتي كلام غير قليل و بيتكلم كده لي انا مش فاهماه خالص .
“العصر اذن و صليت و بعد العصر نزلت كملت الاكل و حطيته قدام حماتي و رامي .
_هو حازم مش جاي
_لا يا ماما عنده شغل
_ده النهارده أول يوم في الفرح
_معلش يا ماما عنده شغل
_طيب اقعدي كلي
_هستناه لما يجي و اكل
بعد الاكل خدت الاطباق و رتبت المطبخ و بعد كده حماتي قالتلي اطلعي شقتك
“طلعت و صليت و بعدها مسكت الموبيل اقلب فيه ؛دخلت علي الصور و طلعت صور حازم من علي الموبيل وفجاة
الفصل الثالث من هنالقراءة باقي الفصول من هنا