#اليتيمه وابن البصره
بقلم#هديل احمد
الفصل الثانى والثالث والرابع عشر
…………………………
لا تَطلب من أحد البَقاء فَمن يُحبك لا يرحل🤎.
…………………………
ايه رحت لجود وكتله جود رنا خابرتني وكلت خلي نلتقي بهلمطعم
جود: كولي والله
ايه: ونبي
جود: يلا بسرعه روحي حضري روحج
ايه: مثل كل مره نلبس نفس الشي ماشي البس البدي الاسود والبنطرون الثلجي
جود: ماشي
ايه: كملنا وطلعنا توم وصلنا المطعم بعد مجانو موجودين اني صبيتلي مي بس خليته بحلكي وكبل غصيت وصوفرت لان شفت ليث
جود: شبيج ولج
ايه: باوع وراك اخخ كلبي
جود: حليانه رنا
ايه: اي وكلش
……………………………
رنا: ليث الي داشوفه حقيقي
ليث: لا تماثيل 😂
رنا: ايه 🖐️
ايه: تعاي ولج شلونج مشتاقه لوجهج يبعد روحي
ليث: سلام عليكم
جود: عليكم السلام اكعدو شونج رنا
رنا: حمدلله مشتاقتلكم ليش مجبتو خاله وعمو
ايه: مقبلو يجون يلا جود اطلبلنا اكل طكيت جوع
رنا: لحد هسه ام بطن
ايه: شعندي غير بطني....راح جود ضلينا ساكتين لحد مااجه واني بس اباوع لليث فديته يجنن ☺️🥺 ابتسمتله ردلي الابتسامه اخ كلبي
ليث: يا صف انتي
ايه: وياي؟
ليث: اي وياج
ايه: سادس ادبي
ليث: اها الله يوفقج
ايه: وانت
ليث: اني ضابط
ايه: كوول والله
رنا: وجع شبيج
ايه: لج يكول اني ضابط
رنا: اي ليش استغربتي مو اخوج هم ضابط 😂😍
ليث: 😂😂
رنا: حروح اشوف جود وينه
ليث: متوقعتج هيج حلوه
ايه: 🤭 وانت هم
ليث: اي هسه رتاحيتي من شفتيني
ايه: اي وكلش
ليث: الله يعيني
ايه: ليش بالله 🙂
ليث: لان حبيت مخبله
ايه: هسه صرت مخبله ماشي 😒
ليث: شبيج زعلتي
ايه : لا رد
ليث: اوف ايه وصوت حلو والشكل حلو بس المشكله بالطول
ايه: عندك مثل طولي
ليث: لا والله ماعندي هيج قزوم
ايه: ضربته ع ايده وكتله.....لتكول قزوم
ليث: اسف عيني
( نروح لرنا ونشوف شسوت ويا جود اخ من جود شكد حلو 😂 )
رنا: رحتله جان ديجيب الطلبيه لان مقبل احد من العمال يجيبه 🤓😂......احمممم
جود: شعندج جايه
رنا: هلشي ممفرحك
جود: بله فرحان وكلش لج مشتاقلج مكانج بلبيت ضحكتج سوالفج بجي مالتج كل ماادخل للبيت اكول هسه رنا راجعه
رنا: وداعتك ارجع بس مو هسه
جود: خومه ديئذوج
رنا: لا اصلا اني داائذيهم وهلشي لصالحي
جود: الله كريم عمري
رنا بهمس: احبك
جود: والله لو مو بلمطعم جان شوفتج حبيبج شيسوي
رنا: عيب منا العالم يلا شصار
جود: يلا امشي
رنا جود جاب الطلبيه وكعدنا نتعشه واني كل الوكت عيني عليه شون ياكل يخبل. انتبهت لليث شون يباوع ل ايه مبين حبها المهم خلصنا اكل همست لايه ....ايه شبيج تباوعين لليث
ايه: احبه 😍
رنا: شنوو
ايه: اي ولج احبه اخ كلبي
رنا: طاح حضج بلكي هوا مايحبج
ايه: نجبي يحبني وحته هوا كال نتشاوف بحجه رنا
رنا: ومن يمته تحبون بعض
ايه: من اليوم
رنا: طاح حضج ادري انتي معاشرته حتئ هيج كبل تحبي
ايه: نعال لاتصيرين خلي اباوعله لج باعي العيون قسم راح اموت
رنا: عساج ميته 😂
(كل هل حجي بهمس 🤓😂)
جود: اي ليث سولفلي شتشتغل
ليث: اني ضابط استخبارات امن وطني
جود: اهاا حلو
ليث: وانت
جود: اني ضابط او مشرف ع جيش يعني ادرب وكذا
ليث: الله يوفقك يلا رنا نروح
رنا: اي يلا مع السلامه ايه باي جود 🥺🥀
طلعنا من المطعم ورجعنا للبيت شفت البيت عباره عن هوسه ....خير شكو
راما: تعاركن النساوين ع شغل 😂
رنا: اشششش شبيكم تتعاركون
ام مهدي: اني ضهري نكسر من المواعين كلت لام ليث اليوم هيه تغسل كامت تعيط
رنا: ام ليث انتي غسلي مواعين بس اليوم
ام ليث: والله فلا اغسل
رنا: صيري حبابه مرت عمي
ام ليث: انه الج حيه
رنا: امشي راما ونادي البنات
راما: البنات نايمات من الشغل
رنا: لعد خليهم اني هم رايحه انام
(تسريع الاحداث)
صار ثاني يوم الساعه11 كاعدين ع ريوك جدي كال
الجد: صكر من اليوم تجهزون لعرسكم
صكر: بس بعد وكت
الجد: شنو بعد وكت انه اريد ازوجك
رنا: معدتي لعبت وبطني وجعتني ...جدي مو هسه خلي بعد سبوع او شهر
الجد: انتي مادخلج لو جنت منطيج لذاك الرجال جان هسه حامل منه هم
رنا: اي مو صار اسرع من الواتساب شبيك جدي انطبنا مجال بعد ممتعوده ع صكر
الجد: اذا متريدين لا عرس ولا شي خلي اليوم صكر ينطينا بياضج
رنا: شنووووو
صكر: اهدي رنا هاي هيه اليوم انطيك البياض رنا اريد احاجيح اذا ممكن
رنا: صدمه عمري شلون يعني راح اخون جود لا يربي رحت ويا صكر كال
صكر: باعي اني مراح المسج راح اجرح ايدي واعوفه بوصله بيضه وانطيهم ماشي
رنا: هزيت راسي بمعنى اي
(تسريع الاحداث)
الجد: يلا صكر اخذ مريتك واصعد فوك نص ساعه واريد البياض
صكر: ماشي يلا رنا جريتها من ايدها وصعدتها فوك قفلت الباب ....لتخافين حلفت مالمسج خلي ننتضر نص ساعه
رنا: قبل ميصير نص ساعه صكر جرح ايده هواي تأذه عافه بوصله بيضه ونزل
صكر: الزم جدي
الجد: هاي هيه نشالله بعد كم يوم نسمعها حامل واشوف جهال احفادي ومن اليوم رنا تبات بغرفتك
صكر: نشالله
رنا: ضليت كاعده ع جربايه اجن البنات للغرفه مكلتلهن انو صكر جرح ايده
تاليا: سلامات 😂
رنا: وجع 😂
راما: خومه بيج شي كومي اسبحي
رنا: كايمه رحت للحمام سبحت خلصت ناداني جدي يمته اخلص من طلايبك
الجد: من اليوم تباتين يم صكر مفهوم
رنا: مفهوم رحت للغرفه صكر جان كاعد ع جربايه وبيده علبه الاسعاف رحتله وكتله ....اساعدك
صكر: ياريت
رنا: بديت اعقم الجرح ولفيته بلشاش والفاف .....لمفروض اصير دكتوره 😂
صكر: اي هم صح ..انه راح انام بلكاع وانتي ع جربايه
رنا: لا انت نومك ثكيل انه بلكاع بديت افرشلي قفلت الباب حتئ لحد يدخل
(تسريع الاحداث)
صكر: رنا اليوم لازم نروح لجود
رنا: شنو المناسبه
صكر: اني راح اطلكج خلي هوا يعقد عليج محكمه ومناك تسافرون
رنا: وانت شلون
صكر: معليج بيه اهمشي انتي روحي
رنا: واذا جدك عرف اني منهزمه
صكر: هلشي حق ميتسمه هزيمه روحي والهوا بضهرج
رنا: ماشي لعد احضر نفسي وبعدين نروح
حضرت روحي نزلت جوه دخل جدي للبيت
الجد: وين رايحين
صكر: رايحين للمطعم نتغده
الجد: روحو ارجعو من وكت
صكر: انشالله
رنا: طول الطريق اني فرحانه وهم بالي شراح يصير بصكر وصلنا لبيت جود وهاي ثاني مره اطبله ويجوز اخر مره.طلعلنا جود مبين صكر كايله
جود: يلا بسرعه حتئ نوصل
رنا: وصلنا يم المحكمه نزلنا من السياره اتجهنا للباب المحكمه جان اشوف. 😳💔
الفصل الثالث عشر
#اليتيمه وابن البصره
#هديل احمد
…………………………
لست مُمتنة لأحد ، كُل لحظاتي السيئة كُنت فيها بمفردي ، أنا من ربت على كتفِي في وقت ضُعفي ، لم اجد أحداً ينتشلني من أعماق حُزني ، كُنت وحيداً في أكثر الاوقات بؤساً ، لست ممتناً إلا للألم الذي صنعني💔↖️
………………………………………
رنا: جان اشوف 4 زلم ملثمين 2لزمو صكر و2لزمو جود دك تلفون صكر جان مكتوب جدي سحبته من جيبه رديت ………الوووو
الجد: اذا تريدين جود وصكر يعيشون لازم ترجعين للبيت
رنا: ياحقير هذا انت لكك شلون سويت هيج الله لايوفقك
الجد: ههههاايي تريدين تلعبين عليه موو يلا هسه تنهين كلشي ويا جود اذا تريدينه يعيش
رنا: ماكول شي غير الله ينتقم منك
الجد: هسه برصاصه وحذه اخلي جود يموت
رنا: خلااص. جود
جود: هاا رنا منو جان ومنو هذوله
رنا: جود روح اني ماريدك
جود: شنو هلكلام
رنا: جود روح الله يخليك مااحبك كاافييي
جود: شبيج رنااا
رنا: مابيه شي روووح جود
صكر: جود روح لان رنا مو بوعيها
رنا: لا بوعيي ماريدك لا زوجي ولا حبيبي روح الله يخليك
جود بعصبيه : ماشي رايح ومتاكد مو من كل كلبج
رنا: 😭 احجي ويا روحي ..اسفه جود ماريد تتأذه ماريد تروح من كبالي كلشي غصب عني اسفه لان جرحتك شفت الفرحه ع وجهك من الصبح بس اختفئ كلشي اسفه 😭😭 …… يلا صكر خلي نرجع
صكر: امشي ..جود انت تعرف رنا احسن مني وكلتلها مو من كل كلبج افتهم السالفه واحاجيك
جود: روح وبعدين شوف منو الحجه وياها ع تلفون اكيد كاللها شي
رنا: يلا صكر خلي نرجع للبيت ....طول الطريق صكر يحجي وياي مااجاوبه ماكول غير ربي ياخذ حقي منك يا جدي مسوي نفسك زلمه لك كلمه حقير قليله بحقك انت واحد حيوان مفترس الله لاينطيك
صكر: رنا منو الحجه وياج بلتلفون
رنا: محد
صكر: سهله هسه اشوف المكالمات ……طلعت القائمه طلع جدي لا يالله شلون عرف
رنا: دتسئل روحك شكلي ههه اكبر غلطه عند اهلي لان جابوني للدنيا وراحو عافوني بين ضالم حقير
صكر: شكلج رنا بروحه لابوج تكولين شكلج
رنا: راح يصير شي اذا كلتلك
صكر: اي يصير لج شون اجا من كلبج تكولين لجود هيج شفتي شون نكسر
رنا: مو بيدي افهمني
صكر: لعد كولي شكلج جدي حتئ اعرف دربي
رنا: كال انهي كلشي ويا جود واذا مانهيتي ميكلفني طلقه وحده واخلي يموت انجبرت وداعتك
صكر: ماشي
رنا: شفت العصبيه ع صكر ع شنو ناوي ياتره ....وصلنا البيت دخلنا جوه الجد جان كاعد ع تخم وبيده الحزام وكفت كباله وكتله ……هاي الي كتلي عليه سويته عوفني بحالي الله يخليك
الجد: اعوفج بحالج مو تعاي
رنا: جرني للمحزن كعدني ع كرسي وربطني وشبعني كتل الضالم كلشي مسويت لا صرخت ولا ونيت من الالم اصلا
محسيت ع شي غير الدم صاير بطولي الولد يدكون الباب ولا يمه كام يتفنن بضربي ميعرف وين يضرب ماكو شي بجسمي صاحي اخخ منك بويه شون تحملته
الجد: لجججج حيوانه انه تغدرين بيه
رنا: ضربني ع حلكي بلحديد مسيطرت ع روحي بعد محسيت ع شي
راما: اندك ع باب ولا كانه منسمع غير سب الجد صوت لرنا ماكو لا عيطت ولا شي تكول صنم اجا صكر دفع الباب
الجد: اطلعو بره اذا شفت واحد بيكم يمها خلي يقره. الفاتحه ع روحه
صكر: شسويت بيها عوفني بس اخذها للمستشفئ راح تموت
الجد: ماتطلع من هلباب افتهمت
صكر: مالك شغل بيها اني زوجها واني المسؤال عنها
الجد: تكسر كلمتي لك
صكر: تماديت حدودك هوايه عشنا ابشع الايام وباك علمود مانكسر كلمتك كافي تره ملينا منك
الجد: تحجي عليه هيج
صكر: اي عليك ……رنا تسمعيني
رنا: كضيته بس اون من الالم اسمع اصواتهم ماكدر افتح عيوني ولا اصرخ
الجد: اتركوها هنا مثل الجلبه
ليث: لتصير ضالم
ام ليث: حيييل بيها تستاهل
ابو ليث بعياط: اسكتي انتي لو هاي بنتج شجنتي تسوين بس العتب ع جبير البينا ميعرف يتصرف كاضي بس جلاليق
ام مهدي: ولكمم تخون ابني هلكلبه بت ال.....
صكر: لتغلطين انتم السبب بطيحان حضنا مامليتو
ابو مهدي: ينرادلك تربيه من جديد
مهدي: مو احنا الازم نتربه اول شي ربو ارواحكم بعدين ربونا شهلعيشه
راما: رنا تسمعيني احجي شي
رنا بصعوبه: لاتضربني
صكر : وداعتج محد يكدر يلمسج
رنا: 😭😭 جود
صكر: جود بخير انتي خومه بيج شي
رنا: هزيت راسي يعني اي
صكر: ليث حضر السياره خلي ناخذها للمستشفئ
الجد: اطلعو منااا ....بدا الجد يطلع الكل وضل ويا رنا جاب سلك كهرباء وبده يكهرب بيه 😪
الجد: هاي حتئ توبين تقشمرين عليه
رنا: مو بيدي استلمت للحياه صار كلشي بعيني اسود مااسمع بس صوت ابويه وامي يبجون اجا ابوي كبالي وكال .... رنا مااكد اخذج وياي بعدج صغيره صيري قويه ..جان لابس
دشداشه ابيض وهوا ابيض ثلج وامي نفس الحاله ..بابا لتعوفنيييي بابااااا ..فتحت عيوني اني بلمخزن الولد والبنات يمي فتحت عيوني وبده دموعي يصب ع خدي
رنا: هزيت راسي ب اي
صكر: انتي مو دائما تكولين مستحيل رنا تضعف كدام اي احد شو دااشوفج ضعفتي كدام جدي
رنا: درت وجهي عنهم محد ديحس بيه ميدرون بشنو كاعد افكر ميدرون شبيه انيييي تعبتت
راما: لتسكتين رنا
رنا: دتشوفين ذاك السلك كهربني بي دتشوفين ذاك الحديد شبعني كتل بي دتشوفين ذاك الحزام موتني بي
مهدي: ميترك طبعه ابد
رنا: تريدوني مااتاذه اطلعو بره
ليث: مستحيل نخليج بهل حاله
رنا: كولو لجود احبه وليتركني اطلعو بره ماريد اشوف أي بشر هنا اريد وحدي بزاويه ضلمه عوفوني هنا بلكبرررر
صكر: كافي رنا مو شلعتي كلبنا
رنا: الله يخليكم روحو وكولو لجدكم الصاير زلمه براسي خلي يجي يكمل كهرب وضرب وكلشي خلي يتفنن بيه ماعندي مانع
راما: اكيد تخبلتي
رنا بعياط: اطلعووو بره ……الكل طلع واني بقيت بزاويه ضلمه تمنيت اضل هنا ومااطلع
(تسريع الاحداث )
اجا الجد ودخل للمخزن وهم رجع يعذب رنا 😭💔
رنا: ارجووك عوفني لتسوي شي بداعت عزاز كلبك
الجد: اسكتي لججج
رنا: عوف الله بين عيونك تعذب يتيمه
الجد: انلصمي لتسوين عندي صداع
رنا: بدا يكهرب بيه غمضت عيوني واستلسمت للحياة
راما: طلع جدي شفت رنا ع كرسي وماعدها نفس نفسها انكطع عيطت ع ولد يجون ياخذوها للمستشفئ خاف ماتت ………ولكمممم رناااا ماعدها نفس
صكر: ليث روح للسياره بسرعه جاي وراك
ام مهدي: حييل بيها وتستاهل هل عوبه عساها ماتت
راما: ماوكت هلحجي الله يخليج
ام مهدي: يابه دولو
صكر : اخذناها للمستشفئ كبل لصاله العمليات كل شويه ممرض يطلع وممرض يطب طلع الدكتور ……دكتور شون صارت
الدكتور: المريضه مبينه متكهربه وبلكوه رجع نفسها مااكول غير ادعولها نشالله تتعافئ
صكر: راح الدكتور واني بالي يم رنا دك عليه جود بله شراح اكله ……الو
جود: شلونك صكر رنا شونها
صكر: رنا…
جود: اي رنااا شبيها
صكر: لتتهور ولتعيط اني راح احجيلك الصراحه جدي كهرب رنا مرتين يعني يومين هوا يكهربها وهسه هيه بلمستشفئ وحالتها خطره ادعولها
جود: يا مستشفئ
صكر: مستشفئ ال.......
جود: جايك
صكر: سديته من جود بعد نص ساعه شفته يركض ويلهث
جود: و..وي..وينها.ااا
صكر: اهدء هيه ب غرفه الانعاش ميقبلون ندخل
( بعد مرور 6 ساعات سمعنا صوت عياط 😭😳😳😳…)
الفصل الرابع عشر
#اليتيمه وابن البصره
#الكاتبه هديل احمد
……………………………
كلمات رنا ✍️
هلي كسران الضهر هذا منكم •
هلي كل المصايب والتعب البيه بسببكم •
هلي ولا جنكم هلي ولا جني اني بنتكم •
هلي وحق علي لو بيدي اكابلكم•
………………………………………
رنا: فتحت عيوني بثكل اتخايل جدي شون يضربني كل الي صار وياي طلع كبالي عطت بعلوه صوتي اريد اصرخ اريد ارتاح ماشوف الا دخل جود وصكر وليث ومهدي وكفو ويهدون بيه
جود: شبيج ياروحي بيه ولا بيج
رنا: لزمت ايده قوي ...لتعوفني ماريد ابقئ هنا
جود: اخذج وياي وداعتج
صكر: اهدي كلبج راح يوكف
رنا: مو بيدي 😭😭 اريدددد اروح منا تعذبت بلحياه هوايه صرت اكره كل الي كبالي اني مجرد جسد روحي مات كلشي بيه مات
ليث: خاف هلمره سكتنه ع جدي مره ثانيه مانسكت
صكر: اتذكري انتي بذمتي لازم ترجعين وياي من تصيرين زينه اطلكج وروحي ويا جود خارج العراق
((( لحد يكول ولد عمها يكودون عليها حسوو بيها لا بس تحجون بشي سلبي هيه تحب جود وهواي تعذبت خلي ع اقل تفرح بجود ))))
رنا: طلكني صكر بروح ابوي طلكني
صكر: اطلكج والله بس ارجعي وياي
جود: رنا ثقي بابن عمج. ارجعي ويا بين مايطلكج اني اجي اخطبج
رنا: متريدون الخير الي كلكم تريدون الي الاذيه روحو منا
جود: لاتكولين هيج ....
رنا : تهون. جود روح منا مااريدك روحح مااحبك انيي
جود: رنااا لاتكولين هيج
رنا: جود مااححبك رووحح
جود ضرب ايده ع حايط: لججج ليش شبيج تخبلتي مو قبل شويه شحلاتج
رنا بعياط: محد يريدلي الخير كلكم تريدولي الاذيه حتئ انت جود ولكم افهموني مليت 😭
مهدي: شبيج تعيطين
رنا: اطلعو بره اطلعووو
ليث: امشو من تهدا عود نشوفها
رنا: الكل طلع بس جود بقه عاف ايده ع راسه وكعد ع كرسي واني درت وجهي ودموعي تنزل ……روحح ماريدك
جود: تريديني فتهمتي مو بكيفج
رنا بهدوء: لتأذيني لتزيد النار بانزين
جود بهدوء: لييشش صرتي هيج رجعي مثل قبل واني ادري جدج مهددج بقتلي مستعد انكتل علمودج كوليلي الكلمه الي يريح الكلب لتكولين روح
رنا: الحجي الي حجيته كله ينتهي ب ليش؟ ماريد اتعبك ولا اعذبك وياي ماريد تشيل هموم وبعدك بصغر سنك كافي اطلع من حياتي
جود: ها هيه لا تبجين اني رايح بس انسي جود اعتبري محد يعرف الثاني بس وداعتج انتي الي
رنا: القسمه محد يكدر يثبته ولا يغيره
جود: اني راح اغيره وتشوفين
رنا: باسني براسي وراح تمنيت اكله اوكف لتروح انتي ابوي وامي واخوي وكلشي الي لتتركني بس من ورا جدي سويت هيج ..ااااااا ياالله كلبي بعد شيشيل 😔 نمت ومحسيت ع شي
………………………………………
ايه: من سمعت انو رنا بلمستشفئ هواي نقهرت عليها هسه اذا اخابر جود مراح يرد ..خلي اخابر ليث …………الو ليث شلونها رنا
ليث: ماكو شلونك مشتاقتلك كبل شونها رنا
ايه: مو وكت هل حجي رنا وين
ليث: رنا زينه انتي شونج
ايه: اخ كلبي هسه رتاحيت اني هم زينه
ليث: امممم
ايه: اي شردت تكول
ليث: احبجج
ايه: لكك لايسمعك جود
ليث: خلي يسمع تره هوا اخذ بت عمي واني راح اخذ اخته
ايه: برائيك راح يوافق
ليث: وليش مايوافق
ايه: مم ضلينه نص ساعه ساكتين مااسمع بس صوت انفاسه ……اكول
ليث: كولي
ايه: ليش جدك هيج ضالم
ليث: نكول الضالم احسن منه
ايه: باي اجو بيت عمي باوع كول لجود خلي يرجع
ليث: امححح باي
………………
ايه: رجع جود من المستشفئ وبيتنا عباره عن هوسه الكل تسئل ع جود لزمته من ايده وكتله ……وين داخل يمعود
جود: ايه ماليه خلك لتخليني اسب عشريتج
ايه: سب براحتك بس بيت عمامي كلهم هنا
جود: اي واذا
ايه: وسعاد جايه
جود: اي وخري اسلم عليها
ايه:ورنا؟
جود: رنا نهت كلشي بيني وبينها بس مو من كلبها
ايه: عزااااااا
جود: اش شبيج جدها مهددها بقتلي وكايللها لو تنهين كلشي ويا جود لو تشوفينه جثه وهيه ماقبلت نهت كلشي
ايه: الله ع ضالم هسه من تفوت منا كبل اصعد فوك
جود: شفتيني بلا احترام ع اقل اسلم ع نسوان عمامج
ايه: تتورط
جود: يابه السلام عليكم
الكل: عليكم السلام
ام سامر: يمه وين هلغيبه وشصاير بيك
جود: الشغل ياخاله الشغل
ام سعاد: سوده عليه
سعاد: شلونك جود
جود: هلا خيتي يمه محتاجه شي
ام جود: لا يمه سلامتك شلون صارت رنا
جود: يم الله بس كل شويه تتهور وتعيط
سعاد: اي لان بلا تربيه
جود: الزمي لسانج لا اكصه الج
ام سعاد: امسحها بوجهي
جود: يلا اني طالع
ام جود: وين رايح
جود: اروح انام عود من اكعد اروح لرنا انتي حاجيها
ام جود: هاي هيه روح نام
…………………………
رنا تحجي بداخلها : وروح_أبوية 💔 لمن احچيه اموت چنت متعلمه أكول وداعتك ما اعتازيت بحياتي لأي بشر بوية ردلي انا حيل بعازتـك المكبره تخوفني جانت بالنهار بيها قلة اعزاز
واكثرهم غرب هسه اطبها بليل بيها افرش وانام بيها ابوي اهناك ما خاف من اطب الله يرحمك يابويه ..بهل اثناء دخل صكر وكعد كبالي ……ها شتريد شفقت عليه؟
صكر: شنو هل حجي وروح عمي نحبج
رنا: ها حزنتو لان مضلومه او اجا بالك هسه اني بت عمك
صكر: رنا شبيج انتي ويا جدج احنا شعلينا
رنا: عشت كلشي ما يستوعبه عقلك واحد ورا الثاني
صكر: احنا نحبج هوايه انتي اختنا وبت عمنا
رنا: ههههه تحبوني اسمعي ياعراق الضالمه اهلي يحبوني ههه محد يحبني اصلا منو رنا وشنو رنا ماتت رنا لو بعدها؟ فرحانه
لو حزنانه عدها هم لو لا منو يهمه؟ ميهم احد وخاصتأ انتو اهلي ميهمكم انتو ابد يا اهلي كلكم تجذبون محد يحبني خلاصص انتهت رنا
صكر: مو بيدي اسوي شي خلي تحجي احنا نستاهل 😔💔……كافي رنا مو زين عليج
رنا: ولكم فد يوم ولا واحد منكم كال شلونج محد يهمه امري ليشش شبيه اني مو مثل البشر لو لان يتيمه
صكر: لارد
رنا: هههههه( طبعا ضحكه مخنوكه ويا دموع 😔) معندك جواب؟
صكر: شبيدي اسوي
رنا: تكدر تسوي كلشي
صكر: طول ماجدي عايش منكدر نتنفس مثل الاوادم
ر
نا:الله كريم ...نمت وياريتني ماكاعده،،،كعدت ع ايد تلمس كصتي فتحت عيوني شفت ام جود الي هيه بمقام امي اااااه لو تدرين شديصير وياي لو تدرين ابنج دتعذب من وراي اكيد راح تحقدين عليه
ام جود: كعدت بنيتي شلونج ياروح امج
رنا: مارديت بس دموعي سبقتني …كلتلها ..عذبوني وربي شاهـد واحد يذبني ؏ُ واحد💔):
ام جود: لاتكولين هيج طول مااني عايشه وجود وياج وداعتج محد يكدر يلمسج
رنا: بس لمسوني وداعت عيونج لمسوني كهربوني وضربوني وتفننو بيه اني صرت ضحيه اهلي
ام جود: والله الدنيا ماتبقئ هيج يجي يوم وينذلون وداعتج هسه شوفي جبتلج ايه علمود ترتاح نفسيتج
رنا:تسلمين يمه ابقي يمي لتعوفيني بين وحوش يردون يرجعوني لجدي حتئ يرجع ويضربني راضيه بعذابي بس مو هيج
ام جود: ياما وياما شفنا الويل من الاجداد ليش مو جنت مثلج. لحد ماجدي زوجني ابو جود اكبر مني ب11 سنه والحمدلله قسمتي طلعت زينه
رنا: ليش ابوج وامج وين جانو
ام جود: جانو موجودين بس مو بيدهم شي امي جانت تكعد تبجي من تشوف جدي او جدتي يشبعوني كتل وابوي يموت قهر لان جنت وحيدتهم مابيدهم شي غير يكعدون ويسكتون
والله وداعتج من جان عمري 13 سنه بدو يضربون بيه مااكول غير حسبي الله يلا ماريد ادوخج بسوالفي هسه اناديلج ايه تضل يمج بين ماتصيرين زينه
رنا: حاضر يمه ……راحت ام جود وبعد شوي اجت ايه و……