#اليتيمه وابن البصره
#بقلم هديل احمد
الفصل التاسع والثلاثون والاربعون
يخيفني أنك رشيقة
و أن قلبي البدين لم يزل يحلم كل ليلة بمراقصتك ،
يقلقني خصرك ،
و تلك الهالة التي تحيط به ،
تلك الجاذبية التي تغوي ذراعي لتطويقه و تدويره
والسير به على حواف الأغنية .
............
رنا: طلعنا ع صوت ايه وانصدمنا جود واكف بنص الكراج وويا انور والثاني مااعرفه نزلن دموعي جمدت بمكاني. ام جود ونسوان عمامهم يهلهلن بنات عمه وبنات خاله وسعاد وكلهم حضنو الا اني واكفه ابجي باب المطبخ مدااصدك عيوني جود واكف
الكل: الحمدلله ع سلامه
جود عيونه ع رنا: الله يسلمكم ..وكفت باب المطبخ وكلتلها ..ماحنيتي يبت كلبي
رنا: من كال هيج كمت اشهك من البجي. الحمدلله ع سلامه. وركضت لل غرفه لان اذا بقيت راح انسى الي سوه بيه.طلعت السجاده وكمت اصلي
.
جود: دخلت لل بيت وشفت رنا واكفه باب المطبخ رحت وحاجيتها كامت تبجي وراحت لغرفتها كعدت بلصاله لان الكل موجود وعيب اطلع واعوفهم
ابو جود: اي جود كول شنو سالفه الورقه الي لكينه بجيبك
جود: الشعر انه طلعته
مرت عليةايام كمت اشتهي الموت
اشش خلي اكمل
ارسم كبر الروح وبصفهه تابوت
ام جود: يمه وليدي 😭
ايه: يمه احمدي ربج واشكري لان طلعلنا سالم
انور: لا طلعلنا جود مو سالم
الكل: 😂😂
جود بهمس: احم ايه اريد اصعد فوك
ايه بهمس: بس لا لغرفه سعاد
جود بهمس: لا ياسعاد احم اريد ارتاح بلغرفه فوك يم ..
ايه بهمس: ايي افتهمت ..يابه اعذورونه جود هستوه طلع من الموت خلي يروح يرتاح وبعدين ينزل خطيه يضل كاعد يتأذه
الكل: لا خلي يروح يرتاح
جود: اترخصت وصعدت للغرفه دكيت الباب مافتحت طبيت شفتها تصلي وتبجي كعدت ع جربايه انتضرها تخلص المهم خلصت رادت تطلع سويت روحي وكعت بالكاع والعمليه اتأذت....اااااااخ
رنا: جنت دااصلي وطب جود المهم كملت صلاتي وردت اروح سمعت عيطه جود كبل رحتله وسنده ...شبيك دتتوجع موو 😭
جود: اخخ اي
رنا: تعال تمدد سنده وتمدد ع جربايه وسحبني. جود وخر الله يخليك
جود: تؤ خليج يمي
رنا: وخر جود عمليتك
جود: عمليتي فدوه الج
رنا: جود
جود: اششش رنا اريد انام تعبان
رنا بهمس: الي يكول جاي من حرب ولا عبالك صارله اسبوعين نايم
جود: سمعتج رنوش
رنا: وخر شبيك خطار جوه يلا اريد انزل
جود: تؤ تؤ تؤ ماكو نزله
رنا: جوووود لاتعصبني كافي عناد خلي اكوووم
جود: كركركر يممه خفت شوفي شلون جاي ارجف
رنا: ههه ضحكت
جود بعصبيه: خليي ننطمر لاتكفريني
رنا: استسلمت وبقيت يمه كلت من ينام اطفر من يمه ورا نص ساعه وماحسيت الا وانه نايمه
.
.
.
صكر: مر ع علاقتنه انه وسرور 6 اشهر ويوم عن يوم سرور جاي تختلف مجاي افهمها وماتخابرني الا من تحتاج فلوس ف اليوم راسلتها وكلتلها. سرور ليش من عندج مصلحه تحاجيني
سرور: حياتي يامصلحه. وانت تدري عدنه ضروف
صكر: شسالفه من تطلبين مني فلوس هاي ماعندج ضروف ومن تريدين تحاجيني تكولين ضروف
سرور: اها يعني هيج صارت مو 😔💔
صكر: لا بويه كلشي يروحلج فدوه لاتزعلين
سرور: احبك 😘
صكر: وانه اكثر. اكلج عمري
سرور: كول
صكر: اريد اجي اخطبج شنو رئيج
سرور: ها اي مو شسمه خالي ميت مصارله سنه وعيب نسوي حفله
صكر: الله يرحمه چا من يطلع السنه مالته اجي اخطبج
سرور: اي ماشي
صكر: بقينه نسولف لحد مانزلت جوه. صارت بوجهي تاليا
تاليا: اكلك صكر
صكر: كولي
تاليا: انت مو اخوي وحزام ضهري
صكر: بدون الغاز شتريدين
تاليا: رايده موبايل
صكر: اي تمام باجر اجيب الج ولل بنات
تاليا: يمه فدووه
.
ليث: فرحت لان جود ماصارله شي ادري الي جاي اسوي حرام بس خايف ع حياة ايه رحت ل جدي جان بوحده كاعد بلمضيف. هههه جود عايش ي جدي
الجد: امشيي اطلععع
ليث وهو يكعد: ليش جدي ماتحب احد يتشمت بيك مو
الجد: اطلعععع حيوااانن جايي تتشمت بيه مووو 😤
ليث: يجي يوم وتطلب تعتذر من كل شخص اذيته بحياتك
الجد: بلحلمم يصير هلشي
ليث: راح نشوف ياا الشيخ. طلعت من يمه ورحت لشغلي شفت انور كاعد ويدردم. ها شبيك وجهك مايبشر بلخير 😂
انور: ليث روح من يمي لا اخلي قهري براسك
ليث: هسه غير اعرف شبيك
انور: مو صارلي اسبوعين مامداوم هسه الامر كلي انزل ع بغداد تبقى اسبوعين هناك
ليث: حيل بيك 😂 اخخخ
انور: كاعد تتشمت موو 👊
ليث: نعلا على والديك خربت وجهي الجميل
انور: تروح من يمي لو انعل والدين جميل
ليث: اي يابه المركز حيصير هدوء ااخ
انور: هسه بلقلم كلام ثاني من عندك اطيح حض جدك
ليث: سكتنه يابه بس مو هواي اسبوعين
انور: كللشش هواايي
ليث: دمشي اقنعه الك
انور: اي مو الوزير
ليث: احم دمشي امشي
انور: دخلنا لغرفه الامر. احم احترامي سيدي
الامر: هلا بيكم. ها انور اشوفك مرايح
انور بهمس: من هسه انعل والديك احد يكلي ليش
ليث بهمس: ليش. احم سيدي مو هوايه اسبوعين
الامر: هوا صارله اسبوعين مامداوم ف حددتله مكان يروحله اسبوعين ويرجع
ليث بهمس: لازم ميدري جود اندعم ..
انور بهمس: لا ميدري
ليث: سيدي الضابط جود اندعم وجان داخل غيبوبه اسبوعين وانور بقه يمه
الامر: هاا الحمدلله ع سلامته..يلا اسبوع وترجع
انور: تأمر سيدي. دكينه تحيه وطلعنه. تعال ابوسك يول
ليث: امشي امشي
.
موسى: يلا خلي نروح
حور: حنركب بسياره الشيخ موسى. اوكفو خلي اتكبر. اااخ
موسئ: دنجبي وامشي عود جاي تحجين
وصلنا لبيت عمي طبينا جوه سلمنا عليهم وكعدنا ننتضر عمتي
ابو موسئ: نارين بنتي خومه ضايجين وحدكم
نارين: لا بلعكس ماكو أي ضوجه ويا حور وحكم
ابو موسى: خير نشالله ..كووم افتح الباب
نارين: طبت عمتي سمر ومبين عليها مهضومه(تعبانه) اجت عليه حضنتني وطكتها بجيه ..شبيج عمه ليش دتبجين
العمه سمر: ماكو شي بس مشتاقتلكم
نارين: مستحيل مشتاقتلنه وتبجين نوب الا اكو شي عمه وداعت دموعج الطاحت ناخذ حقج شصاير وياج تره انه عندي فضول ومستحيل اعوفج تبجين ودااشوفج تعبانه يلا سولفي اسمعج
العمه سمر: هههه شكد حجيتي تمام راح اسولفلج بس خليها بينه اذا عمامج عرفو كبل يطلكوني
نارين: يعني واصل للطلاك وهذا زوجج مسويلج شي موو
العمه سمر: اسكتي خلي احجي ..من رجعت للبيت جانو بنات عيالي كلهم هناك تقريبا هنه 4 كلهن يغثن المهم طبيت بدلت وكلت ارتاح شوي جان يطب زوجي يشبعني كتل 3 ايام هوا بس يكتل بدوون سبب واشوف بنات عيالي يبتسمن بخبث وانه شكيت بشي وممادري بعد هلشي صحيح او لا. انه حجيتلج لان انتي بنت ... وتفتهمين عليه مثل ابوج
نارين: شلون يمد ايده عليج وانتي شكبرج مو مال ضرب وبعدين ليش ماتخلين عمامي يدرون وربي يطيحون حضه هل اغم واذا ع طلاك طز بي خلي يطلكج وانه بيدي ازوجج لواحد يسوه راسه هلمطي. شو جمال واخلاق بس لو ادري شعجبج بي جان ارتاحيت او ليش تتزوجين جيبي بتج واكعدي عندي البيت بيت اخوج بعد
العمه سمر: باع شتحجي هاي ولج مو جنت شكبرني شو صرت جمال ومادري شنو. ولج ماريد الناس تسولف بيه وياكلون راسي خليني بذل زوجي ولا بذل حجي الناس
نارين: اخر مره يمد ايده عليج وعلي اجي اكسره هلمطي
العمه سمر: هسه كافي تغلطين عليه. هههه. انتي شنو اخبارج ماكو سعيد الحض لو بعدج 😂
نارين: يبو كطيعه مااريد احب ولا احد يحبني وانتي تدرين انه اكره شخص يتحكم بيه. كعدت اقلد واكول. لاتلبسين هيج لاتروحين هيج من تمشين نزلي راسج اليوم ماكو طلعه ووودوخه راس وماتسمعون الا سعيد الحض ميت
العمه سمر: چا تبقين عزبه
نارين: ماكو احله من العزوبيه ..ضلينا نتناكر انه وعمتي هيه تكلي ماكو احله من الزواج وانه اكللها حيات العزبه حلوه لحد .......اجت عمه ويانا هيه وبنتها تعللنا لل3 الفجر. وبعدها نمنا
.
.
.
رنا: حسيت على شي حار ع جسمي فتحت عيوني وجود حاضني باوعت الساعه بل 6 يبوو شكد نايمه اني سحبت روحي من يمه وشفت عمليته مفتوحه. جودد اصحه لككك جوود
جود بنعاس: همم
رنا: جود ماوكت نوم كوم العمليه انفتحت
جود: اممم
رنا: جووودد
جود: وحمس شبيج
رنا: باوع عمليتك مفتوحه كوم بسرعه لل مستشفى
جود: بس ماحسيت عليها من انفتحت
رنا: جود كوم فدوه
جود: اوكفي لاتنزلين جيبي علبه الاسعافات
رنا: ليش
جود: انتي جيبي وماعليج
رنا: رحت جبتها. هاك
جود: اخخ تعاي ساعديني انزع التيشيرت
رنا: ساعدته نزع التيشيرت
جود: باعي انطيني البنج
رنا: انطيته وبدأ يخيط عمليته وانه فاتحه حلكي عليه هذا شلون يعرف 😮
جود: سدي حلكج لا يدخل ذبانه
رنا: شلون هيج تعرف
جود: هاي بوكت داعش مو جنه نحرر الموصل ويجون كومه جرحه ف اتعلمت وكمت انه اعالجهم ف صار شي عادي عندي
رنا: اها چا خوش. انه انزل جوه
جود: وانه هم.
رنا: نزلنا جوه وجانت عمتي وايه يحضرون العشا وسعاد كاعده
جود: سعاددد انتيي كاعده وامي تشتغلل خدم عندجج
سعاد: انه حامل. وينرادلي راحه
جود: چا بس انتي حامل يلاا كوميي
سعاد: چا ماتكوم رنا بس جاي عليه
جود: منو يكول انه ماكلت ل رنا. انتن ثنينجن تشتغلن وامي وايه يكعدن مفهوومم
سعاد: مفهوم
رنا: رحت لل مطبخ وكلت. عمه وايه روحن اكعدن تعبتن انتن وادري تأخرت بلنومه
ام جود: لا بنيتي لاتحجين هيج.
رنا: عمه فدوه روحي اكعدي انه اكمل بمكانج يلا يلا روحن 😂 ..راحو ايه وعمتي كعدن واجت سعاد وجهه مكلوب ...سعاد سوي جاي جديد
سعاد: ماتسوين انتي
رنا: سعاد بدون عركه خلي اليوم يمشي ع خير ..سوت سعاد الجاي وانه حضرت العشه ..الخطار جانو رايحين. المهم اخذت الاكل بقه بس اجيب الجاي رحت للمطبخ شفت سعاد اندارت وبيدها الجاي وانكب ع ايدي لان جان حااار كلش ..ااااااخ اااااايييديييي
سعاد: وجع ماتنتبهين
رنا: بقيت صافنه ع ايدي الترجف واحمر بجيت ودموعي نزلن ع ايدي حركني بل اكثر ...يممممهههه ايدييييي
جود: شكوووو شنو هاييي
رنا : فدووه ايديي يممه ديحركنيي
ايه: يلثور ليش ماتنتبهين اخذها للمستشفى
رنا: ماااريد مستشفى جيبي المرهم والفاف 😭
جود بعصبيه: انتي صدك تحجين باعي ايدج العضم طلع
رنا: دااكول مااريد ماارييد ..اجت ايه وجابت المرهم اخذتني ام جود بلغرفه وكعدت اداويني وجود فوك راسي اما سعاد ف واكفه مبتسمه بخبث جنت ادري متقصده اما ايه واكفه وترزل بيها وهيه ولا يمها ..تعبتج وياي خاله ماخليتكم تاكلون
ام جود: لا يمه صدك تحجين يلا كومي اتعشي انتي لا ريوك ولا غده
رنا: مااشتهي. كلت هيج واجاني خزره من جود
جود بخزره: يلا كدامي كومي اكلي
رنا: كمت كعدت ع يمين جود لان ع يساره صايره ايه بويه ايه من تخبث ياستار رادت سعاد تكعد بس ايه كعدت ..كمت اكل بأيدي اليسار لان اليمين احترك ماكمت اسيطر كوه اكلت وكمت ..دايمه
ام جود: شكلتي يا بنتي شو الصحن ع حطته
رنا: وداعتج خاله من اشتهي انه اكل قابل مستحيه منكم انتم اهلي ..اترخصت ورحت للغرفه لزمت التلفون وخابرني مهدي ..هلو مهدي
مهدي: هلا شلونج شخبارج
رنا: الحمدلله وانت شلونك عمتي البنات والولد مشتاقتلكم
مهدي: والله ماصار بيدنه مجال نجيج ذاك الاسبوع لان جود اندعم وكلنه عيب نجي
رنا: لا يمعود يا عيب تدري بيه متعلقه بيكم
مهدي: الله كريم محتاجه شي
رنا: سلامتك خويه
مهدي: اذا احتاجيتي شي بس خابري ونشالله مايردج غير لساني
رنا: تسلم تسلم ماتقصر والله. سديته من مهدي واخذني النومه .كعدت ع صوت طكطكه بلغرفه فتحت تك عيوني شفته جود ديمشط شعره باوع للساعه جان ساعه 11 ...وين حتروح
جود: مااروح بس سبحت وطلعت امشط
رنا: ضليت اباوع عليه كل ماايرفع ايده يعدل شعره يتأذه كمت ووكفت كباله ..انطيني المشط
جود: ليش كعدتي
رنا: سحبت منه المشط وبديت امشطله. عمليتك تأذيك مو
جود: لا
رنا: جود حاسه بيك انه. اتحمل ليمى تطيب فدوه قلل من سبحك شويه ولاتنام ع مكان عمليتك لاتلتهب. احجي ويا وامشطله
جود: ششايفتني طفل كدامج
رنا: لا حشاك بس جاي انبهك. ذب المشط من ايدي وكعدني بحضنه وخله راسي ع صدره
جود: بعدج زعلانه مني
رنا:....
جود: انه استاهل كل هل عقاب يارنا وحوبت اليتيمه جاي يطلع
رنا: نزلن دموعي. اشش لاتحجي هيج مسامحتك انه
جود: چا ليش الى حد الان مشاعرج بارد تجاهي
رنا: انه ماخليت جود بعد يلمسني. كلتله. مو انه الي اخذ شي ميخصني
جود: شقصدج
رنا: انه اخذتك من سعاد وهسه هيه حامل بأبنك ياجود روح عليها وطيب خاطرها فدوه. حجيت هيج ورحت لجربايه تمددت
جود: رنا سعاد مامسويتلي شي حتى اطلكها
رنا: انه ما كلت طلكها
جود: چا شقصدج
رنا: طلكني
جود: لو تموتين مااطلكج تدرين يمته اعوفج من اموت من رب العالمين ياخذ روحي ذاك الوكت روحي بحال سبيلج افتهمني
رنا: تمام ياجود. اريد ارجع لدوامي
جود: ومنو لازمج ارجعي
رنا: كتبي كلهن بيت جدي
جود: اخابر ليث يجيبهن الج
رنا: غمضت عيوني ونمت ... كعدت ع صوت المنبه جان جود حاضني وخرت من عنده ورحت للحمام سبحت وبدلت وطلعت شفت جود كاعد رحت للمرايه لفيت شالي وكعدت ع جربايه .. حخابر صكر يجي ياخذني
جود: وانه ليش زوجج ومسؤل عنج
رنا: مارايحه ويا غريب انت نام مو زين تطلع وعمليتك بعده ماطابت
جود صاك ع سنونه: كم مره كتلج لاتحجين ببرود
رنا: شكلت انه مو زين عليك بس مو صوجك
جود: طلعي ملابسي تيشيرت الاسود وبنطرون الاسود
رنا: طلعت ملابسه وهوا طب سبح طلع لابس بس البنطرون بدون تيشيرت ...يلا بدل
جود: ساعديني
رنا: ساعدته بلتيشيرت وكتله ...متكدر تخفف السبح شوي تره لمصلحتك جاي احجي
جود يتقرب: كلهن فدوه لعيونج
رنا بتوتر: يلا اتأخرنا
جود: سحبتها من ايدها عليه. لاتبتعدين عني ماعندي غيرج
رنا: جود كافي خلي نروح ..نزلنه جوه عمه جانت تصلي .تقبل الله
ام جود: الجميع يارب. وين رايحين من الصبح
جود: اخذ رنا للجامعه وامر للمركز
ام جود: دير بالك ع نفسك وليدي
جود: الله كريم. بست راس امي وطلعنا
رنا: جود يمشي ع كيفه بلسياره .. بهمس. اووف ماراح نصل لي باجر
جود: شبيج تأفئفين
رنا: تره حيروح الوكت .مارد عليه كتله.
.
العمه سمر: كومن كافي نوم لاتشيبن كلبي يلاا يلا
نرجس بت سمر: يمه دخيلج عوفينا انام لا انتي شبعانه نوم وتكعدينا
نارين: عمتو اليوم شنو من الايام
سمر: اليوم احد ساعه 6
نارين بطفره: شنو يمه عندي امتحان باي باي ..بدلت وتريكت ع سريع وطلعت للجامعه شفت رنا كاعده وحدها بلكوفي ..عاش من شافج
رنا: عمري مشتاقتلج سلمت عليها وكعدنا
نارين: وهسه احجيلي شنو سبب غيابج
رنا: بديت احجيلها كلشي
نارين: اذا جود يحبج وميحب ذيج المسعده ليش مجايه تتقبلي تره ماعندج غيره والله
رنا: ولج احبه بس كلبي ماينطيني اشوف ضرتي تنام وحدها وهوا كاضي يمي اريده يحبها مثل مايحبني اريده يمها مثل مايمي ليش يحبني وميحبها وهيه ممأذيته يشهد الله انه ماعندي مانع اذا يوم يمي ويوم يمها تره حته رب العالمين ميقبلها
نارين: والله مدري شكلج بس كوليله هيج بلكي يحن الها
رنا: حيصير عنده طفل من سعاد وهوا مامهتملها شنو ذنب الطفل هسه ميحب سعاد خلي يحب ابنه
نارين: الله كريم كلشي واله حل يروحي
رنا: مااعتقد هلشي اله حل كومي صار وكت المحاضره
نارين: ولج يامحاضره غير عدنه امتحان
رنا: جذبب
نارين: والله شبيج
رنا: اووفف ياربي كلشي مادارسه شراح اصخم بوجهي 😔 بهل اثناء رن الموبايل مالتي ....
#اليتيمه وابن البصره
#بارت40
#هديل احمد
انة لما يدري وين الشوگ ودا
انة المتروس ناس ومحد ويا 🙂💔
...........
هنا جان الساعه 6 الصبح
مهدي برود: كوم صكر يلا كافي نوم
صكر: ساعه بيش كل عقلك ساعه 6 تريدني اكعد حلمان بيه الاخ
مهدي : دكوم لو شنو
صكر: روح انت شويه وانزل ليما ابدل
مهدي: ربع ساعه والكاك يمي
صكر: راح مهدي وكلت ..ربي شمسوي بحياتي حته تعاقبني 🤦♂️ ...رجعت نمت
مهدي: نزلت جوه انتضرت صكر ربع ساعه وماكو كلت يجوز ديسبح صار نص ساعه وهوا ماكو صعدت فوك ودفرت الباب، لكك شنوو من شي انت ماتشبع نوم كوم ينرادلك كتله معدله
صكر بطفره: لا ع بختك كمت. سبحت وبدلت زي عربي ونزلت جوه ويا مهدي عمتي والبنات جانن يتريكن. كومي راما صبيلي جاي
راما: اوووه كوم انت ناقصك ايد رجل
مهدي: صبيلي جاي راما
راما: حاضر شكم مهدي عندي احبل اجيب
صكر: صبيلي لاتصيرين خبيثه يلا شلون ينزل الكمه بدون جاي ماادري( طبعا راما وياره مايشربن جاي)
ياره: شعليك انت قابل مثلك كاضي جاي
صكر: لج انعل شيب جدج صبي جاي بس مو صوجج صوج اليشتريلجن تلفونات
البنات: شنووو
صكر: اي كلت اشتريلجن تلفونات بس ماتستاهلن
تاليا: لا ولجن كلشي ولا هلخايس يزعل يلا صبنله جاي
مهدي: عندك فلوس لو انطيك
صكر: عندي ..خلصنا ريوك واخذت البنات واجا مهدي ويانه المهم وصلت البنات ورحنا للديوان الخارجي و
.
رنا: دك عليه جود .هلو
جود: شلونج
رنا: مو زينه عدنا امتحان ومادارسه شي خايفه لا ارسب
جود: هاا اي چا خوش ع دور الثاني
رنا: شهل برود الي عندك يربي
جود: تريديني ابجي والطم يلا روحي امتحني اكيد دارسه
رنا: اخ منك والله معليه فلا امتحن
جود: دروحي روحي باي عمري
رنا: سديته واني اعصابي فوول ..لجج بارد ااخ يلساني
نارين: 😂 متت طاحضج امشي نمتحن خليها ع الله بلكي الاسئله سهله
رنا: امشي بلحالتين انه ماواح انجح بلماده. رحنا للقاعه وانه خايفه لاارسب بلماده سلمنا وطبينا
الدكتور: مثل ماكلتلكم بلاسبوع الماضي عدكم امتحان اكيد درستو
رنا: بدا يوزع الاوراق اجا يمي همسلي كال.
الدكتور: لاتخافين بنيتي اجا زوجج وكلي جنتي مريضه وتعبانه ماكدرتي تدرسين واعرفج شاطره لان كل يوم جنتي تجاوبين ع كل اسئله اطرحه عليكم انه راح اعلمج
رنا: هوا رجال جبير يطلع عمره 47 كلش فرحت لان جود وكف وياي ..ماراح انسالك هلمعروف دكتور
الدكتور: تدللين بنتي
رنا: كلشويه يجي ينطيني الجواب ويمشي لحد ماخلص وكت الامتحان اخذ الاوراق وطلع وانه متفائله
نارين: ها شو فرحانه
رنا: شلون ماافرح وعندي هيج جود
نارين: هااا اكيد تخبلتي
رنا: ياااا ذاك صكر امشي ولج ..رحنا ع صكر جان هوا ويوسف ..صكرررر
صكر: شلونج رنا
رنا: حضنته ونزلت دموعي تذكرت كلشي شلون وكف وياي وشلون جان يضحكني وكلشي ..مشتاقتلكم صكر
صكر: احنا اكثر البيت بدونج ولا شي تعلمنا عليج غرفتي بدونج متسوه
رنا: الله كريم كول لمهدي مو ينسه الوعد
صكر: تدللين شلونج اخيتي نارين ..اباوع ليوسف عصبي
نارين: الحمدلله صكر انت شلونك
صكر: الحمدلله دومج نونو ااخخ
يوسف: انجب احترم عبالك عشره عمر
نارين: نرفزني كلش هوا شدخله ماادري ..وشبيك ضجت. بويه خزرني خزره متت بمكاني
يوسف: يلا صكر امشي
رنا: راحو واحنا هم رجعنا للمحاضره وهيج كضينا يومنا طلعت من الكليه دك هورن سياره جود
جود: اصعدي
رنا: صعدت كتله. شكرا جود
جود: ع شنو
رنا: لان خليت الدكتور يساعدني بل امتحان
جود: قابل قنعتيني بل شكرا مالتج خلي نصل عود اشكريني
رنا: افتهمت شنو قصده يريد بوسه بس لو مدري شيصير ماابوسه. وصلنا البيت عمتي جانت تسوي غده وسعاد كاعده وايه توها طبت للبيت اجانا عياط رج البيت رج
.
نارين : وصلت البيت عمتي جانت تسوي الغده وسهاد وحور ونرجس كاعدات عيطت عليهن ..كومن بلا حساس ساعدن عمه
حور: متقبل كلتلها انه اطبخ بس حلفت الا هيه
نارين: يابه هيه تطبخ والبيت مكلووب كاعدات ع تلفونات لو تنتضرن اجي من التعب الي بلكليه اعزللجن البيت
سهاد: اووف نارين شبيج ويانا
نارين: اتقربت عليهن وسحبت تلفوناتهن ثلاثتهن كتلهن . خلي بس اشوف تلفون بيدجن وعلي اشبعجن نعل وانتي سهاد انه اعلمج تأفئفين
نرجس: اخلص من امي تطلعلي نارين
نارين: شفتهن كاعدات ع تخم الي ابوي يكعد عليه نزلت دموعي ورحت للغرفه اشتاقيت لابوي محد ياخذني
حور: معقوله زعلت
سهاد: لا ع شنو تزعل يااا طاح حضنا كوون كاعدين ع تخم ابوي كومن نروحلها
نارين: طبن البنات ومنزلات راسهن
البنات: اسفييين
نارين: ابستمت وكلتلهن .. ماصار شي روحن عزلن بين مايصير الغده. طلعن وانه سبحت وبدلت وطلعت ساعدت عمتي بلغده وصبينا الغده كعدنا نتغده وووخلصنا عزلنا وعمتي نامت نومه الضهر والبنات كعدن يتوسلن بيه انطيهن تلفون
حور: عليج الله انطيني التلفون
نرجس: فدوات انطينياه
نارين: افتحن الرمز بسرعه. شفت وجوهن ينطي الوان. شدااكول افتحن التلفون. فتحن الرمز بديت بتلفون حور جانت منزله انستا الكل يدري بي طبيت بي جان اكو محادثه ويا شخص قريته من اول طلع يهددها الجلب ..حوووور
حور بتوتر: ه.ااا هااا
نارين: ليش ديهددج هذا
حور: يكول دزيلي صور 18+ وانه ماقبلت كال الا اكول لاخوج انتي تراسلين ولد وادزله صورج
نارين: شنو وانتي دازتله صورج
حور: بس مره وحده
نارين: ضربتها راشدي صوفرت اذنها ..حقيره ليش ماتحجين
حور بدموع: والله مالي عين اسولف لاحد 😭 انه احبه وهوا كلي اجي اخطبج
نارين: اخخ من فطارتج انه اعلمج يلمسعده خلي اشوف فد شخص بلكي يعرف بهيج شغلات يمسح صورج ودخلي. بس شفت الانستا موجود وعلي انه بيدي اسلمج لاخوج واحجيله كلشي( ردت اخوفها حته متعيده وهيه سنه مراهقه كلشي يصير) راسلت يوسف بلكي يعرف. هلوو يوسف شلونك شخبارك
يوسف: هلا
نارين: باوع حكلك شي بس خلي بيناتنه ووحجيتله كلشي
يوسف: انطيني حسابه وشوفي اذا الرقم موجود ين بت عمج هم دزيلي ياه
نارين: حور عندج رقمه
حور: اي ذاك اليوم دزلي ياه علمود اخابره من السيمكارت
نارين: الله يسود وجهج كوون يلجلبه. دزيتله الرقم والحساب
يوسف: اليوم بليل اردلج خبر
نارين: انتضرك. عسى ولعل ينحل المصيبه
حور: بعد ماعيدها والله
نارين: هذا العايز تعيدها خلنشوف المصخمه الثانيه. طبيت ع جهاز نرجس ..ولا تكعدن راحه
نرجس: ها احم اء
نارين: نرجس ماشاء الله ولدد انتيي
نرجس: باعي نارين خلسولفلج
نارين: شتحجين طايحه الحظ باعي كلامج ويا صديقاتج ولد انتيي
نرجس: نارين فدوه بس نصي صوتج لاتكعد امي
نارين: اذا انتي هيج تخافين من امج جان مسويتي هلسوايه
نرجس: هذن صديقاتي
نارين: صديقاتج ع نت لو بل مدرسه
نرجس: احم ع نت
نارين: نرجس انه اعرفج انتي متربايه من وين جبتي هلسوالف
نرجس: 😔
نارين: باعيلي نرجس جاي احجي وياج. هنه الي علمنج ع هيج سوالف
نرجس: اي
نارين: باعي حبيبتي هذن مايتسمن صديقات لا هذن مستهترات وادبسزيات باجر يعلمنج ع غير اشياء انه نبهتج اذا تريدين ترفعين راس امج وابوج احضريهن واذا تريدين تنزلين راس اهلج بقيهن عندج
نرجس: لا اهمشي مااريد اخسر ثقه اهلي بيه هسه كدامج احضرهن كلهن واصلا راح اغير حساباتي
نارين: عفيه خيتي. اجا دور سهاد 😒 خلي نشوف شمفينه
سهاد: تدرين بيه احب حكم 😑
نارين: لا والله بكل ثقه تحجي كدامي. طبيت ع واتساب جان مكتوب ع رقم حكم حبيبي ..اووو حبيبي نوب طبيت ع محادثه كله غزل ماكو شي اذا ماحجو بي حته حاجين عليه ..لج ليش تحجين عليه
سهاد: موو شسمه هسه عينج ماراح بس ع اسمج
نارين: قريت رساله من حكم ومكتوب بيها (سهاد تعاي ادفيج بحضني 😳) المصيبه مو هنا المصيبه سهاد كاتبتله (اجيت يعمري )🤦♂️ عصبت عليها. سهااادد
سهاد: ها شبيج
نارين: شنو هايي
سهاد: 😥
نارين: انه من عصبت عليها مو علمود الرساله بس حتى بعد لاتعيدها وهل اغم حكم خلي يصبرلي انه اله كلتلها. سهاد هو لا خاطبج ولا حاجي بيج شلون تسولفون هلسوالف
سهاد: ن.
نارين قاطعتها: ولكمم لاتثقون بأحد ياناس لاتثقون بأي بشر كعدت وخليت ايدي ع راسي ولكم حتى بيه لاتثقون الله يسود وجهكم طايحات الحظ. باوعت ع حور مقهوره وتبجي بدون صوت كلت خلي اقسه عليها شوي. لزمت اذنها . وكلت بنتره. بعد ماكو انستا مفهوم شو هاي طكتها بجيه وتشهك انه ضحكت عليها. امداج عقل جهال مو بيدج داشاقه وياج عمري.
حور: صوجي انه كله مني بسرعه اثق
نارين: انتن بعدجن مراهقات انه جنت بعمرجن ادرس واداري ابوي والبيت فد يوم مافكرت بلحب بس انتن كل همجن تلفون وبرامج حته دراسه مجاي تدرسن والله محد يفيدج تره هذول فارغين تلكيهم اربعه وعشرين ساعه فاتحين ويهددون بلبنات باجر تصيرن بعمري تضحكن ع ارواجن شجنتن تسون قبل وهسه تسوون احسن من قبل افتحن عقلجن المزنجر انه ضربتج وعصبت عليج لان احبج واخاف عليج يعني الا تجلطوني يلا ترتاحن
حور: اسفه مو قصدي والله
نارين: انتن ينرادلج واحد دارس طب نفسي بحيث تتغيرن 180 درجه ااخ منجن اتلكاها منجن لو من الدكاتره الي مطلعلينا يوميه امتحان شكل
نرجس: ااا باعن البيت شصار بي
نارين: شفت الصاله الي كاعدين بي المخدات مطشره واحنه مسوين دائره وكاعدات اباوع لسهاد وحور ونرجس كفشتهن هيج طلعت كامرا مال تلفوني باوعت ع روحي همزين مو مثلهن. كومن عزلن وتعالن يمي ركض. كامن يعزلن و..
.
جود: سعااااااددددد
سعاد: ها شبيك
جود: شبت بعينج كووون شكم مره كتلج امي خط احمر كاعده رجل ع رجل وامي تطبخ. جانت واكفه كبالي انطيتها راشدي
ايه بهمس : ااخ خدي انه تأذيت وهيه لا مو اكلج ثور ماتصدكين
رنا بهمس: انجبي ولج مهما يكون هيه ام ابن اخوج
سعاد بدموع: شسويت اني حته تضربني كلت لخالتي انه اسوي غده بس ماقبلت كالت لازملج راحه
ام جود: ماصار شي ورا الغده حضري نفسج نروح للدكتور
اباوع لسعاد وجهه كام ينطي الوان كالت
سعاد: هااه ايي مو خاف بعيد
جود : وانتي ليش متوتره ورا الغده اخلي انور يجي ياخذجن
رنا: ماادري ليش ضجت بس بنفس الوكت الطفل ماله علاقه هوا طفل ونعمه من الله .. خاله روحي ارتاحي انه اكمل
جود : سعاااد هيه تكمل انتي تعاي وراي عندي شغله وياج
رنا: رحت ورا كتله .. شرايد مني
جود: مو عبالج نسيت البوسه يلا
رنا: قربلي وجهه كتله. ولا ينسئ الاخ
جود: كافي يلا بوسي اريد انام
رنا: ههه عباله راح ابوسه من حلكه. غمض عيونه بسته بخده وطفرت للحمام عفته يعيط وراي
جود: الزمج الزمج ماراح اطيرين ولا راح تبقين بلحمام
رنا: سبحت وبدلت طلعت من الحمام جان طافي الضوه وكلشي مامبين كلت يجوز نايم مشيت ع اطراف اصبعي فتحت الباب مااشوف الا ايد وسحبتني ..يمه جن
جود: ماراح اخليج تروحين الا اخذ البوسه
رنا: اوووف. حصرني بلحايط وباسني بهدوء
جود: احبج
رنا: حضنته وكتله. انه همم اموت عليك يلا خلي نروح نتغده
جود: يلا
نزلنه جوه سعاد جانت تنكل بل اكل كملت وكعدنا مثل كلمره اكعد ع يسار جود وع يمينه ايه 😂
ايه: اكلك جودي
جود : كولي ايووو
ايه: وعلي لو مامسوي عمليه جان شوفتك ايه احم شسمه اريد نطلع نفتر
جود: غير يوم خلي ناكل هسه
ايه: خلي انور ياخذنا. الي يكول انور شوفير عدنا 😂
جود: انور اليوم طالع لبغداد .يمه اذا ع دكتور راح يجي عمر
ام جود: بكيفك وليدي
رنا: كملنا غده وكمنا عزلنا البيت وغسلت المواعين وكعدنا نشرب الجاي
سعاد: عمه خلي غير يوم نروح للدكتور احس نفسي تعبانه
ايه: شنو الضاهر مراح تخلينه نشوف شكو بطنج
سعاد: باجر عود الله يخليج خاله
ام جود: يمه بكيف زلمتج
جود.: باجر روحو
رنا: كلهم راحو لغرفهم وانه وجود هم صعدنا للغرفه كلت خلي تحجي ويا بموضوع سعاد راح اتمدد ولزم تلفونه ..جود ذب لتلفون خلي نسولف
جود: تمام يلا سولفي
رنا: تدري انت ضلمت سعاد هيه ممسويه شي ليش ماتعدل بيني وبينها ليش تحبني وماتحبها خلي ربك يرضه عليك وكوملها راضيها مهما يكون هيه هم مرتك. حجيتها بغصه مااعرف ليش ماريده يروح من يمي بس بنفس الوكت خليت روحي بمكانها
جود: سدي الموضوع
رنا: لا شكو اسده حبها مثل ماتحبني افهممم هيه حامل منك
جود: رناا كلبي مايهوه غيرج قابل بيدي
رنا: انت تدري هيه تحبك وتموت عليك ورجعت لان تحبك وبطنها اكو طفل منك ومنها هيه مرتك الاوله وانه الثانيه روحلها
جود: خلي انام والله كريم
رنا بدموع: ليش ماتسمعني تره جايه اتعذب من هل شي كله صار بركبتي كافي والله تعبت روحلها ماريدك يمي
جود: شنو ماتريديني يعني مليتي
رنا: استغفرالله مو قصه مليت بس ياتعدل بيني وبينها يا اطلك.....
جود بعصبيه: طلاك مااطلك افتهمتي وشتسوين سوي
رنا: لعد بحرمانك تشوفني يمك اروح انه انام يم سعاد وانت خليك هنا اشبع من هلغرفه
جود: لزمتها من ايدها ..قابل سعاد زوجج رايح الله بلاني بيجن
رنا: محد كلك اتزوج
جود: وانه التعذب موو
رنا: راح وطبك الباب ورا. الي عليه سويته وماريد غير رضه ربي صح ضجت وكمت ابجي بس مهما يكون هيه هم تنام والدمعه ع خدها خلي هيه هم تفرح خلي تحس عدها زلمه يحبها نمت وماحسيت ع شي ...
.
جود: طبيت لغرفه سعاد شفتها متمدده ودموعها ينزل ..شبيج تبجين
سعاد بأبتسامه: ماكو شي محتاج شي
جود: سلامتج اجيت انام هنا خاف عندج مانع
سعاد: لا بلعكس تعال نام
جود: سوتلي مجال اتمددت صح نامت بحضني بس ابد ماتدخل بكلبي مره احسها مضلومه ومره ضالمه مافتهم عليها .
...
نارين: صار العصر شفت يوسف فاتح نت مااعرف ليش من اشوفه فاتح كلبي يدك سريع كلت خلي اسئله ع هلشاب ..مرحبا
يوسف: هلا
نارين: ينرفزني من يكول هلا مو مثل كل يوم ..حم شسويت ع هلولد
يوسف: مو كتلج بليل اكلج
نارين: هوا مو صوجك صوجي اني اراسلك. باي ..دزيت الرساله وطفيت النت اندك الباب عرفته حكم لان يسوي طربكه بلباب ...اي يمعود افتهمنا
حكم: شلونج
نارين: سويت روحي ضايجه ..طب عيني طب
حكم: شبيج تحجين بنتر
نارين: دطب وبعدين نسولف
حكم: يلا سولفي
نارين: باوع انت تحب سهاد ماشي بس احجي بيها مو احسن من غيرك ياخذها. وبعدين شنو هلكلام الي بينكم تعالي بحضني جنك مراهق مشاعره متعوقه
حكم بضحكه: وانتي شكو اطبين بمحادثتنه
نارين: مو مهم انت سولف بسهاد وخليها تتجسل بأسمك وشتسوي بيها سوي لان هسه حرام تجي بحضنك ومدري شنو. اااخخخ منكم كمت انطي نصائح للصغير والجبير
حكم: اليوم انشالله اجيب ابوي وعمامي ونطلبها من حضرتج
نارين: خوش والله ماعلمود شي بس انه اكول حرام تنام بحضنك 😂
حكم: هسه شجلبتي وينها هيه
نارين: صدك اخذت التلفونات منهن عقاب يعني سهاد بعد ماكو بحضنك
حكم: هااه چا خوش
نارين: يلا اروح اكعد عمه والبنات ..رحت كعدتهن وو