اليتيمه وابن البصره
بقلم هديل احمد
الفصل الواحد والثانى والثالث والاربعون
لا تجادل الاحمق فقد يخطىء الناس في التفريق بينكما.🙏
………………
صكر: وصلنا الديوان الخارجي شفت ولد كرايبنه كلها هناك . طبيت ويا مهدي جدي جان كاعد ويا 7 زلم من شافو مهدي كامو انه من يمي خ جلت طبينا كعدنا
مهدي: اي شنو المشكله بينكم
ابو سمير: يابه ابني الصغير راجع من المدرسه عمره 10 سنين يجي ابن ابو سعد يضربه وهوا بكد ابو
ابو سعد: ابني ماجان متقصد من ضرب ابنك
مهدي: هدوووووء خلي نسمع من ابنه. شكو ضربت ابن ابو سمير
..ماجان قصدي
مهدي: اذا ماجان قصدك شكو ضربته
علت الاصوات وواحد رفع سلاحه ع ثاني
مهدي: اااشششش انتم بديواني وترفعون اصواتكم ماكو غير حل واحد
..شنو
مهدي: ابو سعد ينطي فصل لابو سمير وهاي هيه
ابو سعد: تعرفون بيه حالتي تعبانه وبلكوه موكل جهالي
ابو سمير: چا انت عندك بنات انطينا فصليه
مهدي بعياط: كم مره كلت افتحوو عقلوكم فصليه لا راح ترجع الميت ولا راح ترجع ابنك افهمم يابو سمير شنو الغيرك انت
ابو سمير: وابني شنو ذنبه
مهدي: ابنك بعده بلمستشفى انه راح اتكفل الفصل انطيك 10 مليون
ابو سعد نزل لرجل مهدي ..مااعرف شلون اشكرك
مهدي: كومته وكتله..لاتنزل راسك خلي راسك مرفوع وروح لجهالك نحلت السالفه
صكر: اباوع لمهدي فدوات هيبه والله راح ابو سعد ومهدي انطه 10مليون علمود ينحل السالفه ونحلت ...طلعت اشتري تلفونات للبنات المهم وصلت المحل اخذت التلفونات منه ورجعت للبيت ...بناااات
البنات: هاااا
صكر: تعالن ..اجن يمي .الذهبي لتاليا والوردي لراما والاسود لارا والاحمر لياره ..فرحن كلش وراحن
.
تاليا: سويت التلفون ونزلت انستا وفيس ووكل البرامج والبنات نفس الشي بعد ماطبيت للبرنامج تم ارسال طلب صداقه يعني بدا الزحف ..
.
رنا: كعدنا العصر عمي جان موجود كتله. اسويلك شي تاكله
ابو جود: ياريت والله بس كون خفيف ع معده
رنا: تدلل من عيوني. رحت حميت الجاي وعفت بلصينه زبادي وجبن وهيج شي مليت الصينيه واخذته اله كعدت عمتي وايه هم ياكلن بس انه نفسي مسدود طلعت للغرفه سبحت وبدلت رحت لغرفه سعاد جود جان نايم نزلت للمطبخ يم سعاد علمود اساعدها بتحضير العشا ...اساعدج بشي
سعاد: نضفي الكرفس
رنا: اخذته وكمت انضف بي الى.......صبينا العشه راحت سعاد تكعد جود بس فشلها ماكعد تعشينا وكل واحد راح الغرفته وانه بقيت كاعده ادرس مااجاني النوم ونفسي مسدود من العصر حتى العشا ماتعشيت صارت الساعه بل 1 ونص نزلت اشرب ماي وشفت سياره جود طببا جوه. دخل ع مطبخ واكو علاكه بيده
جود: شجاي تسوين
رنا: اشرب ماي
جود: ليش ماتعشيتي وشبي وجهج اصفر
رنا: نفسي مسدود
جود: وليش الى حد الان كاعده
رنا: جنت ادرس
جود: تعاي اكلي
رنا: جان بيها مشويات. بس اشتميت ريحتها ورحت اتقيئ احس روحي طلعت جود يمسح ع ضهري وانه ابجي
جود: لان مااكلتي باعي شصار بيج
رنا: غسلت وجهي وطلعت من الحمام كعدت ع كرسي ونفسي لعبانه ..حموت يمه
جود: حته دكتور ماكو حته اخذج عليه بهل ليل
رنا: كلت اروح اتمدد بلكي يروح تمددت بس لعبت نفسي اكثر ورحت اتقيئ مره ثانيه
جود:انعل شيب عشيرتج شبيج حبيبي
رنا: كوه احجي. هسه انت تسبني تمدحني
جود: تعاي عمري وجهج اصفر
رنا: ضل يفرك بضهري احس شوي راح العبان النفس حضنته وبجيت ..
جود: لاتبجين شنو جاهله انتي تعاي نامي هسه ترتاحين
رنا: حضني بقوته الا شوي ويطببني بكلبه. نمت بس كلشويه افز لحد ساعه 12 حته مارحت ع دوام دانزل جوه وركض للحمام عمتي شافتني طفرت وراي
ام جود: يارب كون الي بالي صار دخيلك يابو الحسنين لاتخيب ضني دخيلج ياام البنين
رنا: مافتهمت عليها هنا كلبي انكطع وعمتي دتدعي ..عمه نفسي لعبانه من البارحه
ام جود: امشي اخذج للدكتوره
رنا: مايحتاج هوا حيروح من عنده
ام جود: شلون مايحتاج بلكي حامل امشي
رنا: صعدت للغرفه بدلت وكعدت جود ..جود حروح ويا عمتي للدكتوره
جود: هممم طلعي ملابسي
رنا: تمام. طلعتله ملابس طب سبح وطلع المهم رحنا للدكتوره جود بقه بره انه وعمتي طبينا اجا دوري طبيت ويا عمتي فحصتني وكملت جان تكول
.
نارين: صار اليل راسلني يوسف ..ها بشر
يوسف: انحلت السالفه والصور انمسحت من جهازه
نارين: شكرا كلش
يوسف: تدلل بنت عمج
نارين: صار عندي اعصاب فوول شنو تدلل ..😒😒
يوسف: شبيج تباوعين هيج يلا حروح انام تصبحين ع خير وبوسي بت عمج الصاكه
نارين: انت صدك ماتستحي عابت اي والله
يوسف: ها شو اخذتي ميانه يلا باي
نارين: الله وياك مااوصيك الباب يوسع مطي سده وراك. طفيت النت ونمت ..كعدت الصبح ع صوت المنبه بدلت ونزلت جوه عمتي جانت تسوي ريوك. فتحت تلفوني جان دازلي كومه رسايل
يوسف : شنو قصدج ..بس مو صوجج. صوجي انه الي احجي وياج ..صرت مطي مو بس الزمج انعل شيب عشيرتج نفر نفر ..بت الحلو تطردني
نارين: ضحكت عليه جان تكول عمتي
سمر: دوم الضحكه ع وجهج منو. صاحب هلضحكه يبنيه
نارين: عمه هذي بنيه متعاركه ويا حبيبها كايلتله الباب يوسع مطي وهوا ينعل عشيرتها نفر نفر
سمر: احاول اصدكج عيونج دتفضحج خاف انتي هاي البنيه
نارين: لا شسالفه قابل شايفتني عاشكه من وراج مستحيل اخون سمسم
سمر: سمسم بعينج هاج اكلي وروحي يجي يوم واعرفه 😂
نارين: اكلت وطلعت للجامعه كلعاده كعدت بلكوفي انتضر وكت المحاضره ضليت كاعده انتضر رنا بس مااجت لمحت شخص يشبه يوسف ضحكت ع كلامه اجا بأتجاهي اتأكدت هذا هوا عفت تلفوني ع وجهي كلت هسه يروح شو هذا كعد وسحب التلفون عافه ع ميز ..شبيك انت شمكعدك
يوسف: الناس يكولون صباح الخير
نارين بهمس: لا خوش صباح
يوسف: اي شنو سالفه المطي احجيلنه عنه
نارين: يااا هذا بعده يتذكر يجوز حلم بلرساله ..هيج جنت اتشاقه
يوسف: وهيج تنرفزيني واتطفين النت وتروحين مووو
نارين: اول شي صوتك لاترفعه عليه لان احنا مجرد اصدقاء من بعييييد ثاني شي اتشكرتك بس انت شسويت كلت تدلل بنت عمج الصاكه الله يطيح حضك وحض بت عمي هوا كله مني انه بسرعه اثق واح..بلعت الكلمه لان شويه واجفص بأم السالفه
يوسف: شو سكتي احجي
نارين: ماكو شي حروح باي ..رحت للمحاضره جانت الدكتوره مسويتلنه امتحان بدون مندري وانه مادارسه شي حليت كم سؤال وانه اغلط ع دكتوره تنرفز اكبر واحد انطيتها الحل وطلعت للبيت كبل صعدت لغرفتي خابرت رنا جان تكول 😐.....
.
الدكتوره: مبروك كلبي حامل
رنا: الفرحه ماسايعتني صرت ام ومن جود ..الف الحمدلله والشكر ربي فرحت بس بنفس اللحضه انصدمت. شلون اصير حامل وجود مالامسني غير مره وحده
ام جود ضلت تتحمد رب العالمين وام البنين خطيه بجت همات
رنا: طلعنا وانه دموعي تنزل عشرا عشرا من الفرحه
ام جود: مبروك وليدي يتربه بعزكم نشالله
جود: شش..شنو رنا حامل 🥺
رنا: اي حامل ..ضل يبوس بيه وهوا فرحان احساس كلش حلو هسه عرفت الضنه شكد عنده قيمه يم الام والاب ماطلبت شي من ربي غير يتربه بعزنا ويطول بعمره واشوفه احله شاب ..وصلنا البيت ايه جانت راجعه كلتلها انه حامل
ايه: كلللللييييششش راح اصير عمه امممح
رنا: اول مره اشوفهم هيج فرحانين باركولي بس سعاد واكفه يم باب المطبخ والحقد بعيونها هسه انتي من حبلتي شو ماحقدت عليج بس هيه حقدت ..صعدت للغرفه واجا وراي جود حضني من ورا وكال
جود : مبروك علينه عمري
رنا: جود ليش مافرحت من سمعت سعاد حامل
جود: ماادري شبسرعه حبلت سعاد وانه مالامسها بس بليله العرس
رنا: وانه هم مالامسني بس مره وحده شلون حبلت
جود: هسه ليش ندوخ راسنا بهيج سوالف خلي الفرحه تكمل
رنا: طنشت السالفه كعدني بحضنه كتله ..هم جنت متوقع احبل منك
جود: اي جان عندي امل والحمدلله
رنا: اذا ولد حسمي اسد واذا بنيه ذيبه
جود: شنو اخلف حيوانات
رنا: اسد امه وذيبة ابوها 😒.بعد شتريد
جود: اريدج
رنا: باسني بشفتي ونومني بحضنه مثل الجهال ..خلي اكوم مو زين ع عمليتك
جود: استغفرالله ..احبج
رنا: اموت عليك خلي ننزل شعدنا هنا
جود: تعبان اريد انام
رنا: ماشي نام انه رايحه..مااشوف غير جرني ونومني بحضنه. جوود عوفني
جود: اشش خلي انام
رنا: غمض عيونه .عيوني راحن ع رموشه مكناسه وشعره تل. طببت اصابعي بشعره وهوا هلحركه كبل ينعسه ويروح بسابع نومه
جود: وخرت ايدها وكلت . تريديني انام حته تطفرين
رنا: 🤦♀️😂 ايي عيب اضل هنا يلا وخر. كلما اكله وخر هوا يشد ايده ويحضني اقوه استسلمت وغمضت عيوني ونمت بسلام .. كعدت ساعه 6 المغرب شفت جود ماموجود غسلت ردت اطلع من الغرفه خابرتني نارين..هلو عمري
نارين: هلا حياتي شلونج شهلغيبه
رنا: هوا بس اليوم مااجيت لان رحت للدكتوره
نارين: ليش شكو
رنا: طلعت حامل
نارين: كولي والله الف الف مبروك عمري تستاهلين
رنا: الله يبارك بيج يوم الاشوفج بي عروس عمري
نارين: بعد روحي
رنا: يلا عمري حروح انه. نزلت جوه شفت ايه جاي تدرس ..ها لازم عندج امتحان
ايه: اي والله وكلشي مجايه استوعب
رنا: كعدت درستها طب عمي وجود متعصب ياستار ياربي شبيهم ..
ام جود: خيركم يمه شو يوميه الضحكه تارسه وجوهكم اليوم متعصبين صاير شي
ابو جود: لا ماكو شي
رنا: طب عمي للغرفه واشرلي جود اصعد وراه سعاد لحد هسه نايمه ادري نومه اهل الكهف مو هيج.. رايد شي
جود: تعاي افركي اجتافي
رنا: اتمدد وبديت افركله جتافه لحد ماحسيته نام نزلت جوه سويت العشا كملته وكعدنا نتعشا جود مانزل لان نايم وسعاد هم بعدها نايمه كلت خلي اروح اناديها لان مو زين ع طفل ماياكل صعدتلها دكيت الباب مافتحته طبيت شغلت الضوه واتوجهت للجربايه ..سعاد كومي اتعشي
سعاد بنعاس: مااكل طفي الضوه وروحي
رنا: تطردني بت الاوادم هوا مو صوجها صوجي انه مو خوش ادميه لان اجيت وكعدتج. طلعت من الغرفه كعدت اتعشه المهم لميت المواعين وايه ساعدتني بلمطبخ طفيت الاضويه وطلعت فوك. وجود نفس نومته مامتحرك ..جود كوم اسبح ونام
جود: مممم
رنا: يلا كوم حته ترتاح بلنومه
جود: عوفيني انام
رنا: عفته وطبيت للحمام محتركه من الحر سبحت مي بارد ثلج وطلعت ع سبلت نمت بدون بطانيه..
جود: كعدت بل 2 شفت رنا ترجف عفت ايدي ع راسها حار جمر ..رنا اصحي
رنا: بويه باردد غطيني
جود: ولج متغطيه كومي اتعدلي
رنا: مااكدر جسمي متكسر يمه باردددد
جود: انعل شيب جدج كومي لاتعبيني
رنا: غطيني فدوه باردد 😭
جود: موزين اغطيج وانتي مصخنه
رنا: سنوني يطكطكن من البرد. يمهه بارده
جود: بت الاوادم باعي وجهج وصار ابيض كومي
رنا: ما ماعليه بارده
جود: وخرت البطانيه منها. التفت بل جرجف مال جربايه
رنا: 😭
جود: حضنتها وجسمها يرجف. عفتها ورحت ل غرفه ايه جانت تحجي بلموبايل ماهتميت
.
.
ايه: جنت احجي ويا ليث كامره والسماعه باذني وجان يدرسني انكلش خلصت فصل كامل دخل جود يمه كلبي صار ب بطني ومابقى دم بجسمي كبل ذبيت الموبايل وكلت. شبيك جود مو من عوايدك تدخل لغرفتي وماتدك الباب
جود: مومهم ايه تعاي رنا مدري شبيها
ايه: عزاا شبيها
جود: تعاي. سحبتها ودخلتلها لل غرفه.
ايه: سوده بوجهي حرارتها نار. انتضر ليمه احيب علاج من جوه
جود: راحت ايه وانه حاضن رنا
ايه: نزلت وجبت علاج. جود شربها هل شراب ادول خافظ حراره
جود: صبتلي بل خاشوكه وانطيت ل رنا. ورنا نايمه بس ترجف
ايه: هسه اسويلها كمادات. رحت جبت ماي بارد ووصله خليتها ع راسها ورا نص ساعه هدئت شفت حرارتها نازله. يلا خلص فلوسي
جود: الله وياج طلعت وطبكت الباب رجعت لرنا حضنتها وامسح ع شعرها خفت هوايه عليها
.
نارين: كالتلي هيه حامل كلش فرحتلها والله تستاهل. طلعت من الغرفه شفت عمه تبجي. ها عمه شبيج
سمر: ولج اتخبل زوجي
نارين: ليش شكو
سمر: اليوم جاي ع اخواني وكايللهم انه بعد مااتحملها ابو موسى كايله ليش شكو كله النهار كله واليل كله عركات ويا خواتي وانه كلشي ولا اهلي يزعلون خلي تروح لحال سبيلها واما ع نرجس ف هيه تاخذها وشتسوون سوو
نارين: مو اكلج زمال ماتصدكين خلي يطلكج وهاي هيه عود خلي خواته يفيدنه الحمار
سمر: شكول لنرجس تالي عمري اطلك بنته صارت بطوله وهوا يريد يطلك مااكول غير حسبي الله ونعم الوكيل
نارين: شوفي عمتي انتي خلي نرجس كدام امر الواقع ليش تخلين الطلاك يأثر ع مستقبلها اكعدي واحجي وياها وشوفي شنو ردت فعلها
سمر: الله كريم بعد شوي يجون عمامج
نارين: ماشي كعدنا ننتضرهم اندك الباب كمت فتحته طبو عمامي وولدهم كعدو بل استقبال جبتلهم ماي وناديت للبنات هم كعدو
ابو موسى: اي خيتي شنو سالفه زلمتج ليش يريد يطلكج
سمر: والله العضيم كلشي مامسويه
ابو حكم : چا شبي يكول النهار كله تتعارك ويا اهلي
سمر: شعندي انه اتعارك ويا اهله والله من المطبخ للغرفه وتدرون بيه ماليه خلك مشاكل
ابو حكم: انتي شنو رائيج بلطلاك
سمر : انه ماريد اطلك واخرب بيتي بس بعد مايهمني مثل ماهوا مارادني انه مستحيل بعد اريده
ابو موسى: بنتي نرجس انتي سمعتي الحديث كله وانتي راح يخيروج بين ثنين الحنان لو الضلم
نرجس: هه اعوف الحنان واروح للضلم ؟ يمه وداعت دموعج لاخليهم يتندمون عليج
ابو حكم: واذا وين ترذين تكعدين ف بيوتنا مفتوحه الج الكاع متشيلج عيونه تشيلج
سمر: تسلم يخوي انه مرتاحه هنا يم البنوات
نارين: راحت نرجس والغصه بلعومها ضلو يسولفون انه اترخصت وطلعت لنرجس .. مراح يجبروج ع شي فكري واخذي القرار الصح
نرجس: فكرت وخلاص ابقه يم امي لان ابوي حته مامعتبر نفسه عنده بنيه كل همه اهله يامه انكتلت منه بس يهون
نارين: الله كريم حياتي . نزلت جوه وجريت نرجس وياي كعدنه وياهم جان يكول حكم
حكم: بما انو الكل مجتمع بويه اريدك تطلب سهاد زوجه الي ع سنه الله ورسوله
ابو حكم: شكلتي نارين
نارين: طبعا ماكو احسن من حكم انه بل نسبه اليه ماعندي مانع بس الموافقه يم سهاد
ابو موسى: خلي تفكر زين وتردلنا خبر
نارين: اترخصو وطلعو وعمتي ضلت تبجي وانه اهدي بيها
حور: خلاص عمه انسي هوا صار ماضي شلون هوا باعج انتي هم بيعي
نرجس: يمه كافي اذا تحبيني صدك مسحي دموعج مايفيدج والله
نارين: بلكوه سكتناها سوينه عشه وكملنا تعزيل البيت وكل واحد لغرفته جان يدك..
.
ثاني يوم
رنا. كعدت الصبح راسي يريد يطك من كد مايأذيني شفت جود منتجي ع تاج مال الجربايه ونايم ..جود اتعدل بنومتك. اتعدل غطيته ونزلت جوه حضرت ريوك كعدنا نتريك شطفت البيت وعزلته وفرشته وشغلت البخور بل استقبال والصاله والمطبخ صار الساعه 2 نزل جود وايه وسعاد
ام جود: يلا سعاد خلي نروح للدكتور
سعاد: اي عمه هسه ابدل واجي
ايه: شعجب متوتره وخايفه
سعاد: 😒
رنا: صعدت سعاد تبدل وام جود هم راحت تبدل بقينه بس اني وايه وجود
ايه: رنا شلون صرتي
رنا: ليش شبيه
جود: ولج غير ردتي تموتين
رنا: اتذكرت البارحه سبحت من بارد ونمت جوه السبلت بدون غطه حجيتلهم وجود كام لزم اذاني
جود: شلون تنامين هيج هااا
رنا: اوويي وخر
ايه: ولك وخر منها لا بنت اخوي يصيرلها شي
رنا: فديتت 😘
نزلت سعاد وراحو لل دكتوره هنا لازم ننطي القلم بيد ام جود
ام جود: يلا يمه كومي
سعاد: اا ايي عمه
ام جود: الدكتوره سلمت علينه لان تعرفني. اخذت سعاد ل مكان السونار مددتها ع سرير وضلت تفحصها ووجها مايبشر بلخير وسعاد صارت صفره صلت الدكتوره وانادرت عليه كالت
الدكتوره: البنيه متزوجه
ام جود: اي خيتي متزوجه
الدكتوره: عيني ام جود ماادري شكلج ....
..
#اليتيمه_وابن_البصره
#الكاتبه_هديل_احمد
#البارت_42
بالرغم من كل شيء يحدث، أحبك لأنك الشخص الوحيد الذي أشعر معه بأنني قادر على احتمال كل هذا السوء المحيط بحياتي.🐆🔥
............
لارا: ليث وينه صكر
ليث: ليش شرايده منه
لارا: اريده يدرسني انكلش
ليث: طالع ويا مهدي بعد شوي يجون
ام ليث: يمه ليث تعال احاجيك بموضوع
ليث: كولي شكو
ام ليث: يمه اريد افرح بيك واشوف احفادي ليش ماتخليني اخطبلك بت خالتك
ليث: رحمه لوالديج شيلي هلفكره من راسج وبت اختج مااخذها لو تبقه اخر مريه
ام ليث: هوا مو صوجك صوجي انه شوف يامدهربه ماخذه عقلك
ليث: محد ماخذ عقلي ومو جاهل كدامج وانه اازوج الي اريدها محد اله دخل هوا انتي يمته ردتيلي الخير
ام ليث: روح يبن بطني هيج تاليتك ترادد امك
ليث: طلعت من البيت ورحت للمركز خلصت شغلي وبقيت لان خفر
.
صكر: رجعنا للبيت انه ومهدي ..راماا تاليااا
راما: ها شكو
صكر: حضري ملابسي والحمام
راما: ماشي. حضرتله الحمام وملابسه وطلعت للبنات. اووف والله ضوجه
تالياا: شنسوي مادكليلي حته رنا راحت رجعنا مثل قبل
لارا: مشتاقتلها كلش خلي نكول لمهدي ياخذنه
تاليا: امشو خلي نكله. نزلنه جوه جان كاعد بلصاله كعدنه دور مداره وكلتله ..مهدي اخذنه لرنا
مهدي: غير يوم اخذجن
لارا: حباب اخذنه مشتاقيلها 😔
مهدي: كومن حضرن ارواحجن حته نروح وكولي الصكر هم خلي يجي
ياره: كمنه حضرنا نفسنه وكلنه لصكر وانطلقنا لبيت جود دكينا الباب جان يطلع....
.
الدكتوره: البنيه مو حامل وهيه جايه تاخذ حبوب
ام جود: حبوب شنو اصخام بوجهج سعاد
الدكتوره: حبوب يسوي عدها مثل اعراض حمل بس هيه ماحامله واذا تريدين اعيدلها الفحص
ام جود: عيديها صخام براسج سعاد اذا جود عرف يطلكج هجمتي بيتج بيدج ..عادت الفحوصات وطلع نفس فحص قبل شوي. اتشكرنه منها وطلعنه
سعاد بدموع: ابوس ايدج ورجلج لاتكولين لجود وشتريدين اسويلج ماريد اطلك من جود
ام جود: اتريدين اجذب ع ابني بيني وبين الكبر شبر.
سعاد: والله شتريدين اسوي بس خليني ع ذمته مااريد اطلك والله سويت هيج حتى سمعتي ماتروح 💔😭
ام جود: تمام ماراح اكول لاحد بس بشرط
سعاد: شنو هوا
ام جود: تغيرين تصرفج ويا رنا وويا الكل ماريد الحقد يضل بكلبج
سعاد: هاي هيه
جود: ها وجوهجن مايبشر بلخير
ام جود وهيه تباوع لسعاد: لا وليدي ماكو شي
جود: والطفل شنو حالته
رادت تحجي ام جود بس سعاد قاطعتها: لا كلشي مابي صحته كلش زين
جود: خير انشالله بس احس اكو شي ورا هلكلام
سعاد: لا كلشي ماكو
ايه: هاي التقارير مال شنو. شو كبل سحبتها من ايدي وطلعت فوك
جود: شبيهن مو طبيعيات
ايه: روح الباب جاي يندك
جود: فتحت الباب شفت مهدي وصكر والبنات ..هلا والله نور البيت
مهدي: منور باهله
جود: طبو جوا ...طببتهم وكلت الايه تنادي لرنا
.
ايه: صعدت فوك شفت رنا جاي تمشط شعرها ..رنا احزري منو اجا
رنا: منوو
ايه: اهلج اجو
رنا: نزلت ركض وطبيت بل استقبال جان جود وابو وامه كاعدين ويا مهدي وصكر والبنات. رحت حضنت مهدي وبجيت وهم حضنت صكر والبنات كلش مشتاقتلهم
مهدي : اش بنيتي شكو تبجين مو ردتي نجي هاي اجينا
رنا: مشتاقتلكم كلش
صكر: حته احنه بس شنسوي جود اخذج منه
جود: غير مريتي شلون مااخذها
رنا: كعدو يتناكرون صكر وجود وواحد يضحك ع ثاني 😹 ..انطوني البشاره
الكل: شنو؟
رنا: انه حامل .. مااشوف غير البنات حضنوني وفرحانات
مهدي: الف مبروك يتربه بعزكم
صكر: الف الف مبروك تستاهلون يعني حصير عم العبب
جود. : مو عم يل اثول
صكر: ها شو اخذت ميانه
جود: اكل تبن ميانه مال شنو بعدين ليش ماتتزوج
صكر : قريبا نشالله 🙏😹
اندك الباب وشفت ....
.
نارين: دك عليه يوسف مادري ليش من اشوف اسمه كلبي يدك بسرعه اخذت نفس قوي وجاوبت ..هلو
يوسف: هسه تكولين شعنده يخابر
نارين: لا بلعكس يمته تخابر انه موجوده
يوسف: شلونج شخبارج
نارين: الحمدلله. كلت بكلبي مخابر علمود يكلي شلونج امداني وامداك يايوسف
يوسف: باعي انه خابرتج لان اريد احجي وياج بموضوع
نارين: اي سولف اسمعك
يوسف: باجر اذا بيدج مجال نلتقي بلمطعم
نارين: ماشي اكول لاهلي عود
يوسف: يشهد الله نيتي وياج شريف
نارين : ليش شنو سبب هلكلام
يوسف: باجر تعرفين
نارين: تمام. سديته منه ونمت ...صار الصبح مارحت للدوام لان عدهم سفره ف مارحت ...عمتوو حطلع ويا صديقتي
سمر: ارجعي من وكت
نارين: تدلل عمتي
سمر: يلا بنتي ديري بالج ع نفسج
نارين: ماشي. طلعت من الييت ورحت للمطعم انتضره ورا شوي طب مبتسم رديتله الابتسامه كعد كبالي وكال
يوسف: نارين خلي نسولف بصراحه
نارين: دتخوفني بكلامك صاير شي كلبي نغزني
يوسف: اطمني. نارين يشهد الله من اول مره شفتج طبيتي كلبي وماتروحين من بالي عشكت البرامج من وراج جنت ابد مالزم تلفون بس من حبيتج سويت نت دائمي من الاخير انه احبج ومحد طب حياتي من قبل غيرج
نارين: يحجي وعيونه تلمع تأكدت انه هم احبه ..افكر وبعدين..فتح علبه صغير وكال
يوسف: تقبلين تتزوجيني وتكونين شريكه حياتي
نارين: يوسف لاتحرجني خليني افكر 😣
يوسف: كولي اي لو لا
نارين: قويت كلبي وصرت جريئه. اي بس مو هنا تطلب ايدي تعال ل بيتنا
يوسف: عمي تامرين امر باجر اجيب اهلي واجيج
نارين: چا ننتضركم حروح انه هسه عمتي يضل بالها
يوسف : خلي اوصلج
نارين: لا هسه انه اروح غير مره عود
يوسف : غير مره انتي مسجله بأسمي 😉
نارين بأبتسامه: اذا الله راد يلا باي
يوسف: الله وياج
نارين: رجعت للبيت وكلت العمتي اريد احجي وياها
سمر: ها يمه شبيج
نارين: عمه اليوم شخص اتقدملي ويريدني ع سنه الله ورسوله وانه ماعندي مانع بس كولي لعمامي
سمر: يايمه شكو خايفه عمامج بضهرج ونشالله خير انه مو كتلج يجيج يوم واعرف هلشخص
نارين: اوي عمه لاتخجليني
سمر: عابت هلخلقه كومي وياي نروح لبيت عمامج
نارين: مستحيل اروح شفتيني بدون احساس معليه مااروح
سمر: مو هوا بكيفج
نارين: لا عمه بروح ابوي ولا اروح
سمر: خايبه امداج انه اروحن
نارين: منو يوصلج
سمر: ها اها اجا حكيم
حكم:ها عمتو سموره
سمر: سموره بعينك الاجكم مدري شلون سهاد رضت بيك عابت هل عيون (عيون حكم ينطي ع رصاصيات)
حكم: ليش يا اسميره تغارين مني
سمر: اي اغار من كفشتك
حكم: حقج والله مااضلمج ماعندج مثل كفشتي
سمر: دنجب احكيم ال.. اخذني لبيت اخواني
حكم: اخواني اووي
سمر : والله لو مو رجال جان علمتك الاوي خلفت امك السكط بعد امشي يلا
نارين: راحت عمتي وحكم و....
.
.
ايه: رحت فتحت الباب. لا هلا ولا مرحبا بأنور الخاين
انور: لا هلا بيج ليش خاين
ايه: رايح اسبوع ع بغداد ومااجيت اخذتني. طبو عيني عموري وصوفي الورود
انور: اي مو انه رايح اتونس غير انسمط اجدادي بلشغل دوخريي
عمر: منو عدكم
ايه: اهل رنا
مصطفى: چا كولي الجود الولد راحو
انور: ولكم ادخلو هو غير صكر التافه هنا
عمر: نجب. بهل اثناء طلع جود
جود: هلا والله تعالو ادخلو. اخخخ انور الطلي شبيك
انور: ولك غير مشتاقلك عمي سمنان وصاير ابيض اي حقك غير نايم بلعسل
جود: نجبب
انور: شبيك نايم ع سبلت العسل عابت من نيتكم
عمر: يلا جود احنه نترخص مانريد نزعجكم
جود: شهحجي طبو ماكو احد غريب
مصطفى: يالله
جود: طببتهم جوه واشرت للبنات يطلعن
.
تاليا: اوووه هم هذا المزعج
رنا: منين تعرفيهم ومنو هذا المزعج
تاليا: هاذ ابو الستره السوده
ايه: ولج لانحجين ع ضلعي هاذ نوير الورد
راما: يوو شكد تسولفن صدك وين ضرتج
رنا: فوك
لارا: ولج ايه هاذ ابو ستره الصفره شسمه
ايه: مصطفى
لارا: صاك بعد عمي
رنا: صخام بوجهج شهلحجي
لارا: طاحضج خايب متت عطش
ايه: روحي شربي لاتكولين استحي تره انعل شيب جدج
لارا: عابت منج. رحت شربت الماي ورجعت لل هول ماكو البنات رحت لل غرف الجوه هم ماكو ياربي وين راحو. جنت امشي وليش مانطخيت بدنكه لا والله حايط ع شكل انسان 😳 ...
#اليتيمه وابن البصره
#بارت 43
#هديل احمد
ثـِق أن العـَباس يَسمعك
مهمّا ڪُنت في ضيـِق ♥️'
.........
لارا: اسفه ايها الحايط ماشفتك. امداج يا لارا اذا تعرفين تحجين
مصطفى: شبيج ادردمين ووينها ايه
لارا: صدك وينها صارلي ساعه ادورلها وماكو
مصطفى: خطيه هيه حبايه فص وذابت ياسبحان الله
لارا: اي والله خطيه يلا من تلكيها كلي
مصطفى: والله بيج بوكس اطير فطارتج
لارا: ماشي ..وضربته بوكس وشردت طلعت فوك طبيت غرفه غرفه يالله اختفن ..طبيت غرفه جان موجوده بنيه ..اكلج ماشفتي البنات
سعاد: لا ماشفتهن
لارا: تمام رحت للغرفه اليمها شفتهن. والله انتن جلبات شلون تعوفني وتروحن
ايه: ماصار شي ياعيني
لارا: هلصاك جان يصيحج
ايه: ياهو تره اكو هواي صاكين
ياره: من ضمنهم اخوي 😉
ايه: اوي 😂
لارا: هاذ ابو الستره الصفره
ايه: هااا مصطفى اروح اشوف شيريد لبست شالي ورحت ع استقبال لان عيب كدام مهدي مالابسه شال.. دكيت الباب وطبيت
جود: ها شرايده
ايه: ياا شون واحد خجلني كدامهم ..🙂 مصطفى. جان يصيحني
مصطفى: انه يمته ناديتج
ايه: خرب ..اهووو تردون تفشلوني بس ماتعرفون شلون عابت اي والله. شو طكوها ضحكه
انور: ااخخ بطني راح اموت 😂
ايه: رحت عليه واخذت مخده وشبعته كتل وهوا يضحك ..موصوجكم صوجي انه اجيت اشوف شتريدون
مصطفى بهمس: ولج عيب لاتطلعين رجولتج عدكم ضيوف شيكولون عليج
ايه: انتبهت لروحي جني زلمه اتنفس بسرعه ..اسفه بس ذول مخبلين نص طكه
مهدي : لا بويه عادي 😂
ايه: ياا يضحك عليه
مهدي: نادي للبنات حنروح
ابو جود: لا والله تبقون ع عشه
مهدي: غير يوم نشالله
جود: ميصير تطلعون بدون عشه
ضلو يلحون بل اخير ماقبل مهدي
مهدي: والله غير مره نشالله
رنا : سلمت عليهم وراحو كلبي انعصر واختنكت اتعلقت بيهم هواي. طبيت جوه و صعدت فوك وضليت ابجي واناشغ انفتح الباب وطب جود
جود: شبيج تبجين ياعيني
رنا: اريد اهلي 😭
جود: مثل الاطفال الي مضيعه اهلها . باجر نروحلهم تدللين
رنا: اريد اروح ل نجف
جود: تمام باجر انروح
رنا: وعمليتك
جود: اليوم اروح افتحه
رنا: هسه صارت بل 6 المغرب شوكت تفتحه
جود: بل 8 اروح
رنا: الولد راحو
جود: لا كاعدين يم امي وابوي وايه
رنا: چا اروح انزل وانت هم تعال
جود: ابدل واجي
رنا: تمام.
.
.
ايه: اخخ نوير شبيك
انور: احم ايو اقصد ايه هاي البنيه عدها حساب
ايه: باوعت يمين ويسار ماكو بنيه بس اني. وين يابنيه قصدك عليه اويي خجلتني
انور: ايه الغبيه قصدي بت عم رنا هاي ام عيون اقصد لون عيونها زيتوني
ايه: اهاا قصدك تاليا
انور: احم اي هيه هاي
ايه: اي عدها شتريد منها
انور: هيج انطيني حسابها
ايه: بس اريد مقابل فلوس 25 الف
انور: انعل والدين اخوج يابه تدللين هيه ع 25. ع اقل الفلوس يتعوض هاي الحوريه ماتعوض بس بلجنه
ايه: ياااا چا ماانطيك الا كدام الكل تكول تره ايه تخبل هسه انتبهت
انور: اي ادللي 😂 ...احمممم
ابو جود: وجعوو شبيك
انور: انت نحله؟
ابو جود: ليش شكو عاضك فد يوم
انور: لا بس خلفتك كله عسل باوع لايه جنها ملاك سبحان الله
عمر: هاذ شبي اول مره يكول لايه جنها ملاك
مصطفى: عنده مصلحه هاذ عاجنه وخابزه
ابو جود: ولك شيل عيونك لاتحسدها
انور: له له له ياابو جود انه احسد زعلت باي
ام جود: ياا مااقبل تزعل ولدي ابو جويد
جود: ها يمه شنو جويد ششايفتني
ام جود: منين طلعت انت
انور: خاله طلع من بطنج 😹
ام جود: خايب نوير ليش ماتجيب اهلك مشتاقه لامك
انور: والله ماادري ليش انه طاب البيت حته ماشايفهم
ام جود: باجر معزومين عدنه وانتم هم عمر ومصطفى جيبو اهاليكم وتعالو
مصطفى: مانريد نسويلكم زحمه
ابو جود: لا من يمته سويتو زحمه كل الهلا بيكم
انور: چا انه اترخص
جود : اوكف نروح سويه نفتح العمليه
الولد : يلا
رنا: طلعو وحضرت العشه وتعشينا ولملمت البيت ايه غسلت مواعين كلعاده طفينا الاضويه وطلعنا للغرف نمت ومحسيت الا ع ....
.
نارين: رحت لغرفتي خابرني يوسف ..هلو
يوسف: شلونج عمري
نارين: الحمدلله وانت
يوسف: الحمدلله من سمعت صوتج
نارين: 🙈🙈
يوسف: باجر احنا يمكم ونشالله تصيرين حلالي
نارين: الكاتبه الله يصير
يوسف: كوليها نارين اريد اسمعها من حلكج
نارين: شكول
يوسف: كولي اسمي ونوب احبك
نارين: ياا انت تخبلت مستحيل اكولها
يوسف: يلا كولي مابيه حيل عناد
نارين: احبكك
يوسف: اححح يلا نامي
نارين: يانوم غير ساعه 6
يوسف: چا اروح انه
نارين: الله وياك. سديته من يوسف نزلت جوه انتضر عمه نزلن البنات حجيتلهن
سهاد: كللللووشش
حور: زوجناها وخلصنه منها
نرجس: بقيت انه اصغر منها 💃💃
نارين: بسسس شنو هلحجي نرجس شبيج
نرجس: ياا هاي شبيج ترا مجرد شقه
نارين: بيج زود وتعيدي
نرجس: لا ماعيده
ورا مرور ربع ساعه دخلت عمتي وحكم
حكم: ياخيه ياناريينن 😭😂
نارين: شكوو شبيكمم
عمه: مدري شكلج بس
نارين: بس شنو عمه احجي
العمه: عمامج ماوافقو
الكل: شنوو
حكم: اي ماوافقو كالو ماننطيها لل غريب
نارين: چا المن ينطوني
العمه: ل موسى راح يجون يخطبوج لموسى
حكم: يلا لاتنقهرين هذا اختبار ربج 😔
نارين: بس موسى مثل اخوي شلون واصلا مااوافق
العمه: چا بنيتي موسى احسن من الغريب
نارين: انه مستحيل اخذ موسى عوفو الكم. سمعت صوت من ورايا. وشبي موسى الف وحده تتمناه
الكل بصدمه. 😳
نارين: انت مثل اخوي شلون اخذك
موسى: يبعد اخوج. بس هذا الخايس كال نسوي مقلب ب نارين
حكم: احم رحمة الله والديك
نارين: عابت من وجهك الخايس. ونتي عمه ليش سويتي هيج
عمه: يااا چا غير هذا ابو الكفشه كال
موسى: هسه عمي وابوي موافقين باجر يجون مو
نارين: احم اي باجر. صعدت لغرفتي 🙈
.
.
رنا: حسيت ع جود وهو يدخل لل حمام باوعت لل ساعه بل 2 بليل ياربي هذا علساس بس يفتح العمليه ومارجع الى ال2 ولا عبالك عنده نسوان بلبيت فززني صوته
جود: عندي شغللل
رنا: يمه اسم الله. احم بس انت هستوك فتحت العمليه
جود: مااكدر اضل بدون شغل اشتاقيت لل مركز ول اصدقائي
رنا: چا بيها الخير
جود: تعاي نامي
رنا: تقدمت عليه حضني ونام
(تسريع الاحداث)
بعد مرور 5 اشهر
رنا: اليوم انه دخلت بشهر ال5 ومااعرف شكو بطني وعمه كالت العصر اخذج ل دكتوره. اما عن سعاد ف تسوي شغلها وتروح لغرفتها. صار العصر بدلت وكملت طلعت من غرفتي شفت سعاد باوعتي بنضرات مافسرتهن ماهتميت نزلت اول درج الثاني درج ماحسيت ع روحي الا انه واكعه بلكاع زلكت من الدرج ظهري موتني اريد اطلع صوت بعد ماكو بل اخير ماتحملت من الوجع وصحت. يمههههههه
ام جود: سوده بوجهيي ولجج ايههه
ايه: ها يم. عزااا رنااا شبيججج
ام جود: خابرييي جوددد بسررعههه. البنت راح تروح من ايدنا
ايه: اتصل ع جود ماكو مايرد اكثر من عشر مكالمات بل اخير اتصلت ع انور. الوو انورر تعال بسرعه ع بيت
انور: شصاير
ايه: رنا وكعت من الدرج بسررعه تعال
رنا: يمهه ظهري عمه فدوه ساعديني راح اموت من الوجع
ام جود: سوده بوجهي عين وماصلت ع نبي
رنا: كل هل صياح سعاد ولاطلعت من غرفتها عرفتها هيه الي سوت بيه هيج الله يهديها مااكدر ادعي عليها.
ورا مرور ربع ساعه اجا انور ام جود وايه ساندوني صعدت بلسياره وانطلقنه لل مستشفى بس الوجع موتني مااتمناها لعدواني وصلنا المستشفى دخلوني كبل لل عمليات انطوني بنج وماحسيت ع شي
.
.
ايه دخلوها ع عمليات وانه وامي ندعي كون مايصيرلهم شي سئلت انور وينه جود كال رايح ع بغداد بعد ساعتين ونص طلعت الدكتوره
ام جود: ها دكتوره بشري
الدكتوره: حجيه الله يعوضكم بغيره
ام جود: يعني جانت حامل بولد
الدكتوره: اي حجيه الله يعوضكم هو طير بلجنه
ام جود: چا رنا شلونها. طمنيني عنها فدوه
الدكتوره: رنا زينه الحمدلله مابيها شي
ايه: نكدر ندخل عليها
الدكتوره: حولناها ع غرفه العنايه فقدت هوايه دم وحالتها ميساعد تشوفوها
انور: ويمته تطلع
الدكتوره: باجر تكدرون تطلعوها
ايه: اتشكرنا من الدكتوره كلت ل امي تروح للبيت لان حيل تعبت وانقهرت ع رنا وجود
انور: چا منو يبقى يمج
ايه: وصل امي وانت تعال
انور: تمام.
ايه: راحو ورا نص ساعه اجا انور وويا جود .