العائلتين
الفصل الحادى والثانى عشر
بداخل الفيلا تجلس كلا من عليا و نسمة و عصمت
عصمت : يا جبروتك يا شيخه يعني الراجل دايب دوب و حلو و امور و تعملي فيه كدا
نسمة : هو انا عملت حاجه
عليا : انا لو اتكلمت هتقولي بدافع عن اخويا او مش عايزاكي تعدي هنا بس اللي احب اقولهولك عذبيه دوخيه خليه يلف حولين نفسه بس متسيبيش بيتك
عصمت : على فكرة انا اعرف مصطفى من فترة كويسه و احب اقولك ان لو مصطفى اشر بصباعه لاي بنت هييييييه هتلاقيهم حواليه في كل مكان
نسمة : ياسلام يا اختي يا ام هيييه انت يا بت هقول لجوزك
عصمت : قوليله هو مش هتفرق معاه اصلا
عليا : صح بامارة انه كان هقتل اللي اسمه شاكر دا
عصمت : شاكر دا صاحبي من ايام الجامعه و عمري ما اعتبرته غير اخويا
نسمة : بس هو مش بيعتبرك اخته و دليل على كدا انه عايز يتجوزك
عصمت ' يا شيخة دا اكيد بيهزر انا عارفاه
عليا ' متضحكيش على نفسك
عصمت : انا كدا بواجه نفسي بالحقيقة
نسمة : حقيقة ايه
عصمت : ان محدش بيعاملني على اني بنت
عليا : المشكلة مش فيهم المشكلة فيكي
عصمت : فيا
عليا : اه فيكي انت مش شايفه نفسك بنت و بتتعاملي على الاساس دا حد تعاملك مع الرجالة بتتعاملي معاهم كأنك واحده منهم راجل زيهم
نسمة : تصدقي انت عندك حق بصي للمرايا يا عصمت و انت تعرفي ان كلامنا صح يا بنتي ايه الكاب ده و ايه لبس الولاد اللي انت لابساه ده
عليا : انت بنت يا ماما يعني دلعي نفسك مش بقولك البسي قميص نوم مثلا دا جوزك استغفر الله العظيم مينفعش بس البسي لبس بناتي كدا على الاقل لبس فيه انوثه
عصمت : لو هو هيحبني زي ما بحبه هعجبه و لو كنت لبسه ايه مش لازم اتمايص عشان اعجب
عليا : نسمة البت ده هتعقدني يا امي هو احنا عايزين ايه غير ان هو يظهرلك حبه بس هو قفل ذيك تمام
عصمت : عليا
عليا : يا شيخه بلا عليا بلا بتاع انا مش باخد رايك احنا هننزل بكرة عشان انا مش فاضيه انهارده بكرة اول يوم مدرسة للولاد يروحوا المدرسة و انت خدي اجازة من الشغل و هننزل نشوف نجبلك ايه
نسمة : واو انا كمان هاجي معاكوا
عصمت : لا عشان تعدي تتريقي عليا لا
نسمة : هههه هعد مؤدبة هودي محمود الحضانة و اجي معاكوا و انا كدا كدا بايته عند لولو صح يا لولو
عصمت : طب انا عندي مكالمه مهمة هعملها و ارجع لكوا
ابتعدت عصمت قليلا ضغطت على بعض الارقام ثم
عصمت : الو
مصطفى : اهلا اذيك يا عصمت
عصمت : انا الحمد لله انا بس كنت عايزاك تقول لعز انه يجي ياخدني من عند عليا عشان مش هعرف اروح لوحدي باخواتي و مش عارفه اوصله تليفونه غير متاح
مصطفى ،؛ اوك يا عصمت هبلغه حالا
عصمت : اه انت كمان هتيجي معاه عشان تاخد نسمة و محمود صح
مصطفى : هي نسمة عند عليا
عصمت : اه انا جيت كانت موجودة هنا انت متعرفش و الا ايه
مصطفى : لا عارف طيب سلام دلوقتي يا عصمت
عصمت : ههههههههه حلو المقلب دا يلا ربنا يقويني على فعل الخير
________________________________________
بمكتب اكرم كان يجلس هو و عز يتناقشول في بعض الامور المتعلقة بالاعلان الجديد دخل اليهن مصطفى و جلس على الكرسي المقابل لعز
اكرم : مالك يا ابني وشك عليه غضب ربنا كدا ليه
مصطفى : مفيش عز مراتك عند عليا
عز : اه ما انا عارف
مصطفى : هي بتقولك روح خدها مش هتعرف تروح لوحدها
عز : و هي متصلتش عليا ليه
مصطفى : بتقول تليفونك مقفول
عز : ماشي بس انت في حاجه مضيقاك
مصطفى : نسمة هتجنني انهارده قلتلها متروحيش لعليا و انا هروح اجيب محمود و هي كأنها بستفزني راحت بردوا
اكرم : ههههههههههه
مصطفى : انت بتضحك على ايه دل وقت ضحك
اكرم : بضحك عليكوا يا عيني هما مش مرتتكوا اتلموا على عليا هههههههه دا انتوا هتشوفوا ايام سودة هههههههه
عز : الست دي ملهاش غير حل واحد احنا نجوزها
مصطفى : عليا تتجوز تاني بعد اللي حصل معاها
اكرم : حصل معاها هو ايه اللي حصل معاها
مصطفى : عليا بعد ما سفرتوا انت و جنات هي كمان اتجوزت خليل
اكرم : خليل السعدي
مصطفى ، للاسف هو هو كان بيحاول معاها بكل الطرق بس هي كانت رافضه بس بعد سفركوا لقيناها بتقول انها موافقة استحملت منه كتير وصل معاه انه ضربها مكناش بنشوفها بالشهر كل ما اكلمها اقولها اني جيلها تتحجج باي حاجه عشان ما اشوفهاش بالمنظر دا و هي مستحمله عشان ولادها
اكرم بغضب : يضربها انت بتستهبل اكيد ازاي تسمحله ازاي تسيبوها معاه ازاي
مصطفى : و الله مكناش نعرف معرفناش غير من عاصم لما وصل الامر ان خليل ضربها ادامهم
اكرم : انا مش قادر اصدق ازاي هي تستحمل دا كله ازاي
مصطفى : عشان هي عليا اللي مش بتستسلم بسهوله هي حاولت تغيره لكن فشلت لحد ما حكتلي في يوم لما روحت و لاقيته ضاربها ضرب موت و رفعت عليه قضية خلع و كسبناها بعدها هو سافر و مشفناش خلقته من سنة حتى الولاد مش بيسأل عليهم
اكرم : اشوف وش امه بس و انا هعرف اتصرف معاه
مصطفى : اكرم الحكاية خلصت و هي اتطلقت بلاش مشاكل
اكرم : الحكاية خلصت قانونيا بس انا بقى مش هرحمه عشان يبقى يتشطر على واحده ست
عز : انا بردوا عند راي احنا ندور لها على عريس حلو كدا يفكلها العقدة اللي اتعقدتها من الرجاله
اكرم : عز اكتم
عز ' طيب يا عم متزقش انا هروح الفيلا عندك اخد عصمت و انت يا مصطفى
مصطفى : انا كمان جاي معاك
اكرم ، : طيب انا اللي هفضل اعد يعني احنا على العموم خلص شغلنا انهارده
اكرم رفع السماعة للسكرتيرة : مدام سناء لو سمحتي حضريلي لسته بمواعيد بكرة اه و عايز كمان يومين تظبطي مواعيد لامتحانات هنعملها عشان نختار موديل الاعلان الجديد
سناء: حاضر يا مستر اكتر حضرتك تطلب حاجه تاني
اكرم : لا شكرا
عز : طيب يلا بينا
_______________________________
بالبيت في المطبخ
دخلت عليا المطبخ و كانت به ام سمير تجهز طعام الغداء
عليا : ها يا ام سمير في حاجه ناقصة
ام سمير : لا يا بنتي كل حاجه موجودة الاستاذ اكرم امبارح جاب كل حاجه كنت محتاجاها ربنا يباركله
عليا : امين : طيب انا كمان هجهز الغدا للولاد لو احتاجتي اي حاجه تلاجتي موجودة متتكسفيش
ام سمير : ماشي يا بنتي و الله احنا تعبينك معانا انا افضل اجهز في الاكل و في الاخر البنات ياكله من الاكل اللي انت بتعمليه بصراحه و من غير مجامله اكلك حلو اوي انا نفسي مش بقدر امسك نفسي ادامه
عليا : بالهنا و الشفا يا ام سمير انا عشان كدا بعمل اكل بزيادة
ام سمير بصوت منخفض : اقولك على سر
عليا و هي تقترب منها : قولي
ام سمير : الاستاذ اكرم بيدخل بالليل المطبخ و ياكل منه بس بقولك ايه انا كأني مقلتش حاجه
عليا : اقولك انا كمان على سر
ام سمير : قولي
عليا : انا عارفه شفته و انا اللي بحطله نصيبه في نفس المكان مل يوم
ام سمير : ياعيني عليه وحداني يا بنتي من ساعة ما الست جنات الله يرحمها ماتت و انا مشفتهوش في يوم مبسوط و لا بياكل كويس غير الايام ده
عليا : الله يرحمها
ام سمير : و الله الاستاذ اكرم دا راجل سكره اه و الله و ذوق و اخلاق و تعليم و راجل يعتمد عليه
عليا : ههههه ايه يا ام سمير انت بتدوريله على عروسه و الا ايه
ام سمير : و ماله هو عيب و الا حرام هو راجل طول بعرض و مقتدر و انت ما شاء الله ست بمائة راجل و محترمة و جميلة و انتوا الاتنين محتاجين بعض
عليا : ايه اللي بتقوليه ده يا ام سمير بس لحد يسمعك ثم قالت بتوتر انا انا هخرج اخيب حاجه من برا
ام سمير بعد ان خرجت عليا : طب و الله لايقين على بعض هههههه
________________________________________
بعد ذهاب الجميع كلا الي منزله
عليا : يلا يا شباب سهرنا انهارده جامد كل واحد على اوضته بقى
نورهان : لسه شويه يا لولو
سيلا : خلينا شويه صغيرين
سليم : هههه انتو فاكرين ماما هترجع في كلامها انتوا بتحلموا تمام يا كبيرة انا داخل انام
قصي : انا خارج برا شويه
عليا : لا انت كمان هتدخل تنام
قصي : عليا انت اكيد بتهزري
عليا : و انا ههزر ليه ادخل نام انا تعبانه و مش هفضل اصحي فيك ساعة و بعدين النوم بدري مفيد يا استاذ قصي
قصي : يعني مفيش خيارات
عليا : و لا خياره واحده يلا كله على النوم
صعد الجميع لغرف نومه الا هي و اكرم الذي كان بالخارج يتحدث على الهاتف
خرجت عليا الى الجنية التابعة للمنزل جلست فوق المرجيحه اغمضت عينها تفكر فيما حدث و ما يحدث معها فجأه وجدت يد توضع على كتفها فزعت هي
اكرم : اهدي دا انا
عليا : خضتني
اكرم: ممكن اعد
عليا : اتفضل
جلسوا قليلا في صمت ثم
اكرم : انت اتجوزتي خليل صح
عليا : اه
اكرم : ليه
عليا : هو ايه اللي ليه
اكرم : ليه اتجوزتيه
عليا : ايه كنت عايزني افضل من غير جواز كان لازم اتجوز في يوم من الايام
اكرم : صح بس مش خليل انت كنت عارفه انه انسان زباله و انا قلتلك لما اتقدملك انه مينفعش ليكي
عليا : النصيب
اكرم : و النصيب انك تسيبيه يضربك و متقوليش لحد
عليا : مصطفى اللي قالك
اكرم : مكنتش اعرف انك ضعيفة كدا
عليا : دا مش ضعف دا
اكرم : دا ايه
عليا : خليل قدر يعرف مكانك انت و جنات و هددني اني لو موافقتش هيبلغ اهلها بمكانكوا
اكرم : هههههههه
عليا : انت بتضحك
اكرم : اظاهر ان كل المصايب اللي حصلت معانا كنا احنا السبب فيها
عليا : هههههه
اكرم : انا حابب اشكرك
عليا : على ايه
اكرم : من ساعة ما دخلتي حياة بناتي و انت سديتي الفراغ اللي كان في حياتهم
عليا : انت كمان الولاد مبقوش يعملوا حاجه قبل ما ياخدوا رايك
اكرم : كنت محتاجك اوي
جنات ببكاء : كان نفسي اكون جنبك و مع جنات لكن القدر اصر اننا نكون بعيد و مشفهاش لاخر مرة
اخرج اكرم ظرف من جيبه ثم وضعه بيدها
عليا : ايه ده
اكرم : اظاهر ان جنات كانت عارفه اننا هنتقابل تاني وصتني اديكي الجواب ده منها قبل ما
عليا و هي تستنشق الجواب : ريحتها فيه ربنا يرحمها
اكرم : طب انا هقوم انام انت مش عايزه حاجه
عليا : لا شكرا
اكرم : تصبحي على خير
عليا : و انت من اهل الخير
فتحت عليا الجواب و بدءت في قرأته و هي تبكي
جنات : عليا حبيبتي لو الجواب دا وصلك يبقى حصل انك اتجمعتي مع اكرم تاني كان نفسي تكوني جنبي اشوفك اسمع صوتك عليا انت وحشتيني اوي اوي وحشتيني يا اختي يا صحبتي و حشني صوتك نصيحك ليا وحشني نقارك مع اكرم وحشتيني شفتي البنات اكيد خلي بالك منهم يا عليا اكيد بناتي دلوقتي مبسوطين لاني عارفه انك هتعوضي مكاني فاكره يا عليا لما كنت بقولك انت انا احنا الاتنين وجهين لعملة واحده خلي بالك منهم يا عليا و خلي بالك من اكرم كمان اكرم كان دايما يقولي انه عمره ما هيلاقي صاحب ذيك حتى انا مقدرتش اكون صاحبته ذيك انتوا الاتنين حاجه مختلفه خليكي جنبه يا عليا حتى لو بيين انه قوي فهو محتاج الصاحب اللي يرشده و انت الصاحب دا خليكي جنبه و جنب بناتي ممكن اطلب منك طلب اتجوزوا يا عليا
عليا : بصدمه انت اكيد مجنونه يا جنات انت فاكره عشان اخلي بالي منهم لازم اتجوز المجنون التاني دا لا متقلقيش يا قلب اختك بناتك بناتي يا مجنونه هما عندي اغلى من ولادي هما حته منك يا قلبي دول نسخه منك حته مجانين زيك و زي ابوهم ههههههه ربنا يجمعنا ببعض في جنته يا حبيبتي امين
________________________________________
ببيت مصطفى
بعد ان رجعوا ادخل مصطفى محمود حجرته بعد ان نام طوال الطريق
مصطفى : طبعا انا مردتش اتكلم معاكي هناك قلت لينا بيت نتكلم فيه
نسمة : مفيش حاجه نتكلم فيها
مصطفى : لا فيه ازاي يا هانم تعملي حاجه انا قلت لا عليها
نسمة : و انت مالك انا اعمل اللي انا عايزاه
مصطفى : و هو يمسك يدها بقوة : انت بتعملي كدا ليه ها ليه ديما بتحسسني اني وحش كدا
نسمة : انا معملتش حاجه
مصطفى : طب ادخلي حضري لينا حاجه ناكلها انا مكلتش كويس هناك
نسمة بصدمة كيف يتكلم بهذا الهدوء بعد ان كاد يحرقها بغضبه : ها
مصطفى : ها ايه بقولك ايه انا عايز انام يلا ننام مش عايز اكل
نسمة: طب متروح تنام حد ماسكك
مصطفى : انا بقول ننام
نسمة : اوعى ايدي انا داخله اوضتي
مصطفى : اظاهر انك مش بتفهمي على طول ثم حملها بين يديه و دخل بها غرفته
نسمة : نزلني نزلني
مصطفى : نزلتك نزلتك يلا روحي غيري هدومك
نسمة : انا رايحه اوضتي
مصطفى : لا انسي اللبس دا هنا في كل حاجه تحتاجيها في الدولاب
نسمة : مصطفى احنا اتفاهمنا و انت مش ممكن ترجع في كلامك
مصطفى : انا قلت اجرب مرة ارجع في كلامي ايه رايك حلو و انا برجع في كلامي
نسمة : دا بعينك انا رايحه اوضتي
مصطفى بصوت عالي نسبيا : هتغيري و الا اغيرلك انا
نسمة : ها لا لا هغير
مصطفى : طيب يلا الحمام عندك ادخلي غيري بس ادامك خمس دقايق مخرجتيش هدخل انا و انا مش مسئول
دخلت نسمة الحمام و من سرعتها نست ان تأخذ ملابس معها
مصطفى : ها فات الخمس دقايق
نسمة : لالالالا اوعى تدخل اصل
مصطفى : اصل ايه
نسمة : نسيت اخد هدوم
مصطفى : هههههه بس كدا استني ذهب و اتى لها بقميص نوم من اللون الذهبي بحمالات رفيعه
امسكته نسمة ثم قالت : انا لا يمكن البس دا
مصطفى : عادي ادخل البسهولك انا
نسمة : لا لالالالا خلاص هلبس هلبس
ارتدت نسمة القميص ثم خرجت و هي تداري نفسها منه و لكن استغربت حيث انه كان نائم على السرير و هي كانت تعتقد انه ينتظر خروجها
نسمة ذهبت باتجاه الباب بعد ان حمدت ربها
مصطفى : بلاش تستفزيني و تعالي نامي
نسمة : هو انت منمتش
مصطفى : ملحقتش يعني
كان يتحدث و هو مغمض العينين
ذهبت نسمة الى السرير و صعدت و اعطته ظهرها فتح عينيه و نظر اليها لم يستطع تمالك نفسه فهي حبيبته و بالقرب منه جذبها اليه و حضنها بقوة كأنها ستهرب منه ان لم يفعل ذلك دفن وجهه بين خصلات شعرها كانت هي ترتعش بين يديه حتى احست بانتظام انفاسه فهدأت و نامت هي الاخرى
________________________________________
ببيت عز '
عصمت بعد نام اخواتها
عصمت : انا عايزه اعرف انت ليه نقلتهم من مدرستهم و ازاي متقوليش غير انهارده
عز بلا مبالاة ؛ عادي يعني
عصمت : لا مش عادي و انت عرفت تنقلهم ازاي اصلا
عز : انت مستقليه بيا و الا ايه
عصمت : انا عايزاهم يرجعوا مدارسهم تاني انا مقدرش على مصاريف المدارس دي
عز : اولا مينفعش انت عايزه ابوكي و الا الزفت اللي كان عايز يتجوزك يعملوا فيهم حاجه كدا امان ليهم و بعدين هو انا قلتلك ادفعي حاجه
عصمت : دول اخواتي و انا اللي اتحمل مصارفهم
عز : بلاش عبط انت و هما مسئوليتي
عصمت : لحد ما نطلق و بعد كدا
عز : انتو مسئوليتي حتى بعد ما نطلق
عصمت : و انا ارفض دا
عز : اعلى ما في خيلك اركبيه تصبحي على خير
عصمت بغيظ : ااااااااه
عز : براحه على نفسك ههههههههه
عصمت : و الله لوريك يا عز هتشوف
بسم الله الرحمن الرحيم والصلاة و السلام على اشرف المرسلين
العائلتين
الحلقة ١٢
ذهبت سلمى للجامعه كأول يوم لها فيها هي لم تحزن كثيرا على ترك جامعتها الاولى فهي لم يكن لها اصدقاء بها كانت كالتائهه ذهبت لتحضر جدول محاضرتها فاصدمت باحد الفتايات
سلمى : اوى سوري انا اسفه جدا
نيفين : لا عادي يا قمر انا اللي ماشيه سرحانه انا اللي اسفه انا نيفين
سلمى : انا سلمى
نيفين : انت معانا في الكلية
سلمى : اه انا في سنة اولى اعلام
نيفين : اوووه معايا يعني انا بردوا هنا اولى اعلام انت منقوله جديد اكيد لاني اول مرة اشوفك
سلمى : اه انا اتنقلت من جامعة ____ في اسكندرية
نيفين : لا احنا لازم نكون اصحاب بقى
سلمى : يشرفني
نيفين : اول محاضرة بعد ربع ساعة يلا بينا نلحق لحسن الدكتور بتاع المادة ده جديد ههههه ومش عايزين نطرد من اول محاضرة
سلمى : اوك يلا بينا
________________________________________
في المدرسة
تجمع الاطفال في وقت البريك
نورهان : سيلا انا هروح اشتري حاجه انت عايزه حاجه اجيب لك معايا
سيلا : شكرا يا نورهان مش عايزه حاجه
نورهان بعد ان ابتعدت قليلا عنهم اقترب منها طالب من طلاب المدرسة
شريف : ايه الجمال ده هي المدرسة احلوت كدا ليه متيجي يا جميل تعد معايا
نورهان : احترم نفسك يا بني ادم انت
شريف : و ان محترمتش يعني
اقترب منهم عاصم بعد ان احس بشئ خطأ يحدث معها
عاصم : ان محترمتش نفسك يتعمل معاك الصح و لكمه في وجهه
شريف : انت بتضربني انا يا وائل يا خالد
اتى له اصدقائه و بداء معركة بينهم تدخل مع عاصم يوسف و سليم حتى اتى اليهم امن المدرسة و تحويلهم جميعا الى مكتب المدير
المدير : ايه يا اساتذه اللي انا شايفه ده احنا في الشارع و الا ايه ممكن افهم ايه اللي حصل
كاد عاصم ان يتكلم الا ان سيلا سبقته
سيلا : احنا مش عملنا حاجه يا مستر هما جم ضربونا حتى شوف انا صغير و الولد الطويل دا ضربني
شريف : انا ضربتك انا
سليم : ايه انت هتضربها تاني حتى ادام المدير شوفت يا مستر
سيلا : عاصم كان بيكلمه و يقوله احترم المدرسة و المدير قال له انا محدش يقدر يعمل معايا حاجه
شريف : انا انا قلت كدا
نعمه : احنا مش عايزين نقول هو قال ايه كمان يا مستر احنا مؤدبين
المدير : انت يا استاذ شريف مشاكلك كترت و انا عملت ليك استدعاء ولي امر كل يوم تعملي مشكلة ايه انت فاكر نفسك فين
شريف ؛ يا مستر
المدير : مش هسمع حاجه دي مش اول مشكلة انت تعملها و انتوا يا اساتذه انا مش هعملكوا استدعاء المرة ده بس لو اتكرر تاني معاكوا حاجه انا مكتبي مفتوح مش هنقلبها حرب شوارع
الجميع : حاضر يا مستر
سيلا لهم و هم يخرجوا من مكتب المدير : اي خدمة طلعتكوا من المشكلة
عاصم لنورهان : ياريت لما تعوزي حاجه قوليلي
نورهان : ليه و انا صغيرة
عاصم : مش صغيرة بس انا هنا اللي مسئول عنكوا و اديكي شوفتي اللي حصل ممكن تسمعي الكلام انا خايف عليكي
نورهان : خلاص ماشي
نعمة : بقولكوا ايه يلا بقى على فصولنا لان دا مش اول يوم مدرسة خالص
يوسف : يلا يا تعباني ادامي
نعمة : انا عملت حاجه
يوسف : لا بس بكرة تعملي انتوا البنات كدا وش مشاكل صح يا سليم
سليم و هو ينظر لسيلا : ها لا يعني هما
سيلا : تصدقوا انا هدخل اقول انكوا ضربتوني عشان اقول كدا
عاصم : هههههه لا خلاص منقدرش على زعلك انت ملاك يلا ادامي بقى
________________________________________
بالشركة يجتمع اكرم مع مصطفى و عز
اكرم : الفترة الجايه ده محتاجه تركيز جامد مننا لولا اننا فعلا محتاجين حد يسندنا مكنتش وافقت على الشراكه مع شركة فريده
مصطفى : احنا فعلا محتاجين شريك معانا يا اكرم و اديك شوفت من اول ما اتعرف الموضوع دا في سوق الميديا و احنا العروض المتقدمة لينا كتير مش ملاحقين عليها
عز : شركتهم ليها وضعها في السوق
اكرم : و احنا كمان مش قليلين فعشان كدا لازم الشغل الفرة ده يبقى الضعف عايزين نتعرف عشان احنا نستحق مش عشان شركاء مع حد تاني
عز : دا اللي هيحصل ان شاء الله يا اكرم متقلقش
مصطفى : ايه اخبار الحفلة اللي هتتعمل
اكرم : انا طلبت من فريده اننا احنا نتولى الحكاية ده و احنا ادها و الا ايه
عز : اكيد متقلقش سيبها عليه انا و مصطفى الحكاية ده انا هظبط الميعاد و الاعلامين و الصحافة و كل حاجه هتكون حفله تليق بينا
اكرم : ان شاء الله
مصطفى : لا بس مش هتخلع احنا عايزين عزومة بمناسبة العقد دا مليش دعوة
اكرم : متقلقش دي حاجه اساسيه اجهزوا انتو و احلى عزومة بس في البيت عندي هتتظبط انهارده
عز : ياعزوماتك شهيصنا بقى
مصطفى : انا هتصل على عايده تجهز هي الاكل
اكرم : لا مش هنتعبها معانا
مصطفى : لا مش هتتعب انت متعرفش انها جامعه العصابة بتاعتها عصمت و نسمة فبدل ما يتفقوا علينا و هما اعدين مش وراهم حاجه احنا نشغلهم و بعدين انت متعرفش ان عليا ناويه تعمل المشروع دا
اكرم : مشروع ايه
مصطفى : يا سيدي كانت بتفكر تفتح مطعم صغير بس انا عرضت عليها تبدء من البيت الاول و بعد كدا لما تتعرف تعمل المطعم فهي الفكرة عجبتها و اهو نبقى احنا اول زباين عندها
مصطفى : بصراحه رغم اني مش عجبني لمتها على عصمت و حاسس بمصيبه بيدبروها بس من جهة الاكل فهي بروفشنل انا موافق بس خليها تعمل حمام محشي وورق عنب
مصطفى ' شوف الاصناف اللي عايزنها و انا هكلمها دلوقتي و اقولها
اكرم : خلاص ماشي دي قايمة كنت عاملها عشان المطعم يبعتها ممكن تقولها عليها اللي تلحق تعمله منها
مصطفى : حالا
دخلت سناء بعد ان سمح لها اكرم بالدخول
اكرم : ايوه يا سناء في حاجه
سناء : الاستاذ شاكر موجود برا و عايز حضرتك
اكرم : خليه يدخل
سناء : اتفضل يا استاذ شاكر
اكرم : اتفضل يا شاكر
شاكر : اذيك يا بوص بقالي كتير عايز ادخلك بس انت مشغول
اكرم : انت عارف يا شاكر الفترة ده لسه بنظبط شغلنا
شاكر : الله يكون في العون انا عارف بس انت عارفني مش بحب اعدة المكاتب وحشتنا الكاميرا يا بوص
اكرم : متقلقش قريب اوي
شاكر : اممممم بصراحه كدا يا بوص انا كنت عايزك في موضوع تاني
اكرم : اتكلم يا شاكر
شاكر : بصراحه هو موضوع خاص اصلي عايز اتجوز
اكرم : مبروك ايه عايز فلوس
شاكر : لا عايزك تتوصتلي اصل انا عايز اتجوز عصمت
عز : بص يا ابني انا لا هتعصب و لا همد ايدي انت تاخد بعضك و تروح مكتبك
شاكر : ليه بس يا استاذ عز انا غلطت في حاجه
عز : لا هو انت عايز تغلط ايه اكتر من انك جاي عايز تتجوز واحده متجوزة
شاكر : متجوزة مين ازاي
عز : مين و ازاي ملكش فيه و قوم يلا على مكتبك
شاكر : انا انا اسف
اكرم : خلاص يا شاكر اتفضل انت على مكتبك
عز : شايف شايف يا اكرم الست هانم دايره تتكلم مع ده و تهزر مع ده لدرجة ان واحد جاي عايز يتجوزها
اكرم : عز اهدى شويه
عز : اهدى ايه انت مسمعتش
اكرم : الراجل مغلطش هو ميعرفش انها متجوزه يبقى اكيد لازم يجلها عرسان دي بنت
عز : يعني ايه يعني انا مضطر اسمع كل شويه ان حد يجي يطلبها
اكرم : دا العادي انت ايه اللي مضايقك
عز : انت هتستهبل دي مراتي
اكرم : بينا و بين بعض بس
عز : انت تقصد ايه
اكرم : انت لازم تعرف انت عايز ايه
عز : مش عارف
اكرم : خلاص لما تعرف
____________________________________
في الجامعة
نيفين : اول معجبينك يا قمر
سلمى : معجبين ايه بس
نيفين : بصي هناك على اللي بيبص عليكي دا
نظرت سلمى للجهه الاخرى وجدت شاب ينظر اليه مبتسم
سلمى بلا مبالاة : ماله
نيفين : انت متعرفيش دا مين دا ابن الوزير محمود مختار اسمه جود فتى الجامعة الاول هيييييييه
سلمى : ههههههه ايه هيييييه ده
نيفين : اصله مش بيعبر اي حد مش شايفه جماله
سلمى : ههههه عادي يعني
نيفين : طب اسكتي اسكتي الدكتور دخل التفتت سلمى عند دخول الدكتور و اذا بملامح الصدمة ترتسم على وجهها
سلمى : مش معقول
نيفين : فعلا مش معقول ايه الجمال دا
سلمى : قصي
نيفين بهيام : هو قصي قصي اوي كمان
قصي : اهلا يا شباب طبعا انتوا متعرفونيش اول محاضرة ليكوا الترم دا و اول محاضرة ليا انا كمان في الجامعة هنا انا الدكتور قصي وحيد دكتور مادة ______ اللي هتكون مقررة عليكوا السنة ده و ان شاء الله نستفاد من بعض اي سؤال
رفع احد الطلبه يده
قصي : اتفضل
عادل : انا عادل اتشرفت بمعرفة حضرتك انا رئيس اتحاد الطلبة هنا في الكلية
قصي : اهلا بيك يا عادل الشرف ليا
عادل : انا سمعت ان حضرتك جيت هنا من جامعه في انجلترا حضرتك كنت محاضر هنا
قصي : دا فعلا انا كنت بدرس هناك في الجامعة و اخدت الماجيستر و الدكتوراه من هناك و عملت سنة محاضر هناك
جود : و حد يسيب انجلتر و يجي هنا
قصي : تقصد ايه بهنا دي بلدنا اللي لازم نقدملها كل اللي نقدر نقدمه و نخدمها دا حقها علينا
جود ؛ انت بتدخل في السياسة ليه انا بتكلم ان فرص هناك و النجاح هناك اكتر من هنا
قصي : يمكن بس انا اقدر اقولك ان احنا اللي بنخلق الفرص لنفسنا الفرصة مش بتجيلنا و احنا اعدين لازم نشتغل على نفسنا على العموم محاضرة انهارده تعارف نتعرف على بعض انتوا تتعرفوا عليا و انا كمان اتعرف عليكوا و على احلامكوا
بعد انتهاء المحاضرة امسكت نيفين بيد سلمى و جرت وراء قصي
نيفين : دكتور دكتور
قصي و هو يلتفت لهم : اه في حاجه
نيفين : انا كنت حابه اشكر حضرتك على طريقة تعاملك معانا يا ريت كل الدكاترة كدا
قصي : ربنا يخليكي
نيفين : انا نيفين و دي سلمى صاحبتي
قصي : اهلا يا سهلا بيكوا معلش مضطر اروح مكتبي لو عزتوا اي حاجه مكتبي مفتوح
نيفين : شكرا يا دكتور
________________________________________
بالبيت
عليا : ايه الورطة ده بقى
نسمة : و لا ورطة ولا حاجه احنا معاكي هتخلصي كل حاجه
عصمت : متقلقيش يالولو احنا معاكي
عليا : كنا هننزل نجبلك اللبس بس
عصمت : متقلقيش يوم تاني اهم حاجه انت دلوقتي دا حلمك مشروعك و دي اول خطوة فيه
نسمة : عصمت عندها حق
ام سمير : انا جهزت كل اللي طلبتيه يا بنتي
عليا : معلش تعبتك معايا يا ام سمير
ام سمير : تعبك راحه اهم حاجه نبدء دلوقتي عشان نلحق نخلص و الولاد كمان قربوا يرجعوا من مدارسهم
عليا : طيب ماشي طيب نبدء بايه نبدء ازاي
عصمت : اهدي بس انت و كل حاجه هتكون تمام
نسمة : انا هعمل العصاير و اشيلها في التلاجه
عليا : ربنا يخليكوا ليا مش عارفه من غيركوا كنت عملت ايه
عصمت : بطلي عبط احنا عايزين يوميه طبعا
نسمة : هههههههه مش بنشتغل فري احنا
عليا : عنيا ليكوا انتو اخواتي
ام سمير : ربنا يخليكوا لبعض
________________________________________
بعد مرور بعض الوقت رجع الاطفال من المدرسة و قد هاتفت عصمت المشرفة لتجلب اخواتها معهم الى فيلا اكرم
عليا : يا نهار اسود ايه اللي مبهدلكوا كدا
سليم : مفيش يا ماما
عليا بغضب : مفيش ايه امال ايه اللي انا شايفاه ده
عاصم : خلاص يا ماما واحد جر شكلنا
عليا : و المفروض اني اسكت دلوقتي
نورهان : انا السبب يا طنط
نسمة : اهدي شويه يا عليا خلينا نفهم
نورهان : قصت عليهم ما حدث معهم في المدرسة
عليا : الولد غلط بس انا ممكن اخد حقي من غير بلطجه اروح للمدرس للمدير انما كدا غلط
عاصم : اسف يا ماما
عليا : انت عارف ان اللي يغلط لازم يتعاقب و انت انهارده مش عايز اشوف وشك خالص
سليم : بس يا ماما
عليا : انت تسكت بدل ما تتعاقب معاه
نورهان : يا طنط
عليا : خلاص مسمعش صوت اتفضلوا كل واحد على اوضته
بعد مرور اليوم حزين على البعض و ملئ بالاعمال على البعض الاخر و ملئ بالتفكير على اخرين فيما يحدث
جهزت عليا بمساعدة الجميع الحفل الصغير و قد تفاجأت ان اكرم جلب معه بعض العاملين بالشركة ليساعدها في مشروعها
لم يريد اي من الاطفال حضور الحفل تضامنا مع عاصم
سأل اكرم عليهم ردت عليا انهم تعبوا في اول يوم دراسي لهم
نورهان طلبت من والدها ان تتحدث معه في غرفتها
نورهان : عايزه احكيلك حاجه يا بابي
اكرم ' قولي حبيبتي
قصت عليه نورهان ما حدث معهم و عقاب عليا لعاصم
اكرم : بصي حبيبتي انتوا غلطوا بس اقولك حاجه يستاهل اللي حصله انا لو كنت مكان عاصم كنت عملت كدا بس نعمل ايه بقى دلوقتي احنا السبب في عقاب عاصم
نورهان : بليز يا دادي شوف حلو
اكرم : اممممم طب بوسه لدادي
نورهان 😘😘😘😘
اكرم : اووووه عشان خاطر البوسة الحلوة ده نقف في وش القطر اللي هي عليا اكيد
نورهان : ههههههه
اكرم : يا نهاري على الضحكة لا دا انا اروح لعاصم ابوسه عشانك يا جميل
ذهب اكرم لغرفة عاصم و اخذه بالقوة حيث انه لم يكن يريد ان يكسر كلمة والدته
انقضى اليوم بعد شجار خفيف بين اكرم و عليا و اعجاب الجميع باكلها و حصولها على عرض من شركة لصديق اكرم بعمل وجبات للعاملين
اتفق اكرم مع فريده على يوم لعمل الحفل الذي سيعلن فيه للاعلام الشراكه بينه و بين شركتها هذا اليوم الذي سيحدث فيه الكثير من المفاجأت لهذه العائلة ترى ما سيحدث