العائلتين
الفصل الثالث والرابع عشر
في حفل كبير جدا اقامته الشركة كان يقف الاصدقاء الثلاثة كثلاث فروع لشجرة وضعوا بذرتها لتقوى شئ فشئ
مصطفى : انا مش عارف هما اتأخروا كدا ليه
عز : كبر دماغك اكيد بيدبروا اي مصيبه
مصطفى : انا مش عارف ازاي وافقت انها متجيش معايا
عز : عادي زي ما انا وافقت انت تفتكر اننا كان ممكن نرفض هه انت بتحلم دول كانوا نكدوا علينا عيشتنا
مصطفى : طب انا رايح اتصل بقصي اشوفهم وصلوا لفين
عز : روح و انا رايح لاكرم
في احد الاماكن داخل الحفل
فريدة : لا يعتمد عليكوا يا اكرم
اكرم : انت كنت مستقليه بيا و الا ايه
فريدة : اكيد لا بس مكنتش اتوقع بردوا ان الحفلة تطلع بالمستوى ده تعالى معايا اعرفك على فايز النشرتي صاحب قنوات بلاي شو
ذهبوا الاثنان باتجاه هذا الرجل
فريدة : فايز بيه
فايز وهو يقبل يدها : فريدة هانم انا قولت مشاغلك كتير مش هتفضي لينا انهارده
فريدة : انا اقدر بردوا احب اعرفك بالشريك التاني في الشركة اكرم اكرم فريد
فايز وهو يسلم عليه : اكيد عارفه المخرج اكرم فريد في اخر اربع سنين قدر يعمل لنفسه اسم في عالم الاخراج
اكرم : شهادة اعتز بيها يا فايز بيه
فايز : اظن هيكون بينا شغل كتير الفترة الجاية
فريدة : نتشرف بكدا يا فايز بيه
على الجانب الاخر
يمسك مصطفى بهاتفه
مصطفى : الو ايه يا قصي كل ده نص ساعة
قصي : يا عم انا وراك
مصطفى : ورايا التفت مصطفى ليجد قصي يقف وراءه
قصي : ايه يا عم كل خمس دقايق مكالمه
مصطفى : يعني انا غلطان اني بطمن عليكوا
قصي بغمزة : بتطمن علينا بردوا و الا على مراتك
مصطفى ؛ ايه ده هما فين صح
قصي : مفيش رموني بعد ما اشتغلت السواق بتاعهم و قالولي ادخل انت
مصطفى : ازاي يعني
قصي : يعني عليا قالتلي ادخل جايين وراك بس دخلت
مصطفى : اوعى يا قصي اوعى
خرج مصطفى ليجدهم مقبلين عليه ثلاث شابات يمتلكون من الجمال ما يبهر العين لا يقدر احد على انزال عينه من عليهن
ذهبوا باتجاهه
عليا : ايه اتأخرنا
مصطفى و هو ينظر لنسمة ها لا مين
عليا : ها مين ايه فوق يا مصطفى انا اختك يا حبيبي
مصطفى و هو مازال ينظر لنسمة : اه اه مش مهم
عليا : مش مهم عصمت تعالي يا حبيبتي شكل ملناش مكان هنا
مصطفى : عصمت هي فين صح
عليا : سلامة النظر ما هي ادامك اهه
مصطفى : يخرب بيتك ايه ده انت ازاي هي فين الكاب فين الجينز فين روح الرجوله يالهوي يا عيني على اللي هيحصلك يا عز
نسمة : لا والله اظاهر انك مش هتجيبها لبر معايا
عصمت : قابل يا معلم اشطا احنا هندخل و انت صلح هههههههههه
دخلت عليا مع عصمت الحفل ذهب اليهم اكرم ليرحب بهم
اكرم : ايه الحلاوة ده نورتوا الحفلة
عليا : مبروك يا اكرم انت تستحق
اكرم : الله يبارك فيكي يا عليا انا المفروض دلوقتي اشكرك لان لولا وقوفك جنب البنات الفترة اللي فاتت مكنتش ابدا هقدر اركز كدا
عليا : دا تعبك يا اكرم و انت تستحق
عصمت : مبروك يا بوص
عليا : احنا قولنا ايه
عصمت : خلاص خلاص نسيت مبروك يا اكرم قالتها برقه
اكرم : ههههههه لا انا مش متعود على كدا
عليا : من هنا و رايح اتعود على كدا
اكرم : الله يكون في عونه
طب تعالوا معايا اعرفكوا على فريدة الشريكة بتاعتنا
عصمت : لا روحوا انتو انا مش طايقاها معلش يا بوص يوووووه اقصد يا اكرم انا هروح الف لفه سلام
اكرم : ههههههه مش هتتغير انا عارفها
عليا : بس روحها جميلة و طيبة جدا
اكرم : انت اللي جميلة انا قلتلك انك حلوة اوي انهارده
عليا بغرور : انا دايما حلوة
اكرم : مغرورة
عليا : تعرف عني كدا
اكرم : و ابو كدا كمان تعالي تعالي
كانت فريدة تقف مع فايز النشرتي و معهم شخص اخر لم يلحظه اكرم
اكرم : فريده احب اعرفك عليا صديقتي
فريدة : اه هاي اذيك مدام عليا
عليا : اهلا و سهلا
____: اللي لم الحبايب تاني على بعضها
عليا : انت
خليل : عليا هانم اذيك
كاد اكرم ان يتهور لولا يد عليا التي منعته
عليا : اكيد انا احسن منك كتير
فايز : انتو تعرفوا خليل دا بقى مدير اعمالي
خليل : و دي بقى عليا هانم مراتي
اكرم : سابقا
خليل : متتحمقش اوي كدا طليقتي حلو كدا
عليا : اكيد و ياريت تبقى فاكرها على طول
فايز : طب بما ان الكل عارف بعضه هنا مفيش غيري انا و المدام اهلا انا فايز النشرتي
عليا : اهلا و سهلا انا عليا
فايز : عليا اسمك حلو ذيك بالظبط
اكرم : طب بما اننا خلاص اتعرفنا معلش عايزك يا عليا طبعا استمتعوا بالحفلة و انت اكتر يا خليل حاول تفرح نفسك اليومين دول اصلنا مش ضامنين بكرة يحصل ايه
خليل : لا انا ميتخافش عليا خاف على نفسك عليا انا عايز اتكلم معاكي شويه بخصوص الولاد
قصي : بخصوص الولاد يبقى كلامك معايا امسك دا الكارت بتاعي مستني مكالمتك
خليل ؛ دا الحبايب كلها متجمعه
مصطفى ' يلا صورة سلفي بقى بس اكيد انت مش فيها
فايز : اهدوا يا جماعة روح دلوقتي يا خليل هتصل عليك
خليل : حاضر يا باشا اصلا الجو هنا مش مريحني سلام
مصطفى : ربنا ما يورهولك
اكرم : في داهيه
بجانب اخر من الحفل كانت تنظر هنا و هناك تغيرت نظرات الناس اليها كثير عما سبق تشعر الان انها شخص اخر شخص لا تعرفه و لكن عليها التعرف عليه اصدمت بشخص ما
شاكر : اه اووووووووه ايه الحلاوة ده
عصمت : مش تخلي بالك يا شاكر غبي انت
شاكر : لا و كمان عارفه اسمي مقدرش على كدا
عصمت : غبي و كمان متخلف كل و اشكر امشي من وشي
شاكر : كل و اشكر لالالالا اكيد انت مش هي يخرب بيتك ايه الجمال ده انت اتحولتي
عصمت : اتحولت يا ابني ابعد عني بدل ما اتحول عليك اخلي وشك في قفاك
شاكر : لا ابعد ايه بقولك ايه هي حكاية جوازك دي صح اصلها لو مش صح انا جاهز من دلوقتي
_____: انا ممكن اخليك جاهز على طول
شاكر : استاذ عز انت تاني
عز : لا و تالت و رابع و خامس كمان بقولك ايه الحفلة خلصت روح
شاكر : بس
عز : من غير بس يلا مع السلامة
شاكر : طيب هكلمك تاني يا عصمت على الفون
عز : اتكسر
شاكر : ما هو في ايديها اهه
عز و هو يمسك بالهاتف :لا ما هو اتكسر خلاص و رمى الهاتف على الارض : يلا روح
فزع شاكر من تصرف عز و الغضب الذي يظهر على وجهه و انصرف على الفور
عز : اظن كفايه فضايح كدا
عصمت ؛ مظنش ان انا اللي عملت الفضايح انت في ايه بتتعامل معايا كدا ليه
عز : المفروض انت اللي تحطي حدود لنفسك مش اي حد ماشي تقفي تتميعي معاه و ايه اللي انت عملاه في نفسك دا عامله زي البلياتشو
عصمت و الدموع في عينها : انا بتمايع انت قليل الادب و انا مسمحلكش تتكلم معايا كدا و اعمل في نفسي اللي انا عايزاه انت ملكش اي دخل و اوعى ايدك ده انا ماشيه اه و ابقى سرع اجراءات الطلاق اصلي مش ناويه اربط نفسي بيك اكتر من كدا عشان الخنقة بس و من غير سلام
مصطفى : انت حمار صح
عز : احترم نفسك
مصطفى : يا عم احترم ايه بس انت ايه اللي نيلته ده هتفضل طول عمرك غبي
عز : مصطفى اطلع من دماغي انا مش فايقلك
مصطفى : فايق و الا مش فايق الحق يا ابني البنت هتروح منك عصمت بتحبك يا غبي و لو ملحقتهاش انت اللي هتخسر مش هي
عز : بتحب مين بس
مصطفى : ولا انا مش هضيع وقتي اكتر من كدا يلا انا رايح لمراتي انت بقى خليك واقف كدا و ابقى خلي بالك من العمود اللي جنبك اوعى تتحرك ههههههه
عز : بتحبني معقول طب طب اعمل ايه اتحرك اه الحقها اه اه عصمت يا عصمت
كانت تقف بالخارج تبكي بحرقه على ما حدث معها لماذا يفعل ذلك معها فيما اخطأت هي ليفعل كل هذا في وسط تفكيرها وجدت من يجذبها اليه و يضع كمامة على وجهها لتتخدر و يغمى عليها و يضعها في عربيته
شاهد ما حدث و هو قادم اليها و لكن للاسف لم يلحق بهم تجمعوا بالخارج معه بعدما فعله مع مدير الفندق ليرى الفيدوهات التي سجلتها الكاميرا ليجد ارقام السيارة التي خطفت زوجته
اكرم : اهدى يا عز اهدى هنلاقيها
عز : انا السبب لو مكنتش سبتها خرجت انا السبب انا اللي بضيع كل حاجه حلوة من ايدي انا السبب يا اكرم
مصطفى : اعد اندب بقى استرجل يلا هنلاقيها و رحمة اخويا لاندم اللي عمل كدا
عليا بدموع : طيب مين اللي ممكن يعمل كدا
عز : مفيش غيره ابوها هو اكيد و رحمة امي لو هو لهندمه على اليوم اللي اتولد فيه
اكرم : انا اتكلمت مع الظابط و هما هيتعملوا يا عز متقلقش
عز : انا مش هستنى هجيبه
مصطفى : طب انت رايح فين
عز : هروح بيتهم في امبابه هشوفهم هناك
اكرم : طب قصي خدهم انت على البيت انا رايح معاك يا عز
مصطفى : انا كمان هاجي معاكوا معلش حبيبتي روحي باتي انت عند عليا انهارده
نسمة : طيب خلي بالكوا من نفسكوا
مصطفى: ان شاء الله
________________________________________
وصلوا الى الفيلا نزلوا من السيارة
عليا : انا مش متخيله ازاي اب يعمل كدا في بنته
نسمة ، عادي في الزمن دا مش ممكن استغرب اي حاجه
عليا : الانوار منوره لحد دلوقتي معقول الولاد صاحين لحد دلوقتي
قصي : اكيد مجالهمش نوم غير لما يعرفوا ايه اللي حصل في الحفلة
عليا : الله يكون في عون نعمة و يوسف انا مش هارفه هقولهم ازاي
نسمة : هما لازم يعرفوا يعني
عليا : اكيد يا بنتي مش اختهم
قصي : اظن ممكن نسيب الحكاية ده لعز هو يقدر يتعامل معاهم
نسمة : يلا خليه يتحمل نتيجة اللي عمله
عليا : اهدي شويه يا نسمة الراجل مش هيتحمل كفايه اللي حصله
دخلوا البيت ثم
عليا : ايه يا ولاد صاحين لحد دلوقتي ليه
سليم : عندنا ضيف يا ماما
عليا : ضيف مين
____ : هاي
قصي : جولينا
عليا : جولينا جولينا مين
جولينا : هاي انت عليا
عليا : اه يا حبيبتي انا عليا
نسمة و هي تميل على قصي : حلوة يا واد و انا اللي كنت فكراك مؤدب طلعت يا ما تحت السواهي دواهي
سلمى و هي تنظر لقصي : بتقول انها خطيبتك
عاصم : يا بنتي صاحبته مش خطيبته
قصي : ما دا انيل دا ايه اليوم دا ياربي
جولينا : انا مبسوط كتير عشان شوفت انت يا قصي
قصي : انا عايز اعرف مين اداكي عنوان هنا
جولينا : مش مهم المهم اني شوفت انت
قصي : معلش يا عليا مضطر اخرج و جاي على طول تعالي معايا يا جولينا
بالخارج
جولينا : انا مش قولت لانت
قصي : مقلتيش ايه
جولينا : انا خلاص مش اسمو جولينا انا رايح ازهر بكرة انا قول انا عايز ابقى مسلم زيك قصي
قصي : انت اعده فين دلوقتي
جولينا : انا رايح اعد عند واحد صديق ليا من انترنت اسمه فاطمة انا اعد عنده هو رايح معايا ازهر بكرة
قصي : دي خطوة مهمة جدا لازم تفكري كويس مش لازم تعملي الخطوة ده بالذات عشان حد انت لازم تعملي كدا عشان نفسك
جولينا : مش مهم انا مهم اكون مع انت قصي
قصي : اقولك على حاجه انا بحبك
جولينا : و انا انا كمان قصي
قصي : بس انا بحبك مش زي ما انت متصورة انا بحبك زي اختي عليا بالظبط انت بنت كويسه بس عايزه توجيه اظن اللي انت بتعمليه ده اول الطريق و صدقيني انا جنبك في اي وقت تحتاجيني فيه كأخ و سند ليكي
جولينا بدموع : انت حب حد تاني قصي
قصي : بصراحه اه
جولينا : سلمى صح
قصي ، عرفتي منين
جولينا : انا حس من تصرف هو كان ممكن يقتل انا لو اعد انا شويه تاني هو بيحبك كمان
قصي : مش ممكن
جولينا ،: انت تعرف لما هو يروح منك
قصي : سيبك مني تحبي اجي معاكي بكرة
جولينا : لا انا رايح مع فاطمة
قصي : انا حاسس انك بقالك مده هنا
جولينا : انا جيت بعد انت و اعد عند فاطمة انا ماشي باي قصي سلم على سلمى كتير
قصي : هههههه
جولينا : انت ليه اضحك
قصي : بصراحه مكنتش متوقع لقاءنا يبقى كدا انا اول ما شفتك اتصدمت و كنت مجهز نفسي لمواجهة نارية معاكي
جولينا : انت قول كلام كتير انا مش افهم بس قول لانت جولينا بح مش في
قصي : و كمان عرفتي بح ههههه امال بقى في ايه
جولينا : في عائشة
قصي : ربنا يوفقك في حياتك يا عائشة
عائشة : امين انا ماشي باي
قصي : باي
سلمى : حلوة صح
قصي و هو يلتفت لها : اه فعلا حلوة جدا
سلمى : مش اوي كدا يعني بنات مصر احلى منها كتير
قصي : فعلا بنات مصر احلى كتير
سلمى بغيظ : 😠😠😠😠
قصي : ايه يا سلمى انت بتتحولي و الا ايه بقولك ايه اطلعي نامي عندك محاضرات بدري
سلمى : و انت مالك فاكرني عيلة صغيرة و بعدين انا مش رايحه الجامعة خارجه مع اصحابي
قصي بغضب : ازاي يعني في بنت محترمة تسيب محاضرتها و تخرج ايه الاستهتار ده
سلمى : مش انا عملت كدا يبقى فيه و بعدين انا قلت لبابا و انا مش خارجه مع حد غريب دي نيفين و عزة و رحمة و جود و كريم ما انت عارفهم
قصي و قد لاحظ في الايام الماضية محاولات جود في التقرب من سلمى : و ان قلت اني مش موافق
سلمى و هي تدخل الفيلا : عادي هخرج بردوا
قصي لنفسه : و رحمة امي و امك ما انت خارجه و هنشوف
بسم الله الرحمن الرحيم والصلاة و السلام على اشرف المرسلين
العائلتين
الحلقة ١٤
في صباح اليوم التالي في الفيلا
كان الجميع يجلس و الحزن يخيم على المكان فمنذ الامس و لا يوجد اي اخبار عن عصمت و لم تتوصل الشرطة لاي شئ
نعمة و هي تبكي : يعني كدا مش هنشوف ابله عصمت تاني
عليا و هي تأخذها بحضنها بس حبيبتي متعيطيش ان شاء الله هنلاقيها
يوسف : انت روحت شفتها في بيتنا يا ابيه
عز : و هو يأخذهم بين احضانه : انا مش عايزكوا تخافوا خالص انتوا مش واثقين فيا ها
نعمة : انا عايزه اختي
عز : و انا هرجعلك اختك هترجع عصمت هترجع هرجع مراتي و اللي عمل كدا هدفنه في ارضه
يوسف : مش ممكن يكون اللي اسمه سعيد هو اللي عمل كدا يا ابيه
اكرم : سعيد مين
عز : انا ازاي مجاش على بالي هو اكيد هو
مصطفى : متتكلم مين زفت الطين دا
عز : دا اللي كان عايز يتجوزها بالعافيه
عليا : يبقى اكيد هو
نسمة : انتوا لازم تبلغوا البوليس
اخذ عز مفاتيحه و الجاكيت الخاص به و ذهب وراءه اكرم و مصطفى
عليا : طب ابقوا طمنونا
اكرم : متخليش الولاد يروحوا المدرسة انهارده
عليا : حاضر متقلقش
نسمة : انا خايفه اوي يا عليا تفتكري يكون عمل فيها حاجه
عليا : ربنا يستر مترعبنيش اكتر ما انا مرعوبة تعالي نروح للولاد ربنا يصبرهم
بالداخل
عاصم : متقلقيش يا نعمة ان شاء الله ابيه عز هيلاقي عصمت
نورهان :هو ازاي في ناس كدا اشرار
سيلا : احنا لما نلاقي الاشرار دول انا هفضل اضرب فيهم لحد ما يفضلوا يعيطوا يا نعمه بس انت مش تعيطي
سليم : هما بس لو كانوا استنوا شويه لحد ما اخرج من الحمام كان زماني خدت عثمان و روحت عاقبتهم على اللي عملوه
سيلا : صح كنا خدنا عثمان و اهو يا هو يرعبهم و يجروا و يسيبوا عصمت يا اما هما يضربوه و يخلصونا منه
____________،____________________________
باحد الكافيهات
فاطمه صديقه جولينا فتاة في ٢٥ من عمرها تعيش مع ابيها و امها و اخوها الاكبر منها معاذ هي من اسرة متدينة هي فتاة منتقبة تخرجت من كلية الحقوق لا تعمل تحضر الكثير من الدروس الدينية و تعرفت على جولينا عن طريق موقع التواصل الاجتماعي
فاطمة : انا مبسوطة جظا ليكي يا عائشة
عائشة : انا مش كنت اتخيل ان انا كون مبسوط بس انا مبسوط جدا فاطمة انت عارف بعد محاضرة احنا روحنا انا عايز كون ذيك فاطمة ممكن
فاطمة : زي ازاي يعني
عائشة : انا عايز كون انت يعني انا عايز البس ذيك فاطمة
فاطمة : انت عايزه تلبسي النقاب يا عائشة
عائشة : ياه انا عايز البس
فاطمة : و الله يا عائشة انا طبعا هكون مبسوطة لما تتزيني بالنقاب بس انا ممكن انصحك نصيحة صغيرة يعني انت لسه في البداية خدي الطريق واحدة واحدة
عائشة : واحدة واحدة
فاطمة : بصي احنا هنفضل نحضر المحاضرات و دي تبقى البداية و انا معاكي واحده واحده
عائشة : بس انا كان عايز منك طلب
فاطمة : طلب ايه قولي
عائشة : انا عايز اعمل بيت انا دادي بعت فلوس عشان جيب بيت
فاطمة : مش ممكن يا عائشة اسيبك لوحدك ما انت اعده معانا انت حتى عملتي جو جديد للبيت بعد ما كنت اعده وشي في وش الحيطة هههههه
عائشة : انا لغبط حياة انتوا انت اخوك و باباك عايش في شقه و انتوا في شقه تاني بعد ما انا جه
فاطمة بتفكير : امممممم لقيتها هخليكي بردوا معايا و مش هتبعدي عني
عائشة : انت هتعمل ايه
فاطمة : هتشوفي يلا بينا
________________________________________
بالفيلا
سلمى : طيب يا لولو انا هروح المشوار اللي قلتلك عليه
عليا : طيب يا قلبي بس متتأخريش
قصي : هو دا وقت خروج
عليا : هي قالتلي يا قصي و لو مكنش مشوار مهم مكنتش خليتها تخرج
سلمى : انت عارفه يا لولو انه مهم
عليا : عارفه يا حبيبتي بس متتأخريش و طمنيني عليكي بالفون كل شويه
قصي : و ايه المهم اللي يخليها تسيب اخواتها و تخرج دلوقتي
عليا : في ايه يا قصي في محاضرات فاتتها و رايحه تجيبها
قصي : امممم طيب المفروض متروحش لوحدها محدش ضامن ايه اللي يحصل انا هاجي معاكي
سلمى : لا ملوش لزوم انا هروح لوحدي نيفين مستنيه هاخد المحاضرات و هاجي على طول
قصي : خلاص يا عليا متقلقيش عليها انا هروح معاها يلا اتفضلي ادامي
سلمى : بس
عليا : خلاص يا سلمى على الاقل اكون مطمنه عليكي
سلمى : امري لله ماشي
قصي : اتفضلي ادامي
سلمى ' لنفسها : بني ادم بارد
قصي : بتقولي حاجه
سلمى : بقول الجو بارد
قصي : البسي جاكيت
سلمى 😬😬😬
قصي : و لسه هههههه
________________________________________
بالمكان الذي يعمل به سعيد ذهب غز و معه اكرم و مصطفى سأل عز عنه فلم يجده لاحظ اكرم ارتباك احد العمال و انه اخذ تليفونه و خرج به ليتحدث بالخارج و بعد ان انهي المكالمة امسكه عز
عز : يا تفتح بوقك دلوقتي و تقولي الزفت اللي مشغلك فين يا اما
العامل : انا معرفش حاجه انت بتتكلم على ايه
اكرم : انا قلتلك يا عز البوليس هيخليه يتكلم انت اللي حنين
مصطفى : و الله انتو الاتنين حنينين انا قلتلكوا عم مسعد الجزار هيخلص الحكاية
العامل : بلاش هيموتني لو اتكلمت
عز : انا اللي هقتلك لو متكلمتش اما لو اتكلمت هو مش هيعيش لحد ما يجي يشوف مين اللي قال على مكانه
العامل : هو في المخزن بتاعه
اكرم : تعرف العنوان
العامل : ها لا
مصطفى : يبقى تعرف هتوه مش لسه هنتحايل هو زي الشاطر هيوصف الطريق و هو معانا و يبقى يغلط عشان نعلقه مكان عجل العيد عند عم مسعد
العامل : خلاص خلاص هاجي معاكوا
________________________________________
بالفيلا
دخلت عليا المطبخ
ام سمير : بتعملي ايه يا بنتي
عليا : هحضر اي حاجه للولاد يا ام سمير معملتش اكل انهارده
ام سمير : لا و الله انت مش هتمدي ايدك في حاجه انا هعمل كل حاجه انهارده
عليا : متتعبيش نفسك انا هحضر حاجه سريعه
ام سمير : اطلعي انت بس يا بنتي للولاد و انا هخلص كل حاجه و الا انت مش عاجبك اكلي
عليا : مش قصدي و الله
ام سمير : خلاص يلا على بره و انا هخلص كل حاجه
عليا : حاضر ربنا يخليكي لينا الجرس بيرن هروح افتح
ذهبت عليا لتفتح الباب و لكنها صدمت