#اليتيمه وابن البصره
#بقلم هديل احمد
الفصل الثامن والعشرون
ڪوني امرأه ـلا تتباهى إلا بقوتها🧁💙.
……………………………
ليث: مااطول عليج بس عسكريه ممنوووع
ايه: تمام ماراح ادخل بس ممنوووع دتسمع ممنوع تحجي وياي سبوع كامل
ليث: اي تمام
ايه: باييي
ليث: باي
.
.
رنا: نمت ومحسيت الا ساعه 6 يجوز نمت هوايه كمت سبحت وبدلت نزلت سويت ريوك كعدت البنات وكعدت الولد لان ليث ومهدي عدهم شغل وصكر يوصلنا للكليه والمدرسه. كملنا الريوك وكلعاده وصل البنات وبعدين وصلني نزلت كعدت بلكفتريا الي بلكليه انتضر نارين جان يجي ضرغام
ضرغام: صباح الخير
رنا: صباح النور
ضرغام: شوو وحدج كاعده نارين وين
رنا: مااعرف خلي اخابرها ..دكيت عليها ثاني رنه جاوبت ...ها ولج شو مااجيتي
نارين: اليوم مااكدر اجي
رنا: ليش
نارين: سالفه طويله
رنا: تمام چا انه اروح
نارين: اخذي راحتج باي
رنا: باي ..ماراح تجي
ضرغام: يجوز عدها ضروف
رنا: يجوز يلا خلنروح للقاعه بدا المحاضره .. دك دك دك( عود دكينا الباب 😂)
الدكتور: تفضل
رنا وضرغام: اتاخرنا؟
الدكتور: اجيتو بوكتكم يلا اتفضلو راح نبدي نشرح
رنا: كعدنا وبدا يشرح بعد ساعه يلا خلص المحاضره الاولى
والثانيه والثالثه والرابعه همات كل محاضره ساعه ..اجا وكت ارجع للبيت خابرت صكر كال اطلعي انه ودااركب بالسياره خابرتني نارين ..ها ولج
نارين: رنا تعالي لبيتي هذا العنوان .....ولون الباب اسود وابيض
رنا: مسافه الطريق ويمج ...صكر اخذني لبيت نارين
صكر: اووككك
رنا: وصلنا بيت نارين دكينا الباب طلعتنا وطببتنا جوه للاستقبال جان ابوها كاعد سلمنا عليه ورحت ويا نارين للمطبخ ..احجي ولج شكو
نارين: هوا ابويه يريد يسجل املاكه باسمي ف راد شهود وانه كلت للجوارين يصيرون الشهود وانتي وزوجج هم الشيخ بعد شوي يجي
رنا: ادللي كلبي
نارين: اروح افتح الباب ..دخل الشيخ والجوارين كعدو بل استقبال والشيخ كال .......
.
.
.
ايه: كعدت بل 6 الصبح ضايجه والعصبيه فووول يعني اتعارك ويا ذبابين وجهي كعدت ع درج وجود وسعاد طلعو من الغرفه ووكفو فوك راسي كلت. هاا ماتنزلون شكو واكفين. يلاا اريد اتزقنب 😒
جود: شبيج ضايجه ومتعصبه
ايه: جود ماليه خلك يرحم والديك انزل 😒
جود:هسه غير تنطينه مجال حتى ننزل كاعده بنص الدرج
ايه: ديلاا انزلل جلاله الملك 😒
جود: احم 😌 المهم روحي حضري روحج وتعاي اكلي
ايه: 😒
جود:الله اليستر من هلنضره. نزلت وكلت لل سعاد سوي ريوك
سعاد: اوووفف
جود: شبيج تأفئفئن شكو
سعاد: ماكو شي 😑
جود: ديلا سوي اكل 😒
ايه: رحت سبحت وبدلت نزلت. اجو امي وابوي لان ابوي عنده دوام وهو موظف.
ابو جود وام جود: صباح الخير
الكل: صباح النور
ايه: كاعده اكل واحجي بكلبي. هسه بس لو اريد اعرف ليش مايخليني ادخل كليه عابتت 😑 ذبيت خاشوكه الجاي
بعصبيه. محد حجه وياي. اووف يعنيي مو داتشوفوني ضايجه ومتعصبه ليش ماتحاجوني الله اكبر عليكمم 😒😑
ابو جود: شبيها اميرتي ضايجه. جود شمسويلها
جود: الله اكبر انه شعليه 😐
سعاد: اصلا هيه من كعدت متعصبه ماادري شبيها 😏
ايه: وشبيج عيني ماعاجبج الوضع وتعوجين بحلكلج 😒
ام جود: بسكم من صباحيات الله
ابو جود: لا انه متاكد بنيتي احد مضوجها. (وهو يباوع ع جود)
جود: يابه شبيك تباوع عليه ترا والله مامسويلها شي هاي شبيكم 😐 الكل سكت فجئه ايه حجت وخلتهم يفزون
ايه: جوود
جود: اسم الله الرحمن شبيج
ايه: جود البارحه مو علساس ادخل كليه عسكريه
الكل ماعده جود: شنوو 😳
جود: اي صح
ايه: بطلت بعد مااريد ادخل
جود: كح كح كح 😳
ام جود: اسم الله يمه شبيك
جود: صدكك تحجين
ايه: قابل اتشاقه
جود: چا الحمدلله
ايه: 🙂🙂 يلا جود وصلني لل مدرسه لان اليوم الخط مايجي عليه
جود: چا خليني اكل
ايه: 😒
بعد مرور نص ساعه
ايه: جووودد يلاا
جود: اوكفيي. يلا كومي
ايه: صعدت بلسياره اجا انوير
انور: ها وين
جود: اوصل ايه للمدرسه واجي للمركز
انور: تمام لعد اجي وياكم
ركبو السياره وانور ندار ع ايه وكال
انور: اي سياده الضابط شو ضايج
ايه: احنا قررنا انو ادخل كليه عسكريه بس للاسف حلمي محاميه
انور: انتي يوميه تحلمين بشي
ايه: اخخ منك ليث بس لو ادري ليش متقبل ....قابل نبقه ع حلم واحد
جود: تره ميستاهل الضوجه والعصبيه من الصبح
ايه: اووف خلي انزل ..نزلت ودخلت للمدرسه وانه عصبيتي فوول واول درس جان الرياضيات انه والرياضيات مانتراهم. المدرسه ضلت تشرح وانه مو يمها.
المدرسه: ايه انتبهي
ايه: لو بيدي اكوم واشبعج كتل ...منتبها
المدرسه: احجي بأدب
ايه: دتشوفيني جايه احجي بلكيميا
المدرسه: عيون صلفه
ايه: هذا من اخلاقج العاليه
المدرسه: وين وصلنا
ايه: وصلتي لكبر ايه 😒 ....دك
.
.
.
الشيخ: ابو حسين (يقصد ع ابو نارين) بنيتك اجتني وكالت ابوي يريد يسجل املاكه ووصايته
ابو نارين: اي شيخنا صحيح وانه جبتك انت لان تخاف الله وانه اعرفك من زمان خوش زلمه والكاعدين هم اعرفهم خوش
زلم وينشد الضهر بيهم. انه اريد اسجل املاكي بأسم بنتي واكتب الوصايه انو محد يسوي فاتحتي غير نارين لان بس هيه وكفت وياي
نارين: انت ابوي وانه ماسويت شي بس اريد احصل جزء من تعبك اتجاهي من انه وصغيره انت وياي وماتقبل احد يمسني وهذا واجبي اعتني بيك
ابو نارين: بارك الله بيج ..اي شيخنا
الشيخ: هاي راح اكتب الوصايه وهاي ورقه الملكيه راح اسجل الملكيه بأسم بنتك. تعاي بنيتي نارين يمي علمود انتي تكتبين
نارين: رحت يم الشيخ وكتبت اسمي واسم ابوي ووقعت
وابوي هم وقع وكتب الوصايه والجوارين وصكر ورنا صارو شهود
الشيخ: هاي كملنا هذا النسخه عوفه يمك وهاي يمي
ابو نارين: مشكور منكم وماانسالكم هلمعروف
الكل: لا بالعكس
الكل راح بس رنا وصكر بقو
صكر: احنا نترخص عمي ونشالله تتشافى باسرع وكت
ابو نارين: بويه نارين صبي الغده ماتطلعون من بيتي اذا ماتتغدون
صكر: غير يوم نشالله
ابو نارين: لا ابني ابقو يجوز غير يوم تجون ماتلكوني
صكر: كول يالله عمي نشالله ترجع مثل قبل
نارين: امشي رنا نصب الاكل..رحنا صبينا الغده وكعدنا نتغده ..خلصنا وصكر كال
صكر: نشالله ماانجيكم الا بالافراح
ابو نارين: نشالله بويه
صكر: يلا رنا
رنا: سلمت ع ابو نارين ونوب سلمت ع نارين ورجعنا للبيت داننزل السياره وكلت. صكررر البنات نسيناهن 😳
صكر: خرببب دنزلي انزلي دااروح اجيبهن انه
رنا: نزلت من السياره وجان توكف سياره يم للباب وينزلن البنات. ولجنن منو هذا الي وصلجن
صكر: طايحات الحظ شلون تجن بسياره غريب. فجئه سمعنه صوت اندارينه كلنه ع سياره
ايه: له له منو الغريب
رنا: ايهه شجابج هناا ومنو هذا
ايه: هذا انور صديق الطفوله
صكر: تعالو ادخلو جوه
انور: لا والله تأخر الوكت ع دوامي اخذت اجازه زمنيه حتى اوصل ايه لل بيت
صكر: تعبناك والله اعذرنه خويه
انور: لا شسالفه تعبك راحه
رنا: بوست ايه وهمستلها. الله سترج ليث ماموجود 😂
ايه: عابت اصلا مااحاجي اسبوع كامل
رنا:ليش ولج
ايه:سالفه طويله من اوصل اخابرج
انور: يلاا ايوووو
ايه: 😒😒
.
.
تاليا: كملنا دروسنا وطلعنه من المدرسه انتضرنه صكر ماكو ليمى اجت ايه وكالت
ايه:ها بنات شو واكفات هنا
راما:جاي ننتضر صكر بس اتأخر
ايه: چا تعالو انه اوصلكم جود راح يجي ياخذنا
يارا:لا عمري مايحتاج
ايه:انجبن. ها اجا جود تعالن.
انور: يلا ايوو
ايه: چا جود وينه
انور: جود افندي عود علساس عنده شغل وخلاني اخذ اجازه زمنيه
ايه: اها چا دانوصل بنات عم رنا هم
انور: ديلا اصعدن.
تاليا: صعدنه وانه اكول بكلبي عشتوو شكد مغرور بس هو ضل يباوعلي سويلته هيج 😒 خزرني يمه كبل نزلت راسي عابت 😐 وصلنا لل بيت وصار الي صار 👆
.
.
ايه: رجعنه من بيت رنا وبلطريق انور كال
انور: اكلج ايو
ايه: اكررههه هل لقببب
انور: اقصد ايه
ايه: احم نعم كول
انور: هاي البنيه الي جانت لابسه شال زيتوني ع لون عيونها شنو اسمها
ايه بغباء:وين اكو بنت تلبس لون عيونها 😐
انور: ولجج غبيه اقصد ع بنيه بنت عم رناا
ايه: اهاااا دكول هيج قصدك ع تاليا
انور: ههههه عصير داليا 😂
ايه:هه هه هه مضحك 😐
انور: شكد مغروره
ايه: انه انه مغروره
انور: عابت هلوجه قصدي ع عصير داليا
ايه: شكد راح اشوف انتم تصيرون البعض
انور: خايبببه انجبي ويلا ادعبلي منا.
ايه: 😋😋😋 نزلت من السياره ورحت تغديت امي وسعاد الضاهر نايمات المهم اكلت وغسلت المواعين ورحت سولفت لل رنا وخربت ضحك الحقيره انه الها 😒😂نمت بس كعدت
من وكت لان عندي امتحان. انه طبيعتي من ادرس لازم اكعد ع درج ف كعدت ادرس ونزلت سعاد ووكفت يم راسي وكالت
سعاد: هييي كومي بيت شكبره وشعرضه كاعده هنا
ايه: اول شي بكيفي ثاني شي لاترفعين صوتج ثالث شي البيت بيت ابوي وين اكعد انه حره مفهووم
سعاد: انجبي حقيرهه
ايه: كالتلي هيج ودفعتني من الدرج بس انه قاومت وكمت الها وضريتها راجدي وكلتلها. باعي لجج منو انتي وتمدين ايدج عليههه حيوانهه. اجت سعاد مثل الثور وكامت تضربني وانه
هم ماقصرت طلعت حركت كبي بيها نتفت شعرها وخرمشتها. ولجج ام الطلايب انعل الخلفوجج اليومم مااطلع بنت ابويه لو مااكول لل جود عليج جنج ثور برازيلي تفووو عليجج الخايسهه
سعاد: اعلى مابخيلج اركبي
ايه: سكتي ام عطوبب ام الكملل الوصخه انعل ابوجج لابو الخلفجج. رحت وسديت الباب عليه. الحقيره انه اعلمها. بس امي وينها ليش ملطلعت 😐 معقوله مو بلبيت اووف ياربيي
#اليتيمه وابن البصره
#بارت29
#هديل احمد
:ابوي 💔 وحـق كـــل حرف بل قــــران اني مــــن اشتاكلــــك توجعنــــي حتى العافية
……....
رنا: ايه سولفلتلي شلون ليث ماقبل وشلون هيه منعته يحجي وياها متت ضحك سديت الخط من عدها اندك الباب مال الحوش طلع صكر يشوف منو جان طلعو بيت خالهم( ابو يوسف)
ابو يوسف: ها بناتي شلونجن
البنات: الحمدلله وانت
ابو يوسف : رنا ليش مارديتي عليه خومه مضوجج
رنا: لا خالي حشاك بس عبالي ع بنات
يوسف: قابل انتي زلمه 😂
صكر: ههههه مضحك
يوسف: دخلي نطب قابل نضل هنا
ام يوسف: تعالي احبيبه تعاي جاري ( يعني يمي )
صكر: جاري ابو محمد 😂
يوسف: انجب وخلي نسمع
صكر: رناا مهدي خابرني وكال تعال عدنا شغل ف انه حروح تمام مع السلامه
الكل. الله وياك
رنا: اخذ راحتك ..كعدت يم ام يوسف جان تهمسلي
ام يوسف: بنيتي ماكو شي بطنج
رنا بغباء: مبله اكو اكل
ام يوسف: 😂😂 ولج يعني ماحامل
رنا: بله هسه شكللها اكللها انه وصكر اخوان هسه شورطني وكعدت يمها ....هااه احم هوا
ام يوسف: لا تستحين انه امج يلا احجي
رنا: خرب مجايه تفهمني ...والله ياخاله مانريد هسه
ام يوسف: ولج ليش
رنا: بعدنا ماشفنا شي من حياتنه نلحك ع جهال وربي
ام يوسف: من اجي مره ثانيه اريد تبشريني انتي حامل
رنا: يمته تجين
ام يوسف: اسبوع الجاي
رنا: خرب حضي الفكر. ماكلت شي بس ضحكت ..😂😂
ام يوسف: شبيج تتمضحكين
رنا: لا بس اجا بالي سالفه
نورس: صارلكم ساعه تتهامسون وانه فضولي يردح
ام يوسف: نجبي ولج شتريدين
نورس: اريد اعرف ع شنو تتهامسون
يوسف: دعوفيهم يا عيني بلكي احم 😂
نورس: هوا شنو الاحم
رنا: صدك سميره وين
نورس: مااجت
رنا: كلت بكلبي بعد احسن ..ياا متشاقتلها ليش ماجبتوها
البنات ضلن هيج 😮 وبعدها....
:
:
:
ايه: ضليت بلغرفه كلت خلي اطلع اختنكت طلعت من الغرفه شفت امي هستوها طبت ..الله يساعدج
ام جود: يمه جيبيلي ماي وتعاي اكعدي يمي اريد احجي وياج
ايه: رحت جبتلها ماي وكعدت يمها...ها يمه سولفي
ام جود: يمه جنت يم جارتنه ف هيه تدري عندي بس بنيه والصراحه هيه شافتج وكالت اريد ايه لابني وانت تدرين ابنها عاقل ومحترم من الشغل للبيت
ايه: اني هنا اجا بالي ليث ولو مدري شيصير مااعوفه ..بس يمه تدرين انه شايله فكرة الزواج من بالي وبعدين عندي دراسه وعندي حلم همات وبعدني صغيره
ام جود : اعرف يابنتي وانه هم ماكلتلها موافقه لا كلت اخذ شورها وشور اخوها وابوها بعدين اردلج خبر وهيه خطيه ماحجت شي
ايه: يمه مااتزوج
ام جود: ليش ماترضين بقسمتج يابنتي مو اجاج خوش قسمه
ايه: اعصاب صار عندي فول وعيوني صارن حمر كلت .. يمه لخاطر ربج كافي مااتزوج يعني مااتزوج وسدي السالفه كوليلها ماتتزوج وخلاص
سعاد: وليش ماتتزوجين
ايه: انتي لاتدخلين بشي ميعنيج
سعاد: خاب طيري
ام جود: شبيها وجهج سعاد
سعاد: اهئ اهئ 😭 ايه شبعتي كتل
ام جود: اييه ليش ماتحترمين
ايه: رجاءا لا ادافعين لبنت اختج وانتي متعرفين شنو هيه مجرد جايه تمثل كبالج يعني مانتبهتي عليه بس انتبهتي ع بنت اختج مااكلتي شبي ايدج ليش مخرمش بس مع كل هذا مع الاسف
ام جود: ماشفت
ايه: اول مره ينزلن دموعي .. لخاطر ربج كافي ملييت تره بلحق توكفين بصفي مو بصف جنتج .بهل اثناء دخل ابوي وجود
ابو جود: شكو
ام جود: ماكو شي
جود: ايه شبيج
ايه: شكررااا مابيه شييي ..صعدت لغرفتي وقفلت الباب مسحت دموعي لان محد يستاهل انزل دموعي علموده كعدت اقره وانه العصاب عندي فول
جود: ايه افتحي
ايه: روح يم مرتك شعندك هنا
جود بعصبيه: ايييه افتحييي
ايه: خفت من عصبيته كمت وفتحتله ورجعت كعدت
جود: هاي شنو ايدج.
ايه: مرتك المحترمه بنت خالتك الشفيها ...حجيتله الصار
جود: والله الا اخليها تتندم
ايه: محجيت شي طلع جود وانه بس اسمع عياطه
...
جود: سعااااااد
سعاد بتوتر: هاا
جود: تعاي وراي ..لزمتها من زندها وكلت. ليش تمدين ايدج ع ايه هااا
سعاد: هيه البدت بل اول
جود: والج عين تجذبين هسه تشيلين غراضج وتولين لبيت اهلج
سعاد: لا الله يخيلك والله بعد مااعيدها
جود: دااكللللج يلااااا ..شالت غراضها ولبست عباتها ونزلت
ام جود: شبيج وين رايحه
سعاد: اهئ خاله كوليله ممسويه شي والله
جود: سعاااااد يلا ..اخذتها لاهلها ورجعت.
.
.
....
نارين: من ابري سجل وصايته واملاكه باسمي حالته كامت تسوء وبلكوه يجر النفس الصراحه خفت عليه وحته ع دوام مجايه اروح اخذت اجازه اسبوعين وشرحتلهم الوضع الي اني بي ..رجعو اهلي من السفر
ام نارين: شبي ابوج
نارين: شلكم دخل
سهاد: هيييو احجي عدل
حسين : اكوم اكسر راسج
نارين: انت مد ايدك وشوف اذا ماخليتك تعفن بلسجن فلا اطلع بت ابوي
ام نارين: ولج عوبه لاترفعين صوتج ع اخوج
نارين: هذا هم يتسمه اخ كاضي يلعب ع بنات العالم حته كلمه معنده يوميه ويا وحده حته ميفكر عنده اخت. اأشر ع سهاد
سهاد: قابل بس انه اخته تفو عليج
نارين: تفو عليج يا بلا تربيه
حسين: بسسس
نارين: مالك شغل انت فتهمت وشكو رجعتو من بيت اخوج جان ضليتو بل اخير انتي فضلتيهم ع ابوي وصارو زلم براسنا
ولا عبالك جانو يطلعون حجي عليج وع بناتج بس جيب العنده عقل ويفكر تره بس هسه حاوينكم لان عبالهم تاخذون املاك ابوي تهي بهي
حسين: ناخذه وغصبآ عنج فتهمتي
نارين: هزيت بكتفي بمعنى ماادري ..بكيفكم يلا باي ..رحت وكعدت يم ابوي الي بلكوه يتنفس
ابو نارين: بمعزتي عندج يا نارين عوفيهم يحجون الي يردو ولاتنقهرين
نارين: هاي هيه بويه بس انت لا تنقهر اروح اسويلك شي تاكله
ابو نارين: مااشتهي
نارين: ابوي نام وكلشويه يكح ونفسه مايجي كعدت اتصفح بلتلفون لحد ماصار اذان الفجر كمت صليت ودعيت ونمت ..
....
رنا: يوميه نفس الروتين من الدوام للبيت ونارين اخذت اجازه اسبوعين وانه بهل اسبوعين شتاقيتلها خاف اروحلها وازعجها وخاف اخابرها وهيه مالها خلك اجا يوم صكر دخل للغرفه وكال
صكر: رنا لازم اكلج شي
رنا: كول خويه
صكر: انه لازم اطلكج
رنا: وجدي؟
صكر: اسمعي اول شي حرام تبقين ع ذمتي وانه وياج اخوان ثاني شي ماراح نكول لاحد وكأنما مامطلكين
رنا: چا خوش يمته نطلك
صكر: باجر نطلك
رنا: چا براحتك
( معجبات صكر لا تفرحن اجتكم غير رنا 😂 )
...
صكر: جنت طالع ويا مهدي للمعرض ف كتله اروح للبيت شوي واجي. انه تمشيت للبيت وجان تمر من كبالي بنيه تكول ملاك من كد ماحلوه مااعرف ليش ضليت اباوعلها استغفرت ربي
ورجعت للبيت وحته نسيت ع شنو اجيت شربت ماي ورجعت وهلبنيه هستوهه رادت اتطب ابيتهم باوعتلي ابتسمت ودخلت ياربي شبيه هاي وليش ابتسمت صرت يوميه اشوفها ترجع من المدرسه تبتسم وتدخل ياربي شبيها هلبنيه مرت اسبوعين
وهلبنيه يوميه اشوفها. ف مره جنت طالع يم الباب ورجعت من المدرسه هيه وصديقتها ف صديقتها نادتها عرفت انو هيه اسمها سرور. اةة يا سرور اخذتي عقلي 🥺 ثاني يوم رحت انتضرها شوكت تطلع من المدرسه. طلعت وصحتها
صكر: سرور
سرور: نعم
صكر: عادي نحجي شويه
سرور: اي كول
صكر: تعاي بل سياره احسن
سرور: لا اعذرني مااصعد بلسياره
صكر: لاتخافين بس كلمتين وانزلي
سرور: لا والله مااكدر احجي هنا
صكر: تمام براحتج: باعي انتم يمكن جديد اجيتو ل منطقتنه مو صح
سرور: اي صح اني من عماره
صكر: حياكم الله
سرور: تسلم. شنو هو السالفه الي تريد تحاجيني بيها
صكر: باعي من الاخير ومااريد العب عليج لان اني هم عندي خوات. واخاف ع عرضي اني حبيتج حب شريف يشهد الله واول ما شفتج حبيتج ف ماادري بعد
سرور: واني هم 🤗
صكر: شنو انتي هم 😳
سرور: اني هم حبيتك ☺️
صكر: صدك تحجين ياربي مامصدكك 😂
سرور: احم اني اتأخرت ع بيت
صكر: تعاي انه اوصلج
سرور: لا مااكدر
صكر: يعني ماتثقين بيه
سرور: لو جنت مااثق بيك مجان كلت احبك
صكر: لعد ليش ماتجين اوصلج
سرور: هسه ابوي واخوي موجودين بلبيت ف مااكدر
صكر: اها تمام براحتج چا. راحت وانه وصلت البيت وغميت نفسي. شكد غبي مااخذت رقمها 🤦♂️ يلا عود باجر. رحت ال رنا وكلتلها نتطلك لان هم صدك حرام ابقيها ع ذمتي.
.
.
.
نارين: مر يومين واليوم الصبح جنت كاعده اقره قران ابويه ناداني
ابو نارين: بويه نارين كحح انه كح اوصيج ع روحج. كح ديري بالج ع روحج.
نارين: يابه اهدء فدوه. سحبني وباسني براسي وجان لازم ايدي قويي وغمض عيونه ورخه ايده. اهنا اني عبالي ابوي نام بس جان اكو شي بداخلي خلاني اقيس النبض مالته. قست النبض و مجان يتنفس عرفت ابوي مات صرختت بعلوو صوتيي. ياااابببهههههه وللكككك يااااببببب كوووممم ابووس ايدكككك 😭😭😭
ام نارين: ها شكو شهلصراخ .. يبووووويييي ابوووو بيتييييي راااحححح نوورر عيوونيي راااححح
سهاد: ابووي راحح يمهه ابوي راحح 😭
حسين: لا يااببهه لاترروحح كووم اكعدلنهه 😭
نارين: انه حاضنه ابوي وابجي واسمع كلامهم. انداريت عليهم وكلتت. تووكممم حبيتووو توكمم عرفتو عدكم اببب هاااا ليمى مات من قهركممم توكم تبجون عليههه حسبي الله ونعم
الوكيل عليكمم 😭😭 ياااابببههه كوووومم يابه انت سنديي بلحياةةة اخخخخخخ كلبيييييي ياااابببب حركتت كلبيييي ياابببب ابوووس ايدكك كووم 😭 اجت سهاد ودفعتني
سهاد: كووميييي انتي موتيي ابوويي الله ينتقم منجج كح.... اخخخخ
نارين: ضربتها راشدي ووخرتها من ابويي. صوتي راح من ورا الصراخ حسين خابر عمامي وره نص ساعه اجو عمامي وولد عمامي وعمام ابوي والتمو الجوراين علينه شالو ابوي وغسلو وجفنو وعافو بلتابوت وجابو النا حتى نودعى
ياببب كووومم مو حلوه هل نومه الك ياابب ابو طول الحلوو كوووممممم ياااببب كسررتت ضهريييي 😭😭 ابجي والطم ع راسي يااابهه كووم خليني اني بمكانك ياب ماجان ع بالي فكره موتك كل الي باليي تبقالييي سنددد بلحيااةة 😭😭
سهاد: بابا حبيبي كووم والله بعد ماازعلك شتريد اسويلك 😭
(لعد من جان عايش اشو جنتي دايحه ويا امج شكد جذابه 😑😒 )
ام نارين: كووم اغديلك فدوه. وشكد اهدومها وملخت شعرها
نارين: اجو ولد عمامي 3 وحسين وياهم. شالو ابويه هو والتابوت. صرختت. عووفوو ابوويههه ولكمم ابويه ماميتتتت عوفووووو. اخذو وشيعو بلحوش
الزلم: لا اله االا الله. لا اله الا الله. اجا ابن عمي وكال يلا حضرو ارواحكم نروح ع نجف
نارين: اخذو ابوي وعافو بلسياره وانه طلعت. ولكمم جييبووو الله ياخذكممم جيبووو ابويييهههه ولكممم ابويهه ماميتتتتت ياااابببببههههه تعاااااللل لاتعوووفنييييي
بوووووحدددديييييي. واضرب ع راسييي طك من خشمي دم اجا ابن عمي وشالني وخلاني بل سياره. السياره محد بي بس اني وهو لككك سووكك اكثررر اريد اوصل ابويههه اخخخ بويه
اخخخ ياابهه تعاللل 😭 طليت الطم ع راسي وع ورجلي واكمزز اكو ناارر محترك بكلبي اريد اطفي بعد ماتطفى ليمه حسيت بشي اسود ونزل ع عيوني وبعد ماحسيت بشي
(اووفف قسمم كاعده اكتب ودموعي ينزل الله يرحم كل المسلمين والله يصبر كل عائله فاكده شخص عزيز. والله يقوي كل يتيمه مكسوره الضهر 😭💔🥺)
موسئ الي هوا ابن عم نارين: نارييين كومي نارين اخذتها للمستشفى ..دكتور شبيها
الدكتور: بنتكم بحاله صدمه وهيه عدها فقر دم ونوب اغمى عليها ادعيلها بلكي تكعد
موسى: تسلم متقصر ..ورا نص ساعه سمعت عياطها
نارين: ولكمممم ابوييي اريييدده ليششش اخذتووو ولك يابهه ارجعلي محد اليييي
موسى: اهدي نارين الله يخليج هذا يومه محد يكدر يرجعه كومي وخلي نروح للنجف
نارين: كومني وانه ضليت ابجي انهاريت كلش. وصلنا النجف نزلت ركض ..وخرو خلييي اطلع ابوويي ياضلااام ليش دخلتو ابوي هوا مكانه مووو هنا دتفهمون هوا كال مااعوفج ليش
دخلتو هسه ضلمه يمه ..صرت اشيل التراب بكل سرعتي اي اريد اطلع ابوي انهاريت كلشش
ام نارين: كومي بنتي 😭
نارين: وخرييي كله من وراكم مااات كله من وراكم حسبي الله 😭 .بويه كوم بعد منو اليه 😭.
عم نارين: كومي يابنتي واستغفري ربج لو البجي والطم يرجع الميت جان رجعو هواي ميتين
نارين: عوفونيييي انتم ردتوو يموووت اييي انتووو حته تاخذووون مكانه 😭 .
عم نارين الجبير: بنتي شجاي تحجين مكان اخويي اهنااا وياشر ع كلبه حضن نارين وكامو يبجون
نارين: عمي حضني وكام يبجي اني من كلت هيج مو ع عمامي لا بلعكس احب عمامي بس اني جان قصدي امي
واختي واخويي ....عموو طلع ابوي اترجاااك والله محلوه نومته هناااا 😭 ..عمي وكفني وحضني من چتافي وادموعه ينزل. اخذني بعيد عن ابوي
نارين: عموو وين ماخذنيي 😭
عم نارين: بنتي كافي هذا امر ربج وابوج من يشوفج هيج راح ينقهر ترضيها ابوج ينقهر
نارين: بس انه جاي ابجي علموده حتى هو يرجعلي
ابو موسى: لا بنتي ابوج راح ل دار حقه وهو اذا شافج فرحانه راح يطير من الفرح واذا شافج حزنانه راح يموت من القهر بس لا تنسي. ضلي اترحميله
نارين: عمي ابوي هنا ❤️ شلون انسى روحي 😭
ابو موسى: چا امسحي دموعج واترحميله وهسه نوصل ع بيت اقريله قران وصليله
نارين: ارتاحين ع كلام عمي بس شنو يكلي لا تبجين عليه. چا غير هذا ابوي ومن حقي ابجي عليه كلتله عمي خلي اروح
اشوفه 😭 . وصلت يم كبر ابوي شفت امي وسعاد وحسين يمه ويبجوون ...كوموو من يم ابويي هوا ميحبكمم افتهمتوو ميريدكمم كافيي تمثيل كومووو
.
حسين: نارييين كافيي مووبس ابوج هذا ابوي هم
سهاد: بويه كوم والله بعد مااسوي شي غلط 😭
نارين: بعد ايش هااا من بعد ما ماتتت هسه تندمتووو ولكمم كل طلابه جان يصير من وراكم بس ابوي يحلها وهسه راح نشوف منو يوكفلكم 😭 وخرو منا هذا ابوي وبسس. يابه كوم
ارجع ع بيت ونام والله محلوه نومتك هنا. صرخت بعلوه صوتي وكلت ..يانجف يمته ترحمينا مو كافيي اخذتي كل اعزاز كلبي كافيييي 😭
ام نارين: راح شمعه بيتي راححح منوو اليه بعد منو اليونسنه بعد كوم يابو حسين كووم
نارين: دفعت حسين وسهاد يم امي ..يابه ماارجع اذا انت مو وياي ليش هيج تخليني ابجيي كوم ادري بيك عايش كوم الله يخليك كوم اروحلك فدوه ..ولكم طلعو ابوي وخلوني بمكانه 😭
ابو موسى: يلا خلي نرجع ونسوي الفاتحه 💔
نارين: ابوي عاااايش افتهمتووو عايييش 😭 ..ولك يابهه كوووم ..كومني موسى وكال
موسى: كافي نارين مو زين والله
نارين: روحو انتو انه ابقه يم ابوي روحووو ..يلا ياام حسين روحي لتوكفين هنا 😭 ..سحبوني موسى وابن عمي الثاني ..عوفوني ماارجع والله اكتل روحيي عوفونيييييي.
وصرخخت دخييلككك يا امير المؤمنين ابوويي بأمانتككك دخيلكك يابو الحسنين ابوي ذمه بركبتكك 😭 دخيلكك ياعلييييي 😭 سحبوني وركبت بسياره موسى بس عمي ابو
موسى جان ويانه. عمييي فدوههه ليشش انه بقيت بلحيااةة 😭 ليش ربي مااخذني يم ابويي شكو عايشه.
ابو موسى: دخيلج بنتي كافي كطعتي كلبي
نارين: الطريق كله ابجي واتوسل بعمي يرجعني لابوي بس ميحجي شي وصلنا البيت شفت الجادر والافته مكتوب عليه انتقل الى رحمه الله الشيخ..... الف رحمه ونور عليك
...ابوووييي ماميييت شكوو كاتبين ااسمهه 😭
موسى: اشش ادخلي جوه لان الزلم بره
نارين: دخلني موسى جوه شفت نسوان عمامي وخالاتي وبيبيتي ام ابوي وبيبيتي ام امي والجوارين والكرايب من
بعيد الكل كاعد يبجي ويصيحون راح الشيخ بعد منو النه ...صرخت عليهن وكلت. ابووي ماميت افتهمت مااميت
ام نارين: تخبلت بنتي تخبلت 😭
نارين: اااااااااه. كعدت الطم وره ساعه تقريبا دخلن عماتي 2
عمتي سمر: ولكمممم خويههه رااح ابو طول الحلوو راحح ولججج يمهههه وليدجج راححح 😭
عمتي سحر: اخخخخ خووييهه كسررت ضهرنههه شووف بنتتتك راحح تتخبللل ورااكك
نارين: اجو عماتي وحضنني. عمهه ابوي رااحح رااح الغاليييي راحح 😭💔
سحر: ااااخخخ ولج مو بس ابوج ولج هوا ابووونه اتربينه ع ايده من بعد ابوي راحححح 😭
نارين: ليش محد يفهم ابوي ماميت والله ماميت 😭
سمر: ااااااخ هوا صديقنا واخوانه وابونا ليش عافنا ليييش 😭
الجده ام ابوي: راح ابو طول الحلو البيت ضلمه بدونك اااخ يا .... ( ماذكرنا الاسم) وين رحت وعفتنا بعد منو اليه ليش عفت امك لييش
نارين: شفت الكل يبجي ويصيح بأسم ابوي وانه اكوللهم ماميت بس محد يسمعني وكفت ع حيلي ابجي وكلت .. هسه ابوي يجي تعبان اروح احضرله عشه
الكل انهار وكام يبجي بل اكثر. .. لزمت عمتي وكلت. عمه كوليلهم ابوي كاعد بلديوان كوليلهم ابوي بعده عايش 😭
.
سهاد: ولكك يابههه ليش عفتنييي
نارين: صرخت بوجه سهاد وكلت ..انتيي انجبييي كله من وراج ومن ورا امج واخوووج ابوي مااااتتت ..عمتي كرصتني وهمستلي
سمر: ولجج لا بارك الله بيج شدعي عليج وهنا عشيره امج وابوج ويعجبهم السوالف ويخلون ملح ع هيج سوالف اسكتي وانلصميي. غيري الموضوع خلي يفض الفاتحه وانه الهن امج واختج
نارين: صح حجي عمتي. غيرت الموضوع. ياابهه تعال فدوهه يابه كسرت ضهريي ياب 😭 يابه البارحه نمت واني متأمله ع خبر صحتك وعافيتك واليوم الصبح كعدت ع موتكك ليشش هيج ليش
سحر: اخوويي رحتت وكسرت ضهرنه وراكك اخ كلبيييي 😭
.
.
.
رنا: اليوم مدري شلون خطر ع بالي اخابر نارين ..دكيت عليها مره مرتين ماكو ثالث مره دكيت طلعلي صوت بنيه تبجي واسمع صريخ يمها ...ناري شكووو
بنت عم نارين: انه بت عم نارين اليوم ابوها توفه 😭
رنا بشهكه: مااعرف ليش نزلن اتذكرت ابوي شريط حياتي كله اجا كبالي ..شنووو
بت عمها: اي والله يلا انه اروح 😭
رنا: الله وياج. طلعت ادور ع صكر مااكو رحت ليوسف لان اليوم هم اجونا. ( هاي سرعنه الاحداث لان يوميه نفس الروتين ) طلعت عليه وكلته ..يووسف اريد اروح لصديقتي اليوم ابوها مات
يوسف: يلا حضري نفسج انتضرج بلسياره
رنا: لبست عباه وشال اسود وطلعت . ركبت السياره انطيته العنوان وكتله سوق بسرعه. وصلنا وانه ركضت جوه شفت
نارين كاعده هيج مبينه مصدومه ودموعها تنزل وتكول ابوي ماميت. رحت حضنتها وكلت ..الله يرحمه حبيبتي هذا يومه بعد 😭
نارين: حسيت ع شخص حضني ويكلي الله يرحمه حبيبتي هذا يومه وانه سامعه هل صوت انداريت وشفت رنا ……